| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
2. бабхассаравимаанаван̣н̣анаа
2. Pabhassaravimānavaṇṇanā
бабхассаравараван̣н̣анибхзд̇и бабхассаравимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и. д̇зна жа самаязна рааж̇аг̇ахз ан̃н̃ад̇аро убаасаго махаамог̇г̇аллаанад̇т̇зрз абхиббасанно ход̇и. д̇ассзгаа д̇хийд̇аа сад̣̇д̇хаа басаннаа, сааби т̇зрз г̇аружид̇д̇ийгаараб̣ахулаа ход̇и. ат̇згад̣̇ивасам̣ ааяасмаа махаамог̇г̇аллаано рааж̇аг̇ахз бин̣д̣ааяа жаранд̇о д̇ам̣ гулам̣ убасан̇гами. саа т̇зрам̣ д̣̇исваа соманассаж̇аад̇аа аасанам̣ бан̃н̃аабзд̇ваа т̇зрз д̇ад̇т̇а нисиннз суманамаалааяа бууж̇зд̇ваа мад̇хурам̣ г̇ул̣апаан̣ид̇ам̣ т̇зрасса бад̇д̇з аагири, т̇зро анумод̣̇ид̇угаамо нисийд̣̇и. саа гхарааваасасса б̣ахугижжад̇ааяа аногаасад̇ам̣ бавзд̣̇зд̇ваа ‘‘ан̃н̃асмим̣ д̣̇ивасз д̇хаммам̣ соссаамий’’д̇и т̇зрам̣ ванд̣̇ид̇ваа уяяож̇зси. д̇ад̣̇ахзва жа саа гаалам̣ гад̇ваа д̇аавад̇им̣сзсу ниб̣б̣ад̇д̇и. д̇ам̣ ааяасмаа махаамог̇г̇аллаано убасан̇гамид̇ваа имаахи г̇аат̇аахи бужчи –
Pabhassaravaravaṇṇanibheti pabhassaravimānaṃ. Tassa kā uppatti? Bhagavā rājagahe viharati. Tena ca samayena rājagahe aññataro upāsako mahāmoggallānatthere abhippasanno hoti. Tassekā dhītā saddhā pasannā, sāpi there garucittīkārabahulā hoti. Athekadivasaṃ āyasmā mahāmoggallāno rājagahe piṇḍāya caranto taṃ kulaṃ upasaṅkami. Sā theraṃ disvā somanassajātā āsanaṃ paññāpetvā there tattha nisinne sumanamālāya pūjetvā madhuraṃ guḷaphāṇitaṃ therassa patte ākiri, thero anumoditukāmo nisīdi. Sā gharāvāsassa bahukiccatāya anokāsataṃ pavedetvā ‘‘aññasmiṃ divase dhammaṃ sossāmī’’ti theraṃ vanditvā uyyojesi. Tadaheva ca sā kālaṃ katvā tāvatiṃsesu nibbatti. Taṃ āyasmā mahāmoggallāno upasaṅkamitvā imāhi gāthāhi pucchi –
697.
697.
‘‘бабхассаравараван̣н̣анибхз, сурад̇д̇авад̇т̇авасанз;
‘‘Pabhassaravaravaṇṇanibhe, surattavatthavasane;
махид̣̇д̇хигз жанд̣̇анаружираг̇ад̇д̇з,
Mahiddhike candanaruciragatte,
гаа д̇вам̣ субхз д̣̇звад̇з ванд̣̇асз мамам̣.
Kā tvaṃ subhe devate vandase mamaṃ.
698.
698.
‘‘баллан̇го жа д̇з махаг̇гхо, наанаарад̇анажид̇д̇ид̇о ружиро;
‘‘Pallaṅko ca te mahaggho, nānāratanacittito ruciro;
яад̇т̇а д̇вам̣ нисиннаа вирожаси, д̣̇зварааж̇аарива нанд̣̇анз ванз.
Yattha tvaṃ nisinnā virocasi, devarājāriva nandane vane.
699.
699.
‘‘гим̣ д̇вам̣ бурз сужарид̇амаажарий бхад̣̇д̣̇з, гисса гаммасса вибаагам̣;
‘‘Kiṃ tvaṃ pure sucaritamācarī bhadde, kissa kammassa vipākaṃ;
анубхоси д̣̇звалогасмим̣, д̣̇звад̇з бужчид̇аажигка;
Anubhosi devalokasmiṃ, devate pucchitācikkha;
гисса гаммассид̣̇ам̣ пала’’нд̇и.
Kissa kammassidaṃ phala’’nti.
697. д̇ад̇т̇а бабхассаравараван̣н̣анибхзд̇и нибхаад̇и д̣̇иб̣б̣ад̇ийд̇и нибхаа, ван̣н̣ова нибхаа ван̣н̣анибхаа, ад̇ивияа обхаасанад̇о бабхассараа чавид̣̇осаабхаавзна вараа уд̇д̇амаа ван̣н̣анибхаа зд̇иссаад̇и бабхассаравараван̣н̣анибхаа. ааманд̇анавасзна ‘‘бабхассаравараван̣н̣анибхз’’д̇и вуд̇д̇ам̣. сурад̇д̇авад̇т̇авасанзд̇и судту рад̇д̇авад̇т̇анивад̇т̇з. жанд̣̇анаружираг̇ад̇д̇зд̇и жанд̣̇анаанулид̇д̇ам̣ вияа ружираг̇ад̇д̇з, г̇осийд̇ажанд̣̇анзна б̣ахалад̇араанулид̇д̇ам̣ вияа сурад̇д̇аманун̃н̃асарийрааваяавзд̇и ад̇т̇о, жанд̣̇анаанулзбзна ваа ружираг̇ад̇д̇з.
697. Tattha pabhassaravaravaṇṇanibheti nibhāti dibbatīti nibhā, vaṇṇova nibhā vaṇṇanibhā, ativiya obhāsanato pabhassarā chavidosābhāvena varā uttamā vaṇṇanibhā etissāti pabhassaravaravaṇṇanibhā. Āmantanavasena ‘‘pabhassaravaravaṇṇanibhe’’ti vuttaṃ. Surattavatthavasaneti suṭṭhu rattavatthanivatthe. Candanaruciragatteti candanānulittaṃ viya ruciragatte, gosītacandanena bahalatarānulittaṃ viya surattamanuññasarīrāvayaveti attho, candanānulepena vā ruciragatte.
звам̣ т̇зрзна будтаа д̣̇звад̇аа имаахи г̇аат̇аахи б̣яаагааси –
Evaṃ therena puṭṭhā devatā imāhi gāthāhi byākāsi –
700.
700.
‘‘бин̣д̣ааяа д̇з жаранд̇асса, маалам̣ паан̣ид̇ан̃жа ад̣̇ад̣̇ам̣ бханд̇з;
‘‘Piṇḍāya te carantassa, mālaṃ phāṇitañca adadaṃ bhante;
д̇асса гаммассид̣̇ам̣ вибаагам̣, анубхоми д̣̇звалогасмим̣.
Tassa kammassidaṃ vipākaṃ, anubhomi devalokasmiṃ.
701.
701.
‘‘ход̇и жа мз ануд̇аабо, абарад̣̇д̇хам̣ д̣̇угкид̇ан̃жа мз бханд̇з;
‘‘Hoti ca me anutāpo, aparaddhaṃ dukkhitañca me bhante;
саахам̣ д̇хаммам̣ наассосим̣, суд̣̇зсид̇ам̣ д̇хаммарааж̇зна.
Sāhaṃ dhammaṃ nāssosiṃ, sudesitaṃ dhammarājena.
702.
702.
‘‘д̇ам̣ д̇ам̣ вад̣̇аами бхад̣̇д̣̇анд̇з, яасса мз анугамбияо гожи;
‘‘Taṃ taṃ vadāmi bhaddante, yassa me anukampiyo koci;
д̇хаммзсу д̇ам̣ самаад̣̇абзт̇а, суд̣̇зсид̇ам̣ д̇хаммарааж̇зна.
Dhammesu taṃ samādapetha, sudesitaṃ dhammarājena.
703.
703.
‘‘язсам̣ ад̇т̇и сад̣̇д̇хаа б̣уд̣̇д̇хз, д̇хаммз жа сан̇гхарад̇анз;
‘‘Yesaṃ atthi saddhā buddhe, dhamme ca saṅgharatane;
д̇з мам̣ ад̇ивирожанд̇и, ааяунаа яасасаа сирияаа.
Te maṃ ativirocanti, āyunā yasasā siriyā.
704.
704.
‘‘бад̇аабзна ван̣н̣зна уд̇д̇арид̇араа, ан̃н̃з махид̣̇д̇хигад̇араа маяаа д̣̇зваа’’д̇и.
‘‘Patāpena vaṇṇena uttaritarā, aññe mahiddhikatarā mayā devā’’ti.
700. д̇ад̇т̇а мааланд̇и суманабубпам̣. паан̣ид̇анд̇и ужчурасам̣ г̇ахзд̇ваа гад̇апаан̣ид̇ам̣.
700. Tattha mālanti sumanapupphaṃ. Phāṇitanti ucchurasaṃ gahetvā kataphāṇitaṃ.
701. ануд̇аабод̇и виббадисааро. д̇асса гааран̣амааха ‘‘абарад̣̇д̇хам̣ д̣̇угкад̇ан̃жа мз бханд̇з’’д̇и . ид̣̇аани д̇ам̣ саруубад̇о д̣̇ассзд̇и ‘‘саахам̣ д̇хаммам̣ наассоси’’нд̇и, саа ахам̣ д̇ад̣̇аа д̇ава д̣̇зсзд̇угаамасса д̇хаммам̣ на сун̣им̣. гийд̣̇исам̣? суд̣̇зсид̇ам̣ д̇хаммарааж̇знаад̇и, саммаасамб̣уд̣̇д̇хзна аад̣̇игаляаан̣аад̣̇ид̇ааяа зганд̇анияяаанигад̇ааяа жа сваакаад̇анд̇и ад̇т̇о.
701.Anutāpoti vippaṭisāro. Tassa kāraṇamāha ‘‘aparaddhaṃ dukkhatañca me bhante’’ti . Idāni taṃ sarūpato dasseti ‘‘sāhaṃ dhammaṃ nāssosi’’nti, sā ahaṃ tadā tava desetukāmassa dhammaṃ na suṇiṃ. Kīdisaṃ? Sudesitaṃ dhammarājenāti, sammāsambuddhena ādikalyāṇāditāya ekantaniyyānikatāya ca svākhātanti attho.
702. д̇анд̇и д̇асмаа д̇хаммарааж̇зна суд̣̇зсид̇ад̇д̇аа асаванасса жа маад̣̇исаанам̣ ануд̇аабахзд̇убхаавад̇о. д̇анд̇и д̇увам̣, д̇уяханд̇и ад̇т̇о. яассаад̇и яо асса. анугамбияод̇и анугамбид̇аб̣б̣о. гожийд̇и яо гожи. д̇хаммзсууд̇и сийлаад̣̇ид̇хаммзсу. ‘‘д̇хаммз хий’’д̇и ваа баато, саасанад̇хаммзд̇и ад̇т̇о. хийд̇и нибаад̇амад̇д̇ам̣, важанавибаллаасо ваа. д̇анд̇и анугамбид̇аб̣б̣абуг̇г̇алам̣. суд̣̇зсид̇анд̇и судту д̣̇зсид̇ам̣.
702.Tanti tasmā dhammarājena sudesitattā asavanassa ca mādisānaṃ anutāpahetubhāvato. Tanti tuvaṃ, tuyhanti attho. Yassāti yo assa. Anukampiyoti anukampitabbo. Kocīti yo koci. Dhammesūti sīlādidhammesu. ‘‘Dhamme hī’’ti vā pāṭho, sāsanadhammeti attho. Hīti nipātamattaṃ, vacanavipallāso vā. Tanti anukampitabbapuggalaṃ. Sudesitanti suṭṭhu desitaṃ.
703-4. д̇з мам̣ ад̇ивирожанд̇ийд̇и д̇з рад̇анад̇д̇аяз басаннаа д̣̇звабуд̇д̇аа мам̣ ад̇иггамид̇ваа вирожанд̇и. бад̇аабзнаад̇и д̇зж̇асаа аанубхаавзна. ан̃н̃зд̇и яз ан̃н̃з. маяаад̇и ниссаггз гаран̣аважанам̣. ван̣н̣зна уд̇д̇арид̇араа махид̣̇д̇хигад̇араа жа д̣̇зваа, д̇з рад̇анад̇д̇аяз абхиббасаннааязваад̇и д̣̇ассзд̇и. сзсам̣ вуд̇д̇анаяамзва.
703-4.Te maṃ ativirocantīti te ratanattaye pasannā devaputtā maṃ atikkamitvā virocanti. Patāpenāti tejasā ānubhāvena. Aññeti ye aññe. Mayāti nissakke karaṇavacanaṃ. Vaṇṇena uttaritarā mahiddhikatarā ca devā, te ratanattaye abhippasannāyevāti dasseti. Sesaṃ vuttanayameva.
бабхассаравимаанаван̣н̣анаа нидтид̇аа.
Pabhassaravimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 2. бабхассаравимаанавад̇т̇у • 2. Pabhassaravimānavatthu
