| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৯. পব্বজ্জাসুত্তৰণ্ণনা
9. Pabbajjāsuttavaṇṇanā
৫৯. নৰমে তস্মাতি যস্মা এৰং অপরিচিতচিত্তস্স সামঞ্ঞত্থো ন সম্পজ্জতি, তস্মা। যথাপব্বজ্জাপরিচিতঞ্চ নো চিত্তং ভৰিস্সতীতি যথা পব্বজ্জানুরূপেন পরিচিতং। যে হি কেচি পব্বজন্তি নাম, সব্বে তে অরহত্তং পত্থেত্ৰা। তস্মা যং চিত্তং অরহত্তাধিগমত্থায পরিচিতং ৰড্ঢিতং, তং যথাপব্বজ্জাপরিচিতং নামাতি ৰেদিতব্বং। এৰরূপং পন চিত্তং ভৰিস্সতীতি সিক্খিতব্বং। লোকস্স সমঞ্চ ৰিসমঞ্চাতি সত্তলোকস্স সুচরিতদুচ্চরিতানি। লোকস্স ভৰঞ্চ ৰিভৰঞ্চাতি তস্স ৰড্ঢিঞ্চ ৰিনাসঞ্চ, তথা সম্পত্তিঞ্চ ৰিপত্তিঞ্চ। লোকস্স সমুদযঞ্চ অত্থঙ্গমঞ্চাতি পন সঙ্খারলোকং সন্ধায ৰুত্তং, খন্ধানং নিব্বত্তিঞ্চ ভেদঞ্চাতি অত্থো।
59. Navame tasmāti yasmā evaṃ aparicitacittassa sāmaññattho na sampajjati, tasmā. Yathāpabbajjāparicitañca no cittaṃ bhavissatīti yathā pabbajjānurūpena paricitaṃ. Ye hi keci pabbajanti nāma, sabbe te arahattaṃ patthetvā. Tasmā yaṃ cittaṃ arahattādhigamatthāya paricitaṃ vaḍḍhitaṃ, taṃ yathāpabbajjāparicitaṃ nāmāti veditabbaṃ. Evarūpaṃ pana cittaṃ bhavissatīti sikkhitabbaṃ. Lokassa samañca visamañcāti sattalokassa sucaritaduccaritāni. Lokassa bhavañca vibhavañcāti tassa vaḍḍhiñca vināsañca, tathā sampattiñca vipattiñca. Lokassasamudayañca atthaṅgamañcāti pana saṅkhāralokaṃ sandhāya vuttaṃ, khandhānaṃ nibbattiñca bhedañcāti attho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৯. পব্বজ্জাসুত্তং • 9. Pabbajjāsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সচিত্তসুত্তাদিৰণ্ণনা • 1-10. Sacittasuttādivaṇṇanā
