| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๙. ปพฺพตราชสุตฺตํ
9. Pabbatarājasuttaṃ
๔๙. ‘‘หิมวนฺตํ, ภิกฺขเว, ปพฺพตราชํ นิสฺสาย มหาสาลา ตีหิ วฑฺฒีหิ วฑฺฒนฺติฯ กตมาหิ ตีหิ? สาขาปตฺตปลาเสน วฑฺฒนฺติ, ตจปปฎิกาย วฑฺฒนฺติ , เผคฺคุสาเรน วฑฺฒนฺติฯ หิมวนฺตํ, ภิกฺขเว, ปพฺพตราชํ นิสฺสาย มหาสาลา อิมาหิ ตีหิ วฑฺฒีหิ วฑฺฒนฺติฯ
49. ‘‘Himavantaṃ, bhikkhave, pabbatarājaṃ nissāya mahāsālā tīhi vaḍḍhīhi vaḍḍhanti. Katamāhi tīhi? Sākhāpattapalāsena vaḍḍhanti, tacapapaṭikāya vaḍḍhanti , pheggusārena vaḍḍhanti. Himavantaṃ, bhikkhave, pabbatarājaṃ nissāya mahāsālā imāhi tīhi vaḍḍhīhi vaḍḍhanti.
‘‘เอวเมวํ โข, ภิกฺขเว, สทฺธํ กุลปติํ นิสฺสาย อโนฺต ชโน ตีหิ วฑฺฒีหิ วฑฺฒติฯ กตมาหิ ตีหิ? สทฺธาย วฑฺฒติ, สีเลน วฑฺฒติ, ปญฺญาย วฑฺฒติฯ สทฺธํ, ภิกฺขเว, กุลปติํ นิสฺสาย อโนฺต ชโน อิมาหิ ตีหิ วฑฺฒีหิ วฑฺฒตี’’ติฯ
‘‘Evamevaṃ kho, bhikkhave, saddhaṃ kulapatiṃ nissāya anto jano tīhi vaḍḍhīhi vaḍḍhati. Katamāhi tīhi? Saddhāya vaḍḍhati, sīlena vaḍḍhati, paññāya vaḍḍhati. Saddhaṃ, bhikkhave, kulapatiṃ nissāya anto jano imāhi tīhi vaḍḍhīhi vaḍḍhatī’’ti.
‘‘ยถาปิ ปพฺพโต เสโล, อรญฺญสฺมิํ พฺรหาวเน;
‘‘Yathāpi pabbato selo, araññasmiṃ brahāvane;
ตํ รุกฺขา อุปนิสฺสาย, วฑฺฒเนฺต เต วนปฺปตีฯ
Taṃ rukkhā upanissāya, vaḍḍhante te vanappatī.
‘‘ตเถว สีลสมฺปนฺนํ, สทฺธํ กุลปติํ อิธ;
‘‘Tatheva sīlasampannaṃ, saddhaṃ kulapatiṃ idha;
อุปนิสฺสาย วฑฺฒนฺติ, ปุตฺตทารา จ พนฺธวา;
Upanissāya vaḍḍhanti, puttadārā ca bandhavā;
อมจฺจา ญาติสงฺฆา จ, เย จสฺส อนุชีวิโนฯ
Amaccā ñātisaṅghā ca, ye cassa anujīvino.
‘‘ตฺยาสฺส สีลวโต สีลํ, จาคํ สุจริตานิ จ;
‘‘Tyāssa sīlavato sīlaṃ, cāgaṃ sucaritāni ca;
‘‘อิธ ธมฺมํ จริตฺวาน, มคฺคํ สุคติคามินํ;
‘‘Idha dhammaṃ caritvāna, maggaṃ sugatigāminaṃ;
นนฺทิโน เทวโลกสฺมิํ, โมทนฺติ กามกามิโน’’ติฯ นวมํ;
Nandino devalokasmiṃ, modanti kāmakāmino’’ti. navamaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๙. ปพฺพตราชสุตฺตวณฺณนา • 9. Pabbatarājasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๙. ปพฺพตราชสุตฺตวณฺณนา • 9. Pabbatarājasuttavaṇṇanā
