| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๑. ปภงฺคุสุตฺตํ
11. Pabhaṅgusuttaṃ
๓๒. สาวตฺถินิทานํฯ ‘‘ปภงฺคุญฺจ, ภิกฺขเว, เทเสสฺสามิ อปฺปภงฺคุญฺจฯ ตํ สุณาถฯ กิญฺจ, ภิกฺขเว, ปภงฺคุ, กิํ อปฺปภงฺคุ? รูปํ , ภิกฺขเว, ปภงฺคุฯ โย ตสฺส นิโรโธ วูปสโม อตฺถงฺคโม, อิทํ อปฺปภงฺคุฯ เวทนา ปภงฺคุฯ โย ตสฺสา นิโรโธ วูปสโม อตฺถงฺคโม, อิทํ อปฺปภงฺคุฯ สญฺญา ปภงฺคุ… สงฺขารา ปภงฺคุฯ โย เตสํ นิโรโธ วูปสโม อตฺถงฺคโม, อิทํ อปฺปภงฺคุฯ วิญฺญาณํ ปภงฺคุฯ โย ตสฺส นิโรโธ วูปสโม อตฺถงฺคโม, อิทํ อปฺปภงฺคู’’ติฯ เอกาทสมํฯ
32. Sāvatthinidānaṃ. ‘‘Pabhaṅguñca, bhikkhave, desessāmi appabhaṅguñca. Taṃ suṇātha. Kiñca, bhikkhave, pabhaṅgu, kiṃ appabhaṅgu? Rūpaṃ , bhikkhave, pabhaṅgu. Yo tassa nirodho vūpasamo atthaṅgamo, idaṃ appabhaṅgu. Vedanā pabhaṅgu. Yo tassā nirodho vūpasamo atthaṅgamo, idaṃ appabhaṅgu. Saññā pabhaṅgu… saṅkhārā pabhaṅgu. Yo tesaṃ nirodho vūpasamo atthaṅgamo, idaṃ appabhaṅgu. Viññāṇaṃ pabhaṅgu. Yo tassa nirodho vūpasamo atthaṅgamo, idaṃ appabhaṅgū’’ti. Ekādasamaṃ.
ภารวโคฺค ตติโยฯ
Bhāravaggo tatiyo.
ตสฺสุทฺทานํ –
Tassuddānaṃ –
ภารํ ปริญฺญํ อภิชานํ, ฉนฺทราคํ จตุตฺถกํ;
Bhāraṃ pariññaṃ abhijānaṃ, chandarāgaṃ catutthakaṃ;
อสฺสาทา จ ตโย วุตฺตา, อภินนฺทนมฎฺฐมํ;
Assādā ca tayo vuttā, abhinandanamaṭṭhamaṃ;
อุปฺปาทํ อฆมูลญฺจ, เอกาทสโม ปภงฺคูติฯ
Uppādaṃ aghamūlañca, ekādasamo pabhaṅgūti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๑. ปภงฺคุสุตฺตวณฺณนา • 11. Pabhaṅgusuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๑. ปภงฺคุสุตฺตวณฺณนา • 11. Pabhaṅgusuttavaṇṇanā
