| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปพฺภารทายกเตฺถรอปทานํ
10. Pabbhāradāyakattheraapadānaṃ
๔๗.
47.
‘‘ปิยทสฺสิโน ภควโต, ปพฺภาโร โสธิโต มยา;
‘‘Piyadassino bhagavato, pabbhāro sodhito mayā;
ฆฎกญฺจ อุปฎฺฐาสิํ, ปริโภคาย ตาทิโนฯ
Ghaṭakañca upaṭṭhāsiṃ, paribhogāya tādino.
๔๘.
48.
‘‘ตํ เม พุโทฺธ วิยากาสิ, ปิยทสฺสี มหามุนิ;
‘‘Taṃ me buddho viyākāsi, piyadassī mahāmuni;
๔๙.
49.
‘‘นิพฺพตฺติสฺสติ โส ยูโป, รตนญฺจ อนปฺปกํ;
‘‘Nibbattissati so yūpo, ratanañca anappakaṃ;
ปพฺภารทานํ ทตฺวาน, กปฺปํ สคฺคมฺหิ โมทหํฯ
Pabbhāradānaṃ datvāna, kappaṃ saggamhi modahaṃ.
๕๐.
50.
‘‘อิโต พาตฺติํสกปฺปมฺหิ, สุสุโทฺธ นาม ขตฺติโย;
‘‘Ito bāttiṃsakappamhi, susuddho nāma khattiyo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๕๑.
51.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปพฺภารทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā pabbhāradāyako thero imā gāthāyo abhāsitthāti.
ปพฺภารทายกเตฺถรสฺสาปทานํ ทสมํฯ
Pabbhāradāyakattherassāpadānaṃ dasamaṃ.
ปทุมเกสรวโคฺค เอกติํสติโมฯ
Padumakesaravaggo ekatiṃsatimo.
ตสฺสุทฺทานํ –
Tassuddānaṃ –
เกสรํ คนฺธมนฺนญฺจ, ธมฺมสญฺญี ผเลน จ;
Kesaraṃ gandhamannañca, dhammasaññī phalena ca;
ปสาทารามทายี จ, เลปโก พุทฺธสญฺญโก;
Pasādārāmadāyī ca, lepako buddhasaññako;
ปพฺภารโท จ คาถาโย, เอกปญฺญาส กิตฺติตาฯ
Pabbhārado ca gāthāyo, ekapaññāsa kittitā.
Footnotes:
