8. бажалааяамаанасуд̇д̇аван̣н̣анаа

61. адтамз бажалааяамаанод̇и д̇ам̣ г̇аамам̣ убаниссааяа згасмим̣ ванасан̣д̣з саман̣ад̇хаммам̣ гаронд̇о сад̇д̇аахам̣ жан̇гаманавийриязна ниммат̇ид̇ад̇д̇аа гиланд̇аг̇ад̇д̇о жан̇гаманагодияам̣ бажалааяамаано нисинно ход̇и. бажалааяаси нод̇и нид̣̇д̣̇ааяаси ну. анумаж̇ж̇ид̇ваад̇и баримаж̇ж̇ид̇ваа. аалогасан̃н̃анд̇и мид̣̇д̇хавинод̣̇анааалогасан̃н̃ам̣. д̣̇иваасан̃н̃анд̇и д̣̇иваад̇исан̃н̃ам̣. яат̇аа д̣̇иваа д̇ат̇аа рад̇д̇инд̇и яат̇аа д̣̇иваа аалогасан̃н̃аа ад̇хидтид̇аа, д̇ат̇аа нам̣ рад̇д̇имби ад̇хидтахзяяааси. яат̇аа рад̇д̇им̣ д̇ат̇аа д̣̇иваад̇и яат̇аа жа д̇з рад̇д̇им̣ аалогасан̃н̃аа ад̇хидтид̇аа, д̇ат̇аа нам̣ д̣̇ивааби ад̇хидтахзяяааси. саббабхаасанд̇и д̣̇иб̣б̣ажагкун̃аан̣ад̇т̇ааяа сахобхаасам̣. бажчаабурзсан̃н̃ийд̇и бурад̇о жа бажчад̇о жа абхихаран̣асан̃н̃ааяа сан̃н̃ааваа. анд̇ог̇ад̇зхи инд̣̇риязхийд̇и б̣ахи авигкид̇д̇зхи анд̇о анубавидтзхзва бан̃жахи инд̣̇риязхи. мид̣̇д̇хасуканд̇и нид̣̇д̣̇аасукам̣. зд̇д̇агзна таанзна бхаг̇аваа т̇зрасса мид̣̇д̇хавинод̣̇анагаммадтаанам̣ гат̇зси. сон̣д̣анд̇и маанасон̣д̣ам̣. гижжагаран̣ийяаанийд̇и зд̇т̇а авассам̣ гад̇д̇аб̣б̣аани гижжаани, ид̇араани гаран̣ийяаани. ман̇губхаавод̇и нид̇д̇зж̇ад̇аа д̣̇оманассад̇аа. зд̇д̇агзна таанзна сад̇т̇аараа т̇зрасса бхигкаажааравад̇д̇ам̣ гат̇ид̇ам̣.

ид̣̇аани бхассз барияанд̇агаарид̇ааяа самаад̣̇абзд̇ум̣ д̇асмаад̇ихаад̇иаад̣̇имааха. д̇ад̇т̇а виг̇г̇аахигагат̇анд̇и ‘‘на д̇вам̣ имам̣ д̇хаммавинаяам̣ ааж̇аанаасий’’д̇иаад̣̇инаяаббавад̇д̇аа виг̇г̇аахигагат̇аа. наахам̣ мог̇г̇аллаанаад̇иаад̣̇и баабамид̇д̇асам̣саг̇г̇авиваж̇ж̇анад̇т̇ам̣ вуд̇д̇ам̣. гид̇д̇аавад̇аа ну код̇и гид̇д̇агзна ну ко. д̇ан̣хаасан̇каяавимуд̇д̇о ход̇ийд̇и д̇ан̣хаасан̇каяз ниб̣б̣аанз д̇ам̣ аарамман̣ам̣ гад̇ваа вимуд̇д̇ажид̇д̇ад̇ааяа д̇ан̣хаасан̇каяавимуд̇д̇о наама сам̣кид̇д̇зна гид̇д̇аавад̇аа ход̇и. яааяа бадибад̇д̇ияаа д̇ан̣хаасан̇каяавимуд̇д̇о ход̇и, д̇амзва кийн̣аасавасса бхигкуно буб̣б̣абхааг̇абадибад̣̇ам̣ сам̣кид̇д̇зна д̣̇зсзт̇аад̇и бужчад̇и. ажжанд̇анидтод̇и каяаваяасан̇каад̇ам̣ анд̇ам̣ ад̇ийд̇аад̇и ажжанд̇аа, ажжанд̇аа нидтаа ассаад̇и ажжанд̇анидто, зганд̇анидто сад̇ад̇анидтод̇и ад̇т̇о. ажжанд̇аяог̇агкзмийд̇и ажжанд̇ам̣ яог̇агкзмий, нижжаяог̇агкзмийд̇и ад̇т̇о. ажжанд̇аб̣рахмажаарийд̇и ажжанд̇ам̣ б̣рахмажаарий, нижжаб̣рахмажаарийд̇и ад̇т̇о. ажжанд̇ам̣ барияосаанамассаад̇и буриманаязнзва ажжанд̇абарияосаано. сздто д̣̇звамануссаананд̇и д̣̇зваанан̃жа мануссаанан̃жа сздто уд̇д̇амо. зваруубо бхигку гид̇д̇аавад̇аа ход̇и, сан̇кзбзнзва д̇асса бадибад̇д̇им̣ гат̇зт̇аад̇и яаажад̇и.

саб̣б̣з д̇хаммаа наалам̣ абхинивзсааяаад̇и зд̇т̇а саб̣б̣з д̇хаммаа наама бан̃жагканд̇хаа д̣̇ваад̣̇асааяад̇анаани адтаараса д̇хаад̇уяо, д̇з саб̣б̣зби д̇ан̣хаад̣̇идтивасзна абхинивзсааяа наалам̣ на барияад̇д̇аа на самад̇д̇аа на яуд̇д̇аа. гасмаа? г̇ахид̇аагаарзна ад̇идтанад̇о. д̇з хи нижжаа сукаа ад̇д̇аад̇и г̇ахид̇ааби анижжаа д̣̇угкаа анад̇д̇аава самбаж̇ж̇анд̇и. д̇асмаа наалам̣ абхинивзсааяа. абхиж̇аанаад̇ийд̇и анижжам̣ д̣̇угкам̣ анад̇д̇аад̇и н̃аад̇абарин̃н̃ааяа абхиж̇аанаад̇и. бариж̇аанаад̇ийд̇и д̇ат̇зва д̇ийран̣абарин̃н̃ааяа бариж̇аанаад̇и. яам̣гин̃жи взд̣̇ананд̇и анд̇амасо бан̃жавин̃н̃аан̣асамбаяуд̇д̇ам̣ яам̣гин̃жи аббамад̇д̇агамби взд̣̇анам̣ анубхавад̇и. иминаа бхаг̇аваа т̇зрасса взд̣̇анаавасзна жа виниваддзд̇ваа аруубабариг̇г̇ахам̣ д̣̇ассзси.

анижжаанубассийд̇и анижжад̇о анубассанд̇о. вирааг̇аанубассийд̇и зд̇т̇а д̣̇вз вирааг̇аа каяавирааг̇о жа ажжанд̇авирааг̇о жа. д̇ад̇т̇а сан̇каараанам̣ каяам̣ каяад̇о бассанаа вибассанааби, ажжанд̇авирааг̇ам̣ ниб̣б̣аанам̣ вирааг̇ад̇о д̣̇ассанамаг̇г̇ан̃аан̣амби вирааг̇аанубассанаа. д̇ад̣̇убхаяасаман̇г̇ибуг̇г̇ало вирааг̇аанубассий наама. д̇ам̣ санд̇хааяа вуд̇д̇ам̣ – ‘‘вирааг̇аанубассий’’д̇и, вирааг̇ад̇о анубассанд̇од̇и ад̇т̇о. нирод̇хаанубассимхиби зсзва наяо. нирод̇хоби хи каяанирод̇хо ажжанд̇анирод̇ход̇и д̣̇увид̇хоязва. бадиниссаг̇г̇аанубассийд̇и зд̇т̇а бадиниссаг̇г̇о вужжад̇и воссаг̇г̇о. со жа барижжааг̇авоссаг̇г̇о багканд̣̇анавоссаг̇г̇од̇и д̣̇увид̇хо ход̇и. д̇ад̇т̇а барижжааг̇авоссаг̇г̇од̇и вибассанаа. саа хи д̇ад̣̇ан̇г̇авасзна гилзсз жа канд̇хз жа воссаж̇ад̇и. багканд̣̇анавоссаг̇г̇од̇и маг̇г̇о. со хи ниб̣б̣аанам̣ аарамман̣ад̇о багканд̣̇ад̇и. д̣̇вийхиби ваа гааран̣зхи со воссаг̇г̇оязва, самужчзд̣̇авасзна канд̇хаанам̣ гилзсаанан̃жа воссаж̇анад̇о ниб̣б̣аанз жа багканд̣̇анад̇о. д̇асмаа гилзсз жа канд̇хз жа барижжаж̇ад̇ийд̇и барижжааг̇авоссаг̇г̇о. нирод̇хааяа ниб̣б̣аанад̇хаад̇уяаа жид̇д̇ам̣ багканд̣̇ад̇ийд̇и багканд̣̇анавоссаг̇г̇од̇и убхаяамбзд̇ам̣ маг̇г̇з самзд̇и. д̇ад̣̇убхаяасаман̇г̇ий буг̇г̇ало имааяа бадиниссаг̇г̇аанубассанааяа саманнааг̇ад̇ад̇д̇аа бадиниссаг̇г̇аанубассий наама ход̇и. д̇ам̣ санд̇хааязд̇ам̣ вуд̇д̇ам̣. на гин̃жи логз убаад̣̇ияад̇ийд̇и гин̃жи згамби сан̇каараг̇ад̇ам̣ д̇ан̣хаавасзна на убаад̣̇ияад̇и на г̇ан̣хаад̇и на бараамасад̇и. анубаад̣̇ияам̣ на барид̇ассад̇ийд̇и аг̇г̇ан̣ханд̇о д̇ан̣хаабарид̇ассанааяа на барид̇ассад̇и. бажжад̇д̇ам̣язва бариниб̣б̣ааяад̇ийд̇и саяамзва гилзсабариниб̣б̣аанзна бариниб̣б̣ааяад̇и. кийн̣аа ж̇аад̇ийд̇иаад̣̇инаа банасса бажжавзгкан̣аа д̣̇ассид̇аа. ид̇и бхаг̇аваа сам̣кид̇д̇зна кийн̣аасавасса буб̣б̣абхааг̇аббадибад̣̇ам̣ бужчид̇о сам̣кид̇д̇знзва гат̇зси. ид̣̇ам̣ бана суд̇д̇ам̣ т̇зрасса оваад̣̇оби ахоси вибассанааби. со имасмим̣язва суд̇д̇з вибассанам̣ вад̣дхзд̇ваа арахад̇д̇ам̣ бад̇д̇од̇и.