| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
14. бажжавзгкан̣ан̃аан̣анид̣̇д̣̇зсо
14. Paccavekkhaṇañāṇaniddeso
65. гат̇ам̣ д̇ад̣̇аа самуд̣̇ааг̇ад̇з д̇хаммз бассанз бан̃н̃аа бажжавзгкан̣з н̃аан̣ам̣? сод̇аабад̇д̇имаг̇г̇агкан̣з д̣̇ассанадтзна саммаад̣̇идти д̇ад̣̇аа самуд̣̇ааг̇ад̇аа. абхиниробанадтзна саммаасан̇габбо д̇ад̣̇аа самуд̣̇ааг̇ад̇о. бариг̇г̇ахадтзна саммааваажаа д̇ад̣̇аа самуд̣̇ааг̇ад̇аа. самудтаанадтзна саммаагамманд̇о д̇ад̣̇аа самуд̣̇ааг̇ад̇о. вод̣̇аанадтзна саммааааж̇ийво д̇ад̣̇аа самуд̣̇ааг̇ад̇о. баг̇г̇ахадтзна саммаавааяаамо д̇ад̣̇аа самуд̣̇ааг̇ад̇о. убадтаанадтзна саммаасад̇и д̇ад̣̇аа самуд̣̇ааг̇ад̇аа. авигкзбадтзна саммаасамаад̇хи д̇ад̣̇аа самуд̣̇ааг̇ад̇о.
65. Kathaṃ tadā samudāgate dhamme passane paññā paccavekkhaṇe ñāṇaṃ? Sotāpattimaggakkhaṇe dassanaṭṭhena sammādiṭṭhi tadā samudāgatā. Abhiniropanaṭṭhena sammāsaṅkappo tadā samudāgato. Pariggahaṭṭhena sammāvācā tadā samudāgatā. Samuṭṭhānaṭṭhena sammākammanto tadā samudāgato. Vodānaṭṭhena sammāājīvo tadā samudāgato. Paggahaṭṭhena sammāvāyāmo tadā samudāgato. Upaṭṭhānaṭṭhena sammāsati tadā samudāgatā. Avikkhepaṭṭhena sammāsamādhi tadā samudāgato.
убадтаанадтзна сад̇исамб̣ож̇жхан̇г̇о д̇ад̣̇аа самуд̣̇ааг̇ад̇о. бавижаяадтзна д̇хаммавижаяасамб̣ож̇жхан̇г̇о д̇ад̣̇аа самуд̣̇ааг̇ад̇о. баг̇г̇ахадтзна вийрияасамб̣ож̇жхан̇г̇о д̇ад̣̇аа самуд̣̇ааг̇ад̇о. паран̣адтзна бийд̇исамб̣ож̇жхан̇г̇о д̇ад̣̇аа самуд̣̇ааг̇ад̇о. убасамадтзна бассад̣̇д̇хисамб̣ож̇жхан̇г̇о д̇ад̣̇аа самуд̣̇ааг̇ад̇о. авигкзбадтзна самаад̇хисамб̣ож̇жхан̇г̇о д̇ад̣̇аа самуд̣̇ааг̇ад̇о. бадисан̇каанадтзна убзгкаасамб̣ож̇жхан̇г̇о д̇ад̣̇аа самуд̣̇ааг̇ад̇о.
Upaṭṭhānaṭṭhena satisambojjhaṅgo tadā samudāgato. Pavicayaṭṭhena dhammavicayasambojjhaṅgo tadā samudāgato. Paggahaṭṭhena vīriyasambojjhaṅgo tadā samudāgato. Pharaṇaṭṭhena pītisambojjhaṅgo tadā samudāgato. Upasamaṭṭhena passaddhisambojjhaṅgo tadā samudāgato. Avikkhepaṭṭhena samādhisambojjhaṅgo tadā samudāgato. Paṭisaṅkhānaṭṭhena upekkhāsambojjhaṅgo tadā samudāgato.
ассад̣̇д̇хияз агамбияадтзна сад̣̇д̇хааб̣алам̣ д̇ад̣̇аа самуд̣̇ааг̇ад̇ам̣. госаж̇ж̇з агамбияадтзна вийрияаб̣алам̣ д̇ад̣̇аа самуд̣̇ааг̇ад̇ам̣. бамаад̣̇з агамбияадтзна сад̇иб̣алам̣ д̇ад̣̇аа самуд̣̇ааг̇ад̇ам̣. уд̣̇д̇хажжз агамбияадтзна самаад̇хиб̣алам̣ д̇ад̣̇аа самуд̣̇ааг̇ад̇ам̣. авиж̇ж̇ааяа агамбияадтзна бан̃н̃ааб̣алам̣ д̇ад̣̇аа самуд̣̇ааг̇ад̇ам̣.
Assaddhiye akampiyaṭṭhena saddhābalaṃ tadā samudāgataṃ. Kosajje akampiyaṭṭhena vīriyabalaṃ tadā samudāgataṃ. Pamāde akampiyaṭṭhena satibalaṃ tadā samudāgataṃ. Uddhacce akampiyaṭṭhena samādhibalaṃ tadā samudāgataṃ. Avijjāya akampiyaṭṭhena paññābalaṃ tadā samudāgataṃ.
ад̇химогкадтзна сад̣̇д̇хинд̣̇рияам̣ д̇ад̣̇аа самуд̣̇ааг̇ад̇ам̣. баг̇г̇ахадтзна вийрияинд̣̇рияам̣ д̇ад̣̇аа самуд̣̇ааг̇ад̇ам̣. убадтаанадтзна сад̇инд̣̇рияам̣ д̇ад̣̇аа самуд̣̇ааг̇ад̇ам̣. авигкзбадтзна самаад̇хинд̣̇рияам̣ д̇ад̣̇аа самуд̣̇ааг̇ад̇ам̣. д̣̇ассанадтзна бан̃н̃инд̣̇рияам̣ д̇ад̣̇аа самуд̣̇ааг̇ад̇ам̣.
Adhimokkhaṭṭhena saddhindriyaṃ tadā samudāgataṃ. Paggahaṭṭhena vīriyindriyaṃ tadā samudāgataṃ. Upaṭṭhānaṭṭhena satindriyaṃ tadā samudāgataṃ. Avikkhepaṭṭhena samādhindriyaṃ tadā samudāgataṃ. Dassanaṭṭhena paññindriyaṃ tadā samudāgataṃ.
аад̇хибад̇зяяадтзна инд̣̇рияаа д̇ад̣̇аа самуд̣̇ааг̇ад̇аа. агамбияадтзна б̣алаа д̇ад̣̇аа самуд̣̇ааг̇ад̇аа. нияяаанадтзна самб̣ож̇жхан̇г̇аа д̇ад̣̇аа самуд̣̇ааг̇ад̇аа. хзд̇удтзна маг̇г̇о д̇ад̣̇аа самуд̣̇ааг̇ад̇о. убадтаанадтзна сад̇ибадтаанаа д̇ад̣̇аа самуд̣̇ааг̇ад̇аа. бад̣̇аханадтзна саммаббад̇хаанаа д̇ад̣̇аа самуд̣̇ааг̇ад̇аа. иж̇жханадтзна ид̣̇д̇хибаад̣̇аа д̇ад̣̇аа самуд̣̇ааг̇ад̇аа. д̇ат̇адтзна сажжаа д̇ад̣̇аа самуд̣̇ааг̇ад̇аа. авигкзбадтзна самат̇о д̇ад̣̇аа самуд̣̇ааг̇ад̇о. анубассанадтзна вибассанаа д̇ад̣̇аа самуд̣̇ааг̇ад̇аа. згарасадтзна самат̇авибассанаа д̇ад̣̇аа самуд̣̇ааг̇ад̇аа. анад̇ивад̇д̇анадтзна яуг̇анад̣̇д̇хам̣ д̇ад̣̇аа самуд̣̇ааг̇ад̇ам̣. сам̣варадтзна сийлависуд̣̇д̇хи д̇ад̣̇аа самуд̣̇ааг̇ад̇аа. авигкзбадтзна жид̇д̇ависуд̣̇д̇хи д̇ад̣̇аа самуд̣̇ааг̇ад̇аа. д̣̇ассанадтзна д̣̇идтивисуд̣̇д̇хи д̇ад̣̇аа самуд̣̇ааг̇ад̇аа. вимуд̇д̇адтзна вимогко д̇ад̣̇аа самуд̣̇ааг̇ад̇о. бадивзд̇хадтзна виж̇ж̇аа д̇ад̣̇аа самуд̣̇ааг̇ад̇аа. барижжааг̇адтзна вимуд̇д̇и д̇ад̣̇аа самуд̣̇ааг̇ад̇аа. самужчзд̣̇адтзна каяз н̃аан̣ам̣ д̇ад̣̇аа самуд̣̇ааг̇ад̇ам̣.
Ādhipateyyaṭṭhena indriyā tadā samudāgatā. Akampiyaṭṭhena balā tadā samudāgatā. Niyyānaṭṭhena sambojjhaṅgā tadā samudāgatā. Hetuṭṭhena maggo tadā samudāgato. Upaṭṭhānaṭṭhena satipaṭṭhānā tadā samudāgatā. Padahanaṭṭhena sammappadhānā tadā samudāgatā. Ijjhanaṭṭhena iddhipādā tadā samudāgatā. Tathaṭṭhena saccā tadā samudāgatā. Avikkhepaṭṭhena samatho tadā samudāgato. Anupassanaṭṭhena vipassanā tadā samudāgatā. Ekarasaṭṭhena samathavipassanā tadā samudāgatā. Anativattanaṭṭhena yuganaddhaṃ tadā samudāgataṃ. Saṃvaraṭṭhena sīlavisuddhi tadā samudāgatā. Avikkhepaṭṭhena cittavisuddhi tadā samudāgatā. Dassanaṭṭhena diṭṭhivisuddhi tadā samudāgatā. Vimuttaṭṭhena vimokkho tadā samudāgato. Paṭivedhaṭṭhena vijjā tadā samudāgatā. Pariccāgaṭṭhena vimutti tadā samudāgatā. Samucchedaṭṭhena khaye ñāṇaṃ tadā samudāgataṃ.
чанд̣̇о мууладтзна д̇ад̣̇аа самуд̣̇ааг̇ад̇о. манасигааро самудтаанадтзна д̇ад̣̇аа самуд̣̇ааг̇ад̇о. пассо самод̇хаанадтзна д̇ад̣̇аа самуд̣̇ааг̇ад̇о. взд̣̇анаа самосаран̣адтзна д̇ад̣̇аа самуд̣̇ааг̇ад̇аа. самаад̇хи бамукадтзна д̇ад̣̇аа самуд̣̇ааг̇ад̇о. сад̇и аад̇хибад̇зяяадтзна д̇ад̣̇аа самуд̣̇ааг̇ад̇аа. бан̃н̃аа д̇ад̣̇уд̇д̇арадтзна д̇ад̣̇аа самуд̣̇ааг̇ад̇аа . вимуд̇д̇и саарадтзна д̇ад̣̇аа самуд̣̇ааг̇ад̇аа. амад̇ог̇ад̇хам̣ ниб̣б̣аанам̣ барияосаанадтзна д̇ад̣̇аа самуд̣̇ааг̇ад̇ам̣. вудтахид̇ваа бажжавзгкад̇и, имз д̇хаммаа д̇ад̣̇аа самуд̣̇ааг̇ад̇аа.
Chando mūlaṭṭhena tadā samudāgato. Manasikāro samuṭṭhānaṭṭhena tadā samudāgato. Phasso samodhānaṭṭhena tadā samudāgato. Vedanā samosaraṇaṭṭhena tadā samudāgatā. Samādhi pamukhaṭṭhena tadā samudāgato. Sati ādhipateyyaṭṭhena tadā samudāgatā. Paññā taduttaraṭṭhena tadā samudāgatā . Vimutti sāraṭṭhena tadā samudāgatā. Amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
сод̇аабад̇д̇ипалагкан̣з д̣̇ассанадтзна саммаад̣̇идти д̇ад̣̇аа самуд̣̇ааг̇ад̇аа. абхиниробанадтзна саммаасан̇габбо д̇ад̣̇аа самуд̣̇ааг̇ад̇о…бз… бадиббассад̣̇д̇хадтзна ануббаад̣̇з н̃аан̣ам̣ д̇ад̣̇аа самуд̣̇ааг̇ад̇ам̣. чанд̣̇о мууладтзна д̇ад̣̇аа самуд̣̇ааг̇ад̇о. манасигааро самудтаанадтзна д̇ад̣̇аа самуд̣̇ааг̇ад̇о. пассо самод̇хаанадтзна д̇ад̣̇аа самуд̣̇ааг̇ад̇о. взд̣̇анаа самосаран̣адтзна д̇ад̣̇аа самуд̣̇ааг̇ад̇аа. самаад̇хи бамукадтзна д̇ад̣̇аа самуд̣̇ааг̇ад̇о. сад̇и аад̇хибад̇зяяадтзна д̇ад̣̇аа самуд̣̇ааг̇ад̇аа. бан̃н̃аа д̇ад̣̇уд̇д̇арадтзна д̇ад̣̇аа самуд̣̇ааг̇ад̇аа. вимуд̇д̇и саарадтзна д̇ад̣̇аа самуд̣̇ааг̇ад̇аа. амад̇ог̇ад̇хам̣ ниб̣б̣аанам̣ барияосаанадтзна д̇ад̣̇аа самуд̣̇ааг̇ад̇ам̣. вудтахид̇ваа бажжавзгкад̇и, имз д̇хаммаа д̇ад̣̇аа самуд̣̇ааг̇ад̇аа.
Sotāpattiphalakkhaṇe dassanaṭṭhena sammādiṭṭhi tadā samudāgatā. Abhiniropanaṭṭhena sammāsaṅkappo tadā samudāgato…pe… paṭippassaddhaṭṭhena anuppāde ñāṇaṃ tadā samudāgataṃ. Chando mūlaṭṭhena tadā samudāgato. Manasikāro samuṭṭhānaṭṭhena tadā samudāgato. Phasso samodhānaṭṭhena tadā samudāgato. Vedanā samosaraṇaṭṭhena tadā samudāgatā. Samādhi pamukhaṭṭhena tadā samudāgato. Sati ādhipateyyaṭṭhena tadā samudāgatā. Paññā taduttaraṭṭhena tadā samudāgatā. Vimutti sāraṭṭhena tadā samudāgatā. Amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
сагад̣̇ааг̇аамимаг̇г̇агкан̣з…бз… сагад̣̇ааг̇аамипалагкан̣з…бз… анааг̇аамимаг̇г̇агкан̣з…бз… анааг̇аамипалагкан̣з…бз… арахад̇д̇амаг̇г̇агкан̣з д̣̇ассанадтзна саммаад̣̇идти д̇ад̣̇аа самуд̣̇ааг̇ад̇аа…бз… самужчзд̣̇адтзна каяз н̃аан̣ам̣ д̇ад̣̇аа самуд̣̇ааг̇ад̇ам̣. чанд̣̇о мууладтзна д̇ад̣̇аа самуд̣̇ааг̇ад̇о…бз… амад̇ог̇ад̇хам̣ ниб̣б̣аанам̣ барияосаанадтзна д̇ад̣̇аа самуд̣̇ааг̇ад̇ам̣. вудтахид̇ваа бажжавзгкад̇и, имз д̇хаммаа д̇ад̣̇аа самуд̣̇ааг̇ад̇аа.
Sakadāgāmimaggakkhaṇe…pe… sakadāgāmiphalakkhaṇe…pe… anāgāmimaggakkhaṇe…pe… anāgāmiphalakkhaṇe…pe… arahattamaggakkhaṇe dassanaṭṭhena sammādiṭṭhi tadā samudāgatā…pe… samucchedaṭṭhena khaye ñāṇaṃ tadā samudāgataṃ. Chando mūlaṭṭhena tadā samudāgato…pe… amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
арахад̇д̇апалагкан̣з д̣̇ассанадтзна саммаад̣̇идти д̇ад̣̇аа самуд̣̇ааг̇ад̇аа …бз… бадиббассад̣̇д̇хадтзна ануббаад̣̇з н̃аан̣ам̣ д̇ад̣̇аа самуд̣̇ааг̇ад̇ам̣. чанд̣̇о мууладтзна д̇ад̣̇аа самуд̣̇ааг̇ад̇о …бз… амад̇ог̇ад̇хам̣ ниб̣б̣аанам̣ барияосаанадтзна д̇ад̣̇аа самуд̣̇ааг̇ад̇ам̣. вудтахид̇ваа бажжавзгкад̇и, имз д̇хаммаа д̇ад̣̇аа самуд̣̇ааг̇ад̇аа. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘д̇ад̣̇аа самуд̣̇ааг̇ад̇з д̇хаммз бассанз бан̃н̃аа бажжавзгкан̣з н̃аан̣ам̣’’.
Arahattaphalakkhaṇe dassanaṭṭhena sammādiṭṭhi tadā samudāgatā …pe… paṭippassaddhaṭṭhena anuppāde ñāṇaṃ tadā samudāgataṃ. Chando mūlaṭṭhena tadā samudāgato …pe… amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘tadā samudāgate dhamme passane paññā paccavekkhaṇe ñāṇaṃ’’.
бажжавзгкан̣ан̃аан̣анид̣̇д̣̇зсо жуд̣̇д̣̇асамо.
Paccavekkhaṇañāṇaniddeso cuddasamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 14. бажжавзгкан̣ан̃аан̣анид̣̇д̣̇зсаван̣н̣анаа • 14. Paccavekkhaṇañāṇaniddesavaṇṇanā
