| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
14. бажжавзгкан̣ан̃аан̣анид̣̇д̣̇зсаван̣н̣анаа
14. Paccavekkhaṇañāṇaniddesavaṇṇanā
65. бажжавзгкан̣ан̃аан̣анид̣̇д̣̇зсз маг̇г̇агкан̣зязва хзд̇удтзна батамам̣ маг̇г̇ан̇г̇аани висум̣ висум̣ вад̇ваа буна маг̇г̇ан̇г̇абхууд̇з жа амаг̇г̇ан̇г̇абхууд̇з жа д̇хаммз ‘‘б̣уж̇жханадтзна б̣од̇хий’’д̇и лад̣̇д̇ханаамасса арияасса ан̇г̇абхаавзна б̣ож̇жхан̇г̇з висум̣ д̣̇ассзси. сад̇ид̇хаммавижаяавийрияасамаад̇хисамб̣ож̇жхан̇г̇аа хи маг̇г̇ан̇г̇аанзва, бийд̇ибассад̣̇д̇хиубзгкаасамб̣ож̇жхан̇г̇аа амаг̇г̇ан̇г̇аани. буна б̣алавасзна инд̣̇рияавасзна жа висум̣ нид̣̇д̣̇идтзсу сад̣̇д̇хаа зва амаг̇г̇ан̇г̇абхууд̇аа. буна маг̇г̇агкан̣з ж̇аад̇зязва д̇хаммз раасивасзна д̣̇ассзнд̇о аад̇хибад̇зяяадтзнаад̇иаад̣̇имааха. д̇ад̇т̇а убадтаанадтзна сад̇ибадтаанаад̇и згаава ниб̣б̣аанаарамман̣аа сад̇и гааяавзд̣̇анаажид̇д̇ад̇хаммзсу субхасуканижжаад̇д̇асан̃н̃аабахаанагижжасаад̇ханавасзна жад̇д̇ааро сад̇ибадтаанаа наама. ниб̣б̣аанаарамман̣ам̣ згамзва вийрияам̣ уббаннаануббаннаанам̣ агусалаанам̣ бахаанаануббад̇д̇игижжасса, ануббаннуббаннаанам̣ гусалаанам̣ уббаад̣̇адтид̇игижжасса саад̇ханавасзна жад̇д̇ааро саммаббад̇хаанаа наама.
65. Paccavekkhaṇañāṇaniddese maggakkhaṇeyeva hetuṭṭhena paṭhamaṃ maggaṅgāni visuṃ visuṃ vatvā puna maggaṅgabhūte ca amaggaṅgabhūte ca dhamme ‘‘bujjhanaṭṭhena bodhī’’ti laddhanāmassa ariyassa aṅgabhāvena bojjhaṅge visuṃ dassesi. Satidhammavicayavīriyasamādhisambojjhaṅgā hi maggaṅgāneva, pītipassaddhiupekkhāsambojjhaṅgā amaggaṅgāni. Puna balavasena indriyavasena ca visuṃ niddiṭṭhesu saddhā eva amaggaṅgabhūtā. Puna maggakkhaṇe jāteyeva dhamme rāsivasena dassento ādhipateyyaṭṭhenātiādimāha. Tattha upaṭṭhānaṭṭhena satipaṭṭhānāti ekāva nibbānārammaṇā sati kāyavedanācittadhammesu subhasukhaniccaattasaññāpahānakiccasādhanavasena cattāro satipaṭṭhānā nāma. Nibbānārammaṇaṃ ekameva vīriyaṃ uppannānuppannānaṃ akusalānaṃ pahānānuppattikiccassa, anuppannuppannānaṃ kusalānaṃ uppādaṭṭhitikiccassa sādhanavasena cattāro sammappadhānā nāma.
