| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. ਪਚ੍ਚਾਗਮਨਿਯਤ੍ਥੇਰਅਪਦਾਨવਣ੍ਣਨਾ
3. Paccāgamaniyattheraapadānavaṇṇanā
ਸਿਨ੍ਧੁਯਾ ਨਦਿਯਾ ਤੀਰੇਤਿਆਦਿਕਂ ਆਯਸ੍ਮਤੋ ਪਚ੍ਚਾਗਮਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਸਿਨ੍ਧੁਯਾ ਗਙ੍ਗਾਯ ਸਮੀਪੇ ਚਕ੍ਕવਾਕਯੋਨਿਯਂ ਨਿਬ੍ਬਤ੍ਤੋ ਪੁਬ੍ਬਸਮ੍ਭਾਰਯੁਤ੍ਤਤ੍ਤਾ ਪਾਣਿਨੋ ਅਖਾਦਨ੍ਤੋ ਸੇવਾਲਮੇવ ਭਕ੍ਖਯਨ੍ਤੋ ਚਰਤਿ। ਤਸ੍ਮਿਂ ਸਮਯੇ વਿਪਸ੍ਸਿਭਗવਾ ਸਤ੍ਤਾਨੁਗ੍ਗਹਂ ਕਰੋਨ੍ਤੋ ਤਤ੍ਥ ਅਗਮਾਸਿ। ਤਸ੍ਮਿਂ ਖਣੇ ਸੋ ਚਕ੍ਕવਾਕੋ વਿਜ੍ਜੋਤਮਾਨਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਤੁਣ੍ਡੇਨ ਸਾਲਰੁਕ੍ਖਤੋ ਸਾਲਪੁਪ੍ਫਂ ਛਿਨ੍ਦਿਤ੍વਾ ਆਗਮ੍ਮ ਪੂਜੇਸਿ। ਸੋ ਤੇਨੇવ ਚਿਤ੍ਤਪ੍ਪਸਾਦੇਨ ਤਤੋ ਚੁਤੋ ਦੇવਲੋਕੇ ਉਪ੍ਪਨ੍ਨੋ ਅਪਰਾਪਰਂ ਛਕਾਮਾવਚਰਸਮ੍ਪਤ੍ਤਿਂ ਅਨੁਭવਿਤ੍વਾ ਤਤੋ ਚੁਤੋ ਮਨੁਸ੍ਸਲੋਕੇ ਉਪ੍ਪਜ੍ਜਿਤ੍વਾ ਚਕ੍ਕવਤ੍ਤਿਸਮ੍ਪਤ੍ਤਿਆਦਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਪੁਬ੍ਬਚਰਿਤવਸੇਨ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ, ਚਕ੍ਕવਾਕੋ ਹੁਤ੍વਾ ਭਗવਨ੍ਤਂ ਦਿਸ੍વਾ ਕਤ੍ਥਚਿ ਗਨ੍ਤ੍વਾ ਪੁਪ੍ਫਮਾਹਰਿਤ੍વਾ ਪੂਜਿਤਤ੍ਤਾ ਪੁਬ੍ਬਪੁਞ੍ਞਨਾਮੇਨ ਪਚ੍ਚਾਗਮਨਿਯਤ੍ਥੇਰੋਤਿ ਪਾਕਟੋ।
Sindhuyā nadiyā tīretiādikaṃ āyasmato paccāgamaniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle sindhuyā gaṅgāya samīpe cakkavākayoniyaṃ nibbatto pubbasambhārayuttattā pāṇino akhādanto sevālameva bhakkhayanto carati. Tasmiṃ samaye vipassibhagavā sattānuggahaṃ karonto tattha agamāsi. Tasmiṃ khaṇe so cakkavāko vijjotamānaṃ bhagavantaṃ disvā pasannamānaso tuṇḍena sālarukkhato sālapupphaṃ chinditvā āgamma pūjesi. So teneva cittappasādena tato cuto devaloke uppanno aparāparaṃ chakāmāvacarasampattiṃ anubhavitvā tato cuto manussaloke uppajjitvā cakkavattisampattiādayo anubhavitvā imasmiṃ buddhuppāde ekasmiṃ kulagehe nibbatto viññutaṃ patto pubbacaritavasena satthari pasanno pabbajitvā nacirasseva arahā ahosi, cakkavāko hutvā bhagavantaṃ disvā katthaci gantvā pupphamāharitvā pūjitattā pubbapuññanāmena paccāgamaniyattheroti pākaṭo.
੧੩. ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸਿਨ੍ਧੁਯਾ ਨਦਿਯਾ ਤੀਰੇਤਿਆਦਿਮਾਹ। ਸੀਤਿ ਸਦ੍ਦਂ ਕੁਰੁਮਾਨਾ ਧੁਨਾਤਿ ਕਮ੍ਪਤੀਤਿ ਸਿਨ੍ਧੁ, ਨਦਤਿ ਸਦ੍ਦਂ ਕਰੋਨ੍ਤੋ ਗਚ੍ਛਤੀਤਿ ਨਦਿ। ਚਕ੍ਕવਾਕੋ ਅਹਂ ਤਦਾਤਿ ਚਕ੍ਕਂ ਸੀਘਂ ਗਚ੍ਛਨ੍ਤਂ ਇવ ਉਦਕੇ વਾ ਥਲੇ વਾ ਆਕਾਸੇ વਾ ਸੀਘਂ વਾਤਿ ਗਚ੍ਛਤੀਤਿ ਚਕ੍ਕવਾਕੋ। ਤਦਾ વਿਪਸ੍ਸਿਂ ਭਗવਨ੍ਤਂ ਦਸ੍ਸਨਕਾਲੇ ਅਹਂ ਚਕ੍ਕવਾਕੋ ਅਹੋਸਿਨ੍ਤਿ ਅਤ੍ਥੋ। ਸੁਦ੍ਧਸੇવਾਲਭਕ੍ਖੋਹਨ੍ਤਿ ਅਞ੍ਞਗੋਚਰਅਮਿਸ੍ਸਤ੍ਤਾ ਸੁਦ੍ਧਸੇવਾਲਮੇવ ਖਾਦਨ੍ਤੋ ਅਹਂ વਸਾਮਿ। ਪਾਪੇਸੁ ਚ ਸੁਸਞ੍ਞਤੋਤਿ ਪੁਬ੍ਬવਾਸਨਾવਸੇਨ ਪਾਪਕਰਣੇ ਸੁਟ੍ਠੁ ਸਞ੍ਞਤੋ ਤੀਹਿ ਦ੍વਾਰੇਹਿ ਸਞ੍ਞਤੋ ਸੁਸਿਕ੍ਖਿਤੋ।
13. Attano pubbakammaṃ saritvā somanassajāto pubbacaritāpadānaṃ pakāsento sindhuyā nadiyā tīretiādimāha. Sīti saddaṃ kurumānā dhunāti kampatīti sindhu, nadati saddaṃ karonto gacchatīti nadi. Cakkavāko ahaṃ tadāti cakkaṃ sīghaṃ gacchantaṃ iva udake vā thale vā ākāse vā sīghaṃ vāti gacchatīti cakkavāko. Tadā vipassiṃ bhagavantaṃ dassanakāle ahaṃ cakkavāko ahosinti attho. Suddhasevālabhakkhohanti aññagocaraamissattā suddhasevālameva khādanto ahaṃ vasāmi. Pāpesu ca susaññatoti pubbavāsanāvasena pāpakaraṇe suṭṭhu saññato tīhi dvārehi saññato susikkhito.
੧੪. ਅਦ੍ਦਸਂ વਿਰਜਂ ਬੁਦ੍ਧਨ੍ਤਿ ਰਾਗਦੋਸਮੋਹવਿਰਹਿਤਤ੍ਤਾ વਿਰਜਂ ਨਿਕ੍ਕਿਲੇਸਂ ਬੁਦ੍ਧਂ ਅਦ੍ਦਸਂ ਅਦ੍ਦਕ੍ਖਿਂ। ਗਚ੍ਛਨ੍ਤਂ ਅਨਿਲਞ੍ਜਸੇਤਿ ਅਨਿਲਞ੍ਜਸੇ ਆਕਾਸਪਥੇ ਗਚ੍ਛਨ੍ਤਂ ਬੁਦ੍ਧਂ। ਤੁਣ੍ਡੇਨ ਮਯ੍ਹਂ ਮੁਖਤੁਣ੍ਡੇਨ ਤਾਲਂ ਸਾਲਪੁਪ੍ਫਂ ਪਗ੍ਗਯ੍ਹ ਪਗ੍ਗਹੇਤ੍વਾ વਿਪਸ੍ਸਿਸ੍ਸਾਭਿਰੋਪਯਿਂ વਿਪਸ੍ਸਿਸ੍ਸ ਭਗવਤੋ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
14.Addasaṃvirajaṃ buddhanti rāgadosamohavirahitattā virajaṃ nikkilesaṃ buddhaṃ addasaṃ addakkhiṃ. Gacchantaṃ anilañjaseti anilañjase ākāsapathe gacchantaṃ buddhaṃ. Tuṇḍena mayhaṃ mukhatuṇḍena tālaṃ sālapupphaṃ paggayha paggahetvā vipassissābhiropayiṃ vipassissa bhagavato pūjesinti attho. Sesaṃ suviññeyyamevāti.
ਪਚ੍ਚਾਗਮਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Paccāgamaniyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. ਪਚ੍ਚਾਗਮਨਿਯਤ੍ਥੇਰਅਪਦਾਨਂ • 3. Paccāgamaniyattheraapadānaṃ
