Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā

    канд̇хагагат̇аа

    Khandhakakathā

    махааваг̇г̇о

    Mahāvaggo

    махааканд̇хагагат̇аа

    Mahākhandhakakathā

    баб̣б̣аж̇ж̇аагат̇ааван̣н̣анаа

    Pabbajjākathāvaṇṇanā

    2444. ижжзвам̣ наад̇исан̇кзбавид̇т̇ааравасзна вибхан̇г̇ад̣̇ваяз, д̇ад̣̇адтагат̇ааяа жа ааг̇ад̇ам̣ винижчаяам̣ д̣̇ассзд̇ваа ид̣̇аани канд̇хагааг̇ад̇ам̣ винижчаяам̣ д̣̇ассзд̇умаарабханд̇о ааха ‘‘сийлагканд̇хаад̣̇ий’’д̇иаад̣̇и. д̇ад̇т̇а сийлагканд̇хаад̣̇ияуд̇д̇знаад̇и сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанасан̇каад̇зхи бан̃жахи канд̇хзхи г̇ун̣араасийхи яуд̇д̇зна саманнааг̇ад̇зна. субхагканд̇хзнаад̇и суван̣н̣аалин̇г̇асад̣̇исаваддагканд̇хад̇ааяа субхо сунд̣̇аро канд̇хо зд̇ассаад̇и субхагканд̇хо, бхаг̇аваа, д̇зна. иминаа б̣аад̇д̇им̣салагкан̣аанамзгад̣̇зсабхууд̇асса самаваддагканд̇хад̇аалагкан̣асса барид̣̇ийбагзна важанзна лагкан̣аахааранаязна б̣аад̇д̇им̣салагкан̣аад̣̇игаа саб̣б̣ааби руубагааяасирий санд̣̇ассид̇аад̇и взд̣̇ид̇аб̣б̣аа.

    2444. Iccevaṃ nātisaṅkhepavitthāravasena vibhaṅgadvaye, tadaṭṭhakathāya ca āgataṃ vinicchayaṃ dassetvā idāni khandhakāgataṃ vinicchayaṃ dassetumārabhanto āha ‘‘sīlakkhandhādī’’tiādi. Tattha sīlakkhandhādiyuttenāti sīlasamādhipaññāvimuttivimuttiñāṇadassanasaṅkhātehi pañcahi khandhehi guṇarāsīhi yuttena samannāgatena. Subhakkhandhenāti suvaṇṇāliṅgasadisavaṭṭakkhandhatāya subho sundaro khandho etassāti subhakkhandho, bhagavā, tena. Iminā bāttiṃsalakkhaṇānamekadesabhūtassa samavaṭṭakkhandhatālakkhaṇassa paridīpakena vacanena lakkhaṇāhāranayena bāttiṃsalakkhaṇādikā sabbāpi rūpakāyasirī sandassitāti veditabbā.

    канд̇хагзд̇и канд̇хаанам̣ самуухо канд̇хаго, канд̇хаанам̣ ваа гааяанад̇о д̣̇ийбанад̇о канд̇хаго. ‘‘канд̇хаа’’д̇и жзд̇т̇а баб̣б̣аж̇ж̇уубасамбад̣̇аад̣̇ивинаяагаммасан̇каад̇аа, жаарид̇д̇аваарид̇д̇асигкаабад̣̇асан̇каад̇аа жа бан̃н̃ад̇д̇ияо ад̇хиббзд̇аа. баб̣б̣аж̇ж̇аад̣̇ийни хи бхаг̇авад̇аа бан̃н̃ад̇д̇ад̇д̇аа ‘‘бан̃н̃ад̇д̇ияо’’д̇и вужжанд̇и. бан̃н̃ад̇д̇ияан̃жа канд̇ха-сад̣̇д̣̇о д̣̇иссад̇и ‘‘д̣̇ааругканд̇хо (сам̣. ни. 4.241) аг̇г̇игканд̇хо (бади. ма. 1.116) уд̣̇агагканд̇хо’’д̇иаад̣̇ийсу (а. ни. 6.37) вияа. абижа бхааг̇араасад̇т̇ад̇аа жзд̇т̇а яуж̇ж̇ад̇иязва д̇аасам̣ бан̃н̃ад̇д̇ийнам̣ бхааг̇асо, раасид̇о жа вибхад̇д̇ад̇д̇аа. д̇асмим̣ канд̇хагз. би-сад̣̇д̣̇о вуд̇д̇аабзгкааяа бан̃жасад̇игасад̇д̇асад̇игагканд̇хагз д̣̇вз важ̇ж̇зд̇ваа баб̣б̣аж̇ж̇агканд̇хагаад̣̇игз бхигкуниканд̇хагабарияосаанз вийсад̇ивид̇хз канд̇хагз вуд̇д̇авинижчаяасса ид̇ха вагкамаанад̇д̇аа. д̇ад̣̇зва санд̇хааяааха ‘‘канд̇хагзби бавагкаами, самаасзна винижчаяа’’нд̇и.

    Khandhaketi khandhānaṃ samūho khandhako, khandhānaṃ vā kāyanato dīpanato khandhako. ‘‘Khandhā’’ti cettha pabbajjūpasampadādivinayakammasaṅkhātā, cārittavārittasikkhāpadasaṅkhātā ca paññattiyo adhippetā. Pabbajjādīni hi bhagavatā paññattattā ‘‘paññattiyo’’ti vuccanti. Paññattiyañca khandha-saddo dissati ‘‘dārukkhandho (saṃ. ni. 4.241) aggikkhandho (paṭi. ma. 1.116) udakakkhandho’’tiādīsu (a. ni. 6.37) viya. Apica bhāgarāsatthatā cettha yujjatiyeva tāsaṃ paññattīnaṃ bhāgaso, rāsito ca vibhattattā. Tasmiṃ khandhake. Pi-saddo vuttāpekkhāya pañcasatikasattasatikakkhandhake dve vajjetvā pabbajjakkhandhakādike bhikkhunikhandhakapariyosāne vīsatividhe khandhake vuttavinicchayassa idha vakkhamānattā. Tadeva sandhāyāha ‘‘khandhakepi pavakkhāmi, samāsena vinicchaya’’nti.

    2445. ‘‘маад̇араа бид̇араа’’д̇и иминаа ж̇анагааязва ад̇хиббзд̇аа. ‘‘бхан̣д̣угаммам̣, саман̣агаран̣ам̣, баб̣б̣ааж̇ананд̇и жа барияааяа-сад̣̇д̣̇аа’’д̇и ‘‘ануж̇аанаами, бхигкавз, сан̇гхам̣ абалогзд̇ум̣ бхан̣д̣угаммааяаа’’д̇и (махаава. 98) имиссаа баал̣ияаа адтагат̇ааяа (махаава. адта. 98) вуд̇д̇ам̣. аабужчид̇ваад̇и зд̇т̇а ‘‘сан̇гха’’нд̇и сзсо.

    2445.‘‘Mātarā pitarā’’ti iminā janakāyeva adhippetā. ‘‘Bhaṇḍukammaṃ, samaṇakaraṇaṃ, pabbājananti ca pariyāya-saddā’’ti ‘‘anujānāmi, bhikkhave, saṅghaṃ apaloketuṃ bhaṇḍukammāyā’’ti (mahāva. 98) imissā pāḷiyā aṭṭhakathāya (mahāva. aṭṭha. 98) vuttaṃ. Āpucchitvāti ettha ‘‘saṅgha’’nti seso.

    2446. ваавадод̇и басуд̇о, яуд̇д̇абаяуд̇д̇од̇и ад̇т̇о. ‘‘баб̣б̣ааж̇зд̇ваа аанаяа ид̇и жаа’’д̇и бад̣̇ажчзд̣̇о. зд̇т̇а жа д̇ид̇хаа баб̣б̣ааж̇анам̣ взд̣̇ид̇аб̣б̣ам̣ гзсажчзд̣̇анам̣, гаасааяаажчаад̣̇анам̣, саран̣ад̣̇аананд̇и, имаани д̇ийн̣и гаронд̇о ‘‘баб̣б̣ааж̇зд̇ий’’д̇и вужжад̇и. д̇зсу згам̣, д̣̇вз вааби гаронд̇о д̇ат̇аа вохарийяад̇иязва. д̇асмаа ‘‘баб̣б̣ааж̇зд̇ваанаяаа’’д̇и иминаа гзсз чинд̣̇ид̇ваа гаасааяаани ажчаад̣̇зд̇ваа аанзхийд̇и аяамад̇т̇о д̣̇ийбид̇од̇и д̣̇адтаб̣б̣о.

    2446.Vāvaṭoti pasuto, yuttapayuttoti attho. ‘‘Pabbājetvā ānaya iti cā’’ti padacchedo. Ettha ca tidhā pabbājanaṃ veditabbaṃ kesacchedanaṃ, kāsāyaacchādanaṃ, saraṇadānanti, imāni tīṇi karonto ‘‘pabbājetī’’ti vuccati. Tesu ekaṃ, dve vāpi karonto tathā voharīyatiyeva. Tasmā ‘‘pabbājetvānayā’’ti iminā kese chinditvā kāsāyāni acchādetvā ānehīti ayamattho dīpitoti daṭṭhabbo.

    2447. авуд̇д̇од̇и убаж̇жхааязна ануяяож̇ид̇о. со д̣̇ахаро сажз д̇ам̣ саяамзва гзсажчзд̣̇анагаасааяажчаад̣̇анзхи баб̣б̣ааж̇зд̇и, ваддад̇ийд̇и яож̇анаа.

    2447.Avuttoti upajjhāyena anuyyojito. So daharo sace taṃ sayameva kesacchedanakāsāyacchādanehi pabbājeti, vaṭṭatīti yojanā.

    2448. д̇ад̇т̇аад̇и ад̇д̇ано самийбз. кан̣д̣асиймам̣ нзд̇ваад̇и бхан̣д̣угаммаарожанабарихаарад̇т̇ам̣ вуд̇д̇ам̣. д̇зна сабхигкугз вихаарз ан̃н̃амби бхигкум̣ ‘‘зд̇асса гзсз чинд̣̇аа’’д̇и вад̇д̇ум̣ на ваддад̇и. баб̣б̣ааж̇зд̇ваад̇и гзсажчзд̣̇анам̣ санд̇хааяа вад̣̇ад̇и.

    2448.Tatthāti attano samīpe. Khaṇḍasīmaṃ netvāti bhaṇḍukammārocanaparihāratthaṃ vuttaṃ. Tena sabhikkhuke vihāre aññampi bhikkhuṃ ‘‘etassa kese chindā’’ti vattuṃ na vaṭṭati. Pabbājetvāti kesacchedanaṃ sandhāya vadati.

    2450. ‘‘бурисам̣ бхигкуд̇о ан̃н̃о, баб̣б̣ааж̇зд̇и на ваддад̇ий’’д̇и ид̣̇ам̣ саран̣ад̣̇аанам̣ санд̇хааяа вуд̇д̇ам̣. д̇знзвааха ‘‘сааман̣зро’’д̇иаад̣̇и.

    2450.‘‘Purisaṃbhikkhuto añño, pabbājeti na vaṭṭatī’’ti idaṃ saraṇadānaṃ sandhāya vuttaṃ. Tenevāha ‘‘sāmaṇero’’tiādi.

    2451. убхиннамби т̇зрат̇зрийнам̣ ‘‘имзхи жийварзхи имам̣ ажчаад̣̇зхий’’д̇и аан̣ад̇д̇ияаа сааман̣зроби ваа ход̇у, д̇ат̇аа сааман̣зрий ваа ход̇у, д̇з убхо сааман̣зрасааман̣зрий гаасааяаани д̣̇аад̇ум̣ лабханд̇ийд̇и яож̇анаа.

    2451.Ubhinnampi theratherīnaṃ ‘‘imehi cīvarehi imaṃ acchādehī’’ti āṇattiyā sāmaṇeropi vā hotu, tathā sāmaṇerī vā hotu, te ubho sāmaṇerasāmaṇerī kāsāyāni dātuṃ labhantīti yojanā.

    2452-4. баб̣б̣ааж̇знд̇зна бхигкунаад̇и зд̇т̇а ‘‘д̇ажабан̃жагагаммадтаанам̣ д̣̇ад̇ваа’’д̇и вад̇д̇аб̣б̣ам̣ зван̃хи гад̇ваа гзсаабанаяанасса адтагат̇ааяам̣ вуд̇д̇ад̇д̇аа. вуд̇д̇ан̃хи д̇ад̇т̇а ‘‘аавусо, судту убад̇хаарзхи, сад̇им̣ убадтаабзхийд̇и вад̇ваа д̇ажабан̃жагагаммадтаанам̣ аажигкид̇аб̣б̣ам̣. аажигканд̇зна жа ван̣н̣асан̣таанаг̇анд̇хаасаяогаасавасзна асужиж̇зг̇ужчабадиггуулабхаавам̣, ниж̇ж̇ийваниссад̇д̇абхаавам̣ ваа баагадам̣ гаронд̇зна аажигкид̇аб̣б̣а’’нд̇иаад̣̇и. гимад̇т̇амзвам̣ гарийяад̇ийд̇и жз? сажз убаниссаяасамбанно ход̇и, д̇асса кураг̇г̇зязва арахад̇д̇абаабун̣анад̇т̇ам̣. вуд̇д̇ан̃жзд̇ам̣ адтагат̇ааяам̣ –

    2452-4.Pabbājentena bhikkhunāti ettha ‘‘tacapañcakakammaṭṭhānaṃ datvā’’ti vattabbaṃ evañhi katvā kesāpanayanassa aṭṭhakathāyaṃ vuttattā. Vuttañhi tattha ‘‘āvuso, suṭṭhu upadhārehi, satiṃ upaṭṭhāpehīti vatvā tacapañcakakammaṭṭhānaṃ ācikkhitabbaṃ. Ācikkhantena ca vaṇṇasaṇṭhānagandhāsayokāsavasena asucijegucchapaṭikkūlabhāvaṃ, nijjīvanissattabhāvaṃ vā pākaṭaṃ karontena ācikkhitabba’’ntiādi. Kimatthamevaṃ karīyatīti ce? Sace upanissayasampanno hoti, tassa khuraggeyeva arahattapāpuṇanatthaṃ. Vuttañcetaṃ aṭṭhakathāyaṃ –

    ‘‘яз хи гзжи кураг̇г̇з арахад̇д̇ам̣ бад̇д̇аа, саб̣б̣з д̇з зваруубам̣ саванам̣ лабхид̇ваа галяаан̣амид̇д̇зна аажариязна д̣̇иннанаяам̣ ниссааяа, но аниссааяа, д̇асмаасса аад̣̇ид̇ова зваруубий гат̇аа гат̇зд̇аб̣б̣аа’’д̇и (махаава. адта. 34).

    ‘‘Ye hi keci khuragge arahattaṃ pattā, sabbe te evarūpaṃ savanaṃ labhitvā kalyāṇamittena ācariyena dinnanayaṃ nissāya, no anissāya, tasmāssa āditova evarūpī kathā kathetabbā’’ti (mahāva. aṭṭha. 34).

    зд̇знзва б̣яад̇ирзгад̇о ид̇о ан̃н̃аа анияяаанигагат̇аа на гат̇зд̇аб̣б̣аад̇и д̣̇ийбид̇ам̣ ход̇и. г̇омаяаад̣̇инаад̇и г̇омаяажун̣н̣аад̣̇инаа. аад̣̇и-сад̣̇д̣̇зна мад̇д̇игаад̣̇ийнам̣ г̇ахан̣ам̣. бийл̣агаа ваад̇и т̇уллабийл̣агаа ваа. гажчу ваад̇и сукумагажчу ваа. нияам̣буд̇д̇анд̇и ад̇д̇ано буд̇д̇ам̣. ‘‘бхигкунаа’’д̇и имасса бад̣̇асса д̣̇уурад̇д̇аа ‘‘яад̇инаа’’д̇и ааха.

    Eteneva byatirekato ito aññā aniyyānikakathā na kathetabbāti dīpitaṃ hoti. Gomayādināti gomayacuṇṇādinā. Ādi-saddena mattikādīnaṃ gahaṇaṃ. Pīḷakā vāti thullapīḷakā vā. Kacchu vāti sukhumakacchu vā. Niyaṃputtanti attano puttaṃ. ‘‘Bhikkhunā’’ti imassa padassa dūrattā ‘‘yatinā’’ti āha.

    2455-6. гасмаа бана звам̣ нахаабзд̇аб̣б̣од̇и ааха ‘‘зд̇д̇агзнаабий’’д̇иаад̣̇и. сод̇и баб̣б̣аж̇ж̇аабзгко. убаж̇жхааяагаад̣̇исууд̇и зд̇т̇а аад̣̇и-сад̣̇д̣̇зна аажарияасамаанубаж̇жхааяагаад̣̇ийнам̣ г̇ахан̣ам̣. баабун̣анд̇и хийд̇и зд̇т̇а хи-сад̣̇д̣̇о яасмаа-бад̣̇ад̇т̇з вад̇д̇ад̇и. яасмаа зд̇д̇агзнааби убаж̇жхааяаад̣̇ийсу саг̇аараво ход̇и, яасмаа жа зваруубам̣ убагаарам̣ лабхид̇ваа гулабуд̇д̇аа уббаннам̣ анабхирад̇им̣ бадивинод̣̇зд̇ваа сигкааяо барибуурзд̇ваа ниб̣б̣аанам̣ баабун̣иссанд̇и, д̇асмаа зваруубо убагааро гаад̇аб̣б̣од̇и ад̇т̇о.

    2455-6. Kasmā pana evaṃ nahāpetabboti āha ‘‘ettakenāpī’’tiādi. Soti pabbajjāpekkho. Upajjhāyakādisūti ettha ādi-saddena ācariyasamānupajjhāyakādīnaṃ gahaṇaṃ. Pāpuṇanti hīti ettha hi-saddo yasmā-padatthe vattati. Yasmā ettakenāpi upajjhāyādīsu sagāravo hoti, yasmā ca evarūpaṃ upakāraṃ labhitvā kulaputtā uppannaṃ anabhiratiṃ paṭivinodetvā sikkhāyo paripūretvā nibbānaṃ pāpuṇissanti, tasmā evarūpo upakāro kātabboti attho.

    2458. згад̇од̇и саб̣б̣аани жийвараани згад̇о гад̇ваа.

    2458.Ekatoti sabbāni cīvarāni ekato katvā.

    2459. ат̇аад̇и ад̇хигааранд̇араарамбхз нибаад̇о. д̇асса хад̇т̇з ад̣̇ад̇вааби убаж̇жхааяо ваа аажарияо вааби саяамзва д̇ам̣ баб̣б̣аж̇ж̇аабзгкам̣ ажчаад̣̇зд̇и, ваддад̇ийд̇и яож̇анаа.

    2459.Athāti adhikārantarārambhe nipāto. Tassa hatthe adatvāpi upajjhāyo vā ācariyo vāpi sayameva taṃ pabbajjāpekkhaṃ acchādeti, vaṭṭatīti yojanā.

    2460. ад̣̇иннажийварасса аг̇г̇ахзд̇аб̣б̣ад̇д̇аа ааха ‘‘абанзд̇ваа д̇ад̇о саб̣б̣ам̣, буна д̣̇аад̇аб̣б̣амзва д̇а’’нд̇и. д̇ад̇од̇и д̇асса сарийрад̇о. д̇анд̇и жийварам̣.

    2460. Adinnacīvarassa aggahetabbattā āha ‘‘apanetvā tato sabbaṃ, puna dātabbameva ta’’nti. Tatoti tassa sarīrato. Tanti cīvaraṃ.

    2461-2. зд̇ад̣̇зва ааха ‘‘бхигкунаа’’д̇иаад̣̇инаа. ад̣̇иннам̣ на ваддад̇ийд̇и зд̇т̇а баб̣б̣аж̇ж̇аа на рухад̇ийд̇и вад̣̇анд̇и. д̇ассзва санд̇агам̣ вааби жийварам̣ ад̣̇иннам̣ на ваддад̇и ад̇д̇асанд̇агз аажарияубаж̇жхааяаанам̣ ад̇д̇ано санд̇агз жийварз гаа гат̇аа вад̇д̇аб̣б̣амзва над̇т̇ийд̇и ад̇т̇о. бхигкууд̇и яз д̇ад̇т̇а саннибад̇ид̇аа. гаараабзд̇ваана уггудинд̇и зд̇т̇а саб̣б̣ад̇хаад̇вад̇т̇аануг̇ад̇о гарод̇и-сад̣̇д̣̇о г̇ахид̇од̇и уггудигам̣ нисийд̣̇аабзд̇ваад̇и ад̇т̇о г̇ахзд̇аб̣б̣о, ‘‘уггудига’’нд̇и (махаава. адта. 34) адтагат̇аабаато г̇аат̇ааб̣анд̇хасукад̇т̇ам̣ ид̇ха га-гааралобзна нид̣̇д̣̇идто.

    2461-2. Etadeva āha ‘‘bhikkhunā’’tiādinā. Adinnaṃ na vaṭṭatīti ettha pabbajjā na ruhatīti vadanti. Tasseva santakaṃ vāpi cīvaraṃ adinnaṃ na vaṭṭati attasantake ācariyupajjhāyānaṃ attano santake cīvare kā kathā vattabbameva natthīti attho. Bhikkhūti ye tattha sannipatitā. Kārāpetvāna ukkuṭinti ettha sabbadhātvatthānugato karoti-saddo gahitoti ukkuṭikaṃ nisīdāpetvāti attho gahetabbo, ‘‘ukkuṭika’’nti (mahāva. aṭṭha. 34) aṭṭhakathāpāṭho gāthābandhasukhatthaṃ idha ka-kāralopena niddiṭṭho.

    2464. згабад̣̇ам̣ ваабийд̇и б̣уд̣̇д̇хамижжаад̣̇игам̣ згамби ваа бад̣̇ам̣. згагкарамби ваад̇и б̣угаараад̣̇иагкарзсу згамби ваа агкарам̣. бадибаадинд̇и ‘‘б̣уд̣̇д̇ха’’мижжаад̣̇игам̣ бад̣̇абанд̇им̣.

    2464.Ekapadaṃvāpīti buddhamiccādikaṃ ekampi vā padaṃ. Ekakkharampi vāti bukārādiakkharesu ekampi vā akkharaṃ. Paṭipāṭinti ‘‘buddha’’miccādikaṃ padapantiṃ.

    2465. агад̇д̇аб̣б̣аббагааранд̇арам̣ д̣̇ассзд̇умааха ‘‘д̇игкад̇д̇ум̣ яад̣̇и ваа’’д̇иаад̣̇и. д̇ат̇аа сзсзсууд̇и яад̣̇и ваа ‘‘д̇хаммам̣ саран̣а’’нд̇и д̇игкад̇д̇ум̣ д̣̇зд̇и, ‘‘сан̇гхам̣ саран̣а’’нд̇и яад̣̇и ваа д̇игкад̇д̇ум̣ д̣̇зд̇и, звамби д̇ийн̣и саран̣аани ад̣̇иннаанзва хонд̇и.

    2465. Akattabbappakārantaraṃ dassetumāha ‘‘tikkhattuṃ yadi vā’’tiādi. Tathā sesesūti yadi vā ‘‘dhammaṃ saraṇa’’nti tikkhattuṃ deti, ‘‘saṅghaṃ saraṇa’’nti yadi vā tikkhattuṃ deti, evampi tīṇi saraṇāni adinnāneva honti.

    2466. анунаасиганд̇аани гад̇ваа д̣̇аад̇аб̣б̣аанийд̇и самб̣анд̇хо. анунаасиганд̇ам̣ гад̇ваа д̣̇аанагаалз анд̇араавижчзд̣̇ам̣ агад̇ваа д̣̇аад̇аб̣б̣аанийд̇и д̣̇ассзд̇ум̣ ‘‘згааб̣ад̣̇д̇хаани ваа банаа’’д̇и вуд̇д̇ам̣. вижчинд̣̇ид̇ваа бад̣̇абадибаадид̇о ма-гааранд̇ам̣ гад̇ваа д̣̇аанасамаяз вижчзд̣̇ам̣ гад̇ваа. манд̇аанийд̇и ‘‘б̣уд̣̇д̇хам̣ саран̣ам̣ ижжаад̣̇инаа ма-гааранд̇аани. ‘‘б̣уд̣̇д̇хам̣ саран̣ам̣ г̇ажчаамий’’д̇иаад̣̇инаа наязна ниг̇г̇ахид̇анд̇амзва гад̇ваа на д̣̇аад̇аб̣б̣анд̇и ‘‘ат̇аа’’д̇и ааха.

    2466. Anunāsikantāni katvā dātabbānīti sambandho. Anunāsikantaṃ katvā dānakāle antarāvicchedaṃ akatvā dātabbānīti dassetuṃ ‘‘ekābaddhāni vā panā’’ti vuttaṃ. Vicchinditvā padapaṭipāṭito ma-kārantaṃ katvā dānasamaye vicchedaṃ katvā. Mantānīti ‘‘buddhaṃ saraṇaṃ iccādinā ma-kārantāni. ‘‘Buddhaṃ saraṇaṃ gacchāmī’’tiādinā nayena niggahitantameva katvā na dātabbanti ‘‘athā’’ti āha.

    2467. суд̣̇д̇хи наама аажарияасса н̃ад̇д̇ияаа, гаммаваажааяа жа ужжааран̣ависуд̣̇д̇хи. баб̣б̣аж̇ж̇аад̇и сааман̣зрасааман̣зрибаб̣б̣аж̇ж̇аа. убхад̇осуд̣̇д̇хияаа винаад̇и убхад̇осуд̣̇д̇хим̣ винаа аажарияанд̇зваасийнам̣ убхиннам̣ д̇ийсу саран̣ад̇д̇аяад̣̇аанаг̇г̇ахан̣зсу ужжааран̣асуд̣̇д̇хим̣ винаа, згассааби агкарасса вибад̇д̇исаб̣бхаавз на ход̇ийд̇и ад̇т̇о.

    2467.Suddhi nāma ācariyassa ñattiyā, kammavācāya ca uccāraṇavisuddhi. Pabbajjāti sāmaṇerasāmaṇeripabbajjā. Ubhatosuddhiyā vināti ubhatosuddhiṃ vinā ācariyantevāsīnaṃ ubhinnaṃ tīsu saraṇattayadānaggahaṇesu uccāraṇasuddhiṃ vinā, ekassāpi akkharassa vipattisabbhāve na hotīti attho.

    2468-9. ‘‘баб̣б̣аж̇ж̇ааг̇ун̣амижчад̇аа’’д̇и ид̣̇ам̣ ‘‘аажариязна, анд̇зваасигзнаа’’д̇и бад̣̇ад̣̇ваяасса висзсанам̣ д̣̇адтаб̣б̣ам̣, анд̇зваасигасса баб̣б̣аж̇ж̇ааг̇ун̣ам̣ ижчанд̇зна аажариязна, ад̇д̇ано баб̣б̣аж̇ж̇ааг̇ун̣ам̣ ижчанд̇зна анд̇зваасигзна жа б̣у-д̣̇д̇ха-гаараад̣̇аяо ван̣н̣аа б̣у-гаара д̇ха-гаараад̣̇аяо ван̣н̣аа агкараа таанагаран̣асамбад̣̇ам̣ ган̣тад̇аалумуд̣̇д̇хад̣̇анд̇аодтанаасигаабхзд̣̇ам̣ таанасамбад̣̇ан̃жа агкаруббад̇д̇исаад̇хагад̇амаж̇ивхаамаж̇жхаад̣̇игаран̣асамбад̣̇ан̃жа ахаабзнд̇зна абарихаабзнд̇зна вад̇д̇аб̣б̣аад̇и яож̇анаа. гасмаа ид̣̇амзва д̣̇ал̣хам̣ гад̇ваа вуд̇д̇анд̇и ааха ‘‘згаван̣н̣авинаасзнаа’’д̇иаад̣̇и. хи-сад̣̇д̣̇о яасмаа-бад̣̇ад̇т̇з, яасмаа згассааби ван̣н̣асса винаасзна анужжааран̣зна ваа д̣̇уружжааран̣зна ваа баб̣б̣аж̇ж̇аа на рухад̇и, д̇асмаа звам̣ вуд̇д̇анд̇и ад̇хиббааяо.

    2468-9.‘‘Pabbajjāguṇamicchatā’’ti idaṃ ‘‘ācariyena, antevāsikenā’’ti padadvayassa visesanaṃ daṭṭhabbaṃ, antevāsikassa pabbajjāguṇaṃ icchantena ācariyena, attano pabbajjāguṇaṃ icchantena antevāsikena ca bu-ddha-kārādayo vaṇṇā bu-kāra dha-kārādayo vaṇṇā akkharā ṭhānakaraṇasampadaṃ kaṇṭhatālumuddhadantaoṭṭhanāsikābhedaṃ ṭhānasampadañca akkharuppattisādhakatamajivhāmajjhādikaraṇasampadañca ahāpentena aparihāpentena vattabbāti yojanā. Kasmā idameva daḷhaṃ katvā vuttanti āha ‘‘ekavaṇṇavināsenā’’tiādi. Hi-saddo yasmā-padatthe, yasmā ekassāpi vaṇṇassa vināsena anuccāraṇena vā duruccāraṇena vā pabbajjā na ruhati, tasmā evaṃ vuttanti adhippāyo.

    2470. яад̣̇и сид̣̇д̇хаад̇и саасан̇гаважанзна убхад̇оужжааран̣асуд̣̇д̇хияаа д̣̇уггарад̇д̇ам̣ д̣̇ийбзд̇ваа ‘‘аббамад̇д̇зхи бхавид̇аб̣б̣а’’нд̇и убхиннам̣ аажарияанд̇зваасигаанам̣ анусидти д̣̇иннаа ход̇и. саран̣аг̇аманад̇оваад̇и авад̇хааран̣зна сааман̣зрабаб̣б̣аж̇ж̇аа убасамбад̣̇аа вияа н̃ад̇д̇ижад̇уд̇т̇зна гаммзна на ход̇и, ид̣̇ааниби саран̣аг̇аманзнзва сиж̇жхад̇ийд̇и д̣̇ийбзд̇и. хи-сад̣̇д̣̇о басид̣̇д̇хияам̣. яат̇ааха –

    2470.Yadi siddhāti sāsaṅkavacanena ubhatouccāraṇasuddhiyā dukkarattaṃ dīpetvā ‘‘appamattehi bhavitabba’’nti ubhinnaṃ ācariyantevāsikānaṃ anusiṭṭhi dinnā hoti. Saraṇagamanatovāti avadhāraṇena sāmaṇerapabbajjā upasampadā viya ñatticatutthena kammena na hoti, idānipi saraṇagamaneneva sijjhatīti dīpeti. Hi-saddo pasiddhiyaṃ. Yathāha –

    ‘‘яасмаа саран̣аг̇аманзна убасамбад̣̇аа барад̇о бадигкид̇д̇аа, д̇асмаа саа зд̇арахи саран̣аг̇аманамад̇д̇знзва на рухад̇и. сааман̣зрасса баб̣б̣аж̇ж̇аа бана яасмаа барад̇оби ‘ануж̇аанаами, бхигкавз, имзхи д̇ийхи саран̣аг̇аманзхи сааман̣зрабаб̣б̣аж̇ж̇а’нд̇и (махаава. 105) анун̃н̃аад̇аа зва, д̇асмаа саа зд̇арахиби саран̣аг̇аманамад̇д̇знзва рухад̇ий’’д̇и (махаава. адта. 34).

    ‘‘Yasmā saraṇagamanena upasampadā parato paṭikkhittā, tasmā sā etarahi saraṇagamanamatteneva na ruhati. Sāmaṇerassa pabbajjā pana yasmā paratopi ‘anujānāmi, bhikkhave, imehi tīhi saraṇagamanehi sāmaṇerapabbajja’nti (mahāva. 105) anuññātā eva, tasmā sā etarahipi saraṇagamanamatteneva ruhatī’’ti (mahāva. aṭṭha. 34).

    саран̣аг̇аманад̇о зва баб̣б̣аж̇ж̇аа яад̣̇иби гин̃жааби сид̣̇д̇хаа нибпаннаа, д̇ат̇ааби асса сааман̣зрасса ‘‘ид̣̇ан̃жид̣̇ан̃жа маяаа буурзд̇аб̣б̣ам̣ сийла’’нд̇и н̃ад̇ваа барибууран̣ад̇т̇ааяа бхигкунаа д̣̇аса сийлаани д̣̇аад̇аб̣б̣аанийд̇и яож̇анаа. яат̇ааха ‘‘ануж̇аанаами, бхигкавз, сааман̣зраанам̣ д̣̇аса сигкаабад̣̇аани, д̇зсу жа сааман̣зрзхи сигкид̇ум̣. баан̣аад̇ибаад̇аа взраман̣ий’’д̇иаад̣̇и (махаава. 106).

    Saraṇagamanato eva pabbajjā yadipi kiñcāpi siddhā nipphannā, tathāpi assa sāmaṇerassa ‘‘idañcidañca mayā pūretabbaṃ sīla’’nti ñatvā paripūraṇatthāya bhikkhunā dasa sīlāni dātabbānīti yojanā. Yathāha ‘‘anujānāmi, bhikkhave, sāmaṇerānaṃ dasa sikkhāpadāni, tesu ca sāmaṇerehi sikkhituṃ. Pāṇātipātā veramaṇī’’tiādi (mahāva. 106).

