| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
19-24. бажжанийяаануломабадтаанаван̣н̣анаа
19-24. Paccanīyānulomapaṭṭhānavaṇṇanā
1. ид̣̇аани гусалаад̣̇ийсу д̇хаммзсу бажжаяад̇хаммам̣ бадигкибид̇ваа бажжаяуббаннасса гусалаад̣̇ибхаавам̣ аббадигкзбавасзна д̇хаммаанам̣ бажжанийяаануломад̇ааяа лад̣̇д̇ханаамам̣ бажжанийяаануломабадтаанам̣ д̣̇ассзд̇ум̣ нагусалам̣ д̇хаммам̣ бадижжа агусало д̇хаммо уббаж̇ж̇ад̇и хзд̇убажжаяаад̇иаад̣̇и аарад̣̇д̇хам̣. д̇ад̇т̇а нагусалам̣ д̇хаммам̣ бадижжаад̇и гусаласса бажжаяабхаавам̣ ваарзд̇и. агусало д̇хаммо уббаж̇ж̇ад̇ийд̇и агусаласса уббад̇д̇им̣ ануж̇аанаад̇и. нагусалан̃хи агусалам̣ аб̣яаагад̇ам̣ ваа, д̇ан̃жа сахаж̇аад̇абажжаяам̣ гад̇ваа уббаж̇ж̇амаано гусало наама над̇т̇и, д̇асмаа агусалааб̣яаагад̇авасзна д̣̇зсанаа гад̇аа. д̇ад̇т̇а ‘‘агусалам̣ згам̣ канд̇хам̣ бадижжа д̇аяо канд̇хаа’’д̇и звам̣ нагусалам̣ д̇хаммам̣ бадижжа виссаж̇ж̇анам̣ взд̣̇ид̇аб̣б̣ам̣. аб̣яаагад̇о д̇хаммо уббаж̇ж̇ад̇и хзд̇убажжаяаад̇и аяам̣ бана бан̃хо ‘‘вибаагааб̣яаагад̇ам̣ гирияааб̣яаагад̇ам̣ згам̣ канд̇хам̣ бадижжа д̇аяо канд̇хаа жид̇д̇асамудтаанан̃жа рууба’’нд̇и виссаж̇ж̇ид̇ова. ид̇и саб̣б̣абан̃хзсу ависсаж̇ж̇ид̇асса ад̇т̇аануруубам̣ виссаж̇ж̇ид̇асса жа баал̣иааг̇ад̇амзва виссаж̇ж̇анам̣. згзгасмин̃жа д̇игад̣̇угз ваараббабхзд̣̇абажжаяаг̇ан̣анавид̇хаанам̣ саб̣б̣ам̣ хздтаа вуд̇д̇анаяаанусаарзнзва взд̣̇ид̇аб̣б̣ам̣.
1. Idāni kusalādīsu dhammesu paccayadhammaṃ paṭikkhipitvā paccayuppannassa kusalādibhāvaṃ appaṭikkhepavasena dhammānaṃ paccanīyānulomatāya laddhanāmaṃ paccanīyānulomapaṭṭhānaṃ dassetuṃ nakusalaṃ dhammaṃ paṭicca akusalo dhammo uppajjati hetupaccayātiādi āraddhaṃ. Tattha nakusalaṃ dhammaṃ paṭiccāti kusalassa paccayabhāvaṃ vāreti. Akusalo dhammo uppajjatīti akusalassa uppattiṃ anujānāti. Nakusalañhi akusalaṃ abyākataṃ vā, tañca sahajātapaccayaṃ katvā uppajjamāno kusalo nāma natthi, tasmā akusalābyākatavasena desanā katā. Tattha ‘‘akusalaṃ ekaṃ khandhaṃ paṭicca tayo khandhā’’ti evaṃ nakusalaṃ dhammaṃ paṭicca vissajjanaṃ veditabbaṃ. Abyākato dhammo uppajjati hetupaccayāti ayaṃ pana pañho ‘‘vipākābyākataṃ kiriyābyākataṃ ekaṃ khandhaṃ paṭicca tayo khandhā cittasamuṭṭhānañca rūpa’’nti vissajjitova. Iti sabbapañhesu avissajjitassa atthānurūpaṃ vissajjitassa ca pāḷiāgatameva vissajjanaṃ. Ekekasmiñca tikaduke vārappabhedapaccayagaṇanavidhānaṃ sabbaṃ heṭṭhā vuttanayānusāreneva veditabbaṃ.