д̇ат̇адтзна сажжаад̇и д̣̇угкабхааваад̣̇ийсу ависам̣ваад̣̇агадтзна жад̇д̇аари арияасажжаани. зд̇аанзва жзд̇т̇а бадивзд̇хадтзна д̇ад̣̇аа самуд̣̇ааг̇ад̇аани, ‘‘амад̇ог̇ад̇хам̣ ниб̣б̣аана’’нд̇и висум̣ вуд̇д̇ам̣ ниб̣б̣аанан̃жа, сзсаа бана д̇хаммаа бадилаабхадтзна д̇ад̣̇аа самуд̣̇ааг̇ад̇аа. ‘‘д̇ат̇адтзна сажжаа д̇ад̣̇аа самуд̣̇ааг̇ад̇аа’’д̇и важанад̇о маг̇г̇апалабарияосаанз авассам̣ жад̇д̇аари сажжаани бажжавзгкад̇ийд̇и нидтамзд̇т̇а г̇анд̇аб̣б̣ам̣. ‘‘гад̇ам̣ гаран̣ийяам̣ наабарам̣ ид̇т̇ад̇д̇ааяаад̇и баж̇аанаад̇ий’’д̇и (д̣̇ий. ни. 1.248) важанад̇о жа ‘‘д̣̇угкам̣ мз барин̃н̃аад̇ам̣, самуд̣̇аяо мз бахийно, нирод̇хо мз сажчигад̇о, маг̇г̇о жа мз бхаавид̇о’’д̇и бажжавзгкан̣ам̣ вуд̇д̇амзва ход̇и. д̇ат̇аа бажжавзгкан̣ам̣ яуж̇ж̇ад̇и жа. самуд̣̇аяод̇и жзд̇т̇а д̇ам̣д̇ам̣маг̇г̇аваж̇жхоязва взд̣̇ид̇аб̣б̣о. зд̇т̇а вуд̇д̇асамуд̣̇аяабажжавзгкан̣авасзнзва адтагат̇ааяам̣ д̣̇увид̇хам̣ гилзсабажжавзгкан̣ам̣ маг̇г̇апаланиб̣б̣аанабажжавзгкан̣аани ид̇ха саруубзнзва ааг̇ад̇аанийд̇и вуд̇д̇аани. гзвалам̣ д̣̇угкабажжавзгкан̣амзва на вуд̇д̇ам̣. гин̃жааби на вуд̇д̇ам̣, ат̇а ко баатасаб̣бхаавад̇о яуд̇д̇исаб̣бхаавад̇о жа г̇ахзд̇аб̣б̣амзва. сажжабадивзд̇хад̇т̇ан̃хи бадибаннасса нидтид̇з сажжабадивзд̇хз саяам̣ гад̇агижжабажжавзгкан̣ам̣ яуд̇д̇амзваад̇и. авигкзбадтзна самат̇од̇иаад̣̇и маг̇г̇асамбаяуд̇д̇з зва самат̇авибассанаад̇хаммз згарасадтзна анад̇ивад̇д̇анадтзна жа д̣̇ассзд̇ум̣ вуд̇д̇ам̣. сам̣варадтзна сийлависуд̣̇д̇хийд̇и саммааваажаагамманд̇ааж̇ийваа зва. авигкзбадтзна жид̇д̇ависуд̣̇д̇хийд̇и саммаасамаад̇хи зва. д̣̇ассанадтзна д̣̇идтивисуд̣̇д̇хийд̇и саммаад̣̇идтиязва. вимуд̇д̇адтзнаад̇и самужчзд̣̇авасзна маг̇г̇аваж̇жхагилзсзхи мужжанадтзна, ниб̣б̣аанаарамман̣з ваа ад̇химужжанадтзна. вимогкод̇и самужчзд̣̇авимогко, арияамаг̇г̇оязва. бадивзд̇хадтзна виж̇ж̇аад̇и сажжабадивзд̇хадтзна виж̇ж̇аа, саммаад̣̇идтиязва. барижжааг̇адтзна вимуд̇д̇ийд̇и маг̇г̇аваж̇жхагилзсаанам̣ баж̇аханадтзна д̇ад̇о мужжанад̇о вимуд̇д̇и, арияамаг̇г̇оязва. самужчзд̣̇адтзна каяз н̃аан̣анд̇и гилзсасамужчинд̣̇анадтзна гилзсагкаяагарз арияамаг̇г̇з н̃аан̣ам̣, саммаад̣̇идтиязва.
Tathaṭṭhena saccāti dukkhabhāvādīsu avisaṃvādakaṭṭhena cattāri ariyasaccāni. Etāneva cettha paṭivedhaṭṭhena tadā samudāgatāni, ‘‘amatogadhaṃ nibbāna’’nti visuṃ vuttaṃ nibbānañca, sesā pana dhammā paṭilābhaṭṭhena tadā samudāgatā. ‘‘Tathaṭṭhena saccā tadā samudāgatā’’ti vacanato maggaphalapariyosāne avassaṃ cattāri saccāni paccavekkhatīti niṭṭhamettha gantabbaṃ. ‘‘Kataṃ karaṇīyaṃ nāparaṃ itthattāyāti pajānātī’’ti (dī. ni. 1.248) vacanato ca ‘‘dukkhaṃ me pariññātaṃ, samudayo me pahīno, nirodho me sacchikato, maggo ca me bhāvito’’ti paccavekkhaṇaṃ vuttameva hoti. Tathā paccavekkhaṇaṃ yujjati ca. Samudayoti cettha taṃtaṃmaggavajjhoyeva veditabbo. Ettha vuttasamudayapaccavekkhaṇavaseneva aṭṭhakathāyaṃ duvidhaṃ kilesapaccavekkhaṇaṃ maggaphalanibbānapaccavekkhaṇāni idha sarūpeneva āgatānīti vuttāni. Kevalaṃ dukkhapaccavekkhaṇameva na vuttaṃ. Kiñcāpi na vuttaṃ, atha kho pāṭhasabbhāvato yuttisabbhāvato ca gahetabbameva. Saccapaṭivedhatthañhi paṭipannassa niṭṭhite saccapaṭivedhe sayaṃ katakiccapaccavekkhaṇaṃ yuttamevāti. Avikkhepaṭṭhena samathotiādi maggasampayutte eva samathavipassanādhamme ekarasaṭṭhena anativattanaṭṭhena ca dassetuṃ vuttaṃ. Saṃvaraṭṭhena sīlavisuddhīti sammāvācākammantājīvā eva. Avikkhepaṭṭhena cittavisuddhīti sammāsamādhi eva. Dassanaṭṭhena diṭṭhivisuddhīti sammādiṭṭhiyeva. Vimuttaṭṭhenāti samucchedavasena maggavajjhakilesehi muccanaṭṭhena, nibbānārammaṇe vā adhimuccanaṭṭhena. Vimokkhoti samucchedavimokkho, ariyamaggoyeva. Paṭivedhaṭṭhena vijjāti saccapaṭivedhaṭṭhena vijjā, sammādiṭṭhiyeva. Pariccāgaṭṭhena vimuttīti maggavajjhakilesānaṃ pajahanaṭṭhena tato muccanato vimutti, ariyamaggoyeva. Samucchedaṭṭhena khaye ñāṇanti kilesasamucchindanaṭṭhena kilesakkhayakare ariyamagge ñāṇaṃ, sammādiṭṭhiyeva.
