Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    8. бажалааяамаанасуд̇д̇ам̣

    8. Pacalāyamānasuttaṃ

    61. звам̣ мз суд̇ам̣ – згам̣ самаяам̣ бхаг̇аваа бхаг̇г̇зсу вихарад̇и сусумаараг̇ирз бхзсагал̣ааванз миг̇ад̣̇ааяз. д̇зна ко бана самаязна ааяасмаа махаамог̇г̇аллаано маг̇ад̇хзсу галлаваал̣абуд̇д̇аг̇аамз 1 бажалааяамаано нисинно ход̇и. ад̣̇д̣̇асаа ко бхаг̇аваа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна ааяасманд̇ам̣ махаамог̇г̇аллаанам̣ маг̇ад̇хзсу галлаваал̣абуд̇д̇аг̇аамз бажалааяамаанам̣ нисиннам̣. д̣̇исваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзвам̣ – бхаг̇г̇зсу сусумаараг̇ирз бхзсагал̣ааванз миг̇ад̣̇ааяз анд̇арахид̇о маг̇ад̇хзсу галлаваал̣абуд̇д̇аг̇аамз ааяасмад̇о махаамог̇г̇аллаанасса саммукз баад̇урахоси. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа ааяасманд̇ам̣ махаамог̇г̇аллаанам̣ зд̇ад̣̇авожа –

    61. Evaṃ me sutaṃ – ekaṃ samayaṃ bhagavā bhaggesu viharati susumāragire bhesakaḷāvane migadāye. Tena kho pana samayena āyasmā mahāmoggallāno magadhesu kallavāḷaputtagāme 2 pacalāyamāno nisinno hoti. Addasā kho bhagavā dibbena cakkhunā visuddhena atikkantamānusakena āyasmantaṃ mahāmoggallānaṃ magadhesu kallavāḷaputtagāme pacalāyamānaṃ nisinnaṃ. Disvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evamevaṃ – bhaggesu susumāragire bhesakaḷāvane migadāye antarahito magadhesu kallavāḷaputtagāme āyasmato mahāmoggallānassa sammukhe pāturahosi. Nisīdi bhagavā paññatte āsane. Nisajja kho bhagavā āyasmantaṃ mahāmoggallānaṃ etadavoca –

    ‘‘бажалааяаси но д̇вам̣, мог̇г̇аллаана, бажалааяаси но д̇вам̣, мог̇г̇аллаанаа’’д̇и? ‘‘звам̣, бханд̇з’’ . ‘‘д̇асмаад̇иха, мог̇г̇аллаана, яат̇аасан̃н̃исса д̇з вихарад̇о д̇ам̣ мид̣̇д̇хам̣ оггамад̇и, д̇ам̣ сан̃н̃ам̣ маа манасаагааси 3, д̇ам̣ сан̃н̃ам̣ маа б̣ахуламагааси 4. таанам̣ ко банзд̇ам̣, мог̇г̇аллаана, виж̇ж̇ад̇и яам̣ д̇з звам̣ вихарад̇о д̇ам̣ мид̣̇д̇хам̣ бахийязт̇а’’.

    ‘‘Pacalāyasi no tvaṃ, moggallāna, pacalāyasi no tvaṃ, moggallānā’’ti? ‘‘Evaṃ, bhante’’ . ‘‘Tasmātiha, moggallāna, yathāsaññissa te viharato taṃ middhaṃ okkamati, taṃ saññaṃ mā manasākāsi 5, taṃ saññaṃ mā bahulamakāsi 6. Ṭhānaṃ kho panetaṃ, moggallāna, vijjati yaṃ te evaṃ viharato taṃ middhaṃ pahīyetha’’.

    ‘‘но жз д̇з звам̣ вихарад̇о д̇ам̣ мид̣̇д̇хам̣ бахийязт̇а, д̇ад̇о д̇вам̣, мог̇г̇аллаана, яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзяяааси анувижаарзяяааси, манасаа анубзгкзяяааси. таанам̣ ко банзд̇ам̣ виж̇ж̇ад̇и яам̣ д̇з звам̣ вихарад̇о д̇ам̣ мид̣̇д̇хам̣ бахийязт̇а.

    ‘‘No ce te evaṃ viharato taṃ middhaṃ pahīyetha, tato tvaṃ, moggallāna, yathāsutaṃ yathāpariyattaṃ dhammaṃ cetasā anuvitakkeyyāsi anuvicāreyyāsi, manasā anupekkheyyāsi. Ṭhānaṃ kho panetaṃ vijjati yaṃ te evaṃ viharato taṃ middhaṃ pahīyetha.

    ‘‘но жз д̇з звам̣ вихарад̇о д̇ам̣ мид̣̇д̇хам̣ бахийязт̇а, д̇ад̇о д̇вам̣, мог̇г̇аллаана, яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарзяяааси. таанам̣ ко банзд̇ам̣ виж̇ж̇ад̇и яам̣ д̇з звам̣ вихарад̇о д̇ам̣ мид̣̇д̇хам̣ бахийязт̇а.

    ‘‘No ce te evaṃ viharato taṃ middhaṃ pahīyetha, tato tvaṃ, moggallāna, yathāsutaṃ yathāpariyattaṃ dhammaṃ vitthārena sajjhāyaṃ kareyyāsi. Ṭhānaṃ kho panetaṃ vijjati yaṃ te evaṃ viharato taṃ middhaṃ pahīyetha.

    ‘‘но жз д̇з звам̣ вихарад̇о д̇ам̣ мид̣̇д̇хам̣ бахийязт̇а, д̇ад̇о д̇вам̣, мог̇г̇аллаана, убхо ган̣н̣асод̇аани аавин̃чзяяааси 7, баан̣инаа г̇ад̇д̇аани анумаж̇ж̇зяяааси. таанам̣ ко банзд̇ам̣ виж̇ж̇ад̇и яам̣ д̇з звам̣ вихарад̇о д̇ам̣ мид̣̇д̇хам̣ бахийязт̇а.

    ‘‘No ce te evaṃ viharato taṃ middhaṃ pahīyetha, tato tvaṃ, moggallāna, ubho kaṇṇasotāni āviñcheyyāsi 8, pāṇinā gattāni anumajjeyyāsi. Ṭhānaṃ kho panetaṃ vijjati yaṃ te evaṃ viharato taṃ middhaṃ pahīyetha.

    ‘‘но жз д̇з звам̣ вихарад̇о д̇ам̣ мид̣̇д̇хам̣ бахийязт̇а, д̇ад̇о д̇вам̣, мог̇г̇аллаана, удтааяаасанаа уд̣̇агзна агкийни анумаж̇ж̇ид̇ваа 9 д̣̇исаа анувилогзяяааси , нагкад̇д̇аани д̇аарагаруубаани уллогзяяааси. таанам̣ ко банзд̇ам̣ виж̇ж̇ад̇и яам̣ д̇з звам̣ вихарад̇о д̇ам̣ мид̣̇д̇хам̣ бахийязт̇а.

    ‘‘No ce te evaṃ viharato taṃ middhaṃ pahīyetha, tato tvaṃ, moggallāna, uṭṭhāyāsanā udakena akkhīni anumajjitvā 10 disā anuvilokeyyāsi , nakkhattāni tārakarūpāni ullokeyyāsi. Ṭhānaṃ kho panetaṃ vijjati yaṃ te evaṃ viharato taṃ middhaṃ pahīyetha.

    ‘‘но жз д̇з звам̣ вихарад̇о д̇ам̣ мид̣̇д̇хам̣ бахийязт̇а, д̇ад̇о д̇вам̣, мог̇г̇аллаана, аалогасан̃н̃ам̣ манаси гарзяяааси, д̣̇иваасан̃н̃ам̣ ад̇хидтахзяяааси – яат̇аа д̣̇иваа д̇ат̇аа рад̇д̇им̣ яат̇аа рад̇д̇им̣ д̇ат̇аа д̣̇иваа. ид̇и вивадзна 11 жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзяяааси. таанам̣ ко банзд̇ам̣ виж̇ж̇ад̇и яам̣ д̇з звам̣ вихарад̇о д̇ам̣ мид̣̇д̇хам̣ бахийязт̇а.

    ‘‘No ce te evaṃ viharato taṃ middhaṃ pahīyetha, tato tvaṃ, moggallāna, ālokasaññaṃ manasi kareyyāsi, divāsaññaṃ adhiṭṭhaheyyāsi – yathā divā tathā rattiṃ yathā rattiṃ tathā divā. Iti vivaṭena 12 cetasā apariyonaddhena sappabhāsaṃ cittaṃ bhāveyyāsi. Ṭhānaṃ kho panetaṃ vijjati yaṃ te evaṃ viharato taṃ middhaṃ pahīyetha.

    ‘‘но жз д̇з звам̣ вихарад̇о д̇ам̣ мид̣̇д̇хам̣ бахийязт̇а, д̇ад̇о д̇вам̣, мог̇г̇аллаана, бажчаабурзсан̃н̃ий 13 жан̇гамам̣ ад̇хидтахзяяааси анд̇ог̇ад̇зхи инд̣̇риязхи аб̣ахиг̇ад̇зна маанасзна. таанам̣ ко банзд̇ам̣ виж̇ж̇ад̇и яам̣ д̇з звам̣ вихарад̇о д̇ам̣ мид̣̇д̇хам̣ бахийязт̇а.

    ‘‘No ce te evaṃ viharato taṃ middhaṃ pahīyetha, tato tvaṃ, moggallāna, pacchāpuresaññī 14 caṅkamaṃ adhiṭṭhaheyyāsi antogatehi indriyehi abahigatena mānasena. Ṭhānaṃ kho panetaṃ vijjati yaṃ te evaṃ viharato taṃ middhaṃ pahīyetha.

    ‘‘но жз д̇з звам̣ вихарад̇о д̇ам̣ мид̣̇д̇хам̣ бахийязт̇а, д̇ад̇о д̇вам̣, мог̇г̇аллаана, д̣̇агкин̣зна бассзна сийхасзяяам̣ габбзяяааси баад̣̇з баад̣̇ам̣ ажжаад̇хааяа сад̇о самбаж̇аано удтаанасан̃н̃ам̣ манаси гарид̇ваа. бадиб̣уд̣̇д̇хзна жа 15 д̇з, мог̇г̇аллаана, киббан̃н̃зва бажжудтаад̇аб̣б̣ам̣ – ‘на сзяяасукам̣ на бассасукам̣ на мид̣̇д̇хасукам̣ ануяуд̇д̇о вихариссаамий’д̇и. зван̃хи д̇з, мог̇г̇аллаана, сигкид̇аб̣б̣ам̣.

    ‘‘No ce te evaṃ viharato taṃ middhaṃ pahīyetha, tato tvaṃ, moggallāna, dakkhiṇena passena sīhaseyyaṃ kappeyyāsi pāde pādaṃ accādhāya sato sampajāno uṭṭhānasaññaṃ manasi karitvā. Paṭibuddhena ca 16 te, moggallāna, khippaññeva paccuṭṭhātabbaṃ – ‘na seyyasukhaṃ na passasukhaṃ na middhasukhaṃ anuyutto viharissāmī’ti. Evañhi te, moggallāna, sikkhitabbaṃ.

    ‘‘д̇асмаад̇иха, мог̇г̇аллаана, звам̣ сигкид̇аб̣б̣ам̣ – ‘на ужжаасон̣д̣ам̣ баг̇г̇ахзд̇ваа гулаани убасан̇гамиссаамий’д̇и. зван̃хи д̇з, мог̇г̇аллаана, сигкид̇аб̣б̣ам̣. сажз, мог̇г̇аллаана, бхигку ужжаасон̣д̣ам̣ баг̇г̇ахзд̇ваа гулаани убасан̇гамад̇и, санд̇и хи, мог̇г̇аллаана, гулзсу гижжагаран̣ийяаани. язхи мануссаа ааг̇ад̇ам̣ бхигкум̣ на манаси гаронд̇и, д̇ад̇ра бхигкусса звам̣ ход̇и – ‘госу наама ид̣̇аани мам̣ имасмим̣ гулз барибхинд̣̇и, вирад̇д̇аруубаа д̣̇аанимз маяи мануссаа’д̇и. ид̇исса алаабхзна ман̇губхааво, ман̇губхууд̇асса уд̣̇д̇хажжам̣, уд̣̇д̇хад̇асса асам̣варо, асам̣вуд̇асса аараа жид̇д̇ам̣ самаад̇химхаа.

    ‘‘Tasmātiha, moggallāna, evaṃ sikkhitabbaṃ – ‘na uccāsoṇḍaṃ paggahetvā kulāni upasaṅkamissāmī’ti. Evañhi te, moggallāna, sikkhitabbaṃ. Sace, moggallāna, bhikkhu uccāsoṇḍaṃ paggahetvā kulāni upasaṅkamati, santi hi, moggallāna, kulesu kiccakaraṇīyāni. Yehi manussā āgataṃ bhikkhuṃ na manasi karonti, tatra bhikkhussa evaṃ hoti – ‘kosu nāma idāni maṃ imasmiṃ kule paribhindi, virattarūpā dānime mayi manussā’ti. Itissa alābhena maṅkubhāvo, maṅkubhūtassa uddhaccaṃ, uddhatassa asaṃvaro, asaṃvutassa ārā cittaṃ samādhimhā.

    ‘‘д̇асмаад̇иха, мог̇г̇аллаана, звам̣ сигкид̇аб̣б̣ам̣ – ‘на виг̇г̇аахигагат̇ам̣ гат̇зссаамий’д̇и. зван̃хи д̇з, мог̇г̇аллаана, сигкид̇аб̣б̣ам̣. виг̇г̇аахигааяа, мог̇г̇аллаана, гат̇ааяа сад̇и гат̇ааб̣аахуллам̣ баадиган̇кам̣, гат̇ааб̣аахуллз сад̇и уд̣̇д̇хажжам̣, уд̣̇д̇хад̇асса асам̣варо, асам̣вуд̇асса аараа жид̇д̇ам̣ самаад̇химхаа 17. наахам̣, мог̇г̇аллаана, саб̣б̣зхзва сам̣саг̇г̇ам̣ ван̣н̣аяаами. на банаахам̣ , мог̇г̇аллаана, саб̣б̣зхзва сам̣саг̇г̇ам̣ на ван̣н̣аяаами. саг̇ахадтабаб̣б̣аж̇ид̇зхи ко ахам̣, мог̇г̇аллаана, сам̣саг̇г̇ам̣ на ван̣н̣аяаами 18. яаани жа ко д̇аани сзнаасанаани аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани 19 бадисаллаанасааруббаани д̇ат̇ааруубзхи сзнаасанзхи сам̣саг̇г̇ам̣ 20 ван̣н̣аяаамий’’д̇и.

    ‘‘Tasmātiha, moggallāna, evaṃ sikkhitabbaṃ – ‘na viggāhikakathaṃ kathessāmī’ti. Evañhi te, moggallāna, sikkhitabbaṃ. Viggāhikāya, moggallāna, kathāya sati kathābāhullaṃ pāṭikaṅkhaṃ, kathābāhulle sati uddhaccaṃ, uddhatassa asaṃvaro, asaṃvutassa ārā cittaṃ samādhimhā 21. Nāhaṃ, moggallāna, sabbeheva saṃsaggaṃ vaṇṇayāmi. Na panāhaṃ , moggallāna, sabbeheva saṃsaggaṃ na vaṇṇayāmi. Sagahaṭṭhapabbajitehi kho ahaṃ, moggallāna, saṃsaggaṃ na vaṇṇayāmi 22. Yāni ca kho tāni senāsanāni appasaddāni appanigghosāni vijanavātāni manussarāhasseyyakāni 23 paṭisallānasāruppāni tathārūpehi senāsanehi saṃsaggaṃ 24 vaṇṇayāmī’’ti.

    звам̣ вуд̇д̇з ааяасмаа махаамог̇г̇аллаано бхаг̇аванд̇ам̣ зд̇ад̣̇авожа – ‘‘гид̇д̇аавад̇аа ну ко, бханд̇з, бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и?

    Evaṃ vutte āyasmā mahāmoggallāno bhagavantaṃ etadavoca – ‘‘kittāvatā nu kho, bhante, bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussāna’’nti?

    ‘‘ид̇ха, мог̇г̇аллаана, бхигкуно суд̇ам̣ ход̇и – ‘саб̣б̣з д̇хаммаа наалам̣ абхинивзсааяаа’д̇и; зван̃жзд̇ам̣, мог̇г̇аллаана, бхигкуно суд̇ам̣ ход̇и – ‘саб̣б̣з д̇хаммаа наалам̣ абхинивзсааяаа’д̇и. со саб̣б̣ам̣ д̇хаммам̣ абхиж̇аанаад̇и, саб̣б̣ам̣ д̇хаммам̣ абхин̃н̃ааяа саб̣б̣ам̣ д̇хаммам̣ бариж̇аанаад̇и. саб̣б̣ам̣ д̇хаммам̣ барин̃н̃ааяа яам̣гин̃жи взд̣̇анам̣ взд̣̇ияад̇и сукам̣ ваа д̣̇угкам̣ ваа ад̣̇угкамасукам̣ ваа. со д̇аасу взд̣̇анаасу анижжаанубассий вихарад̇и, вирааг̇аанубассий вихарад̇и, нирод̇хаанубассий вихарад̇и, бадиниссаг̇г̇аанубассий вихарад̇и. со д̇аасу взд̣̇анаасу анижжаанубассий вихаранд̇о вирааг̇аанубассий вихаранд̇о нирод̇хаанубассий вихаранд̇о бадиниссаг̇г̇аанубассий вихаранд̇о на гин̃жи 25 логз убаад̣̇ияад̇и, анубаад̣̇ияам̣ на барид̇ассад̇и, абарид̇ассам̣ бажжад̇д̇ам̣язва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. зд̇д̇аавад̇аа ко, мог̇г̇аллаана, бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и. адтамам̣.

    ‘‘Idha, moggallāna, bhikkhuno sutaṃ hoti – ‘sabbe dhammā nālaṃ abhinivesāyā’ti; evañcetaṃ, moggallāna, bhikkhuno sutaṃ hoti – ‘sabbe dhammā nālaṃ abhinivesāyā’ti. So sabbaṃ dhammaṃ abhijānāti, sabbaṃ dhammaṃ abhiññāya sabbaṃ dhammaṃ parijānāti. Sabbaṃ dhammaṃ pariññāya yaṃkiñci vedanaṃ vediyati sukhaṃ vā dukkhaṃ vā adukkhamasukhaṃ vā. So tāsu vedanāsu aniccānupassī viharati, virāgānupassī viharati, nirodhānupassī viharati, paṭinissaggānupassī viharati. So tāsu vedanāsu aniccānupassī viharanto virāgānupassī viharanto nirodhānupassī viharanto paṭinissaggānupassī viharanto na kiñci 26 loke upādiyati, anupādiyaṃ na paritassati, aparitassaṃ paccattaṃyeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ettāvatā kho, moggallāna, bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussāna’’nti. Aṭṭhamaṃ.




    Next: 9. мзд̇д̇асуд̇д̇ам̣ • 9. Mettasuttaṃ




    Footnotes:
    1. галлавааламуд̇д̇аг̇аамз (сяаа.)
    2. kallavālamuttagāme (syā.)
    3. маа манасигааси (сий.), манаси гарзяяааси (сяаа.), манасаагааси (га.)
    4. д̇ам̣ сан̃н̃ам̣ б̣ахулам̣ гарзяяааси (сяаа.), д̇ам̣ сан̃н̃ам̣ б̣ахуламагааси (га.)
    5. mā manasikāsi (sī.), manasi kareyyāsi (syā.), manasākāsi (ka.)
    6. taṃ saññaṃ bahulaṃ kareyyāsi (syā.), taṃ saññaṃ bahulamakāsi (ka.)
    7. аавин̃ж̇зяяааси (сий. сяаа.)
    8. āviñjeyyāsi (sī. syā.)
    9. банин̃ж̇ид̇ваа (га.)
    10. paniñjitvā (ka.)
    11. виваддзна (сяаа.), мид̣̇д̇хавиг̇ад̇зна (га.)
    12. vivaṭṭena (syā.), middhavigatena (ka.)
    13. бажчаабурз д̇ат̇аасан̃н̃ий (гад̇т̇ажи)
    14. pacchāpure tathāsaññī (katthaci)
    15. бадиб̣уд̣̇д̇хзнзва (сяаа.)
    16. paṭibuddheneva (syā.)
    17. наахам̣ мог̇г̇алаана саб̣б̣зхзва самаг̇г̇ам̣ ван̣н̣аяаами г̇ахадтзхи. баб̣б̣аж̇ид̇зхи ко ахам̣ мог̇г̇аллаана самаг̇г̇ам̣ ван̣н̣аяаами (га.)
    18. наахам̣ мог̇г̇аллаана саб̣б̣зхзва самаг̇г̇ам̣ ван̣н̣аяаами г̇ахадтзхи, баб̣б̣аж̇ид̇зхи ко ахам̣ мог̇г̇аллаана самаг̇г̇ам̣ ван̣н̣аяаами (га.)
    19. мануссараахасзяяагаани (сий. сяаа.)
    20. самаг̇г̇ам̣ (га.)
    21. nāhaṃ moggalāna sabbeheva samaggaṃ vaṇṇayāmi gahaṭṭhehi. pabbajitehi kho ahaṃ moggallāna samaggaṃ vaṇṇayāmi (ka.)
    22. nāhaṃ moggallāna sabbeheva samaggaṃ vaṇṇayāmi gahaṭṭhehi, pabbajitehi kho ahaṃ moggallāna samaggaṃ vaṇṇayāmi (ka.)
    23. manussarāhaseyyakāni (sī. syā.)
    24. samaggaṃ (ka.)
    25. на жа гин̃жи (сий. сяаа. га.) ма. ни. 1.390 бассид̇аб̣б̣ам̣
    26. na ca kiñci (sī. syā. ka.) ma. ni. 1.390 passitabbaṃ



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бажалааяамаанасуд̇д̇аван̣н̣анаа • 8. Pacalāyamānasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. бажалааяамаанасуд̇д̇аван̣н̣анаа • 8. Pacalāyamānasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact