| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. баб̣б̣ад̇уубамасуд̇д̇ам̣
5. Pabbatūpamasuttaṃ
136. саавад̇т̇инид̣̇аанам̣ . згаманд̇ам̣ нисиннам̣ ко рааж̇аанам̣ басзнад̣̇им̣ госалам̣ бхаг̇аваа зд̇ад̣̇авожа – ‘‘ханд̣̇а, гуд̇о ну д̇вам̣, махаарааж̇а, ааг̇ажчаси д̣̇иваа д̣̇ивассаа’’д̇и? ‘‘яаани д̇аани, бханд̇з, ран̃н̃ам̣ кад̇д̇ияаанам̣ муд̣̇д̇хаавасид̇д̇аанам̣ иссарияамад̣̇амад̇д̇аанам̣ гаамаг̇зд̇хабарияудтид̇аанам̣ ж̇анабад̣̇ад̇т̇ааварияаббад̇д̇аанам̣ маханд̇ам̣ бат̇авиман̣д̣алам̣ абхивиж̇ияа аж̇жхаавасанд̇аанам̣ рааж̇агаран̣ийяаани бхаванд̇и, д̇зсу кваахам̣, зд̇арахи уссуггамаабанно’’д̇и.
136. Sāvatthinidānaṃ . Ekamantaṃ nisinnaṃ kho rājānaṃ pasenadiṃ kosalaṃ bhagavā etadavoca – ‘‘handa, kuto nu tvaṃ, mahārāja, āgacchasi divā divassā’’ti? ‘‘Yāni tāni, bhante, raññaṃ khattiyānaṃ muddhāvasittānaṃ issariyamadamattānaṃ kāmagedhapariyuṭṭhitānaṃ janapadatthāvariyappattānaṃ mahantaṃ pathavimaṇḍalaṃ abhivijiya ajjhāvasantānaṃ rājakaraṇīyāni bhavanti, tesu khvāhaṃ, etarahi ussukkamāpanno’’ti.
‘‘д̇ам̣ гим̣ ман̃н̃аси, махаарааж̇а, ид̇ха д̇з бурисо ааг̇ажчзяяа бурад̇т̇имааяа д̣̇исааяа сад̣̇д̇хааяиго бажжаяиго. со д̇ам̣ убасан̇гамид̇ваа звам̣ вад̣̇зяяа – ‘яаг̇гхз, махаарааж̇а, ж̇аанзяяааси, ахам̣ ааг̇ажчаами бурад̇т̇имааяа д̣̇исааяа. д̇ад̇т̇ад̣̇д̣̇асам̣ маханд̇ам̣ баб̣б̣ад̇ам̣ аб̣бхасамам̣ саб̣б̣з баан̣з ниббот̇знд̇о ааг̇ажчад̇и. яам̣ д̇з, махаарааж̇а, гаран̣ийяам̣, д̇ам̣ гарохий’д̇и. ат̇а д̣̇уд̇ияо бурисо ааг̇ажчзяяа бажчимааяа д̣̇исааяа…бз… ат̇а д̇ад̇ияо бурисо ааг̇ажчзяяа уд̇д̇арааяа д̣̇исааяа…бз… ат̇а жад̇уд̇т̇о бурисо ааг̇ажчзяяа д̣̇агкин̣ааяа д̣̇исааяа сад̣̇д̇хааяиго бажжаяиго. со д̇ам̣ убасан̇гамид̇ваа звам̣ вад̣̇зяяа – ‘яаг̇гхз махаарааж̇а, ж̇аанзяяааси, ахам̣ ааг̇ажчаами д̣̇агкин̣ааяа д̣̇исааяа. д̇ад̇т̇ад̣̇д̣̇асам̣ маханд̇ам̣ баб̣б̣ад̇ам̣ аб̣бхасамам̣ саб̣б̣з баан̣з ниббот̇знд̇о ааг̇ажчад̇и. яам̣ д̇з, махаарааж̇а, гаран̣ийяам̣ д̇ам̣ гарохий’д̇и. зваруубз д̇з, махаарааж̇а, махад̇и махаб̣бхаяз самуббаннз д̣̇аарун̣з мануссагкаяз 1 д̣̇уллабхз мануссад̇д̇з гимасса гаран̣ийяа’’нд̇и?
‘‘Taṃ kiṃ maññasi, mahārāja, idha te puriso āgaccheyya puratthimāya disāya saddhāyiko paccayiko. So taṃ upasaṅkamitvā evaṃ vadeyya – ‘yagghe, mahārāja, jāneyyāsi, ahaṃ āgacchāmi puratthimāya disāya. Tatthaddasaṃ mahantaṃ pabbataṃ abbhasamaṃ sabbe pāṇe nippothento āgacchati. Yaṃ te, mahārāja, karaṇīyaṃ, taṃ karohī’ti. Atha dutiyo puriso āgaccheyya pacchimāya disāya…pe… atha tatiyo puriso āgaccheyya uttarāya disāya…pe… atha catuttho puriso āgaccheyya dakkhiṇāya disāya saddhāyiko paccayiko. So taṃ upasaṅkamitvā evaṃ vadeyya – ‘yagghe mahārāja, jāneyyāsi, ahaṃ āgacchāmi dakkhiṇāya disāya. Tatthaddasaṃ mahantaṃ pabbataṃ abbhasamaṃ sabbe pāṇe nippothento āgacchati. Yaṃ te, mahārāja, karaṇīyaṃ taṃ karohī’ti. Evarūpe te, mahārāja, mahati mahabbhaye samuppanne dāruṇe manussakkhaye 2 dullabhe manussatte kimassa karaṇīya’’nti?
‘‘зваруубз мз, бханд̇з, махад̇и махаб̣бхаяз самуббаннз д̣̇аарун̣з мануссагкаяз д̣̇уллабхз мануссад̇д̇з гимасса гаран̣ийяам̣ ан̃н̃ад̇ра д̇хаммажарияааяа ан̃н̃ад̇ра самажарияааяа ан̃н̃ад̇ра гусалагирияааяа ан̃н̃ад̇ра бун̃н̃агирияааяаа’’д̇и?
‘‘Evarūpe me, bhante, mahati mahabbhaye samuppanne dāruṇe manussakkhaye dullabhe manussatte kimassa karaṇīyaṃ aññatra dhammacariyāya aññatra samacariyāya aññatra kusalakiriyāya aññatra puññakiriyāyā’’ti?
‘‘аарожзми ко д̇з, махаарааж̇а, бадивзд̣̇зми ко д̇з, махаарааж̇а, ад̇хивад̇д̇ад̇и ко д̇ам̣, махаарааж̇а, ж̇араамаран̣ам̣. ад̇хивад̇д̇амаанз жз д̇з, махаарааж̇а, ж̇араамаран̣з гимасса гаран̣ийяа’’нд̇и? ‘‘ад̇хивад̇д̇амаанз жа мз, бханд̇з, ж̇араамаран̣з гимасса гаран̣ийяам̣ ан̃н̃ад̇ра д̇хаммажарияааяа самажарияааяа гусалагирияааяа бун̃н̃агирияааяа? яаани д̇аани, бханд̇з, ран̃н̃ам̣ кад̇д̇ияаанам̣ муд̣̇д̇хаавасид̇д̇аанам̣ иссарияамад̣̇амад̇д̇аанам̣ гаамаг̇зд̇хабарияудтид̇аанам̣ ж̇анабад̣̇ад̇т̇ааварияаббад̇д̇аанам̣ маханд̇ам̣ бат̇авиман̣д̣алам̣ абхивиж̇ияа аж̇жхаавасанд̇аанам̣ хад̇т̇ияуд̣̇д̇хаани бхаванд̇и; д̇зсамби, бханд̇з, хад̇т̇ияуд̣̇д̇хаанам̣ над̇т̇и г̇ад̇и над̇т̇и висаяо ад̇хивад̇д̇амаанз ж̇араамаран̣з. яааниби д̇аани, бханд̇з, ран̃н̃ам̣ кад̇д̇ияаанам̣ муд̣̇д̇хаавасид̇д̇аанам̣…бз… аж̇жхаавасанд̇аанам̣ ассаяуд̣̇д̇хаани бхаванд̇и…бз… рат̇аяуд̣̇д̇хаани бхаванд̇и …бз… бад̇д̇ияуд̣̇д̇хаани бхаванд̇и; д̇зсамби , бханд̇з, бад̇д̇ияуд̣̇д̇хаанам̣ над̇т̇и г̇ад̇и над̇т̇и висаяо ад̇хивад̇д̇амаанз ж̇араамаран̣з. санд̇и ко бана, бханд̇з, имасмим̣ рааж̇агулз манд̇ино махаамад̇д̇аа, яз бахонд̇и 3 ааг̇ад̇з бажжад̇т̇игз манд̇зхи бхзд̣̇аяид̇ум̣. д̇зсамби, бханд̇з, манд̇аяуд̣̇д̇хаанам̣ над̇т̇и г̇ад̇и над̇т̇и висаяо ад̇хивад̇д̇амаанз ж̇араамаран̣з. сам̣виж̇ж̇ад̇и ко бана, бханд̇з, имасмим̣ рааж̇агулз бахууд̇ам̣ хиран̃н̃асуван̣н̣ам̣ бхуумиг̇ад̇ан̃жзва взхаасадтан̃жа, язна маяам̣ бахома ааг̇ад̇з бажжад̇т̇игз д̇ханзна убалаабзд̇ум̣. д̇зсамби, бханд̇з, д̇ханаяуд̣̇д̇хаанам̣ над̇т̇и г̇ад̇и над̇т̇и висаяо ад̇хивад̇д̇амаанз ж̇араамаран̣з. ад̇хивад̇д̇амаанз жа мз, бханд̇з, ж̇араамаран̣з гимасса гаран̣ийяам̣ ан̃н̃ад̇ра д̇хаммажарияааяа самажарияааяа гусалагирияааяа бун̃н̃агирияааяаа’’д̇и?
‘‘Ārocemi kho te, mahārāja, paṭivedemi kho te, mahārāja, adhivattati kho taṃ, mahārāja, jarāmaraṇaṃ. Adhivattamāne ce te, mahārāja, jarāmaraṇe kimassa karaṇīya’’nti? ‘‘Adhivattamāne ca me, bhante, jarāmaraṇe kimassa karaṇīyaṃ aññatra dhammacariyāya samacariyāya kusalakiriyāya puññakiriyāya? Yāni tāni, bhante, raññaṃ khattiyānaṃ muddhāvasittānaṃ issariyamadamattānaṃ kāmagedhapariyuṭṭhitānaṃ janapadatthāvariyappattānaṃ mahantaṃ pathavimaṇḍalaṃ abhivijiya ajjhāvasantānaṃ hatthiyuddhāni bhavanti; tesampi, bhante, hatthiyuddhānaṃ natthi gati natthi visayo adhivattamāne jarāmaraṇe. Yānipi tāni, bhante, raññaṃ khattiyānaṃ muddhāvasittānaṃ…pe… ajjhāvasantānaṃ assayuddhāni bhavanti…pe… rathayuddhāni bhavanti …pe… pattiyuddhāni bhavanti; tesampi , bhante, pattiyuddhānaṃ natthi gati natthi visayo adhivattamāne jarāmaraṇe. Santi kho pana, bhante, imasmiṃ rājakule mantino mahāmattā, ye pahonti 4 āgate paccatthike mantehi bhedayituṃ. Tesampi, bhante, mantayuddhānaṃ natthi gati natthi visayo adhivattamāne jarāmaraṇe. Saṃvijjati kho pana, bhante, imasmiṃ rājakule pahūtaṃ hiraññasuvaṇṇaṃ bhūmigatañceva vehāsaṭṭhañca, yena mayaṃ pahoma āgate paccatthike dhanena upalāpetuṃ. Tesampi, bhante, dhanayuddhānaṃ natthi gati natthi visayo adhivattamāne jarāmaraṇe. Adhivattamāne ca me, bhante, jarāmaraṇe kimassa karaṇīyaṃ aññatra dhammacariyāya samacariyāya kusalakiriyāya puññakiriyāyā’’ti?
‘‘звамзд̇ам̣, махаарааж̇а, звамзд̇ам̣, махаарааж̇а! ад̇хивад̇д̇амаанз ж̇араамаран̣з гимасса гаран̣ийяам̣ ан̃н̃ад̇ра д̇хаммажарияааяа самажарияааяа гусалагирияааяа бун̃н̃агирияааяаа’’д̇и? ид̣̇амавожа бхаг̇аваа…бз… сад̇т̇аа –
‘‘Evametaṃ, mahārāja, evametaṃ, mahārāja! Adhivattamāne jarāmaraṇe kimassa karaṇīyaṃ aññatra dhammacariyāya samacariyāya kusalakiriyāya puññakiriyāyā’’ti? Idamavoca bhagavā…pe… satthā –
‘‘яат̇ааби сзлаа вибулаа, набхам̣ аахажжа баб̣б̣ад̇аа;
‘‘Yathāpi selā vipulā, nabhaṃ āhacca pabbatā;
саманд̇аанубарияааязяяум̣, ниббот̇знд̇о жад̇уд̣̇д̣̇исаа.
Samantānupariyāyeyyuṃ, nippothento catuddisā.
‘‘звам̣ ж̇араа жа мажжу жа, ад̇хивад̇д̇анд̇и баан̣инз 5;
‘‘Evaṃ jarā ca maccu ca, adhivattanti pāṇine 6;
кад̇д̇ияз б̣раахман̣з взссз, суд̣̇д̣̇з жан̣д̣аалабуггусз;
Khattiye brāhmaṇe vesse, sudde caṇḍālapukkuse;
на гин̃жи 7 бариваж̇ж̇зд̇и, саб̣б̣амзваабхимад̣̇д̣̇ад̇и.
Na kiñci 8 parivajjeti, sabbamevābhimaddati.
‘‘на д̇ад̇т̇а хад̇т̇ийнам̣ бхууми, на рат̇аанам̣ на бад̇д̇ияаа;
‘‘Na tattha hatthīnaṃ bhūmi, na rathānaṃ na pattiyā;
на жааби манд̇аяуд̣̇д̇хзна, саггаа ж̇зд̇ум̣ д̇ханзна ваа.
Na cāpi mantayuddhena, sakkā jetuṃ dhanena vā.
‘‘д̇асмаа хи бан̣д̣ид̇о босо, самбассам̣ ад̇т̇амад̇д̇ано;
‘‘Tasmā hi paṇḍito poso, sampassaṃ atthamattano;
б̣уд̣̇д̇хз д̇хаммз жа сан̇гхз жа, д̇хийро сад̣̇д̇хам̣ нивзсаяз.
Buddhe dhamme ca saṅghe ca, dhīro saddhaṃ nivesaye.
‘‘яо д̇хаммам̣ жари 9 гааязна, ваажааяа уд̣̇а жзд̇асаа;
‘‘Yo dhammaṃ cari 10 kāyena, vācāya uda cetasā;
ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и.
Idheva naṃ pasaṃsanti, pecca sagge pamodatī’’ti.
д̇ад̇ияо ваг̇г̇о.
Tatiyo vaggo.
д̇ассуд̣̇д̣̇аанам̣ –
Tassuddānaṃ –
буг̇г̇ало аяяигаа лого, иссад̇д̇ам̣ 11 баб̣б̣ад̇уубамаа;
Puggalo ayyikā loko, issattaṃ 12 pabbatūpamā;
д̣̇зсид̇ам̣ б̣уд̣̇д̇хасздтзна, имам̣ госалабан̃жаганд̇и.
Desitaṃ buddhaseṭṭhena, imaṃ kosalapañcakanti.
госаласам̣яуд̇д̇ам̣ самад̇д̇ам̣.
Kosalasaṃyuttaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. баб̣б̣ад̇уубамасуд̇д̇аван̣н̣анаа • 5. Pabbatūpamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. баб̣б̣ад̇уубамасуд̇д̇аван̣н̣анаа • 5. Pabbatūpamasuttavaṇṇanā