зд̇д̇аавад̇аа жа –
Ettāvatā ca –
д̇иган̃жа бадтаанаварам̣ д̣̇угуд̇д̇амам̣,
Tikañca paṭṭhānavaraṃ dukuttamaṃ,
д̣̇угам̣ д̇иган̃жзва д̇игам̣ д̣̇уган̃жа;
Dukaṃ tikañceva tikaṃ dukañca;
д̇игам̣ д̇иган̃жзва д̣̇угам̣ д̣̇уган̃жа,
Tikaṃ tikañceva dukaṃ dukañca,
ча бажжанийяаануломамхи наяаа суг̇амбхийраад̇и. –
Cha paccanīyānulomamhi nayā sugambhīrāti. –
адтагат̇ааяам̣ вуд̇д̇аг̇аат̇ааяа д̣̇ийбид̇аа. д̇хаммабажжанийяаануломабадтаанз ча наяаа нид̣̇д̣̇идтаа хонд̇и. бажжаяавасзна банзд̇т̇а згзгасмим̣ бадтаанз ануломаад̣̇аяо жад̇д̇ааро жад̇д̇ааро наяаад̇и згзна барияааязна жад̇увийсад̇инаяабадиман̣д̣ид̇ам̣ бажжанийяаануломабадтаанан̃н̃зва взд̣̇ид̇аб̣б̣ам̣.
Aṭṭhakathāyaṃ vuttagāthāya dīpitā. Dhammapaccanīyānulomapaṭṭhāne cha nayā niddiṭṭhā honti. Paccayavasena panettha ekekasmiṃ paṭṭhāne anulomādayo cattāro cattāro nayāti ekena pariyāyena catuvīsatinayapaṭimaṇḍitaṃ paccanīyānulomapaṭṭhānaññeva veditabbaṃ.
бажжанийяаануломабадтаанаван̣н̣анаа.
Paccanīyānulomapaṭṭhānavaṇṇanā.
звам̣ д̇хаммаануломаад̣̇ивасзна жад̇уусу ваарзсу згзгасмим̣ жад̇увийсад̇ияаа жад̇увийсад̇ияаа наяаанам̣ васзна чаннавуд̇и наяаа хонд̇и. д̇ад̇т̇а бажжаяанаяз аг̇г̇ахзд̇ваа згзгасмим̣ бадтаанз д̇игад̣̇угаад̣̇ийнан̃н̃зва чаннам̣ чаннам̣ наяаанам̣ васзнзд̇ам̣ жад̇увийсад̇инаяабадиман̣д̣ид̇ам̣ саманд̇абадтаанамахаабагаран̣ам̣ взд̣̇ид̇аб̣б̣ам̣. гзжи бана ‘‘гусалаарамман̣о д̇хаммо агусалаарамман̣о д̇хаммо’’д̇иаад̣̇инаа наязна аарамман̣амаад̇игам̣ наама табзд̇ваа ‘‘гусалаарамман̣о д̇хаммо гусалаарамман̣асса д̇хаммасса хзд̇убажжаязна бажжаяо’’д̇иаад̣̇инаа наязна аарамман̣абадтаанам̣ наама д̣̇ассзд̇ваа абарамби пассаад̣̇ийнам̣ васзнаби пассабадтаанам̣ наама уд̣̇д̇харид̇ваа д̣̇ассзнд̇и. д̇ам̣ нзва баал̣ияам̣ на адтагат̇аасу санд̣̇иссад̇ийд̇и ид̇ха на вижаарид̇ам̣. сан̇г̇ийд̇иаарул̣хабаал̣ивасзнзва банзд̇т̇а ван̣н̣анаа гад̇аад̇и взд̣̇ид̇аб̣б̣аа.
Evaṃ dhammānulomādivasena catūsu vāresu ekekasmiṃ catuvīsatiyā catuvīsatiyā nayānaṃ vasena channavuti nayā honti. Tattha paccayanaye aggahetvā ekekasmiṃ paṭṭhāne tikadukādīnaññeva channaṃ channaṃ nayānaṃ vasenetaṃ catuvīsatinayapaṭimaṇḍitaṃ samantapaṭṭhānamahāpakaraṇaṃ veditabbaṃ. Keci pana ‘‘kusalārammaṇo dhammo akusalārammaṇo dhammo’’tiādinā nayena ārammaṇamātikaṃ nāma ṭhapetvā ‘‘kusalārammaṇo dhammo kusalārammaṇassa dhammassa hetupaccayena paccayo’’tiādinā nayena ārammaṇapaṭṭhānaṃ nāma dassetvā aparampi phassādīnaṃ vasenapi phassapaṭṭhānaṃ nāma uddharitvā dassenti. Taṃ neva pāḷiyaṃ na aṭṭhakathāsu sandissatīti idha na vicāritaṃ. Saṅgītiāruḷhapāḷivaseneva panettha vaṇṇanā katāti veditabbā.
зд̇д̇аавад̇аа жа –
Ettāvatā ca –
саммуул̣хаа яад̇т̇а баж̇аа, д̇анд̇аагулаад̣̇ибхаавамаабаннаа;
Sammūḷhā yattha pajā, tantākulādibhāvamāpannā;
нзгавид̇хад̣̇угкаг̇аханам̣, сам̣саарам̣ наад̇ивад̇д̇анд̇и.
Nekavidhadukkhagahanaṃ, saṃsāraṃ nātivattanti.
бажжаяабхзд̣̇з гусало, логз г̇аруд̇амби бажжаяаагаарам̣;
Paccayabhede kusalo, loke garutampi paccayākāraṃ;
ад̇иниббун̣аг̇амбхийрам̣, ж̇аванаб̣бхуумим̣ б̣уд̣̇д̇хан̃аан̣асса.
