| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. бажжанийяаануломаван̣н̣анаа
4. Paccanīyānulomavaṇṇanā
49-52. ид̣̇аани бажжанийяаануломам̣ ход̇и. д̇ам̣ д̣̇ассзд̇ум̣ сияаа гусалам̣ д̇хаммам̣ бадижжа гусало д̇хаммо уббаж̇ж̇зяяа нахзд̇убажжаяаа аарамман̣абажжаяаад̇иаад̣̇и аарад̣̇д̇хам̣. д̇ад̇т̇а ануломабажжанийяабужчаахи самаббамаан̣о зва бужчаабарижчзд̣̇о. згамуулагаад̣̇ийсу жзд̇т̇а яаа бужчаа баал̣ияам̣ ааг̇ад̇аа, яаа жа на ааг̇ад̇аа, д̇аа саб̣б̣аа хздтаа вуд̇д̇анаяаанусаарзнзва взд̣̇ид̇аб̣б̣аа.
49-52. Idāni paccanīyānulomaṃ hoti. Taṃ dassetuṃ siyā kusalaṃ dhammaṃ paṭicca kusalo dhammo uppajjeyya nahetupaccayā ārammaṇapaccayātiādi āraddhaṃ. Tattha anulomapaccanīyapucchāhi samappamāṇo eva pucchāparicchedo. Ekamūlakādīsu cettha yā pucchā pāḷiyaṃ āgatā, yā ca na āgatā, tā sabbā heṭṭhā vuttanayānusāreneva veditabbā.
д̇иган̃жа бадтаанаварам̣…бз… ча бажжанийяаануломамхи наяаа суг̇амбхийраад̇и зд̇т̇ааби хздтаа вуд̇д̇анаязнзва д̣̇вз бажжаяаануломаани – д̇хаммабажжанийяаануломам̣ бажжаяабажжанийяаануломан̃жа. д̇ад̇т̇а ‘‘гусалаа д̇хаммаа’’д̇и звам̣ абхид̇хаммамаад̇игаабад̣̇зхи сан̇г̇ахид̇аанам̣ д̇хаммаанам̣ ‘‘нагусалам̣ д̇хаммам̣ бадижжа гусало д̇хаммо’’д̇и бажжанийяаануломад̣̇зсанаавасзна бавад̇д̇ам̣ д̇хаммабажжанийяаануломам̣ наама. ‘‘нахзд̇убажжаяаа аарамман̣абажжаяаа’’д̇и звам̣ жад̇увийсад̇ияаа бажжаязсу лаб̣бхамаанабад̣̇аанам̣ бажжаяабажжанийяаануломад̣̇зсанаавасзна бавад̇д̇ам̣ бажжаяабажжанийяаануломам̣ наама. д̇ад̇т̇а хздтаа адтагат̇ааяам̣ ‘‘д̇иган̃жа бадтаанаварам̣…бз… ча бажжанийяаануломамхи наяаа суг̇амбхийраа’’д̇и аяам̣ г̇аат̇аа д̇хаммабажжанийяаануломам̣ санд̇хааяа вуд̇д̇аа. ид̇ха бана аяам̣ г̇аат̇аа д̇хаммаануломзязва бажжаяабажжанийяаануломам̣ санд̇хааяа вуд̇д̇аа. д̇асмаа ‘‘ча бажжанийяаануломамхи наяаа суг̇амбхийраа’’д̇и адтагат̇ааяа д̇хаммабажжанийяаануломз д̇игабадтаанаад̣̇аяо ча наяаа суг̇амбхийраад̇и звамад̇т̇о взд̣̇ид̇аб̣б̣о. имасмим̣ баногаасз нахзд̇убажжаяаа аарамман̣абажжаяаад̇и звам̣ бавад̇д̇з бажжаяабажжанийяаануломз зд̇з д̇хаммаануломзязва д̇игабадтаанаад̣̇аяо ча наяаа суг̇амбхийраад̇и звамад̇т̇о взд̣̇ид̇аб̣б̣о.
Tikañca paṭṭhānavaraṃ…pe… cha paccanīyānulomamhi nayā sugambhīrāti etthāpi heṭṭhā vuttanayeneva dve paccayānulomāni – dhammapaccanīyānulomaṃ paccayapaccanīyānulomañca. Tattha ‘‘kusalā dhammā’’ti evaṃ abhidhammamātikāpadehi saṅgahitānaṃ dhammānaṃ ‘‘nakusalaṃ dhammaṃ paṭicca kusalo dhammo’’ti paccanīyānulomadesanāvasena pavattaṃ dhammapaccanīyānulomaṃ nāma. ‘‘Nahetupaccayā ārammaṇapaccayā’’ti evaṃ catuvīsatiyā paccayesu labbhamānapadānaṃ paccayapaccanīyānulomadesanāvasena pavattaṃ paccayapaccanīyānulomaṃ nāma. Tattha heṭṭhā aṭṭhakathāyaṃ ‘‘tikañca paṭṭhānavaraṃ…pe… cha paccanīyānulomamhi nayā sugambhīrā’’ti ayaṃ gāthā dhammapaccanīyānulomaṃ sandhāya vuttā. Idha pana ayaṃ gāthā dhammānulomeyeva paccayapaccanīyānulomaṃ sandhāya vuttā. Tasmā ‘‘cha paccanīyānulomamhi nayā sugambhīrā’’ti aṭṭhakathāya dhammapaccanīyānulome tikapaṭṭhānādayo cha nayā sugambhīrāti evamattho veditabbo. Imasmiṃ panokāse nahetupaccayā ārammaṇapaccayāti evaṃ pavatte paccayapaccanīyānulome ete dhammānulomeyeva tikapaṭṭhānādayo cha nayā sugambhīrāti evamattho veditabbo.
д̇зсу ануломад̇игабадтаанзязва гусалад̇д̇игамад̇д̇ассаби васзна аяам̣ имасмим̣ бадижжаваарасса бан̣н̣ад̇д̇иваарз сан̇кибид̇ваа бужчаабабхзд̣̇о д̣̇ассид̇о. сзсзсу бана д̇игзсу сзсабадтаанзсу жа згааби бужчаа на д̣̇ассид̇аа. д̇ад̇о барзсу бана сахаж̇аад̇аваараад̣̇ийсу гусалад̇д̇игассаби васзна бужчам̣ ануд̣̇д̇харид̇ваа лаб̣бхамаанагавасзна виссаж̇ж̇анамзва д̣̇ассид̇ам̣. ‘‘ча бажжанийяаануломамхи наяаа суг̇амбхийраа’’д̇и важанад̇о бана имасмим̣ бажжаяабажжанийяаануломз чаби зд̇з бадтаананаяаа бужчаавасзна уд̣̇д̇харид̇ваа д̣̇ассзд̇аб̣б̣аа. бадтаанам̣ ван̣н̣аяанд̇аанан̃хи аажарияаанам̣ бхааро зсод̇и.
Tesu anulomatikapaṭṭhāneyeva kusalattikamattassapi vasena ayaṃ imasmiṃ paṭiccavārassa paṇṇattivāre saṅkhipitvā pucchāpabhedo dassito. Sesesu pana tikesu sesapaṭṭhānesu ca ekāpi pucchā na dassitā. Tato paresu pana sahajātavārādīsu kusalattikassapi vasena pucchaṃ anuddharitvā labbhamānakavasena vissajjanameva dassitaṃ. ‘‘Cha paccanīyānulomamhi nayā sugambhīrā’’ti vacanato pana imasmiṃ paccayapaccanīyānulome chapi ete paṭṭhānanayā pucchāvasena uddharitvā dassetabbā. Paṭṭhānaṃ vaṇṇayantānañhi ācariyānaṃ bhāro esoti.
бужчааваараван̣н̣анаа нидтид̇аа.
Pucchāvāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 3. бужчаавааро • 3. Pucchāvāro
