| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. பப்³ப³ஜ்ஜாஸுத்தவண்ணனா
9. Pabbajjāsuttavaṇṇanā
59. நவமே தஸ்மாதி யஸ்மா ஏவங் அபரிசிதசித்தஸ்ஸ ஸாமஞ்ஞத்தோ² ந ஸம்பஜ்ஜதி, தஸ்மா. யதா²பப்³ப³ஜ்ஜாபரிசிதஞ்ச நோ சித்தங் ப⁴விஸ்ஸதீதி யதா² பப்³ப³ஜ்ஜானுரூபேன பரிசிதங். யே ஹி கேசி பப்³ப³ஜந்தி நாம, ஸப்³பே³ தே அரஹத்தங் பத்தெ²த்வா. தஸ்மா யங் சித்தங் அரஹத்தாதி⁴க³மத்தா²ய பரிசிதங் வட்³டி⁴தங், தங் யதா²பப்³ப³ஜ்ஜாபரிசிதங் நாமாதி வேதி³தப்³ப³ங். ஏவரூபங் பன சித்தங் ப⁴விஸ்ஸதீதி ஸிக்கி²தப்³ப³ங். லோகஸ்ஸ ஸமஞ்ச விஸமஞ்சாதி ஸத்தலோகஸ்ஸ ஸுசரிதது³ச்சரிதானி. லோகஸ்ஸ ப⁴வஞ்ச விப⁴வஞ்சாதி தஸ்ஸ வட்³டி⁴ஞ்ச வினாஸஞ்ச, ததா² ஸம்பத்திஞ்ச விபத்திஞ்ச. லோகஸ்ஸ ஸமுத³யஞ்ச அத்த²ங்க³மஞ்சாதி பன ஸங்கா²ரலோகங் ஸந்தா⁴ய வுத்தங், க²ந்தா⁴னங் நிப்³ப³த்திஞ்ச பே⁴த³ஞ்சாதி அத்தோ².
59. Navame tasmāti yasmā evaṃ aparicitacittassa sāmaññattho na sampajjati, tasmā. Yathāpabbajjāparicitañca no cittaṃ bhavissatīti yathā pabbajjānurūpena paricitaṃ. Ye hi keci pabbajanti nāma, sabbe te arahattaṃ patthetvā. Tasmā yaṃ cittaṃ arahattādhigamatthāya paricitaṃ vaḍḍhitaṃ, taṃ yathāpabbajjāparicitaṃ nāmāti veditabbaṃ. Evarūpaṃ pana cittaṃ bhavissatīti sikkhitabbaṃ. Lokassa samañca visamañcāti sattalokassa sucaritaduccaritāni. Lokassa bhavañca vibhavañcāti tassa vaḍḍhiñca vināsañca, tathā sampattiñca vipattiñca. Lokassasamudayañca atthaṅgamañcāti pana saṅkhāralokaṃ sandhāya vuttaṃ, khandhānaṃ nibbattiñca bhedañcāti attho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. பப்³ப³ஜ்ஜாஸுத்தங் • 9. Pabbajjāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸசித்தஸுத்தாதி³வண்ணனா • 1-10. Sacittasuttādivaṇṇanā
