| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੧੪. ਪਚ੍ਚવੇਕ੍ਖਣਞਾਣਨਿਦ੍ਦੇਸੋ
14. Paccavekkhaṇañāṇaniddeso
੬੫. ਕਥਂ ਤਦਾ ਸਮੁਦਾਗਤੇ ਧਮ੍ਮੇ ਪਸ੍ਸਨੇ ਪਞ੍ਞਾ ਪਚ੍ਚવੇਕ੍ਖਣੇ ਞਾਣਂ? ਸੋਤਾਪਤ੍ਤਿਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ ਤਦਾ ਸਮੁਦਾਗਤਾ। ਅਭਿਨਿਰੋਪਨਟ੍ਠੇਨ ਸਮ੍ਮਾਸਙ੍ਕਪ੍ਪੋ ਤਦਾ ਸਮੁਦਾਗਤੋ। ਪਰਿਗ੍ਗਹਟ੍ਠੇਨ ਸਮ੍ਮਾવਾਚਾ ਤਦਾ ਸਮੁਦਾਗਤਾ। ਸਮੁਟ੍ਠਾਨਟ੍ਠੇਨ ਸਮ੍ਮਾਕਮ੍ਮਨ੍ਤੋ ਤਦਾ ਸਮੁਦਾਗਤੋ। વੋਦਾਨਟ੍ਠੇਨ ਸਮ੍ਮਾਆਜੀવੋ ਤਦਾ ਸਮੁਦਾਗਤੋ। ਪਗ੍ਗਹਟ੍ਠੇਨ ਸਮ੍ਮਾવਾਯਾਮੋ ਤਦਾ ਸਮੁਦਾਗਤੋ। ਉਪਟ੍ਠਾਨਟ੍ਠੇਨ ਸਮ੍ਮਾਸਤਿ ਤਦਾ ਸਮੁਦਾਗਤਾ। ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਤਦਾ ਸਮੁਦਾਗਤੋ।
65. Kathaṃ tadā samudāgate dhamme passane paññā paccavekkhaṇe ñāṇaṃ? Sotāpattimaggakkhaṇe dassanaṭṭhena sammādiṭṭhi tadā samudāgatā. Abhiniropanaṭṭhena sammāsaṅkappo tadā samudāgato. Pariggahaṭṭhena sammāvācā tadā samudāgatā. Samuṭṭhānaṭṭhena sammākammanto tadā samudāgato. Vodānaṭṭhena sammāājīvo tadā samudāgato. Paggahaṭṭhena sammāvāyāmo tadā samudāgato. Upaṭṭhānaṭṭhena sammāsati tadā samudāgatā. Avikkhepaṭṭhena sammāsamādhi tadā samudāgato.
ਉਪਟ੍ਠਾਨਟ੍ਠੇਨ ਸਤਿਸਮ੍ਬੋਜ੍ਝਙ੍ਗੋ ਤਦਾ ਸਮੁਦਾਗਤੋ। ਪવਿਚਯਟ੍ਠੇਨ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ ਤਦਾ ਸਮੁਦਾਗਤੋ। ਪਗ੍ਗਹਟ੍ਠੇਨ વੀਰਿਯਸਮ੍ਬੋਜ੍ਝਙ੍ਗੋ ਤਦਾ ਸਮੁਦਾਗਤੋ। ਫਰਣਟ੍ਠੇਨ ਪੀਤਿਸਮ੍ਬੋਜ੍ਝਙ੍ਗੋ ਤਦਾ ਸਮੁਦਾਗਤੋ। ਉਪਸਮਟ੍ਠੇਨ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ ਤਦਾ ਸਮੁਦਾਗਤੋ। ਅવਿਕ੍ਖੇਪਟ੍ਠੇਨ ਸਮਾਧਿਸਮ੍ਬੋਜ੍ਝਙ੍ਗੋ ਤਦਾ ਸਮੁਦਾਗਤੋ। ਪਟਿਸਙ੍ਖਾਨਟ੍ਠੇਨ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਦਾ ਸਮੁਦਾਗਤੋ।
Upaṭṭhānaṭṭhena satisambojjhaṅgo tadā samudāgato. Pavicayaṭṭhena dhammavicayasambojjhaṅgo tadā samudāgato. Paggahaṭṭhena vīriyasambojjhaṅgo tadā samudāgato. Pharaṇaṭṭhena pītisambojjhaṅgo tadā samudāgato. Upasamaṭṭhena passaddhisambojjhaṅgo tadā samudāgato. Avikkhepaṭṭhena samādhisambojjhaṅgo tadā samudāgato. Paṭisaṅkhānaṭṭhena upekkhāsambojjhaṅgo tadā samudāgato.
ਅਸ੍ਸਦ੍ਧਿਯੇ ਅਕਮ੍ਪਿਯਟ੍ਠੇਨ ਸਦ੍ਧਾਬਲਂ ਤਦਾ ਸਮੁਦਾਗਤਂ। ਕੋਸਜ੍ਜੇ ਅਕਮ੍ਪਿਯਟ੍ਠੇਨ વੀਰਿਯਬਲਂ ਤਦਾ ਸਮੁਦਾਗਤਂ। ਪਮਾਦੇ ਅਕਮ੍ਪਿਯਟ੍ਠੇਨ ਸਤਿਬਲਂ ਤਦਾ ਸਮੁਦਾਗਤਂ। ਉਦ੍ਧਚ੍ਚੇ ਅਕਮ੍ਪਿਯਟ੍ਠੇਨ ਸਮਾਧਿਬਲਂ ਤਦਾ ਸਮੁਦਾਗਤਂ। ਅવਿਜ੍ਜਾਯ ਅਕਮ੍ਪਿਯਟ੍ਠੇਨ ਪਞ੍ਞਾਬਲਂ ਤਦਾ ਸਮੁਦਾਗਤਂ।
Assaddhiye akampiyaṭṭhena saddhābalaṃ tadā samudāgataṃ. Kosajje akampiyaṭṭhena vīriyabalaṃ tadā samudāgataṃ. Pamāde akampiyaṭṭhena satibalaṃ tadā samudāgataṃ. Uddhacce akampiyaṭṭhena samādhibalaṃ tadā samudāgataṃ. Avijjāya akampiyaṭṭhena paññābalaṃ tadā samudāgataṃ.
ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਤਦਾ ਸਮੁਦਾਗਤਂ। ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਤਦਾ ਸਮੁਦਾਗਤਂ। ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਤਦਾ ਸਮੁਦਾਗਤਂ। ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਤਦਾ ਸਮੁਦਾਗਤਂ। ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਤਦਾ ਸਮੁਦਾਗਤਂ।
Adhimokkhaṭṭhena saddhindriyaṃ tadā samudāgataṃ. Paggahaṭṭhena vīriyindriyaṃ tadā samudāgataṃ. Upaṭṭhānaṭṭhena satindriyaṃ tadā samudāgataṃ. Avikkhepaṭṭhena samādhindriyaṃ tadā samudāgataṃ. Dassanaṭṭhena paññindriyaṃ tadā samudāgataṃ.
ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਾ ਤਦਾ ਸਮੁਦਾਗਤਾ। ਅਕਮ੍ਪਿਯਟ੍ਠੇਨ ਬਲਾ ਤਦਾ ਸਮੁਦਾਗਤਾ। ਨਿਯ੍ਯਾਨਟ੍ਠੇਨ ਸਮ੍ਬੋਜ੍ਝਙ੍ਗਾ ਤਦਾ ਸਮੁਦਾਗਤਾ। ਹੇਤੁਟ੍ਠੇਨ ਮਗ੍ਗੋ ਤਦਾ ਸਮੁਦਾਗਤੋ। ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਾ ਤਦਾ ਸਮੁਦਾਗਤਾ। ਪਦਹਨਟ੍ਠੇਨ ਸਮ੍ਮਪ੍ਪਧਾਨਾ ਤਦਾ ਸਮੁਦਾਗਤਾ। ਇਜ੍ਝਨਟ੍ਠੇਨ ਇਦ੍ਧਿਪਾਦਾ ਤਦਾ ਸਮੁਦਾਗਤਾ। ਤਥਟ੍ਠੇਨ ਸਚ੍ਚਾ ਤਦਾ ਸਮੁਦਾਗਤਾ। ਅવਿਕ੍ਖੇਪਟ੍ਠੇਨ ਸਮਥੋ ਤਦਾ ਸਮੁਦਾਗਤੋ। ਅਨੁਪਸ੍ਸਨਟ੍ਠੇਨ વਿਪਸ੍ਸਨਾ ਤਦਾ ਸਮੁਦਾਗਤਾ। ਏਕਰਸਟ੍ਠੇਨ ਸਮਥવਿਪਸ੍ਸਨਾ ਤਦਾ ਸਮੁਦਾਗਤਾ। ਅਨਤਿવਤ੍ਤਨਟ੍ਠੇਨ ਯੁਗਨਦ੍ਧਂ ਤਦਾ ਸਮੁਦਾਗਤਂ। ਸਂવਰਟ੍ਠੇਨ ਸੀਲવਿਸੁਦ੍ਧਿ ਤਦਾ ਸਮੁਦਾਗਤਾ। ਅવਿਕ੍ਖੇਪਟ੍ਠੇਨ ਚਿਤ੍ਤવਿਸੁਦ੍ਧਿ ਤਦਾ ਸਮੁਦਾਗਤਾ। ਦਸ੍ਸਨਟ੍ਠੇਨ ਦਿਟ੍ਠਿવਿਸੁਦ੍ਧਿ ਤਦਾ ਸਮੁਦਾਗਤਾ। વਿਮੁਤ੍ਤਟ੍ਠੇਨ વਿਮੋਕ੍ਖੋ ਤਦਾ ਸਮੁਦਾਗਤੋ। ਪਟਿવੇਧਟ੍ਠੇਨ વਿਜ੍ਜਾ ਤਦਾ ਸਮੁਦਾਗਤਾ। ਪਰਿਚ੍ਚਾਗਟ੍ਠੇਨ વਿਮੁਤ੍ਤਿ ਤਦਾ ਸਮੁਦਾਗਤਾ। ਸਮੁਚ੍ਛੇਦਟ੍ਠੇਨ ਖਯੇ ਞਾਣਂ ਤਦਾ ਸਮੁਦਾਗਤਂ।
Ādhipateyyaṭṭhena indriyā tadā samudāgatā. Akampiyaṭṭhena balā tadā samudāgatā. Niyyānaṭṭhena sambojjhaṅgā tadā samudāgatā. Hetuṭṭhena maggo tadā samudāgato. Upaṭṭhānaṭṭhena satipaṭṭhānā tadā samudāgatā. Padahanaṭṭhena sammappadhānā tadā samudāgatā. Ijjhanaṭṭhena iddhipādā tadā samudāgatā. Tathaṭṭhena saccā tadā samudāgatā. Avikkhepaṭṭhena samatho tadā samudāgato. Anupassanaṭṭhena vipassanā tadā samudāgatā. Ekarasaṭṭhena samathavipassanā tadā samudāgatā. Anativattanaṭṭhena yuganaddhaṃ tadā samudāgataṃ. Saṃvaraṭṭhena sīlavisuddhi tadā samudāgatā. Avikkhepaṭṭhena cittavisuddhi tadā samudāgatā. Dassanaṭṭhena diṭṭhivisuddhi tadā samudāgatā. Vimuttaṭṭhena vimokkho tadā samudāgato. Paṭivedhaṭṭhena vijjā tadā samudāgatā. Pariccāgaṭṭhena vimutti tadā samudāgatā. Samucchedaṭṭhena khaye ñāṇaṃ tadā samudāgataṃ.
ਛਨ੍ਦੋ ਮੂਲਟ੍ਠੇਨ ਤਦਾ ਸਮੁਦਾਗਤੋ। ਮਨਸਿਕਾਰੋ ਸਮੁਟ੍ਠਾਨਟ੍ਠੇਨ ਤਦਾ ਸਮੁਦਾਗਤੋ। ਫਸ੍ਸੋ ਸਮੋਧਾਨਟ੍ਠੇਨ ਤਦਾ ਸਮੁਦਾਗਤੋ। વੇਦਨਾ ਸਮੋਸਰਣਟ੍ਠੇਨ ਤਦਾ ਸਮੁਦਾਗਤਾ। ਸਮਾਧਿ ਪਮੁਖਟ੍ਠੇਨ ਤਦਾ ਸਮੁਦਾਗਤੋ। ਸਤਿ ਆਧਿਪਤੇਯ੍ਯਟ੍ਠੇਨ ਤਦਾ ਸਮੁਦਾਗਤਾ। ਪਞ੍ਞਾ ਤਦੁਤ੍ਤਰਟ੍ਠੇਨ ਤਦਾ ਸਮੁਦਾਗਤਾ । વਿਮੁਤ੍ਤਿ ਸਾਰਟ੍ਠੇਨ ਤਦਾ ਸਮੁਦਾਗਤਾ। ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਤਦਾ ਸਮੁਦਾਗਤਂ। વੁਟ੍ਠਹਿਤ੍વਾ ਪਚ੍ਚવੇਕ੍ਖਤਿ, ਇਮੇ ਧਮ੍ਮਾ ਤਦਾ ਸਮੁਦਾਗਤਾ।
Chando mūlaṭṭhena tadā samudāgato. Manasikāro samuṭṭhānaṭṭhena tadā samudāgato. Phasso samodhānaṭṭhena tadā samudāgato. Vedanā samosaraṇaṭṭhena tadā samudāgatā. Samādhi pamukhaṭṭhena tadā samudāgato. Sati ādhipateyyaṭṭhena tadā samudāgatā. Paññā taduttaraṭṭhena tadā samudāgatā . Vimutti sāraṭṭhena tadā samudāgatā. Amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
ਸੋਤਾਪਤ੍ਤਿਫਲਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ ਤਦਾ ਸਮੁਦਾਗਤਾ। ਅਭਿਨਿਰੋਪਨਟ੍ਠੇਨ ਸਮ੍ਮਾਸਙ੍ਕਪ੍ਪੋ ਤਦਾ ਸਮੁਦਾਗਤੋ…ਪੇ॰… ਪਟਿਪ੍ਪਸ੍ਸਦ੍ਧਟ੍ਠੇਨ ਅਨੁਪ੍ਪਾਦੇ ਞਾਣਂ ਤਦਾ ਸਮੁਦਾਗਤਂ। ਛਨ੍ਦੋ ਮੂਲਟ੍ਠੇਨ ਤਦਾ ਸਮੁਦਾਗਤੋ। ਮਨਸਿਕਾਰੋ ਸਮੁਟ੍ਠਾਨਟ੍ਠੇਨ ਤਦਾ ਸਮੁਦਾਗਤੋ। ਫਸ੍ਸੋ ਸਮੋਧਾਨਟ੍ਠੇਨ ਤਦਾ ਸਮੁਦਾਗਤੋ। વੇਦਨਾ ਸਮੋਸਰਣਟ੍ਠੇਨ ਤਦਾ ਸਮੁਦਾਗਤਾ। ਸਮਾਧਿ ਪਮੁਖਟ੍ਠੇਨ ਤਦਾ ਸਮੁਦਾਗਤੋ। ਸਤਿ ਆਧਿਪਤੇਯ੍ਯਟ੍ਠੇਨ ਤਦਾ ਸਮੁਦਾਗਤਾ। ਪਞ੍ਞਾ ਤਦੁਤ੍ਤਰਟ੍ਠੇਨ ਤਦਾ ਸਮੁਦਾਗਤਾ। વਿਮੁਤ੍ਤਿ ਸਾਰਟ੍ਠੇਨ ਤਦਾ ਸਮੁਦਾਗਤਾ। ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਤਦਾ ਸਮੁਦਾਗਤਂ। વੁਟ੍ਠਹਿਤ੍વਾ ਪਚ੍ਚવੇਕ੍ਖਤਿ, ਇਮੇ ਧਮ੍ਮਾ ਤਦਾ ਸਮੁਦਾਗਤਾ।
Sotāpattiphalakkhaṇe dassanaṭṭhena sammādiṭṭhi tadā samudāgatā. Abhiniropanaṭṭhena sammāsaṅkappo tadā samudāgato…pe… paṭippassaddhaṭṭhena anuppāde ñāṇaṃ tadā samudāgataṃ. Chando mūlaṭṭhena tadā samudāgato. Manasikāro samuṭṭhānaṭṭhena tadā samudāgato. Phasso samodhānaṭṭhena tadā samudāgato. Vedanā samosaraṇaṭṭhena tadā samudāgatā. Samādhi pamukhaṭṭhena tadā samudāgato. Sati ādhipateyyaṭṭhena tadā samudāgatā. Paññā taduttaraṭṭhena tadā samudāgatā. Vimutti sāraṭṭhena tadā samudāgatā. Amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
ਸਕਦਾਗਾਮਿਮਗ੍ਗਕ੍ਖਣੇ…ਪੇ॰… ਸਕਦਾਗਾਮਿਫਲਕ੍ਖਣੇ…ਪੇ॰… ਅਨਾਗਾਮਿਮਗ੍ਗਕ੍ਖਣੇ…ਪੇ॰… ਅਨਾਗਾਮਿਫਲਕ੍ਖਣੇ…ਪੇ॰… ਅਰਹਤ੍ਤਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ ਤਦਾ ਸਮੁਦਾਗਤਾ…ਪੇ॰… ਸਮੁਚ੍ਛੇਦਟ੍ਠੇਨ ਖਯੇ ਞਾਣਂ ਤਦਾ ਸਮੁਦਾਗਤਂ। ਛਨ੍ਦੋ ਮੂਲਟ੍ਠੇਨ ਤਦਾ ਸਮੁਦਾਗਤੋ…ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਤਦਾ ਸਮੁਦਾਗਤਂ। વੁਟ੍ਠਹਿਤ੍વਾ ਪਚ੍ਚવੇਕ੍ਖਤਿ, ਇਮੇ ਧਮ੍ਮਾ ਤਦਾ ਸਮੁਦਾਗਤਾ।
Sakadāgāmimaggakkhaṇe…pe… sakadāgāmiphalakkhaṇe…pe… anāgāmimaggakkhaṇe…pe… anāgāmiphalakkhaṇe…pe… arahattamaggakkhaṇe dassanaṭṭhena sammādiṭṭhi tadā samudāgatā…pe… samucchedaṭṭhena khaye ñāṇaṃ tadā samudāgataṃ. Chando mūlaṭṭhena tadā samudāgato…pe… amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
ਅਰਹਤ੍ਤਫਲਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ ਤਦਾ ਸਮੁਦਾਗਤਾ …ਪੇ॰… ਪਟਿਪ੍ਪਸ੍ਸਦ੍ਧਟ੍ਠੇਨ ਅਨੁਪ੍ਪਾਦੇ ਞਾਣਂ ਤਦਾ ਸਮੁਦਾਗਤਂ। ਛਨ੍ਦੋ ਮੂਲਟ੍ਠੇਨ ਤਦਾ ਸਮੁਦਾਗਤੋ …ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਤਦਾ ਸਮੁਦਾਗਤਂ। વੁਟ੍ਠਹਿਤ੍વਾ ਪਚ੍ਚવੇਕ੍ਖਤਿ, ਇਮੇ ਧਮ੍ਮਾ ਤਦਾ ਸਮੁਦਾਗਤਾ। ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਤਦਾ ਸਮੁਦਾਗਤੇ ਧਮ੍ਮੇ ਪਸ੍ਸਨੇ ਪਞ੍ਞਾ ਪਚ੍ਚવੇਕ੍ਖਣੇ ਞਾਣਂ’’।
Arahattaphalakkhaṇe dassanaṭṭhena sammādiṭṭhi tadā samudāgatā …pe… paṭippassaddhaṭṭhena anuppāde ñāṇaṃ tadā samudāgataṃ. Chando mūlaṭṭhena tadā samudāgato …pe… amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘tadā samudāgate dhamme passane paññā paccavekkhaṇe ñāṇaṃ’’.
ਪਚ੍ਚવੇਕ੍ਖਣਞਾਣਨਿਦ੍ਦੇਸੋ ਚੁਦ੍ਦਸਮੋ।
Paccavekkhaṇañāṇaniddeso cuddasamo.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੧੪. ਪਚ੍ਚવੇਕ੍ਖਣਞਾਣਨਿਦ੍ਦੇਸવਣ੍ਣਨਾ • 14. Paccavekkhaṇañāṇaniddesavaṇṇanā
