| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. පච්‌චාගමනියත්‌ථෙරඅපදානං
3. Paccāgamaniyattheraapadānaṃ
13.
13.
‘‘සින්‌ධුයා නදියා තීරෙ, චක්‌කවාකො අහං තදා;
‘‘Sindhuyā nadiyā tīre, cakkavāko ahaṃ tadā;
සුද්‌ධසෙවාලභක්‌ඛොහං, පාපෙසු ච සුසඤ්‌ඤතො.
Suddhasevālabhakkhohaṃ, pāpesu ca susaññato.
14.
14.
‘‘අද්‌දසං විරජං බුද්‌ධං, ගච්‌ඡන්‌තං අනිලඤ්‌ජසෙ;
‘‘Addasaṃ virajaṃ buddhaṃ, gacchantaṃ anilañjase;
තුණ්‌ඩෙන සාලං පග්‌ගය්‌හ, විපස්‌සිස්‌සාභිරොපයිං.
Tuṇḍena sālaṃ paggayha, vipassissābhiropayiṃ.
15.
15.
‘‘යස්‌ස සද්‌ධා තථාගතෙ, අචලා සුපතිට්‌ඨිතා;
‘‘Yassa saddhā tathāgate, acalā supatiṭṭhitā;
තෙන චිත්‌තප්‌පසාදෙන, දුග්‌ගතිං සො න ගච්‌ඡති.
Tena cittappasādena, duggatiṃ so na gacchati.
16.
16.
‘‘ස්‌වාගතං වත මෙ ආසි, බුද්‌ධසෙට්‌ඨස්‌ස සන්‌තිකෙ;
‘‘Svāgataṃ vata me āsi, buddhaseṭṭhassa santike;
විහඞ්‌ගමෙන සන්‌තෙන, සුබීජං රොපිතං මයා.
Vihaṅgamena santena, subījaṃ ropitaṃ mayā.
17.
17.
‘‘එකනවුතිතො කප්‌පෙ, යං පුප්‌ඵමභිරොපයිං;
‘‘Ekanavutito kappe, yaṃ pupphamabhiropayiṃ;
18.
18.
‘‘සුචාරුදස්‌සනා නාම, අට්‌ඨෙතෙ එකනාමකා;
‘‘Sucārudassanā nāma, aṭṭhete ekanāmakā;
කප්‌පෙ සත්‌තරසෙ ආසුං, චක්‌කවත්‌තී මහබ්‌බලා.
Kappe sattarase āsuṃ, cakkavattī mahabbalā.
19.
19.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පච්‌චාගමනියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā paccāgamaniyo thero imā gāthāyo abhāsitthāti.
පච්‌චාගමනියත්‌ථෙරස්‌සාපදානං තතියං.
Paccāgamaniyattherassāpadānaṃ tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 3. පච්‌චාගමනියත්‌ථෙරඅපදානවණ්‌ණනා • 3. Paccāgamaniyattheraapadānavaṇṇanā