    баб̣б̣аж̇ж̇аагат̇ааван̣н̣анаа.

    Pabbajjākathāvaṇṇanā.

    2471. убаж̇жхааяанд̇и важ̇ж̇ааваж̇ж̇з убаниж̇жхааяад̇ийд̇и убаж̇жхааяо, д̇ам̣, бхаг̇авад̇аа вуд̇д̇зхи ан̇г̇зхи саманнааг̇ад̇о барибун̣н̣ад̣̇асавассо буг̇г̇ало. ниваасзд̇ваа жа баарубид̇ваа жа сираси ан̃ж̇алим̣ баг̇г̇ахзд̇ваа ад̇д̇ано абхимукз уггудигам̣ нисийд̣̇ид̇ваа ‘‘убаж̇жхааяо мз, бханд̇з, хохий’’д̇и д̇игкад̇д̇ум̣ вад̇ваа ааяаажанааяа гад̇ааяа ‘‘сааху, лаху, обааяигам̣, бадируубам̣, баасаад̣̇игзна самбаад̣̇зхий’’д̇и имзсу бан̃жасу бад̣̇зсу ан̃н̃ад̇арам̣ гааязна ваа ваажааяа ваа убхаязна ваа вин̃н̃аабзд̇ваа д̇асмим̣ самбадижчид̇з бид̇удтаанз тад̇ваа ад̇раж̇амива д̇ам̣ г̇ахзд̇ваа важ̇ж̇ааваж̇ж̇ам̣ убабаригкид̇ваа д̣̇осзна ниг̇г̇ан̣хид̇ваа сад̣̇д̇хивихааригз сигкаабзнд̇о убаж̇жхааяо наама.

    2471.Upajjhāyanti vajjāvajje upanijjhāyatīti upajjhāyo, taṃ, bhagavatā vuttehi aṅgehi samannāgato paripuṇṇadasavasso puggalo. Nivāsetvā ca pārupitvā ca sirasi añjaliṃ paggahetvā attano abhimukhe ukkuṭikaṃ nisīditvā ‘‘upajjhāyo me, bhante, hohī’’ti tikkhattuṃ vatvā āyācanāya katāya ‘‘sāhu, lahu, opāyikaṃ, paṭirūpaṃ, pāsādikena sampādehī’’ti imesu pañcasu padesu aññataraṃ kāyena vā vācāya vā ubhayena vā viññāpetvā tasmiṃ sampaṭicchite pituṭṭhāne ṭhatvā atrajamiva taṃ gahetvā vajjāvajjaṃ upaparikkhitvā dosena niggaṇhitvā saddhivihārike sikkhāpento upajjhāyo nāma.

    виж̇ж̇аасиббам̣, аажаарасамаажаарам̣ ваа сигкид̇угаамзхи аад̣̇арзна жарид̇аб̣б̣о убадтаад̇аб̣б̣од̇и аажарияо, д̇ам̣, убаж̇жхааяз вуд̇д̇алагкан̣асаманнааг̇ад̇оязва буг̇г̇ало. вуд̇д̇анаязнзва нисийд̣̇ид̇ваа ‘‘аажарияо мз, бханд̇з, хохи, ааяасмад̇о ниссааяа важчаамий’’д̇и д̇игкад̇д̇ум̣ вад̇ваа ааяаажанааяа гад̇ааяа ‘‘саахуу’’д̇иаад̣̇ийсу бан̃жасу ан̃н̃ад̇арам̣ вад̇ваа д̇асмим̣ самбадижчид̇з бид̇удтаанз тад̇ваа буд̇д̇адтаанияам̣ анд̇зваасим̣ сигкаабзнд̇о аажарияо наама.

    Vijjāsippaṃ, ācārasamācāraṃ vā sikkhitukāmehi ādarena caritabbo upaṭṭhātabboti ācariyo, taṃ, upajjhāye vuttalakkhaṇasamannāgatoyeva puggalo. Vuttanayeneva nisīditvā ‘‘ācariyo me, bhante, hohi, āyasmato nissāya vacchāmī’’ti tikkhattuṃ vatvā āyācanāya katāya ‘‘sāhū’’tiādīsu pañcasu aññataraṃ vatvā tasmiṃ sampaṭicchite pituṭṭhāne ṭhatvā puttaṭṭhāniyaṃ antevāsiṃ sikkhāpento ācariyo nāma.

    зд̇т̇а жа саахууд̇и саад̇ху. лахууд̇и аг̇ару, мама д̇уяхам̣ убаж̇жхааяабхаавз бхаарияам̣ над̇т̇ийд̇и ад̇т̇о. обааяиганд̇и убааяабадисам̣яуд̇д̇ам̣, д̇ам̣ убаж̇жхааяаг̇г̇ахан̣ам̣ иминаа убааязна д̇вам̣ мз ид̇о бадтааяа бхааро ж̇аад̇осийд̇и вуд̇д̇ам̣ ход̇и. бадируубанд̇и ануруубам̣ д̇з убаж̇жхааяаг̇г̇ахан̣анд̇и ад̇т̇о. баасаад̣̇игзнаад̇и басаад̣̇аавахзна гааяаважийбаяог̇зна. самбаад̣̇зхийд̇и д̇ивид̇хам̣ сигкам̣ нибпаад̣̇зхийд̇и ад̇т̇о. гааязна ваад̇и хад̇т̇амуд̣̇д̣̇аад̣̇им̣ д̣̇ассзнд̇о гааязна ваа. наамависзсам̣ винаа буурзд̇аб̣б̣авад̇д̇аанам̣ самад̇ааяа убхоби згад̇о вуд̇д̇аа.

    Ettha ca sāhūti sādhu. Lahūti agaru, mama tuyhaṃ upajjhāyabhāve bhāriyaṃ natthīti attho. Opāyikanti upāyapaṭisaṃyuttaṃ, taṃ upajjhāyaggahaṇaṃ iminā upāyena tvaṃ me ito paṭṭhāya bhāro jātosīti vuttaṃ hoti. Paṭirūpanti anurūpaṃ te upajjhāyaggahaṇanti attho. Pāsādikenāti pasādāvahena kāyavacīpayogena. Sampādehīti tividhaṃ sikkhaṃ nipphādehīti attho. Kāyena vāti hatthamuddādiṃ dassento kāyena vā. Nāmavisesaṃ vinā pūretabbavattānaṃ samatāya ubhopi ekato vuttā.

    зд̇аани вад̇д̇аани убаж̇жхааяасса сад̣̇д̇хивихааригзна, аажарияасса анд̇зваасигзнааби звамзва гаад̇аб̣б̣аанзваад̇и. васад̇аад̇и васанд̇зна. бияасийлзнаад̇и бияам̣ сийламзд̇ассаад̇и бияасийло, д̇зна, сийлам̣ барибуурид̇угаамзнаад̇и вуд̇д̇ам̣ ход̇и.

    Etāni vattāni upajjhāyassa saddhivihārikena, ācariyassa antevāsikenāpi evameva kātabbānevāti. Vasatāti vasantena. Piyasīlenāti piyaṃ sīlametassāti piyasīlo, tena, sīlaṃ paripūritukāmenāti vuttaṃ hoti.

    2472-3. аасанам̣ бан̃н̃абзд̇аб̣б̣анд̇и зд̇т̇а ‘‘гаалассзва вудтааяа убааханаа омун̃жид̇ваа згам̣сам̣ уд̇д̇араасан̇г̇ам̣ гарид̇ваа’’д̇и (махаава. 66) вуд̇д̇аа буб̣б̣агирияаа вад̇д̇аб̣б̣аа. аасанам̣ бан̃н̃абзд̇аб̣б̣анд̇и д̣̇анд̇агадтакаад̣̇анадтаанам̣ саммаж̇ж̇ид̇ваа нисийд̣̇анад̇т̇ааяа аасанам̣ бан̃н̃абзд̇аб̣б̣ам̣. иминаа жа яааг̇убаанадтаанаад̣̇ийсуби аасанаани бан̃н̃абзд̇аб̣б̣аанзваад̇и д̣̇ассид̇ам̣ ход̇и.

    2472-3.Āsanaṃ paññapetabbanti ettha ‘‘kālasseva vuṭṭhāya upāhanā omuñcitvā ekaṃsaṃ uttarāsaṅgaṃ karitvā’’ti (mahāva. 66) vuttā pubbakiriyā vattabbā. Āsanaṃ paññapetabbanti dantakaṭṭhakhādanaṭṭhānaṃ sammajjitvā nisīdanatthāya āsanaṃ paññapetabbaṃ. Iminā ca yāgupānaṭṭhānādīsupi āsanāni paññapetabbānevāti dassitaṃ hoti.

    д̣̇анд̇агадтам̣ д̣̇аад̇аб̣б̣анд̇и маханд̇ам̣, маж̇жхимам̣, куд̣̇д̣̇аганд̇и д̇ийн̣и д̣̇анд̇агадтаани убанзд̇ваа д̇ад̇о яам̣ д̇ийн̣и д̣̇ивасаани г̇ан̣хаад̇и, жад̇уд̇т̇ад̣̇ивасад̇о бадтааяа д̇аад̣̇исамзва д̣̇аад̇аб̣б̣ам̣. сажз анияамам̣ гад̇ваа яам̣ ваа д̇ам̣ ваа г̇ан̣хаад̇и, ат̇а яаад̣̇исам̣ лабхад̇и, д̇аад̣̇исам̣ д̣̇аад̇аб̣б̣ам̣.

    Dantakaṭṭhaṃ dātabbanti mahantaṃ, majjhimaṃ, khuddakanti tīṇi dantakaṭṭhāni upanetvā tato yaṃ tīṇi divasāni gaṇhāti, catutthadivasato paṭṭhāya tādisameva dātabbaṃ. Sace aniyamaṃ katvā yaṃ vā taṃ vā gaṇhāti, atha yādisaṃ labhati, tādisaṃ dātabbaṃ.

    мукод̣̇агам̣ д̣̇аад̇аб̣б̣анд̇и мукад̇хованод̣̇агам̣ мукод̣̇аганд̇и маж̇жхзбад̣̇алобийсамаасо, д̇ам̣ д̣̇знд̇зна сийд̇ан̃жа ун̣хан̃жа уд̣̇агам̣ убанзд̇ваа д̇ад̇о яам̣ д̇ийн̣и д̣̇ивасаани вал̣ан̃ж̇зд̇и, жад̇уд̇т̇ад̣̇ивасад̇о бадтааяа д̇аад̣̇исамзва мукад̇хованод̣̇агам̣ д̣̇аад̇аб̣б̣ам̣. сажз анияамам̣ гад̇ваа яам̣ ваа д̇ам̣ ваа г̇ан̣хаад̇и, ат̇а яаад̣̇исам̣ лабхад̇и, д̇аад̣̇исам̣ д̣̇аад̇аб̣б̣ам̣. сажз д̣̇увид̇хамби вал̣ан̃ж̇зд̇и, д̣̇увид̇хамби убанзд̇аб̣б̣ам̣. ‘‘мукод̣̇агам̣ мукад̇хованадтаанз табзд̇ваа авасзсадтаанаани саммаж̇ж̇ид̇аб̣б̣аани. саммаж̇ж̇анд̇зна жа важжагудид̇о бадтааяа саммаж̇ж̇ид̇аб̣б̣ам̣. т̇зрз важжагудим̣ г̇ад̇з баривзн̣ам̣ саммаж̇ж̇ид̇аб̣б̣ам̣, звам̣ баривзн̣ам̣ асун̃н̃ам̣ ход̇ий’’д̇и адтагат̇ааяам̣ (махаава. адта. 64 ад̇т̇ад̇о самаанам̣) вуд̇д̇анаязнзва саммаж̇ж̇ид̇аб̣б̣ам̣.

    Mukhodakaṃ dātabbanti mukhadhovanodakaṃ mukhodakanti majjhepadalopīsamāso, taṃ dentena sītañca uṇhañca udakaṃ upanetvā tato yaṃ tīṇi divasāni vaḷañjeti, catutthadivasato paṭṭhāya tādisameva mukhadhovanodakaṃ dātabbaṃ. Sace aniyamaṃ katvā yaṃ vā taṃ vā gaṇhāti, atha yādisaṃ labhati, tādisaṃ dātabbaṃ. Sace duvidhampi vaḷañjeti, duvidhampi upanetabbaṃ. ‘‘Mukhodakaṃ mukhadhovanaṭṭhāne ṭhapetvā avasesaṭṭhānāni sammajjitabbāni. Sammajjantena ca vaccakuṭito paṭṭhāya sammajjitabbaṃ. There vaccakuṭiṃ gate pariveṇaṃ sammajjitabbaṃ, evaṃ pariveṇaṃ asuññaṃ hotī’’ti aṭṭhakathāyaṃ (mahāva. aṭṭha. 64 atthato samānaṃ) vuttanayeneva sammajjitabbaṃ.

    д̇ад̇о уд̇д̇арим̣ гад̇д̇аб̣б̣ам̣ д̣̇ассзд̇умааха ‘‘д̇асса гаалзнаа’’д̇иаад̣̇и. д̇ассаад̇и убаж̇жхааяасса ваа аажарияасса ваа. гаалзнаад̇и яааг̇убаанагаалз. ид̇хааби ‘‘аасанам̣ бан̃н̃абзд̇аб̣б̣а’’нд̇и сзсо. яат̇ааха ‘‘т̇зрз важжагудид̇о анигканд̇зязва аасанам̣ бан̃н̃абзд̇аб̣б̣ам̣. сарийрагижжам̣ гад̇ваа ааг̇анд̇ваа д̇асмим̣ нисиннасса ‘сажз яааг̇у ход̇ий’д̇иаад̣̇инаа наязна вуд̇д̇ам̣ вад̇д̇ам̣ гаад̇аб̣б̣а’’нд̇и (махаава. адта. 64).

    Tato uttariṃ kattabbaṃ dassetumāha ‘‘tassa kālenā’’tiādi. Tassāti upajjhāyassa vā ācariyassa vā. Kālenāti yāgupānakāle. Idhāpi ‘‘āsanaṃ paññapetabba’’nti seso. Yathāha ‘‘there vaccakuṭito anikkhanteyeva āsanaṃ paññapetabbaṃ. Sarīrakiccaṃ katvā āgantvā tasmiṃ nisinnassa ‘sace yāgu hotī’tiādinā nayena vuttaṃ vattaṃ kātabba’’nti (mahāva. aṭṭha. 64).

    яааг̇у д̇ассубанзд̇аб̣б̣аад̇и зд̇т̇а ‘‘бхааж̇анам̣ д̇ховид̇ваа’’д̇и сзсо. яат̇ааха – ‘‘бхааж̇анам̣ д̇ховид̇ваа яааг̇у убанаамзд̇аб̣б̣аа’’д̇и (махаава. 66). сан̇гхад̇о ваад̇и салаагаад̣̇ивасзна сан̇гхад̇о лаб̣бхамаанаа ваа. гулад̇оби ваад̇и убаасагаад̣̇игулад̇о ваа.

    Yāgu tassupanetabbāti ettha ‘‘bhājanaṃ dhovitvā’’ti seso. Yathāha – ‘‘bhājanaṃ dhovitvā yāgu upanāmetabbā’’ti (mahāva. 66). Saṅghato vāti salākādivasena saṅghato labbhamānā vā. Kulatopi vāti upāsakādikulato vā.

    ‘‘бад̇д̇з вад̇д̇ан̃жа гаад̇аб̣б̣а’’нд̇и ид̣̇ам̣ ‘‘яааг̇ум̣ бийд̇асса уд̣̇агам̣ д̣̇ад̇ваа бхааж̇анам̣ бадиг̇г̇ахзд̇ваа нийжам̣ гад̇ваа саад̇хугам̣ аббадигхам̣санд̇зна д̇ховид̇ваа бадисаамзд̇аб̣б̣ам̣, убаж̇жхааяамхи вудтид̇з аасанам̣ уд̣̇д̇харид̇аб̣б̣ам̣ . сажз со д̣̇зсо углаабо ход̇и, со д̣̇зсо саммаж̇ж̇ид̇аб̣б̣о’’д̇и (махаава. 66) ааг̇ад̇авад̇д̇ам̣ санд̇хааяааха. д̣̇иваа бхуд̇д̇абад̇д̇зби гаад̇аб̣б̣ам̣ зд̇знзва д̣̇ассид̇ам̣ ход̇и.

    ‘‘Patte vattañca kātabba’’nti idaṃ ‘‘yāguṃ pītassa udakaṃ datvā bhājanaṃ paṭiggahetvā nīcaṃ katvā sādhukaṃ appaṭighaṃsantena dhovitvā paṭisāmetabbaṃ, upajjhāyamhi vuṭṭhite āsanaṃ uddharitabbaṃ . Sace so deso uklāpo hoti, so deso sammajjitabbo’’ti (mahāva. 66) āgatavattaṃ sandhāyāha. Divā bhuttapattepi kātabbaṃ eteneva dassitaṃ hoti.

    вад̇д̇ам̣ ‘‘г̇аамаббавзсанз’’д̇и ид̣̇ам̣ ‘‘сажз убаж̇жхааяо г̇аамам̣ бависид̇угаамо ход̇и, ниваасанам̣ д̣̇аад̇аб̣б̣ам̣, бадиниваасанам̣ бадиг̇г̇ахзд̇аб̣б̣а’’нд̇иаад̣̇инаяаббавад̇д̇ам̣ (махаава. 66) вад̇д̇ам̣ санд̇хааяааха. ‘‘гаад̇аб̣б̣а’’нд̇и ид̣̇ам̣ саб̣б̣абад̣̇зхи яож̇зд̇аб̣б̣ам̣.

    Vattaṃ ‘‘gāmappavesane’’ti idaṃ ‘‘sace upajjhāyo gāmaṃ pavisitukāmo hoti, nivāsanaṃ dātabbaṃ, paṭinivāsanaṃ paṭiggahetabba’’ntiādinayappavattaṃ (mahāva. 66) vattaṃ sandhāyāha. ‘‘Kātabba’’nti idaṃ sabbapadehi yojetabbaṃ.

    2474. жийварз яаани вад̇д̇аанийд̇и г̇аамам̣ бависид̇угаамасса жийварад̣̇аанз, бадинивад̇д̇асса жийвараг̇г̇ахан̣асан̇гхаран̣абадисааманзсу махзсинаа яаани вад̇д̇аани вуд̇д̇аани, д̇аани жа гаад̇аб̣б̣аани. сзнаасанз д̇ат̇аад̇и ‘‘яасмим̣ вихаарз убаж̇жхааяо вихарад̇ий’’д̇иаад̣̇инаа (махаава. 66) вуд̇д̇анаязна ‘‘сзнаасанз гад̇д̇аб̣б̣а’’нд̇и д̣̇ассид̇ам̣ сзнаасанавад̇д̇ан̃жа.

    2474.Cīvare yāni vattānīti gāmaṃ pavisitukāmassa cīvaradāne, paṭinivattassa cīvaraggahaṇasaṅgharaṇapaṭisāmanesu mahesinā yāni vattāni vuttāni, tāni ca kātabbāni. Senāsane tathāti ‘‘yasmiṃ vihāre upajjhāyo viharatī’’tiādinā (mahāva. 66) vuttanayena ‘‘senāsane kattabba’’nti dassitaṃ senāsanavattañca.

    баад̣̇абийтагат̇алигаад̣̇ийсу д̇ат̇аад̇и яож̇анаа. убаж̇жхааяз г̇аамад̇о бадинивад̇д̇з жа ж̇анд̇аагхарз жа ‘‘баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣а’’нд̇и (махаава. 66) звамааг̇ад̇ам̣ вад̇д̇ан̃жа гаад̇аб̣б̣ам̣. аад̣̇и-сад̣̇д̣̇зна ‘‘убаж̇жхааяо баанийязна бужчид̇аб̣б̣о’’д̇иаад̣̇ивад̇д̇ам̣ (махаава. 66) сан̇г̇ан̣хаад̇и.

    Pādapīṭhakathalikādīsu tathāti yojanā. Upajjhāye gāmato paṭinivatte ca jantāghare ca ‘‘pādodakaṃ pādapīṭhaṃ pādakathalikaṃ upanikkhipitabba’’nti (mahāva. 66) evamāgataṃ vattañca kātabbaṃ. Ādi-saddena ‘‘upajjhāyo pānīyena pucchitabbo’’tiādivattaṃ (mahāva. 66) saṅgaṇhāti.

    2475. звам̣ саб̣б̣ад̇т̇а вад̇д̇зсу баадиязггам̣ д̣̇ассияамаанзсу бабан̃жод̇и канд̇хагам̣ ологзд̇ваа сукаг̇г̇ахан̣ад̇т̇ааяа г̇ан̣анам̣ д̣̇ассзд̇угаамо ааха ‘‘звамаад̣̇ийний’’д̇иаад̣̇и. рог̇ад̇о вудтаанааг̇амананд̇аанийд̇и аажарияубаж̇жхааяаанам̣ рог̇ад̇о вудтаанааг̇аманабарияосаанаани. сад̇д̇ад̇им̣сасад̇ам̣ сияунд̇и сад̇д̇ад̇им̣саад̇хигасад̇авад̇д̇аанийд̇и ад̇т̇о.

    2475. Evaṃ sabbattha vattesu pāṭiyekkaṃ dassiyamānesu papañcoti khandhakaṃ oloketvā sukhaggahaṇatthāya gaṇanaṃ dassetukāmo āha ‘‘evamādīnī’’tiādi. Rogato vuṭṭhānāgamanantānīti ācariyupajjhāyānaṃ rogato vuṭṭhānāgamanapariyosānāni. Sattatiṃsasataṃ siyunti sattatiṃsādhikasatavattānīti attho.

    д̇аани бана вад̇д̇аани канд̇хагабаал̣ияаа (махаава. 66) ааг̇ад̇аггамзна звам̣ яат̇аавуд̇д̇аг̇ан̣анааяа самаанзд̇аб̣б̣аани – д̣̇анд̇агадтад̣̇аанам̣, мукод̣̇агад̣̇аанам̣, аасанабан̃н̃аабанам̣, сажз яааг̇у ход̇и, бхааж̇анам̣ д̇ховид̇ваа яааг̇уяаа убанааманам̣, яааг̇ум̣ бийд̇асса уд̣̇агам̣ д̣̇ад̇ваа бхааж̇анам̣ бадиг̇г̇ахзд̇ваа нийжам̣ гад̇ваа саад̇хугам̣ аббадигхам̣санд̇зна д̇ховид̇ваа бадисааманам̣, убаж̇жхааяамхи вудтид̇з аасанасса уд̣̇д̇харан̣ам̣, сажз со д̣̇зсо углаабо ход̇и, д̇асса саммаж̇ж̇анам̣, сажз убаж̇жхааяо г̇аамам̣ бависид̇угаамо ход̇и, д̇асса ниваасанад̣̇аанам̣, бадиниваасанабадиг̇г̇ахан̣ам̣, гааяаб̣анд̇ханад̣̇аанам̣, саг̇ун̣ам̣ гад̇ваа сан̇гхаадид̣̇аанам̣, д̇ховид̇ваа сод̣̇агабад̇д̇асса д̣̇аанам̣, сажз убаж̇жхааяо бажчаасаман̣ам̣ ааган̇кад̇и, д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇ваа гааяаб̣анд̇ханам̣ б̣анд̇хид̇ваа саг̇ун̣ам̣ гад̇ваа сан̇гхаадияо баарубид̇ваа г̇ан̣тигам̣ баримун̃жид̇ваа д̇ховид̇ваа бад̇д̇ам̣ г̇ахзд̇ваа убаж̇жхааяасса бажчаасаман̣зна г̇аманам̣, наад̇ид̣̇ууранажжаасаннз г̇аманам̣, бад̇д̇абарияаабаннасса бадиг̇г̇ахан̣ам̣, на убаж̇жхааяасса бхан̣амаанасса анд̇аранд̇араа гат̇ааобаад̇анам̣, убаж̇жхааяасса аабад̇д̇исааманд̇аа бхан̣амаанасса жа нивааран̣ам̣, нивад̇д̇анд̇зна батамад̇арам̣ ааг̇анд̇ваа аасанабан̃н̃аабанам̣, баад̣̇од̣̇агабаад̣̇абийтабаад̣̇агат̇алигаанам̣ убанигкибанам̣, бажжуг̇г̇анд̇ваа бад̇д̇ажийварабадиг̇г̇ахан̣ам̣, бадиниваасанад̣̇аанам̣, ниваасанабадиг̇г̇ахан̣ам̣, сажз жийварам̣ синнам̣ ход̇и, мухуд̇д̇ам̣ ун̣хз од̇аабанам̣, нзва ун̣хз жийварасса нид̣̇аханам̣, маж̇жхз яат̇аа бхан̇г̇о на ход̇и, звам̣ жад̇уран̇г̇улам̣ ган̣н̣ам̣ уссаарзд̇ваа жийварасса сан̇гхаран̣ам̣, обхог̇з гааяаб̣анд̇ханасса гаран̣ам̣, сажз бин̣д̣абаад̇о ход̇и, убаж̇жхааяо жа бхун̃ж̇ид̇угаамо ход̇и, уд̣̇агам̣ д̣̇ад̇ваа бин̣д̣абаад̇асса убанааманам̣, убаж̇жхааяасса баанийязна бужчанам̣, бхуд̇д̇аависса уд̣̇агам̣ д̣̇ад̇ваа бад̇д̇ам̣ бадиг̇г̇ахзд̇ваа нийжам̣ гад̇ваа саад̇хугам̣ аббадигхам̣санд̇зна д̇ховид̇ваа вод̣̇агам̣ гад̇ваа мухуд̇д̇ам̣ ун̣хз од̇аабанам̣, на жа ун̣хз бад̇д̇асса нид̣̇аханам̣, бад̇д̇ажийварам̣ нигкибид̇аб̣б̣ам̣ –

    Tāni pana vattāni khandhakapāḷiyā (mahāva. 66) āgatakkamena evaṃ yathāvuttagaṇanāya samānetabbāni – dantakaṭṭhadānaṃ, mukhodakadānaṃ, āsanapaññāpanaṃ, sace yāgu hoti, bhājanaṃ dhovitvā yāguyā upanāmanaṃ, yāguṃ pītassa udakaṃ datvā bhājanaṃ paṭiggahetvā nīcaṃ katvā sādhukaṃ appaṭighaṃsantena dhovitvā paṭisāmanaṃ, upajjhāyamhi vuṭṭhite āsanassa uddharaṇaṃ, sace so deso uklāpo hoti, tassa sammajjanaṃ, sace upajjhāyo gāmaṃ pavisitukāmo hoti, tassa nivāsanadānaṃ, paṭinivāsanapaṭiggahaṇaṃ, kāyabandhanadānaṃ, saguṇaṃ katvā saṅghāṭidānaṃ, dhovitvā sodakapattassa dānaṃ, sace upajjhāyo pacchāsamaṇaṃ ākaṅkhati, timaṇḍalaṃ paṭicchādentena parimaṇḍalaṃ nivāsetvā kāyabandhanaṃ bandhitvā saguṇaṃ katvā saṅghāṭiyo pārupitvā gaṇṭhikaṃ parimuñcitvā dhovitvā pattaṃ gahetvā upajjhāyassa pacchāsamaṇena gamanaṃ, nātidūranaccāsanne gamanaṃ, pattapariyāpannassa paṭiggahaṇaṃ, na upajjhāyassa bhaṇamānassa antarantarā kathāopātanaṃ, upajjhāyassa āpattisāmantā bhaṇamānassa ca nivāraṇaṃ, nivattantena paṭhamataraṃ āgantvā āsanapaññāpanaṃ, pādodakapādapīṭhapādakathalikānaṃ upanikkhipanaṃ, paccuggantvā pattacīvarapaṭiggahaṇaṃ, paṭinivāsanadānaṃ, nivāsanapaṭiggahaṇaṃ, sace cīvaraṃ sinnaṃ hoti, muhuttaṃ uṇhe otāpanaṃ, neva uṇhe cīvarassa nidahanaṃ, majjhe yathā bhaṅgo na hoti, evaṃ caturaṅgulaṃ kaṇṇaṃ ussāretvā cīvarassa saṅgharaṇaṃ, obhoge kāyabandhanassa karaṇaṃ, sace piṇḍapāto hoti, upajjhāyo ca bhuñjitukāmo hoti, udakaṃ datvā piṇḍapātassa upanāmanaṃ, upajjhāyassa pānīyena pucchanaṃ, bhuttāvissa udakaṃ datvā pattaṃ paṭiggahetvā nīcaṃ katvā sādhukaṃ appaṭighaṃsantena dhovitvā vodakaṃ katvā muhuttaṃ uṇhe otāpanaṃ, na ca uṇhe pattassa nidahanaṃ, pattacīvaraṃ nikkhipitabbaṃ –

    бад̇д̇ам̣ нигкибанд̇зна згзна хад̇т̇зна бад̇д̇ам̣ г̇ахзд̇ваа згзна хад̇т̇зна хздтааман̃жам̣ ваа хздтаабийтам̣ ваа бараамасид̇ваа бад̇д̇асса нигкибанам̣, на жа ананд̇арахид̇ааяа бхуумияаа бад̇д̇асса нигкибанам̣, жийварам̣ нигкибанд̇зна згзна хад̇т̇зна жийварам̣ г̇ахзд̇ваа згзна хад̇т̇зна жийваравам̣сам̣ ваа жийварараж̇ж̇ум̣ ваа бамаж̇ж̇ид̇ваа баарад̇о анд̇ам̣ орад̇о бхог̇ам̣ гад̇ваа жийварасса нигкибанам̣, убаж̇жхааяамхи вудтид̇з аасанасса уд̣̇д̇харан̣ам̣, баад̣̇од̣̇агабаад̣̇абийтабаад̣̇агат̇алигаанам̣ бадисааманам̣, сажз со д̣̇зсо углаабо ход̇и, д̇асса саммаж̇ж̇анам̣, сажз убаж̇жхааяо нхааяид̇угаамо ход̇и, нхаанасса бадияаад̣̇анам̣, сажз сийд̇зна ад̇т̇о ход̇и, сийд̇асса сажз ун̣хзна ад̇т̇о ход̇и, ун̣хасса бадияаад̣̇анам̣, сажз убаж̇жхааяо ж̇анд̇аагхарам̣ бависид̇угаамо ход̇и, жун̣н̣асса саннаяанам̣, мад̇д̇игаад̇зманам̣, ж̇анд̇аагхарабийтам̣ аад̣̇ааяа убаж̇жхааяасса бидтид̇о бидтид̇о г̇анд̇ваа ж̇анд̇аагхарабийтам̣ д̣̇ад̇ваа жийварам̣ бадиг̇г̇ахзд̇ваа згаманд̇ам̣ нигкибанам̣, жун̣н̣ад̣̇аанам̣, мад̇д̇игаад̣̇аанам̣, сажз уссахад̇и, ж̇анд̇аагхарам̣ бависид̇аб̣б̣ам̣ –

    Pattaṃ nikkhipantena ekena hatthena pattaṃ gahetvā ekena hatthena heṭṭhāmañcaṃ vā heṭṭhāpīṭhaṃ vā parāmasitvā pattassa nikkhipanaṃ, na ca anantarahitāya bhūmiyā pattassa nikkhipanaṃ, cīvaraṃ nikkhipantena ekena hatthena cīvaraṃ gahetvā ekena hatthena cīvaravaṃsaṃ vā cīvararajjuṃ vā pamajjitvā pārato antaṃ orato bhogaṃ katvā cīvarassa nikkhipanaṃ, upajjhāyamhi vuṭṭhite āsanassa uddharaṇaṃ, pādodakapādapīṭhapādakathalikānaṃ paṭisāmanaṃ, sace so deso uklāpo hoti, tassa sammajjanaṃ, sace upajjhāyo nhāyitukāmo hoti, nhānassa paṭiyādanaṃ, sace sītena attho hoti, sītassa sace uṇhena attho hoti, uṇhassa paṭiyādanaṃ, sace upajjhāyo jantāgharaṃ pavisitukāmo hoti, cuṇṇassa sannayanaṃ, mattikātemanaṃ, jantāgharapīṭhaṃ ādāya upajjhāyassa piṭṭhito piṭṭhito gantvā jantāgharapīṭhaṃ datvā cīvaraṃ paṭiggahetvā ekamantaṃ nikkhipanaṃ, cuṇṇadānaṃ, mattikādānaṃ, sace ussahati, jantāgharaṃ pavisitabbaṃ –

