| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. баб̣б̣аж̇ж̇абан̃хо
5. Pabbajjapañho
5. ат̇а ко ааяасмаа нааг̇асзно язна милинд̣̇асса ран̃н̃о нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ат̇а ко милинд̣̇о рааж̇аа ааяасманд̇ам̣ нааг̇асзнам̣ сабарисам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа згамзгам̣ бхигкум̣ згамзгзна д̣̇уссаяуг̇зна ажчаад̣̇зд̇ваа ааяасманд̇ам̣ нааг̇асзнам̣ д̇ижийварзна ажчаад̣̇зд̇ваа ааяасманд̇ам̣ нааг̇асзнам̣ зд̇ад̣̇авожа ‘‘бханд̇з нааг̇асзна д̣̇асахи, бхигкуухи сад̣̇д̇хим̣ ид̇ха нисийд̣̇ат̇а, авасзсаа г̇ажчанд̇уу’’д̇и.
5. Atha kho āyasmā nāgaseno yena milindassa rañño nivesanaṃ tenupasaṅkami, upasaṅkamitvā paññatte āsane nisīdi. Atha kho milindo rājā āyasmantaṃ nāgasenaṃ saparisaṃ paṇītena khādanīyena bhojanīyena sahatthā santappetvā sampavāretvā ekamekaṃ bhikkhuṃ ekamekena dussayugena acchādetvā āyasmantaṃ nāgasenaṃ ticīvarena acchādetvā āyasmantaṃ nāgasenaṃ etadavoca ‘‘bhante nāgasena dasahi, bhikkhūhi saddhiṃ idha nisīdatha, avasesā gacchantū’’ti.
ат̇а ко милинд̣̇о рааж̇аа ааяасманд̇ам̣ нааг̇асзнам̣ бхуд̇д̇аавим̣ онийд̇абад̇д̇абаан̣им̣ вид̣̇ид̇ваа ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и, згаманд̇ам̣ нисинно ко милинд̣̇о рааж̇аа ааяасманд̇ам̣ нааг̇асзнам̣ зд̇ад̣̇авожа ‘‘бханд̇з нааг̇асзна, гимхи ход̇и гат̇аасаллаабо’’д̇и? ‘‘ад̇т̇зна маяам̣, махаарааж̇а, ад̇т̇игаа, ад̇т̇з ход̇у гат̇аасаллаабо’’д̇и.
Atha kho milindo rājā āyasmantaṃ nāgasenaṃ bhuttāviṃ onītapattapāṇiṃ viditvā aññataraṃ nīcaṃ āsanaṃ gahetvā ekamantaṃ nisīdi, ekamantaṃ nisinno kho milindo rājā āyasmantaṃ nāgasenaṃ etadavoca ‘‘bhante nāgasena, kimhi hoti kathāsallāpo’’ti? ‘‘Atthena mayaṃ, mahārāja, atthikā, atthe hotu kathāsallāpo’’ti.
рааж̇аа ааха ‘‘гимад̇т̇ияаа, бханд̇з нааг̇асзна, д̇умхаагам̣ баб̣б̣аж̇ж̇аа, го жа д̇умхаагам̣ барамад̇т̇о’’д̇и. т̇зро ааха ‘‘гинд̇и, махаарааж̇а, ид̣̇ам̣ д̣̇угкам̣ нируж̇жхзяяа, ан̃н̃ан̃жа д̣̇угкам̣ на уббаж̇ж̇зяяаад̇и. зд̇ад̣̇ад̇т̇аа, махаарааж̇а, амхаагам̣ баб̣б̣аж̇ж̇аа, анубаад̣̇аа бариниб̣б̣аанам̣ ко бана амхаагам̣ барамад̇т̇о’’д̇и.
Rājā āha ‘‘kimatthiyā, bhante nāgasena, tumhākaṃ pabbajjā, ko ca tumhākaṃ paramattho’’ti. Thero āha ‘‘kinti, mahārāja, idaṃ dukkhaṃ nirujjheyya, aññañca dukkhaṃ na uppajjeyyāti. Etadatthā, mahārāja, amhākaṃ pabbajjā, anupādā parinibbānaṃ kho pana amhākaṃ paramattho’’ti.
‘‘гим̣ бана, бханд̇з нааг̇асзна, саб̣б̣з зд̇ад̣̇ад̇т̇ааяа баб̣б̣аж̇анд̇ий’’д̇и? ‘‘на хи, махаарааж̇а, гзжи зд̇ад̣̇ад̇т̇ааяа баб̣б̣аж̇анд̇и, гзжи рааж̇аабхинийд̇аа 1 баб̣б̣аж̇анд̇и, гзжи жораабхинийд̇аа 2 баб̣б̣аж̇анд̇и, гзжи ин̣аддаа баб̣б̣аж̇анд̇и, гзжи ааж̇ийвигад̇т̇ааяа баб̣б̣аж̇анд̇и, яз бана саммаа баб̣б̣аж̇анд̇и, д̇з зд̇ад̣̇ад̇т̇ааяа баб̣б̣аж̇анд̇ий’’д̇и.
‘‘д̇вам̣ бана, бханд̇з, зд̇ад̣̇ад̇т̇ааяа баб̣б̣аж̇ид̇осий’’д̇и? ‘‘ахам̣ ко, махаарааж̇а, д̣̇ахараго санд̇о баб̣б̣аж̇ид̇о, на ж̇аанаами имасса наамад̇т̇ааяа баб̣б̣аж̇аамийд̇и, аби жа ко мз звам̣ ахоси ‘бан̣д̣ид̇аа имз саман̣аа сагяабуд̇д̇ияаа, д̇з мам̣ сигкаабзссанд̇ий’д̇и, сваахам̣ д̇зхи сигкаабид̇о ж̇аанаами жа бассаами жа ‘имасса наамад̇т̇ааяа баб̣б̣аж̇ж̇аа’’’д̇и.
‘‘Tvaṃ pana, bhante, etadatthāya pabbajitosī’’ti? ‘‘Ahaṃ kho, mahārāja, daharako santo pabbajito, na jānāmi imassa nāmatthāya pabbajāmīti, api ca kho me evaṃ ahosi ‘paṇḍitā ime samaṇā sakyaputtiyā, te maṃ sikkhāpessantī’ti, svāhaṃ tehi sikkhāpito jānāmi ca passāmi ca ‘imassa nāmatthāya pabbajjā’’’ti.
‘‘галлоси , бханд̇з нааг̇асзнаа’’д̇и.
‘‘Kallosi , bhante nāgasenā’’ti.
баб̣б̣аж̇ж̇абан̃хо бан̃жамо.
Pabbajjapañho pañcamo.
Footnotes:
