| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. பப்³ப³தூபமஸுத்தங்
5. Pabbatūpamasuttaṃ
136. ஸாவத்தி²னிதா³னங் . ஏகமந்தங் நிஸின்னங் கோ² ராஜானங் பஸேனதி³ங் கோஸலங் ப⁴க³வா ஏதத³வோச – ‘‘ஹந்த³, குதோ நு த்வங், மஹாராஜ, ஆக³ச்ச²ஸி தி³வா தி³வஸ்ஸா’’தி? ‘‘யானி தானி, ப⁴ந்தே, ரஞ்ஞங் க²த்தியானங் முத்³தா⁴வஸித்தானங் இஸ்ஸரியமத³மத்தானங் காமகே³த⁴பரியுட்டி²தானங் ஜனபத³த்தா²வரியப்பத்தானங் மஹந்தங் பத²விமண்ட³லங் அபி⁴விஜிய அஜ்ஜா²வஸந்தானங் ராஜகரணீயானி ப⁴வந்தி, தேஸு க்²வாஹங், ஏதரஹி உஸ்ஸுக்கமாபன்னோ’’தி.
136. Sāvatthinidānaṃ . Ekamantaṃ nisinnaṃ kho rājānaṃ pasenadiṃ kosalaṃ bhagavā etadavoca – ‘‘handa, kuto nu tvaṃ, mahārāja, āgacchasi divā divassā’’ti? ‘‘Yāni tāni, bhante, raññaṃ khattiyānaṃ muddhāvasittānaṃ issariyamadamattānaṃ kāmagedhapariyuṭṭhitānaṃ janapadatthāvariyappattānaṃ mahantaṃ pathavimaṇḍalaṃ abhivijiya ajjhāvasantānaṃ rājakaraṇīyāni bhavanti, tesu khvāhaṃ, etarahi ussukkamāpanno’’ti.
‘‘தங் கிங் மஞ்ஞஸி, மஹாராஜ, இத⁴ தே புரிஸோ ஆக³ச்செ²ய்ய புரத்தி²மாய தி³ஸாய ஸத்³தா⁴யிகோ பச்சயிகோ. ஸோ தங் உபஸங்கமித்வா ஏவங் வதெ³ய்ய – ‘யக்³கே⁴, மஹாராஜ, ஜானெய்யாஸி, அஹங் ஆக³ச்சா²மி புரத்தி²மாய தி³ஸாய. தத்த²த்³த³ஸங் மஹந்தங் பப்³ப³தங் அப்³ப⁴ஸமங் ஸப்³பே³ பாணே நிப்போதெ²ந்தோ ஆக³ச்ச²தி. யங் தே, மஹாராஜ, கரணீயங், தங் கரோஹீ’தி. அத² து³தியோ புரிஸோ ஆக³ச்செ²ய்ய பச்சி²மாய தி³ஸாய…பே॰… அத² ததியோ புரிஸோ ஆக³ச்செ²ய்ய உத்தராய தி³ஸாய…பே॰… அத² சதுத்தோ² புரிஸோ ஆக³ச்செ²ய்ய த³க்கி²ணாய தி³ஸாய ஸத்³தா⁴யிகோ பச்சயிகோ. ஸோ தங் உபஸங்கமித்வா ஏவங் வதெ³ய்ய – ‘யக்³கே⁴ மஹாராஜ, ஜானெய்யாஸி, அஹங் ஆக³ச்சா²மி த³க்கி²ணாய தி³ஸாய. தத்த²த்³த³ஸங் மஹந்தங் பப்³ப³தங் அப்³ப⁴ஸமங் ஸப்³பே³ பாணே நிப்போதெ²ந்தோ ஆக³ச்ச²தி. யங் தே, மஹாராஜ, கரணீயங் தங் கரோஹீ’தி. ஏவரூபே தே, மஹாராஜ, மஹதி மஹப்³ப⁴யே ஸமுப்பன்னே தா³ருணே மனுஸ்ஸக்க²யே 1 து³ல்லபே⁴ மனுஸ்ஸத்தே கிமஸ்ஸ கரணீய’’ந்தி?
‘‘Taṃ kiṃ maññasi, mahārāja, idha te puriso āgaccheyya puratthimāya disāya saddhāyiko paccayiko. So taṃ upasaṅkamitvā evaṃ vadeyya – ‘yagghe, mahārāja, jāneyyāsi, ahaṃ āgacchāmi puratthimāya disāya. Tatthaddasaṃ mahantaṃ pabbataṃ abbhasamaṃ sabbe pāṇe nippothento āgacchati. Yaṃ te, mahārāja, karaṇīyaṃ, taṃ karohī’ti. Atha dutiyo puriso āgaccheyya pacchimāya disāya…pe… atha tatiyo puriso āgaccheyya uttarāya disāya…pe… atha catuttho puriso āgaccheyya dakkhiṇāya disāya saddhāyiko paccayiko. So taṃ upasaṅkamitvā evaṃ vadeyya – ‘yagghe mahārāja, jāneyyāsi, ahaṃ āgacchāmi dakkhiṇāya disāya. Tatthaddasaṃ mahantaṃ pabbataṃ abbhasamaṃ sabbe pāṇe nippothento āgacchati. Yaṃ te, mahārāja, karaṇīyaṃ taṃ karohī’ti. Evarūpe te, mahārāja, mahati mahabbhaye samuppanne dāruṇe manussakkhaye 2 dullabhe manussatte kimassa karaṇīya’’nti?
