| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. баб̣б̣ад̇уубамасуд̇д̇аван̣н̣анаа
5. Pabbatūpamasuttavaṇṇanā
136. бан̃жамз муд̣̇д̇хаавасид̇д̇аананд̇и кад̇д̇ияаабхисзгзна муд̣̇д̇хани авасид̇д̇аанам̣ гад̇аабхисзгаанам̣. гаамаг̇зд̇хабарияудтид̇аананд̇и гаамзсу г̇зд̇хзна барияудтид̇аанам̣ абхибхууд̇аанам̣. ж̇анабад̣̇ад̇т̇ааварияаббад̇д̇аананд̇и ж̇анабад̣̇з т̇ирабхааваббад̇д̇аанам̣. рааж̇агаран̣ийяаанийд̇и рааж̇агаммаани рааж̇уухи гад̇д̇аб̣б̣агижжаани. д̇зсу квааханд̇и д̇зсу ахам̣. усуггамаабаннод̇и б̣яаабаарам̣ аабанно. зса гира рааж̇аа д̣̇ивасасса д̇игкад̇д̇ум̣ бхаг̇авад̇о убадтаанам̣ г̇ажчад̇и, анд̇арааг̇аманаани б̣ахууниби хонд̇и. д̇асса ниб̣ад̣̇д̇хам̣ г̇ажчад̇о б̣алагааяо махааби ход̇и аббоби. ат̇згад̣̇ивасам̣ бан̃жасад̇аа жораа жинд̇аяим̣су – ‘‘аяам̣ рааж̇аа авзлааяа аббзна б̣алзна саман̣асса г̇од̇амасса убадтаанам̣ г̇ажчад̇и, анд̇араамаг̇г̇з нам̣ г̇ахзд̇ваа раж̇ж̇ам̣ г̇ан̣хиссаамаа’’д̇и. д̇з анд̇хаванз нилийяим̣су. рааж̇аано жа наама махаабун̃н̃аа хонд̇и. ат̇а д̇зсам̣язва аб̣бханд̇арад̇о зго бурисо нигкамид̇ваа ран̃н̃о аарожзси. рааж̇аа маханд̇ам̣ б̣алагааяам̣ аад̣̇ааяа анд̇хаванам̣ бариваарзд̇ваа д̇з саб̣б̣з г̇ахзд̇ваа анд̇хаванад̇о яаава наг̇арад̣̇ваараа маг̇г̇асса убхосу бассзсу яат̇аа ан̃н̃аман̃н̃ам̣ жагкунаа жагкум̣ убаниб̣анд̇хид̇ваа ологзнд̇и, звам̣ аасаннаани суулаани робаабзд̇ваа суулзсу уд̇д̇аасзси. ид̣̇ам̣ санд̇хааяа звамааха.
136. Pañcame muddhāvasittānanti khattiyābhisekena muddhani avasittānaṃ katābhisekānaṃ. Kāmagedhapariyuṭṭhitānanti kāmesu gedhena pariyuṭṭhitānaṃ abhibhūtānaṃ. Janapadatthāvariyappattānanti janapade thirabhāvappattānaṃ. Rājakaraṇīyānīti rājakammāni rājūhi kattabbakiccāni. Tesu khvāhanti tesu ahaṃ. Usukkamāpannoti byāpāraṃ āpanno. Esa kira rājā divasassa tikkhattuṃ bhagavato upaṭṭhānaṃ gacchati, antarāgamanāni bahūnipi honti. Tassa nibaddhaṃ gacchato balakāyo mahāpi hoti appopi. Athekadivasaṃ pañcasatā corā cintayiṃsu – ‘‘ayaṃ rājā avelāya appena balena samaṇassa gotamassa upaṭṭhānaṃ gacchati, antarāmagge naṃ gahetvā rajjaṃ gaṇhissāmā’’ti. Te andhavane nilīyiṃsu. Rājāno ca nāma mahāpuññā honti. Atha tesaṃyeva abbhantarato eko puriso nikkhamitvā rañño ārocesi. Rājā mahantaṃ balakāyaṃ ādāya andhavanaṃ parivāretvā te sabbe gahetvā andhavanato yāva nagaradvārā maggassa ubhosu passesu yathā aññamaññaṃ cakkhunā cakkhuṃ upanibandhitvā olokenti, evaṃ āsannāni sūlāni ropāpetvā sūlesu uttāsesi. Idaṃ sandhāya evamāha.
ат̇а сад̇т̇аа жинд̇зси – ‘‘сажаахам̣ вагкаами, ‘махаарааж̇а, маад̣̇исз наама саммаасамб̣уд̣̇д̇хз д̇хуравихаарз васанд̇з д̇аяаа зваруубам̣ д̣̇аарун̣ам̣ гаммам̣ гад̇ам̣, аяуд̇д̇ам̣ д̇з гад̇а’нд̇и, ат̇ааяам̣ рааж̇аа ман̇гу худ̇ваа сант̇амбхид̇ум̣ на саггун̣зяяа, барияааязна д̇хаммам̣ гат̇знд̇ассзва мз саллагкзссад̇ий’’д̇и д̇хаммад̣̇зсанам̣ аарабханд̇о д̇ам̣ гим̣ ман̃н̃асийд̇иаад̣̇имааха. д̇ад̇т̇а сад̣̇д̇хааяигод̇и сад̣̇д̇хаад̇аб̣б̣о, яасса д̇вам̣ важанам̣ сад̣̇д̣̇ахасийд̇и ад̇т̇о. бажжаяигод̇и д̇ассзва взважанам̣, яасса важанам̣ бад̇д̇ияааяасийд̇и ад̇т̇о. аб̣бхасаманд̇и аагаасасамам̣. ниббот̇знд̇о ааг̇ажчад̇ийд̇и бат̇авид̇алад̇о яаава аганидтаб̣рахмалогаа саб̣б̣з сад̇д̇з сан̣хагаран̣ийяам̣ д̇ин̣ажун̣н̣ам̣ вияа гаронд̇о бисанд̇о ааг̇ажчад̇и.
Atha satthā cintesi – ‘‘sacāhaṃ vakkhāmi, ‘mahārāja, mādise nāma sammāsambuddhe dhuravihāre vasante tayā evarūpaṃ dāruṇaṃ kammaṃ kataṃ, ayuttaṃ te kata’nti, athāyaṃ rājā maṅku hutvā santhambhituṃ na sakkuṇeyya, pariyāyena dhammaṃ kathentasseva me sallakkhessatī’’ti dhammadesanaṃ ārabhanto taṃ kiṃ maññasītiādimāha. Tattha saddhāyikoti saddhātabbo, yassa tvaṃ vacanaṃ saddahasīti attho. Paccayikoti tasseva vevacanaṃ, yassa vacanaṃ pattiyāyasīti attho. Abbhasamanti ākāsasamaṃ. Nippothento āgacchatīti pathavitalato yāva akaniṭṭhabrahmalokā sabbe satte saṇhakaraṇīyaṃ tiṇacuṇṇaṃ viya karonto pisanto āgacchati.
ан̃н̃ад̇ра д̇хаммажарияааяаад̇и табзд̇ваа д̇хаммажарияам̣ ан̃н̃ам̣ гаад̇аб̣б̣ам̣ над̇т̇и, д̣̇асагусалагаммабат̇асан̇каад̇аа д̇хаммажарияаава гад̇д̇аб̣б̣аа, бханд̇зд̇и – самажарияаад̣̇ийни д̇ассзва взважанаани. аарожзмийд̇и аажигкаами. бадивзд̣̇аяаамийд̇и ж̇аанаабзми. ад̇хивад̇д̇ад̇ийд̇и аж̇жход̇т̇арад̇и. хад̇т̇ияуд̣̇д̇хаанийд̇и наал̣ааг̇ирисад̣̇исз хзмагаббанз нааг̇з абхируяха яуж̇жхид̇аб̣б̣аяуд̣̇д̇хаани. г̇ад̇ийд̇и нибпад̇д̇и. висаяод̇и огаасо, самад̇т̇абхааво ваа. на хи саггаа д̇зхи ж̇араамаран̣ам̣ бадиб̣аахид̇ум̣ . манд̇ино махаамад̇д̇аад̇и манд̇асамбаннаа махосад̇хавид̇хурабан̣д̣ид̇аад̣̇исад̣̇исаа махааамажжаа. бхуумиг̇ад̇анд̇и махаалохагумбхияо буурзд̇ваа бхуумияам̣ табид̇ам̣. взхаасадтанд̇и жаммабасиб̣б̣агз буурзд̇ваа д̇улаасан̇гхаадаад̣̇ийсу лаг̇г̇зд̇ваа жзва нияяухаад̣̇ийсу жа буурзд̇ваа табид̇ам̣. убалаабзд̇унд̇и ан̃н̃аман̃н̃ам̣ бхинд̣̇ид̇ум̣. яат̇аа д̣̇вз ж̇анаа згзна маг̇г̇зна на г̇ажчанд̇и звам̣ гаад̇ум̣.
Aññatra dhammacariyāyāti ṭhapetvā dhammacariyaṃ aññaṃ kātabbaṃ natthi, dasakusalakammapathasaṅkhātā dhammacariyāva kattabbā, bhanteti – samacariyādīni tasseva vevacanāni. Ārocemīti ācikkhāmi. Paṭivedayāmīti jānāpemi. Adhivattatīti ajjhottharati. Hatthiyuddhānīti nāḷāgirisadise hemakappane nāge abhiruyha yujjhitabbayuddhāni. Gatīti nipphatti. Visayoti okāso, samatthabhāvo vā. Na hi sakkā tehi jarāmaraṇaṃ paṭibāhituṃ . Mantino mahāmattāti mantasampannā mahosadhavidhurapaṇḍitādisadisā mahāamaccā. Bhūmigatanti mahālohakumbhiyo pūretvā bhūmiyaṃ ṭhapitaṃ. Vehāsaṭṭhanti cammapasibbake pūretvā tulāsaṅghāṭādīsu laggetvā ceva niyyuhādīsu ca pūretvā ṭhapitaṃ. Upalāpetunti aññamaññaṃ bhindituṃ. Yathā dve janā ekena maggena na gacchanti evaṃ kātuṃ.
набхам̣ аахажжаад̇и аагаасам̣ буурзд̇ваа. звам̣ ж̇араа жа мажжу жаад̇и ид̇ха д̣̇взязва баб̣б̣ад̇аа г̇ахид̇аа, рааж̇оваад̣̇з бана ‘‘ж̇араа ааг̇ажчад̇и саб̣б̣аяоб̣б̣анам̣ вилумбамаанаа’’д̇и звам̣ ж̇араа маран̣ам̣ б̣яаад̇хи вибад̇д̇ийд̇и жад̇д̇ааробзд̇з ааг̇ад̇аава. д̇асмаад̇и яасмаа хад̇т̇ияуд̣̇д̇хаад̣̇ийхи ж̇араамаран̣ам̣ ж̇инид̇ум̣ на саггаа, д̇асмаа. сад̣̇д̇хам̣ нивзсаязд̇и сад̣̇д̇хам̣ нивзсзяяа, бад̇идтаабзяяаад̇и. бан̃жамам̣.
Nabhaṃ āhaccāti ākāsaṃ pūretvā. Evaṃ jarā ca maccu cāti idha dveyeva pabbatā gahitā, rājovāde pana ‘‘jarā āgacchati sabbayobbanaṃ vilumpamānā’’ti evaṃ jarā maraṇaṃ byādhi vipattīti cattāropete āgatāva. Tasmāti yasmā hatthiyuddhādīhi jarāmaraṇaṃ jinituṃ na sakkā, tasmā. Saddhaṃ nivesayeti saddhaṃ niveseyya, patiṭṭhāpeyyāti. Pañcamaṃ.
д̇ад̇ияо ваг̇г̇о.
Tatiyo vaggo.
ид̇и саарад̇т̇аббагаасинияаа
Iti sāratthappakāsiniyā
сам̣яуд̇д̇анигааяа-адтагат̇ааяа
Saṃyuttanikāya-aṭṭhakathāya
госаласам̣яуд̇д̇аван̣н̣анаа нидтид̇аа.
Kosalasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. баб̣б̣ад̇уубамасуд̇д̇ам̣ • 5. Pabbatūpamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. баб̣б̣ад̇уубамасуд̇д̇аван̣н̣анаа • 5. Pabbatūpamasuttavaṇṇanā
