| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. баб̣б̣ад̇асуд̇д̇ам̣
5. Pabbatasuttaṃ
128. саавад̇т̇ияам̣ вихарад̇и…бз… аараамз. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘гийвад̣̇ийгхо ну ко, бханд̇з, габбо’’д̇и? ‘‘д̣̇ийгхо ко, бхигку, габбо. со на сугаро сан̇каад̇ум̣ зд̇д̇агаани вассаани ид̇и ваа, зд̇д̇агаани вассасад̇аани ид̇и ваа, зд̇д̇агаани вассасахассаани ид̇и ваа, зд̇д̇агаани вассасад̇асахассаани ид̇и ваа’’д̇и.
128. Sāvatthiyaṃ viharati…pe… ārāme. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘kīvadīgho nu kho, bhante, kappo’’ti? ‘‘Dīgho kho, bhikkhu, kappo. So na sukaro saṅkhātuṃ ettakāni vassāni iti vā, ettakāni vassasatāni iti vā, ettakāni vassasahassāni iti vā, ettakāni vassasatasahassāni iti vā’’ti.
‘‘саггаа бана, бханд̇з, убамам̣ гаад̇у’’нд̇и? ‘‘саггаа, бхигкуу’’д̇и бхаг̇аваа авожа. ‘‘сзяяат̇ааби , бхигку, махаасзло баб̣б̣ад̇о яож̇анам̣ ааяаамзна яож̇анам̣ вид̇т̇аарзна яож̇анам̣ уб̣б̣зд̇хзна ажчинно асусиро згаг̇гхано. д̇амзнам̣ бурисо вассасад̇асса вассасад̇асса ажжаязна гаасигзна вад̇т̇зна сагим̣ сагим̣ баримаж̇ж̇зяяа. киббад̇арам̣ ко со, бхигку, махаасзло баб̣б̣ад̇о иминаа убаггамзна баригкаяам̣ барияаад̣̇аанам̣ г̇ажчзяяа , на д̇взва габбо. звам̣ д̣̇ийгхо, бхигку, габбо. звам̣ д̣̇ийгхаанам̣ ко, бхигку , габбаанам̣ нзго габбо сам̣сид̇о, нзгам̣ габбасад̇ам̣ сам̣сид̇ам̣, нзгам̣ габбасахассам̣ сам̣сид̇ам̣, нзгам̣ габбасад̇асахассам̣ сам̣сид̇ам̣. д̇ам̣ гисса хзд̇у? анамад̇аг̇г̇ояам̣, бхигку, сам̣сааро. буб̣б̣аа годи…бз… яааван̃жид̣̇ам̣, бхигку, аламзва саб̣б̣асан̇каарзсу ниб̣б̣инд̣̇ид̇ум̣, алам̣ вираж̇ж̇ид̇ум̣, алам̣ вимужжид̇у’’нд̇и. бан̃жамам̣.
‘‘Sakkā pana, bhante, upamaṃ kātu’’nti? ‘‘Sakkā, bhikkhū’’ti bhagavā avoca. ‘‘Seyyathāpi , bhikkhu, mahāselo pabbato yojanaṃ āyāmena yojanaṃ vitthārena yojanaṃ ubbedhena acchinno asusiro ekagghano. Tamenaṃ puriso vassasatassa vassasatassa accayena kāsikena vatthena sakiṃ sakiṃ parimajjeyya. Khippataraṃ kho so, bhikkhu, mahāselo pabbato iminā upakkamena parikkhayaṃ pariyādānaṃ gaccheyya , na tveva kappo. Evaṃ dīgho, bhikkhu, kappo. Evaṃ dīghānaṃ kho, bhikkhu , kappānaṃ neko kappo saṃsito, nekaṃ kappasataṃ saṃsitaṃ, nekaṃ kappasahassaṃ saṃsitaṃ, nekaṃ kappasatasahassaṃ saṃsitaṃ. Taṃ kissa hetu? Anamataggoyaṃ, bhikkhu, saṃsāro. Pubbā koṭi…pe… yāvañcidaṃ, bhikkhu, alameva sabbasaṅkhāresu nibbindituṃ, alaṃ virajjituṃ, alaṃ vimuccitu’’nti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. баб̣б̣ад̇асуд̇д̇аван̣н̣анаа • 5. Pabbatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. баб̣б̣ад̇асуд̇д̇аван̣н̣анаа • 5. Pabbatasuttavaṇṇanā