    ж̇анд̇аагхарам̣ бависанд̇зна мад̇д̇игааяа мукам̣ магкзд̇ваа бурад̇о жа бажчад̇о жа бадижчаад̣̇зд̇ваа ж̇анд̇аагхараббавзсо, на т̇зраанам̣ бхигкуунам̣ анубакаж̇ж̇а нисийд̣̇анам̣, на наваанам̣ бхигкуунам̣ аасанзна бадиб̣ааханам̣, ж̇анд̇аагхарз убаж̇жхааяасса баригаммасса гаран̣ам̣, ж̇анд̇аагхараа нигкаманд̇зна ж̇анд̇аагхарабийтам̣ аад̣̇ааяа бурад̇о жа бажчад̇о жа бадижчаад̣̇зд̇ваа ж̇анд̇аагхараа нигкаманам̣, уд̣̇агзби убаж̇жхааяасса баригаммагаран̣ам̣, нхаад̇зна батамад̇арам̣ уд̇д̇арид̇ваа ад̇д̇ано г̇ад̇д̇ам̣ вод̣̇агам̣ гад̇ваа ниваасзд̇ваа убаж̇жхааяасса г̇ад̇д̇ад̇о уд̣̇агасса бамаж̇ж̇анам̣, ниваасанад̣̇аанам̣, сан̇гхаадид̣̇аанам̣, ж̇анд̇аагхарабийтам̣ аад̣̇ааяа батамад̇арам̣ ааг̇анд̇ваа аасанасса бан̃н̃аабанам̣, баад̣̇од̣̇агабаад̣̇абийтабаад̣̇агат̇алигаанам̣ убанигкибанам̣, убаж̇жхааяасса баанийязна бужчанам̣, сажз уд̣̇д̣̇исаабзд̇угаамо ход̇и, уд̣̇д̣̇исаабанам̣, сажз барибужчид̇угаамо ход̇и, барибужчанам̣, яасмим̣ вихаарз убаж̇жхааяо вихарад̇и, сажз со вихааро углаабо ход̇и, сажз уссахад̇и, д̇асса сод̇ханам̣, вихаарам̣ сод̇хзнд̇зна батамам̣ бад̇д̇ажийварасса нийхарид̇ваа згаманд̇ам̣ нигкибанам̣, нисийд̣̇анабажжад̇т̇аран̣асса нийхарид̇ваа згаманд̇ам̣ нигкибанам̣, бхисиб̣иб̣б̣оханасса нийхарид̇ваа згаманд̇ам̣ нигкибанам̣, ман̃жасса нийжам̣ гад̇ваа саад̇хугам̣ аббадигхам̣санд̇зна асан̇гхаддзнд̇зна гаваадабийтам̣ нийхарид̇ваа згаманд̇ам̣ нигкибанам̣, бийтасса нийжам̣ гад̇ваа саад̇хугам̣ аббадигхам̣санд̇зна асан̇гхаддзнд̇зна гаваадабийтам̣ нийхарид̇ваа згаманд̇ам̣ нигкибанам̣, ман̃жабадибаад̣̇агаанам̣ нийхарид̇ваа згаманд̇ам̣ нигкибанам̣, кзл̣амаллагасса нийхарид̇ваа згаманд̇ам̣ нигкибанам̣, абассзнапалагасса нийхарид̇ваа згаманд̇ам̣ нигкибанам̣, бхуумад̇т̇аран̣асса яат̇аабан̃н̃ад̇д̇асса саллагкзд̇ваа нийхарид̇ваа згаманд̇ам̣ нигкибанам̣ , сажз вихаарз санд̇аанагам̣ ход̇и, уллогаа батамам̣ охааран̣ам̣, аалогасанд̇хиган̣н̣абхааг̇аанам̣ бамаж̇ж̇анам̣, сажз г̇зругабаригаммагад̇аа бхид̇д̇и ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇анам̣, сажз гаал̣аван̣н̣агад̇аа бхууми ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇анам̣, сажз агад̇аа ход̇и бхууми, уд̣̇агзна барибпосид̇ваа бамаж̇ж̇анам̣ ‘‘маа вихааро раж̇зна ухан̃н̃ий’’д̇и, сан̇гаарам̣ вижинид̇ваа згаманд̇ам̣ чад̣д̣анам̣, бхуумад̇т̇аран̣асса од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабан̃н̃ад̇д̇ам̣ бан̃н̃аабанам̣, ман̃жабадибаад̣̇агаанам̣ од̇аабзд̇ваа бамаж̇ж̇ид̇ваа ад̇ихарид̇ваа яат̇аадтаанз табанам̣, ман̃жасса од̇аабзд̇ваа сод̇хзд̇ваа бабподзд̇ваа нийжам̣ гад̇ваа саад̇хугам̣ аббадигхам̣санд̇зна асан̇гхаддзнд̇зна гаваадабийтам̣ ад̇ихарид̇ваа яат̇аабан̃н̃ад̇д̇ам̣ бан̃н̃аабанам̣, бийтасса од̇аабзд̇ваа сод̇хзд̇ваа бабподзд̇ваа нийжам̣ гад̇ваа саад̇хугам̣ аббадигхам̣санд̇зна асан̇гхаддзнд̇зна гаваадабийтам̣ ад̇ихарид̇ваа яат̇аабан̃н̃ад̇д̇ам̣ бан̃н̃аабанам̣, бхисиб̣иб̣б̣оханасса од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабан̃н̃ад̇д̇ам̣ бан̃н̃аабанам̣, нисийд̣̇анабажжад̇т̇аран̣асса од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабан̃н̃ад̇д̇ам̣ бан̃н̃аабанам̣, кзл̣амаллагасса од̇аабзд̇ваа бамаж̇ж̇ид̇ваа ад̇ихарид̇ваа яат̇аадтаанз табанам̣, абассзнапалагасса од̇аабзд̇ваа бамаж̇ж̇ид̇ваа ад̇ихарид̇ваа яат̇аадтаанз табанам̣, бад̇д̇ажийварам̣ нигкибид̇аб̣б̣ам̣ –

    Jantāgharaṃ pavisantena mattikāya mukhaṃ makkhetvā purato ca pacchato ca paṭicchādetvā jantāgharappaveso, na therānaṃ bhikkhūnaṃ anupakhajja nisīdanaṃ, na navānaṃ bhikkhūnaṃ āsanena paṭibāhanaṃ, jantāghare upajjhāyassa parikammassa karaṇaṃ, jantāgharā nikkhamantena jantāgharapīṭhaṃ ādāya purato ca pacchato ca paṭicchādetvā jantāgharā nikkhamanaṃ, udakepi upajjhāyassa parikammakaraṇaṃ, nhātena paṭhamataraṃ uttaritvā attano gattaṃ vodakaṃ katvā nivāsetvā upajjhāyassa gattato udakassa pamajjanaṃ, nivāsanadānaṃ, saṅghāṭidānaṃ, jantāgharapīṭhaṃ ādāya paṭhamataraṃ āgantvā āsanassa paññāpanaṃ, pādodakapādapīṭhapādakathalikānaṃ upanikkhipanaṃ, upajjhāyassa pānīyena pucchanaṃ, sace uddisāpetukāmo hoti, uddisāpanaṃ, sace paripucchitukāmo hoti, paripucchanaṃ, yasmiṃ vihāre upajjhāyo viharati, sace so vihāro uklāpo hoti, sace ussahati, tassa sodhanaṃ, vihāraṃ sodhentena paṭhamaṃ pattacīvarassa nīharitvā ekamantaṃ nikkhipanaṃ, nisīdanapaccattharaṇassa nīharitvā ekamantaṃ nikkhipanaṃ, bhisibibbohanassa nīharitvā ekamantaṃ nikkhipanaṃ, mañcassa nīcaṃ katvā sādhukaṃ appaṭighaṃsantena asaṅghaṭṭentena kavāṭapīṭhaṃ nīharitvā ekamantaṃ nikkhipanaṃ, pīṭhassa nīcaṃ katvā sādhukaṃ appaṭighaṃsantena asaṅghaṭṭentena kavāṭapīṭhaṃ nīharitvā ekamantaṃ nikkhipanaṃ, mañcapaṭipādakānaṃ nīharitvā ekamantaṃ nikkhipanaṃ, kheḷamallakassa nīharitvā ekamantaṃ nikkhipanaṃ, apassenaphalakassa nīharitvā ekamantaṃ nikkhipanaṃ, bhūmattharaṇassa yathāpaññattassa sallakkhetvā nīharitvā ekamantaṃ nikkhipanaṃ , sace vihāre santānakaṃ hoti, ullokā paṭhamaṃ ohāraṇaṃ, ālokasandhikaṇṇabhāgānaṃ pamajjanaṃ, sace gerukaparikammakatā bhitti kaṇṇakitā hoti, coḷakaṃ temetvā pīḷetvā pamajjanaṃ, sace kāḷavaṇṇakatā bhūmi kaṇṇakitā hoti, coḷakaṃ temetvā pīḷetvā pamajjanaṃ, sace akatā hoti bhūmi, udakena paripphositvā pamajjanaṃ ‘‘mā vihāro rajena uhaññī’’ti, saṅkāraṃ vicinitvā ekamantaṃ chaḍḍanaṃ, bhūmattharaṇassa otāpetvā sodhetvā papphoṭetvā atiharitvā yathāpaññattaṃ paññāpanaṃ, mañcapaṭipādakānaṃ otāpetvā pamajjitvā atiharitvā yathāṭṭhāne ṭhapanaṃ, mañcassa otāpetvā sodhetvā papphoṭetvā nīcaṃ katvā sādhukaṃ appaṭighaṃsantena asaṅghaṭṭentena kavāṭapīṭhaṃ atiharitvā yathāpaññattaṃ paññāpanaṃ, pīṭhassa otāpetvā sodhetvā papphoṭetvā nīcaṃ katvā sādhukaṃ appaṭighaṃsantena asaṅghaṭṭentena kavāṭapīṭhaṃ atiharitvā yathāpaññattaṃ paññāpanaṃ, bhisibibbohanassa otāpetvā sodhetvā papphoṭetvā atiharitvā yathāpaññattaṃ paññāpanaṃ, nisīdanapaccattharaṇassa otāpetvā sodhetvā papphoṭetvā atiharitvā yathāpaññattaṃ paññāpanaṃ, kheḷamallakassa otāpetvā pamajjitvā atiharitvā yathāṭṭhāne ṭhapanaṃ, apassenaphalakassa otāpetvā pamajjitvā atiharitvā yathāṭṭhāne ṭhapanaṃ, pattacīvaraṃ nikkhipitabbaṃ –

    бад̇д̇ам̣ нигкибанд̇зна згзна хад̇т̇зна бад̇д̇ам̣ г̇ахзд̇ваа згзна хад̇т̇зна хздтааман̃жам̣ ваа хздтаабийтам̣ ваа бараамасид̇ваа бад̇д̇асса нигкибанам̣, на жа ананд̇арахид̇ааяа бхуумияаа бад̇д̇асса нигкибанам̣, жийварам̣ нигкибанд̇зна згзна хад̇т̇зна жийварам̣ г̇ахзд̇ваа згзна хад̇т̇зна жийваравам̣сам̣ ваа жийварараж̇ж̇ум̣ ваа бамаж̇ж̇ид̇ваа баарад̇о анд̇ам̣ орад̇о бхог̇ам̣ гад̇ваа жийварасса нигкибанам̣, сажз бурад̇т̇имааяа сараж̇аа ваад̇аа вааяанд̇и, бурад̇т̇имаанам̣ ваад̇абаанаанам̣ т̇аганам̣, д̇ат̇аа бажчимаанам̣, д̇ат̇аа уд̇д̇араанам̣, д̇ат̇аа д̣̇агкин̣аанам̣ ваад̇абаанаанам̣ т̇аганам̣, сажз сийд̇агаало ход̇и, д̣̇иваа ваад̇абаанаанам̣ виваран̣ам̣, рад̇д̇им̣ т̇аганам̣, сажз ун̣хагаало ход̇и, д̣̇иваа ваад̇абаанаанам̣ т̇аганам̣, рад̇д̇им̣ виваран̣ам̣, сажз баривзн̣ам̣ углаабам̣ ход̇и, баривзн̣асса саммаж̇ж̇анам̣, сажз годтаго углаабо ход̇и, годтагасса саммаж̇ж̇анам̣, сажз убадтаанасаалаа углаабаа ход̇и, д̇ассаа саммаж̇ж̇анам̣, сажз аг̇г̇исаалаа углаабаа ход̇и, д̇ассаа саммаж̇ж̇анам̣, сажз важжагуди углаабаа ход̇и, д̇ассаа саммаж̇ж̇анам̣, сажз баанийяам̣ на ход̇и, баанийяасса убадтаабанам̣, сажз барибхож̇анийяам̣ на ход̇и, барибхож̇анийяасса убадтаабанам̣, сажз аажаманагумбхияаа уд̣̇агам̣ на ход̇и, аажаманагумбхияаа уд̣̇агасса аасин̃жанам̣, сажз убаж̇жхааяасса анабхирад̇и уббаннаа ход̇и, сад̣̇д̇хивихааригзна вуубагаасанам̣ вуубагаасаабанам̣ ваа, д̇хаммагат̇ааяа ваа д̇асса гаран̣ам̣, сажз убаж̇жхааяасса гуггужжам̣ уббаннам̣ ход̇и, сад̣̇д̇хивихааригзна винод̣̇анам̣ винод̣̇аабанам̣ ваа, д̇хаммагат̇ааяа ваа д̇асса гаран̣ам̣, сажз убаж̇жхааяасса д̣̇идтиг̇ад̇ам̣ уббаннам̣ ход̇и, сад̣̇д̇хивихааригзна вивзжанам̣ вивзжаабанам̣ ваа, д̇хаммагат̇ааяа ваа д̇асса гаран̣ам̣, сажз убаж̇жхааяо г̇аруд̇хаммам̣ аж̇жхаабанно ход̇и бариваасаарахо, сад̣̇д̇хивихааригзна уссуггагаран̣ам̣ ‘‘гинд̇и ну ко сан̇гхо убаж̇жхааяасса бариваасам̣ д̣̇ад̣̇зяяаа’’д̇и, сажз убаж̇жхааяо муулааяабадигассанаарахо ход̇и, сад̣̇д̇хивихааригзна уссуггагаран̣ам̣ ‘‘гинд̇и ну ко сан̇гхо убаж̇жхааяам̣ муулааяа бадигассзяяаа’’д̇и, сажз убаж̇жхааяо маанад̇д̇аарахо ход̇и, сад̣̇д̇хивихааригзна уссуггагаран̣ам̣ ‘‘гинд̇и ну ко сан̇гхо убаж̇жхааяасса маанад̇д̇ам̣ д̣̇ад̣̇зяяаа’’д̇и, сажз убаж̇жхааяо аб̣бхаанаарахо ход̇и, сад̣̇д̇хивихааригзна уссуггагаран̣ам̣ ‘‘гинд̇и ну ко сан̇гхо убаж̇жхааяам̣ аб̣бхзяяаа’’д̇и, сажз сан̇гхо убаж̇жхааяасса гаммам̣ гад̇д̇угаамо ход̇и д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа, сад̣̇д̇хивихааригзна уссуггагаран̣ам̣ ‘‘гинд̇и ну ко сан̇гхо убаж̇жхааяасса гаммам̣ на гарзяяа, лахугааяа ваа барин̣аамзяяаа’’д̇и, гад̇ам̣ ваа банасса ход̇и сан̇гхзна гаммам̣ д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа, сад̣̇д̇хивихааригзна уссуггагаран̣ам̣ ‘‘гинд̇и ну ко убаж̇жхааяо саммаа вад̇д̇зяяа, ломам̣ баад̇зяяа, нзд̇т̇аарам̣ вад̇д̇зяяа, сан̇гхо д̇ам̣ гаммам̣ бадиббассамбхзяяаа’’д̇и, сажз убаж̇жхааяасса жийварам̣ д̇ховид̇аб̣б̣ам̣ ход̇и , сад̣̇д̇хивихааригзна д̇хованам̣ уссуггагаран̣ам̣ ваа ‘‘гинд̇и ну ко убаж̇жхааяасса жийварам̣ д̇ховиязт̇аа’’д̇и, сажз убаж̇жхааяасса жийварам̣ гаад̇аб̣б̣ам̣ ход̇и, сад̣̇д̇хивихааригзна гаран̣ам̣ уссуггагаран̣ам̣ ваа ‘‘гинд̇и ну ко убаж̇жхааяасса жийварам̣ гариязт̇аа’’д̇и, сажз убаж̇жхааяасса раж̇анам̣ бажид̇аб̣б̣ам̣ ход̇и, сад̣̇д̇хивихааригзна бажанам̣ уссуггагаран̣ам̣ ваа ‘‘гинд̇и ну ко убаж̇жхааяасса раж̇анам̣ бажиязт̇аа’’д̇и, сажз убаж̇жхааяасса жийварам̣ раж̇зд̇аб̣б̣ам̣ ход̇и, сад̣̇д̇хивихааригзна раж̇анам̣ уссуггагаран̣ам̣ ваа ‘‘гинд̇и ну ко убаж̇жхааяасса жийварам̣ раж̇иязт̇аа’’д̇и, жийварам̣ раж̇анд̇зна саад̇хугам̣ самбаривад̇д̇агам̣ самбаривад̇д̇агам̣ раж̇анам̣, на жа ажчиннз т̇звз баггаманам̣, убаж̇жхааяам̣ анаабужчаа на згажжасса бад̇д̇ад̣̇аанам̣, на згажжасса бад̇д̇абадиг̇г̇ахан̣ам̣, на згажжасса жийварад̣̇аанам̣, на згажжасса жийварабадиг̇г̇ахан̣ам̣, на згажжасса баригкаарад̣̇аанам̣, на згажжасса баригкаарабадиг̇г̇ахан̣ам̣, на згажжасса гзсажчзд̣̇анам̣, на згажжзна гзсаанам̣ чзд̣̇аабанам̣, на згажжасса баригаммагаран̣ам̣, на згажжзна баригаммасса гаараабанам̣, на згажжасса взяяааважжагаран̣ам̣, на згажжзна взяяааважжасса гаараабанам̣, на згажжасса бажчаасаман̣зна г̇аманам̣, на згажжасса бажчаасаман̣асса аад̣̇аанам̣, на згажжасса бин̣д̣абаад̇асса нийхаран̣ам̣, на згажжзна бин̣д̣абаад̇анийхараабанам̣, на убаж̇жхааяам̣ анаабужчаа г̇аамаббавзсанам̣, на сусаанаг̇аманам̣, на д̣̇исаабаггаманам̣, сажз убаж̇жхааяо г̇илаано ход̇и, яааваж̇ийвам̣ убадтаанам̣, вудтаанамасса ааг̇амананд̇и д̇зсу гаанижи вад̇д̇аани савибхад̇д̇игаани, гаанижи авибхад̇д̇игаани, д̇зсу авибхад̇д̇игаанам̣ вибхааг̇з вужжамаанз яат̇аавуд̇д̇аг̇ан̣анааяа ад̇ирзгад̇араани хонд̇и, д̇ам̣ бана вибхааг̇ам̣ анаамасид̇ваа бин̣д̣авасзна г̇ахзд̇ваа яат̇аа аяам̣ г̇ан̣анаа д̣̇ассид̇аад̇и взд̣̇ид̇аб̣б̣аа.

    Pattaṃ nikkhipantena ekena hatthena pattaṃ gahetvā ekena hatthena heṭṭhāmañcaṃ vā heṭṭhāpīṭhaṃ vā parāmasitvā pattassa nikkhipanaṃ, na ca anantarahitāya bhūmiyā pattassa nikkhipanaṃ, cīvaraṃ nikkhipantena ekena hatthena cīvaraṃ gahetvā ekena hatthena cīvaravaṃsaṃ vā cīvararajjuṃ vā pamajjitvā pārato antaṃ orato bhogaṃ katvā cīvarassa nikkhipanaṃ, sace puratthimāya sarajā vātā vāyanti, puratthimānaṃ vātapānānaṃ thakanaṃ, tathā pacchimānaṃ, tathā uttarānaṃ, tathā dakkhiṇānaṃ vātapānānaṃ thakanaṃ, sace sītakālo hoti, divā vātapānānaṃ vivaraṇaṃ, rattiṃ thakanaṃ, sace uṇhakālo hoti, divā vātapānānaṃ thakanaṃ, rattiṃ vivaraṇaṃ, sace pariveṇaṃ uklāpaṃ hoti, pariveṇassa sammajjanaṃ, sace koṭṭhako uklāpo hoti, koṭṭhakassa sammajjanaṃ, sace upaṭṭhānasālā uklāpā hoti, tassā sammajjanaṃ, sace aggisālā uklāpā hoti, tassā sammajjanaṃ, sace vaccakuṭi uklāpā hoti, tassā sammajjanaṃ, sace pānīyaṃ na hoti, pānīyassa upaṭṭhāpanaṃ, sace paribhojanīyaṃ na hoti, paribhojanīyassa upaṭṭhāpanaṃ, sace ācamanakumbhiyā udakaṃ na hoti, ācamanakumbhiyā udakassa āsiñcanaṃ, sace upajjhāyassa anabhirati uppannā hoti, saddhivihārikena vūpakāsanaṃ vūpakāsāpanaṃ vā, dhammakathāya vā tassa karaṇaṃ, sace upajjhāyassa kukkuccaṃ uppannaṃ hoti, saddhivihārikena vinodanaṃ vinodāpanaṃ vā, dhammakathāya vā tassa karaṇaṃ, sace upajjhāyassa diṭṭhigataṃ uppannaṃ hoti, saddhivihārikena vivecanaṃ vivecāpanaṃ vā, dhammakathāya vā tassa karaṇaṃ, sace upajjhāyo garudhammaṃ ajjhāpanno hoti parivāsāraho, saddhivihārikena ussukkakaraṇaṃ ‘‘kinti nu kho saṅgho upajjhāyassa parivāsaṃ dadeyyā’’ti, sace upajjhāyo mūlāyapaṭikassanāraho hoti, saddhivihārikena ussukkakaraṇaṃ ‘‘kinti nu kho saṅgho upajjhāyaṃ mūlāya paṭikasseyyā’’ti, sace upajjhāyo mānattāraho hoti, saddhivihārikena ussukkakaraṇaṃ ‘‘kinti nu kho saṅgho upajjhāyassa mānattaṃ dadeyyā’’ti, sace upajjhāyo abbhānāraho hoti, saddhivihārikena ussukkakaraṇaṃ ‘‘kinti nu kho saṅgho upajjhāyaṃ abbheyyā’’ti, sace saṅgho upajjhāyassa kammaṃ kattukāmo hoti tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā, saddhivihārikena ussukkakaraṇaṃ ‘‘kinti nu kho saṅgho upajjhāyassa kammaṃ na kareyya, lahukāya vā pariṇāmeyyā’’ti, kataṃ vā panassa hoti saṅghena kammaṃ tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā, saddhivihārikena ussukkakaraṇaṃ ‘‘kinti nu kho upajjhāyo sammā vatteyya, lomaṃ pāteyya, netthāraṃ vatteyya, saṅgho taṃ kammaṃ paṭippassambheyyā’’ti, sace upajjhāyassa cīvaraṃ dhovitabbaṃ hoti , saddhivihārikena dhovanaṃ ussukkakaraṇaṃ vā ‘‘kinti nu kho upajjhāyassa cīvaraṃ dhoviyethā’’ti, sace upajjhāyassa cīvaraṃ kātabbaṃ hoti, saddhivihārikena karaṇaṃ ussukkakaraṇaṃ vā ‘‘kinti nu kho upajjhāyassa cīvaraṃ kariyethā’’ti, sace upajjhāyassa rajanaṃ pacitabbaṃ hoti, saddhivihārikena pacanaṃ ussukkakaraṇaṃ vā ‘‘kinti nu kho upajjhāyassa rajanaṃ paciyethā’’ti, sace upajjhāyassa cīvaraṃ rajetabbaṃ hoti, saddhivihārikena rajanaṃ ussukkakaraṇaṃ vā ‘‘kinti nu kho upajjhāyassa cīvaraṃ rajiyethā’’ti, cīvaraṃ rajantena sādhukaṃ samparivattakaṃ samparivattakaṃ rajanaṃ, na ca acchinne theve pakkamanaṃ, upajjhāyaṃ anāpucchā na ekaccassa pattadānaṃ, na ekaccassa pattapaṭiggahaṇaṃ, na ekaccassa cīvaradānaṃ, na ekaccassa cīvarapaṭiggahaṇaṃ, na ekaccassa parikkhāradānaṃ, na ekaccassa parikkhārapaṭiggahaṇaṃ, na ekaccassa kesacchedanaṃ, na ekaccena kesānaṃ chedāpanaṃ, na ekaccassa parikammakaraṇaṃ, na ekaccena parikammassa kārāpanaṃ, na ekaccassa veyyāvaccakaraṇaṃ, na ekaccena veyyāvaccassa kārāpanaṃ, na ekaccassa pacchāsamaṇena gamanaṃ, na ekaccassa pacchāsamaṇassa ādānaṃ, na ekaccassa piṇḍapātassa nīharaṇaṃ, na ekaccena piṇḍapātanīharāpanaṃ, na upajjhāyaṃ anāpucchā gāmappavesanaṃ, na susānagamanaṃ, na disāpakkamanaṃ, sace upajjhāyo gilāno hoti, yāvajīvaṃ upaṭṭhānaṃ, vuṭṭhānamassa āgamananti tesu kānici vattāni savibhattikāni, kānici avibhattikāni, tesu avibhattikānaṃ vibhāge vuccamāne yathāvuttagaṇanāya atirekatarāni honti, taṃ pana vibhāgaṃ anāmasitvā piṇḍavasena gahetvā yathā ayaṃ gaṇanā dassitāti veditabbā.

    2476. агаронд̇ассаад̇и зд̇т̇а ‘‘вад̇д̇а’’нд̇и сзсо. анаад̣̇аравасзнзва вад̇д̇ам̣ агаронд̇асса бхигкуно д̇зна вад̇д̇абхзд̣̇зна вад̇д̇аагаран̣зна саб̣б̣ад̇т̇а сад̇д̇ад̇им̣саад̇хигасад̇аббабхзд̣̇адтаанз д̇ад̇д̇агам̣язва д̣̇уггадам̣ багаасид̇анд̇и яож̇анаа.

    2476.Akarontassāti ettha ‘‘vatta’’nti seso. Anādaravaseneva vattaṃ akarontassa bhikkhuno tena vattabhedena vattākaraṇena sabbattha sattatiṃsādhikasatappabhedaṭṭhāne tattakaṃyeva dukkaṭaṃ pakāsitanti yojanā.

    убаж̇жхааяаажарияавад̇д̇агат̇ааван̣н̣анаа.

    Upajjhāyācariyavattakathāvaṇṇanā.

    2477. звам̣ убаж̇жхааяаажарияавад̇д̇аани сан̇кзбзна д̣̇ассзд̇ваа убаж̇жхааяаажариязхи сад̣̇д̇хивихаариганд̇зваасийнам̣ гаад̇аб̣б̣авад̇д̇аани д̣̇ассзд̇умааха ‘‘убаж̇жхааяасса вад̇д̇ааний’’д̇иаад̣̇и. убаж̇жхааяасса вад̇д̇аанийд̇и убаж̇жхааязна сад̣̇д̇хивихааригасса яуд̇д̇абад̇д̇агаалз гад̇д̇аб̣б̣ад̇д̇аа убаж̇жхааяааяад̇д̇авад̇д̇аанийд̇и ад̇т̇о. д̇ат̇аа сад̣̇д̇хивихааригзд̇и яат̇аа сад̣̇д̇хивихааригзна убаж̇жхааяасса гаад̇аб̣б̣аани, д̇ат̇аа убаж̇жхааязна сад̣̇д̇хивихааригз гаад̇аб̣б̣аани.

    2477. Evaṃ upajjhāyācariyavattāni saṅkhepena dassetvā upajjhāyācariyehi saddhivihārikantevāsīnaṃ kātabbavattāni dassetumāha ‘‘upajjhāyassa vattānī’’tiādi. Upajjhāyassa vattānīti upajjhāyena saddhivihārikassa yuttapattakāle kattabbattā upajjhāyāyattavattānīti attho. Tathā saddhivihāriketi yathā saddhivihārikena upajjhāyassa kātabbāni, tathā upajjhāyena saddhivihārike kātabbāni.

    убаж̇жхааяаажарияавад̇д̇зсу г̇аамаббавзсз бажчаасаман̣зна худ̇ваа наад̇ид̣̇ууранажжаасаннаг̇аманам̣, на анд̇аранд̇араа гат̇ааобаад̇анам̣, аабад̇д̇исааманд̇аа бхан̣амаанасса нивааран̣ам̣, бад̇д̇абарияаабаннабадиг̇г̇ахан̣анд̇и жад̇д̇аари вад̇д̇аани, на згажжасса бад̇д̇ад̣̇аанаад̣̇ианаабужчаад̣̇исаабаггаманаавасаанаани вийсад̇и бадигкзбаа жзд̇и зд̇аани жад̇увийсад̇и вад̇д̇аани табзд̇ваа авасзсаани д̇зрасаад̇хигасад̇авад̇д̇аани санд̇хааяааха ‘‘сад̇ам̣ д̇зраса хонд̇зваа’’д̇и, д̇зрасаад̇хигасад̇авад̇д̇аани хонд̇ийд̇и ад̇т̇о. аажариязна анд̇зваасигзби жа гаад̇аб̣б̣авад̇д̇аани д̇ат̇аа д̇ад̇д̇агаанзваад̇и ад̇т̇о.

    Upajjhāyācariyavattesu gāmappavese pacchāsamaṇena hutvā nātidūranaccāsannagamanaṃ, na antarantarā kathāopātanaṃ, āpattisāmantā bhaṇamānassa nivāraṇaṃ, pattapariyāpannapaṭiggahaṇanti cattāri vattāni, na ekaccassa pattadānādianāpucchādisāpakkamanāvasānāni vīsati paṭikkhepā ceti etāni catuvīsati vattāni ṭhapetvā avasesāni terasādhikasatavattāni sandhāyāha ‘‘sataṃ terasa hontevā’’ti, terasādhikasatavattāni hontīti attho. Ācariyena antevāsikepi ca kātabbavattāni tathā tattakānevāti attho.

    сад̣̇д̇хивихаариганд̇зваасигавад̇д̇агат̇ааван̣н̣анаа.

    Saddhivihārikantevāsikavattakathāvaṇṇanā.

    2478. убаж̇жхааяаажариязхи сад̣̇д̇хивихаариганд̇зваасигаанам̣ ниссаяабадиббассад̣̇д̇хиббагаарам̣ д̣̇ассзд̇умааха ‘‘багганд̇з ваабий’’д̇иаад̣̇и. багганд̇з вааби виб̣бханд̇з вааби багкасан̇ганд̇з вааби мад̇з вааби аан̣ад̇д̇ияаа вааби звам̣ бан̃жад̇хаа убаж̇жхааяаа сад̣̇д̇хивихааригзна г̇ахид̇о ниссаяо бадиббассамбхад̇ийд̇и яож̇анаа. багганд̇зд̇и д̇ад̣̇аху абажжааг̇анд̇угаамад̇ааяа д̣̇исам̣ г̇ад̇з. виб̣бханд̇зд̇и г̇ихибхаавам̣ бад̇д̇з. багкасан̇ганд̇агзд̇и д̇ид̇т̇ияааяад̇анам̣ г̇ад̇з. мад̇зд̇и гаалагад̇з. аан̣ад̇д̇ияаад̇и ниссаяабан̣ааманзна.

    2478. Upajjhāyācariyehi saddhivihārikantevāsikānaṃ nissayapaṭippassaddhippakāraṃ dassetumāha ‘‘pakkante vāpī’’tiādi. Pakkante vāpi vibbhante vāpi pakkhasaṅkante vāpi mate vāpi āṇattiyā vāpi evaṃ pañcadhā upajjhāyā saddhivihārikena gahito nissayo paṭippassambhatīti yojanā. Pakkanteti tadahu apaccāgantukāmatāya disaṃ gate. Vibbhanteti gihibhāvaṃ patte. Pakkhasaṅkantaketi titthiyāyatanaṃ gate. Mateti kālakate. Āṇattiyāti nissayapaṇāmanena.

    2479-80. аажарияамхааби анд̇зваасигзна г̇ахид̇аниссаяасса бхзд̣̇анам̣ чад̇хаа чаббагаарзна ход̇ийд̇и яож̇анаа. гат̇анд̇и ааха ‘‘багганд̇з жаа’’д̇иаад̣̇и. д̇ам̣ убаж̇жхааяад̇о ниссаяабхзд̣̇з вуд̇д̇анаяамзва. висзсам̣ бана саяамзва вагкад̇и ‘‘аан̣ад̇д̇ияа’’нд̇иаад̣̇инаа. аан̣ад̇д̇ияанд̇и зд̇т̇а висзсад̇т̇аж̇од̇аго бана-сад̣̇д̣̇о луд̇д̇анид̣̇д̣̇идто. убхиннамби д̇хуранигкзбанзби жаад̇и аажарияасса ниссаяабан̣ааманз бана убхиннам̣ аажарияанд̇зваасигаанам̣язва ан̃н̃аман̃н̃анираалаяабхаавз сад̇и ниссаяабхзд̣̇о ход̇и, на згассаад̇и ад̇т̇о. д̇амзвад̇т̇ам̣ б̣яад̇ирзгад̇о д̣̇ал̣хийгарод̇и ‘‘згзгассаа’’д̇иаад̣̇инаа. згзгасса ваа убхиннам̣ ваа аалаяз сад̇и на бхиж̇ж̇ад̇ийд̇и яож̇анаа. яат̇ааха –

    2479-80. Ācariyamhāpi antevāsikena gahitanissayassa bhedanaṃ chadhā chappakārena hotīti yojanā. Kathanti āha ‘‘pakkante cā’’tiādi. Taṃ upajjhāyato nissayabhede vuttanayameva. Visesaṃ pana sayameva vakkhati ‘‘āṇattiya’’ntiādinā. Āṇattiyanti ettha visesatthajotako pana-saddo luttaniddiṭṭho. Ubhinnampi dhuranikkhepanepi cāti ācariyassa nissayapaṇāmane pana ubhinnaṃ ācariyantevāsikānaṃyeva aññamaññanirālayabhāve sati nissayabhedo hoti, na ekassāti attho. Tamevatthaṃ byatirekato daḷhīkaroti ‘‘ekekassā’’tiādinā. Ekekassa vā ubhinnaṃ vā ālaye sati na bhijjatīti yojanā. Yathāha –

    ‘‘аан̣ад̇д̇ияам̣ бана сажзби аажарияо мун̃жид̇угаамова худ̇ваа ниссаяабан̣ааманааяа бан̣аамзд̇и, анд̇зваасиго жа ‘гин̃жааби мам̣ аажарияо бан̣аамзд̇и, ат̇а ко хад̣̇аязна муд̣̇уго’д̇и саалаяова ход̇и, ниссаяо на бадиббассамбхад̇иязва. сажзби аажарияо саалаяо, анд̇зваасиго нираалаяо ‘на д̣̇аани имам̣ ниссааяа васиссаамий’д̇и д̇хурам̣ нигкибад̇и, звамби на бадиббассамбхад̇и. убхиннам̣ саалаяабхаавз бана на бадиббассамбхад̇иязва. убхиннам̣ д̇хуранигкзбзна бадиббассамбхад̇ий’’д̇и (махаава. адта. 83).

    ‘‘Āṇattiyaṃ pana sacepi ācariyo muñcitukāmova hutvā nissayapaṇāmanāya paṇāmeti, antevāsiko ca ‘kiñcāpi maṃ ācariyo paṇāmeti, atha kho hadayena muduko’ti sālayova hoti, nissayo na paṭippassambhatiyeva. Sacepi ācariyo sālayo, antevāsiko nirālayo ‘na dāni imaṃ nissāya vasissāmī’ti dhuraṃ nikkhipati, evampi na paṭippassambhati. Ubhinnaṃ sālayabhāve pana na paṭippassambhatiyeva. Ubhinnaṃ dhuranikkhepena paṭippassambhatī’’ti (mahāva. aṭṭha. 83).

    аяам̣ бана висзсо аажарияаан̣ад̇д̇ияаа ниссаяабхзд̣̇зязва д̣̇ассид̇о, на убаж̇жхааяаан̣ад̇д̇ияаа. саарад̇т̇ад̣̇ийбанияам̣ бана ‘‘сажзби аажарияо мун̃жид̇угаамова худ̇ваа ниссаяабан̣ааманааяа бан̣аамзд̇ийд̇иаад̣̇и саб̣б̣ам̣ убаж̇жхааяасса аан̣ад̇д̇ияамби взд̣̇ид̇аб̣б̣а’’нд̇и вуд̇д̇ам̣.

    Ayaṃ pana viseso ācariyāṇattiyā nissayabhedeyeva dassito, na upajjhāyāṇattiyā. Sāratthadīpaniyaṃ pana ‘‘sacepi ācariyo muñcitukāmova hutvā nissayapaṇāmanāya paṇāmetītiādi sabbaṃ upajjhāyassa āṇattiyampi veditabba’’nti vuttaṃ.

    2481. звам̣ бан̃жа саад̇хааран̣ан̇г̇аани д̣̇ассзд̇ваа асаад̇хааран̣ан̇г̇ам̣ д̣̇ассзд̇умааха ‘‘убаж̇жхааяасамод̇хаана-г̇ад̇ассааби жа бхиж̇ж̇ад̇ий’’д̇и. д̇ад̇т̇а самод̇хаанаг̇аманам̣ саруубад̇о, бабхзд̣̇ад̇о жа д̣̇ассзд̇умааха ‘‘д̣̇ассанам̣ саванан̃жаад̇и, самод̇хаанам̣ д̣̇вид̇хаа мад̇а’’нд̇и. аяамзд̇т̇а сан̇кзбо, вид̇т̇ааро бана саманд̇абаасаад̣̇игааяам̣ (махаава. адта. 83) г̇ахзд̇аб̣б̣о. г̇ант̇авид̇т̇аарабхийруунам̣ ануг̇г̇ахааяа бана ид̇ха на вид̇т̇аарид̇о.

    2481. Evaṃ pañca sādhāraṇaṅgāni dassetvā asādhāraṇaṅgaṃ dassetumāha ‘‘upajjhāyasamodhāna-gatassāpi ca bhijjatī’’ti. Tattha samodhānagamanaṃ sarūpato, pabhedato ca dassetumāha ‘‘dassanaṃ savanañcāti, samodhānaṃ dvidhā mata’’nti. Ayamettha saṅkhepo, vitthāro pana samantapāsādikāyaṃ (mahāva. aṭṭha. 83) gahetabbo. Ganthavitthārabhīrūnaṃ anuggahāya pana idha na vitthārito.

    2482-3. сабхааг̇з д̣̇ааяагз асанд̇з ад̣̇д̇хигасса жа г̇илаанасса жа ‘‘г̇илаанзна мам̣ убадтахаа’’д̇и яаажид̇асса г̇илаанубадтаагасса жа ниссаяам̣ винаа васид̇ум̣ д̣̇осо над̇т̇ийд̇и яож̇анаа . ‘‘г̇илаанубадтаагассаа’’д̇и вад̇д̇аб̣б̣з г̇аат̇ааб̣анд̇хавасзна рассад̇д̇ам̣. иминаа сабхааг̇з ниссаяад̣̇ааяагз санд̇з згад̣̇ивасамби барихааро на лаб̣бхад̇ийд̇и д̣̇ийбзд̇и. ад̇д̇ано ванз паасувихаарад̇ам̣ ж̇аанад̇аад̇и ад̇д̇ано самат̇авибассанаабадилаабхасса ванз паасувихаарам̣ ж̇аананд̇знаби. ‘‘сабхааг̇з д̣̇ааяагз асанд̇з’’д̇и бад̣̇ажчзд̣̇о. саб̣б̣амзд̇ам̣ вид̇хаанам̣ анд̇овассад̇о ан̃н̃асмим̣ гаалз взд̣̇ид̇аб̣б̣ам̣. аяамзд̇т̇а сан̇кзбо, вид̇т̇ааро бана саманд̇абаасаад̣̇игааяа г̇ахзд̇аб̣б̣о.

    2482-3. Sabhāge dāyake asante addhikassa ca gilānassa ca ‘‘gilānena maṃ upaṭṭhahā’’ti yācitassa gilānupaṭṭhākassa ca nissayaṃ vinā vasituṃ doso natthīti yojanā . ‘‘Gilānupaṭṭhākassā’’ti vattabbe gāthābandhavasena rassattaṃ. Iminā sabhāge nissayadāyake sante ekadivasampi parihāro na labbhatīti dīpeti. Attano vane phāsuvihārataṃ jānatāti attano samathavipassanāpaṭilābhassa vane phāsuvihāraṃ jānantenapi. ‘‘Sabhāge dāyake asante’’ti padacchedo. Sabbametaṃ vidhānaṃ antovassato aññasmiṃ kāle veditabbaṃ. Ayamettha saṅkhepo, vitthāro pana samantapāsādikāya gahetabbo.

    ниссаяабадиббассамбханагат̇ааван̣н̣анаа.

    Nissayapaṭippassambhanakathāvaṇṇanā.

    2484. гудтамасса ад̇т̇ийд̇и гудтий, д̇ам̣. ‘‘г̇ан̣д̣и’’нд̇иаад̣̇ийсуби зсзва наяо. рад̇д̇асзд̇аад̣̇ибхзд̣̇зна язна гзнажи гудтзна взван̣н̣ияам̣ бад̇д̇асарийранд̇и ад̇т̇о. яат̇ааха –

    2484. Kuṭṭhamassa atthīti kuṭṭhī, taṃ. ‘‘Gaṇḍi’’ntiādīsupi eseva nayo. Rattasetādibhedena yena kenaci kuṭṭhena vevaṇṇiyaṃ pattasarīranti attho. Yathāha –

    ‘‘рад̇д̇агудтам̣ ваа ход̇у гаал̣агудтам̣ ваа, яам̣ гин̃жи гидибхад̣̇ад̣̇д̣̇угажчуаад̣̇иббабхзд̣̇амби саб̣б̣ам̣ гудтамзваад̇и вуд̇д̇ам̣. д̇ан̃жз накабидтиббамаан̣амби вад̣дханагабагкз тид̇ам̣ ход̇и, на баб̣б̣ааж̇зд̇аб̣б̣о. сажз бана ниваасанабаарубанзхи багад̇ибадижчаннадтаанз накабидтиббамаан̣ам̣ авад̣дханагабагкз тид̇ам̣ ход̇и, ваддад̇и. мукз, бана хад̇т̇абаад̣̇абидтзсу ваа сажзби авад̣дханагабагкз тид̇ам̣ накабидтид̇о куд̣̇д̣̇агабамаан̣амби на ваддад̇иязваад̇и гурунд̣̇ияам̣ вуд̇д̇ам̣. д̇ам̣ д̇игижчаабзд̇ваа баб̣б̣ааж̇знд̇знааби багад̇иван̣н̣з ж̇аад̇зязва баб̣б̣ааж̇зд̇аб̣б̣о’’д̇и (махаава. адта. 88).

    ‘‘Rattakuṭṭhaṃ vā hotu kāḷakuṭṭhaṃ vā, yaṃ kiñci kiṭibhadaddukacchuādippabhedampi sabbaṃ kuṭṭhamevāti vuttaṃ. Tañce nakhapiṭṭhippamāṇampi vaḍḍhanakapakkhe ṭhitaṃ hoti, na pabbājetabbo. Sace pana nivāsanapārupanehi pakatipaṭicchannaṭṭhāne nakhapiṭṭhippamāṇaṃ avaḍḍhanakapakkhe ṭhitaṃ hoti, vaṭṭati. Mukhe, pana hatthapādapiṭṭhesu vā sacepi avaḍḍhanakapakkhe ṭhitaṃ nakhapiṭṭhito khuddakapamāṇampi na vaṭṭatiyevāti kurundiyaṃ vuttaṃ. Taṃ tikicchāpetvā pabbājentenāpi pakativaṇṇe jāteyeva pabbājetabbo’’ti (mahāva. aṭṭha. 88).

    накабидтиббамаан̣анд̇и зд̇т̇а ‘‘ганидтан̇г̇улинакабидти ад̇хиббзд̇аа’’д̇и д̇ийсуби г̇ан̣тибад̣̇зсу вуд̇д̇ам̣.

    Nakhapiṭṭhippamāṇanti ettha ‘‘kaniṭṭhaṅgulinakhapiṭṭhi adhippetā’’ti tīsupi gaṇṭhipadesu vuttaṃ.

    г̇ан̣д̣инд̇и мзд̣̇аг̇ан̣д̣аад̣̇иг̇ан̣д̣абхзд̣̇аванд̇ам̣. яат̇ааха ‘‘мзд̣̇аг̇ан̣д̣о ваа ход̇у ан̃н̃о ваа, яо гожи голадтимад̇д̇агоби жз вад̣дханагабагкз тид̇о г̇ан̣д̣о ход̇и, на баб̣б̣ааж̇зд̇аб̣б̣о’’д̇иаад̣̇и (махаава. адта. 88). голадтийд̇и б̣ад̣̇арадти. гилаасинд̇и гилаасаванд̇ам̣. яат̇ааха – ‘‘гилаасод̇и набхиж̇ж̇анагам̣ набаг̇гхаран̣агам̣ бад̣̇умабун̣д̣арийгабад̇д̇аван̣н̣ам̣ гудтам̣, язна г̇уннам̣ вияа саб̣алам̣ сарийрам̣ ход̇ий’’д̇и (махаава. адта. 88). жа-сад̣̇д̣̇о саб̣б̣зхи убаяог̇аванд̇зхи бажжзгам̣ яож̇зд̇аб̣б̣о. сосинд̇и каяарог̇аванд̇ам̣. яат̇ааха – ‘‘сосод̇и сосаб̣яаад̇хи. д̇асмим̣ сад̇и на баб̣б̣ааж̇зд̇аб̣б̣о’’д̇и (махаава. адта. 88). абамаариганд̇и абамаараванд̇ам̣. яат̇ааха – ‘‘абамаарод̇и бид̇д̇уммааро ваа яагкуммааро ваа. д̇ад̇т̇а буб̣б̣авзригзна амануссзна г̇ахид̇о д̣̇уд̇д̇игижчо ход̇и, аббамад̇д̇агзби бана абамаарз сад̇и на баб̣б̣ааж̇зд̇аб̣б̣о’’д̇и.

    Gaṇḍinti medagaṇḍādigaṇḍabhedavantaṃ. Yathāha ‘‘medagaṇḍo vā hotu añño vā, yo koci kolaṭṭhimattakopi ce vaḍḍhanakapakkhe ṭhito gaṇḍo hoti, na pabbājetabbo’’tiādi (mahāva. aṭṭha. 88). Kolaṭṭhīti badaraṭṭhi. Kilāsinti kilāsavantaṃ. Yathāha – ‘‘kilāsoti nabhijjanakaṃ napaggharaṇakaṃ padumapuṇḍarīkapattavaṇṇaṃ kuṭṭhaṃ, yena gunnaṃ viya sabalaṃ sarīraṃ hotī’’ti (mahāva. aṭṭha. 88). Ca-saddo sabbehi upayogavantehi paccekaṃ yojetabbo. Sosinti khayarogavantaṃ. Yathāha – ‘‘sosoti sosabyādhi. Tasmiṃ sati na pabbājetabbo’’ti (mahāva. aṭṭha. 88). Apamārikanti apamāravantaṃ. Yathāha – ‘‘apamāroti pittummāro vā yakkhummāro vā. Tattha pubbaverikena amanussena gahito duttikiccho hoti, appamattakepi pana apamāre sati na pabbājetabbo’’ti.

    рааж̇абхаданд̇и ран̃н̃о бхад̇д̇авзд̇анабхадам̣ ваа таананд̇арам̣ бад̇д̇ам̣ ваа аббад̇д̇ам̣ ваа рааж̇абурисам̣. яат̇ааха – ‘‘амажжо ваа ход̇у махаамад̇д̇о ваа сзваго ваа гин̃жи таананд̇арам̣ бад̇д̇о ваа аббад̇д̇о ваа, яо гожи ран̃н̃о бхад̇д̇авзд̇анабхадо. саб̣б̣о ‘рааж̇абхадо’д̇и сан̇кяам̣ г̇ажчад̇ий’’д̇и. жоранд̇и мануссзхи аббамаад̣̇анам̣ г̇аамагхаад̇абант̇агхаад̇аад̣̇игаммзна баагадам̣ жоран̃жа. ликид̇аганд̇и яам̣ ган̃жи жоригам̣ ваа ан̃н̃ам̣ ваа г̇арум̣ рааж̇аабараад̇хам̣ гад̇ваа балаад̇ам̣, рааж̇аа жа нам̣ бан̣н̣з ваа бод̇т̇агз ваа ‘‘ид̇т̇аннаамо яад̇т̇а д̣̇иссад̇и, д̇ад̇т̇а г̇ахзд̇ваа маарзд̇аб̣б̣о’’д̇и ваа ‘‘хад̇т̇абаад̣̇аад̣̇ийнисса чинд̣̇ид̇аб̣б̣ааний’’д̇и ваа ‘‘зд̇д̇агам̣ наама д̣̇ан̣д̣ам̣ хараабзд̇аб̣б̣о’’д̇и ваа ликаабзд̇и, зваруубам̣ ликид̇агам̣.

    Rājabhaṭanti rañño bhattavetanabhaṭaṃ vā ṭhānantaraṃ pattaṃ vā appattaṃ vā rājapurisaṃ. Yathāha – ‘‘amacco vā hotu mahāmatto vā sevako vā kiñci ṭhānantaraṃ patto vā appatto vā, yo koci rañño bhattavetanabhaṭo. Sabbo ‘rājabhaṭo’ti saṅkhyaṃ gacchatī’’ti. Coranti manussehi appamādanaṃ gāmaghātapanthaghātādikammena pākaṭaṃ corañca. Likhitakanti yaṃ kañci corikaṃ vā aññaṃ vā garuṃ rājāparādhaṃ katvā palātaṃ, rājā ca naṃ paṇṇe vā potthake vā ‘‘itthannāmo yattha dissati, tattha gahetvā māretabbo’’ti vā ‘‘hatthapādādīnissa chinditabbānī’’ti vā ‘‘ettakaṃ nāma daṇḍaṃ harāpetabbo’’ti vā likhāpeti, evarūpaṃ likhitakaṃ.

    ‘‘гаарабхзд̣̇ага’’нд̇и г̇аат̇ааб̣анд̇хавасзна рассо гад̇о. гаарабхзд̣̇аганд̇и д̣̇аад̇аб̣б̣агарасса ваа гад̇ажорагаммасса ваа гааран̣аа гаараагхарз багкид̇д̇о ваа ниг̇ал̣аб̣анд̇ханаад̣̇ийхи б̣ад̣̇д̇хо ваа, д̇ад̇о со мужжид̇ваа балааяад̇и, зваруубам̣ гаараабхзд̣̇аган̃жа. яат̇ааха – ‘‘гаараа вужжад̇и б̣анд̇ханааг̇аарам̣, ид̇ха бана анд̣̇уб̣анд̇ханам̣ ваа ход̇у сан̇калигаб̣анд̇ханам̣ ваа раж̇ж̇уб̣анд̇ханам̣ ваа г̇аамаб̣анд̇ханам̣ ваа ниг̇амаб̣анд̇ханам̣ ваа наг̇араб̣анд̇ханам̣ ваа бурисаг̇уд̇д̇и ваа ж̇анабад̣̇аб̣анд̇ханам̣ ваа д̣̇ийбаб̣анд̇ханам̣ ваа, яо зд̇зсу яам̣ гин̃жи б̣анд̇ханам̣ чинд̣̇ид̇ваа бхинд̣̇ид̇ваа мун̃жид̇ваа виварид̇ваа ваа бассамаанаанам̣ ваа абассамаанаанам̣ ваа балааяад̇и, со ‘гаараабхзд̣̇аго’д̇и сан̇кяам̣ г̇ажчад̇ий’’д̇и (махаава. адта. 92).

    ‘‘Kārabhedaka’’nti gāthābandhavasena rasso kato. Kārabhedakanti dātabbakarassa vā katacorakammassa vā kāraṇā kārāghare pakkhitto vā nigaḷabandhanādīhi baddho vā, tato so muccitvā palāyati, evarūpaṃ kārābhedakañca. Yathāha – ‘‘kārā vuccati bandhanāgāraṃ, idha pana andubandhanaṃ vā hotu saṅkhalikabandhanaṃ vā rajjubandhanaṃ vā gāmabandhanaṃ vā nigamabandhanaṃ vā nagarabandhanaṃ vā purisagutti vā janapadabandhanaṃ vā dīpabandhanaṃ vā, yo etesu yaṃ kiñci bandhanaṃ chinditvā bhinditvā muñcitvā vivaritvā vā passamānānaṃ vā apassamānānaṃ vā palāyati, so ‘kārābhedako’ti saṅkhyaṃ gacchatī’’ti (mahāva. aṭṭha. 92).

    2485. гасаахад̇анд̇и ин̣ам̣ г̇ахзд̇ваа д̣̇аад̇ум̣ асамад̇т̇ад̇д̇аа ‘‘аяамзва д̇з д̣̇ан̣д̣о ход̇уу’’д̇и гасаад̣̇инаа д̣̇иннаббахаарам̣ авуубасанд̇аван̣ам̣. яат̇ааха –

    2485.Kasāhatanti iṇaṃ gahetvā dātuṃ asamatthattā ‘‘ayameva te daṇḍo hotū’’ti kasādinā dinnappahāraṃ avūpasantavaṇaṃ. Yathāha –

    ‘‘яо важанабзсанаад̣̇ийни агаронд̇о хан̃н̃ад̇и, на со гад̇ад̣̇ан̣д̣агаммо. яо бана гзн̣ияаа ваа ан̃н̃ат̇аа ваа гин̃жи г̇ахзд̇ваа каад̣̇ид̇ваа буна д̣̇аад̇ум̣ асаггонд̇о ‘аяамзва д̇з д̣̇ан̣д̣о ход̇уу’д̇и гасаахи хан̃н̃ад̇и, аяам̣ гасаахад̇о гад̇ад̣̇ан̣д̣агаммо. яо жа гасаахи ваа хад̇о ход̇у ад̣̇д̇хад̣̇ан̣д̣агаад̣̇ийнам̣ ваа ан̃н̃ад̇арзна, яаава аллаван̣о ход̇и, д̇аава на баб̣б̣ааж̇зд̇аб̣б̣о’’д̇и (махаава. адта. 94).

    ‘‘Yo vacanapesanādīni akaronto haññati, na so katadaṇḍakammo. Yo pana keṇiyā vā aññathā vā kiñci gahetvā khāditvā puna dātuṃ asakkonto ‘ayameva te daṇḍo hotū’ti kasāhi haññati, ayaṃ kasāhato katadaṇḍakammo. Yo ca kasāhi vā hato hotu addhadaṇḍakādīnaṃ vā aññatarena, yāva allavaṇo hoti, tāva na pabbājetabbo’’ti (mahāva. aṭṭha. 94).

    лагкан̣аахад̇анд̇и згам̣сам̣ гад̇ваа бааруд̇зна уд̇д̇араасан̇г̇зна аббадижчаад̣̇анийяадтаанз д̇ад̇д̇зна лохзна аахад̇ам̣ асажчавибхууд̇алагкан̣зна саманнааг̇ад̇ам̣. яат̇ааха –

    Lakkhaṇāhatanti ekaṃsaṃ katvā pārutena uttarāsaṅgena appaṭicchādanīyaṭṭhāne tattena lohena āhataṃ asacchavibhūtalakkhaṇena samannāgataṃ. Yathāha –

    ‘‘яасса бана налаадз ваа ураад̣̇ийсу ваа д̇ад̇д̇зна лохзна лагкан̣ам̣ аахад̇ам̣ ход̇и, со сажз бхуж̇иссо, яаава аллаван̣о ход̇и, д̇аава на баб̣б̣ааж̇зд̇аб̣б̣о. сажзбисса ван̣аа рул̣хаа хонд̇и чавияаа самабарижчзд̣̇аа, лагкан̣ам̣ бана бан̃н̃ааяад̇и, д̇иман̣д̣алам̣ нивад̇т̇асса уд̇д̇араасан̇г̇з гад̇з бадижчанногаасз жз ход̇и, баб̣б̣ааж̇зд̇ум̣ ваддад̇и. аббадижчанногаасз жз, на ваддад̇ий’’д̇и (махаава. адта. 95).

    ‘‘Yassa pana nalāṭe vā urādīsu vā tattena lohena lakkhaṇaṃ āhataṃ hoti, so sace bhujisso, yāva allavaṇo hoti, tāva na pabbājetabbo. Sacepissa vaṇā ruḷhā honti chaviyā samaparicchedā, lakkhaṇaṃ pana paññāyati, timaṇḍalaṃ nivatthassa uttarāsaṅge kate paṭicchannokāse ce hoti, pabbājetuṃ vaṭṭati. Appaṭicchannokāse ce, na vaṭṭatī’’ti (mahāva. aṭṭha. 95).

    ин̣ааяиган̃жаад̇и маад̇аабид̇убид̇аамахаад̣̇ийхи ваа ад̇д̇анаа ваа г̇ахид̇аин̣ам̣. яат̇ааха –

    Iṇāyikañcāti mātāpitupitāmahādīhi vā attanā vā gahitaiṇaṃ. Yathāha –

    ‘‘ин̣ааяиго наама яасса бид̇ибид̇аамахзхи ваа ин̣ам̣ г̇ахид̇ам̣ ход̇и, саяам̣ ваа ин̣ам̣ г̇ахид̇ам̣ ход̇и, яам̣ ваа аатабзд̇ваа маад̇аабид̇уухи гин̃жи г̇ахид̇ам̣ ход̇и, со д̇ам̣ ин̣ам̣ барзсам̣ д̇хаарзд̇ийд̇и ин̣ааяиго. яам̣ бана ан̃н̃з н̃аад̇агаа аатабзд̇ваа гин̃жи г̇ан̣ханд̇и, со на ин̣ааяиго. на хи д̇з д̇ам̣ аатабзд̇ум̣ иссараа. д̇асмаа д̇ам̣ баб̣б̣ааж̇зд̇ум̣ ваддад̇ий’’д̇и (махаава. адта. 96).

    ‘‘Iṇāyiko nāma yassa pitipitāmahehi vā iṇaṃ gahitaṃ hoti, sayaṃ vā iṇaṃ gahitaṃ hoti, yaṃ vā āṭhapetvā mātāpitūhi kiñci gahitaṃ hoti, so taṃ iṇaṃ paresaṃ dhāretīti iṇāyiko. Yaṃ pana aññe ñātakā āṭhapetvā kiñci gaṇhanti, so na iṇāyiko. Na hi te taṃ āṭhapetuṃ issarā. Tasmā taṃ pabbājetuṃ vaṭṭatī’’ti (mahāva. aṭṭha. 96).

    д̣̇аасанд̇и анд̇ож̇аад̇о, д̇ханаггийд̇о, гарамараанийд̇о, саяам̣ ваа д̣̇аасаб̣яам̣ убаг̇ад̇од̇и жад̇уннам̣ д̣̇аасаанам̣ ан̃н̃ад̇арам̣. д̣̇аасавинижчаяо банзд̇т̇а саманд̇абаасаад̣̇игааяа (махаава. адта. 97) вид̇т̇аарад̇о г̇ахзд̇аб̣б̣о. баб̣б̣ааж̇знд̇асса д̣̇уггаданд̇и ‘‘гудти’’нд̇иаад̣̇ийхи убаяог̇аванд̇абад̣̇зхи бажжзгам̣ яож̇зд̇аб̣б̣ам̣.

    Dāsanti antojāto, dhanakkīto, karamarānīto, sayaṃ vā dāsabyaṃ upagatoti catunnaṃ dāsānaṃ aññataraṃ. Dāsavinicchayo panettha samantapāsādikāya (mahāva. aṭṭha. 97) vitthārato gahetabbo. Pabbājentassa dukkaṭanti ‘‘kuṭṭhi’’ntiādīhi upayogavantapadehi paccekaṃ yojetabbaṃ.

    2486. хад̇т̇ажчиннанд̇и хад̇т̇ад̇алз ваа ман̣иб̣анд̇хз ваа габбарз ваа яад̇т̇а гад̇т̇ажи чиннахад̇т̇ам̣. адтажчиннанд̇и яат̇аа накам̣ на бан̃н̃ааяад̇и, звам̣ жад̇уусу ан̇г̇удтагзсу ан̃н̃ад̇арам̣ ваа саб̣б̣з ваа яасса чиннаа хонд̇и, зваруубам̣. баад̣̇ажчиннанд̇и яасса аг̇г̇абаад̣̇зсу ваа г̇обпагзсу ваа ж̇ан̇гхааяа ваа яад̇т̇а гад̇т̇ажи зго ваа д̣̇вз ваа баад̣̇аа чиннаа хонд̇и. хад̇т̇абаад̣̇ачиннассааби баал̣ияам̣ (махаава. 119) ааг̇ад̇ад̇д̇аа соби ид̇ха вад̇д̇аб̣б̣о, яат̇аавуд̇д̇анаязнзва д̇асса д̣̇уггадавад̇т̇уд̇аа бан̃н̃ааяад̇ийд̇и на вуд̇д̇од̇и д̣̇адтаб̣б̣ам̣.

    2486.Hatthacchinnanti hatthatale vā maṇibandhe vā kappare vā yattha katthaci chinnahatthaṃ. Aṭṭhacchinnanti yathā nakhaṃ na paññāyati, evaṃ catūsu aṅguṭṭhakesu aññataraṃ vā sabbe vā yassa chinnā honti, evarūpaṃ. Pādacchinnanti yassa aggapādesu vā gopphakesu vā jaṅghāya vā yattha katthaci eko vā dve vā pādā chinnā honti. Hatthapādachinnassāpi pāḷiyaṃ (mahāva. 119) āgatattā sopi idha vattabbo, yathāvuttanayeneva tassa dukkaṭavatthutā paññāyatīti na vuttoti daṭṭhabbaṃ.

    ган̣н̣анаасан̇г̇улижчиннанд̇и зд̇т̇а ‘‘ган̣н̣ажчиннам̣ наасажчиннам̣ ган̣н̣анаасажчиннам̣ ан̇г̇улижчинна’’нд̇и яож̇анаа. ган̣н̣ажчиннанд̇и яасса ган̣н̣амуулз ваа ган̣н̣асагкалигааяа ваа зго ваа д̣̇вз ваа ган̣н̣аа чиннаа хонд̇и. яасса бана ган̣н̣ааваддз чиннаа хонд̇и, саггаа жа хонд̇и сан̇гхаадзд̇ум̣, со ган̣н̣ам̣ сан̇гхаадзд̇ваа баб̣б̣ааж̇зд̇аб̣б̣о. наасажчиннанд̇и яасса аж̇абад̣̇агз ваа аг̇г̇з ваа згабудз ваа яад̇т̇а гад̇т̇ажи наасаа чиннаа ход̇и. яасса бана наасигаа саггаа ход̇и санд̇хзд̇ум̣, со д̇ам̣ паасугам̣ гад̇ваа баб̣б̣ааж̇зд̇аб̣б̣о. ган̣н̣анаасажчиннанд̇и д̇ад̣̇убхаяажчиннам̣. ан̇г̇улижчиннанд̇и яасса накасзсам̣ ад̣̇ассзд̇ваа згаа ваа б̣ахуу ваа ан̇г̇улияо чиннаа хонд̇и. яасса бана суд̇д̇ад̇анд̇умад̇д̇амби накасзсам̣ бан̃н̃ааяад̇и, д̇ам̣ баб̣б̣ааж̇зд̇ум̣ ваддад̇и. ган̣д̣аражчиннамзва жаад̇и яасса ган̣д̣аранаамагаа махаанхааруу бурад̇о ваа бажчад̇о ваа чиннаа хонд̇и, язсу згассааби чиннад̇д̇аа аг̇г̇абаад̣̇зна ваа жан̇гамад̇и, муулзна ваа жан̇гамад̇и, на ваа баад̣̇ам̣ бад̇идтаабзд̇ум̣ саггод̇и.

    Kaṇṇanāsaṅgulicchinnanti ettha ‘‘kaṇṇacchinnaṃ nāsacchinnaṃ kaṇṇanāsacchinnaṃ aṅgulicchinna’’nti yojanā. Kaṇṇacchinnanti yassa kaṇṇamūle vā kaṇṇasakkhalikāya vā eko vā dve vā kaṇṇā chinnā honti. Yassa pana kaṇṇāvaṭṭe chinnā honti, sakkā ca honti saṅghāṭetuṃ, so kaṇṇaṃ saṅghāṭetvā pabbājetabbo. Nāsacchinnanti yassa ajapadake vā agge vā ekapuṭe vā yattha katthaci nāsā chinnā hoti. Yassa pana nāsikā sakkā hoti sandhetuṃ, so taṃ phāsukaṃ katvā pabbājetabbo. Kaṇṇanāsacchinnanti tadubhayacchinnaṃ. Aṅgulicchinnanti yassa nakhasesaṃ adassetvā ekā vā bahū vā aṅguliyo chinnā honti. Yassa pana suttatantumattampi nakhasesaṃ paññāyati, taṃ pabbājetuṃ vaṭṭati. Kaṇḍaracchinnameva cāti yassa kaṇḍaranāmakā mahānhārū purato vā pacchato vā chinnā honti, yesu ekassāpi chinnattā aggapādena vā caṅkamati, mūlena vā caṅkamati, na vā pādaṃ patiṭṭhāpetuṃ sakkoti.

    2487. гаан̣анд̇и басаннанд̇хо ваа ход̇у бубпаад̣̇ийхи ваа убахад̇абасаад̣̇о, яо д̣̇вийхи ваа згзна ваа агкинаа на бассад̇и, д̇ам̣ гаан̣ам̣. гун̣инд̇и хад̇т̇агун̣ий ваа баад̣̇агун̣ий ваа ан̇г̇улигун̣ий ваа, яасса зд̇зсу хад̇т̇аад̣̇ийсу яам̣ гин̃жи ван̇гам̣ бан̃н̃ааяад̇и, со гун̣ий. куж̇ж̇ан̃жаад̇и яо урасса ваа бидтияаа ваа бассасса ваа нигканд̇ад̇д̇аа куж̇ж̇асарийро, д̇ам̣ куж̇ж̇ам̣. яасса бана гин̃жи гин̃жи ан̇г̇абажжан̇г̇ам̣ ийсагам̣ ван̇гам̣, д̇ам̣ баб̣б̣ааж̇зд̇ум̣ ваддад̇и. махаабурисо зва хи б̣рахмуж̇уг̇ад̇д̇о, авасзсо сад̇д̇о акуж̇ж̇о наама над̇т̇и.

    2487.Kāṇanti pasannandho vā hotu pupphādīhi vā upahatapasādo, yo dvīhi vā ekena vā akkhinā na passati, taṃ kāṇaṃ. Kuṇinti hatthakuṇī vā pādakuṇī vā aṅgulikuṇī vā, yassa etesu hatthādīsu yaṃ kiñci vaṅkaṃ paññāyati, so kuṇī. Khujjañcāti yo urassa vā piṭṭhiyā vā passassa vā nikkhantattā khujjasarīro, taṃ khujjaṃ. Yassa pana kiñci kiñci aṅgapaccaṅgaṃ īsakaṃ vaṅkaṃ, taṃ pabbājetuṃ vaṭṭati. Mahāpuriso eva hi brahmujugatto, avaseso satto akhujjo nāma natthi.

    ваамананд̇и яо ж̇ан̇гхаваамано ваа гадиваамано ваа убхаяаваамано ваа, д̇ам̣. д̇ад̇т̇а ж̇ан̇гхавааманасса гадид̇о бадтааяа хздтимагааяо рассо ход̇и, убаримагааяо барибун̣н̣о. гадивааманасса гадид̇о бадтааяа убаримагааяо рассо ход̇и, хздтимагааяо барибун̣н̣о ход̇и. убхаяавааманасса убхоби гааяаа рассаа хонд̇и. язсам̣ гааяарассад̇д̇аа бхууд̇аанам̣ вияа баривадумо махаагужчигхадасад̣̇исо ад̇д̇абхааво ход̇и. д̇ам̣ д̇ивид̇хамби баб̣б̣ааж̇зд̇ум̣ на ваддад̇и.

    Vāmananti yo jaṅghavāmano vā kaṭivāmano vā ubhayavāmano vā, taṃ. Tattha jaṅghavāmanassa kaṭito paṭṭhāya heṭṭhimakāyo rasso hoti, uparimakāyo paripuṇṇo. Kaṭivāmanassa kaṭito paṭṭhāya uparimakāyo rasso hoti, heṭṭhimakāyo paripuṇṇo hoti. Ubhayavāmanassa ubhopi kāyā rassā honti. Yesaṃ kāyarassattā bhūtānaṃ viya parivaṭumo mahākucchighaṭasadiso attabhāvo hoti. Taṃ tividhampi pabbājetuṃ na vaṭṭati.

    пан̣ахад̇т̇аганд̇и яасса ваг̇г̇улибагкагаа вияа ан̇г̇улияо самб̣ад̣̇д̇хаа хонд̇и, д̇ам̣. зд̇ам̣ баб̣б̣ааж̇зд̇угаамзна ан̇г̇уланд̇аригааяо паалзд̇ваа саб̣б̣ам̣ анд̇аражаммам̣ абанзд̇ваа паасугам̣ гад̇ваа баб̣б̣ааж̇зд̇аб̣б̣о. яассааби ча ан̇г̇улияо хонд̇и, д̇ам̣ баб̣б̣ааж̇зд̇угаамзна ад̇хигам̣ ан̇г̇улим̣ чинд̣̇ид̇ваа паасугам̣ гад̇ваа баб̣б̣ааж̇зд̇аб̣б̣о.

    Phaṇahatthakanti yassa vaggulipakkhakā viya aṅguliyo sambaddhā honti, taṃ. Etaṃ pabbājetukāmena aṅgulantarikāyo phāletvā sabbaṃ antaracammaṃ apanetvā phāsukaṃ katvā pabbājetabbo. Yassāpi cha aṅguliyo honti, taṃ pabbājetukāmena adhikaṃ aṅguliṃ chinditvā phāsukaṃ katvā pabbājetabbo.

    кан̃ж̇анд̇и яо над̇аж̇аан̣уго ваа бхиннаж̇ан̇гхо ваа маж̇жхз сам̣гудид̇абаад̣̇ад̇д̇аа гун̣д̣абаад̣̇аго ваа бидтибаад̣̇амаж̇жхзна жан̇гаманд̇о аг̇г̇з сам̣гудид̇абаад̣̇ад̇д̇аа гун̣д̣абаад̣̇аго ваа бидтибаад̣̇аг̇г̇зна жан̇гаманд̇о аг̇г̇абаад̣̇знзва жан̇гаманакан̃ж̇о ваа бан̣хигааяа жан̇гаманакан̃ж̇о ваа баад̣̇асса б̣аахиранд̇зна жан̇гаманакан̃ж̇о ваа баад̣̇асса аб̣бханд̇аранд̇зна жан̇гаманакан̃ж̇о ваа г̇обпагаанам̣ убари бхаг̇г̇ад̇д̇аа сагалзна бидтибаад̣̇зна жан̇гаманакан̃ж̇о ваа, д̇ам̣ баб̣б̣ааж̇зд̇ум̣ на ваддад̇и. зд̇т̇а над̇аж̇аан̣угод̇и анд̇обавидтааанад̇абаад̣̇о. багкахад̇анд̇и яасса зго хад̇т̇о ваа баад̣̇о ваа ад̣дхасарийрам̣ ваа сукам̣ на вахад̇и.

    Khañjanti yo natajāṇuko vā bhinnajaṅgho vā majjhe saṃkuṭitapādattā kuṇḍapādako vā piṭṭhipādamajjhena caṅkamanto agge saṃkuṭitapādattā kuṇḍapādako vā piṭṭhipādaggena caṅkamanto aggapādeneva caṅkamanakhañjo vā paṇhikāya caṅkamanakhañjo vā pādassa bāhirantena caṅkamanakhañjo vā pādassa abbhantarantena caṅkamanakhañjo vā gopphakānaṃ upari bhaggattā sakalena piṭṭhipādena caṅkamanakhañjo vā, taṃ pabbājetuṃ na vaṭṭati. Ettha natajāṇukoti antopaviṭṭhaānatapādo. Pakkhahatanti yassa eko hattho vā pādo vā aḍḍhasarīraṃ vā sukhaṃ na vahati.

    сийбад̣̇инд̇и бхаарабаад̣̇ам̣. яасса баад̣̇о т̇ууло ход̇и сан̃ж̇аад̇абийл̣аго каро, со на баб̣б̣ааж̇зд̇аб̣б̣о. яасса бана на д̇аава карабхаавам̣ г̇ан̣хаад̇и, саггаа ход̇и убанаахам̣ б̣анд̇хид̇ваа уд̣̇агаааваадз бавзсзд̇ваа уд̣̇агаваалигааяа буурзд̇ваа яат̇аа сираа бан̃н̃ааяанд̇и, ж̇ан̇гхаа жа д̇зланаал̣игаа вияа хонд̇и, звам̣ милаабзд̇ум̣ саггаа, д̇асса баад̣̇ам̣ ийд̣̇исам̣ гад̇ваа д̇ам̣ баб̣б̣ааж̇зд̇ум̣ ваддад̇и. сажз буна вад̣дхад̇и, убасамбаад̣̇знд̇знааби д̇ат̇аа гад̇ваава убасамбаад̣̇зд̇аб̣б̣о. баабарог̇инанд̇и яо арисабхаг̇анд̣̇арабид̇д̇асзмхагаасасосаад̣̇ийсу язна гзнажи рог̇зна нижжаад̇уро ад̇згижчарог̇о ж̇зг̇ужчо аманаабо, д̇ам̣.

    Sīpadinti bhārapādaṃ. Yassa pādo thūlo hoti sañjātapīḷako kharo, so na pabbājetabbo. Yassa pana na tāva kharabhāvaṃ gaṇhāti, sakkā hoti upanāhaṃ bandhitvā udakaāvāṭe pavesetvā udakavālikāya pūretvā yathā sirā paññāyanti, jaṅghā ca telanāḷikā viya honti, evaṃ milāpetuṃ sakkā, tassa pādaṃ īdisaṃ katvā taṃ pabbājetuṃ vaṭṭati. Sace puna vaḍḍhati, upasampādentenāpi tathā katvāva upasampādetabbo. Pāparoginanti yo arisabhagandarapittasemhakāsasosādīsu yena kenaci rogena niccāturo atekiccharogo jeguccho amanāpo, taṃ.

    2488. ж̇арааяа д̣̇уб̣б̣аланд̇и яо ж̇ин̣н̣абхаавзна д̣̇уб̣б̣ало ад̇д̇ано жийварараж̇анаад̣̇игаммамби гаад̇ум̣ асамад̇т̇о, д̇ам̣. яо бана махаллагоби б̣алаваа ход̇и ад̇д̇аанам̣ бадиж̇аг̇г̇ид̇ум̣ саггод̇и, со баб̣б̣ааж̇зд̇аб̣б̣о. анд̇ханд̇и ж̇ажжанд̇хам̣. бад̇хиран̃жзваад̇и яо саб̣б̣зна саб̣б̣ам̣ на сун̣аад̇и, д̇ам̣. яо бана махаасад̣̇д̣̇ам̣ сун̣аад̇и, д̇ам̣ баб̣б̣ааж̇зд̇ум̣ ваддад̇и. маммананд̇и яасса важийбхзд̣̇о вад̇д̇ад̇и, саран̣аг̇аманам̣ барибун̣н̣ам̣ бхаасид̇ум̣ на саггод̇и, д̇аад̣̇исам̣ мамманамби баб̣б̣ааж̇зд̇ум̣ на ваддад̇и. яо бана саран̣аг̇аманамад̇д̇ам̣ барибун̣н̣ам̣ бхаасид̇ум̣ саггод̇и, д̇ам̣ баб̣б̣ааж̇зд̇ум̣ ваддад̇и. ат̇а ваа маммананд̇и калид̇аважанам̣, яо згамзва агкарам̣ жад̇убан̃жагкад̇д̇ум̣ вад̣̇ад̇и, д̇ассзд̇амад̇хиважанам̣. бийтасаббинд̇и чиннирияаабат̇ам̣. мууг̇анд̇и яасса важийбхзд̣̇о наббавад̇д̇ад̇и.

    2488.Jarāya dubbalanti yo jiṇṇabhāvena dubbalo attano cīvararajanādikammampi kātuṃ asamattho, taṃ. Yo pana mahallakopi balavā hoti attānaṃ paṭijaggituṃ sakkoti, so pabbājetabbo. Andhanti jaccandhaṃ. Padhirañcevāti yo sabbena sabbaṃ na suṇāti, taṃ. Yo pana mahāsaddaṃ suṇāti, taṃ pabbājetuṃ vaṭṭati. Mammananti yassa vacībhedo vattati, saraṇagamanaṃ paripuṇṇaṃ bhāsituṃ na sakkoti, tādisaṃ mammanampi pabbājetuṃ na vaṭṭati. Yo pana saraṇagamanamattaṃ paripuṇṇaṃ bhāsituṃ sakkoti, taṃ pabbājetuṃ vaṭṭati. Atha vā mammananti khalitavacanaṃ, yo ekameva akkharaṃ catupañcakkhattuṃ vadati, tassetamadhivacanaṃ. Pīṭhasappinti chinniriyāpathaṃ. Mūganti yassa vacībhedo nappavattati.

    2489. ад̇д̇ано вируубабхаавзна барисам̣ д̣̇уусзнд̇зна барисад̣̇уусагз (махаава. адта. 119) д̣̇ассзд̇умааха ‘‘ад̇ид̣̇ийгхо’’д̇иаад̣̇и. ад̇ид̣̇ийгход̇и ан̃н̃зсам̣ сийсаббамаан̣анаабхиббад̣̇зсо. ад̇ирассод̇и вуд̇д̇аббагааро убхаяаваамано вияа ад̇ирассо. ад̇игаал̣о ваад̇и жхаабид̇акзд̇д̇з каан̣уго вияа ад̇игаал̣аван̣н̣о. мадтад̇амб̣алоханид̣̇ассано ажжод̣̇аад̇оби ваад̇и самб̣анд̇хо, д̣̇ад̇хид̇аггаад̣̇ийхи маж̇ж̇ид̇амадтад̇амб̣алохаван̣н̣о ад̇ийва од̣̇аад̇асарийрод̇и ад̇т̇о.

    2489. Attano virūpabhāvena parisaṃ dūsentena parisadūsake (mahāva. aṭṭha. 119) dassetumāha ‘‘atidīgho’’tiādi. Atidīghoti aññesaṃ sīsappamāṇanābhippadeso. Atirassoti vuttappakāro ubhayavāmano viya atirasso. Atikāḷo vāti jhāpitakhette khāṇuko viya atikāḷavaṇṇo. Maṭṭhatambalohanidassano accodātopi vāti sambandho, dadhitakkādīhi majjitamaṭṭhatambalohavaṇṇo atīva odātasarīroti attho.

    2490. ад̇ит̇ууло ваад̇и бхаарияамам̣со маход̣̇аро махаабхууд̇асад̣̇исо. ад̇игисод̇и манд̣̇амам̣салохид̇о адтисираажаммасарийро вияа. ад̇имахаасийсо ваад̇и яож̇анаа. ад̇имахаасийсо ваад̇и бажчим̣ сийсз гад̇ваа тид̇о вияа. ‘‘ад̇икуд̣̇д̣̇агасийсзна асахид̇знаа’’д̇и бад̣̇ажчзд̣̇о. асахид̇знаад̇и сарийрасса анануруубзна. ‘‘ад̇икуд̣̇д̣̇агасийсзнаа’’д̇и зд̇асса висзсанам̣. асахид̇зна ад̇икуд̣̇д̣̇агасийсзна саманнааг̇ад̇од̇и яож̇анаа. яат̇ааха – ‘‘ад̇икуд̣̇д̣̇агасийсо ваа сарийрасса анануруубзна ад̇икуд̣̇д̣̇агзна сийсзна саманнааг̇ад̇о’’д̇и.

    2490.Atithūlovāti bhāriyamaṃso mahodaro mahābhūtasadiso. Atikisoti mandamaṃsalohito aṭṭhisirācammasarīro viya. Atimahāsīso vāti yojanā. Atimahāsīso vāti pacchiṃ sīse katvā ṭhito viya. ‘‘Atikhuddakasīsena asahitenā’’ti padacchedo. Asahitenāti sarīrassa ananurūpena. ‘‘Atikhuddakasīsenā’’ti etassa visesanaṃ. Asahitena atikhuddakasīsena samannāgatoti yojanā. Yathāha – ‘‘atikhuddakasīso vā sarīrassa ananurūpena atikhuddakena sīsena samannāgato’’ti.

    2491. гудагудагасийсод̇и д̇аалапалабин̣д̣исад̣̇исзна сийсзна саманнааг̇ад̇о. сикарасийсагод̇и уд̣̇д̇хам̣ анубуб̣б̣ад̇анугзна сийсзна саманнааг̇ад̇о, мад̇т̇агад̇о сам̣гудиго муулад̇о вид̇т̇ад̇о худ̇ваа тид̇абаб̣б̣ад̇асикарасад̣̇исасийсод̇и ад̇т̇о. взл̣унаал̣исамаанзнаад̇и махаавзл̣убаб̣б̣асад̣̇исзна. сийсзнаад̇и д̣̇ийгхасийсзна. яат̇ааха – ‘‘наал̣исийсо ваа махаавзл̣убаб̣б̣асад̣̇исзна сийсзна саманнааг̇ад̇о’’д̇и (махаава. адта. 119).

    2491.Kuṭakuṭakasīsoti tālaphalapiṇḍisadisena sīsena samannāgato. Sikharasīsakoti uddhaṃ anupubbatanukena sīsena samannāgato, matthakato saṃkuṭiko mūlato vitthato hutvā ṭhitapabbatasikharasadisasīsoti attho. Veḷunāḷisamānenāti mahāveḷupabbasadisena. Sīsenāti dīghasīsena. Yathāha – ‘‘nāḷisīso vā mahāveḷupabbasadisena sīsena samannāgato’’ti (mahāva. aṭṭha. 119).

    2492. габбасийсобийд̇и маж̇жхз д̣̇иссамаанаааваадзна хад̇т̇игумбхасад̣̇исзна д̣̇вид̇хаабхууд̇асийсзна саманнааг̇ад̇о. баб̣бхаарасийсо ваад̇и жад̇уусу бассзсу язна гзнажи бассзна он̣ад̇зна сийсзна саманнааг̇ад̇о. ван̣асийсагод̇и ван̣зхи саманнааг̇ад̇асийсо. ган̣н̣игагзсо ваад̇и баан̣агзхи кааяид̇агзд̣̇аарз сассасад̣̇исзхи д̇ахим̣ д̇ахим̣ удтид̇зхи гзсзхи саманнааг̇ад̇о. т̇уулагзсоби ваад̇и д̇аалахийрасад̣̇исзхи гзсзхи саманнааг̇ад̇о.

    2492.Kappasīsopīti majjhe dissamānaāvāṭena hatthikumbhasadisena dvidhābhūtasīsena samannāgato. Pabbhārasīso vāti catūsu passesu yena kenaci passena oṇatena sīsena samannāgato. Vaṇasīsakoti vaṇehi samannāgatasīso. Kaṇṇikakeso vāti pāṇakehi khāyitakedāre sassasadisehi tahiṃ tahiṃ uṭṭhitehi kesehi samannāgato. Thūlakesopi vāti tālahīrasadisehi kesehi samannāgato.

    2493. бууд̇исийсод̇и д̣̇уг̇г̇анд̇хасийсо. нилломасийсо ваад̇и ломарахид̇асийсо. ж̇аад̇ибан̣д̣арагзсагод̇и ж̇аад̇ипалид̇зхи бан̣д̣арагзсо ваа. ж̇аад̇ияаа д̇амб̣агзсо ваад̇и аад̣̇ид̇д̇зхи вияа д̇амб̣аван̣н̣зхи гзсзхи саманнааг̇ад̇о. ааваддасийсагод̇и г̇уннам̣ сарийрз ааваддасад̣̇исзхи уд̣̇д̇хаг̇г̇зхи гзсааваддзхи саманнааг̇ад̇о.

    2493.Pūtisīsoti duggandhasīso. Nillomasīso vāti lomarahitasīso. Jātipaṇḍarakesakoti jātiphalitehi paṇḍarakeso vā. Jātiyā tambakeso vāti ādittehi viya tambavaṇṇehi kesehi samannāgato. Āvaṭṭasīsakoti gunnaṃ sarīre āvaṭṭasadisehi uddhaggehi kesāvaṭṭehi samannāgato.

    2494. сийсаломзгаб̣ад̣̇д̇хзхи бхамугзхи яуд̇обийд̇и сийсаломзхи сад̣̇д̇хим̣ згааб̣ад̣̇д̇халомзхи бхамугзхи саманнааг̇ад̇о. самб̣ад̣̇д̇хабхамуго ваад̇и згааб̣ад̣̇д̇хаубхаяабхамуго, маж̇жхз сан̃ж̇аад̇аломзхи бхамугзхи саманнааг̇ад̇од̇и ад̇т̇о. нилломабхамугоби ваад̇и бхамуломарахид̇о. нилломабхамугоби ваад̇и би-сад̣̇д̣̇зна авуд̇д̇асамужжаяад̇т̇зна маггадабхамуго сан̇г̇ахид̇о.

    2494.Sīsalomekabaddhehi bhamukehi yutopīti sīsalomehi saddhiṃ ekābaddhalomehi bhamukehi samannāgato. Sambaddhabhamuko vāti ekābaddhaubhayabhamuko, majjhe sañjātalomehi bhamukehi samannāgatoti attho. Nillomabhamukopi vāti bhamulomarahito. Nillomabhamukopi vāti pi-saddena avuttasamuccayatthena makkaṭabhamuko saṅgahito.

    2495. маханд̇акуд̣̇д̣̇анзд̇д̇о ваад̇и зд̇т̇а нзд̇д̇а-сад̣̇д̣̇о маханд̇акуд̣̇д̣̇а-сад̣̇д̣̇зхи бажжзгам̣ яож̇зд̇аб̣б̣о, маханд̇анзд̇д̇о ваа куд̣̇д̣̇аганзд̇д̇о ваад̇и ад̇т̇о. маханд̇анзд̇д̇о ваад̇и ад̇имаханд̇зхи нзд̇д̇зхи саманнааг̇ад̇о. куд̣̇д̣̇аганзд̇д̇о ваад̇и махим̣сажаммз ваасигон̣зна бахарид̇ваа гад̇ачид̣̇д̣̇асад̣̇исзхи ад̇икуд̣̇д̣̇агагкийхи саманнааг̇ад̇о. висамаложанод̇и згзна маханд̇зна, згзна куд̣̇д̣̇агзна агкинаа саманнааг̇ад̇о. гзгаро ваабийд̇и д̇ирияам̣ бассанд̇о. зд̇т̇а аби-сад̣̇д̣̇зна нигканд̇агким̣ самбин̣д̣зд̇и, яасса гаггадагассзва агкид̇аарагаа нигканд̇аа хонд̇и. г̇амбхийранзд̇д̇од̇и яасса г̇амбхийрз уд̣̇абаанз уд̣̇агад̇аарагаа вияа агкид̇аарагаа бан̃н̃ааяанд̇и. зд̇т̇а жа уд̣̇агад̇аарагаа наама уд̣̇агабуб̣б̣ул̣ам̣. агкид̇аарагаад̇и агкиг̇зн̣д̣агаа. висамажаггалод̇и згзна уд̣̇д̇хам̣, згзна ад̇ход̇и звам̣ висамаж̇аад̇зхи агкижаггзхи саманнааг̇ад̇о.

    2495.Mahantakhuddanettovāti ettha netta-saddo mahantakhudda-saddehi paccekaṃ yojetabbo, mahantanetto vā khuddakanetto vāti attho. Mahantanetto vāti atimahantehi nettehi samannāgato. Khuddakanetto vāti mahiṃsacamme vāsikoṇena paharitvā katachiddasadisehi atikhuddakakkhīhi samannāgato. Visamalocanoti ekena mahantena, ekena khuddakena akkhinā samannāgato. Kekaro vāpīti tiriyaṃ passanto. Ettha api-saddena nikkhantakkhiṃ sampiṇḍeti, yassa kakkaṭakasseva akkhitārakā nikkhantā honti. Gambhīranettoti yassa gambhīre udapāne udakatārakā viya akkhitārakā paññāyanti. Ettha ca udakatārakā nāma udakapubbuḷaṃ. Akkhitārakāti akkhigeṇḍakā. Visamacakkaloti ekena uddhaṃ, ekena adhoti evaṃ visamajātehi akkhicakkehi samannāgato.

    2496. ж̇ад̇уган̣н̣о ваад̇и ад̇икуд̣̇д̣̇игаахи ган̣н̣асагкалийхи саманнааг̇ад̇о. муусигаган̣н̣о ваад̇и муусигаанам̣ ган̣н̣асад̣̇исзхи ган̣н̣зхи саманнааг̇ад̇о. хад̇т̇иган̣н̣оби ваад̇и анануруубаахи маханд̇аахи хад̇т̇иган̣н̣асад̣̇исаахи ган̣н̣асагкалийхи саманнааг̇ад̇о. чид̣̇д̣̇амад̇д̇агаган̣н̣о ваад̇и яасса винаа ган̣н̣асагкалийхи ган̣н̣ажчид̣̇д̣̇амзва ход̇и. авид̣̇д̇хаган̣н̣агод̇и ган̣н̣аб̣анд̇хад̇т̇ааяа авид̣̇д̇хзна ган̣н̣зна саманнааг̇ад̇о.

    2496.Jatukaṇṇovāti atikhuddikāhi kaṇṇasakkhalīhi samannāgato. Mūsikakaṇṇo vāti mūsikānaṃ kaṇṇasadisehi kaṇṇehi samannāgato. Hatthikaṇṇopi vāti ananurūpāhi mahantāhi hatthikaṇṇasadisāhi kaṇṇasakkhalīhi samannāgato. Chiddamattakakaṇṇo vāti yassa vinā kaṇṇasakkhalīhi kaṇṇacchiddameva hoti. Aviddhakaṇṇakoti kaṇṇabandhatthāya aviddhena kaṇṇena samannāgato.

    2497. дан̇гид̇аган̣н̣о ваад̇и г̇обхад̇д̇анаал̣игааяа аг̇г̇асад̣̇исзхи ган̣н̣зхи саманнааг̇ад̇о, г̇оханугодисан̣таанзхи ган̣н̣зхи саманнааг̇ад̇од̇и ад̇т̇о. бууд̇иган̣н̣оби ваад̇и сад̣̇аа баг̇гхарид̇абуб̣б̣зна ган̣н̣зна саманнааг̇ад̇о. бууд̇иган̣н̣обийд̇и аби-сад̣̇д̣̇зна ган̣н̣абхаг̇анд̣̇ариго г̇ахид̇о. ган̣н̣абхаг̇анд̣̇аригод̇и нижжабууд̇инаа ган̣н̣зна саманнааг̇ад̇о. авид̣̇д̇хаган̣н̣о барисад̣̇уусаго вуд̇д̇о, гат̇ам̣ яонагаж̇аад̇ийнам̣ баб̣б̣аж̇ж̇аад̇и ааха ‘‘яонагаад̣̇иббабхзд̣̇оби, нааяам̣ барисад̣̇уусаго’’д̇и, ган̣н̣аавзд̇ханам̣ яонагаанам̣ сабхааво, аяам̣ яонагаад̣̇иббабхзд̣̇о барисад̣̇уусаго на ход̇ийд̇и вуд̇д̇ам̣ ход̇и.

    2497.Ṭaṅkitakaṇṇo vāti gobhattanāḷikāya aggasadisehi kaṇṇehi samannāgato, gohanukoṭisaṇṭhānehi kaṇṇehi samannāgatoti attho. Pūtikaṇṇopi vāti sadā paggharitapubbena kaṇṇena samannāgato. Pūtikaṇṇopīti api-saddena kaṇṇabhagandariko gahito. Kaṇṇabhagandarikoti niccapūtinā kaṇṇena samannāgato. Aviddhakaṇṇo parisadūsako vutto, kathaṃ yonakajātīnaṃ pabbajjāti āha ‘‘yonakādippabhedopi, nāyaṃ parisadūsako’’ti, kaṇṇāvedhanaṃ yonakānaṃ sabhāvo, ayaṃ yonakādippabhedo parisadūsako na hotīti vuttaṃ hoti.

    2498. ад̇ибин̇г̇аланзд̇д̇од̇и ад̇исаязна бин̇г̇алзхи нзд̇д̇зхи саманнааг̇ад̇о. мад̇хубин̇г̇алам̣ бана баб̣б̣ааж̇зд̇ум̣ ваддад̇и. ниббакумагки ваад̇и агкид̣̇аларомзхи вирахид̇аагкиго. бакума-сад̣̇д̣̇о хи логз агкид̣̇аларомзсу нирул̣хо. ассубаг̇гхаранзд̇д̇о ваад̇и баг̇гхаран̣ассуухи нзд̇д̇зхи саманнааг̇ад̇о. баггабубпид̇аложанод̇и баггаложано бубпид̇аложанод̇и яож̇анаа. барибагганзд̇д̇о сан̃ж̇аад̇абубпанзд̇д̇од̇и ад̇т̇о.

    2498.Atipiṅgalanettoti atisayena piṅgalehi nettehi samannāgato. Madhupiṅgalaṃ pana pabbājetuṃ vaṭṭati. Nippakhumakkhi vāti akkhidalaromehi virahitaakkhiko. Pakhuma-saddo hi loke akkhidalaromesu niruḷho. Assupaggharanetto vāti paggharaṇassūhi nettehi samannāgato. Pakkapupphitalocanoti pakkalocano pupphitalocanoti yojanā. Paripakkanetto sañjātapupphanettoti attho.

    2499. махаанаасод̇и сарийрасса анануруубааяа махад̇ияаа наасааяа саманнааг̇ад̇о. ад̇икуд̣̇д̣̇аганаасигод̇и д̇ат̇аа ад̇икуд̣̇д̣̇игааяа наасааяа саманнааг̇ад̇о. жибиданаасо ваад̇и жибидааяа анд̇о бавидтааяа вияа аллинаасааяа саманнааг̇ад̇о. жибиданаасо ваад̇и авуд̇д̇авигаббад̇т̇зна ваа-сад̣̇д̣̇зна д̣̇ийгханаасиго сан̇г̇аяхад̇и. со жа сугад̇ун̣д̣асад̣̇исааяа ж̇ивхааяа лзхид̇ум̣ саггун̣зяяааяа наасигааяа саманнааг̇ад̇о. гудиланаасигод̇и мукамаж̇жхз аббад̇идтахид̇ваа згабассз тид̇анаасиго.

    2499.Mahānāsoti sarīrassa ananurūpāya mahatiyā nāsāya samannāgato. Atikhuddakanāsikoti tathā atikhuddikāya nāsāya samannāgato. Cipiṭanāso vāti cipiṭāya anto paviṭṭhāya viya allināsāya samannāgato. Cipiṭanāso vāti avuttavikappatthena vā-saddena dīghanāsiko saṅgayhati. So ca sukatuṇḍasadisāya jivhāya lehituṃ sakkuṇeyyāya nāsikāya samannāgato. Kuṭilanāsikoti mukhamajjhe appatiṭṭhahitvā ekapasse ṭhitanāsiko.

    2500. нижжависсаванаасо ваад̇и нижжабаг̇гхарид̇асин̇гхаан̣иганаасо ваа. махаамукод̇и яасса бадан̇г̇аман̣д̣угассзва муканимид̇д̇ам̣язва маханд̇ам̣ ход̇и, мукам̣ бана лааб̣усад̣̇исам̣ ад̇икуд̣̇д̣̇агам̣. бадан̇г̇аман̣д̣уго наама махаамукаман̣д̣уго. ван̇габхиннамуко ваабийд̇и зд̇т̇а ‘‘ван̇гамуко ваа бхиннамуко ваабий’’д̇и яож̇анаа. ван̇гамукод̇и бхамугасса, налаад̇асса ваа згабассз ниннад̇ааяа ван̇гамуко. бхиннамуко ваад̇и маггадассзва бхиннамуко. махааодтоби ваад̇и угкалимукаваддисад̣̇исзхи одтзхи саманнааг̇ад̇о.

    2500.Niccavissavanāso vāti niccapaggharitasiṅghāṇikanāso vā. Mahāmukhoti yassa paṭaṅgamaṇḍukasseva mukhanimittaṃyeva mahantaṃ hoti, mukhaṃ pana lābusadisaṃ atikhuddakaṃ. Paṭaṅgamaṇḍuko nāma mahāmukhamaṇḍuko. Vaṅkabhinnamukho vāpīti ettha ‘‘vaṅkamukho vā bhinnamukho vāpī’’ti yojanā. Vaṅkamukhoti bhamukassa, nalātassa vā ekapasse ninnatāya vaṅkamukho. Bhinnamukho vāti makkaṭasseva bhinnamukho. Mahāoṭṭhopi vāti ukkhalimukhavaṭṭisadisehi oṭṭhehi samannāgato.

    2501. д̇анугаодто ваад̇и бхзрижаммасад̣̇исзхи д̣̇анд̇з бид̣̇ахид̇ум̣ асамад̇т̇зхи одтзхи саманнааг̇ад̇о. бхзрижаммасад̣̇исзхийд̇и бхзримукажаммасад̣̇исзхи. д̇анугаодто ваад̇и зд̇т̇а ваа-сад̣̇д̣̇зна махаад̇хародто ваа д̇анугауд̇д̇ародто ваа д̇анугаад̇хародто ваад̇и д̇аяо вигаббаа сан̇г̇ахид̇аа. вибулуд̇д̇араодтагод̇и махаауд̇д̇ародто. одтачиннод̇и яасса зго ваа д̣̇вз ваа одтаа чиннаа хонд̇и. уббаггамукод̇и баггамуко. зл̣амукоби ваад̇и нижжабаг̇гхаран̣амуко.

    2501.Tanukaoṭṭho vāti bhericammasadisehi dante pidahituṃ asamatthehi oṭṭhehi samannāgato. Bhericammasadisehīti bherimukhacammasadisehi. Tanukaoṭṭho vāti ettha vā-saddena mahādharoṭṭho vā tanukauttaroṭṭho vā tanukaadharoṭṭho vāti tayo vikappā saṅgahitā. Vipuluttaraoṭṭhakoti mahāuttaroṭṭho. Oṭṭhachinnoti yassa eko vā dve vā oṭṭhā chinnā honti. Uppakkamukhoti pakkamukho. Eḷamukhopi vāti niccapaggharaṇamukho.

    2502-3. сан̇кад̇ун̣д̣обийд̇и б̣ахи сзд̇зхи анд̇о ад̇ирад̇д̇зхи одтзхи саманнааг̇ад̇о. д̣̇уг̇г̇анд̇хамукод̇и д̣̇уг̇г̇анд̇хагун̣абамуко. махаад̣̇анд̇обийд̇и адтагад̣̇анд̇асад̣̇исзхи саманнааг̇ад̇о . ажжанд̇анд̇и ад̇исаязна. ‘‘хздтаа убарид̇о вааби, б̣ахи нигканд̇ад̣̇анд̇аго’’д̇и ид̣̇ам̣ ‘‘асурад̣̇анд̇аго’’д̇и зд̇асса ад̇т̇абад̣̇ам̣. асурод̇и д̣̇аанаво. ‘‘сиббид̣̇анд̇о ваа одтад̣̇анд̇о ваа’’д̇и г̇ан̣тибад̣̇з ликид̇о. яасса бана саггаа хонд̇и одтзхи бид̣̇ахид̇ум̣, гат̇знд̇ассзва бан̃н̃ааяад̇и, но агат̇знд̇асса, д̇ам̣ баб̣б̣ааж̇зд̇ум̣ ваддад̇и. ад̣̇анд̇од̇и д̣̇анд̇арахид̇о. бууд̇ид̣̇анд̇од̇и бууд̇ибхууд̇зхи д̣̇анд̇зхи саманнааг̇ад̇о.

    2502-3.Saṅkhatuṇḍopīti bahi setehi anto atirattehi oṭṭhehi samannāgato. Duggandhamukhoti duggandhakuṇapamukho. Mahādantopīti aṭṭhakadantasadisehi samannāgato . Accantanti atisayena. ‘‘Heṭṭhā uparito vāpi, bahi nikkhantadantako’’ti idaṃ ‘‘asuradantako’’ti etassa atthapadaṃ. Asuroti dānavo. ‘‘Sippidanto vā oṭṭhadanto vā’’ti gaṇṭhipade likhito. Yassa pana sakkā honti oṭṭhehi pidahituṃ, kathentasseva paññāyati, no akathentassa, taṃ pabbājetuṃ vaṭṭati. Adantoti dantarahito. Pūtidantoti pūtibhūtehi dantehi samannāgato.

    2504. ‘‘ад̇икуд̣̇д̣̇агад̣̇анд̇аго’’д̇и имасса ‘‘яассаа’’д̇иаад̣̇и абаваад̣̇о. яасса д̣̇анд̇анд̇арз гаал̣агад̣̇анд̇асаннибхо галанд̣̇агад̣̇анд̇асад̣̇исо д̣̇анд̇о сукумова тид̇о жз, д̇ам̣ д̇у баб̣б̣ааж̇зд̇ум̣ ваддад̇ийд̇и яож̇анаа. баб̣б̣ааж̇зд̇умбийд̇и зд̇т̇а би-сад̣̇д̣̇о д̇у-сад̣̇д̣̇ад̇т̇о.

    2504. ‘‘Atikhuddakadantako’’ti imassa ‘‘yassā’’tiādi apavādo. Yassa dantantare kāḷakadantasannibho kalandakadantasadiso danto sukhumova ṭhito ce, taṃ tu pabbājetuṃ vaṭṭatīti yojanā. Pabbājetumpīti ettha pi-saddo tu-saddattho.

    2505. яо босод̇и самб̣анд̇хо. махааханугод̇и г̇оханусад̣̇исзна ханунаа саманнааг̇ад̇о. ‘‘рассзна ханунаа яуд̇о’’д̇и ид̣̇ам̣ ‘‘жибидахануго ваа’’д̇и имасса ад̇т̇абад̣̇ам̣. яат̇ааха – ‘‘жибидахануго ваа анд̇обавидтзна вияа ад̇ирассзна ханугзна саманнааг̇ад̇о’’д̇и (махаава. адта. 119). жибидахануго ваабийд̇и зд̇т̇а би-сад̣̇д̣̇зна ‘‘бхиннахануго ваа ван̇гахануго ваа’’д̇и вигаббад̣̇ваяам̣ сан̇г̇ан̣хаад̇и.

    2505. Yo posoti sambandho. Mahāhanukoti gohanusadisena hanunā samannāgato. ‘‘Rassena hanunā yuto’’ti idaṃ ‘‘cipiṭahanuko vā’’ti imassa atthapadaṃ. Yathāha – ‘‘cipiṭahanuko vā antopaviṭṭhena viya atirassena hanukena samannāgato’’ti (mahāva. aṭṭha. 119). Cipiṭahanuko vāpīti ettha pi-saddena ‘‘bhinnahanuko vā vaṅkahanuko vā’’ti vikappadvayaṃ saṅgaṇhāti.

    2506. ниммассуд̣̇аатиго ваабийд̇и бхигкунисад̣̇исамуко. ад̇ид̣̇ийгхаг̇алоби ваад̇и б̣агаг̇аласад̣̇исзна г̇алзна саманнааг̇ад̇о. ад̇ирассаг̇алоби ваад̇и анд̇обавидтзна вияа г̇алзна саманнааг̇ад̇о. бхиннаг̇ало ваа г̇ан̣д̣аг̇алоби ваад̇и яож̇анаа, бхиннаг̇аладтиго ваа г̇ан̣д̣зна саманнааг̇ад̇аг̇алоби ваад̇и ад̇т̇о.

    2506.Nimmassudāṭhiko vāpīti bhikkhunisadisamukho. Atidīghagalopi vāti bakagalasadisena galena samannāgato. Atirassagalopi vāti antopaviṭṭhena viya galena samannāgato. Bhinnagalo vā gaṇḍagalopi vāti yojanā, bhinnagalaṭṭhiko vā gaṇḍena samannāgatagalopi vāti attho.

    2507. бхадтам̣сагуудо ваад̇и маад̇уг̇аамасса вияа бхадтзна ам̣сагуудзна саманнааг̇ад̇о. бхиннабидти ваа бхиннауроби ваад̇и яож̇анаа, суд̣̇ийгхахад̇т̇о ваа сурассахад̇т̇о ваад̇и яож̇анаа, ад̇ид̣̇ийгхахад̇т̇о ваа ад̇ирассахад̇т̇о ваад̇и ад̇т̇о. ваа-сад̣̇д̣̇зна ахад̇т̇азгахад̇т̇аанам̣ г̇ахан̣ам̣. гажчусамааяуд̇о ваа ган̣д̣усамааяуд̇о ваад̇и яож̇анаа. ваа-сад̣̇д̣̇зна ‘‘д̣̇ад̣̇д̣̇уг̇ад̇д̇о ваа г̇од̇хааг̇ад̇д̇о ваа’’д̇и имз д̣̇вз сан̇г̇ан̣хаад̇и. д̇ад̇т̇а г̇од̇хааг̇ад̇д̇о ваад̇и яасса г̇од̇хааяа вияа г̇ад̇д̇ад̇о жун̣н̣аани бад̇анд̇и.

    2507.Bhaṭṭhaṃsakūṭovāti mātugāmassa viya bhaṭṭhena aṃsakūṭena samannāgato. Bhinnapiṭṭhi vā bhinnauropi vāti yojanā, sudīghahattho vā surassahattho vāti yojanā, atidīghahattho vā atirassahattho vāti attho. Vā-saddena ahatthaekahatthānaṃ gahaṇaṃ. Kacchusamāyuto vā kaṇḍusamāyuto vāti yojanā. Vā-saddena ‘‘daddugatto vā godhāgatto vā’’ti ime dve saṅgaṇhāti. Tattha godhāgatto vāti yassa godhāya viya gattato cuṇṇāni patanti.

    2508. махаанисад̣̇амам̣сод̇и имасса ад̇т̇абад̣̇ам̣ ‘‘уд̣̇д̇ханаг̇г̇убамааяуд̇о’’д̇и. яат̇ааха – ‘‘махаааанисад̣̇о ваа уд̣̇д̇ханагуудасад̣̇исзхи аанисад̣̇амам̣сзхи ажжуг̇г̇ад̇зхи саманнааг̇ад̇о’’д̇и (махаава. адта. 119). махаанисад̣̇амам̣со ваад̇и зд̇т̇а ваа-сад̣̇д̣̇зна бхадтагадиго сан̇г̇ахид̇о. ваад̇ан̣д̣игод̇и ан̣д̣агосзсу вуд̣̇д̇хирог̇зна саманнааг̇ад̇о. махаауурууд̇и сарийрасса анануруубзхи маханд̇зхи сад̇д̇ийхи саманнааг̇ад̇о. сан̇гхадданагаж̇аан̣угод̇и ан̃н̃аман̃н̃ам̣ сан̇гхаддзхи ж̇аан̣уухи саманнааг̇ад̇о.

    2508.Mahānisadamaṃsoti imassa atthapadaṃ ‘‘uddhanaggupamāyuto’’ti. Yathāha – ‘‘mahāānisado vā uddhanakūṭasadisehi ānisadamaṃsehi accuggatehi samannāgato’’ti (mahāva. aṭṭha. 119). Mahānisadamaṃso vāti ettha vā-saddena bhaṭṭhakaṭiko saṅgahito. Vātaṇḍikoti aṇḍakosesu vuddhirogena samannāgato. Mahāūrūti sarīrassa ananurūpehi mahantehi sattīhi samannāgato. Saṅghaṭṭanakajāṇukoti aññamaññaṃ saṅghaṭṭehi jāṇūhi samannāgato.

    2509. бхиннаж̇аан̣ууд̇и яасса зго ваа д̣̇вз ваа ж̇аан̣уу бхиннаа хонд̇и. махааж̇аан̣ууд̇и маханд̇зна ж̇аан̣унаа саманнааг̇ад̇о. д̣̇ийгхаж̇ан̇гход̇и яадтисад̣̇исаж̇ан̇гхо. вигадо ваад̇и д̇ирияам̣ г̇аманабаад̣̇зхи саманнааг̇ад̇о, яасса жан̇гамад̇о ж̇аан̣угаа б̣ахи ниг̇г̇ажчанд̇и. бан̣хо ваад̇и бажчад̇о баривад̇д̇абаад̣̇зхи саманнааг̇ад̇о, яасса жан̇гамад̇о ж̇аан̣угаа анд̇о бависанд̇и. ‘‘банд̇о’’д̇и жа ‘‘сан̣хо’’д̇и жа зд̇ассзва взважанаани. уб̣б̣ад̣̇д̇хабин̣д̣игод̇и хздтаа орул̣хаахи ваа убари аарул̣хаахи ваа махад̇ийхи ж̇ан̇гхабин̣д̣игаахи саманнааг̇ад̇о.

    2509.Bhinnajāṇūti yassa eko vā dve vā jāṇū bhinnā honti. Mahājāṇūti mahantena jāṇunā samannāgato. Dīghajaṅghoti yaṭṭhisadisajaṅgho. Vikaṭo vāti tiriyaṃ gamanapādehi samannāgato, yassa caṅkamato jāṇukā bahi niggacchanti. Paṇho vāti pacchato parivattapādehi samannāgato, yassa caṅkamato jāṇukā anto pavisanti. ‘‘Panto’’ti ca ‘‘saṇho’’ti ca etasseva vevacanāni. Ubbaddhapiṇḍikoti heṭṭhā oruḷhāhi vā upari āruḷhāhi vā mahatīhi jaṅghapiṇḍikāhi samannāgato.

    2510. яадтиж̇ан̇гход̇и яадтисад̣̇исааяа ж̇ан̇гхааяа саманнааг̇ад̇о. махааж̇ан̇гход̇и сарийрасса анануруубааяа махад̇ияаа ж̇ан̇гхааяа саманнааг̇ад̇о. махаабаад̣̇оби ваад̇и сарийрасса анануруубзхи маханд̇зхи баад̣̇зхи саманнааг̇ад̇о. аби-сад̣̇д̣̇зна т̇уулаж̇ан̇гхабин̣д̣иго сан̇г̇ахид̇о, бхад̇д̇абудасад̣̇исааяа т̇уулааяа ж̇ан̇гхабин̣д̣ияаа саманнааг̇ад̇од̇и ад̇т̇о. бидтигабаад̣̇о ваад̇и баад̣̇авзмаж̇жхад̇о удтид̇аж̇ан̇гхо. махаабан̣хиби ваад̇и анануруубзхи ад̇имаханд̇зхи бан̣хийхи саманнааг̇ад̇о.

    2510.Yaṭṭhijaṅghoti yaṭṭhisadisāya jaṅghāya samannāgato. Mahājaṅghoti sarīrassa ananurūpāya mahatiyā jaṅghāya samannāgato. Mahāpādopi vāti sarīrassa ananurūpehi mahantehi pādehi samannāgato. Api-saddena thūlajaṅghapiṇḍiko saṅgahito, bhattapuṭasadisāya thūlāya jaṅghapiṇḍiyā samannāgatoti attho. Piṭṭhikapādo vāti pādavemajjhato uṭṭhitajaṅgho. Mahāpaṇhipi vāti ananurūpehi atimahantehi paṇhīhi samannāgato.

    2511. ван̇габаад̣̇од̇и анд̇о ваа б̣ахи ваа баривад̇д̇абаад̣̇авасзна д̣̇увид̇хо ван̇габаад̣̇о. г̇ан̣тиган̇г̇улигод̇и син̇г̇ивзрапан̣асад̣̇исаахи ан̇г̇улийхи саманнааг̇ад̇о. ‘‘анд̇ханако ваабий’’д̇и зд̇асса ад̇т̇абад̣̇ам̣ ‘‘гаал̣абууд̇инакоби жаа’’д̇и. яат̇ааха – ‘‘анд̇ханако ваа гаал̣аван̣н̣зхи бууд̇инакзхи саманнааг̇ад̇о’’д̇и (махаава. адта. 119).

    2511.Vaṅkapādoti anto vā bahi vā parivattapādavasena duvidho vaṅkapādo. Gaṇṭhikaṅgulikoti siṅgiveraphaṇasadisāhi aṅgulīhi samannāgato. ‘‘Andhanakho vāpī’’ti etassa atthapadaṃ ‘‘kāḷapūtinakhopi cā’’ti. Yathāha – ‘‘andhanakho vā kāḷavaṇṇehi pūtinakhehi samannāgato’’ti (mahāva. aṭṭha. 119).

    2512. ижжзванд̇и яат̇аавуд̇д̇аважанийяанид̣̇ассанад̇т̇ояам̣ нибаад̇асамуд̣̇ааяо. ан̇г̇авзгаллад̇ааяа б̣ахувид̇хад̇д̇аа анавасзсам̣ взгаллаббагаарам̣ сан̇г̇ан̣хид̇умааха ‘‘ижжзвамаад̣̇ига’’нд̇и.

    2512.Iccevanti yathāvuttavacanīyanidassanatthoyaṃ nipātasamudāyo. Aṅgavekallatāya bahuvidhattā anavasesaṃ vekallappakāraṃ saṅgaṇhitumāha ‘‘iccevamādika’’nti.

    барисад̣̇уусагагат̇ааван̣н̣анаа.

    Parisadūsakakathāvaṇṇanā.

    2514. бад̇д̇ажийваранд̇и зд̇т̇а ‘‘сааман̣зрассаа’’д̇и ад̇хигаарад̇о лаб̣бхад̇и. анд̇о нигкибад̇од̇и оварагаад̣̇ийнам̣ анд̇о нигкибанд̇асса. саб̣б̣абаяог̇зсууд̇и бад̇д̇ажийварасса аамасанаад̣̇исаб̣б̣абаяог̇зсу.

    2514.Pattacīvaranti ettha ‘‘sāmaṇerassā’’ti adhikārato labbhati. Anto nikkhipatoti ovarakādīnaṃ anto nikkhipantassa. Sabbapayogesūti pattacīvarassa āmasanādisabbapayogesu.

    2515-6. д̣̇ан̣д̣агаммам̣ гад̇ваад̇и д̣̇ан̣д̣агаммам̣ яож̇зд̇ваа. д̣̇ан̣д̣знд̇и винзнд̇и зд̇знаад̇и д̣̇ан̣д̣о, соязва гад̇д̇аб̣б̣ад̇д̇аа гамманд̇и д̣̇ан̣д̣агаммам̣, ааваран̣аад̣̇и. анаажаарасса д̣̇уб̣б̣ажасааман̣зрасса гзвалам̣ хид̇агаамзна бхигкунаа д̣̇ан̣д̣агаммам̣ гад̇ваа д̣̇ан̣д̣агаммам̣ яож̇зд̇ваа яааг̇ум̣ ваа бхад̇д̇ам̣ ваа ваа-сад̣̇д̣̇зна бад̇д̇ам̣ ваа жийварам̣ ваа д̣̇ассзд̇ваа ‘‘д̣̇ан̣д̣агаммз аахадз д̇вам̣ ид̣̇ам̣ лажчаси’’ ид̇и бхаасид̇ум̣ ваддад̇ийд̇и яож̇анаа. гираад̇и бад̣̇абууран̣ад̇т̇з нибаад̇о.

    2515-6.Daṇḍakammaṃ katvāti daṇḍakammaṃ yojetvā. Daṇḍenti vinenti etenāti daṇḍo, soyeva kattabbattā kammanti daṇḍakammaṃ, āvaraṇādi. Anācārassa dubbacasāmaṇerassa kevalaṃ hitakāmena bhikkhunā daṇḍakammaṃ katvā daṇḍakammaṃ yojetvā yāguṃ vā bhattaṃ vā vā-saddena pattaṃ vā cīvaraṃ vā dassetvā ‘‘daṇḍakamme āhaṭe tvaṃ idaṃ lacchasi’’ iti bhāsituṃ vaṭṭatīti yojanā. Kirāti padapūraṇatthe nipāto.

    2517. д̇хаммасан̇г̇аахагад̇т̇зрзхи табид̇ад̣̇ан̣д̣агаммам̣ д̣̇ассзд̇умааха ‘‘абараад̇хаануруубзнаа’’д̇иаад̣̇и. д̇ам̣ абараад̇хаануруубад̣̇ан̣д̣агаммам̣ наама ваалигаасалилаад̣̇ийнам̣ аахараабанамзваад̇и яож̇зд̇аб̣б̣ам̣. аад̣̇и-сад̣̇д̣̇зна д̣̇ааруаад̣̇ийнам̣ аахараабанам̣ г̇ан̣хаад̇и. д̇ан̃жа ко ‘‘орамиссад̇ий’’д̇и анугамбааяа, на ‘‘нассиссад̇и виб̣бхамиссад̇ий’’д̇иаад̣̇инаяаббавад̇д̇зна баабаж̇жхаасаязна.

    2517. Dhammasaṅgāhakattherehi ṭhapitadaṇḍakammaṃ dassetumāha ‘‘aparādhānurūpenā’’tiādi. Taṃ aparādhānurūpadaṇḍakammaṃ nāma vālikāsalilādīnaṃ āharāpanamevāti yojetabbaṃ. Ādi-saddena dāruādīnaṃ āharāpanaṃ gaṇhāti. Tañca kho ‘‘oramissatī’’ti anukampāya, na ‘‘nassissati vibbhamissatī’’tiādinayappavattena pāpajjhāsayena.

    2518-9. агад̇д̇аб̣б̣ам̣ д̣̇ан̣д̣агаммам̣ д̣̇ассзд̇умааха ‘‘сийсз ваа’’д̇иаад̣̇и. сийсз ваад̇и зд̇т̇а ‘‘сааман̣зрассаа’’д̇и ад̇хигаарад̇о лаб̣бхад̇и. баасаан̣аад̣̇ийнийд̇и зд̇т̇а аад̣̇и-сад̣̇д̣̇зна идтагаад̣̇ийнам̣ г̇ахан̣ам̣. сааман̣зрам̣ ун̣хз баасаан̣з нибаж̇ж̇аабзд̇ум̣ ваа ун̣хааяа бхуумияаа нибаж̇ж̇аабзд̇ум̣ ваа уд̣̇агам̣ бавзсзд̇ум̣ ваа бхигкуно на ваддад̇ийд̇и яож̇анаа.

    2518-9. Akattabbaṃ daṇḍakammaṃ dassetumāha ‘‘sīse vā’’tiādi. Sīse vāti ettha ‘‘sāmaṇerassā’’ti adhikārato labbhati. Pāsāṇādīnīti ettha ādi-saddena iṭṭhakādīnaṃ gahaṇaṃ. Sāmaṇeraṃ uṇhe pāsāṇe nipajjāpetuṃ vā uṇhāya bhūmiyā nipajjāpetuṃ vā udakaṃ pavesetuṃ vā bhikkhuno na vaṭṭatīti yojanā.

    бхаг̇авад̇аа анун̃н̃аад̇ад̣̇ан̣д̣агаммам̣ д̣̇ассзд̇умааха ‘‘ид̇хаа’’д̇иаад̣̇и. ид̇хаад̇и имасмим̣ д̣̇ан̣д̣агаммаад̇хигаарз. ааваран̣амад̇д̇анд̇и ‘‘маа ид̇ха баависий’’д̇и нивааран̣амад̇д̇ам̣. багаасид̇анд̇и ‘‘ануж̇аанаами, бхигкавз, яад̇т̇а ваа васад̇и, яад̇т̇а ваа бадиггамад̇и, д̇ад̇т̇а ааваран̣ам̣ гаад̇у’’нд̇и (махаава. 107) бхаасид̇ам̣.

    Bhagavatā anuññātadaṇḍakammaṃ dassetumāha ‘‘idhā’’tiādi. Idhāti imasmiṃ daṇḍakammādhikāre. Āvaraṇamattanti ‘‘mā idha pāvisī’’ti nivāraṇamattaṃ. Pakāsitanti ‘‘anujānāmi, bhikkhave, yattha vā vasati, yattha vā paṭikkamati, tattha āvaraṇaṃ kātu’’nti (mahāva. 107) bhāsitaṃ.

    ‘‘яад̇т̇а ваа васад̇и, яад̇т̇а ваа бадиггамад̇ийд̇и яад̇т̇а васад̇и ваа бависад̇и ваа, убхаязнааби ад̇д̇ано баривзн̣ан̃жа вассаг̇г̇зна бад̇д̇асзнаасанан̃жа вуд̇д̇а’’нд̇и (махаава. адта. 107) адтагат̇ааяа вуд̇д̇ад̇д̇аа яаава яож̇ид̇ам̣ д̣̇ан̣д̣агаммам̣ гаронд̇и, д̇аава ад̇д̇ано буг̇г̇алигабаривзн̣ам̣ ваа вассаг̇г̇зна бад̇д̇асзнаасанам̣ ваа бависид̇ум̣ ад̣̇ад̇ваа нивааран̣ам̣ ааваран̣ам̣ наама. адтагат̇ааяам̣ ‘‘ад̇д̇ано’’д̇и важанам̣ яз ааваран̣ам̣ гаронд̇и, д̇з аажарияубаж̇жхааяз санд̇хааяа вуд̇д̇анд̇и вин̃н̃ааяад̇и. гзжи банзд̇т̇а ‘‘ад̇д̇ано’’д̇и ид̣̇ам̣ яасса ааваран̣ам̣ гаронд̇и, д̇ам̣ санд̇хааяа вуд̇д̇анд̇и г̇ахзд̇ваа д̇ад̇т̇а винижчаяам̣ вад̣̇анд̇и. гзжи убхаяат̇ааби ад̇т̇ам̣ г̇ахзд̇ваа убхаяад̇т̇ааби ааваран̣ам̣ гаад̇аб̣б̣анд̇и вад̣̇анд̇и. виймам̣сид̇ваа яамзд̇т̇а яуд̇д̇ад̇арам̣, д̇ам̣ г̇ахзд̇аб̣б̣ам̣.

    ‘‘Yattha vā vasati, yattha vā paṭikkamatīti yattha vasati vā pavisati vā, ubhayenāpi attano pariveṇañca vassaggena pattasenāsanañca vutta’’nti (mahāva. aṭṭha. 107) aṭṭhakathāya vuttattā yāva yojitaṃ daṇḍakammaṃ karonti, tāva attano puggalikapariveṇaṃ vā vassaggena pattasenāsanaṃ vā pavisituṃ adatvā nivāraṇaṃ āvaraṇaṃ nāma. Aṭṭhakathāyaṃ ‘‘attano’’ti vacanaṃ ye āvaraṇaṃ karonti, te ācariyupajjhāye sandhāya vuttanti viññāyati. Keci panettha ‘‘attano’’ti idaṃ yassa āvaraṇaṃ karonti, taṃ sandhāya vuttanti gahetvā tattha vinicchayaṃ vadanti. Keci ubhayathāpi atthaṃ gahetvā ubhayatthāpi āvaraṇaṃ kātabbanti vadanti. Vīmaṃsitvā yamettha yuttataraṃ, taṃ gahetabbaṃ.

    нивааран̣агат̇ааван̣н̣анаа.

    Nivāraṇakathāvaṇṇanā.

    2520. багко жа обаггамиго жа аасид̇д̇о жаад̇и виг̇г̇ахо. зд̇т̇а жа ‘‘анубосат̇з убосат̇ам̣ гарод̇ий’’д̇иаад̣̇ийсу яат̇аа убосат̇ад̣̇инз гад̇д̇аб̣б̣агаммам̣ ‘‘убосат̇о’’д̇и вужжад̇и, д̇ат̇аа маасасса багкз бан̣д̣агабхаавамаабаж̇ж̇анд̇о ‘‘багко’’д̇и вуд̇д̇о. ат̇а ваа багкабан̣д̣аго багко уд̇д̇арабад̣̇алобзна яат̇аа ‘‘бхиймасзно бхиймо’’д̇и. ид̣̇ан̃жа баабаанубхаавзна ган̣хабагкзязва бан̣д̣агабхаавамаабаж̇ж̇анд̇асса ад̇хиважанам̣. яат̇ааха ‘‘агусалавибаагаанубхаавзна гаал̣абагкз гаал̣абагкз бан̣д̣аго ход̇и, ж̇ун̣хабагкз банасса барил̣аахо вуубасаммад̇и, аяам̣ багкабан̣д̣аго’’д̇и (махаава. адта. 109).

    2520. Pakkho ca opakkamiko ca āsitto cāti viggaho. Ettha ca ‘‘anuposathe uposathaṃ karotī’’tiādīsu yathā uposathadine kattabbakammaṃ ‘‘uposatho’’ti vuccati, tathā māsassa pakkhe paṇḍakabhāvamāpajjanto ‘‘pakkho’’ti vutto. Atha vā pakkhapaṇḍako pakkho uttarapadalopena yathā ‘‘bhīmaseno bhīmo’’ti. Idañca pāpānubhāvena kaṇhapakkheyeva paṇḍakabhāvamāpajjantassa adhivacanaṃ. Yathāha ‘‘akusalavipākānubhāvena kāḷapakkhe kāḷapakkhe paṇḍako hoti, juṇhapakkhe panassa pariḷāho vūpasammati, ayaṃ pakkhapaṇḍako’’ti (mahāva. aṭṭha. 109).

    яасса убаггамзна б̣ийж̇аани абанийд̇аани, аяам̣ обаггамигабан̣д̣аго. яасса барзсам̣ ан̇г̇аж̇аад̇ам̣ мукзна г̇ахзд̇ваа асужинаа аасид̇д̇асса барил̣аахо вуубасаммад̇и, аяам̣ аасид̇д̇абан̣д̣аго. усууяагод̇и яасса барзсам̣ аж̇жхаажаарам̣ бассад̇о усууяааяа уббаннааяа барил̣аахо вуубасаммад̇и, аяам̣ усууяабан̣д̣аго. яо бадисанд̇хияам̣язва абхааваго уббанно, аяам̣ набум̣сагабан̣д̣аго.

    Yassa upakkamena bījāni apanītāni, ayaṃ opakkamikapaṇḍako. Yassa paresaṃ aṅgajātaṃ mukhena gahetvā asucinā āsittassa pariḷāho vūpasammati, ayaṃ āsittapaṇḍako. Usūyakoti yassa paresaṃ ajjhācāraṃ passato usūyāya uppannāya pariḷāho vūpasammati, ayaṃ usūyapaṇḍako. Yo paṭisandhiyaṃyeva abhāvako uppanno, ayaṃ napuṃsakapaṇḍako.

    2521. д̇зсууд̇и д̇зсу бан̃жасу бан̣д̣агзсу. ‘‘багкабан̣д̣агасса яасмим̣багкз бан̣д̣аго ход̇и, д̇асмим̣язвасса багкз баб̣б̣аж̇ж̇аа ваарид̇аа’’д̇и (махаава. адта. 109) гурунд̣̇ияам̣ вуд̇д̇ад̇д̇аа ‘‘д̇ин̣н̣ам̣ ниваарид̇аа’’д̇и ид̣̇ам̣ д̇асса бан̣д̣агасса бан̣д̣агабагкам̣ санд̇хааяа вуд̇д̇анд̇и г̇ахзд̇аб̣б̣ам̣.

    2521.Tesūti tesu pañcasu paṇḍakesu. ‘‘Pakkhapaṇḍakassa yasmiṃpakkhe paṇḍako hoti, tasmiṃyevassa pakkhe pabbajjā vāritā’’ti (mahāva. aṭṭha. 109) kurundiyaṃ vuttattā ‘‘tiṇṇaṃ nivāritā’’ti idaṃ tassa paṇḍakassa paṇḍakapakkhaṃ sandhāya vuttanti gahetabbaṃ.

    2522. ‘‘наасзд̇аб̣б̣о’’д̇и ид̣̇ам̣ лин̇г̇анаасанам̣ санд̇хааяа вуд̇д̇ам̣. яат̇ааха ‘‘соби лин̇г̇анаасанзнзва наасзд̇аб̣б̣о’’д̇и (махаава. адта. 109). зса наяо убариби ийд̣̇исзсу таанзсу.

    2522.‘‘Nāsetabbo’’ti idaṃ liṅganāsanaṃ sandhāya vuttaṃ. Yathāha ‘‘sopi liṅganāsaneneva nāsetabbo’’ti (mahāva. aṭṭha. 109). Esa nayo uparipi īdisesu ṭhānesu.

    бан̣д̣агагат̇ааван̣н̣анаа.

    Paṇḍakakathāvaṇṇanā.

    2523. т̇знзд̇ийд̇и т̇зно, лин̇г̇асса баб̣б̣аж̇ид̇авзсасса т̇зно лин̇г̇ат̇зно. сам̣ваасасса бхигкувассаг̇ан̣анаад̣̇игасса т̇зно сам̣ваасат̇зно. д̇ад̣̇убхаяасса жаад̇и д̇асса лин̇г̇асса, сам̣ваасасса жа убхаяасса т̇знод̇и самб̣анд̇хо. зса д̇ивид̇хоби т̇зяяасам̣ваасаго наама бавужжад̇ийд̇и яож̇анаа.

    2523. Thenetīti theno, liṅgassa pabbajitavesassa theno liṅgatheno. Saṃvāsassa bhikkhuvassagaṇanādikassa theno saṃvāsatheno. Tadubhayassa cāti tassa liṅgassa, saṃvāsassa ca ubhayassa thenoti sambandho. Esa tividhopi theyyasaṃvāsako nāma pavuccatīti yojanā.

    2524-6. д̇ад̇т̇а д̇зсу д̇ийсу т̇зяяасам̣ваасагзсу яо саяамзва баб̣б̣аж̇ид̇ваа бхигкувассаани на г̇ан̣хад̇и, яат̇аавуд̣дхам̣ ванд̣̇анамби нзва г̇ан̣хад̇и, аби-сад̣̇д̣̇зна аасанзна нзва бадиб̣аахад̇и убосат̇абавааран̣аад̣̇ийсу нзва санд̣̇иссад̇ийд̇и сан̇г̇ан̣ханад̇о д̇ад̣̇убхаяамби на гарод̇и, аяам̣ лин̇г̇амад̇д̇асса баб̣б̣аж̇ид̇авзсамад̇д̇асса т̇знад̇о жоригааяа г̇ахан̣ад̇о лин̇г̇ад̇т̇зно сияаад̇и яож̇анаа.

    2524-6.Tattha tesu tīsu theyyasaṃvāsakesu yo sayameva pabbajitvā bhikkhuvassāni na gaṇhati, yathāvuḍḍhaṃ vandanampi neva gaṇhati, api-saddena āsanena neva paṭibāhati uposathapavāraṇādīsu neva sandissatīti saṅgaṇhanato tadubhayampi na karoti, ayaṃ liṅgamattassa pabbajitavesamattassa thenato corikāya gahaṇato liṅgattheno siyāti yojanā.

    яо жа баб̣б̣аж̇ид̇о худ̇ваа бхигкувассаани г̇ан̣хад̇и, со яат̇аавуд̣дхаванд̣̇анаад̣̇игам̣ сам̣ваасам̣ саад̣̇ияанд̇ова сам̣ваасад̇т̇знаго мад̇од̇и яож̇анаа. яат̇ааха – ‘‘бхигкувассаг̇ан̣анаад̣̇иго хи саб̣б̣оби гирияабхзд̣̇о имасмим̣ ад̇т̇з ‘сам̣ваасо’д̇и взд̣̇ид̇аб̣б̣о’’д̇и (махаава. адта. 110).

    Yo ca pabbajito hutvā bhikkhuvassāni gaṇhati, so yathāvuḍḍhavandanādikaṃ saṃvāsaṃ sādiyantova saṃvāsatthenako matoti yojanā. Yathāha – ‘‘bhikkhuvassagaṇanādiko hi sabbopi kiriyabhedo imasmiṃ atthe ‘saṃvāso’ti veditabbo’’ti (mahāva. aṭṭha. 110).

    вуд̇д̇анаяоязваад̇и убхиннам̣ бажжзгам̣ вуд̇д̇алагкан̣амзва зд̇асса лагкан̣анд̇и гад̇ваа вуд̇д̇ам̣. аяам̣ д̇ивид̇хоби т̇зяяасам̣ваасаго анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о, буна баб̣б̣аж̇ж̇ам̣ яаажанд̇оби на баб̣б̣ааж̇зд̇аб̣б̣о. б̣яад̇ирзгамукзна т̇зяяасам̣ваасалагкан̣ам̣ нияамзд̇ум̣ адтагат̇ааяа (махаава. адта. 110) вуд̇д̇аг̇аат̇аад̣̇ваяам̣ уд̣̇аахаранд̇о ааха ‘‘яат̇ааха жаа’’д̇и. яат̇аа адтагат̇аажарияо рааж̇ад̣̇уб̣бхигкаад̣̇иг̇аат̇аад̣̇ваяамааха, д̇ат̇ааяамад̇т̇о б̣яад̇ирзгад̇о взд̣̇ид̇аб̣б̣од̇и ад̇хиббааяо.

