| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਪਬ੍ਬਜ੍ਜਾਕਥਾ
7. Pabbajjākathā
੩੧. ਪੋਰਾਣਾਨੁਪੋਰਾਣਾਨਨ੍ਤਿ ਪੁਰਾਣੇ ਚ ਅਨੁਪੁਰਾਣੇ ਚ ਭવਾਨਂ। ਏਕਸਟ੍ਠੀਤਿ ਏਕੋ ਚ ਸਟ੍ਠਿ ਚ, ਏਕੇਨ વਾ ਅਧਿਕਾ ਸਟ੍ਠਿ ਏਕਸਟ੍ਠਿ।
31.Porāṇānuporāṇānanti purāṇe ca anupurāṇe ca bhavānaṃ. Ekasaṭṭhīti eko ca saṭṭhi ca, ekena vā adhikā saṭṭhi ekasaṭṭhi.
ਤਤ੍ਰਾਤਿ ਤੇਸੁ ਏਕਸਟ੍ਠਿਮਨੁਸ੍ਸਅਰਹਨ੍ਤੇਸੁ। ਪੁਬ੍ਬਯੋਗੋਤਿ ਪੁਬ੍ਬੇ ਕਤੋ ਉਪਾਯੋ, ਪੁਬ੍ਬੂਪਨਿਸ੍ਸਯੋਤਿ ਅਤ੍ਥੋ। વਗ੍ਗਬਨ੍ਧੇਨਾਤਿ ਸਮੂਹਂ ਕਤ੍વਾ ਬਨ੍ਧੇਨ। ਤੇਤਿ ਪਞ੍ਚਪਞ੍ਞਾਸ ਜਨਾ। ਝਾਪੇਸ੍ਸਾਮਾਤਿ ਡਯ੍ਹਿਸ੍ਸਾਮ। ਨੀਹਰਿਂਸੂਤਿ ਗਾਮਤੋ ਨੀਹਰਿਂਸੁ। ਤੇਸੂਤਿ ਪਞ੍ਚਪਞ੍ਞਾਸਜਨੇਸੁ। ਪਞ੍ਚ ਜਨੇ ਠਪੇਤ੍વਾਤਿ ਸਮ੍ਬਨ੍ਧੋ। ਸੇਸਾਤਿ ਪਞ੍ਚਹਿ ਜਨੇਹਿ ਅવਸੇਸਾ। ਸੋਤਿ ਯਸੋ ਦਾਰਕੋ। ਤੇਪੀਤਿ ਚਤ੍ਤਾਰੋਪਿ ਜਨਾ। ਤਤ੍ਥਾਤਿ ਸਰੀਰੇ। ਤੇ ਸਬ੍ਬੇਪੀਤਿ ਯਸਸ੍ਸ ਮਾਤਾਪਿਤੁਭਰਿਯਾਹਿ ਸਦ੍ਧਿਂ ਸਬ੍ਬੇਪਿ ਤੇ ਸਹਾਯਕਾ। ਤੇਨਾਤਿ ਪੁਬ੍ਬਯੋਗੇਨ।
Tatrāti tesu ekasaṭṭhimanussaarahantesu. Pubbayogoti pubbe kato upāyo, pubbūpanissayoti attho. Vaggabandhenāti samūhaṃ katvā bandhena. Teti pañcapaññāsa janā. Jhāpessāmāti ḍayhissāma. Nīhariṃsūti gāmato nīhariṃsu. Tesūti pañcapaññāsajanesu. Pañca jane ṭhapetvāti sambandho. Sesāti pañcahi janehi avasesā. Soti yaso dārako. Tepīti cattāropi janā. Tatthāti sarīre. Te sabbepīti yasassa mātāpitubhariyāhi saddhiṃ sabbepi te sahāyakā. Tenāti pubbayogena.
ਆਮਨ੍ਤੇਸੀਤਿ ਕਥੇਸਿ।
Āmantesīti kathesi.
੩੨. ਦਿਬ੍ਬੇਸੁ વਿਸਯੇਸੁ ਭવਾ ਦਿਬ੍ਬਾ ਲੋਭਪਾਸਾਤਿ ਦਸ੍ਸੇਨ੍ਤੋ ਆਹ ‘‘ਦਿਬ੍ਬਾ ਨਾਮਾ’’ਤਿਆਦਿ। ਲੋਭਪਾਸਾਤਿ ਲੋਭਸਙ੍ਖਾਤਾ ਬਨ੍ਧਨਾ। ਅਸવਨਤਾਤਿ ਏਤ੍ਥ ਕਰਣਤ੍ਥੇ ਪਚ੍ਚਤ੍ਤવਚਨਨ੍ਤਿ ਆਹ ‘‘ਅਸવਨਤਾਯਾ’’ਤਿ। ਪਰਿਹਾਯਨ੍ਤੀਤਿ ਏਤ੍ਥ ਕੇਨ ਪਰਿਹਾਯਨ੍ਤੀਤਿ ਆਹ ‘‘વਿਸੇਸਾਧਿਗਮਤੋ’’ਤਿ। વਿਸੇਸਾਧਿਗਮਤੋਤਿ ਮਗ੍ਗਫਲਸਙ੍ਖਾਤਸ੍ਸ વਿਸੇਸਸ੍ਸ ਅਧਿਗਮਤੋ।
32. Dibbesu visayesu bhavā dibbā lobhapāsāti dassento āha ‘‘dibbā nāmā’’tiādi. Lobhapāsāti lobhasaṅkhātā bandhanā. Asavanatāti ettha karaṇatthe paccattavacananti āha ‘‘asavanatāyā’’ti. Parihāyantīti ettha kena parihāyantīti āha ‘‘visesādhigamato’’ti. Visesādhigamatoti maggaphalasaṅkhātassa visesassa adhigamato.
੩੩. ਅਨ੍ਤਂ ਲਾਮਕਂ ਕਰੋਤੀਤਿ ਅਨ੍ਤਕੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਲਾਮਕਾ’’ਤਿ। ‘‘ਹੀਨਸਤ੍ਤਾ’’ਤਿ ਇਮਿਨਾ ਅਨ੍ਤਕਸ੍ਸ ਸਰੂਪਂ ਦਸ੍ਸੇਤਿ। ਆਮਨ੍ਤਨਪਦਮੇਤਂ। ਤਨ੍ਤਿ ਰਾਗਪਾਸਂ। ਹੀਤਿ ਸਚ੍ਚਂ। ਸੋਤਿ ਮਾਰੋ ਪਾਪਿਮਾ। ਅਨ੍ਤਲਿਕ੍ਖੇ ਚਰਨ੍ਤਾਨਂ ਪਞ੍ਚਾਭਿਞ੍ਞਾਨਮ੍ਪਿ ਬਨ੍ਧਨਤ੍ਤਾ ਅਨ੍ਤਲਿਕ੍ਖੇ ਚਰਤਿ ਪવਤ੍ਤਤੀਤਿ ਅਨ੍ਤਲਿਕ੍ਖਚਰੋਤਿ વਚਨਤ੍ਥੇਨ ਰਾਗਪਾਸੋ ‘‘ਅਨ੍ਤਲਿਕ੍ਖਚਰੋ’’ਤਿ ਮਾਰੇਨ ਪਾਪਿਮਤਾ વੁਤ੍ਤੋ।
33. Antaṃ lāmakaṃ karotīti antakoti vacanatthaṃ dassento āha ‘‘lāmakā’’ti. ‘‘Hīnasattā’’ti iminā antakassa sarūpaṃ dasseti. Āmantanapadametaṃ. Tanti rāgapāsaṃ. Hīti saccaṃ. Soti māro pāpimā. Antalikkhe carantānaṃ pañcābhiññānampi bandhanattā antalikkhe carati pavattatīti antalikkhacaroti vacanatthena rāgapāso ‘‘antalikkhacaro’’ti mārena pāpimatā vutto.
੩੪. ਨਾਨਾਜਨਪਦਤੋਤਿ ਏਕਿਸ੍ਸਾਪਿ ਦਿਸਾਯ ਨਾਨਾਜਨਪਦਤੋ। ‘‘ਅਨੁਜਾਨਾਮਿ…ਪੇ॰… ਪਬ੍ਬਾਜੇਥਾ’’ਤਿਆਦਿਮ੍ਹਿ વਿਨਿਚ੍ਛਯੋ ਏવਂ વੇਦਿਤਬ੍ਬੋਤਿ ਯੋਜਨਾ। ਪਬ੍ਬਾਜੇਨ੍ਤੇਨ ਭਿਕ੍ਖੁਨਾ ਪਬ੍ਬਾਜੇਤਬ੍ਬੋਤਿ ਸਮ੍ਬਨ੍ਧੋ। ਯੇ ਪਟਿਕ੍ਖਿਤ੍ਤਾ ਪੁਗ੍ਗਲਾਤਿ ਯੋਜਨਾ। ਪਰਤੋਤਿ ਪਰਸ੍ਮਿਂ। ‘‘ਨ ਭਿਕ੍ਖવੇ…ਪੇ॰… ਪਬ੍ਬਾਜੇਤਬ੍ਬੋ’’ਤਿ ਪਾਲ਼ਿਂ (ਮਹਾવ॰ ੮੯) ਆਦਿਂ ਕਤ੍વਾਤਿ ਯੋਜਨਾ। ਤੇਤਿ ਪਟਿਕ੍ਖਿਤ੍ਤਪੁਗ੍ਗਲੇ। ਸੋਪਿ ਚਾਤਿ ਸੋਪਿ ਚ ਪੁਗ੍ਗਲੋ। ਅਨੁਞ੍ਞਾਤੋਯੇવ ਪਬ੍ਬਾਜੇਤਬ੍ਬੋਤਿ ਸਮ੍ਬਨ੍ਧੋ। ਤਸ੍ਸ ਚਾਤਿ ਪੁਗ੍ਗਲਸ੍ਸ ਚ, ਅਥ વਾ ਤੇਸਞ੍ਚ ਮਾਤਾਪਿਤੂਨਂ। વਚਨવਿਪਲ੍ਲਾਸੋ ਹੇਸ। ਅਨੁਜਾਨਨਲਕ੍ਖਣਂ વਣ੍ਣਯਿਸ੍ਸਾਮਾਤਿ ਸਮ੍ਬਨ੍ਧੋ।
34.Nānājanapadatoti ekissāpi disāya nānājanapadato. ‘‘Anujānāmi…pe… pabbājethā’’tiādimhi vinicchayo evaṃ veditabboti yojanā. Pabbājentena bhikkhunā pabbājetabboti sambandho. Ye paṭikkhittā puggalāti yojanā. Paratoti parasmiṃ. ‘‘Na bhikkhave…pe… pabbājetabbo’’ti pāḷiṃ (mahāva. 89) ādiṃ katvāti yojanā. Teti paṭikkhittapuggale. Sopi cāti sopi ca puggalo. Anuññātoyeva pabbājetabboti sambandho. Tassa cāti puggalassa ca, atha vā tesañca mātāpitūnaṃ. Vacanavipallāso hesa. Anujānanalakkhaṇaṃ vaṇṇayissāmāti sambandho.
ਏવਨ੍ਤਿ ਇਮਿਨਾ વੁਤ੍ਤਨਯੇਨ। ਚਸਦ੍ਦੋ વਾਕ੍ਯਸਮ੍ਪਿਣ੍ਡਨਤ੍ਥੋ। ਸਚੇ ਅਚ੍ਛਿਨ੍ਨਕੇਸੋ ਹੋਤਿ ਚ, ਸਚੇ ਏਕਸੀਮਾਯ ਅਞ੍ਞੇਪਿ ਭਿਕ੍ਖੂ ਅਤ੍ਥਿ ਚਾਤਿ ਅਤ੍ਥੋ। ਅਞ੍ਞੇਪੀਤਿ ਅਤ੍ਤਨਾ ਅਪਰੇਪਿ। ਭਣ੍ਡੂਤਿ ਮੁਣ੍ਡੋ, ਸੋਯੇવ ਕਮ੍ਮਂ ਭਣ੍ਡੁਕਮ੍ਮਂ। ਤਸ੍ਸਾਤਿ ਭਣ੍ਡੁਕਮ੍ਮਸ੍ਸ। ਓਕਾਸੋਤਿ ਪਬ੍ਬਜ੍ਜਾਯ ਖਣੋ। ‘‘ਓਕਾਸਂ ਨ ਲਭਤੀ’’ਤਿ વਤ੍વਾ ਤਸ੍ਸ ਕਾਰਣਂ ਦਸ੍ਸੇਤੁਂ વੁਤ੍ਤਂ ‘‘ਸਚੇ’’ਤਿਆਦਿ।
Evanti iminā vuttanayena. Casaddo vākyasampiṇḍanattho. Sace acchinnakeso hoti ca, sace ekasīmāya aññepi bhikkhū atthi cāti attho. Aññepīti attanā aparepi. Bhaṇḍūti muṇḍo, soyeva kammaṃ bhaṇḍukammaṃ. Tassāti bhaṇḍukammassa. Okāsoti pabbajjāya khaṇo. ‘‘Okāsaṃ na labhatī’’ti vatvā tassa kāraṇaṃ dassetuṃ vuttaṃ ‘‘sace’’tiādi.
ਅવੁਤ੍ਤੋਪੀਤਿ ਏਤ੍ਥ ਪਿਸਦ੍ਦੋ વੁਤ੍ਤੋ ਪਨ ਕਾ ਨਾਮ ਕਥਾਤਿ ਦਸ੍ਸੇਤਿ। ਉਪਜ੍ਝਾਯਂ ਉਦ੍ਦਿਸ੍ਸ ਪਬ੍ਬਾਜੇਤੀਤਿ ਏਤ੍ਥ ਪਬ੍ਬਜ੍ਜਾ ਚਤੁਬ੍ਬਿਧਾ ਤਾਪਸਪਬ੍ਬਜ੍ਜਾ ਪਰਿਬ੍ਬਾਜਕਪਬ੍ਬਜ੍ਜਾ ਸਾਮਣੇਰਪਬ੍ਬਜ੍ਜਾ ਉਪਸਮ੍ਪਦਪਬ੍ਬਜ੍ਜਾਤਿ। ਤਤ੍ਥ ਕੇਸਮਸ੍ਸੁਹਰਣਂ ਤਾਪਸਪਬ੍ਬਜ੍ਜਾ ਨਾਮ વਕ੍ਕਲਾਦਿਗਹਣਤੋ ਪਠਮਮੇવ વਜਿਤਬ੍ਬਤ੍ਤਾ। ਇਸਿਪਬ੍ਬਜ੍ਜਾਤਿਪਿ ਤਸ੍ਸਾਯੇવ ਨਾਮਂ। ਕੇਸਮਸ੍ਸੁਹਰਣਮੇવ ਪਰਿਬ੍ਬਾਜਕਪਬ੍ਬਜ੍ਜਾ ਨਾਮ ਕਾਸਾਯਾਦਿਗਹਣਤੋ ਪਠਮਮੇવ વਜਿਤਬ੍ਬਤ੍ਤਾ। ਕੇਸਮਸ੍ਸੁਹਰਣਞ੍ਚ ਕਾਸਾਯਚ੍ਛਾਦਨਞ੍ਚ ਸਾਮਣੇਰਪਬ੍ਬਜ੍ਜਾ ਨਾਮ ਸਰਣਗਹਣਤੋ ਪਠਮਮੇવ વਜਿਤਬ੍ਬਤ੍ਤਾ। ਉਪਸਮ੍ਪਦਪਬ੍ਬਜ੍ਜਾ ਤਿવਿਧਾ ਏਹਿਭਿਕ੍ਖੁਉਪਸਮ੍ਪਦਪਬ੍ਬਜ੍ਜਾ ਸਰਣਗਹਣੂਪਸਮ੍ਪਦਪਬ੍ਬਜ੍ਜਾ ਞਤ੍ਤਿਚਤੁਤ੍ਥવਾਚਿਕੂਪਸਮ੍ਪਦਪਬ੍ਬਜ੍ਜਾਤਿ। ਤਤ੍ਥ ਏਹਿਭਿਕ੍ਖੂਪਸਮ੍ਪਦਪਬ੍ਬਜ੍ਜਾਯਂ ਕੇਸਮਸ੍ਸੁਹਰਣਾਦਿ ਸਬ੍ਬਂ ਏਕਤੋવ ਸਮ੍ਪਜ੍ਜਤਿ ‘‘ਏਹਿ ਭਿਕ੍ਖੂ’’ਤਿ ਭਗવਤੋ વਚਨੇਨ ਅਭਿਨਿਪ੍ਫਨ੍ਨਤ੍ਤਾ। ਸਰਣਗਹਣੂਪਸਮ੍ਪਦਪਬ੍ਬਜ੍ਜਾ ਸਾਮਣੇਰਪਬ੍ਬਜ੍ਜਸਦਿਸਾਯੇવ। ਕੇਸਮਸ੍ਸੁਹਰਣਞ੍ਚ ਕਾਸਾਯਚ੍ਛਾਦਨਞ੍ਚ ਸਰਣਗਹਣਞ੍ਚ ਞਤ੍ਤਿਚਤੁਤ੍ਥવਾਚਿਕੂਪਸਮ੍ਪਦਪਬ੍ਬਜ੍ਜਾ ਨਾਮ ਕਮ੍ਮવਾਚਾਗਹਣਤੋ ਪਠਮਮੇવ વਜਿਤਬ੍ਬਤ੍ਤਾ। ਤਤ੍ਥ ਸਾਮਣੇਰਪਬ੍ਬਜ੍ਜਂ ਸਨ੍ਧਾਯ વੁਤ੍ਤਂ ‘‘ਉਪਜ੍ਝਾਯਂ ਉਦ੍ਦਿਸ੍ਸ ਪਬ੍ਬਾਜੇਤੀ’’ਤਿ। ਉਪਜ੍ਝਾਯਂ ਉਦ੍ਦਿਸ੍ਸਾਤਿ ਉਪਜ੍ਝਾਯਸ੍ਸ વੇਯ੍ਯਾવਚ੍ਚਕਰਟ੍ਠਾਨਨਿਯਮਂ ਕਤ੍વਾ। ਪਬ੍ਬਜ੍ਜਾਕਮ੍ਮੇ ਅਤ੍ਤਨੋ ਇਸ੍ਸਰਿਯਮਕਤ੍વਾਤਿ ਅਤ੍ਥੋ। ਦਹਰੇਨ ਭਿਕ੍ਖੁਨਾ ਕੇਸਚ੍ਛੇਦਨਂ ਕਾਸਾਯਚ੍ਛਾਦਨਂ ਸਰਣਦਾਨਨ੍ਤਿ ਤੀਣਿ ਕਿਚ੍ਚਾਨਿ ਕਾਤਬ੍ਬਾਨਿਯੇવ। ਕੇਚਿ ‘‘ਸਰਣਾਨਿ ਪਨ ਸਯਂ ਦਾਤਬ੍ਬਾਨੀ’’ਤਿ ਪਾਠਂ ਇਧਾਨੇਤ੍વਾ ਦਹਰੇਨ ਭਿਕ੍ਖੁਨਾ ਸਰਣਾਨਿ ਨ ਦਾਤਬ੍ਬਾਨੀਤਿ વਦਨ੍ਤਿ, ਤਂ ਨ ਗਹੇਤਬ੍ਬਂ ਦਹਰਸ੍ਸ ਭਿਕ੍ਖੁਤ੍ਤਾ, ਭਿਕ੍ਖੂਨਂ ਪਬ੍ਬਾਜੇਤੁਂ ਲਭਨਤ੍ਤਾ ਚ। ਉਪਜ੍ਝਾਯੋ ਚੇ ਕੇਸਚ੍ਛੇਦਨਞ੍ਚ ਕਾਸਾਯਚ੍ਛਾਦਨਞ੍ਚ ਅਕਤ੍વਾ ਪਬ੍ਬਜ੍ਜਤ੍ਥਂ ਸਰਣਾਨਿਯੇવ ਦੇਤਿ, ਨ ਰੁਹਤਿ ਪਬ੍ਬਜ੍ਜਾ ਪਬ੍ਬਜ੍ਜਾਯ ਅਕਤ੍ਤਬ੍ਬਤ੍ਤਾ। ਕਮ੍ਮવਾਚਂ ਸਾવੇਤ੍વਾ ਉਪਸਮ੍ਪਾਦੇਤਿ, ਰੁਹਤਿ ਉਪਸਮ੍ਪਦਾ ਅਪਤ੍ਤਚੀવਰਾਨਂ ਉਪਸਮ੍ਪਦਸਿਦ੍ਧਿਤੋ, ਕਮ੍ਮવਿਪਤ੍ਤਿਯਾ ਅਭਾવਤੋ ਚ। ਖਣ੍ਡਸੀਮਨ੍ਤਿ ਉਪਚਾਰਸੀਮਟ੍ਠਂ ਬਦ੍ਧਸੀਮਂ। ਪਬ੍ਬਾਜੇਤ੍વਾਤਿ ਕੇਸਚ੍ਛੇਦਨਂ ਸਨ੍ਧਾਯ વੁਤ੍ਤਂ ‘‘ਕਾਸਾਯਾਨਿ ਅਚ੍ਛਾਦੇਤ੍વਾ’’ਤਿ ਕਾਸਾਯਚ੍ਛਾਦਨਸ੍ਸ વਿਸੁਂ વੁਤ੍ਤਤ੍ਤਾ। ਸਾਮਣੇਰਸ੍ਸ ਸਰਣਦਾਨਸ੍ਸ ਅਰੁਹਤ੍ਤਾ ‘‘ਸਰਣਾਨਿ ਪਨ ਸਯਂ ਦਾਤਬ੍ਬਾਨੀ’’ਤਿ વੁਤ੍ਤਂ। ਪੁਰਿਸਂ ਪਬ੍ਬਾਜੇਤੁਨ੍ਤਿ ਸਮ੍ਬਨ੍ਧੋ। ਹੀਤਿ ਸਚ੍ਚਂ। ਆਣਤ੍ਤਿਯਾਤਿ ਭਿਕ੍ਖੂਨਂ ਆਣਤ੍ਤਿਯਾ। ਯੇਨ ਕੇਨਚੀਤਿ ਗਹਟ੍ਠਪਬ੍ਬਜਿਤੇਸੁ ਯੇਨ ਕੇਨਚਿ।
Avuttopīti ettha pisaddo vutto pana kā nāma kathāti dasseti. Upajjhāyaṃ uddissa pabbājetīti ettha pabbajjā catubbidhā tāpasapabbajjā paribbājakapabbajjā sāmaṇerapabbajjā upasampadapabbajjāti. Tattha kesamassuharaṇaṃ tāpasapabbajjā nāma vakkalādigahaṇato paṭhamameva vajitabbattā. Isipabbajjātipi tassāyeva nāmaṃ. Kesamassuharaṇameva paribbājakapabbajjā nāma kāsāyādigahaṇato paṭhamameva vajitabbattā. Kesamassuharaṇañca kāsāyacchādanañca sāmaṇerapabbajjā nāma saraṇagahaṇato paṭhamameva vajitabbattā. Upasampadapabbajjā tividhā ehibhikkhuupasampadapabbajjā saraṇagahaṇūpasampadapabbajjā ñatticatutthavācikūpasampadapabbajjāti. Tattha ehibhikkhūpasampadapabbajjāyaṃ kesamassuharaṇādi sabbaṃ ekatova sampajjati ‘‘ehi bhikkhū’’ti bhagavato vacanena abhinipphannattā. Saraṇagahaṇūpasampadapabbajjā sāmaṇerapabbajjasadisāyeva. Kesamassuharaṇañca kāsāyacchādanañca saraṇagahaṇañca ñatticatutthavācikūpasampadapabbajjā nāma kammavācāgahaṇato paṭhamameva vajitabbattā. Tattha sāmaṇerapabbajjaṃ sandhāya vuttaṃ ‘‘upajjhāyaṃ uddissa pabbājetī’’ti. Upajjhāyaṃ uddissāti upajjhāyassa veyyāvaccakaraṭṭhānaniyamaṃ katvā. Pabbajjākamme attano issariyamakatvāti attho. Daharena bhikkhunā kesacchedanaṃ kāsāyacchādanaṃ saraṇadānanti tīṇi kiccāni kātabbāniyeva. Keci ‘‘saraṇāni pana sayaṃ dātabbānī’’ti pāṭhaṃ idhānetvā daharena bhikkhunā saraṇāni na dātabbānīti vadanti, taṃ na gahetabbaṃ daharassa bhikkhuttā, bhikkhūnaṃ pabbājetuṃ labhanattā ca. Upajjhāyo ce kesacchedanañca kāsāyacchādanañca akatvā pabbajjatthaṃ saraṇāniyeva deti, na ruhati pabbajjā pabbajjāya akattabbattā. Kammavācaṃ sāvetvā upasampādeti, ruhati upasampadā apattacīvarānaṃ upasampadasiddhito, kammavipattiyā abhāvato ca. Khaṇḍasīmanti upacārasīmaṭṭhaṃ baddhasīmaṃ. Pabbājetvāti kesacchedanaṃ sandhāya vuttaṃ ‘‘kāsāyāni acchādetvā’’ti kāsāyacchādanassa visuṃ vuttattā. Sāmaṇerassa saraṇadānassa aruhattā ‘‘saraṇāni pana sayaṃ dātabbānī’’ti vuttaṃ. Purisaṃ pabbājetunti sambandho. Hīti saccaṃ. Āṇattiyāti bhikkhūnaṃ āṇattiyā. Yena kenacīti gahaṭṭhapabbajitesu yena kenaci.
‘‘ਭਬ੍ਬਰੂਪੋ’’ਤਿ વਤ੍વਾ ਤਸ੍ਸ ਅਤ੍ਥਂ ਦਸ੍ਸੇਤੁਂ વੁਤ੍ਤਂ ‘‘ਸਹੇਤੁਕੋ’’ਤਿ। ਸਹੇਤੁਕੋਤਿ ਮਗ੍ਗਫਲਾਨਂ ਉਪਨਿਸ੍ਸਯੇਹਿ ਸਹ ਪવਤ੍ਤੋ। ਯਸਸ੍ਸੀਤਿ ਪਰਿવਾਰਯਸੇਨ ਚ ਕਿਤ੍ਤਿਯਸੇਨ ਚ ਸਮਨ੍ਨਾਗਤੋ। ਓਕਾਸਂ ਕਤ੍વਾਪੀਤਿ ਓਕਾਸਂ ਕਤ੍વਾ ਏવ। ਸਯਮੇવਾਤਿ ਨ ਅਞ੍ਞੋ ਆਣਾਪੇਤਬ੍ਬੋ। ਏਤ੍ਤੋਯੇવਾਤਿ ਦਸ੍ਸਨਟ੍ਠਾਨਤੋਯੇવ। ਅਸ੍ਸਾਤਿ ਪਬ੍ਬਜ੍ਜਾਪੇਕ੍ਖਸ੍ਸ। ਖਜ੍ਜੁ વਾਤਿ ਕਣ੍ਡੁવਨਂ વਾ। ‘‘ਕਚ੍ਛੁ વਾ’’ਤਿਪਿ ਪਾਠੋ, ਪਾਮਂ વਾਤਿ ਅਤ੍ਥੋ। ਪਿਲ਼ਕਾ વਾਤਿ ਫੋਟਾ વਾ। ਏਤ੍ਤਕੇਨਾਤਿ ਏਤਪਮਾਣੇਨ ਘਂਸਿਤ੍વਾ ਨ੍ਹਾਪਨਮਤ੍ਤੇਨ। ਅਨਿવਤ੍ਤਿਧਮ੍ਮਾਤਿ ਗਿਹਿਭਾવਂ ਅਨਿવਤ੍ਤਨਸਭਾવਾ। ਕਤਞ੍ਞੂਤਿ ਕਤਸ੍ਸੂਪਕਾਰਸ੍ਸ ਜਾਨਨਸੀਲਾ। ਕਤવੇਦਿਨੋਤਿ ਕਤਞ੍ਞੂਪਕਾਰਸ੍ਸ વੇਦਂ ਪਾਕਟਂ ਕਰੋਨ੍ਤੋ।
‘‘Bhabbarūpo’’ti vatvā tassa atthaṃ dassetuṃ vuttaṃ ‘‘sahetuko’’ti. Sahetukoti maggaphalānaṃ upanissayehi saha pavatto. Yasassīti parivārayasena ca kittiyasena ca samannāgato. Okāsaṃ katvāpīti okāsaṃ katvā eva. Sayamevāti na añño āṇāpetabbo. Ettoyevāti dassanaṭṭhānatoyeva. Assāti pabbajjāpekkhassa. Khajju vāti kaṇḍuvanaṃ vā. ‘‘Kacchu vā’’tipi pāṭho, pāmaṃ vāti attho. Piḷakā vāti phoṭā vā. Ettakenāti etapamāṇena ghaṃsitvā nhāpanamattena. Anivattidhammāti gihibhāvaṃ anivattanasabhāvā. Kataññūti katassūpakārassa jānanasīlā. Katavedinoti kataññūpakārassa vedaṃ pākaṭaṃ karonto.
ਅਨਿਯ੍ਯਾਨਿਕਕਥਾਤਿ ਯਾવਦਤ੍ਥਂ ਸੁਪਿਤ੍વਾ ਯਾવਦਤ੍ਥਂ ਭੁਞ੍ਜੀਤ੍વਾ ਚਿਤ੍ਤਕੇਲ਼ਿਂ ਕਰੋਨ੍ਤੋ ਅਨੁਕ੍ਕਣ੍ਠਿਤੋ વਿਹਰਾਹੀਤਿਆਦਿਕਾ ਕਥਾ। ਨਕਥੇਤਬ੍ਬਂ ਦਸ੍ਸੇਤ੍વਾ ਕਥੇਤਬ੍ਬਂ ਦਸ੍ਸੇਨ੍ਤੋ ਆਹ ‘‘ਅਥਖ੍વਸ੍ਸਾ’’ਤਿ। ਅਸ੍ਸਾਤਿ ਪਬ੍ਬਜ੍ਜਾਪੇਕ੍ਖਸ੍ਸ। ਆਚਿਕ੍ਖਨਾਕਾਰਂ ਦਸ੍ਸੇਨ੍ਤੋ ਆਹ ‘‘ਆਚਿਕ੍ਖਨ੍ਤੇਨ ਚਾ’’ਤਿਆਦਿ। વਣ੍ਣ…ਪੇ॰… વਸੇਨਾਤਿ વਣ੍ਣੋ ਚ ਸਣ੍ਠਾਨਞ੍ਚ ਗਨ੍ਧੋ ਚ ਆਸਯੋ ਚ ਓਕਾਸੋ ਚ, ਤੇਸਂ વਸੇਨ, ਆਚਿਕ੍ਖਿਤਬ੍ਬਨ੍ਤਿ ਸਮ੍ਬਨ੍ਧੋ। ਹੀਤਿ ਫਲਜੋਤਕੋ, ਆਚਿਕ੍ਖਨਸ੍ਸ ਫਲਂ વਕ੍ਖਾਮੀਤਿ ਅਤ੍ਥੋ। ਸੋਤਿ ਪਬ੍ਬਜ੍ਜਾਪੇਕ੍ਖੋ। ਪੁਬ੍ਬੇਤਿ ਪੁਬ੍ਬਭવੇ, ਪਬ੍ਬਜਨਤੋ ਪੁਬ੍ਬੇ વਾ। ਕਣ੍ਟਕવੇਧਾਪੇਕ੍ਖੋ ਪਰਿਪਕ੍ਕਗਣ੍ਡੋ વਿਯ ਞਾਣਂ ਪવਤ੍ਤਤੀਤਿ ਯੋਜਨਾ। ਅਸ੍ਸਾਤਿ ਪਬ੍ਬਜ੍ਜਾਪੇਕ੍ਖਸ੍ਸ। ਇਨ੍ਦਾਸਨੀਤਿ ਸਕ੍ਕਸ੍ਸ વਜਿਰਾવੁਧੋ। ਸੋ ਹਿ ਇਨ੍ਦੇਨ ਅਸੀਯਤਿ ਖਿਪੀਯਤੀਤਿ ਇਨ੍ਦਾਸਨੀਤਿ વੁਚ੍ਚਤਿ। ਇਨ੍ਦਾਸਨਿ ਪਬ੍ਬਤੇ ਚੁਣ੍ਣਯਮਾਨਾ વਿਯ ਸਬ੍ਬੇ ਕਿਲੇਸੇ ਚੁਣ੍ਣਯਮਾਨਂਯੇવਾਤਿ ਯੋਜਨਾ। ਖੁਰਗ੍ਗੇਯੇવਾਤਿ ਖੁਰਸ੍ਸ ਕੋਟਿਯਮੇવ। ਖੁਰਕਮ੍ਮਪਰਿਯੋਸਾਨੇਯੇવਾਤਿ ਅਤ੍ਥੋ। ਹੀਤਿ ਸਚ੍ਚਂ। ਤਸ੍ਮਾਤਿ ਯਸ੍ਮਾ ਪਤ੍ਤਾ, ਤਸ੍ਮਾ। ਅਸ੍ਸਾਤਿ ਪਬ੍ਬਜ੍ਜਾਪੇਕ੍ਖਸ੍ਸ।
Aniyyānikakathāti yāvadatthaṃ supitvā yāvadatthaṃ bhuñjītvā cittakeḷiṃ karonto anukkaṇṭhito viharāhītiādikā kathā. Nakathetabbaṃ dassetvā kathetabbaṃ dassento āha ‘‘athakhvassā’’ti. Assāti pabbajjāpekkhassa. Ācikkhanākāraṃ dassento āha ‘‘ācikkhantena cā’’tiādi. Vaṇṇa…pe… vasenāti vaṇṇo ca saṇṭhānañca gandho ca āsayo ca okāso ca, tesaṃ vasena, ācikkhitabbanti sambandho. Hīti phalajotako, ācikkhanassa phalaṃ vakkhāmīti attho. Soti pabbajjāpekkho. Pubbeti pubbabhave, pabbajanato pubbe vā. Kaṇṭakavedhāpekkho paripakkagaṇḍo viya ñāṇaṃ pavattatīti yojanā. Assāti pabbajjāpekkhassa. Indāsanīti sakkassa vajirāvudho. So hi indena asīyati khipīyatīti indāsanīti vuccati. Indāsani pabbate cuṇṇayamānā viya sabbe kilese cuṇṇayamānaṃyevāti yojanā. Khuraggeyevāti khurassa koṭiyameva. Khurakammapariyosāneyevāti attho. Hīti saccaṃ. Tasmāti yasmā pattā, tasmā. Assāti pabbajjāpekkhassa.
ਗਿਹਿਗਨ੍ਧਨ੍ਤਿ ਗੇਹੇ ਠਿਤਸ੍ਸ ਜਨਸ੍ਸ ਗਨ੍ਧਂ। ਅਥਾਪੀਤਿ ਯਦਿਪਿ ਅਚ੍ਛਾਦੇਤੀਤਿ ਸਮ੍ਬਨ੍ਧੋ। ਅਸ੍ਸਾਤਿ ਪਬ੍ਬਜ੍ਜਾਪੇਕ੍ਖਸ੍ਸ। ਆਚਰਿਯੋ વਾਤਿ ਸਰਣਦਾਨਾਚਰਿਯੋ વਾ ਕਮ੍ਮવਾਚਾਚਰਿਯੋ વਾ ਓવਾਦਾਚਰਿਯੋ વਾ। ਤਂਯੇવ વਾਤਿ ਪਬ੍ਬਜ੍ਜਾਪੇਕ੍ਖਮੇવ વਾ। ਤੇਨ ਭਿਕ੍ਖੁਨਾવਾਤਿ ਆਚਰਿਯੁਪਜ੍ਝਾਯਭਿਕ੍ਖੁਨਾ ਏવ।
Gihigandhanti gehe ṭhitassa janassa gandhaṃ. Athāpīti yadipi acchādetīti sambandho. Assāti pabbajjāpekkhassa. Ācariyo vāti saraṇadānācariyo vā kammavācācariyo vā ovādācariyo vā. Taṃyeva vāti pabbajjāpekkhameva vā. Tena bhikkhunāvāti ācariyupajjhāyabhikkhunā eva.
ਅਨਾਣਤ੍ਤਿਯਾਤਿ ਆਚਰਿਯੁਪਜ੍ਝਾਯੇਹਿ ਅਨਾਣਤ੍ਤਿਯਾ। ਇਮਿਨਾ ਆਚਰਿਯੁਪਜ੍ਝਾਯੇਹਿ ਅਨਾਣਤ੍ਤੇਨ ਯੇਨ ਕੇਨਚਿ ਨਿવਾਸਨਾਦੀਨਿ ਨ ਕਾਤਬ੍ਬਾਨੀਤਿ ਦਸ੍ਸੇਤਿ। ਭਿਕ੍ਖੁਨਾਤਿ ਆਚਰਿਯੁਪਜ੍ਝਾਯਭਿਕ੍ਖੁਨਾ। ਤਸ੍ਸੇવਾਤਿ ਪਬ੍ਬਜ੍ਜਾਪੇਕ੍ਖਸ੍ਸੇવ। ਉਪਜ੍ਝਾਯਮੂਲਕੇਤਿ ਉਪਜ੍ਝਾਯਮੂਲਕੇ ਨਿવਾਸਨਪਾਰੁਪਨੇ। ਅਯਨ੍ਤਿ વਿਨਿਚ੍ਛਯੋ।
Anāṇattiyāti ācariyupajjhāyehi anāṇattiyā. Iminā ācariyupajjhāyehi anāṇattena yena kenaci nivāsanādīni na kātabbānīti dasseti. Bhikkhunāti ācariyupajjhāyabhikkhunā. Tassevāti pabbajjāpekkhasseva. Upajjhāyamūlaketi upajjhāyamūlake nivāsanapārupane. Ayanti vinicchayo.
ਤਤ੍ਥਾਤਿ ਪਬ੍ਬਜ੍ਜੂਪਸਮ੍ਪਦਟ੍ਠਾਨੇ। ਤੇਸਨ੍ਤਿ ਭਿਕ੍ਖੂਨਂ। ਅਥਾਤਿ વਨ੍ਦਾਪਨਤੋ ਪਚ੍ਛਾ, વਨ੍ਦਾਪਨਸ੍ਸ ਅਨਨ੍ਤਰਾ વਾ। ‘‘ਏવਂ વਦੇਹੀ’’ਤਿ ਪਾਲ਼ਿਨਯਨਿਦਸ੍ਸਨਮੁਖੇਨ ‘‘ਯਮਹਂ વਦਾਮਿ, ਤਂ વਦੇਹੀ’’ਤਿ ਅਟ੍ਠਕਥਾਨਯਂ ਨਿਦਸ੍ਸੇਤਿ। ਅਥਾਤਿ ਤਦਨਨ੍ਤਰਂ। ਅਸ੍ਸਾਤਿ ਪਬ੍ਬਜ੍ਜਾਪੇਕ੍ਖਸ੍ਸ, ਦਾਤਬ੍ਬਾਨੀਤਿ ਸਮ੍ਬਨ੍ਧੋ। ਏਕਪਦਮ੍ਪੀਤਿ ਤੀਸੁ વਾਕ੍ਯਪਦੇਸੁ ਏਕਂ વਾਕ੍ਯਪਦਮ੍ਪਿ, ਨવਸੁ વਾ વਿਭਤ੍ਯਨ੍ਤਪਦੇਸੁ ਏਕਪਦਮ੍ਪਿ। ਏਕਕ੍ਖਰਮ੍ਪੀਤਿ ਚਤੁવੀਸਤਕ੍ਖਰੇਸੁ ਏਕਕ੍ਖਰਮ੍ਪਿ।
Tatthāti pabbajjūpasampadaṭṭhāne. Tesanti bhikkhūnaṃ. Athāti vandāpanato pacchā, vandāpanassa anantarā vā. ‘‘Evaṃ vadehī’’ti pāḷinayanidassanamukhena ‘‘yamahaṃ vadāmi, taṃ vadehī’’ti aṭṭhakathānayaṃ nidasseti. Athāti tadanantaraṃ. Assāti pabbajjāpekkhassa, dātabbānīti sambandho. Ekapadampīti tīsu vākyapadesu ekaṃ vākyapadampi, navasu vā vibhatyantapadesu ekapadampi. Ekakkharampīti catuvīsatakkharesu ekakkharampi.
ਏਕਤੋ ਸੁਦ੍ਧਿਯਾਤਿ ਏਕਸ੍ਸੇવ ਕਮ੍ਮવਾਚਾਚਰਿਯਸ੍ਸ ਠਾਨਕਰਣਸਮ੍ਪਤ੍ਤਿਯਾ ਸੁਜ੍ਝਨੇਨ। ਉਭਤੋ ਸੁਦ੍ਧਿਯਾવਾਤਿ ਉਭਯੇਸਂ ਸਰਣਦਾਨਾਚਰਿਯਸਾਮਣੇਰਾਨਂ ਸੁਜ੍ਝਨੇਨ ਏવ। ਠਾਨਕਰਣਸਮ੍ਪਦਨ੍ਤਿ ਉਰਆਦਿਟ੍ਠਾਨਾਨਞ੍ਚ ਸਂવੁਤਾਦਿਕਰਣਾਨਞ੍ਚ ਸਮ੍ਪਦਂ। વਤ੍ਤੁਨ੍ਤਿ ਠਾਨਕਰਣਸਮ੍ਪਦਂ વਤ੍ਤੁਂ। ਨ ਸਕ੍ਕੋਤੀਤਿ વਤ੍ਤੁਂ ਨ ਸਕ੍ਕੋਤੀਤਿ ਯੋਜਨਾ।
Ekatosuddhiyāti ekasseva kammavācācariyassa ṭhānakaraṇasampattiyā sujjhanena. Ubhato suddhiyāvāti ubhayesaṃ saraṇadānācariyasāmaṇerānaṃ sujjhanena eva. Ṭhānakaraṇasampadanti uraādiṭṭhānānañca saṃvutādikaraṇānañca sampadaṃ. Vattunti ṭhānakaraṇasampadaṃ vattuṃ. Na sakkotīti vattuṃ na sakkotīti yojanā.
ਇਮਾਨੀਤਿ ਸਰਣਾਨਿ। ਚਸਦ੍ਦੋ ਉਪਨ੍ਯਾਸੋ, ਪਨਸਦ੍ਦੋ ਪਦਾਲਙ੍ਕਾਰੋ। ਏਕਸਮ੍ਬਨ੍ਧਾਨੀਤਿ ਏਕਤੋ ਸਮ੍ਬਨ੍ਧਾਨਿ। ਅਨੁਨਾਸਿਕਨ੍ਤਂ ਕਤ੍વਾ ਦਾਨਕਾਲੇ ‘‘ਬੁਦ੍ਧਂ’’ਇਤਿ ‘‘ਸਰਣਂ’’ਇਤਿ ਪਦਾਨਞ੍ਚ ‘‘ਸਰਣਂ’’ਇਤਿ ‘‘ਗਚ੍ਛਾਮਿ’’ਇਤਿ ਪਦਾਨਞ੍ਚ ਅਨ੍ਤਰਾ વਿਚ੍ਛੇਦਮਕਤ੍વਾ ਏਕਸਮ੍ਬਨ੍ਧਮੇવ ਕਤ੍વਾ ਦਾਤਬ੍ਬਾਨੀਤਿ વੁਤ੍ਤਂ ਹੋਤਿ। ਕਸ੍ਮਾ ਤਿਣ੍ਣਂ ਪਦਾਨਮਨ੍ਤਰਾ ਬ੍ਯવਧਾਨਸ੍ਸ ਕਸ੍ਸਚਿ ਅਕ੍ਖਰਸ੍ਸ ਅਭਾવਤੋ। વਿਚ੍ਛਿਨ੍ਦਿਤ੍વਾਤਿ વਿਚ੍ਛੇਦਂ ਕਤ੍વਾ। ਮਕਾਰਨ੍ਤਂ ਕਤ੍વਾ ਦਾਨਕਾਲੇ ਤਿਣ੍ਣਂ ਪਦਾਨਮਨ੍ਤਰਾ ਏਕਸਮ੍ਬਨ੍ਧਮਕਤ੍વਾ વਿਚ੍ਛਿਨ੍ਦਿਤ੍વਾ ਏવ ਕਤ੍વਾ ਦਾਤਬ੍ਬਾਨੀਤਿ વੁਤ੍ਤਂ ਹੋਤਿ। ਕਸ੍ਮਾ? ਤਿਣ੍ਣਂ ਪਦਾਨਮਨ੍ਤਰਾ ਬ੍ਯવਧਾਨਸ੍ਸ ਨਿਸ੍ਸਰਸ੍ਸ ਮਕਾਰਸ੍ਸ ਅਤ੍ਥਿਭਾવਤੋ। ਅਨ੍ਧਕਟ੍ਠਕਥਾਯਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਤਨ੍ਤਿ વਚਨਂ, ‘‘ਨਤ੍ਥੀ’’ਤਿਪਦੇ ਕਤ੍ਤਾ, ‘‘ਨ વੁਤ੍ਤ’’ਨ੍ਤਿਪਦੇ ਕਮ੍ਮਂ। ਤਥਾਤਿ ‘‘ਅਹਂ ਭਨ੍ਤੇ ਬੁਦ੍ਧਰਕ੍ਖਿਤੋ’’ਤਿਆਦਿਨਾ ਆਕਾਰੇਨ, ਅવਦਨ੍ਤਸ੍ਸ ਸਰਣਂ ਨ ਕੁਪ੍ਪਤਿ, ਬੁਕਾਰਦਕਾਰਾਦੀਨਂ ਬ੍ਯਞ੍ਜਨਾਨਂ ਠਾਨਕਰਣਸਮ੍ਪਦਂ ਹਾਪੇਨ੍ਤਸ੍ਸੇવ ਸਰਣਂ ਕੁਪ੍ਪਤੀਤਿ ਅਧਿਪ੍ਪਾਯੋ।
Imānīti saraṇāni. Casaddo upanyāso, panasaddo padālaṅkāro. Ekasambandhānīti ekato sambandhāni. Anunāsikantaṃ katvā dānakāle ‘‘buddhaṃ’’iti ‘‘saraṇaṃ’’iti padānañca ‘‘saraṇaṃ’’iti ‘‘gacchāmi’’iti padānañca antarā vicchedamakatvā ekasambandhameva katvā dātabbānīti vuttaṃ hoti. Kasmā tiṇṇaṃ padānamantarā byavadhānassa kassaci akkharassa abhāvato. Vicchinditvāti vicchedaṃ katvā. Makārantaṃ katvā dānakāle tiṇṇaṃ padānamantarā ekasambandhamakatvā vicchinditvā eva katvā dātabbānīti vuttaṃ hoti. Kasmā? Tiṇṇaṃ padānamantarā byavadhānassa nissarassa makārassa atthibhāvato. Andhakaṭṭhakathāyaṃ vuttanti sambandho. Tanti vacanaṃ, ‘‘natthī’’tipade kattā, ‘‘na vutta’’ntipade kammaṃ. Tathāti ‘‘ahaṃ bhante buddharakkhito’’tiādinā ākārena, avadantassa saraṇaṃ na kuppati, bukāradakārādīnaṃ byañjanānaṃ ṭhānakaraṇasampadaṃ hāpentasseva saraṇaṃ kuppatīti adhippāyo.
‘‘ਤਿਕ੍ਖਤ੍ਤੁ’’ਨ੍ਤਿ ਇਮਿਨਾ ਸਕਿਂ વਾ ਦ੍વਿਕ੍ਖਤ੍ਤੁਂ વਾ ਨ વਟ੍ਟਤੀਤਿ ਦੀਪੇਤਿ। ਤਿਕ੍ਖਤ੍ਤੁਤੋ ਅਧਿਕਂ ਪਨ ਸਹਸ੍ਸਕ੍ਖਤ੍ਤੁਮ੍ਪਿ વਟ੍ਟਤਿਯੇવ। ਤਤ੍ਥਾਤਿ ਤਾਸੁ ਪਬ੍ਬਜ੍ਜਾਉਪਸਮ੍ਪਦਾਸੁ। ਪਰਤੋਤਿ ਪਰਸ੍ਮਿਂ। ਸਾਤਿ ਉਪਸਮ੍ਪਦਾ। ਪਬ੍ਬਜ੍ਜਾ ਪਨ ਅਨੁਞ੍ਞਾਤਾ ਏવਾਤਿ ਸਮ੍ਬਨ੍ਧੋ। ਪਰਤੋਪੀਤਿ ਪਿਸਦ੍ਦੋ ਪੁਬ੍ਬਾਪੇਕ੍ਖੋ। ਸਾਤਿ ਪਬ੍ਬਜ੍ਜਾ। ਏਤ੍ਤਾવਤਾਤਿ ਏਤ੍ਤਕੇਨ ਕੇਸਚ੍ਛੇਦਨਕਾਸਾਯਚ੍ਛਾਦਨਸਰਣਦਾਨੇਨ। ਹੀਤਿ ਫਲਜੋਤਕੋ।
‘‘Tikkhattu’’nti iminā sakiṃ vā dvikkhattuṃ vā na vaṭṭatīti dīpeti. Tikkhattuto adhikaṃ pana sahassakkhattumpi vaṭṭatiyeva. Tatthāti tāsu pabbajjāupasampadāsu. Paratoti parasmiṃ. Sāti upasampadā. Pabbajjā pana anuññātā evāti sambandho. Paratopīti pisaddo pubbāpekkho. Sāti pabbajjā. Ettāvatāti ettakena kesacchedanakāsāyacchādanasaraṇadānena. Hīti phalajotako.
ਏਸਾਤਿ ਏਸੋ ਸਾਮਣੇਰੋਤਿ ਅਤ੍ਥੋ। ‘‘ਗਤਿਮਾ’’ਤਿ વਤ੍વਾ ਤਸ੍ਸਤ੍ਥਂ ਦਸ੍ਸੇਨ੍ਤੋ ਆਹ ‘‘ਪਣ੍ਡਿਤਜਾਤਿਕੋ’’ਤਿ। ਅਥਾਤਿ ਏવਂ ਸਤਿ। ਅਸ੍ਸਾਤਿ ਸਾਮਣੇਰਸ੍ਸ। ਤਸ੍ਮਿਂਯੇવ ਠਾਨੇਤਿ ਸਾਮਣੇਰਭੂਮਿਯਂ ਠਿਤਟ੍ਠਾਨੇਯੇવ। ਯਥਾ ਭਗવਤਾ ਉਦ੍ਦਿਟ੍ਠਾਨਿ, ਤਥਾ ਉਦ੍ਦਿਸਿਤਬ੍ਬਾਨੀਤਿ ਯੋਜਨਾ। ਏਤਨ੍ਤਿ ‘‘ਅਨੁਜਾਨਾਮਿ…ਪੇ॰… ਜਾਤਰੂਪ ਰਜਤਪਟਿਗ੍ਗਹਣਾ વੇਰਮਣੀ’’ਤਿ વਚਨਂ।
Esāti eso sāmaṇeroti attho. ‘‘Gatimā’’ti vatvā tassatthaṃ dassento āha ‘‘paṇḍitajātiko’’ti. Athāti evaṃ sati. Assāti sāmaṇerassa. Tasmiṃyeva ṭhāneti sāmaṇerabhūmiyaṃ ṭhitaṭṭhāneyeva. Yathā bhagavatā uddiṭṭhāni, tathā uddisitabbānīti yojanā. Etanti ‘‘anujānāmi…pe… jātarūpa rajatapaṭiggahaṇā veramaṇī’’ti vacanaṃ.
ਤਨ੍ਤਿ ਅਨ੍ਧਕਟ੍ਠਕਥਾਯਂ વੁਤ੍ਤવਚਨਂ। ਯਥਾਪਾਲ਼ਿਯਾવਾਤਿ ਏવਸਦ੍ਦੋ ਸਨ੍ਨਿਟ੍ਠਾਨਤ੍ਥੋ, ਤੇਨ ਯਥਾਪਾਲ਼ਿਯਾવ ਉਦ੍ਦਿਸਿਤਬ੍ਬਾਨਿ। ਯਥਾਪਾਲ਼ਿਂ વਿਸਜ੍ਜੇਤ੍વਾ ਅਞ੍ਞਥਾ ਏવ ਉਦ੍ਦਿਸਿਤਬ੍ਬਾਨੀਤਿ વਾਦਂ ਨਿવਾਰੇਤਿ। ਯਥਾਪਾਲ਼ਿਂ વਿਸਜ੍ਜੇਤ੍વਾ ਅਞ੍ਞਥਾ ‘‘ਪਾਣਾਤਿਪਾਤਾ વੇਰਮਣਿਂ ਸਿਕ੍ਖਾਪਦਂ ਸਮਾਦਿਯਾਮੀ’’ਤਿ ਉਦ੍ਦਿਸਨ੍ਤੋਪਿ ਨਿਦ੍ਦੋਸੋਯੇવ। ਹੀਤਿ ਸਚ੍ਚਂ, ਯਸ੍ਮਾ વਾ। ਤਾਨੀਤਿ ਸਿਕ੍ਖਾਪਦਾਨਿ। ਯਾવਾਤਿ ਯਤ੍ਤਕਂ ਕਾਲਂ ਨ ਜਾਨਾਤਿ, ਨ ਕੁਸਲੋ ਹੋਤੀਤਿ ਸਮ੍ਬਨ੍ਧੋ। ਸਨ੍ਤਿਕਾવਚਰੋਯੇવਾਤਿ ਆਚਰਿਯੁਪਜ੍ਝਾਯਾਨਂ ਸਮੀਪੇ ਅવਚਾਰੋવ। ਅਸ੍ਸਾਤਿ ਸਾਮਣੇਰਸ੍ਸ। ਕਪ੍ਪਿਯਾਕਪ੍ਪਿਯਨ੍ਤਿ ਦਸਸਿਕ੍ਖਾਪਦવਿਨਿਮੁਤ੍ਤਂ ਕਪ੍ਪਿਯਂ ਪਰਾਮਾਸਾਦਿਞ੍ਚ ਅਕਪ੍ਪਿਯਂ ਅਪਰਾਮਾਸਾਦਿਞ੍ਚ। ਤੇਨਾਪੀਤਿ ਸਾਮਣੇਰੇਨਾਪਿ। ਨਾਸਨਙ੍ਗਾਨੀਤਿ ਲਿਙ੍ਗਨਾਸਨਅਙ੍ਗਾਨਿ। ਸਾਧੁਕਂ ਸਿਕ੍ਖਿਤਬ੍ਬਨ੍ਤਿ ਸਾਧੁਕਂ ਅਸਿਕ੍ਖਨ੍ਤਸ੍ਸ ਲਿਙ੍ਗਨਾਸਨਞ੍ਚ ਦਣ੍ਡਕਮ੍ਮਨਾਸਨਞ੍ਚ ਹੋਤੀਤਿ ਅਧਿਪ੍ਪਾਯੋ।
Tanti andhakaṭṭhakathāyaṃ vuttavacanaṃ. Yathāpāḷiyāvāti evasaddo sanniṭṭhānattho, tena yathāpāḷiyāva uddisitabbāni. Yathāpāḷiṃ visajjetvā aññathā eva uddisitabbānīti vādaṃ nivāreti. Yathāpāḷiṃ visajjetvā aññathā ‘‘pāṇātipātā veramaṇiṃ sikkhāpadaṃ samādiyāmī’’ti uddisantopi niddosoyeva. Hīti saccaṃ, yasmā vā. Tānīti sikkhāpadāni. Yāvāti yattakaṃ kālaṃ na jānāti, na kusalo hotīti sambandho. Santikāvacaroyevāti ācariyupajjhāyānaṃ samīpe avacārova. Assāti sāmaṇerassa. Kappiyākappiyanti dasasikkhāpadavinimuttaṃ kappiyaṃ parāmāsādiñca akappiyaṃ aparāmāsādiñca. Tenāpīti sāmaṇerenāpi. Nāsanaṅgānīti liṅganāsanaaṅgāni. Sādhukaṃ sikkhitabbanti sādhukaṃ asikkhantassa liṅganāsanañca daṇḍakammanāsanañca hotīti adhippāyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੭. ਪਬ੍ਬਜ੍ਜਾਕਥਾ • 7. Pabbajjākathā
੮. ਮਾਰਕਥਾ • 8. Mārakathā
੯. ਪਬ੍ਬਜ੍ਜੂਪਸਮ੍ਪਦਾਕਥਾ • 9. Pabbajjūpasampadākathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਬ੍ਬਜ੍ਜਾਕਥਾ • Pabbajjākathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਪਞ੍ਞਾਸਗਿਹਿਸਹਾਯਪਬ੍ਬਜ੍ਜਾਕਥਾવਣ੍ਣਨਾ • Paññāsagihisahāyapabbajjākathāvaṇṇanā
ਮਾਰਕਥਾવਣ੍ਣਨਾ • Mārakathāvaṇṇanā
ਪਬ੍ਬਜ੍ਜੂਪਸਮ੍ਪਦਾਕਥਾવਣ੍ਣਨਾ • Pabbajjūpasampadākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਬ੍ਬਜ੍ਜਾਕਥਾવਣ੍ਣਨਾ • Pabbajjākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਬ੍ਬਜ੍ਜਾਕਥਾવਣ੍ਣਨਾ • Pabbajjākathāvaṇṇanā