чанд̣̇аад̣̇аяо хздтаа вуд̇д̇анаязнзва взд̣̇ид̇аб̣б̣аа. гзвалан̃хзд̇т̇а маг̇г̇агкан̣зязва маг̇г̇асса аад̣̇имаж̇жхабарияосаанаагаарзна д̣̇ассид̇аа. вимуд̇д̇ийд̇и жзд̇т̇а маг̇г̇авимуд̇д̇иязва. ‘‘д̇ат̇адтзна сажжаа’’д̇и зд̇т̇а г̇ахид̇амби жа ниб̣б̣аанам̣ ид̇ха барияосаанабхаавад̣̇ассанад̇т̇ам̣ буна вуд̇д̇анд̇и взд̣̇ид̇аб̣б̣ам̣. палагкан̣зби зсзва наяо. зд̇т̇а бана хзд̇удтзна маг̇г̇од̇и паламаг̇г̇абхаавзнзва. саммаббад̇хаанаад̇и маг̇г̇агкан̣з жад̇угижжасаад̇хагасса вийрияагижжасса паласса уббаад̣̇агкан̣з сид̣̇д̇хад̇д̇аа вуд̇д̇анд̇и взд̣̇ид̇аб̣б̣ам̣. ан̃н̃ат̇аа хи палагкан̣з саммаббад̇хаанаа зва на лаб̣бханд̇и. вуд̇д̇ан̃хи маг̇г̇агкан̣з сад̇д̇ад̇им̣са б̣од̇хибагкияад̇хаммз уд̣̇д̇харанд̇зна т̇зрзна ‘‘палагкан̣з табзд̇ваа жад̇д̇ааро саммаббад̇хаанз авасзсаа д̇зд̇д̇им̣са д̇хаммаа лаб̣бханд̇ий’’д̇и. звамзва бадивзд̇хагижжаад̣̇исид̣̇д̇хивасзна сажжаад̣̇ийниби яат̇ааяог̇ам̣ взд̣̇ид̇аб̣б̣аани. вимогкод̇и жа палавимогко. вимуд̇д̇ийд̇и палавимуд̇д̇и. бадиббассад̣̇д̇хадтзна ануббаад̣̇з н̃аан̣ам̣ вуд̇д̇ад̇т̇амзва. вудтахид̇ваад̇и анд̇араа вудтаанаабхааваа палаавасаанзна звам̣ вуд̇д̇ам̣. имз д̇хаммаа д̇ад̣̇аа самуд̣̇ааг̇ад̇аад̇и имз вуд̇д̇аббагаараа д̇хаммаа маг̇г̇агкан̣з палагкан̣з жа самуд̣̇ааг̇ад̇аад̇и бажжавзгкад̇ийд̇и ид̇и-сад̣̇д̣̇ам̣ баатасзсам̣ гад̇ваа самб̣анд̇хо взд̣̇ид̇аб̣б̣о.
Chandādayo heṭṭhā vuttanayeneva veditabbā. Kevalañhettha maggakkhaṇeyeva maggassa ādimajjhapariyosānākārena dassitā. Vimuttīti cettha maggavimuttiyeva. ‘‘Tathaṭṭhena saccā’’ti ettha gahitampi ca nibbānaṃ idha pariyosānabhāvadassanatthaṃ puna vuttanti veditabbaṃ. Phalakkhaṇepi eseva nayo. Ettha pana hetuṭṭhena maggoti phalamaggabhāveneva. Sammappadhānāti maggakkhaṇe catukiccasādhakassa vīriyakiccassa phalassa uppādakkhaṇe siddhattā vuttanti veditabbaṃ. Aññathā hi phalakkhaṇe sammappadhānā eva na labbhanti. Vuttañhi maggakkhaṇe sattatiṃsa bodhipakkhiyadhamme uddharantena therena ‘‘phalakkhaṇe ṭhapetvā cattāro sammappadhāne avasesā tettiṃsa dhammā labbhantī’’ti. Evameva paṭivedhakiccādisiddhivasena saccādīnipi yathāyogaṃ veditabbāni. Vimokkhoti ca phalavimokkho. Vimuttīti phalavimutti. Paṭippassaddhaṭṭhena anuppāde ñāṇaṃ vuttatthameva. Vuṭṭhahitvāti antarā vuṭṭhānābhāvā phalāvasānena evaṃ vuttaṃ. Ime dhammā tadā samudāgatāti ime vuttappakārā dhammā maggakkhaṇe phalakkhaṇe ca samudāgatāti paccavekkhatīti iti-saddaṃ pāṭhasesaṃ katvā sambandho veditabbo.
бажжавзгкан̣ан̃аан̣анид̣̇д̣̇зсаван̣н̣анаа нидтид̇аа.
Paccavekkhaṇañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 14. бажжавзгкан̣ан̃аан̣анид̣̇д̣̇зсо • 14. Paccavekkhaṇañāṇaniddeso
