| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. පබ්‌බතසුත්‌තං
9. Pabbatasuttaṃ
82. සාවත්‌ථියං විහරති…පෙ.… ‘‘සෙය්‍යථාපි, භික්‌ඛවෙ, පුරිසො හිමවතො පබ්‌බතරාජස්‌ස සත්‌ත සාසපමත්‌තියො පාසාණසක්‌ඛරා උපනික්‌ඛිපෙය්‍ය. තං කිං මඤ්‌ඤථ, භික්‌ඛවෙ, කතමං නු ඛො බහුතරං, යා වා සත්‌ත සාසපමත්‌තියො පාසාණසක්‌ඛරා උපනික්‌ඛිත්‌තා යො වා හිමවා 1 පබ්‌බතරාජා’’ති?
82. Sāvatthiyaṃ viharati…pe… ‘‘seyyathāpi, bhikkhave, puriso himavato pabbatarājassa satta sāsapamattiyo pāsāṇasakkharā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ, yā vā satta sāsapamattiyo pāsāṇasakkharā upanikkhittā yo vā himavā 2 pabbatarājā’’ti?
‘‘එතදෙව, භන්‌තෙ, බහුතරං යදිදං හිමවා පබ්‌බතරාජා; අප්‌පමත්‌තිකා සත්‌ත සාසපමත්‌තියො පාසාණසක්‌ඛරා උපනික්‌ඛිත්‌තා. නෙව සතිමං කලං උපෙන්‌ති න සහස්‌සිමං කලං උපෙන්‌ති න සතසහස්‌සිමං කලං උපෙන්‌ති හිමවන්‌තං පබ්‌බතරාජානං උපනිධාය සත්‌ත සාසපමත්‌තියො පාසාණසක්‌ඛරා උපනික්‌ඛිත්‌තා’’ති. ‘‘එවමෙව ඛො…පෙ.… ධම්‌මචක්‌ඛුපටිලාභො’’ති. නවමං.
‘‘Etadeva, bhante, bahutaraṃ yadidaṃ himavā pabbatarājā; appamattikā satta sāsapamattiyo pāsāṇasakkharā upanikkhittā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti himavantaṃ pabbatarājānaṃ upanidhāya satta sāsapamattiyo pāsāṇasakkharā upanikkhittā’’ti. ‘‘Evameva kho…pe… dhammacakkhupaṭilābho’’ti. Navamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. පථවීසුත්‌තාදිවණ්‌ණනා • 5. Pathavīsuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පථවීසුත්‌තාදිවණ්‌ණනා • 4. Pathavīsuttādivaṇṇanā
