| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੬. ਪਚ੍ਚਨੀਕਸੁਤ੍ਤਂ
6. Paccanīkasuttaṃ
੨੦੨. ਸਾવਤ੍ਥਿਨਿਦਾਨਂ । ਤੇਨ ਖੋ ਪਨ ਸਮਯੇਨ ਪਚ੍ਚਨੀਕਸਾਤੋ ਨਾਮ ਬ੍ਰਾਹ੍ਮਣੋ ਸਾવਤ੍ਥਿਯਂ ਪਟਿવਸਤਿ। ਅਥ ਖੋ ਪਚ੍ਚਨੀਕਸਾਤਸ੍ਸ ਬ੍ਰਾਹ੍ਮਣਸ੍ਸ ਏਤਦਹੋਸਿ – ‘‘ਯਂਨੂਨਾਹਂ ਯੇਨ ਸਮਣੋ ਗੋਤਮੋ ਤੇਨੁਪਸਙ੍ਕਮੇਯ੍ਯਂ। ਯਂ ਯਦੇવ ਸਮਣੋ ਗੋਤਮੋ ਭਾਸਿਸ੍ਸਤਿ ਤਂ ਤਦੇવਸ੍ਸਾਹਂ 1 ਪਚ੍ਚਨੀਕਾਸ੍ਸ’’ਨ੍ਤਿ 2। ਤੇਨ ਖੋ ਪਨ ਸਮਯੇਨ ਭਗવਾ ਅਬ੍ਭੋਕਾਸੇ ਚਙ੍ਕਮਤਿ। ਅਥ ਖੋ ਪਚ੍ਚਨੀਕਸਾਤੋ ਬ੍ਰਾਹ੍ਮਣੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਚਙ੍ਕਮਨ੍ਤਂ ਏਤਦવੋਚ – ‘ਭਣ ਸਮਣਧਮ੍ਮ’ਨ੍ਤਿ।
202. Sāvatthinidānaṃ . Tena kho pana samayena paccanīkasāto nāma brāhmaṇo sāvatthiyaṃ paṭivasati. Atha kho paccanīkasātassa brāhmaṇassa etadahosi – ‘‘yaṃnūnāhaṃ yena samaṇo gotamo tenupasaṅkameyyaṃ. Yaṃ yadeva samaṇo gotamo bhāsissati taṃ tadevassāhaṃ 3 paccanīkāssa’’nti 4. Tena kho pana samayena bhagavā abbhokāse caṅkamati. Atha kho paccanīkasāto brāhmaṇo yena bhagavā tenupasaṅkami; upasaṅkamitvā bhagavantaṃ caṅkamantaṃ etadavoca – ‘bhaṇa samaṇadhamma’nti.
‘‘ਨ ਪਚ੍ਚਨੀਕਸਾਤੇਨ, ਸੁવਿਜਾਨਂ ਸੁਭਾਸਿਤਂ।
‘‘Na paccanīkasātena, suvijānaṃ subhāsitaṃ;
ਉਪਕ੍ਕਿਲਿਟ੍ਠਚਿਤ੍ਤੇਨ, ਸਾਰਮ੍ਭਬਹੁਲੇਨ ਚ॥
Upakkiliṭṭhacittena, sārambhabahulena ca.
‘‘ਯੋ ਚ વਿਨੇਯ੍ਯ ਸਾਰਮ੍ਭਂ, ਅਪ੍ਪਸਾਦਞ੍ਚ ਚੇਤਸੋ।
‘‘Yo ca vineyya sārambhaṃ, appasādañca cetaso;
ਏવਂ વੁਤ੍ਤੇ, ਪਚ੍ਚਨੀਕਸਾਤੋ ਬ੍ਰਾਹ੍ਮਣੋ ਭਗવਨ੍ਤਂ ਏਤਦવੋਚ – ‘‘ਅਭਿਕ੍ਕਨ੍ਤਂ, ਭੋ ਗੋਤਮ, ਅਭਿਕ੍ਕਨ੍ਤਂ, ਭੋ ਗੋਤਮ…ਪੇ॰… ਉਪਾਸਕਂ ਮਂ ਭવਂ ਗੋਤਮੋ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤਂ ਸਰਣਂ ਗਤ’’ਨ੍ਤਿ।
Evaṃ vutte, paccanīkasāto brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਪਚ੍ਚਨੀਕਸੁਤ੍ਤવਣ੍ਣਨਾ • 6. Paccanīkasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਪਚ੍ਚਨੀਕਸੁਤ੍ਤવਣ੍ਣਨਾ • 6. Paccanīkasuttavaṇṇanā