    Vuttanayoyevāti ubhinnaṃ paccekaṃ vuttalakkhaṇameva etassa lakkhaṇanti katvā vuttaṃ. Ayaṃ tividhopi theyyasaṃvāsako anupasampanno na upasampādetabbo, upasampanno nāsetabbo, puna pabbajjaṃ yācantopi na pabbājetabbo. Byatirekamukhena theyyasaṃvāsalakkhaṇaṃ niyametuṃ aṭṭhakathāya (mahāva. aṭṭha. 110) vuttagāthādvayaṃ udāharanto āha ‘‘yathāha cā’’ti. Yathā aṭṭhakathācariyo rājadubbhikkhādigāthādvayamāha, tathāyamattho byatirekato veditabboti adhippāyo.

    2527-8. рааж̇ад̣̇уб̣бхигкаганд̇аара-рог̇авзрибхаязхи ваад̇и зд̇т̇а бхаяа-сад̣̇д̣̇о бажжзгам̣ яож̇зд̇аб̣б̣о ‘‘рааж̇абхаязна д̣̇уб̣бхигкабхаязнаа’’д̇иаад̣̇инаа. жийвараахаран̣ад̇т̇ам̣ ваад̇и ад̇д̇анаа барижжад̇д̇ажийварам̣ буна вихаарам̣ аахаран̣ад̇т̇ааяа. ид̇ха имасмим̣ саасанз. сам̣ваасам̣ наад̇хиваасзд̇и, яаава со суд̣̇д̇хамаанасод̇и рааж̇абхаяаад̣̇ийхи г̇ахид̇алин̇г̇ад̇ааяа со суд̣̇д̇хамаанасо яаава сам̣ваасам̣ наад̇хиваасзд̇ийд̇и ад̇т̇о.

    2527-8.Rājadubbhikkhakantāra-rogaveribhayehi vāti ettha bhaya-saddo paccekaṃ yojetabbo ‘‘rājabhayena dubbhikkhabhayenā’’tiādinā. Cīvarāharaṇatthaṃ vāti attanā pariccattacīvaraṃ puna vihāraṃ āharaṇatthāya. Idha imasmiṃ sāsane. Saṃvāsaṃ nādhivāseti, yāva so suddhamānasoti rājabhayādīhi gahitaliṅgatāya so suddhamānaso yāva saṃvāsaṃ nādhivāsetīti attho.

    яо хи рааж̇абхаяаад̣̇ийхи винаа гзвалам̣ бхигкуу ван̃жзд̇ваа д̇зхи сад̣̇д̇хим̣ васид̇угаамад̇ааяа лин̇г̇ам̣ г̇ан̣хаад̇и, со асуд̣̇д̇хажид̇д̇ад̇ааяа лин̇г̇аг̇г̇ахан̣знзва т̇зяяасам̣ваасаго наама ход̇и. аяам̣ бана д̇аад̣̇исзна асуд̣̇д̇хажид̇д̇зна бхигкуу ван̃жзд̇угаамад̇ааяа абхаавад̇о яаава сам̣ваасам̣ наад̇хиваасзд̇и, д̇аава т̇зяяасам̣ваасаго наама на ход̇и. д̇знзва ‘‘рааж̇абхаяаад̣̇ийхи г̇ахид̇алин̇г̇аанам̣ ‘г̇ихий мам̣ саман̣од̇и ж̇аананд̇уу’д̇и ван̃жанаажид̇д̇з сад̇иби бхигкуунам̣ ван̃жзд̇угаамад̇ааяа абхааваа д̣̇осо на ж̇аад̇о’’д̇и д̇ийсуби г̇ан̣тибад̣̇зсу вуд̇д̇ам̣.

    Yo hi rājabhayādīhi vinā kevalaṃ bhikkhū vañcetvā tehi saddhiṃ vasitukāmatāya liṅgaṃ gaṇhāti, so asuddhacittatāya liṅgaggahaṇeneva theyyasaṃvāsako nāma hoti. Ayaṃ pana tādisena asuddhacittena bhikkhū vañcetukāmatāya abhāvato yāva saṃvāsaṃ nādhivāseti, tāva theyyasaṃvāsako nāma na hoti. Teneva ‘‘rājabhayādīhi gahitaliṅgānaṃ ‘gihī maṃ samaṇoti jānantū’ti vañcanācitte satipi bhikkhūnaṃ vañcetukāmatāya abhāvā doso na jāto’’ti tīsupi gaṇṭhipadesu vuttaṃ.

    гзжи бана ‘‘вуубасанд̇абхаяад̇аа ид̇ха суд̣̇д̇хажид̇д̇ад̇аа’’д̇и вад̣̇анд̇и, зван̃жа сад̇и со вуубасанд̇абхаяо яаава сам̣ваасам̣ наад̇хиваасзд̇и, д̇аава т̇зяяасам̣ваасаго наама на ход̇ийд̇и аяамад̇т̇о вин̃н̃ааяад̇и. имасмин̃жа ад̇т̇з вин̃н̃ааяамаанз авуубасанд̇абхаяасса сам̣ваасасаад̣̇ияанзби т̇зяяасам̣ваасагад̇аа на ход̇ийд̇и аабаж̇ж̇зяяа, на жа адтагат̇ааяам̣ авуубасанд̇абхаяасса сам̣ваасасаад̣̇ияанз ат̇зяяасам̣ваасагад̇аа д̣̇ассид̇аа. ‘‘саб̣б̣абаасан̣д̣ияабхад̇д̇аани бхун̃ж̇анд̇о’’д̇и жа иминаа авуубасанд̇абхаязнааби сам̣ваасам̣ асаад̣̇ияанд̇знзва васид̇аб̣б̣анд̇и д̣̇ийбзд̇и. д̇знзва д̇ийсуби г̇ан̣тибад̣̇зсу вуд̇д̇ам̣ ‘‘яасмаа вихаарам̣ ааг̇анд̇ваа сан̇гхигам̣ г̇ан̣ханд̇асса сам̣ваасам̣ барихарид̇ум̣ д̣̇уггарам̣, д̇асмаа ‘саб̣б̣абаасан̣д̣ияабхад̇д̇аани бхун̃ж̇анд̇о’д̇и ид̣̇ам̣ вуд̇д̇а’’нд̇и. д̇асмаа рааж̇абхаяаад̣̇ийхи г̇ахид̇алин̇г̇ад̇аа жзд̇т̇а суд̣̇д̇хажид̇д̇ад̇аад̇и г̇ахзд̇аб̣б̣ам̣.

    Keci pana ‘‘vūpasantabhayatā idha suddhacittatā’’ti vadanti, evañca sati so vūpasantabhayo yāva saṃvāsaṃ nādhivāseti, tāva theyyasaṃvāsako nāma na hotīti ayamattho viññāyati. Imasmiñca atthe viññāyamāne avūpasantabhayassa saṃvāsasādiyanepi theyyasaṃvāsakatā na hotīti āpajjeyya, na ca aṭṭhakathāyaṃ avūpasantabhayassa saṃvāsasādiyane atheyyasaṃvāsakatā dassitā. ‘‘Sabbapāsaṇḍiyabhattāni bhuñjanto’’ti ca iminā avūpasantabhayenāpi saṃvāsaṃ asādiyanteneva vasitabbanti dīpeti. Teneva tīsupi gaṇṭhipadesu vuttaṃ ‘‘yasmā vihāraṃ āgantvā saṅghikaṃ gaṇhantassa saṃvāsaṃ pariharituṃ dukkaraṃ, tasmā ‘sabbapāsaṇḍiyabhattāni bhuñjanto’ti idaṃ vutta’’nti. Tasmā rājabhayādīhi gahitaliṅgatā cettha suddhacittatāti gahetabbaṃ.

    д̇аава зса т̇зяяасам̣ваасаго наама на вужжад̇ийд̇и яож̇анаа. аяамзд̇т̇а сан̇кзбо, вид̇т̇ааро бана ‘‘д̇ад̇рааяам̣ вид̇т̇ааранаяо’’д̇и адтагат̇ааяам̣ (махаава. адта. 110) ааг̇ад̇анаязна взд̣̇ид̇аб̣б̣о.

    Tāva esa theyyasaṃvāsako nāma na vuccatīti yojanā. Ayamettha saṅkhepo, vitthāro pana ‘‘tatrāyaṃ vitthāranayo’’ti aṭṭhakathāyaṃ (mahāva. aṭṭha. 110) āgatanayena veditabbo.

    т̇зяяасам̣ваасагагат̇ааван̣н̣анаа.

    Theyyasaṃvāsakakathāvaṇṇanā.

    2529-30. яо убасамбанно бхигку ‘‘ахам̣ д̇ид̇т̇ияо бхависса’’нд̇и салин̇г̇знзва ад̇д̇ано бхигкувзсзнзва д̇ид̇т̇ияаанам̣ убассаяам̣ яаад̇и жзд̇и самб̣анд̇хо. д̇ид̇т̇иязсу багганд̇аго бавидто д̇ид̇т̇ияабагганд̇аго. д̇зсам̣ лин̇г̇з ниссид̇зд̇и д̇зсам̣ д̇ид̇т̇ияаанам̣ взсз г̇ахид̇з.

    2529-30. Yo upasampanno bhikkhu ‘‘ahaṃ titthiyo bhavissa’’nti saliṅgeneva attano bhikkhuveseneva titthiyānaṃ upassayaṃ yāti ceti sambandho. Titthiyesu pakkantako paviṭṭho titthiyapakkantako. Tesaṃ liṅge nissiteti tesaṃ titthiyānaṃ vese gahite.

    2531. ‘‘ахам̣ д̇ид̇т̇ияо бхависса’’нд̇и гусажийраад̣̇игам̣ яо саяамзва ниваасзд̇и, соби багганд̇аго д̇ид̇т̇ияабагганд̇аго сияаад̇и яож̇анаа.

    2531. ‘‘Ahaṃ titthiyo bhavissa’’nti kusacīrādikaṃ yo sayameva nivāseti, sopi pakkantako titthiyapakkantako siyāti yojanā.

    2532-4. наг̇г̇о д̇зсам̣ ааж̇ийвагаад̣̇ийнам̣ убассаяам̣ г̇анд̇ваад̇и яож̇анаа. гзсз лун̃жаабзд̇ийд̇и ад̇д̇ано гзсз лун̃жаабзд̇и. д̇зсам̣ вад̇аани аад̣̇ияад̇и ваад̇и яож̇анаа. вад̇аани аад̣̇ияад̇ийд̇и уггудигаббад̇хаанаад̣̇ийни ваа вад̇аани аад̣̇ияад̇и. д̇зсам̣ д̇ид̇т̇ияаанам̣ морабин̃чаад̣̇игам̣ лин̇г̇ам̣ сан̃н̃аан̣ам̣ сажз г̇ан̣хаад̇и ваа д̇зсам̣ баб̣б̣аж̇ж̇ам̣, лад̣̇д̇химзва ваа саарад̇о ваа зд̇и убаг̇ажчад̇и ваад̇и яож̇анаа. ‘‘аяам̣ баб̣б̣аж̇ж̇аа сздтаад̇и сздтабхаавам̣ ваа убаг̇ажчад̇ий’’д̇и (махаава. адта. 110 д̇ид̇т̇ияабагганд̇агагат̇аа) адтагат̇ааяам̣ вуд̇д̇ам̣. зса д̇ид̇т̇ияабагганд̇аго ход̇и зва, на бана вимужжад̇и д̇ид̇т̇ияабагганд̇абхаавад̇о. наг̇г̇асса г̇ажчад̇од̇и ‘‘ааж̇ийваго бхависса’’нд̇и гаасааяаад̣̇ийни анаад̣̇ааяа наг̇г̇асса ааж̇ийвагаанам̣ убасам̣г̇ажчад̇о.

    2532-4. Naggo tesaṃ ājīvakādīnaṃ upassayaṃ gantvāti yojanā. Kese luñcāpetīti attano kese luñcāpeti. Tesaṃ vatāni ādiyati vāti yojanā. Vatāni ādiyatīti ukkuṭikappadhānādīni vā vatāni ādiyati. Tesaṃ titthiyānaṃ morapiñchādikaṃ liṅgaṃ saññāṇaṃ sace gaṇhāti vā tesaṃ pabbajjaṃ, laddhimeva vā sārato vā eti upagacchati vāti yojanā. ‘‘Ayaṃ pabbajjā seṭṭhāti seṭṭhabhāvaṃ vā upagacchatī’’ti (mahāva. aṭṭha. 110 titthiyapakkantakakathā) aṭṭhakathāyaṃ vuttaṃ. Esa titthiyapakkantako hoti eva, na pana vimuccati titthiyapakkantabhāvato. Naggassa gacchatoti ‘‘ājīvako bhavissa’’nti kāsāyādīni anādāya naggassa ājīvakānaṃ upasaṃgacchato.

    2535. т̇зяяасам̣ваасаго анубасамбаннавасзна вуд̇д̇о, но убасамбаннавасзна. иминаа ‘‘убасамбанно бхигку гуудавассам̣ г̇ан̣ханд̇оби ассаман̣о на ход̇и. лин̇г̇з сауссаахо баарааж̇игам̣ аабаж̇ж̇ид̇ваа бхигкувассаад̣̇ийни г̇ан̣знд̇оби т̇зяяасам̣ваасаго на ход̇ий’’д̇и адтагат̇ааг̇ад̇авинижчаяам̣ д̣̇ийбзд̇и. д̇ат̇аа вуд̇д̇од̇и яож̇анаа. ‘‘убасамбаннабхигкунаа’’д̇и иминаа анубасамбаннам̣ нивад̇д̇зд̇и. д̇зна жа ‘‘сааман̣зро салин̇г̇зна д̇ид̇т̇ааяад̇анам̣ г̇ад̇оби буна баб̣б̣аж̇ж̇ан̃жа убасамбад̣̇ан̃жа лабхад̇ий’’д̇и гурунд̣̇адтагат̇ааг̇ад̇авинижчаяам̣ д̣̇ассзд̇и.

    2535.Theyyasaṃvāsakoanupasampannavasena vutto, no upasampannavasena. Iminā ‘‘upasampanno bhikkhu kūṭavassaṃ gaṇhantopi assamaṇo na hoti. Liṅge saussāho pārājikaṃ āpajjitvā bhikkhuvassādīni gaṇentopi theyyasaṃvāsako na hotī’’ti aṭṭhakathāgatavinicchayaṃ dīpeti. Tathā vuttoti yojanā. ‘‘Upasampannabhikkhunā’’ti iminā anupasampannaṃ nivatteti. Tena ca ‘‘sāmaṇero saliṅgena titthāyatanaṃ gatopi puna pabbajjañca upasampadañca labhatī’’ti kurundaṭṭhakathāgatavinicchayaṃ dasseti.

    д̇ид̇т̇ияабагганд̇агасса гим̣ гаад̇аб̣б̣анд̇и? на баб̣б̣ааж̇зд̇аб̣б̣о, баб̣б̣ааж̇ид̇оби на убасамбаад̣̇зд̇аб̣б̣о, убасамбаад̣̇ид̇о жа гаасааяаани абанзд̇ваа сзд̇агаани д̣̇ад̇ваа г̇ихибхаавам̣ убанзд̇аб̣б̣о. аяамад̇т̇о жа ‘‘д̇ид̇т̇ияабагганд̇аго бхигкавз анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇и (махаава. 110) баал̣ид̇о жа ‘‘со на гзвалам̣ на убасамбаад̣̇зд̇аб̣б̣о, ат̇а ко на баб̣б̣ааж̇зд̇аб̣б̣обий’’д̇и (махаава. адта. 110 д̇ид̇т̇ияабагганд̇агагат̇аа) адтагат̇ааважанад̇о жа взд̣̇ид̇аб̣б̣о.

    Titthiyapakkantakassa kiṃ kātabbanti? Na pabbājetabbo, pabbājitopi na upasampādetabbo, upasampādito ca kāsāyāni apanetvā setakāni datvā gihibhāvaṃ upanetabbo. Ayamattho ca ‘‘titthiyapakkantako bhikkhave anupasampanno na upasampādetabbo, upasampanno nāsetabbo’’ti (mahāva. 110) pāḷito ca ‘‘so na kevalaṃ na upasampādetabbo, atha kho na pabbājetabbopī’’ti (mahāva. aṭṭha. 110 titthiyapakkantakakathā) aṭṭhakathāvacanato ca veditabbo.

    д̇ид̇т̇ияабагганд̇агагат̇ааван̣н̣анаа.

    Titthiyapakkantakakathāvaṇṇanā.

    2536. ид̇хаад̇и имасмим̣ баб̣б̣аж̇ж̇уубасамбад̣̇аад̇хигаарз. мануссаж̇аад̇игад̇о ан̃н̃асса д̇иражчаанаг̇ад̇зязва анд̇ог̇ад̇хад̇д̇ам̣ д̣̇ассзд̇умааха ‘‘яагко саггоби ваа’’д̇и. д̇иражчаанаг̇ад̇о вуд̇д̇од̇и зд̇т̇а ид̇и-сад̣̇д̣̇о луд̇д̇анид̣̇д̣̇идто. ‘‘д̇иражчаанаг̇ад̇о, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇и (махаава. 111) важанад̇о баб̣б̣аж̇ж̇ааби убалагкан̣ад̇о ниваарид̇ааязваад̇и гад̇ваа вуд̇д̇ам̣ ‘‘баб̣б̣ааж̇зд̇ум̣ на ваддад̇ий’’д̇и. д̇зна д̇иражчаанаг̇ад̇о жа бхаг̇авад̇о ад̇хиббааяан̃н̃уухи адтагат̇аажариязхи на баб̣б̣ааж̇зд̇аб̣б̣од̇и (махаава. адта. 111) вуд̇д̇ам̣.

    2536.Idhāti imasmiṃ pabbajjūpasampadādhikāre. Manussajātikato aññassa tiracchānagateyeva antogadhattaṃ dassetumāha ‘‘yakkho sakkopi vā’’ti. Tiracchānagato vuttoti ettha iti-saddo luttaniddiṭṭho. ‘‘Tiracchānagato, bhikkhave, anupasampanno na upasampādetabbo, upasampanno nāsetabbo’’ti (mahāva. 111) vacanato pabbajjāpi upalakkhaṇato nivāritāyevāti katvā vuttaṃ ‘‘pabbājetuṃ na vaṭṭatī’’ti. Tena tiracchānagato ca bhagavato adhippāyaññūhi aṭṭhakathācariyehi na pabbājetabboti (mahāva. aṭṭha. 111) vuttaṃ.

    д̇иражчаанагат̇ааван̣н̣анаа.

    Tiracchānakathāvaṇṇanā.

    2537. бан̃жаананд̇аригз босзд̇и маад̇угхаад̇аго, бид̇угхаад̇аго, араханд̇агхаад̇аго, лохид̇уббаад̣̇аго, сан̇гхабхзд̣̇агод̇и аананд̇арияагаммзхи саманнааг̇ад̇з бан̃жа буг̇г̇алз.

    2537.Pañcānantarike poseti mātughātako, pitughātako, arahantaghātako, lohituppādako, saṅghabhedakoti ānantariyakammehi samannāgate pañca puggale.

    д̇ад̇т̇а маад̇угхаад̇аго (махаава. адта. 112) наама язна мануссид̇т̇ибхууд̇аа ж̇анигаа маад̇аа саяамби мануссаж̇аад̇игзнзва сад̇аа сан̃жижжа ж̇ийвид̇аа воробид̇аа, аяам̣ аананд̇ариязна маад̇угхаад̇агагаммзна маад̇угхаад̇аго, зд̇асса баб̣б̣аж̇ж̇аа жа убасамбад̣̇аа жа бадигкид̇д̇аа. язна бана мануссид̇т̇ибхууд̇ааби аж̇анигаа босааванигамаад̇аа ваа жуул̣амаад̇аа ваа махаамаад̇аа ваа ж̇анигааби ваа намануссид̇т̇ибхууд̇аа маад̇аагхаад̇ид̇аа, д̇асса баб̣б̣аж̇ж̇аа на ваарид̇аа, на жа аананд̇арияо ход̇и. язна саяам̣ д̇иражчаанабхууд̇зна мануссид̇т̇ибхууд̇аа маад̇аа гхаад̇ид̇аа, соби аананд̇арияо на ход̇и, д̇иражчаанаг̇ад̇ад̇д̇аа банасса баб̣б̣аж̇ж̇аа бадигкид̇д̇аава. бид̇угхаад̇агзби зсзва наяо. сажзби хи взсияаа буд̇д̇о ход̇и, ‘‘аяам̣ мз бид̇аа’’д̇и на ж̇аанаад̇и, яасса самбхавзна ниб̣б̣ад̇д̇о, со жз анзна гхаад̇ид̇о, ‘‘бид̇угхаад̇аго’’д̇взва сан̇кяам̣ г̇ажчад̇и, аананд̇арияан̃жа пусад̇и.

    Tattha mātughātako (mahāva. aṭṭha. 112) nāma yena manussitthibhūtā janikā mātā sayampi manussajātikeneva satā sañcicca jīvitā voropitā, ayaṃ ānantariyena mātughātakakammena mātughātako, etassa pabbajjā ca upasampadā ca paṭikkhittā. Yena pana manussitthibhūtāpi ajanikā posāvanikamātā vā cūḷamātā vā mahāmātā vā janikāpi vā namanussitthibhūtā mātāghātitā, tassa pabbajjā na vāritā, na ca ānantariyo hoti. Yena sayaṃ tiracchānabhūtena manussitthibhūtā mātā ghātitā, sopi ānantariyo na hoti, tiracchānagatattā panassa pabbajjā paṭikkhittāva. Pitughātakepi eseva nayo. Sacepi hi vesiyā putto hoti, ‘‘ayaṃ me pitā’’ti na jānāti, yassa sambhavena nibbatto, so ce anena ghātito, ‘‘pitughātako’’tveva saṅkhyaṃ gacchati, ānantariyañca phusati.

    араханд̇агхаад̇агоби мануссаараханд̇авасзнзва взд̣̇ид̇аб̣б̣о. мануссаж̇аад̇ияан̃хи анд̇амасо абаб̣б̣аж̇ид̇амби кийн̣аасавам̣ д̣̇аарагам̣ ваа д̣̇ааригам̣ ваа сан̃жижжа ж̇ийвид̇аа воробзнд̇о араханд̇агхаад̇агова ход̇и, аананд̇арияан̃жа пусад̇и, баб̣б̣аж̇ж̇аа жасса ваарид̇аа. амануссаж̇аад̇игам̣ бана араханд̇ам̣, мануссаж̇аад̇игам̣ ваа авасзсам̣ арияабуг̇г̇алам̣ гхаад̇зд̇ваа аананд̇арияо на ход̇и, баб̣б̣аж̇ж̇аабисса на ваарид̇аа, гаммам̣ бана б̣алавам̣ ход̇и. д̇иражчаано мануссаараханд̇амби гхаад̇зд̇ваа аананд̇арияо на ход̇и, гаммам̣ бана бхаарияам̣.

    Arahantaghātakopi manussaarahantavaseneva veditabbo. Manussajātiyañhi antamaso apabbajitampi khīṇāsavaṃ dārakaṃ vā dārikaṃ vā sañcicca jīvitā voropento arahantaghātakova hoti, ānantariyañca phusati, pabbajjā cassa vāritā. Amanussajātikaṃ pana arahantaṃ, manussajātikaṃ vā avasesaṃ ariyapuggalaṃ ghātetvā ānantariyo na hoti, pabbajjāpissa na vāritā, kammaṃ pana balavaṃ hoti. Tiracchāno manussaarahantampi ghātetvā ānantariyo na hoti, kammaṃ pana bhāriyaṃ.

    яо д̣̇звад̣̇ад̇д̇о вияа д̣̇удтажид̇д̇зна вад̇хагажид̇д̇зна д̇ат̇ааг̇ад̇асса ж̇ийвамаанагасарийрз куд̣̇д̣̇агамагкигааяа биванагамад̇д̇амби лохид̇ам̣ уббаад̣̇зд̇и, аяам̣ лохид̇уббаад̣̇аго наама, зд̇асса баб̣б̣аж̇ж̇аа жа убасамбад̣̇аа жа ваарид̇аа. яо бана рог̇авуубасаманад̇т̇ам̣ ж̇ийваго вияа сад̇т̇зна паалзд̇ваа бууд̇имам̣сан̃жа лохид̇ан̃жа нийхарид̇ваа паасум̣ гарод̇и, б̣ахум̣ со бун̃н̃ам̣ басавад̇и.

    Yo devadatto viya duṭṭhacittena vadhakacittena tathāgatassa jīvamānakasarīre khuddakamakkhikāya pivanakamattampi lohitaṃ uppādeti, ayaṃ lohituppādako nāma, etassa pabbajjā ca upasampadā ca vāritā. Yo pana rogavūpasamanatthaṃ jīvako viya satthena phāletvā pūtimaṃsañca lohitañca nīharitvā phāsuṃ karoti, bahuṃ so puññaṃ pasavati.

    яо д̣̇звад̣̇ад̇д̇о вияа саасанам̣ уд̣̇д̇хаммам̣ уб̣б̣инаяам̣ гад̇ваа жад̇уннам̣ гаммаанам̣ ан̃н̃ад̇аравасзна сан̇гхам̣ бхинд̣̇ад̇и, аяам̣ сан̇гхабхзд̣̇аго наама, зд̇асса баб̣б̣аж̇ж̇аа жа убасамбад̣̇аа жа ваарид̇аа. ‘‘маад̇угхаад̇аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇иаад̣̇игааяа (махаава. 112) баал̣ияаа убасамбад̣̇аабадигкзбо баб̣б̣аж̇ж̇аабадигкзбасса убалагкан̣анд̇и ааха ‘‘баб̣б̣ааж̇знд̇асса д̣̇уггада’’нд̇и.

    Yo devadatto viya sāsanaṃ uddhammaṃ ubbinayaṃ katvā catunnaṃ kammānaṃ aññataravasena saṅghaṃ bhindati, ayaṃ saṅghabhedako nāma, etassa pabbajjā ca upasampadā ca vāritā. ‘‘Mātughātako, bhikkhave, anupasampanno na upasampādetabbo, upasampanno nāsetabbo’’tiādikāya (mahāva. 112) pāḷiyā upasampadāpaṭikkhepo pabbajjāpaṭikkhepassa upalakkhaṇanti āha ‘‘pabbājentassa dukkaṭa’’nti.

    убхад̇об̣яан̃ж̇анан̃жзва бхигкунид̣̇уусаган̃жа д̇ат̇аа баб̣б̣ааж̇знд̇асса д̣̇уггаданд̇и самб̣анд̇хо. убхад̇об̣яан̃ж̇ананд̇и га-гааралобзна нид̣̇д̣̇зсо. ид̇т̇инимид̇д̇уббаад̣̇анагаммад̇о жа бурисанимид̇д̇уббаад̣̇анагаммад̇о жа убхад̇о б̣яан̃ж̇анамасса ад̇т̇ийд̇и убхад̇об̣яан̃ж̇анаго. со д̣̇увид̇хо ход̇и ид̇т̇иубхад̇об̣яан̃ж̇анаго, бурисаубхад̇об̣яан̃ж̇анагод̇и.

    Ubhatobyañjanañceva bhikkhunidūsakañca tathā pabbājentassa dukkaṭanti sambandho. Ubhatobyañjananti ka-kāralopena niddeso. Itthinimittuppādanakammato ca purisanimittuppādanakammato ca ubhato byañjanamassa atthīti ubhatobyañjanako. So duvidho hoti itthiubhatobyañjanako, purisaubhatobyañjanakoti.

    д̇ад̇т̇а ид̇т̇иубхад̇об̣яан̃ж̇анагасса (махаава. адта. 116) ид̇т̇инимид̇д̇ам̣ баагадам̣ ход̇и, бурисанимид̇д̇ам̣ бадижчаннам̣. бурисаубхад̇об̣яан̃ж̇анагасса бурисанимид̇д̇ам̣ баагадам̣ ход̇и, ид̇т̇инимид̇д̇ам̣ бадижчаннам̣. ид̇т̇иубхад̇об̣яан̃ж̇анагасса ид̇т̇ийсу бурисад̇д̇ам̣ гаронд̇асса ид̇т̇инимид̇д̇ам̣ бадижчаннам̣ ход̇и, бурисанимид̇д̇ам̣ баагадам̣ ход̇и. бурисаубхад̇об̣яан̃ж̇анагасса бурисаанам̣ ид̇т̇ибхаавам̣ убаг̇ажчанд̇асса бурисанимид̇д̇ам̣ бадижчаннам̣ ход̇и, ид̇т̇инимид̇д̇ам̣ баагадам̣ ход̇и. ид̇т̇иубхад̇об̣яан̃ж̇анаго саяан̃жа г̇аб̣бхам̣ г̇ан̣хаад̇и, баран̃жа г̇аб̣бхам̣ г̇ан̣хаабзд̇и. бурисаубхад̇об̣яан̃ж̇анаго саяам̣ на г̇ан̣хаад̇и, барам̣ г̇ан̣хаабзд̇ийд̇и ид̣̇амзд̇зсам̣ наанаагаран̣ам̣. имасса бана д̣̇увид̇хассааби убхад̇об̣яан̃ж̇анагассанзва баб̣б̣аж̇ж̇аа ад̇т̇и, на убасамбад̣̇аад̇и ид̣̇амид̇ха саннидтаанам̣ взд̣̇ид̇аб̣б̣ам̣.

    Tattha itthiubhatobyañjanakassa (mahāva. aṭṭha. 116) itthinimittaṃ pākaṭaṃ hoti, purisanimittaṃ paṭicchannaṃ. Purisaubhatobyañjanakassa purisanimittaṃ pākaṭaṃ hoti, itthinimittaṃ paṭicchannaṃ. Itthiubhatobyañjanakassa itthīsu purisattaṃ karontassa itthinimittaṃ paṭicchannaṃ hoti, purisanimittaṃ pākaṭaṃ hoti. Purisaubhatobyañjanakassa purisānaṃ itthibhāvaṃ upagacchantassa purisanimittaṃ paṭicchannaṃ hoti, itthinimittaṃ pākaṭaṃ hoti. Itthiubhatobyañjanako sayañca gabbhaṃ gaṇhāti, parañca gabbhaṃ gaṇhāpeti. Purisaubhatobyañjanako sayaṃ na gaṇhāti, paraṃ gaṇhāpetīti idametesaṃ nānākaraṇaṃ. Imassa pana duvidhassāpi ubhatobyañjanakassaneva pabbajjā atthi, na upasampadāti idamidha sanniṭṭhānaṃ veditabbaṃ.

    яо багад̇ад̇д̇ам̣ бхигкуним̣ (махаава. адта. 115) д̇ин̣н̣ам̣ маг̇г̇аанам̣ ан̃н̃ад̇арасмим̣ д̣̇уусзд̇и, аяам̣ бхигкунид̣̇уусаго наама, зд̇асса баб̣б̣аж̇ж̇аа жа убасамбад̣̇аа жа ваарид̇аа. яо бана гааяасам̣саг̇г̇зна сийлавинаасам̣ баабзд̇и, д̇асса баб̣б̣аж̇ж̇аа жа убасамбад̣̇аа жа на ваарид̇аа. б̣алаггаарзна бана од̣̇аад̇авад̇т̇авасанам̣ гад̇ваа анижчамаанам̣язва д̣̇уусзнд̇оби бхигкунид̣̇уусагоязва. б̣алаггаарзна бана од̣̇аад̇авад̇т̇авасанам̣ гад̇ваа ижчамаанам̣ д̣̇уусзнд̇о бхигкунид̣̇уусаго на ход̇и. гасмаа? яасмаа г̇ихибхаавз самбадижчид̇амад̇д̇зязва саа абхигкуний ход̇и. сагим̣ сийлавибаннам̣ бана бажчаа д̣̇уусзнд̇о нзва бхигкунид̣̇уусаго ход̇и, баб̣б̣аж̇ж̇амби убасамбад̣̇амби лабхад̇и.

    Yo pakatattaṃ bhikkhuniṃ (mahāva. aṭṭha. 115) tiṇṇaṃ maggānaṃ aññatarasmiṃ dūseti, ayaṃ bhikkhunidūsako nāma, etassa pabbajjā ca upasampadā ca vāritā. Yo pana kāyasaṃsaggena sīlavināsaṃ pāpeti, tassa pabbajjā ca upasampadā ca na vāritā. Balakkārena pana odātavatthavasanaṃ katvā anicchamānaṃyeva dūsentopi bhikkhunidūsakoyeva. Balakkārena pana odātavatthavasanaṃ katvā icchamānaṃ dūsento bhikkhunidūsako na hoti. Kasmā? Yasmā gihibhāve sampaṭicchitamatteyeva sā abhikkhunī hoti. Sakiṃ sīlavipannaṃ pana pacchā dūsento neva bhikkhunidūsako hoti, pabbajjampi upasampadampi labhati.

    2538. баал̣иадтагат̇аавимуд̇д̇ам̣ аажарияабарамбараабхад̇авинижчаяам̣ д̣̇ассзд̇умааха ‘‘згад̇о’’д̇иаад̣̇и. ‘‘згад̇о’’д̇и иминаа бхигкусан̇гхассааби г̇ахан̣ам̣ бхавзяяаад̇и д̇ам̣ бариваж̇ж̇зд̇ум̣ ‘‘бхигкунийнам̣ д̇у санд̇игз’’д̇и вуд̇д̇ам̣. зд̇зна д̇ам̣д̣̇уусагасса бхаб̣б̣ад̇ам̣ д̣̇ийбзд̇и. со нзва бхигкунид̣̇уусаго сияаа, ‘‘убасамбад̣̇ам̣ лабхад̇зва жа баб̣б̣аж̇ж̇ам̣, саа жа нзва барааж̇ид̇аа’’д̇и ид̣̇ам̣ д̣̇уд̇ияаг̇аат̇ааяа ид̇хаанзд̇ваа яож̇зд̇аб̣б̣ам̣. гзвалам̣ бхигкунисан̇гхз убасамбаннаа наама на ход̇ийд̇и ад̇хиббааязнзва вуд̇д̇ам̣. ‘‘саа жа нзва барааж̇ид̇аа’’д̇и иминаа д̇ассаа жа буна баб̣б̣аж̇ж̇уубасамбад̣̇ааяа бхаб̣б̣ад̇ам̣ д̣̇ийбзд̇и. аяамад̇т̇о адтагат̇ааг̇ан̣тибад̣̇зби вуд̇д̇оязва ‘‘бхигкунийнам̣ васзна згад̇оубасамбаннам̣ д̣̇уусзд̇ваа бхигкунид̣̇уусаго на ход̇и, баб̣б̣аж̇ж̇аад̣̇ийни лабхад̇и, саа жа баарааж̇игаа на ход̇ийд̇и винижчаяо’’д̇и.

    2538. Pāḷiaṭṭhakathāvimuttaṃ ācariyaparamparābhatavinicchayaṃ dassetumāha ‘‘ekato’’tiādi. ‘‘Ekato’’ti iminā bhikkhusaṅghassāpi gahaṇaṃ bhaveyyāti taṃ parivajjetuṃ ‘‘bhikkhunīnaṃ tu santike’’ti vuttaṃ. Etena taṃdūsakassa bhabbataṃ dīpeti. So neva bhikkhunidūsako siyā, ‘‘upasampadaṃ labhateva ca pabbajjaṃ, sā ca neva parājitā’’ti idaṃ dutiyagāthāya idhānetvā yojetabbaṃ. Kevalaṃ bhikkhunisaṅghe upasampannā nāma na hotīti adhippāyeneva vuttaṃ. ‘‘Sā ca neva parājitā’’ti iminā tassā ca puna pabbajjūpasampadāya bhabbataṃ dīpeti. Ayamattho aṭṭhakathāgaṇṭhipadepi vuttoyeva ‘‘bhikkhunīnaṃ vasena ekatoupasampannaṃ dūsetvā bhikkhunidūsako na hoti, pabbajjādīni labhati, sā ca pārājikā na hotīti vinicchayo’’ti.

    2539. ‘‘сигкамаанаасааман̣зрийсу жа виббадибаж̇ж̇анд̇о нзва бхигкунид̣̇уусаго ход̇и, баб̣б̣аж̇ж̇амби убасамбад̣̇амби лабхад̇ий’’д̇и (махаава. адта. 115) адтагат̇ааг̇ад̇авинижчаяам̣ д̣̇ассзд̇умааха ‘‘сажз анубасамбаннад̣̇уусаго’’д̇и. ‘‘убасамбад̣̇ам̣ лабхад̇зва жа баб̣б̣аж̇ж̇а’’нд̇и ид̣̇ам̣ яат̇аатаанзби яож̇зд̇аб̣б̣ам̣. саа жа нзва барааж̇ид̇аад̇и ид̣̇ам̣ бана адтагат̇ааяа анааг̇ад̇ад̇д̇аа жа анубасамбаннааяа убасамбаннавигаббаабхааваа жа на яож̇зд̇аб̣б̣ам̣. асад̇и хи убасамбаннавигаббз барааж̇ид̇авигаббаасан̇г̇ахо бадисзд̇хо нирад̇т̇агод̇и саа баб̣б̣аж̇ж̇уубасамбад̣̇аанам̣ бхаб̣б̣ааязваад̇и д̣̇адтаб̣б̣аа. имз бана бан̣д̣агаад̣̇аяо згаад̣̇аса буг̇г̇алаа ‘‘бан̣д̣аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇иаад̣̇иважанад̇о (махаава. 109) абхаб̣б̣ааязва, нзсам̣ баб̣б̣аж̇ж̇аа жа убасамбад̣̇аа жа на рухад̇и, д̇асмаа на баб̣б̣ааж̇зд̇аб̣б̣аа. ж̇аанид̇ваа баб̣б̣ааж̇знд̇о, убасамбаад̣̇знд̇о жа д̣̇уггадам̣ аабаж̇ж̇ад̇и. аж̇аанид̇вааби баб̣б̣ааж̇ид̇аа, убасамбаад̣̇ид̇аа жа ж̇аанид̇ваа лин̇г̇анаасанааяа наасзд̇аб̣б̣аа.

    2539. ‘‘Sikkhamānāsāmaṇerīsu ca vippaṭipajjanto neva bhikkhunidūsako hoti, pabbajjampi upasampadampi labhatī’’ti (mahāva. aṭṭha. 115) aṭṭhakathāgatavinicchayaṃ dassetumāha ‘‘sace anupasampannadūsako’’ti. ‘‘Upasampadaṃ labhateva ca pabbajja’’nti idaṃ yathāṭhānepi yojetabbaṃ. Sā ca neva parājitāti idaṃ pana aṭṭhakathāya anāgatattā ca anupasampannāya upasampannavikappābhāvā ca na yojetabbaṃ. Asati hi upasampannavikappe parājitavikappāsaṅgaho paṭisedho niratthakoti sā pabbajjūpasampadānaṃ bhabbāyevāti daṭṭhabbā. Ime pana paṇḍakādayo ekādasa puggalā ‘‘paṇḍako, bhikkhave, anupasampanno na upasampādetabbo, upasampanno nāsetabbo’’tiādivacanato (mahāva. 109) abhabbāyeva, nesaṃ pabbajjā ca upasampadā ca na ruhati, tasmā na pabbājetabbā. Jānitvā pabbājento, upasampādento ca dukkaṭaṃ āpajjati. Ajānitvāpi pabbājitā, upasampāditā ca jānitvā liṅganāsanāya nāsetabbā.

    згаад̣̇асаабхаб̣б̣абуг̇г̇алагат̇ааван̣н̣анаа.

    Ekādasaabhabbapuggalakathāvaṇṇanā.

    2540. нуубасамбаад̣̇анийяоваад̇и на убасамбаад̣̇зд̇аб̣б̣ова. анубаж̇жхааяагод̇и асаннихид̇аубаж̇жхааяо ваа аг̇г̇ахид̇аубаж̇жхааяаг̇г̇ахан̣о ваа. гарод̇од̇и анубаж̇жхааяагам̣ убасамбаад̣̇аяад̇о. д̣̇уггадам̣ ход̇ийд̇и аажарияасса жа г̇ан̣асса жа д̣̇уггадаабад̇д̇и ход̇и. на губбад̇и сажз гад̇анд̇и сажз анубаж̇жхааяагасса убасамбад̣̇аагаммам̣ гад̇ам̣ бхавзяяа, д̇ам̣ на губбад̇и самаг̇г̇зна сан̇гхзна агуббзна таанаарахзна гад̇ад̇д̇аа.

    2540.Nūpasampādanīyovāti na upasampādetabbova. Anupajjhāyakoti asannihitaupajjhāyo vā aggahitaupajjhāyaggahaṇo vā. Karototi anupajjhāyakaṃ upasampādayato. Dukkaṭaṃ hotīti ācariyassa ca gaṇassa ca dukkaṭāpatti hoti. Na kuppati sace katanti sace anupajjhāyakassa upasampadākammaṃ kataṃ bhaveyya, taṃ na kuppati samaggena saṅghena akuppena ṭhānārahena katattā.

    2541. згзд̇и абхаяаг̇ириваасино. ‘‘на г̇ахзд̇аб̣б̣амзваа’’д̇и адтагат̇ааяа д̣̇ал̣хам̣ вуд̇д̇ад̇д̇аа вуд̇д̇ам̣. д̇ам̣ важанам̣. зд̇т̇а жа убаж̇жхааяз асаннихид̇зби убаж̇жхааяаг̇г̇ахан̣з агад̇зби гаммаваажааяам̣ бана убаж̇жхааяагид̇д̇анам̣ гад̇ам̣язваад̇и д̣̇адтаб̣б̣ам̣. ан̃н̃ат̇аа ‘‘буг̇г̇алам̣ на бараамасад̇ий’’д̇и вуд̇д̇ааяа гаммавибад̇д̇ияаа самбхавад̇о гаммам̣ губбзяяа. д̇знзва ‘‘убаж̇жхааяам̣ агид̇д̇зд̇ваа’’д̇и авад̇ваа ‘‘убаж̇жхам̣ аг̇г̇аахаабзд̇ваа’’д̇и (махаава. адта. 117) адтагат̇ааяам̣ вуд̇д̇ам̣. яат̇аа жа абарибун̣н̣абад̇д̇ажийварасса убасамбад̣̇аагаалз гаммаваажааяам̣ ‘‘барибун̣н̣асса бад̇д̇ажийвара’’нд̇и асанд̇ам̣ вад̇т̇ум̣ гид̇д̇зд̇ваа гаммаваажааяа гад̇ааяаби убасамбад̣̇аа рухад̇и, звам̣ ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇асса убасамбад̣̇аабзгко’’д̇и асанд̇ам̣ буг̇г̇алам̣ гид̇д̇зд̇ваа гзвалам̣ санд̇абад̣̇анийхаарзна гаммаваажааяа гад̇ааяа убасамбад̣̇аа рухад̇иязваад̇и д̣̇адтаб̣б̣ам̣. д̇знзвааха ‘‘на губбад̇и сажз гад̇а’’нд̇и. ‘‘на, бхигкавз, анубаж̇жхааяаго убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадассаа’’д̇и (махаава. 117) зд̇д̇агамзва вад̇ваа ‘‘со жа буг̇г̇ало анубасамбанно’’д̇и авуд̇д̇ад̇д̇аа, гаммавибад̇д̇илагкан̣асса жа асамбхавад̇о ‘‘на г̇ахзд̇аб̣б̣амзва д̇а’’нд̇и вуд̇д̇ам̣.

    2541.Eketi abhayagirivāsino. ‘‘Na gahetabbamevā’’ti aṭṭhakathāya daḷhaṃ vuttattā vuttaṃ. Taṃ vacanaṃ. Ettha ca upajjhāye asannihitepi upajjhāyaggahaṇe akatepi kammavācāyaṃ pana upajjhāyakittanaṃ kataṃyevāti daṭṭhabbaṃ. Aññathā ‘‘puggalaṃ na parāmasatī’’ti vuttāya kammavipattiyā sambhavato kammaṃ kuppeyya. Teneva ‘‘upajjhāyaṃ akittetvā’’ti avatvā ‘‘upajjhaṃ aggāhāpetvā’’ti (mahāva. aṭṭha. 117) aṭṭhakathāyaṃ vuttaṃ. Yathā ca aparipuṇṇapattacīvarassa upasampadākāle kammavācāyaṃ ‘‘paripuṇṇassa pattacīvara’’nti asantaṃ vatthuṃ kittetvā kammavācāya katāyapi upasampadā ruhati, evaṃ ‘‘ayaṃ buddharakkhito āyasmato dhammarakkhitassa upasampadāpekkho’’ti asantaṃ puggalaṃ kittetvā kevalaṃ santapadanīhārena kammavācāya katāya upasampadā ruhatiyevāti daṭṭhabbaṃ. Tenevāha ‘‘na kuppati sace kata’’nti. ‘‘Na, bhikkhave, anupajjhāyako upasampādetabbo, yo upasampādeyya, āpatti dukkaṭassā’’ti (mahāva. 117) ettakameva vatvā ‘‘so ca puggalo anupasampanno’’ti avuttattā, kammavipattilakkhaṇassa ca asambhavato ‘‘na gahetabbameva ta’’nti vuttaṃ.

    сзсзсу саб̣б̣ад̇т̇абийд̇и сан̇гхаг̇ан̣абан̣д̣агат̇зяяасам̣ваасагад̇ид̇т̇ияабагганд̇агад̇иражчаанаг̇ад̇амаад̇убид̇уараханд̇агхаад̇агабхигкунид̣̇уусагасан̇гхабхзд̣̇агалохид̇уббаад̣̇агаубхад̇об̣яан̃ж̇анагасан̇каад̇зхи убаж̇жхааязхи убасамбаад̣̇ид̇зсу саб̣б̣зсу д̇зрасасу вигаббзсу. вуд̇д̇ан̃хи бхаг̇авад̇аа ‘‘на, бхигкавз, сан̇гхзна убаж̇жхааязна убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадассаа’’д̇иаад̣̇и. на гзвалам̣ зд̇зсуязва д̇зрасасу, ат̇а ‘‘абад̇д̇агаажийварагаажийварабад̇д̇агаяаажид̇агабад̇д̇аяаажид̇агажийвараяаажид̇агабад̇д̇ажийварагаа’’д̇и зд̇зсу часу вигаббзсу аяам̣ наяо яож̇зд̇аб̣б̣од̇и. сзса-г̇г̇ахан̣зна зд̇зсамби сан̇г̇ахо. вуд̇д̇ан̃хзд̇ам̣ бхаг̇авад̇аа ‘‘на, бхигкавз, абад̇д̇аго убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадассаа’’д̇иаад̣̇и (махаава. 118). аяам̣ наяод̇и ‘‘на губбад̇и сажз гад̇а’’нд̇и вуд̇д̇анаяо.

    Sesesu sabbatthapīti saṅghagaṇapaṇḍakatheyyasaṃvāsakatitthiyapakkantakatiracchānagatamātupituarahantaghātakabhikkhunidūsakasaṅghabhedakalohituppādakaubhatobyañjanakasaṅkhātehi upajjhāyehi upasampāditesu sabbesu terasasu vikappesu. Vuttañhi bhagavatā ‘‘na, bhikkhave, saṅghena upajjhāyena upasampādetabbo, yo upasampādeyya, āpatti dukkaṭassā’’tiādi. Na kevalaṃ etesuyeva terasasu, atha ‘‘apattakaacīvarakaacīvarapattakayācitakapattayācitakacīvarayācitakapattacīvarakā’’ti etesu chasu vikappesu ayaṃ nayo yojetabboti. Sesa-ggahaṇena etesampi saṅgaho. Vuttañhetaṃ bhagavatā ‘‘na, bhikkhave, apattako upasampādetabbo, yo upasampādeyya, āpatti dukkaṭassā’’tiādi (mahāva. 118). Ayaṃ nayoti ‘‘na kuppati sace kata’’nti vuttanayo.

    2542. бан̃жавийсад̇ийд̇и жад̇увийсад̇и баарааж̇игаа, уунавийсад̇ивассо жаад̇и бан̃жавийсад̇и. вуд̇д̇ан̃хи ‘‘на, бхигкавз, ж̇аанам̣ уунавийсад̇ивассо буг̇г̇ало убасамбаад̣̇зд̇аб̣б̣о. яо убасамбаад̣̇зяяа, яат̇аад̇хаммо гаарзд̇аб̣б̣о’’д̇и (махаава. 99). осаарод̇и убасамбад̣̇аасан̇каад̇о осааро. д̇знзва жамбзяяагканд̇хагз ‘‘д̇ан̃жз сан̇гхо осаарзд̇и, згажжо сосаарид̇о’’д̇иаад̣̇ибаатасса (махаава. 396) адтагат̇ааяам̣ ‘‘осаарзд̇ийд̇и убасамбад̣̇аагаммавасзна бавзсзд̇ий’’д̇и (махаава. адта. 396) вуд̇д̇ам̣. ‘‘наасанаарахо’’д̇и иминаа ‘‘бан̣д̣аго, бхигкавз, анубасамбанно на убасамбаад̣̇зд̇аб̣б̣о’’д̇иаад̣̇иважанад̇о (махаава. 109) убасамбаад̣̇ид̇ассааби сзд̇агаани д̣̇ад̇ваа г̇ихибхаавам̣ баабзд̇аб̣б̣ад̇ам̣ д̣̇ийбзд̇и.

    2542.Pañcavīsatīti catuvīsati pārājikā, ūnavīsativasso cāti pañcavīsati. Vuttañhi ‘‘na, bhikkhave, jānaṃ ūnavīsativasso puggalo upasampādetabbo. Yo upasampādeyya, yathādhammo kāretabbo’’ti (mahāva. 99). Osāroti upasampadāsaṅkhāto osāro. Teneva campeyyakkhandhake ‘‘tañce saṅgho osāreti, ekacco sosārito’’tiādipāṭhassa (mahāva. 396) aṭṭhakathāyaṃ ‘‘osāretīti upasampadākammavasena pavesetī’’ti (mahāva. aṭṭha. 396) vuttaṃ. ‘‘Nāsanāraho’’ti iminā ‘‘paṇḍako, bhikkhave, anupasampanno na upasampādetabbo’’tiādivacanato (mahāva. 109) upasampāditassāpi setakāni datvā gihibhāvaṃ pāpetabbataṃ dīpeti.

    2543. хад̇т̇ажчиннаад̣̇и б̣аад̇д̇им̣саад̇и жамбзяяагканд̇хагз –

    2543.Hatthacchinnādibāttiṃsāti campeyyakkhandhake –

    ‘‘хад̇т̇ажчинно, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и, сосаарид̇о. баад̣̇ажчинно…бз… хад̇т̇абаад̣̇ажчинно… ган̣н̣ажчинно… наасажчинно… ган̣н̣анаасажчинно… ан̇г̇улижчинно… ал̣ажчинно… ган̣д̣аражчинно… пан̣ахад̇т̇аго… куж̇ж̇о… ваамано… г̇алаг̇ан̣д̣ий… лагкан̣аахад̇о… гасаахад̇о… ликид̇аго… сийбад̣̇иго… баабарог̇ий… барисад̣̇уусаго… гаан̣о… гун̣ий… кан̃ж̇о… багкахад̇о… чиннирияаабат̇о… ж̇араад̣̇уб̣б̣ало… анд̇хо… мууг̇о… бад̇хиро… анд̇хамууг̇о… анд̇хабад̇хиро… мууг̇абад̇хиро… анд̇хамууг̇абад̇хиро, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и, сосаарид̇о’’д̇и (махаава. 396) б̣аад̇д̇им̣са.

    ‘‘Hatthacchinno, bhikkhave, appatto osāraṇaṃ, tañce saṅgho osāreti, sosārito. Pādacchinno…pe… hatthapādacchinno… kaṇṇacchinno… nāsacchinno… kaṇṇanāsacchinno… aṅgulicchinno… aḷacchinno… kaṇḍaracchinno… phaṇahatthako… khujjo… vāmano… galagaṇḍī… lakkhaṇāhato… kasāhato… likhitako… sīpadiko… pāparogī… parisadūsako… kāṇo… kuṇī… khañjo… pakkhahato… chinniriyāpatho… jarādubbalo… andho… mūgo… padhiro… andhamūgo… andhapadhiro… mūgapadhiro… andhamūgapadhiro, bhikkhave, appatto osāraṇaṃ, tañce saṅgho osāreti, sosārito’’ti (mahāva. 396) bāttiṃsa.

    гудтиаад̣̇и жа д̇зрасаад̇и махааканд̇хагз ааг̇ад̇аа –

    Kuṭṭhiādi ca terasāti mahākhandhake āgatā –

    ‘‘гудтим̣ г̇ан̣д̣им̣ гилаасин̃жа, сосин̃жа абамааригам̣;

    ‘‘Kuṭṭhiṃ gaṇḍiṃ kilāsiñca, sosiñca apamārikaṃ;

    д̇ат̇аа рааж̇абхадам̣ жорам̣, ликид̇ам̣ гаарабхзд̣̇агам̣.

    Tathā rājabhaṭaṃ coraṃ, likhitaṃ kārabhedakaṃ.

    ‘‘гасаахад̇ам̣ наран̃жзва, бурисам̣ лагкан̣аахад̇ам̣;

    ‘‘Kasāhataṃ narañceva, purisaṃ lakkhaṇāhataṃ;

    ин̣ааяиган̃жа д̣̇аасан̃жа, баб̣б̣ааж̇знд̇асса д̣̇уггада’’нд̇и. –

    Iṇāyikañca dāsañca, pabbājentassa dukkaṭa’’nti. –

    яат̇аавуд̇д̇аа д̇зраса.

    Yathāvuttā terasa.

    звамзд̇з бан̃жажад̇д̇аалийса вуд̇д̇аа. д̇зсу гасаахад̇алагкан̣аахад̇аликид̇агаанам̣ д̇ин̣н̣ам̣ убхаяад̇т̇а ааг̇ад̇ад̇д̇аа аг̇г̇ахид̇аг̇г̇ахан̣зна д̣̇ваажад̇д̇аалийсзва д̣̇адтаб̣б̣аа.

    Evamete pañcacattālīsa vuttā. Tesu kasāhatalakkhaṇāhatalikhitakānaṃ tiṇṇaṃ ubhayattha āgatattā aggahitaggahaṇena dvācattālīseva daṭṭhabbā.

    ‘‘хад̇т̇ажчиннаад̣̇иб̣аад̇д̇им̣са , гудтиаад̣̇и жа д̇зрасаа’’д̇и яз буг̇г̇алаа вуд̇д̇аа, д̇зсам̣. осааро аббад̇д̇од̇и убасамбад̣̇ааанануруубаад̇и ад̇т̇о. гад̇о жзд̇и агад̇д̇аб̣б̣абхаавамасаллагканд̇зхи бхигкуухи яад̣̇и убасамбад̣̇аасан̇каад̇о осааро гад̇о бхавзяяа. руухад̇ийд̇и сиж̇жхад̇и, д̇з буг̇г̇алаа убасамбаннааязваад̇и ад̇хиббааяо. аажарияаад̣̇аяо бана аабад̇д̇им̣ аабаж̇ж̇анд̇и. яат̇ааха жамбзяяагканд̇хагадтагат̇ааяам̣ – ‘‘хад̇т̇ажчиннаад̣̇аяо бана д̣̇вад̇д̇им̣са суосаарид̇аа, убасамбаад̣̇ид̇аа убасамбаннаава хонд̇и, на д̇з лаб̣бхаа гин̃жи вад̇д̇ум̣. аажарияубаж̇жхааяаа, бана гаарагасан̇гхо жа саад̇исаараа, на гожи аабад̇д̇ид̇о мужжад̇ий’’д̇и (махаава. адта. 396).

    ‘‘Hatthacchinnādibāttiṃsa , kuṭṭhiādi ca terasā’’ti ye puggalā vuttā, tesaṃ. Osāro appattoti upasampadāananurūpāti attho. Kato ceti akattabbabhāvamasallakkhantehi bhikkhūhi yadi upasampadāsaṅkhāto osāro kato bhaveyya. Rūhatīti sijjhati, te puggalā upasampannāyevāti adhippāyo. Ācariyādayo pana āpattiṃ āpajjanti. Yathāha campeyyakkhandhakaṭṭhakathāyaṃ – ‘‘hatthacchinnādayo pana dvattiṃsa suosāritā, upasampāditā upasampannāva honti, na te labbhā kiñci vattuṃ. Ācariyupajjhāyā, pana kārakasaṅgho ca sātisārā, na koci āpattito muccatī’’ti (mahāva. aṭṭha. 396).

    2544-5. ‘‘ануж̇аанаами, бхигкавз, д̣̇вз д̇аяо згаануссааванз гаад̇ум̣, д̇ан̃жа ко згзна убаж̇жхааязнаа’’д̇и (махаава. 123) важанад̇о сажз д̇аяо аажарияаа згасиймааяам̣ нисиннаа згасса убаж̇жхааяасса наамам̣ г̇ахзд̇ваа д̇ин̣н̣ам̣ убасамбад̣̇аабзгкаанам̣ висум̣ висум̣язва гаммаваажам̣ згагкан̣з вад̇ваа д̇аяо убасамбаад̣̇знд̇и, ваддад̇ийд̇и д̣̇ассзд̇умааха ‘‘згуубаж̇жхааяаго ход̇ий’’д̇иаад̣̇и.

    2544-5. ‘‘Anujānāmi, bhikkhave, dve tayo ekānussāvane kātuṃ, tañca kho ekena upajjhāyenā’’ti (mahāva. 123) vacanato sace tayo ācariyā ekasīmāyaṃ nisinnā ekassa upajjhāyassa nāmaṃ gahetvā tiṇṇaṃ upasampadāpekkhānaṃ visuṃ visuṃyeva kammavācaṃ ekakkhaṇe vatvā tayo upasampādenti, vaṭṭatīti dassetumāha ‘‘ekūpajjhāyako hotī’’tiādi.

    ‘‘д̇аяо’’д̇и ид̣̇ам̣ адтуббад̇д̇ияам̣ ‘‘самб̣ахулаанам̣ т̇зраана’’нд̇и (махаава. 123) ааг̇ад̇ад̇д̇аа вуд̇д̇ам̣. згад̇од̇и згагкан̣з. анусаавананд̇и гаммаваажам̣. осаарзд̇ваад̇и вад̇ваа. гамманд̇и убасамбад̣̇аагаммам̣. на жа губбад̇ийд̇и на вибаж̇ж̇ад̇и. габбад̇ийд̇и авибаж̇ж̇анад̇о звам̣ гаад̇ум̣ ваддад̇и.

    ‘‘Tayo’’ti idaṃ aṭṭhuppattiyaṃ ‘‘sambahulānaṃ therāna’’nti (mahāva. 123) āgatattā vuttaṃ. Ekatoti ekakkhaṇe. Anusāvananti kammavācaṃ. Osāretvāti vatvā. Kammanti upasampadākammaṃ. Na ca kuppatīti na vipajjati. Kappatīti avipajjanato evaṃ kātuṃ vaṭṭati.

    2546-7. ‘‘ануж̇аанаами, бхигкавз, д̣̇вз д̇аяо згаануссааванз гаад̇у’’нд̇и (махаава. 123) важанад̇о сажз зго аажарияо ‘‘б̣уд̣̇д̇харагкид̇о жа д̇хаммарагкид̇о жа сан̇гхарагкид̇о жа ааяасмад̇о саарибуд̇д̇асса убасамбад̣̇аабзгко’’д̇и убасамбад̣̇аабзгкаанам̣ бажжзгам̣ наамам̣ г̇ахзд̇ваа гаммаваажам̣ вад̇ваа д̣̇вз д̇аяоби убасамбаад̣̇зд̇и, ваддад̇ийд̇и д̣̇ассзд̇умааха ‘‘згуубаж̇жхааяаго ход̇ий’’д̇иаад̣̇и.

    2546-7. ‘‘Anujānāmi, bhikkhave, dve tayo ekānussāvane kātu’’nti (mahāva. 123) vacanato sace eko ācariyo ‘‘buddharakkhito ca dhammarakkhito ca saṅgharakkhito ca āyasmato sāriputtassa upasampadāpekkho’’ti upasampadāpekkhānaṃ paccekaṃ nāmaṃ gahetvā kammavācaṃ vatvā dve tayopi upasampādeti, vaṭṭatīti dassetumāha ‘‘ekūpajjhāyako hotī’’tiādi.

    убасамбад̣̇ам̣ абзгканд̇ийд̇и ‘‘убасамбад̣̇аабзгкаа’’д̇и убасамбаж̇ж̇анагаа вужжанд̇и. д̇зсам̣ нааманд̇и д̇зсам̣ убасамбаж̇ж̇анд̇аанан̃жзва убаж̇жхааяаанан̃жа наамам̣. анубуб̣б̣зна саавзд̇ваад̇и яож̇анаа, ‘‘б̣уд̣̇д̇харагкид̇о’’д̇иаад̣̇инаа яат̇аавуд̇д̇анаязна гаммаваажааяам̣ сагадтаанз вад̇ваа саавзд̇ваад̇и вуд̇д̇ам̣ ход̇и. д̇знаад̇и згзна аажариязна. згад̇од̇и д̣̇вз д̇аяо ж̇анз згад̇о гад̇ваа. анусаавзд̇ваад̇и гаммаваажам̣ вад̇ваа. гад̇ам̣ убасамбад̣̇аагаммам̣.

    Upasampadaṃ apekkhantīti ‘‘upasampadāpekkhā’’ti upasampajjanakā vuccanti. Tesaṃ nāmanti tesaṃ upasampajjantānañceva upajjhāyānañca nāmaṃ. Anupubbena sāvetvāti yojanā, ‘‘buddharakkhito’’tiādinā yathāvuttanayena kammavācāyaṃ sakaṭṭhāne vatvā sāvetvāti vuttaṃ hoti. Tenāti ekena ācariyena. Ekatoti dve tayo jane ekato katvā. Anusāvetvāti kammavācaṃ vatvā. Kataṃ upasampadākammaṃ.

    2548. ан̃н̃аман̃н̃аанусаавзд̇ваад̇и ан̃н̃аман̃н̃асса наамам̣ анусаавзд̇ваа, г̇ахзд̇ваад̇и ад̇т̇о, ан̃н̃аман̃н̃асса наамам̣ г̇ахзд̇ваа гаммаваажам̣ вад̇ваад̇и вуд̇д̇ам̣ ход̇и.

    2548.Aññamaññānusāvetvāti aññamaññassa nāmaṃ anusāvetvā, gahetvāti attho, aññamaññassa nāmaṃ gahetvā kammavācaṃ vatvāti vuttaṃ hoti.

    2549. д̇ам̣ вид̇хим̣ д̣̇ассзд̇умааха ‘‘сумано’’д̇иаад̣̇и. суманод̇и аажарияо. д̇иссат̇зрасса убаж̇жхааяасса. сиссагам̣ сад̣̇д̇хивихааригам̣. анусаавзд̇ийд̇и гаммаваажам̣ саавзд̇и. д̇иссод̇и батамам̣ убаж̇жхааяабхууд̇асса г̇ахан̣ам̣. суманат̇зрассаад̇и батамам̣ аажарияад̇т̇зрамааха. имз д̣̇вз згасиймааяам̣ нисийд̣̇ид̇ваа згагкан̣з ан̃н̃аман̃н̃асса сад̣̇д̇хивихааригаанам̣ гаммаваажам̣ вад̣̇анд̇аа ад̇д̇ано ад̇д̇ано сад̣̇д̇хивихааригам̣ бадижжа убаж̇жхааяааби хонд̇и, анд̇зваасигз бадижжа аажарияааби хонд̇и, ан̃н̃аман̃н̃асса г̇ан̣абуурагаа жа хонд̇ийд̇и вуд̇д̇ам̣ ход̇и. яат̇ааха –

    2549. Taṃ vidhiṃ dassetumāha ‘‘sumano’’tiādi. Sumanoti ācariyo. Tissatherassa upajjhāyassa. Sissakaṃ saddhivihārikaṃ. Anusāvetīti kammavācaṃ sāveti. Tissoti paṭhamaṃ upajjhāyabhūtassa gahaṇaṃ. Sumanatherassāti paṭhamaṃ ācariyattheramāha. Ime dve ekasīmāyaṃ nisīditvā ekakkhaṇe aññamaññassa saddhivihārikānaṃ kammavācaṃ vadantā attano attano saddhivihārikaṃ paṭicca upajjhāyāpi honti, antevāsike paṭicca ācariyāpi honti, aññamaññassa gaṇapūrakā ca hontīti vuttaṃ hoti. Yathāha –

    ‘‘сажз бана наанаажарияаа наанааубаж̇жхааяаа хонд̇и, д̇иссад̇т̇зро суманад̇т̇зрасса сад̣̇д̇хивихааригам̣, суманад̇т̇зро д̇иссад̇т̇зрасса сад̣̇д̇хивихааригам̣ ануссаавзд̇и , ан̃н̃аман̃н̃ан̃жа г̇ан̣абуурагаа хонд̇и, ваддад̇ий’’д̇и (махаава. адта. 123).

    ‘‘Sace pana nānācariyā nānāupajjhāyā honti, tissatthero sumanattherassa saddhivihārikaṃ, sumanatthero tissattherassa saddhivihārikaṃ anussāveti , aññamaññañca gaṇapūrakā honti, vaṭṭatī’’ti (mahāva. aṭṭha. 123).

    2550. ид̇хаад̇и имасмим̣ убасамбад̣̇аад̇хигаарз. бадигкид̇д̇аад̇и ‘‘на д̇взва наанубаж̇жхааязнаа’’д̇и (махаава. 123) бадисид̣̇д̇хаа. логиязхи аад̣̇ижжабуд̇д̇о манууд̇и яо батамагаббиго мануссаанам̣ аад̣̇ирааж̇аа вужжад̇и, д̇асса вам̣сз ж̇аад̇ад̇д̇аа аад̣̇ижжо б̣анд̇ху зд̇ассаад̇и аад̣̇ижжаб̣анд̇ху, бхаг̇аваа, д̇зна.

    2550.Idhāti imasmiṃ upasampadādhikāre. Paṭikkhittāti ‘‘na tveva nānupajjhāyenā’’ti (mahāva. 123) paṭisiddhā. Lokiyehi ādiccaputto manūti yo paṭhamakappiko manussānaṃ ādirājā vuccati, tassa vaṃse jātattā ādicco bandhu etassāti ādiccabandhu, bhagavā, tena.

    махааканд̇хагагат̇ааван̣н̣анаа.

    Mahākhandhakakathāvaṇṇanā.




    Next: убосат̇агканд̇хагагат̇ааван̣н̣анаа • Uposathakkhandhakakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact