| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
баб̣б̣аж̇ж̇аагат̇ааван̣н̣анаа
Pabbajjākathāvaṇṇanā
25. аал̣амб̣аранд̇и бан̣авам̣. вигзсиганд̇и виббагин̣н̣агзсам̣. вигкзл̣иганд̇и виссанд̣̇амааналаалам̣ . сусаанам̣ ман̃н̃зд̇и сусаанам̣ вияа ад̣̇д̣̇аса сагам̣ бариж̇ананд̇и самб̣анд̇хо. уд̣̇аанам̣ уд̣̇аанзсийд̇и сам̣взг̇авасаббавад̇д̇ам̣ важанам̣ нижчаарзси. убассадтанд̇и д̣̇угкзна саммиссам̣, д̣̇угкод̇ин̣н̣ам̣ саб̣б̣асад̇д̇агааяаж̇аад̇анд̇и ад̇т̇о.
25.Āḷambaranti paṇavaṃ. Vikesikanti vippakiṇṇakesaṃ. Vikkheḷikanti vissandamānalālaṃ . Susānaṃ maññeti susānaṃ viya addasa sakaṃ parijananti sambandho. Udānaṃ udānesīti saṃvegavasappavattaṃ vacanaṃ nicchāresi. Upassaṭṭhanti dukkhena sammissaṃ, dukkhotiṇṇaṃ sabbasattakāyajātanti attho.
26. ид̣̇ам̣ ко яасаад̇и бхаг̇аваа ниб̣б̣аанам̣ санд̇хааяааха. анубуб̣б̣им̣ гат̇анд̇и анубадибаадигат̇ам̣. аад̣̇ийнаванд̇и д̣̇осам̣. огааранд̇и нихийнад̇аа нихийнаж̇анасзвид̇ад̇д̇аа. сам̣гилзсанд̇и д̇зхи сад̇д̇аанам̣ сам̣гилзсанам̣, сам̣гилзсависаяанд̇и ваа ад̇т̇о. галлажид̇д̇анд̇и арог̇ажид̇д̇ам̣. саамам̣ ад̇д̇анаава уггам̣со угкибанам̣ зд̇иссанд̇и саамуггам̣сигаа, сажжад̣̇зсанаа. д̇ассаа саруубад̣̇ассанам̣ ‘‘д̣̇угка’’нд̇иаад̣̇и.
26.Idaṃ kho yasāti bhagavā nibbānaṃ sandhāyāha. Anupubbiṃ kathanti anupaṭipāṭikathaṃ. Ādīnavanti dosaṃ. Okāranti nihīnatā nihīnajanasevitattā. Saṃkilesanti tehi sattānaṃ saṃkilesanaṃ, saṃkilesavisayanti vā attho. Kallacittanti arogacittaṃ. Sāmaṃ attanāva ukkaṃso ukkhipanaṃ etissanti sāmukkaṃsikā, saccadesanā. Tassā sarūpadassanaṃ ‘‘dukkha’’ntiādi.
27. ассад̣̇ууд̇зд̇и ассааарул̣хз д̣̇ууд̇з. ид̣̇д̇хаабхисан̇кааранд̇и ид̣̇д̇хигирияам̣. абхисан̇карзси агааси.
27.Assadūteti assaāruḷhe dūte. Iddhābhisaṅkhāranti iddhikiriyaṃ. Abhisaṅkharesi akāsi.
28. яат̇аад̣̇идтанд̇и батамамаг̇г̇зна д̣̇идтам̣ жад̇уссажжабхуумим̣ сзсамаг̇г̇ад̇д̇аязна бажжавзгканд̇асса, бассанд̇ассаад̇и ад̇т̇о. маад̇у но ж̇ийвид̇анд̇и зд̇т̇а нод̇и нибаад̇амад̇д̇ам̣, маад̇у ж̇ийвид̇анд̇и ад̇т̇о. яасасса кийн̣аасавад̇д̇аа ‘‘зхи бхигку, сваагкаад̇о д̇хаммо, жара б̣рахмажарияа’’нд̇и зд̇д̇агзнзва бхаг̇аваа убасамбад̣̇ам̣ ад̣̇ааси. кийн̣аасаваанан̃хи зд̇д̇агзнзва убасамбад̣̇аа анун̃н̃аад̇аа буб̣б̣зва д̣̇угкасса баригкийн̣ад̇д̇аа. жара б̣рахмажарияанд̇и саасанаб̣рахмажарияасан̇каад̇ам̣ сигкаабад̣̇абууран̣ам̣ санд̇хааяа вуд̇д̇ам̣, на маг̇г̇аб̣рахмажарияам̣.
28.Yathādiṭṭhanti paṭhamamaggena diṭṭhaṃ catussaccabhūmiṃ sesamaggattayena paccavekkhantassa, passantassāti attho. Mātu no jīvitanti ettha noti nipātamattaṃ, mātu jīvitanti attho. Yasassa khīṇāsavattā ‘‘ehi bhikkhu, svākkhāto dhammo, cara brahmacariya’’nti ettakeneva bhagavā upasampadaṃ adāsi. Khīṇāsavānañhi ettakeneva upasampadā anuññātā pubbeva dukkhassa parikkhīṇattā. Cara brahmacariyanti sāsanabrahmacariyasaṅkhātaṃ sikkhāpadapūraṇaṃ sandhāya vuttaṃ, na maggabrahmacariyaṃ.
30. сздтаанусздтийнанд̇и сздтино жа анусздтино жа бавзн̣ийвасзна ааг̇ад̇аа язсам̣ гулаанам̣ санд̇и, д̇зсам̣ сздтаанусздтийнам̣ гулаанам̣. орагод̇и лаамаго.
30.Seṭṭhānuseṭṭhīnanti seṭṭhino ca anuseṭṭhino ca paveṇīvasena āgatā yesaṃ kulānaṃ santi, tesaṃ seṭṭhānuseṭṭhīnaṃ kulānaṃ. Orakoti lāmako.
32-33. маа згзна д̣̇взд̇и згзна маг̇г̇зна д̣̇вз бхигкуу маа аг̇амид̇т̇а. висуд̣̇д̇хз сад̇д̇з, г̇ун̣з ваа маарзд̇ийд̇и мааро. баабз нияуд̇д̇о баабимаа.
32-33.Mā ekena dveti ekena maggena dve bhikkhū mā agamittha. Visuddhe satte, guṇe vā māretīti māro. Pāpe niyutto pāpimā.
саб̣б̣абаасзхийд̇и саб̣б̣агилзсабаасзхи. яз д̣̇иб̣б̣аа яз жа маанусаад̇и яз д̣̇иб̣б̣агаамаг̇ун̣аниссид̇аа, маанусагагаамаг̇ун̣аниссид̇аа жа гилзсабаасаа наама ад̇т̇и, саб̣б̣зхи д̇зхи. ‘‘д̇вам̣ б̣уд̣̇д̇хо’’д̇и д̣̇звамануссзхи гарияамаанасаггаарасамбадижчанам̣ санд̇хааяа вад̣̇ад̇и.
Sabbapāsehīti sabbakilesapāsehi. Ye dibbā ye ca mānusāti ye dibbakāmaguṇanissitā, mānusakakāmaguṇanissitā ca kilesapāsā nāma atthi, sabbehi tehi. ‘‘Tvaṃ buddho’’ti devamanussehi kariyamānasakkārasampaṭicchanaṃ sandhāya vadati.
анд̇алигкз жаранд̇з бан̃жаабхин̃н̃зби б̣анд̇хад̇ийд̇и анд̇алигкажаро, рааг̇абаасо. мааро бана баасамби анд̇алигкажарам̣ ман̃н̃ад̇и. маанасод̇и маносамбаяуд̇д̇о.
Antalikkhe carante pañcābhiññepi bandhatīti antalikkhacaro, rāgapāso. Māro pana pāsampi antalikkhacaraṃ maññati. Mānasoti manosampayutto.
ж̇аанаад̇и манд̇и со гира ‘‘махаанубхааво ан̃н̃о д̣̇звабуд̇д̇о ниваарзд̇ийд̇и бхийд̇о нивад̇д̇иссад̇и ну ко’’д̇исан̃н̃ааяа вад̇ваа ‘‘нихад̇о д̇вамаси анд̇агаа’’д̇и вуд̇д̇з ‘‘ж̇аанаад̇и ма’’нд̇и д̣̇уммано балааяи.
Jānāti manti so kira ‘‘mahānubhāvo añño devaputto nivāretīti bhīto nivattissati nu kho’’tisaññāya vatvā ‘‘nihato tvamasi antakā’’ti vutte ‘‘jānāti ma’’nti dummano palāyi.
34. баривид̇агго уд̣̇абаад̣̇ийд̇и яасмаа зхибхигкубхаавааяа убаниссаяарахид̇аанамби баб̣б̣аж̇ид̇угаамад̇аа уббаж̇ж̇иссад̇и, б̣уд̣̇д̇хаа жа д̇з на баб̣б̣ааж̇знд̇и, д̇асмаа д̇зсамби баб̣б̣аж̇ж̇аавид̇хим̣ д̣̇ассзнд̇о звам̣ баривид̇аггзсийд̇и д̣̇адтаб̣б̣ам̣. убаниссаяасамбаннаа бана бхаг̇аванд̇ам̣ убасан̇гамид̇ваа зхибхигкубхаавзнзва баб̣б̣аж̇анд̇и. яз бадигкид̇д̇абуг̇г̇алаад̇и самб̣анд̇хо. саяам̣ баб̣б̣ааж̇зд̇аб̣б̣од̇и зд̇т̇а ‘‘гзсамассум̣ охаарзд̇ваа’’д̇иаад̣̇иважанад̇о гзсажчзд̣̇анагаасааяажчаад̣̇анасаран̣ад̣̇аанаани баб̣б̣аж̇ж̇аа наама, д̇зсу бажчимад̣̇ваяам̣ бхигкуухи зва гаад̇аб̣б̣ам̣, гаарзд̇аб̣б̣ам̣ ваа. ‘‘баб̣б̣ааж̇зхий’’д̇и ид̣̇ам̣ д̇ивид̇хамби санд̇хааяа вуд̇д̇ам̣. кан̣д̣асиймам̣ нзд̇ваад̇и бхан̣д̣угаммаарожанабарихаран̣ад̇т̇ам̣. бхигкуунан̃хи анаарожзд̇ваа згасиймааяа ‘‘зд̇асса гзсз чинд̣̇аа’’д̇и ан̃н̃ам̣ аан̣аабзд̇умби на ваддад̇и. баб̣б̣ааж̇зд̇ваад̇и гзсаад̣̇ижчзд̣̇анамзва санд̇хааяа вуд̇д̇ам̣ ‘‘гаасааяаани ажчаад̣̇зд̇ваа’’д̇и висум̣ вуд̇д̇ад̇д̇аа. баб̣б̣ааж̇зд̇ум̣ на лабхад̇ийд̇и саран̣ад̣̇аанам̣ санд̇хааяа вуд̇д̇ам̣, анубасамбаннзна бхигкуаан̣ад̇д̇ияаа д̣̇иннамби саран̣ам̣ на рухад̇и.
34.Parivitakko udapādīti yasmā ehibhikkhubhāvāya upanissayarahitānampi pabbajitukāmatā uppajjissati, buddhā ca te na pabbājenti, tasmā tesampi pabbajjāvidhiṃ dassento evaṃ parivitakkesīti daṭṭhabbaṃ. Upanissayasampannā pana bhagavantaṃ upasaṅkamitvā ehibhikkhubhāveneva pabbajanti. Ye paṭikkhittapuggalāti sambandho. Sayaṃ pabbājetabboti ettha ‘‘kesamassuṃ ohāretvā’’tiādivacanato kesacchedanakāsāyacchādanasaraṇadānāni pabbajjā nāma, tesu pacchimadvayaṃ bhikkhūhi eva kātabbaṃ, kāretabbaṃ vā. ‘‘Pabbājehī’’ti idaṃ tividhampi sandhāya vuttaṃ. Khaṇḍasīmaṃ netvāti bhaṇḍukammārocanapariharaṇatthaṃ. Bhikkhūnañhi anārocetvā ekasīmāya ‘‘etassa kese chindā’’ti aññaṃ āṇāpetumpi na vaṭṭati. Pabbājetvāti kesādicchedanameva sandhāya vuttaṃ ‘‘kāsāyāni acchādetvā’’ti visuṃ vuttattā. Pabbājetuṃ na labhatīti saraṇadānaṃ sandhāya vuttaṃ, anupasampannena bhikkhuāṇattiyā dinnampi saraṇaṃ na ruhati.
яасассийд̇и бариваарасамбанно. ниж̇ж̇ийваниссад̇д̇абхааванд̇и ‘‘гзсаа наама имасмим̣ сарийрз баадиязгго годтаасо ажзд̇ано аб̣яаагад̇о сун̃н̃о ниссад̇д̇о т̇ад̣̇д̇хо бат̇авийд̇хаад̇уу’’д̇иаад̣̇инаяам̣ сан̇г̇ан̣хаад̇и, саб̣б̣ам̣ висуд̣̇д̇химаг̇г̇з (висуд̣̇д̇хи. 1.311) ааг̇ад̇анаязна г̇ахзд̇аб̣б̣ам̣. буб̣б̣зд̇и буб̣б̣аб̣уд̣̇д̇хуббаад̣̇зсу. мад̣̇д̣̇ид̇асан̇каарод̇и вибассанаавасзна вуд̇д̇ам̣. бхаавид̇абхааванод̇и самат̇авасзнааби.
Yasassīti parivārasampanno. Nijjīvanissattabhāvanti ‘‘kesā nāma imasmiṃ sarīre pāṭiyekko koṭṭhāso acetano abyākato suñño nissatto thaddho pathavīdhātū’’tiādinayaṃ saṅgaṇhāti, sabbaṃ visuddhimagge (visuddhi. 1.311) āgatanayena gahetabbaṃ. Pubbeti pubbabuddhuppādesu. Madditasaṅkhāroti vipassanāvasena vuttaṃ. Bhāvitabhāvanoti samathavasenāpi.
гаасааяаани д̇игкад̇д̇ум̣ ваа…бз… бадиг̇г̇аахаабзд̇аб̣б̣од̇и зд̇т̇а ‘‘саб̣б̣ад̣̇угканиссаран̣ад̇т̇ааяа имам̣ гаасаавам̣ г̇ахзд̇ваа’’д̇и ваа ‘‘д̇ам̣ гаасаавам̣ д̣̇ад̇ваа’’д̇и ваа вад̇ваа ‘‘баб̣б̣ааж̇зт̇а мам̣, бханд̇з, анугамбам̣ убаад̣̇ааяаа’’д̇и звам̣ яаажанабуб̣б̣агам̣ жийварам̣ бадижчаабзд̇и. ат̇аабийд̇иаад̣̇и д̇игкад̇д̇ум̣ бадиг̇г̇аахаабанад̇о барам̣ гад̇д̇аб̣б̣авид̇хид̣̇ассанам̣. ат̇аабийд̇и д̇ад̇о барамбийд̇и ад̇т̇о. гзжи бана ‘‘жийварам̣ аббадиг̇г̇аахаабзд̇ваа баб̣б̣аж̇анаббагаарабхзд̣̇ад̣̇ассанад̇т̇ам̣ ‘‘ат̇аабий’’д̇и вуд̇д̇ам̣, ат̇аабийд̇и жа ат̇а ваад̇и ад̇т̇о’’д̇и вад̣̇анд̇и. ‘‘ад̣̇иннам̣ на ваддад̇ий’’д̇и иминаа баб̣б̣аж̇ж̇аа на рухад̇ийд̇и д̣̇ассзд̇и.
Kāsāyāni tikkhattuṃ vā…pe… paṭiggāhāpetabboti ettha ‘‘sabbadukkhanissaraṇatthāya imaṃ kāsāvaṃ gahetvā’’ti vā ‘‘taṃ kāsāvaṃ datvā’’ti vā vatvā ‘‘pabbājetha maṃ, bhante, anukampaṃ upādāyā’’ti evaṃ yācanapubbakaṃ cīvaraṃ paṭicchāpeti. Athāpītiādi tikkhattuṃ paṭiggāhāpanato paraṃ kattabbavidhidassanaṃ. Athāpīti tato parampīti attho. Keci pana ‘‘cīvaraṃ appaṭiggāhāpetvā pabbajanappakārabhedadassanatthaṃ ‘‘athāpī’’ti vuttaṃ, athāpīti ca atha vāti attho’’ti vadanti. ‘‘Adinnaṃ na vaṭṭatī’’ti iminā pabbajjā na ruhatīti dasseti.
баад̣̇з ванд̣̇аабзд̇ваад̇и баад̣̇аабхимукам̣ намаабзд̇ваа. д̣̇уурз ванд̣̇анд̇оби хи баад̣̇з ванд̣̇ад̇ийд̇и вужжад̇и. убаж̇жхааязна ваад̇и зд̇т̇а яасса санд̇игз убаж̇жхам̣ г̇ан̣хаад̇и, аяам̣ убаж̇жхааяо. аабхисамаажааригзсу винаяанад̇т̇ам̣ яам̣ аажарияам̣ гад̇ваа нияяаад̇знд̇и, аяам̣ аажарияо. сажз бана убаж̇жхааяо саяамзва саб̣б̣ам̣ сигкаабзд̇и, ан̃н̃асмим̣ на нияяаад̇зд̇и, убаж̇жхааяовасса аажарияоби ход̇и, яат̇аа убасамбад̣̇аагаалз саяамзва гаммаваажам̣ ваажзнд̇о убаж̇жхааяова гаммаваажаажарияоби ход̇и.
Pādevandāpetvāti pādābhimukhaṃ namāpetvā. Dūre vandantopi hi pāde vandatīti vuccati. Upajjhāyena vāti ettha yassa santike upajjhaṃ gaṇhāti, ayaṃ upajjhāyo. Ābhisamācārikesu vinayanatthaṃ yaṃ ācariyaṃ katvā niyyātenti, ayaṃ ācariyo. Sace pana upajjhāyo sayameva sabbaṃ sikkhāpeti, aññasmiṃ na niyyāteti, upajjhāyovassa ācariyopi hoti, yathā upasampadākāle sayameva kammavācaṃ vācento upajjhāyova kammavācācariyopi hoti.
анунаасиганд̇ам̣ гад̇ваа д̣̇аанагаалз анд̇араа вижчзд̣̇о на гаад̇аб̣б̣од̇и ааха ‘‘згасамб̣анд̇хааний’’д̇и.
Anunāsikantaṃ katvā dānakāle antarā vicchedo na kātabboti āha ‘‘ekasambandhānī’’ti.
‘‘аабхисамаажааригзсу винзд̇аб̣б̣о’’д̇и иминаа сзкияавад̇д̇аканд̇хагавад̇д̇зсу, ан̃н̃зсу
‘‘Ābhisamācārikesu vinetabbo’’ti iminā sekhiyavattakhandhakavattesu, aññesu
жа суггависсадтиаад̣̇илогаваж̇ж̇асигкаабад̣̇зсу сааман̣зрзхи вад̇д̇ид̇аб̣б̣ам̣, д̇ад̇т̇а авад̇д̇амаано алаж̇ж̇ий, д̣̇ан̣д̣агаммаарахо жа ход̇ийд̇и д̣̇ассзд̇и.
Ca sukkavissaṭṭhiādilokavajjasikkhāpadesu sāmaṇerehi vattitabbaṃ, tattha avattamāno alajjī, daṇḍakammāraho ca hotīti dasseti.
баб̣б̣аж̇ж̇аагат̇ааван̣н̣анаа нидтид̇аа.
Pabbajjākathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
7. баб̣б̣аж̇ж̇аагат̇аа • 7. Pabbajjākathā
8. маарагат̇аа • 8. Mārakathā
9. баб̣б̣аж̇ж̇уубасамбад̣̇аагат̇аа • 9. Pabbajjūpasampadākathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баб̣б̣аж̇ж̇аагат̇аа • Pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
яасасса баб̣б̣аж̇ж̇аагат̇ааван̣н̣анаа • Yasassa pabbajjākathāvaṇṇanā
жад̇уг̇ихисахааяабаб̣б̣аж̇ж̇аагат̇ааван̣н̣анаа • Catugihisahāyapabbajjākathāvaṇṇanā
маарагат̇ааван̣н̣анаа • Mārakathāvaṇṇanā
баб̣б̣аж̇ж̇уубасамбад̣̇аагат̇ааван̣н̣анаа • Pabbajjūpasampadākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. баб̣б̣аж̇ж̇аагат̇аа • 7. Pabbajjākathā
