| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. ปจฺจาคมนิยเตฺถรอปทานํ
3. Paccāgamaniyattheraapadānaṃ
๑๓.
13.
‘‘สินฺธุยา นทิยา ตีเร, จกฺกวาโก อหํ ตทา;
‘‘Sindhuyā nadiyā tīre, cakkavāko ahaṃ tadā;
สุทฺธเสวาลภโกฺขหํ, ปาเปสุ จ สุสญฺญโตฯ
Suddhasevālabhakkhohaṃ, pāpesu ca susaññato.
๑๔.
14.
‘‘อทฺทสํ วิรชํ พุทฺธํ, คจฺฉนฺตํ อนิลญฺชเส;
‘‘Addasaṃ virajaṃ buddhaṃ, gacchantaṃ anilañjase;
ตุเณฺฑน สาลํ ปคฺคยฺห, วิปสฺสิสฺสาภิโรปยิํฯ
Tuṇḍena sālaṃ paggayha, vipassissābhiropayiṃ.
๑๕.
15.
‘‘ยสฺส สทฺธา ตถาคเต, อจลา สุปติฎฺฐิตา;
‘‘Yassa saddhā tathāgate, acalā supatiṭṭhitā;
เตน จิตฺตปฺปสาเทน, ทุคฺคติํ โส น คจฺฉติฯ
Tena cittappasādena, duggatiṃ so na gacchati.
๑๖.
16.
‘‘สฺวาคตํ วต เม อาสิ, พุทฺธเสฎฺฐสฺส สนฺติเก;
‘‘Svāgataṃ vata me āsi, buddhaseṭṭhassa santike;
วิหงฺคเมน สเนฺตน, สุพีชํ โรปิตํ มยาฯ
Vihaṅgamena santena, subījaṃ ropitaṃ mayā.
๑๗.
17.
‘‘เอกนวุติโต กเปฺป, ยํ ปุปฺผมภิโรปยิํ;
‘‘Ekanavutito kappe, yaṃ pupphamabhiropayiṃ;
๑๘.
18.
‘‘สุจารุทสฺสนา นาม, อเฎฺฐเต เอกนามกา;
‘‘Sucārudassanā nāma, aṭṭhete ekanāmakā;
กเปฺป สตฺตรเส อาสุํ, จกฺกวตฺตี มหพฺพลาฯ
Kappe sattarase āsuṃ, cakkavattī mahabbalā.
๑๙.
19.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปจฺจาคมนิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā paccāgamaniyo thero imā gāthāyo abhāsitthāti.
ปจฺจาคมนิยเตฺถรสฺสาปทานํ ตติยํฯ
Paccāgamaniyattherassāpadānaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๓. ปจฺจาคมนิยเตฺถรอปทานวณฺณนา • 3. Paccāgamaniyattheraapadānavaṇṇanā
