| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
3. бажжавзгкан̣асуд̇д̇аван̣н̣анаа
3. Paccavekkhaṇasuttavaṇṇanā
53. д̇ад̇ияз ад̇д̇ано анзгз баабагз агусалз д̇хаммз бахийнзд̇и лобхад̣̇осамохавибарийд̇аманасигаараахиригаанод̇д̇аббагод̇хуубанаахамагкабалаасаиссаамажчарияамааяаа- саатзяяат̇амбхасаарамбхамаанаад̇имаанамад̣̇абамаад̣̇ад̇ан̣хааавиж̇ж̇аад̇ивид̇хаагусаламуулад̣̇ужжарид̇асам̣гилзсависама- сан̃н̃аавид̇аггабабан̃жажад̇уб̣б̣ид̇хавибаллаасааасаваогхаяог̇аг̇ант̇ааг̇ад̇иг̇аманад̇ан̣хубаад̣̇аанабан̃жавид̇ха- жзд̇окилабан̃жажзд̇овиниб̣анд̇ханийваран̣аабхинанд̣̇аначавиваад̣̇а- муулад̇ан̣хаагааяасад̇д̇аанусаяаадтамижчад̇д̇анава- д̇ан̣хаамуулагад̣̇асаагусалагаммабат̇ад̣̇ваасадтид̣̇идтиг̇ад̇аадтасад̇ад̇ан̣хаавижарид̇аад̣̇иббабхзд̣̇з ад̇д̇ано санд̇аанз анаад̣̇игаалабавад̇д̇з д̣̇ияад̣дхасахассагилзсз д̇ам̣сахаг̇ад̇з жааби анзгз баабагз лаамагз агосалласамбхууд̇адтзна агусалз д̇хаммз анавасзсам̣ саха ваасанааяа б̣од̇химуулзязва бахийнз арияамаг̇г̇зна самужчиннз бажжавзгкамаано ‘‘аяамби мз гилзсо бахийно, аяамби мз гилзсо бахийно’’д̇и анубад̣̇абажжавзгкан̣ааяа бажжавзгкамаано бхаг̇аваа нисинно ход̇и.
53. Tatiye attano aneke pāpake akusale dhamme pahīneti lobhadosamohaviparītamanasikāraahirikānottappakodhūpanāhamakkhapalāsaissāmacchariyamāyā- sāṭheyyathambhasārambhamānātimānamadapamādataṇhāavijjātividhākusalamūladuccaritasaṃkilesavisama- saññāvitakkapapañcacatubbidhavipallāsaāsavaoghayogaganthāgatigamanataṇhupādānapañcavidha- cetokhilapañcacetovinibandhanīvaraṇābhinandanachavivāda- mūlataṇhākāyasattānusayaaṭṭhamicchattanava- taṇhāmūlakadasākusalakammapathadvāsaṭṭhidiṭṭhigataaṭṭhasatataṇhāvicaritādippabhede attano santāne anādikālapavatte diyaḍḍhasahassakilese taṃsahagate cāpi aneke pāpake lāmake akosallasambhūtaṭṭhena akusale dhamme anavasesaṃ saha vāsanāya bodhimūleyeva pahīne ariyamaggena samucchinne paccavekkhamāno ‘‘ayampi me kileso pahīno, ayampi me kileso pahīno’’ti anupadapaccavekkhaṇāya paccavekkhamāno bhagavā nisinno hoti.
анзгз жа гусалз д̇хаммзд̇и сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанам̣ жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, жад̇д̇ааро арияамаг̇г̇аа, жад̇д̇аари палаани, жад̇ассо бадисамбхид̣̇аа, жад̇уяонибарижчзд̣̇аган̃аан̣ам̣, жад̇д̇ааро арияавам̣саа, жад̇д̇аари взсаараж̇ж̇ан̃аан̣аани, бан̃жа бад̇хаанияан̇г̇аани, бан̃жан̇г̇иго саммаасамаад̇хи, бан̃жан̃аан̣иго саммаасамаад̇хи, бан̃жинд̣̇рияаани, бан̃жа б̣алаани, бан̃жа ниссааран̣ийяаа д̇хаад̇уяо, бан̃жа вимуд̇д̇ааяад̇анан̃аан̣аани, бан̃жа вимуд̇д̇ибарибаажанийяаа сан̃н̃аа, ча ануссад̇идтаанаани, ча г̇аараваа, ча ниссааран̣ийяаа д̇хаад̇уяо, ча сад̇ад̇авихаараа, ча ануд̇д̇арияаани, ча ниб̣б̣зд̇хабхааг̇ияаа бан̃н̃аа, ча абхин̃н̃аа, ча асаад̇хааран̣ан̃аан̣аани, сад̇д̇а абарихаанияаа д̇хаммаа, сад̇д̇а арияад̇ханаани, сад̇д̇а б̣ож̇жхан̇г̇аа, сад̇д̇а саббурисад̇хаммаа, сад̇д̇а ниж̇ж̇аравад̇т̇ууни, сад̇д̇а сан̃н̃аа, сад̇д̇а д̣̇агкин̣зяяабуг̇г̇алад̣̇зсанаа, сад̇д̇а кийн̣аасаваб̣алад̣̇зсанаа, адта бан̃н̃аабадилаабхахзд̇уд̣̇зсанаа, адта саммад̇д̇аани, адта логад̇хаммаад̇иггамаа, адта аарамбхавад̇т̇ууни, адта агкан̣ад̣̇зсанаа, адта махаабурисавид̇аггаа, адта абхибхааяад̇анад̣̇зсанаа, адта вимогкаа, нава яонисоманасигаарамуулагаа д̇хаммаа, нава баарисуд̣̇д̇хибад̇хаанияан̇г̇аани, нава сад̇д̇ааваасад̣̇зсанаа, нава аагхаад̇аббадивинаяаа, нава сан̃н̃аа, нава наанад̇д̇аани, нава анубуб̣б̣авихаараа, д̣̇аса наат̇агаран̣аа д̇хаммаа, д̣̇аса гасин̣ааяад̇анаани, д̣̇аса гусалагаммабат̇аа, д̣̇аса саммад̇д̇аани, д̣̇аса арияаваасаа, д̣̇аса асзгкаа д̇хаммаа, д̣̇аса д̇ат̇ааг̇ад̇аб̣алаани, згаад̣̇аса мзд̇д̇аанисам̣саа, д̣̇ваад̣̇аса д̇хаммажаггаагаараа, д̇зраса д̇худ̇ан̇г̇аг̇ун̣аа, жуд̣̇д̣̇аса б̣уд̣̇д̇хан̃аан̣аани, баннараса вимуд̇д̇ибарибаажанийяаа д̇хаммаа, сол̣асавид̇хаа аанаабаанассад̇и, сол̣аса абаранд̇абанийяаа д̇хаммаа, адтаараса махаавибассанаа, адтаараса б̣уд̣̇д̇хад̇хаммаа, згуунавийсад̇и бажжавзгкан̣ан̃аан̣аани, жад̇ужад̇д̇аалийса н̃аан̣авад̇т̇ууни, бан̃н̃ааса уд̣̇аяаб̣б̣аяан̃аан̣аани, баробан̃н̃ааса гусалаа д̇хаммаа, сад̇д̇асад̇д̇ад̇и н̃аан̣авад̇т̇ууни, жад̇увийсад̇игодисад̇асахассасамаабад̇д̇исан̃жааримахааваж̇иран̃аан̣ам̣, ананд̇анаяасаманд̇абадтаанабавижаяабажжавзгкан̣ад̣̇зсанаан̃аан̣аани, д̇ат̇аа ананд̇аасу логад̇хаад̇уусу ананд̇аанам̣ сад̇д̇аанам̣ аасаяаад̣̇ивибхааванан̃аан̣аани жаад̇и звамаад̣̇игз анзгз ад̇д̇ано гусалз анаваж̇ж̇ад̇хаммз ананд̇агаалам̣ баарамибарибхааванааяа маг̇г̇абхааванааяа жа баарибуурим̣ вуд̣̇д̇хим̣ г̇ад̇з ‘‘имзби анаваж̇ж̇ад̇хаммаа маяи сам̣виж̇ж̇анд̇и, имзби анаваж̇ж̇ад̇хаммаа маяи сам̣виж̇ж̇анд̇ий’’д̇и руживасзна манасигаараабхимукз б̣уд̣̇д̇хаг̇ун̣з ваг̇г̇аваг̇г̇з бун̃ж̇абун̃ж̇з гад̇ваа бажжавзгкамаано нисинно ход̇и. д̇з жа ко сабад̣̇зсад̇о зва, на ниббад̣̇зсад̇о. саб̣б̣з б̣уд̣̇д̇хаг̇ун̣з бхаг̇авад̇ааби анубад̣̇ам̣ анавасзсад̇о манаси гаад̇ум̣ на саггаа ананд̇аабаримзяяабхаавад̇о.
Aneke ca kusale dhammeti sīlasamādhipaññāvimuttivimuttiñāṇadassanaṃ cattāro satipaṭṭhānā, cattāro sammappadhānā, cattāro iddhipādā, cattāro ariyamaggā, cattāri phalāni, catasso paṭisambhidā, catuyoniparicchedakañāṇaṃ, cattāro ariyavaṃsā, cattāri vesārajjañāṇāni, pañca padhāniyaṅgāni, pañcaṅgiko sammāsamādhi, pañcañāṇiko sammāsamādhi, pañcindriyāni, pañca balāni, pañca nissāraṇīyā dhātuyo, pañca vimuttāyatanañāṇāni, pañca vimuttiparipācanīyā saññā, cha anussatiṭṭhānāni, cha gāravā, cha nissāraṇīyā dhātuyo, cha satatavihārā, cha anuttariyāni, cha nibbedhabhāgiyā paññā, cha abhiññā, cha asādhāraṇañāṇāni, satta aparihāniyā dhammā, satta ariyadhanāni, satta bojjhaṅgā, satta sappurisadhammā, satta nijjaravatthūni, satta saññā, satta dakkhiṇeyyapuggaladesanā, satta khīṇāsavabaladesanā, aṭṭha paññāpaṭilābhahetudesanā, aṭṭha sammattāni, aṭṭha lokadhammātikkamā, aṭṭha ārambhavatthūni, aṭṭha akkhaṇadesanā, aṭṭha mahāpurisavitakkā, aṭṭha abhibhāyatanadesanā, aṭṭha vimokkhā, nava yonisomanasikāramūlakā dhammā, nava pārisuddhipadhāniyaṅgāni, nava sattāvāsadesanā, nava āghātappaṭivinayā, nava saññā, nava nānattāni, nava anupubbavihārā, dasa nāthakaraṇā dhammā, dasa kasiṇāyatanāni, dasa kusalakammapathā, dasa sammattāni, dasa ariyavāsā, dasa asekkhā dhammā, dasa tathāgatabalāni, ekādasa mettānisaṃsā, dvādasa dhammacakkākārā, terasa dhutaṅgaguṇā, cuddasa buddhañāṇāni, pannarasa vimuttiparipācanīyā dhammā, soḷasavidhā ānāpānassati, soḷasa aparantapanīyā dhammā, aṭṭhārasa mahāvipassanā, aṭṭhārasa buddhadhammā, ekūnavīsati paccavekkhaṇañāṇāni, catucattālīsa ñāṇavatthūni, paññāsa udayabbayañāṇāni, paropaññāsa kusalā dhammā, sattasattati ñāṇavatthūni, catuvīsatikoṭisatasahassasamāpattisañcārimahāvajirañāṇaṃ, anantanayasamantapaṭṭhānapavicayapaccavekkhaṇadesanāñāṇāni, tathā anantāsu lokadhātūsu anantānaṃ sattānaṃ āsayādivibhāvanañāṇāni cāti evamādike aneke attano kusale anavajjadhamme anantakālaṃ pāramiparibhāvanāya maggabhāvanāya ca pāripūriṃ vuddhiṃ gate ‘‘imepi anavajjadhammā mayi saṃvijjanti, imepi anavajjadhammā mayi saṃvijjantī’’ti rucivasena manasikārābhimukhe buddhaguṇe vaggavagge puñjapuñje katvā paccavekkhamāno nisinno hoti. Te ca kho sapadesato eva, na nippadesato. Sabbe buddhaguṇe bhagavatāpi anupadaṃ anavasesato manasi kātuṃ na sakkā anantāparimeyyabhāvato.
вуд̇д̇ан̃хзд̇ам̣ –
Vuttañhetaṃ –
‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣,
‘‘Buddhopi buddhassa bhaṇeyya vaṇṇaṃ,
габбамби жз ан̃н̃амабхаасамаано;
Kappampi ce aññamabhāsamāno;
кийязт̇а габбо жирад̣̇ийгхаманд̇арз,
Khīyetha kappo ciradīghamantare,
ван̣н̣о на кийязт̇а д̇ат̇ааг̇ад̇ассаа’’д̇и.
Vaṇṇo na khīyetha tathāgatassā’’ti.
абарамби вуд̇д̇ам̣ –
Aparampi vuttaṃ –
‘‘асан̇кязяяаани наамаани, саг̇ун̣зна махзсино;
‘‘Asaṅkhyeyyāni nāmāni, saguṇena mahesino;
г̇ун̣зна наамамуд̣̇д̇хзяяам̣, аби наама сахассад̇о’’д̇и.
Guṇena nāmamuddheyyaṃ, api nāma sahassato’’ti.
д̇ад̣̇аа хи бхаг̇аваа бажчаабхад̇д̇ам̣ бин̣д̣абаад̇аббадигганд̇о вихаарам̣ бависид̇ваа г̇анд̇хагудиббамукз тад̇ваа бхигкуусу вад̇д̇ам̣ д̣̇ассзд̇ваа г̇ад̇зсу махааг̇анд̇хагудим̣ бависид̇ваа бан̃н̃ад̇д̇авараб̣уд̣̇д̇хаасанз нисинно ад̇д̇ано ад̇ийд̇аж̇аад̇ивисаяам̣ н̃аан̣ам̣ бзсзси. ат̇асса д̇аани ниранд̇арам̣ бон̇каанубон̇кам̣ ананд̇аабаримаан̣аббабхзд̣̇аа убадтахим̣су. со ‘‘звам̣ маханд̇асса наама д̣̇угкагканд̇хасса муулабхууд̇аа имз гилзсаа’’д̇и гилзсависаяам̣ н̃аан̣аажаарам̣ бзсзд̇ваа д̇з бахаанамукзна анубад̣̇ам̣ бажжавзгкид̇ваа ‘‘имз вад̇а гилзсаа анавасзсад̇о маяхам̣ судту бахийнаа’’д̇и буна д̇зсам̣ бахаанагарам̣ саагаарам̣ сабариваарам̣ сауд̣̇д̣̇зсам̣ арияамаг̇г̇ам̣ бажжавзгканд̇о ананд̇аабаримаан̣абхзд̣̇з ад̇д̇ано сийлаад̣̇ианаваж̇ж̇ад̇хаммз манасаагааси. д̇зна вуд̇д̇ам̣ –
Tadā hi bhagavā pacchābhattaṃ piṇḍapātappaṭikkanto vihāraṃ pavisitvā gandhakuṭippamukhe ṭhatvā bhikkhūsu vattaṃ dassetvā gatesu mahāgandhakuṭiṃ pavisitvā paññattavarabuddhāsane nisinno attano atītajātivisayaṃ ñāṇaṃ pesesi. Athassa tāni nirantaraṃ poṅkhānupoṅkhaṃ anantāparimāṇappabhedā upaṭṭhahiṃsu. So ‘‘evaṃ mahantassa nāma dukkhakkhandhassa mūlabhūtā ime kilesā’’ti kilesavisayaṃ ñāṇācāraṃ pesetvā te pahānamukhena anupadaṃ paccavekkhitvā ‘‘ime vata kilesā anavasesato mayhaṃ suṭṭhu pahīnā’’ti puna tesaṃ pahānakaraṃ sākāraṃ saparivāraṃ sauddesaṃ ariyamaggaṃ paccavekkhanto anantāparimāṇabhede attano sīlādianavajjadhamme manasākāsi. Tena vuttaṃ –
‘‘д̇зна ко бана самаязна бхаг̇аваа ад̇д̇ано анзгз баабагз агусалз д̇хаммз бахийнз бажжавзгкамаано нисинно ход̇и, анзгз жа гусалз д̇хаммз бхааванаабаарибуурим̣ г̇ад̇з’’д̇и.
‘‘Tena kho pana samayena bhagavā attano aneke pāpake akusale dhamme pahīne paccavekkhamāno nisinno hoti, aneke ca kusale dhamme bhāvanāpāripūriṃ gate’’ti.
звам̣ бажжавзгкид̇ваа уббаннабийд̇исоманассуд̣̇д̣̇зсабхууд̇ам̣ имам̣ уд̣̇аанам̣ уд̣̇аанзси.
Evaṃ paccavekkhitvā uppannapītisomanassuddesabhūtaṃ imaṃ udānaṃ udānesi.
д̇ад̇т̇а аху буб̣б̣зд̇и арахад̇д̇амаг̇г̇ан̃аан̣уббад̇д̇ид̇о буб̣б̣з саб̣б̣оби жааяам̣ рааг̇аад̣̇иго гилзсаг̇ан̣о маяхам̣ санд̇аанз аху ааси, на имасмим̣ гилзсаг̇ан̣з гожиби гилзсо наахоси. д̇ад̣̇аа наахууд̇и д̇ад̣̇аа д̇асмим̣ гаалз арияамаг̇г̇агкан̣з со гилзсаг̇ан̣о на аху на ааси, д̇ад̇т̇а ан̣умад̇д̇оби гилзсо аг̇г̇амаг̇г̇агкан̣з аббахийно наама над̇т̇и. ‘‘д̇ад̇о наахуу’’д̇иби батанд̇и, д̇ад̇о арахад̇д̇амаг̇г̇агкан̣ад̇о барам̣ наасийд̇и ад̇т̇о. нааху буб̣б̣зд̇и яо жааяам̣ мама абаримаан̣о анаваж̇ж̇ад̇хаммо зд̇арахи бхааванаабаарибуурим̣ г̇ад̇о убалаб̣бхад̇и, соби арияамаг̇г̇агкан̣ад̇о буб̣б̣з на аху на ааси. д̇ад̣̇аа ахууд̇и яад̣̇аа бана мз аг̇г̇амаг̇г̇ан̃аан̣ам̣ уббаннам̣, д̇ад̣̇аа саб̣б̣оби мз анаваж̇ж̇ад̇хаммо ааси. аг̇г̇амаг̇г̇аад̇хиг̇амзна хи сад̣̇д̇хим̣ саб̣б̣зби саб̣б̣ан̃н̃уг̇ун̣аа б̣уд̣̇д̇хаанам̣ хад̇т̇аг̇ад̇аа зва хонд̇и.
