| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පබ්‌භාරදායකත්‌ථෙරඅපදානං
10. Pabbhāradāyakattheraapadānaṃ
47.
47.
‘‘පියදස්‌සිනො භගවතො, පබ්‌භාරො සොධිතො මයා;
‘‘Piyadassino bhagavato, pabbhāro sodhito mayā;
ඝටකඤ්‌ච උපට්‌ඨාසිං, පරිභොගාය තාදිනො.
Ghaṭakañca upaṭṭhāsiṃ, paribhogāya tādino.
48.
48.
‘‘තං මෙ බුද්‌ධො වියාකාසි, පියදස්‌සී මහාමුනි;
‘‘Taṃ me buddho viyākāsi, piyadassī mahāmuni;
49.
49.
‘‘නිබ්‌බත්‌තිස්‌සති සො යූපො, රතනඤ්‌ච අනප්‌පකං;
‘‘Nibbattissati so yūpo, ratanañca anappakaṃ;
පබ්‌භාරදානං දත්‌වාන, කප්‌පං සග්‌ගම්‌හි මොදහං.
Pabbhāradānaṃ datvāna, kappaṃ saggamhi modahaṃ.
50.
50.
‘‘ඉතො බාත්‌තිංසකප්‌පම්‌හි, සුසුද්‌ධො නාම ඛත්‌තියො;
‘‘Ito bāttiṃsakappamhi, susuddho nāma khattiyo;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
51.
51.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පබ්‌භාරදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā pabbhāradāyako thero imā gāthāyo abhāsitthāti.
පබ්‌භාරදායකත්‌ථෙරස්‌සාපදානං දසමං.
Pabbhāradāyakattherassāpadānaṃ dasamaṃ.
පදුමකෙසරවග්‌ගො එකතිංසතිමො.
Padumakesaravaggo ekatiṃsatimo.
තස්‌සුද්‌දානං –
Tassuddānaṃ –
කෙසරං ගන්‌ධමන්‌නඤ්‌ච, ධම්‌මසඤ්‌ඤී ඵලෙන ච;
Kesaraṃ gandhamannañca, dhammasaññī phalena ca;
පසාදාරාමදායී ච, ලෙපකො බුද්‌ධසඤ්‌ඤකො;
Pasādārāmadāyī ca, lepako buddhasaññako;
පබ්‌භාරදො ච ගාථායො, එකපඤ්‌ඤාස කිත්‌තිතා.
Pabbhārado ca gāthāyo, ekapaññāsa kittitā.
Footnotes:
