| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. баб̣б̣ад̇уубамасуд̇д̇аван̣н̣анаа
5. Pabbatūpamasuttavaṇṇanā
136. кад̇д̇ияаад̇и абхисзгаббад̇д̇аа. иссарияамад̣̇о гаамаг̇зд̇хо. бат̇авиман̣д̣аласса маханд̇ад̇аа д̇ам̣ниваасинам̣ ануяанд̇ад̇аад̇и саб̣б̣амид̣̇ам̣ яат̇ижчид̇асса рааж̇агижжасса сукзна самиж̇жханасса гааран̣агид̇д̇анам̣. яаад̣̇исз рааж̇агижжз уссуггам̣ аабанно, д̇ам̣ вид̇т̇аарад̇о д̣̇ассзд̇ум̣ ‘‘зса гираа’’д̇иаад̣̇и вуд̇д̇ам̣. анд̇араг̇аманаанийд̇и д̇ин̣н̣ам̣ ниранд̇араг̇аманаанам̣ анд̇аранд̇араа г̇аманаани. жораа жинд̇аяим̣сууд̇и зго анд̇арабхог̇иго рааж̇аабараад̇хиго бан̃жасад̇амануссабаривааро жорияам̣ гаронд̇о вижарад̇и, д̇з санд̇хааяа вуд̇д̇ам̣.
136.Khattiyāti abhisekappattā. Issariyamado kāmagedho. Pathavimaṇḍalassa mahantatā taṃnivāsinaṃ anuyantatāti sabbamidaṃ yathicchitassa rājakiccassa sukhena samijjhanassa kāraṇakittanaṃ. Yādise rājakicce ussukkaṃ āpanno, taṃ vitthārato dassetuṃ ‘‘esa kirā’’tiādi vuttaṃ. Antaragamanānīti tiṇṇaṃ nirantaragamanānaṃ antarantarā gamanāni. Corā cintayiṃsūti eko antarabhogiko rājāparādhiko pañcasatamanussaparivāro coriyaṃ karonto vicarati, te sandhāya vuttaṃ.
‘‘аяуд̇д̇ам̣ д̇з гад̇а’’нд̇и сажаахам̣ вагкаамийд̇и яож̇анаа. д̇хуравихаарзд̇и рат̇асса д̇хурам̣ вияа наг̇арасса д̇хурабхууд̇з вихаарз. сант̇амбхид̇унд̇и виссаасабхаавзна убадтаад̇ум̣. сад̣̇д̇хааяигод̇и сад̣̇д̇хааяа аяид̇аб̣б̣о, сад̣̇д̇хзяяод̇и ад̇т̇о. д̇знааха ‘‘сад̣̇д̇хаад̇аб̣б̣о’’д̇и. бажжаяигод̇и бад̇д̇ияааяид̇аб̣б̣о. аб̣бхасамам̣ бут̇улабхаавзна. ниббот̇знд̇од̇и ниммад̣̇д̣̇знд̇о. сан̣хагаран̣ийяам̣ ад̇исан̣хам̣ бисанд̇о нисад̣̇абод̇о вияа бисанд̇о.
‘‘Ayuttaṃ te kata’’nti sacāhaṃ vakkhāmīti yojanā. Dhuravihāreti rathassa dhuraṃ viya nagarassa dhurabhūte vihāre. Santhambhitunti vissāsabhāvena upaṭṭhātuṃ. Saddhāyikoti saddhāya ayitabbo, saddheyyoti attho. Tenāha ‘‘saddhātabbo’’ti. Paccayikoti pattiyāyitabbo. Abbhasamaṃ puthulabhāvena. Nippothentoti nimmaddento. Saṇhakaraṇīyaṃ atisaṇhaṃ pisanto nisadapoto viya pisanto.
д̇хаммажарияаад̇иаад̣̇ид̇д̇амби сийсам̣ жзлан̃жа аж̇жхубзгкид̇ваа саммаабадибад̇д̇и зва гаад̇аб̣б̣аа д̇ассаа зва баралогз бад̇идтаабхаавад̇о. аажигкаамийд̇и гат̇зми, гат̇знд̇о жа яат̇аа д̇амад̇т̇ам̣ саммад̣̇зва рааж̇аа ж̇аанаад̇и, звам̣ ж̇аанаабзмийд̇и . нибпад̇д̇и яуд̣̇д̇хзна гаад̇аб̣б̣аад̇т̇асид̣̇д̇хи. висинод̇и б̣анд̇хад̇и яат̇аад̇хиббзд̇ам̣ жид̇д̇ам̣ зд̇знаад̇и висаяо, самад̇т̇абхааво. манд̇асамбаннаад̇и самбаннарааж̇аманд̇аа. махааамажжаад̇и махосад̇хаад̣̇исад̣̇исаа нийд̇исад̇т̇ачзгаа амажжабурисаа. убалаабзд̇унд̇и барзсам̣ анд̇арз вирод̇хад̇т̇ам̣ сан̇г̇ан̣хид̇ум̣.
Dhammacariyātiādittampi sīsaṃ celañca ajjhupekkhitvā sammāpaṭipatti eva kātabbā tassā eva paraloke patiṭṭhābhāvato. Ācikkhāmīti kathemi, kathento ca yathā tamatthaṃ sammadeva rājā jānāti, evaṃ jānāpemīti . Nipphatti yuddhena kātabbaatthasiddhi. Visinoti bandhati yathādhippetaṃ cittaṃ etenāti visayo, samatthabhāvo. Mantasampannāti sampannarājamantā. Mahāamaccāti mahosadhādisadisā nītisatthachekā amaccapurisā. Upalāpetunti paresaṃ antare virodhatthaṃ saṅgaṇhituṃ.
д̣̇взязва баб̣б̣ад̇аад̇и баб̣б̣ад̇асад̣̇исаа д̣̇взязва г̇ахид̇аа. рааж̇оваад̣̇зд̇и рааж̇оваад̣̇асуд̇д̇з. ааг̇ад̇аава д̇ад̇д̇анд̇ияаа ануруубад̇т̇ам̣. вилумбамаанаад̇и ид̇и-сад̣̇д̣̇о аад̣̇иад̇т̇о. вибад̇д̇ийд̇и бхог̇абарихаанаад̣̇ивинаасо. хад̇т̇ияуд̣̇д̇хаад̣̇ийхи ж̇араамаран̣ам̣ ж̇инид̇ум̣ на саггаа сад̇д̇асса ависаяабхаавад̇о. язна бана ж̇инид̇ум̣ саггаа, д̇ам̣ д̣̇ассзнд̇о бхаг̇аваа ‘‘б̣уд̣̇д̇хз…бз… нивзсаяз’’д̇и ааха. рад̇анад̇д̇аяз хи сад̣̇д̇хаа нивидтаа муулаж̇аад̇аа бад̇идтид̇аа зганд̇ад̇о ж̇араамаран̣авиж̇аяааяа ход̇и. д̇знааха ‘‘д̇асмаа сад̣̇д̇ха’’нд̇и.
Dveyeva pabbatāti pabbatasadisā dveyeva gahitā. Rājovādeti rājovādasutte. Āgatāva tattantiyā anurūpatthaṃ. Vilumpamānāti iti-saddo ādiattho. Vipattīti bhogaparihānādivināso. Hatthiyuddhādīhi jarāmaraṇaṃ jinituṃ na sakkā sattassa avisayabhāvato. Yena pana jinituṃ sakkā, taṃ dassento bhagavā ‘‘buddhe…pe… nivesaye’’ti āha. Ratanattaye hi saddhā niviṭṭhā mūlajātā patiṭṭhitā ekantato jarāmaraṇavijayāya hoti. Tenāha ‘‘tasmā saddha’’nti.
баб̣б̣ад̇уубамасуд̇д̇аван̣н̣анаа нидтид̇аа.
Pabbatūpamasuttavaṇṇanā niṭṭhitā.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
госаласам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Kosalasaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. баб̣б̣ад̇уубамасуд̇д̇ам̣ • 5. Pabbatūpamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. баб̣б̣ад̇уубамасуд̇д̇аван̣н̣анаа • 5. Pabbatūpamasuttavaṇṇanā
