| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
бажжаяанид̣̇д̣̇зсабагин̣н̣агавинижчаяагат̇аа
Paccayaniddesapakiṇṇakavinicchayakathā
ид̣̇аани звам̣ уд̣̇д̣̇зсанид̣̇д̣̇зсад̇о д̣̇ассид̇зсу имзсу жад̇увийсад̇ияаа бажжаязсу н̃аан̣ажаарасса висад̣̇абхаавад̇т̇ам̣ анзгад̇хаммаанам̣ згабажжаяабхаавад̇о, згад̇хаммасса анзгабажжаяабхаавад̇о, згабажжаяасса анзгабажжаяабхаавад̇о, бажжаяасабхааг̇ад̇о, бажжаяависабхааг̇ад̇о, яуг̇ал̣агад̇о, ж̇анагааж̇анагад̇о, саб̣б̣адтаанигаасаб̣б̣адтаанигад̇о, руубам̣ руубассаад̇иаад̣̇ивигаббад̇о, бхавабхзд̣̇ад̇од̇и имзсам̣ д̣̇асаннам̣ бад̣̇аанам̣ васзна багин̣н̣агавинижчаяо взд̣̇ид̇аб̣б̣о. д̇ад̇т̇а анзгад̇хаммаанам̣ згабажжаяабхаавад̇од̇и зд̇зсу хи табзд̇ваа гаммабажжаяам̣ авасзсзсу д̇звийсад̇ияаа бажжаязсу анзгад̇хаммаа згад̇о бажжаяаа хонд̇и. гаммабажжаяо бана зго жзд̇анаад̇хаммоязваад̇и звам̣ д̇аавзд̇т̇а анзгад̇хаммаанам̣ згабажжаяабхаавад̇о винижчаяо взд̣̇ид̇аб̣б̣о.
Idāni evaṃ uddesaniddesato dassitesu imesu catuvīsatiyā paccayesu ñāṇacārassa visadabhāvatthaṃ anekadhammānaṃ ekapaccayabhāvato, ekadhammassa anekapaccayabhāvato, ekapaccayassa anekapaccayabhāvato, paccayasabhāgato, paccayavisabhāgato, yugaḷakato, janakājanakato, sabbaṭṭhānikāsabbaṭṭhānikato, rūpaṃ rūpassātiādivikappato, bhavabhedatoti imesaṃ dasannaṃ padānaṃ vasena pakiṇṇakavinicchayo veditabbo. Tattha anekadhammānaṃ ekapaccayabhāvatoti etesu hi ṭhapetvā kammapaccayaṃ avasesesu tevīsatiyā paccayesu anekadhammā ekato paccayā honti. Kammapaccayo pana eko cetanādhammoyevāti evaṃ tāvettha anekadhammānaṃ ekapaccayabhāvato vinicchayo veditabbo.
згад̇хаммасса анзгабажжаяабхаавад̇од̇и хзд̇убажжаяз д̇аава амохо зго д̇хаммо. со бурзж̇аад̇агаммаахааражхаанабажжаяова на ход̇и, сзсаанам̣ вийсад̇ияаа бажжаяаанам̣ васзна бажжаяо ход̇и. алобхаад̣̇осаа инд̣̇рияамаг̇г̇абажжаяааби на хонд̇и, сзсаанам̣ адтаарасаннам̣ бажжаяаанам̣ васзна бажжаяаа хонд̇и. лобхамохаа вибаагабажжаяааби на хонд̇и, сзсаанам̣ сад̇д̇арасаннам̣ бажжаяаанам̣ васзна бажжаяаа хонд̇и. д̣̇осо ад̇хибад̇ибажжаяоби на ход̇и, сзсаанам̣ сол̣асаннам̣ бажжаяаанам̣ васзна бажжаяо ход̇и. аарамман̣абажжаяз руубааяад̇анам̣ жагкувин̃н̃аан̣ад̇хаад̇уяаа аарамман̣абурзж̇аад̇аад̇т̇иавиг̇ад̇авасзна жад̇уд̇хаа бажжаяо; д̇ат̇аа манод̇хаад̇уяаа ахзд̇угамановин̃н̃аан̣ад̇хаад̇уяаа жа. сахзд̇угааяа бана аарамман̣аад̇хибад̇иаарамман̣уубаниссаяавасзнааби бажжаяо ход̇и. иминаа наязна саб̣б̣зсам̣ аарамман̣абажжаяад̇хаммаанам̣ анзгабажжаяабхааво взд̣̇ид̇аб̣б̣о.