Tattha ahu pubbeti arahattamaggañāṇuppattito pubbe sabbopi cāyaṃ rāgādiko kilesagaṇo mayhaṃ santāne ahu āsi, na imasmiṃ kilesagaṇe kocipi kileso nāhosi. Tadā nāhūti tadā tasmiṃ kāle ariyamaggakkhaṇe so kilesagaṇo na ahu na āsi, tattha aṇumattopi kileso aggamaggakkhaṇe appahīno nāma natthi. ‘‘Tato nāhū’’tipi paṭhanti, tato arahattamaggakkhaṇato paraṃ nāsīti attho. Nāhu pubbeti yo cāyaṃ mama aparimāṇo anavajjadhammo etarahi bhāvanāpāripūriṃ gato upalabbhati, sopi ariyamaggakkhaṇato pubbe na ahu na āsi. Tadā ahūti yadā pana me aggamaggañāṇaṃ uppannaṃ, tadā sabbopi me anavajjadhammo āsi. Aggamaggādhigamena hi saddhiṃ sabbepi sabbaññuguṇā buddhānaṃ hatthagatā eva honti.
на жааху на жа бхависсад̇и, на жзд̇арахи виж̇ж̇ад̇ийд̇и яо бана со анаваж̇ж̇ад̇хаммо арияамаг̇г̇о маяхам̣ б̣од̇химан̣д̣з уббанно, язна саб̣б̣о гилзсаг̇ан̣о анавасзсам̣ бахийно, со яат̇аа маяхам̣ маг̇г̇агкан̣ад̇о буб̣б̣з на жааху на жа ахоси, звам̣ ад̇д̇анаа бахаад̇аб̣б̣агилзсаабхаавад̇о д̇з гилзсаа вияа аяамби на жа бхависсад̇и анааг̇ад̇з на уббаж̇ж̇иссад̇и, зд̇арахи бажжуббаннагаалзби на виж̇ж̇ад̇и на убалаб̣бхад̇и ад̇д̇анаа гад̇д̇аб̣б̣агижжаабхаавад̇о. на хи арияамаг̇г̇о анзгаваарам̣ бавад̇д̇ад̇и. д̇знзвааха – ‘‘на баарам̣ д̣̇иг̇ун̣ам̣ яанд̇ий’’д̇и.
Nacāhu na ca bhavissati, na cetarahi vijjatīti yo pana so anavajjadhammo ariyamaggo mayhaṃ bodhimaṇḍe uppanno, yena sabbo kilesagaṇo anavasesaṃ pahīno, so yathā mayhaṃ maggakkhaṇato pubbe na cāhu na ca ahosi, evaṃ attanā pahātabbakilesābhāvato te kilesā viya ayampi na ca bhavissati anāgate na uppajjissati, etarahi paccuppannakālepi na vijjati na upalabbhati attanā kattabbakiccābhāvato. Na hi ariyamaggo anekavāraṃ pavattati. Tenevāha – ‘‘na pāraṃ diguṇaṃ yantī’’ti.
ид̇и бхаг̇аваа арияамаг̇г̇зна ад̇д̇ано санд̇аанз анавасзсам̣ бахийнз агусалз д̇хаммз бхааванаабаарибуурим̣ г̇ад̇з абаримаан̣з анаваж̇ж̇ад̇хаммз жа бажжавзгкамаано ад̇д̇убанааяигабийд̇ивзг̇ависсадтам̣ уд̣̇аанам̣ уд̣̇аанзси. буримааяа гат̇ааяа буримавзсаараж̇ж̇ад̣̇ваяамзва гат̇ид̇ам̣, бажчимад̣̇ваяам̣ саммаасамб̣од̇хияаа багаасид̇ад̇д̇аа багаасид̇амзва ход̇ийд̇и.
Iti bhagavā ariyamaggena attano santāne anavasesaṃ pahīne akusale dhamme bhāvanāpāripūriṃ gate aparimāṇe anavajjadhamme ca paccavekkhamāno attupanāyikapītivegavissaṭṭhaṃ udānaṃ udānesi. Purimāya kathāya purimavesārajjadvayameva kathitaṃ, pacchimadvayaṃ sammāsambodhiyā pakāsitattā pakāsitameva hotīti.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 3. бажжавзгкан̣асуд̇д̇ам̣ • 3. Paccavekkhaṇasuttaṃ