‘‘ஏவரூபே மே, ப⁴ந்தே, மஹதி மஹப்³ப⁴யே ஸமுப்பன்னே தா³ருணே மனுஸ்ஸக்க²யே து³ல்லபே⁴ மனுஸ்ஸத்தே கிமஸ்ஸ கரணீயங் அஞ்ஞத்ர த⁴ம்மசரியாய அஞ்ஞத்ர ஸமசரியாய அஞ்ஞத்ர குஸலகிரியாய அஞ்ஞத்ர புஞ்ஞகிரியாயா’’தி?
‘‘Evarūpe me, bhante, mahati mahabbhaye samuppanne dāruṇe manussakkhaye dullabhe manussatte kimassa karaṇīyaṃ aññatra dhammacariyāya aññatra samacariyāya aññatra kusalakiriyāya aññatra puññakiriyāyā’’ti?
‘‘ஆரோசேமி கோ² தே, மஹாராஜ, படிவேதே³மி கோ² தே, மஹாராஜ, அதி⁴வத்ததி கோ² தங், மஹாராஜ, ஜராமரணங். அதி⁴வத்தமானே சே தே, மஹாராஜ, ஜராமரணே கிமஸ்ஸ கரணீய’’ந்தி? ‘‘அதி⁴வத்தமானே ச மே, ப⁴ந்தே, ஜராமரணே கிமஸ்ஸ கரணீயங் அஞ்ஞத்ர த⁴ம்மசரியாய ஸமசரியாய குஸலகிரியாய புஞ்ஞகிரியாய? யானி தானி, ப⁴ந்தே, ரஞ்ஞங் க²த்தியானங் முத்³தா⁴வஸித்தானங் இஸ்ஸரியமத³மத்தானங் காமகே³த⁴பரியுட்டி²தானங் ஜனபத³த்தா²வரியப்பத்தானங் மஹந்தங் பத²விமண்ட³லங் அபி⁴விஜிய அஜ்ஜா²வஸந்தானங் ஹத்தி²யுத்³தா⁴னி ப⁴வந்தி; தேஸம்பி, ப⁴ந்தே, ஹத்தி²யுத்³தா⁴னங் நத்தி² க³தி நத்தி² விஸயோ அதி⁴வத்தமானே ஜராமரணே. யானிபி தானி, ப⁴ந்தே, ரஞ்ஞங் க²த்தியானங் முத்³தா⁴வஸித்தானங்…பே॰… அஜ்ஜா²வஸந்தானங் அஸ்ஸயுத்³தா⁴னி ப⁴வந்தி…பே॰… ரத²யுத்³தா⁴னி ப⁴வந்தி …பே॰… பத்தியுத்³தா⁴னி ப⁴வந்தி; தேஸம்பி , ப⁴ந்தே, பத்தியுத்³தா⁴னங் நத்தி² க³தி நத்தி² விஸயோ அதி⁴வத்தமானே ஜராமரணே. ஸந்தி கோ² பன, ப⁴ந்தே, இமஸ்மிங் ராஜகுலே மந்தினோ மஹாமத்தா, யே பஹொந்தி 3 ஆக³தே பச்சத்தி²கே மந்தேஹி பே⁴த³யிதுங். தேஸம்பி, ப⁴ந்தே, மந்தயுத்³தா⁴னங் நத்தி² க³தி நத்தி² விஸயோ அதி⁴வத்தமானே ஜராமரணே. ஸங்விஜ்ஜதி கோ² பன, ப⁴ந்தே, இமஸ்மிங் ராஜகுலே பஹூதங் ஹிரஞ்ஞஸுவண்ணங் பூ⁴மிக³தஞ்சேவ வேஹாஸட்ட²ஞ்ச, யேன மயங் பஹோம ஆக³தே பச்சத்தி²கே த⁴னேன உபலாபேதுங். தேஸம்பி, ப⁴ந்தே, த⁴னயுத்³தா⁴னங் நத்தி² க³தி நத்தி² விஸயோ அதி⁴வத்தமானே ஜராமரணே. அதி⁴வத்தமானே ச மே, ப⁴ந்தே, ஜராமரணே கிமஸ்ஸ கரணீயங் அஞ்ஞத்ர த⁴ம்மசரியாய ஸமசரியாய குஸலகிரியாய புஞ்ஞகிரியாயா’’தி?
‘‘Ārocemi kho te, mahārāja, paṭivedemi kho te, mahārāja, adhivattati kho taṃ, mahārāja, jarāmaraṇaṃ. Adhivattamāne ce te, mahārāja, jarāmaraṇe kimassa karaṇīya’’nti? ‘‘Adhivattamāne ca me, bhante, jarāmaraṇe kimassa karaṇīyaṃ aññatra dhammacariyāya samacariyāya kusalakiriyāya puññakiriyāya? Yāni tāni, bhante, raññaṃ khattiyānaṃ muddhāvasittānaṃ issariyamadamattānaṃ kāmagedhapariyuṭṭhitānaṃ janapadatthāvariyappattānaṃ mahantaṃ pathavimaṇḍalaṃ abhivijiya ajjhāvasantānaṃ hatthiyuddhāni bhavanti; tesampi, bhante, hatthiyuddhānaṃ natthi gati natthi visayo adhivattamāne jarāmaraṇe. Yānipi tāni, bhante, raññaṃ khattiyānaṃ muddhāvasittānaṃ…pe… ajjhāvasantānaṃ assayuddhāni bhavanti…pe… rathayuddhāni bhavanti …pe… pattiyuddhāni bhavanti; tesampi , bhante, pattiyuddhānaṃ natthi gati natthi visayo adhivattamāne jarāmaraṇe. Santi kho pana, bhante, imasmiṃ rājakule mantino mahāmattā, ye pahonti 4 āgate paccatthike mantehi bhedayituṃ. Tesampi, bhante, mantayuddhānaṃ natthi gati natthi visayo adhivattamāne jarāmaraṇe. Saṃvijjati kho pana, bhante, imasmiṃ rājakule pahūtaṃ hiraññasuvaṇṇaṃ bhūmigatañceva vehāsaṭṭhañca, yena mayaṃ pahoma āgate paccatthike dhanena upalāpetuṃ. Tesampi, bhante, dhanayuddhānaṃ natthi gati natthi visayo adhivattamāne jarāmaraṇe. Adhivattamāne ca me, bhante, jarāmaraṇe kimassa karaṇīyaṃ aññatra dhammacariyāya samacariyāya kusalakiriyāya puññakiriyāyā’’ti?
‘‘ஏவமேதங், மஹாராஜ, ஏவமேதங், மஹாராஜ! அதி⁴வத்தமானே ஜராமரணே கிமஸ்ஸ கரணீயங் அஞ்ஞத்ர த⁴ம்மசரியாய ஸமசரியாய குஸலகிரியாய புஞ்ஞகிரியாயா’’தி? இத³மவோச ப⁴க³வா…பே॰… ஸத்தா² –
‘‘Evametaṃ, mahārāja, evametaṃ, mahārāja! Adhivattamāne jarāmaraṇe kimassa karaṇīyaṃ aññatra dhammacariyāya samacariyāya kusalakiriyāya puññakiriyāyā’’ti? Idamavoca bhagavā…pe… satthā –
‘‘யதா²பி ஸேலா விபுலா, நப⁴ங் ஆஹச்ச பப்³ப³தா;
‘‘Yathāpi selā vipulā, nabhaṃ āhacca pabbatā;
ஸமந்தானுபரியாயெய்யுங், நிப்போதெ²ந்தோ சதுத்³தி³ஸா.
Samantānupariyāyeyyuṃ, nippothento catuddisā.
க²த்தியே ப்³ராஹ்மணே வெஸ்ஸே, ஸுத்³தே³ சண்டா³லபுக்குஸே;
Khattiye brāhmaṇe vesse, sudde caṇḍālapukkuse;
‘‘ந தத்த² ஹத்தீ²னங் பூ⁴மி, ந ரதா²னங் ந பத்தியா;
‘‘Na tattha hatthīnaṃ bhūmi, na rathānaṃ na pattiyā;
ந சாபி மந்தயுத்³தே⁴ன, ஸக்கா ஜேதுங் த⁴னேன வா.
Na cāpi mantayuddhena, sakkā jetuṃ dhanena vā.
‘‘தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ;
‘‘Tasmā hi paṇḍito poso, sampassaṃ atthamattano;
பு³த்³தே⁴ த⁴ம்மே ச ஸங்கே⁴ ச, தீ⁴ரோ ஸத்³த⁴ங் நிவேஸயே.
Buddhe dhamme ca saṅghe ca, dhīro saddhaṃ nivesaye.
இதே⁴வ நங் பஸங்ஸந்தி, பேச்ச ஸக்³கே³ பமோத³தீ’’தி.
Idheva naṃ pasaṃsanti, pecca sagge pamodatī’’ti.
ததியோ வக்³கோ³.
Tatiyo vaggo.
தஸ்ஸுத்³தா³னங் –
Tassuddānaṃ –
தே³ஸிதங் பு³த்³த⁴ஸெட்டே²ன, இமங் கோஸலபஞ்சகந்தி.
Desitaṃ buddhaseṭṭhena, imaṃ kosalapañcakanti.
கோஸலஸங்யுத்தங் ஸமத்தங்.
Kosalasaṃyuttaṃ samattaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. பப்³ப³தூபமஸுத்தவண்ணனா • 5. Pabbatūpamasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. பப்³ப³தூபமஸுத்தவண்ணனா • 5. Pabbatūpamasuttavaṇṇanā