Ekadhammassa anekapaccayabhāvatoti hetupaccaye tāva amoho eko dhammo. So purejātakammāhārajhānapaccayova na hoti, sesānaṃ vīsatiyā paccayānaṃ vasena paccayo hoti. Alobhādosā indriyamaggapaccayāpi na honti, sesānaṃ aṭṭhārasannaṃ paccayānaṃ vasena paccayā honti. Lobhamohā vipākapaccayāpi na honti, sesānaṃ sattarasannaṃ paccayānaṃ vasena paccayā honti. Doso adhipatipaccayopi na hoti, sesānaṃ soḷasannaṃ paccayānaṃ vasena paccayo hoti. Ārammaṇapaccaye rūpāyatanaṃ cakkhuviññāṇadhātuyā ārammaṇapurejātaatthiavigatavasena catudhā paccayo; tathā manodhātuyā ahetukamanoviññāṇadhātuyā ca. Sahetukāya pana ārammaṇādhipatiārammaṇūpanissayavasenāpi paccayo hoti. Iminā nayena sabbesaṃ ārammaṇapaccayadhammānaṃ anekapaccayabhāvo veditabbo.
ад̇хибад̇ибажжаяз аарамман̣аад̇хибад̇ино аарамман̣абажжаяз вуд̇д̇анаязнзва анзгабажжаяабхааво взд̣̇ид̇аб̣б̣о. сахаж̇аад̇аад̇хибад̇ийсу виймам̣саа амохахзд̇у вияа вийсад̇ид̇хаа бажжаяо ход̇и. чанд̣̇о хзд̇убурзж̇аад̇агаммааахаараинд̣̇рияажхаанамаг̇г̇абажжаяо на ход̇и, сзсаанам̣ сад̇д̇арасаннам̣ бажжаяаанам̣ васзна бажжаяо ход̇и. жид̇д̇ам̣ хзд̇убурзж̇аад̇агаммажхаанамаг̇г̇абажжаяо на ход̇и, сзсаанам̣ згуунавийсад̇ияаа бажжаяаанам̣ васзна бажжаяо ход̇и. вийрияам̣ хзд̇убурзж̇аад̇агаммаахааражхаанабажжаяо на ход̇и, сзсаанам̣ згуунавийсад̇ияаа васзна бажжаяо ход̇и.
Adhipatipaccaye ārammaṇādhipatino ārammaṇapaccaye vuttanayeneva anekapaccayabhāvo veditabbo. Sahajātādhipatīsu vīmaṃsā amohahetu viya vīsatidhā paccayo hoti. Chando hetupurejātakammaāhāraindriyajhānamaggapaccayo na hoti, sesānaṃ sattarasannaṃ paccayānaṃ vasena paccayo hoti. Cittaṃ hetupurejātakammajhānamaggapaccayo na hoti, sesānaṃ ekūnavīsatiyā paccayānaṃ vasena paccayo hoti. Vīriyaṃ hetupurejātakammāhārajhānapaccayo na hoti, sesānaṃ ekūnavīsatiyā vasena paccayo hoti.
