| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১১. পভঙ্গুসুত্তং
11. Pabhaṅgusuttaṃ
৩২. সাৰত্থিনিদানং। ‘‘পভঙ্গুঞ্চ, ভিক্খৰে, দেসেস্সামি অপ্পভঙ্গুঞ্চ। তং সুণাথ। কিঞ্চ, ভিক্খৰে, পভঙ্গু, কিং অপ্পভঙ্গু? রূপং , ভিক্খৰে, পভঙ্গু। যো তস্স নিরোধো ৰূপসমো অত্থঙ্গমো, ইদং অপ্পভঙ্গু। ৰেদনা পভঙ্গু। যো তস্সা নিরোধো ৰূপসমো অত্থঙ্গমো, ইদং অপ্পভঙ্গু। সঞ্ঞা পভঙ্গু… সঙ্খারা পভঙ্গু। যো তেসং নিরোধো ৰূপসমো অত্থঙ্গমো, ইদং অপ্পভঙ্গু। ৰিঞ্ঞাণং পভঙ্গু। যো তস্স নিরোধো ৰূপসমো অত্থঙ্গমো, ইদং অপ্পভঙ্গূ’’তি। একাদসমং।
32. Sāvatthinidānaṃ. ‘‘Pabhaṅguñca, bhikkhave, desessāmi appabhaṅguñca. Taṃ suṇātha. Kiñca, bhikkhave, pabhaṅgu, kiṃ appabhaṅgu? Rūpaṃ , bhikkhave, pabhaṅgu. Yo tassa nirodho vūpasamo atthaṅgamo, idaṃ appabhaṅgu. Vedanā pabhaṅgu. Yo tassā nirodho vūpasamo atthaṅgamo, idaṃ appabhaṅgu. Saññā pabhaṅgu… saṅkhārā pabhaṅgu. Yo tesaṃ nirodho vūpasamo atthaṅgamo, idaṃ appabhaṅgu. Viññāṇaṃ pabhaṅgu. Yo tassa nirodho vūpasamo atthaṅgamo, idaṃ appabhaṅgū’’ti. Ekādasamaṃ.
ভারৰগ্গো ততিযো।
Bhāravaggo tatiyo.
তস্সুদ্দানং –
Tassuddānaṃ –
ভারং পরিঞ্ঞং অভিজানং, ছন্দরাগং চতুত্থকং।
Bhāraṃ pariññaṃ abhijānaṃ, chandarāgaṃ catutthakaṃ;
অস্সাদা চ তযো ৰুত্তা, অভিনন্দনমট্ঠমং।
Assādā ca tayo vuttā, abhinandanamaṭṭhamaṃ;
উপ্পাদং অঘমূলঞ্চ, একাদসমো পভঙ্গূতি॥
Uppādaṃ aghamūlañca, ekādasamo pabhaṅgūti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১১. পভঙ্গুসুত্তৰণ্ণনা • 11. Pabhaṅgusuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১১. পভঙ্গুসুত্তৰণ্ণনা • 11. Pabhaṅgusuttavaṇṇanā
