| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೯. ಪಬ್ಬಜ್ಜಾಸುತ್ತವಣ್ಣನಾ
9. Pabbajjāsuttavaṇṇanā
೫೯. ನವಮೇ ತಸ್ಮಾತಿ ಯಸ್ಮಾ ಏವಂ ಅಪರಿಚಿತಚಿತ್ತಸ್ಸ ಸಾಮಞ್ಞತ್ಥೋ ನ ಸಮ್ಪಜ್ಜತಿ, ತಸ್ಮಾ। ಯಥಾಪಬ್ಬಜ್ಜಾಪರಿಚಿತಞ್ಚ ನೋ ಚಿತ್ತಂ ಭವಿಸ್ಸತೀತಿ ಯಥಾ ಪಬ್ಬಜ್ಜಾನುರೂಪೇನ ಪರಿಚಿತಂ। ಯೇ ಹಿ ಕೇಚಿ ಪಬ್ಬಜನ್ತಿ ನಾಮ, ಸಬ್ಬೇ ತೇ ಅರಹತ್ತಂ ಪತ್ಥೇತ್ವಾ। ತಸ್ಮಾ ಯಂ ಚಿತ್ತಂ ಅರಹತ್ತಾಧಿಗಮತ್ಥಾಯ ಪರಿಚಿತಂ ವಡ್ಢಿತಂ, ತಂ ಯಥಾಪಬ್ಬಜ್ಜಾಪರಿಚಿತಂ ನಾಮಾತಿ ವೇದಿತಬ್ಬಂ। ಏವರೂಪಂ ಪನ ಚಿತ್ತಂ ಭವಿಸ್ಸತೀತಿ ಸಿಕ್ಖಿತಬ್ಬಂ। ಲೋಕಸ್ಸ ಸಮಞ್ಚ ವಿಸಮಞ್ಚಾತಿ ಸತ್ತಲೋಕಸ್ಸ ಸುಚರಿತದುಚ್ಚರಿತಾನಿ। ಲೋಕಸ್ಸ ಭವಞ್ಚ ವಿಭವಞ್ಚಾತಿ ತಸ್ಸ ವಡ್ಢಿಞ್ಚ ವಿನಾಸಞ್ಚ, ತಥಾ ಸಮ್ಪತ್ತಿಞ್ಚ ವಿಪತ್ತಿಞ್ಚ। ಲೋಕಸ್ಸ ಸಮುದಯಞ್ಚ ಅತ್ಥಙ್ಗಮಞ್ಚಾತಿ ಪನ ಸಙ್ಖಾರಲೋಕಂ ಸನ್ಧಾಯ ವುತ್ತಂ, ಖನ್ಧಾನಂ ನಿಬ್ಬತ್ತಿಞ್ಚ ಭೇದಞ್ಚಾತಿ ಅತ್ಥೋ।
59. Navame tasmāti yasmā evaṃ aparicitacittassa sāmaññattho na sampajjati, tasmā. Yathāpabbajjāparicitañca no cittaṃ bhavissatīti yathā pabbajjānurūpena paricitaṃ. Ye hi keci pabbajanti nāma, sabbe te arahattaṃ patthetvā. Tasmā yaṃ cittaṃ arahattādhigamatthāya paricitaṃ vaḍḍhitaṃ, taṃ yathāpabbajjāparicitaṃ nāmāti veditabbaṃ. Evarūpaṃ pana cittaṃ bhavissatīti sikkhitabbaṃ. Lokassa samañca visamañcāti sattalokassa sucaritaduccaritāni. Lokassa bhavañca vibhavañcāti tassa vaḍḍhiñca vināsañca, tathā sampattiñca vipattiñca. Lokassasamudayañca atthaṅgamañcāti pana saṅkhāralokaṃ sandhāya vuttaṃ, khandhānaṃ nibbattiñca bhedañcāti attho.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೯. ಪಬ್ಬಜ್ಜಾಸುತ್ತಂ • 9. Pabbajjāsuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಸಚಿತ್ತಸುತ್ತಾದಿವಣ್ಣನಾ • 1-10. Sacittasuttādivaṇṇanā
