| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༩. པབྦཛྫཱསུཏྟཝཎྞནཱ
9. Pabbajjāsuttavaṇṇanā
༥༩. ནཝམེ ཏསྨཱཏི ཡསྨཱ ཨེཝཾ ཨཔརིཙིཏཙིཏྟསྶ སཱམཉྙཏྠོ ན སམྤཛྫཏི, ཏསྨཱ། ཡཐཱཔབྦཛྫཱཔརིཙིཏཉྩ ནོ ཙིཏྟཾ བྷཝིསྶཏཱིཏི ཡཐཱ པབྦཛྫཱནུརཱུཔེན པརིཙིཏཾ། ཡེ ཧི ཀེཙི པབྦཛནྟི ནཱམ, སབྦེ ཏེ ཨརཧཏྟཾ པཏྠེཏྭཱ། ཏསྨཱ ཡཾ ཙིཏྟཾ ཨརཧཏྟཱདྷིགམཏྠཱཡ པརིཙིཏཾ ཝཌྜྷིཏཾ, ཏཾ ཡཐཱཔབྦཛྫཱཔརིཙིཏཾ ནཱམཱཏི ཝེདིཏབྦཾ། ཨེཝརཱུཔཾ པན ཙིཏྟཾ བྷཝིསྶཏཱིཏི སིཀྑིཏབྦཾ། ལོཀསྶ སམཉྩ ཝིསམཉྩཱཏི སཏྟལོཀསྶ སུཙརིཏདུཙྩརིཏཱནི། ལོཀསྶ བྷཝཉྩ ཝིབྷཝཉྩཱཏི ཏསྶ ཝཌྜྷིཉྩ ཝིནཱསཉྩ, ཏཐཱ སམྤཏྟིཉྩ ཝིཔཏྟིཉྩ། ལོཀསྶ སམུདཡཉྩ ཨཏྠངྒམཉྩཱཏི པན སངྑཱརལོཀཾ སནྡྷཱཡ ཝུཏྟཾ, ཁནྡྷཱནཾ ནིབྦཏྟིཉྩ བྷེདཉྩཱཏི ཨཏྠོ།
59. Navame tasmāti yasmā evaṃ aparicitacittassa sāmaññattho na sampajjati, tasmā. Yathāpabbajjāparicitañca no cittaṃ bhavissatīti yathā pabbajjānurūpena paricitaṃ. Ye hi keci pabbajanti nāma, sabbe te arahattaṃ patthetvā. Tasmā yaṃ cittaṃ arahattādhigamatthāya paricitaṃ vaḍḍhitaṃ, taṃ yathāpabbajjāparicitaṃ nāmāti veditabbaṃ. Evarūpaṃ pana cittaṃ bhavissatīti sikkhitabbaṃ. Lokassa samañca visamañcāti sattalokassa sucaritaduccaritāni. Lokassa bhavañca vibhavañcāti tassa vaḍḍhiñca vināsañca, tathā sampattiñca vipattiñca. Lokassasamudayañca atthaṅgamañcāti pana saṅkhāralokaṃ sandhāya vuttaṃ, khandhānaṃ nibbattiñca bhedañcāti attho.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. པབྦཛྫཱསུཏྟཾ • 9. Pabbajjāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སཙིཏྟསུཏྟཱདིཝཎྞནཱ • 1-10. Sacittasuttādivaṇṇanā
