| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. පච්‌චනීකසුත්‌තං
6. Paccanīkasuttaṃ
202. සාවත්‌ථිනිදානං . තෙන ඛො පන සමයෙන පච්‌චනීකසාතො නාම බ්‍රාහ්‌මණො සාවත්‌ථියං පටිවසති. අථ ඛො පච්‌චනීකසාතස්‌ස බ්‍රාහ්‌මණස්‌ස එතදහොසි – ‘‘යංනූනාහං යෙන සමණො ගොතමො තෙනුපසඞ්‌කමෙය්‍යං. යං යදෙව සමණො ගොතමො භාසිස්‌සති තං තදෙවස්‌සාහං 1 පච්‌චනීකාස්‌ස’’න්‌ති 2. තෙන ඛො පන සමයෙන භගවා අබ්‌භොකාසෙ චඞ්‌කමති. අථ ඛො පච්‌චනීකසාතො බ්‍රාහ්‌මණො යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං චඞ්‌කමන්‌තං එතදවොච – ‘භණ සමණධම්‌ම’න්‌ති.
202. Sāvatthinidānaṃ . Tena kho pana samayena paccanīkasāto nāma brāhmaṇo sāvatthiyaṃ paṭivasati. Atha kho paccanīkasātassa brāhmaṇassa etadahosi – ‘‘yaṃnūnāhaṃ yena samaṇo gotamo tenupasaṅkameyyaṃ. Yaṃ yadeva samaṇo gotamo bhāsissati taṃ tadevassāhaṃ 3 paccanīkāssa’’nti 4. Tena kho pana samayena bhagavā abbhokāse caṅkamati. Atha kho paccanīkasāto brāhmaṇo yena bhagavā tenupasaṅkami; upasaṅkamitvā bhagavantaṃ caṅkamantaṃ etadavoca – ‘bhaṇa samaṇadhamma’nti.
‘‘න පච්‌චනීකසාතෙන, සුවිජානං සුභාසිතං;
‘‘Na paccanīkasātena, suvijānaṃ subhāsitaṃ;
උපක්‌කිලිට්‌ඨචිත්‌තෙන, සාරම්‌භබහුලෙන ච.
Upakkiliṭṭhacittena, sārambhabahulena ca.
‘‘යො ච විනෙය්‍ය සාරම්‌භං, අප්‌පසාදඤ්‌ච චෙතසො;
‘‘Yo ca vineyya sārambhaṃ, appasādañca cetaso;
ආඝාතං පටිනිස්‌සජ්‌ජ, ස වෙ 5 ජඤ්‌ඤා සුභාසිත’’න්‌ති.
Āghātaṃ paṭinissajja, sa ve 6 jaññā subhāsita’’nti.
එවං වුත්‌තෙ, පච්‌චනීකසාතො බ්‍රාහ්‌මණො භගවන්‌තං එතදවොච – ‘‘අභික්‌කන්‌තං, භො ගොතම, අභික්‌කන්‌තං, භො ගොතම…පෙ.… උපාසකං මං භවං ගොතමො ධාරෙතු අජ්‌ජතග්‌ගෙ පාණුපෙතං සරණං ගත’’න්‌ති.
Evaṃ vutte, paccanīkasāto brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. පච්‌චනීකසුත්‌තවණ්‌ණනා • 6. Paccanīkasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. පච්‌චනීකසුත්‌තවණ්‌ණනා • 6. Paccanīkasuttavaṇṇanā