Atinippuṇagambhīraṃ, javanabbhūmiṃ buddhañāṇassa.
гусалаад̣̇ид̇хаммабхзд̣̇ам̣, ниссааяа наязхи вивид̇хаг̇ан̣анзхи;
Kusalādidhammabhedaṃ, nissāya nayehi vividhagaṇanehi;
вид̇т̇аарзнд̇о сад̇д̇ама-мабхид̇хаммаббагаран̣ам̣ сад̇т̇аа.
Vitthārento sattama-mabhidhammappakaraṇaṃ satthā.
сувихид̇асаннидтаано , бадтаанам̣ наама яам̣ багаасзси;
Suvihitasanniṭṭhāno , paṭṭhānaṃ nāma yaṃ pakāsesi;
сад̣̇д̇хааяа самаарад̣̇д̇хаа, яаа адтагат̇аа маяаа д̇асса.
Saddhāya samāraddhā, yā aṭṭhakathā mayā tassa.
аажарияаанам̣ ваад̣̇ам̣, авихааяа вибхаж̇ж̇аваад̣̇исиссаанам̣;
Ācariyānaṃ vādaṃ, avihāya vibhajjavādisissānaṃ;
ад̇иб̣ахувид̇ханд̇арааяз, логамхи ананд̇арааязна.
Atibahuvidhantarāye, lokamhi anantarāyena.
саа звам̣ аж̇ж̇а гад̇аа, жуд̣̇д̣̇асамад̇д̇зхи бхаан̣аваарзхи;
Sā evaṃ ajja katā, cuddasamattehi bhāṇavārehi;
ад̇т̇ам̣ багаасаяанд̇ий, бадтаанаварасса сагаласса.
Atthaṃ pakāsayantī, paṭṭhānavarassa sakalassa.
саннидтаанам̣ бад̇д̇аа яат̇зва нидтам̣ д̇ат̇аа б̣ахуж̇анасса;
Sanniṭṭhānaṃ pattā yatheva niṭṭhaṃ tathā bahujanassa;
самбаабун̣анд̇у сийгхам̣, галяаан̣аа саб̣б̣асан̇габбаа.
Sampāpuṇantu sīghaṃ, kalyāṇā sabbasaṅkappā.
зд̇д̇аавад̇аа –
Ettāvatā –
сад̇д̇аббагаран̣ам̣ наат̇о, абхид̇хаммамад̣̇зсаяи;
Sattappakaraṇaṃ nātho, abhidhammamadesayi;
д̣̇зваад̇ид̣̇зво д̣̇зваанам̣, д̣̇звалогамхи яам̣ бурз.
Devātidevo devānaṃ, devalokamhi yaṃ pure.
д̇асса адтагат̇аа зсаа, сагалассааби нидтид̇аа;
Tassa aṭṭhakathā esā, sakalassāpi niṭṭhitā;
жирадтид̇ад̇т̇ам̣ д̇хаммасса, нидтабзнд̇зна д̇ам̣ маяаа.
Ciraṭṭhitatthaṃ dhammassa, niṭṭhapentena taṃ mayā.
яам̣ бад̇д̇ам̣ гусалам̣ д̇асса, аанубхаавзна баан̣ино;
Yaṃ pattaṃ kusalaṃ tassa, ānubhāvena pāṇino;
саб̣б̣з сад̣̇д̇хаммарааж̇асса, н̃ад̇ваа д̇хаммам̣ сукаавахам̣.
Sabbe saddhammarājassa, ñatvā dhammaṃ sukhāvahaṃ.
баабун̣анд̇у висуд̣̇д̇хааяа, сукааяа бадибад̇д̇ияаа;
Pāpuṇantu visuddhāya, sukhāya paṭipattiyā;
асогаманубааяаасам̣, ниб̣б̣аанасукамуд̇д̇амам̣.
Asokamanupāyāsaṃ, nibbānasukhamuttamaṃ.
жирам̣ д̇идтад̇у сад̣̇д̇хаммо, д̇хаммз хонд̇у саг̇аараваа;
Ciraṃ tiṭṭhatu saddhammo, dhamme hontu sagāravā;
саб̣б̣зби сад̇д̇аа гаалзна, саммаа д̣̇зво бавассад̇у.
Sabbepi sattā kālena, sammā devo pavassatu.
яат̇аа рагким̣су бораан̣аа, сурааж̇аано д̇ат̇звимам̣;
Yathā rakkhiṃsu porāṇā, surājāno tathevimaṃ;
рааж̇аа рагкад̇у д̇хаммзна, ад̇д̇анова баж̇ам̣ баж̇анд̇и.
Rājā rakkhatu dhammena, attanova pajaṃ pajanti.
бадтаанаббагаран̣а-адтагат̇аа нидтид̇аа.
Paṭṭhānappakaraṇa-aṭṭhakathā niṭṭhitā.
нидтид̇аа жа бан̃жабагаран̣адтагат̇аад̇и.
Niṭṭhitā ca pañcapakaraṇaṭṭhakathāti.