ананд̇арабажжаяз ‘‘жагкувин̃н̃аан̣ад̇хаад̇уу’’д̇иаад̣̇инаа наязна вуд̇д̇зсу жад̇уусу канд̇хзсу взд̣̇анаагканд̇хо хзд̇убурзж̇аад̇агаммаахаарамаг̇г̇абажжаяо на ход̇и, сзсаанам̣ згуунавийсад̇ияаа васзна бажжаяо ход̇и. сан̃н̃аагканд̇хо инд̣̇рияажхаанабажжаяоби на ход̇и, сзсаанам̣ сад̇д̇арасаннам̣ васзна бажжаяо ход̇и. сан̇каарагканд̇хз хзд̇уу хзд̇убажжаяз вуд̇д̇анаязна, чанд̣̇авийрияаани ад̇хибад̇ибажжаяз вуд̇д̇анаязнзва бажжаяаа хонд̇и. пассо хзд̇убурзж̇аад̇агаммаинд̣̇рияажхаанамаг̇г̇абажжаяо на ход̇и, сзсаанам̣ адтаарасаннам̣ васзна бажжаяо ход̇и. жзд̇анаа хзд̇убурзж̇аад̇аинд̣̇рияажхаанамаг̇г̇абажжаяо на ход̇и. сзсаанам̣ згуунавийсад̇ияаа васзна бажжаяо ход̇и. вид̇агго хзд̇убурзж̇аад̇агаммаахааринд̣̇рияабажжаяо на ход̇и, сзсаанам̣ згуунавийсад̇ияаа васзна бажжаяо ход̇и. вижааро маг̇г̇абажжаяоби на ход̇и, сзсаанам̣ адтаарасаннам̣ васзна бажжаяо ход̇и. бийд̇и д̇зсан̃н̃зва васзна бажжаяо ход̇и. жид̇д̇згаг̇г̇ад̇аа хзд̇убурзж̇аад̇агаммаахаарабажжаяо на ход̇и, сзсаанам̣ вийсад̇ияаа васзна бажжаяо ход̇и. сад̣̇д̇хаа хзд̇убурзж̇аад̇агаммаахааражхаанамаг̇г̇абажжаяо на ход̇и, сзсаанам̣ адтаарасаннам̣ васзна бажжаяо ход̇и. сад̇и д̇зхи жзва маг̇г̇абажжаязна жаад̇и згуунавийсад̇ияаа васзна бажжаяо ход̇и. ж̇ийвид̇инд̣̇рияам̣ сад̣̇д̇хааяа вуд̇д̇аанам̣ адтаарасаннам̣ васзна бажжаяо ход̇и. хирод̇д̇аббам̣ д̇ад̇о инд̣̇рияабажжаяам̣ абанзд̇ваа сзсаанам̣ сад̇д̇арасаннам̣ васзна бажжаяо ход̇и. д̇ат̇аа гааяабассад̣̇д̇хаад̣̇ийни яуг̇ал̣агаани, язваабанагзсу ад̇химогкаманасигаарад̇ад̇рамаж̇жхад̇д̇ад̇аа гарун̣аамуд̣̇ид̇аа жа. вирад̇ияо бана д̇зхи жзва маг̇г̇абажжаязна жаад̇и адтаарасад̇хаа бажжаяаа хонд̇и. мижчаад̣̇идти д̇ад̇о вибаагабажжаяам̣ абанзд̇ваа сад̇д̇арасад̇хаа, мижчааваажаагамманд̇ааж̇ийваа д̇зхи жзва гаммаахаарабажжаязхи жаад̇и згуунавийсад̇ид̇хаа. ахиригам̣ анод̇д̇аббам̣ маано т̇инам̣ мид̣̇д̇хам̣ уд̣̇д̇хажжанд̇и имз хзд̇убурзж̇аад̇агаммавибаагаахааринд̣̇рияажхаанамаг̇г̇абажжаяаа на хонд̇и, сзсаанам̣ бана сол̣асаннам̣ бажжаяаанам̣ васзна бажжаяаа хонд̇и. вижигижчааиссаамажчарияагуггужжаани д̇ад̇о ад̇хибад̇ибажжаяам̣ абанзд̇ваа баннарасад̇хаа вин̃н̃аан̣агканд̇хасса. ад̇хибад̇ибажжаяз вуд̇д̇анаязнзва анзгабажжаяабхааво взд̣̇ид̇аб̣б̣о. самананд̇арабажжаязби зсзва наяо.
Anantarapaccaye ‘‘cakkhuviññāṇadhātū’’tiādinā nayena vuttesu catūsu khandhesu vedanākkhandho hetupurejātakammāhāramaggapaccayo na hoti, sesānaṃ ekūnavīsatiyā vasena paccayo hoti. Saññākkhandho indriyajhānapaccayopi na hoti, sesānaṃ sattarasannaṃ vasena paccayo hoti. Saṅkhārakkhandhe hetū hetupaccaye vuttanayena, chandavīriyāni adhipatipaccaye vuttanayeneva paccayā honti. Phasso hetupurejātakammaindriyajhānamaggapaccayo na hoti, sesānaṃ aṭṭhārasannaṃ vasena paccayo hoti. Cetanā hetupurejātaindriyajhānamaggapaccayo na hoti. Sesānaṃ ekūnavīsatiyā vasena paccayo hoti. Vitakko hetupurejātakammāhārindriyapaccayo na hoti, sesānaṃ ekūnavīsatiyā vasena paccayo hoti. Vicāro maggapaccayopi na hoti, sesānaṃ aṭṭhārasannaṃ vasena paccayo hoti. Pīti tesaññeva vasena paccayo hoti. Cittekaggatā hetupurejātakammāhārapaccayo na hoti, sesānaṃ vīsatiyā vasena paccayo hoti. Saddhā hetupurejātakammāhārajhānamaggapaccayo na hoti, sesānaṃ aṭṭhārasannaṃ vasena paccayo hoti. Sati tehi ceva maggapaccayena cāti ekūnavīsatiyā vasena paccayo hoti. Jīvitindriyaṃ saddhāya vuttānaṃ aṭṭhārasannaṃ vasena paccayo hoti. Hirottappaṃ tato indriyapaccayaṃ apanetvā sesānaṃ sattarasannaṃ vasena paccayo hoti. Tathā kāyapassaddhādīni yugaḷakāni, yevāpanakesu adhimokkhamanasikāratatramajjhattatā karuṇāmuditā ca. Viratiyo pana tehi ceva maggapaccayena cāti aṭṭhārasadhā paccayā honti. Micchādiṭṭhi tato vipākapaccayaṃ apanetvā sattarasadhā, micchāvācākammantājīvā tehi ceva kammāhārapaccayehi cāti ekūnavīsatidhā. Ahirikaṃ anottappaṃ māno thinaṃ middhaṃ uddhaccanti ime hetupurejātakammavipākāhārindriyajhānamaggapaccayā na honti, sesānaṃ pana soḷasannaṃ paccayānaṃ vasena paccayā honti. Vicikicchāissāmacchariyakukkuccāni tato adhipatipaccayaṃ apanetvā pannarasadhā viññāṇakkhandhassa. Adhipatipaccaye vuttanayeneva anekapaccayabhāvo veditabbo. Samanantarapaccayepi eseva nayo.
сахаж̇аад̇абажжаяз жад̇уусу д̇аава канд̇хзсу згзгасса д̇хаммасса анзгабажжаяабхааво вуд̇д̇анаязнзва взд̣̇ид̇аб̣б̣о. жад̇д̇аари махаабхууд̇аани аарамман̣ааарамман̣аад̇хибад̇исахаж̇аад̇аан̃н̃аман̃н̃аниссаяаубаниссаяабурзж̇аад̇аад̇т̇иавиг̇ад̇авасзна навад̇хаа бажжаяаа хонд̇и. хад̣̇аяавад̇т̇у д̇зсан̃жзва виббаяуд̇д̇асса жа васзна д̣̇асад̇хаа бажжаяо ход̇и. ан̃н̃аман̃н̃абажжаяз абуб̣б̣ам̣ над̇т̇и. ниссаяабажжаяз жагкааяад̇анаад̣̇ийни аарамман̣ааарамман̣аад̇хибад̇иниссаяаубаниссаяабурзж̇аад̇аинд̣̇рияавиббаяуд̇д̇аад̇т̇иавиг̇ад̇авасзна навад̇хаа бажжаяаа хонд̇и. убаниссаяз абуб̣б̣ам̣ над̇т̇и. бурзж̇аад̇абажжаяз руубасад̣̇д̣̇аг̇анд̇харасааяад̇анаани аарамман̣ааарамман̣аад̇хибад̇иубаниссаяабурзж̇аад̇аад̇т̇иавиг̇ад̇авасзна чад̇хаа бажжаяаа хонд̇и. зд̇д̇агамзвзд̇т̇а абуб̣б̣ам̣. бажчааж̇аад̇аад̣̇ийсу абуб̣б̣ам̣ над̇т̇и. аахаарабажжаяз габ̣ал̣ийгаараахааро аарамман̣ааарамман̣аад̇хибад̇иубаниссаяааахаараад̇т̇иавиг̇ад̇авасзна чад̇хаа бажжаяо ход̇и. инд̣̇рияаад̣̇ийсу абуб̣б̣ам̣ над̇т̇и. звамзд̇т̇а згад̇хаммасса анзгабажжаяабхаавад̇оби вин̃н̃аад̇аб̣б̣о винижчаяо.
Sahajātapaccaye catūsu tāva khandhesu ekekassa dhammassa anekapaccayabhāvo vuttanayeneva veditabbo. Cattāri mahābhūtāni ārammaṇaārammaṇādhipatisahajātaaññamaññanissayaupanissayapurejātaatthiavigatavasena navadhā paccayā honti. Hadayavatthu tesañceva vippayuttassa ca vasena dasadhā paccayo hoti. Aññamaññapaccaye apubbaṃ natthi. Nissayapaccaye cakkhāyatanādīni ārammaṇaārammaṇādhipatinissayaupanissayapurejātaindriyavippayuttaatthiavigatavasena navadhā paccayā honti. Upanissaye apubbaṃ natthi. Purejātapaccaye rūpasaddagandharasāyatanāni ārammaṇaārammaṇādhipatiupanissayapurejātaatthiavigatavasena chadhā paccayā honti. Ettakamevettha apubbaṃ. Pacchājātādīsu apubbaṃ natthi. Āhārapaccaye kabaḷīkārāhāro ārammaṇaārammaṇādhipatiupanissayaāhāraatthiavigatavasena chadhā paccayo hoti. Indriyādīsu apubbaṃ natthi. Evamettha ekadhammassa anekapaccayabhāvatopi viññātabbo vinicchayo.
згабажжаяасса анзгабажжаяабхаавад̇од̇и хзд̇убажжаяаад̣̇ийсу яасса гассажи згасса бажжаяасса язнаагаарзна язнад̇т̇зна яо бажжаяуббаннаанам̣ бажжаяо ход̇и, д̇ам̣ аагаарам̣ д̇ам̣ ад̇т̇ам̣ авиж̇ахид̇ваава ан̃н̃зхиби язхаагаарзхи язхи ад̇т̇зхи со д̇асмин̃н̃зва кан̣з д̇зсам̣ д̇хаммаанам̣ анзгабажжаяабхаавам̣ г̇ажчад̇и, д̇ад̇о анзгабажжаяабхаавад̇о д̇асса винижчаяо взд̣̇ид̇аб̣б̣од̇и ад̇т̇о. сзяяат̇ид̣̇ам̣ – амохо хзд̇убажжаяо, со хзд̇убажжаяад̇д̇ам̣ авиж̇аханд̇ова ад̇хибад̇исахаж̇аад̇аан̃н̃аман̃н̃аниссаяавибаагаинд̣̇рияамаг̇г̇асамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхиби згаад̣̇асахаагаарзхи анзгабажжаяабхаавам̣ г̇ажчад̇и. алобхаад̣̇осаа д̇ад̇о ад̇хибад̇иинд̣̇рияамаг̇г̇абажжаяз д̇аяо абанзд̇ваа сзсаанам̣ васзна анзгабажжаяабхаавам̣ г̇ажчанд̇и. ид̣̇ам̣ вибаагахзд̇уусуязва лаб̣бхад̇и, гусалагириязсу бана вибаагабажжаяад̇аа барихааяад̇и. лобхад̣̇осамохаа д̇з д̇аяо вибааган̃жаад̇и жад̇д̇ааро абанзд̇ваа сзсаанам̣ васзна анзгабажжаяабхаавам̣ г̇ажчанд̇и.
Ekapaccayassa anekapaccayabhāvatoti hetupaccayādīsu yassa kassaci ekassa paccayassa yenākārena yenatthena yo paccayuppannānaṃ paccayo hoti, taṃ ākāraṃ taṃ atthaṃ avijahitvāva aññehipi yehākārehi yehi atthehi so tasmiññeva khaṇe tesaṃ dhammānaṃ anekapaccayabhāvaṃ gacchati, tato anekapaccayabhāvato tassa vinicchayo veditabboti attho. Seyyathidaṃ – amoho hetupaccayo, so hetupaccayattaṃ avijahantova adhipatisahajātaaññamaññanissayavipākaindriyamaggasampayuttavippayuttaatthiavigatānaṃ vasena aparehipi ekādasahākārehi anekapaccayabhāvaṃ gacchati. Alobhādosā tato adhipatiindriyamaggapaccaye tayo apanetvā sesānaṃ vasena anekapaccayabhāvaṃ gacchanti. Idaṃ vipākahetūsuyeva labbhati, kusalakiriyesu pana vipākapaccayatā parihāyati. Lobhadosamohā te tayo vipākañcāti cattāro apanetvā sesānaṃ vasena anekapaccayabhāvaṃ gacchanti.
аарамман̣абажжаяо д̇ам̣ аарамман̣абажжаяад̇д̇ам̣ авиж̇аханд̇ам̣язва аарамман̣аад̇хибад̇иниссаяаубаниссаяабурзж̇аад̇авиббаяуд̇д̇аад̇т̇иавиг̇ад̇аанам̣ васзна абарзхиби сад̇д̇ахаагаарзхи анзгабажжаяабхаавам̣ г̇ажчад̇и. аяамзд̇т̇а уггадтабарижчзд̣̇о, аруубад̇хаммаанам̣ бана ад̇ийд̇аанааг̇ад̇аанам̣ ваа руубад̇хаммаанам̣ аарамман̣абажжаяабхаавз сад̇и аарамман̣аад̇хибад̇иаарамман̣уубаниссаяамад̇д̇ан̃н̃зва уд̇д̇ари лаб̣бхад̇и. ад̇хибад̇ибажжаяз виймам̣саа амохасад̣̇исаа. чанд̣̇о ад̇хибад̇ибажжаяо ад̇хибад̇ибажжаяад̇д̇ам̣ авиж̇аханд̇ова сахаж̇аад̇аан̃н̃аман̃н̃аниссаяавибаагасамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхиби адтахаагаарзхи анзгабажжаяабхаавам̣ г̇ажчад̇и. вийрияам̣ д̇зсан̃жзва инд̣̇рияамаг̇г̇абажжаяаанан̃жаад̇и имзсам̣ васзна абарзхиби д̣̇асахаагаарзхи анзгабажжаяабхаавам̣ г̇ажчад̇и. жид̇д̇ам̣ д̇ад̇о маг̇г̇абажжаяам̣ абанзд̇ваа аахаарабажжаяам̣ багкибид̇ваа имзсам̣ васзна ад̇хибад̇ибажжаяад̇о уд̇д̇ари д̣̇асахаагаарзхи анзгабажжаяабхаавам̣ г̇ажчад̇и. аарамман̣аад̇хибад̇ино бана хздтаа аарамман̣абажжаяз вуд̇д̇анаязнзва анзгабажжаяабхааво взд̣̇ид̇аб̣б̣о.
Ārammaṇapaccayo taṃ ārammaṇapaccayattaṃ avijahantaṃyeva ārammaṇādhipatinissayaupanissayapurejātavippayuttaatthiavigatānaṃ vasena aparehipi sattahākārehi anekapaccayabhāvaṃ gacchati. Ayamettha ukkaṭṭhaparicchedo, arūpadhammānaṃ pana atītānāgatānaṃ vā rūpadhammānaṃ ārammaṇapaccayabhāve sati ārammaṇādhipatiārammaṇūpanissayamattaññeva uttari labbhati. Adhipatipaccaye vīmaṃsā amohasadisā. Chando adhipatipaccayo adhipatipaccayattaṃ avijahantova sahajātaaññamaññanissayavipākasampayuttavippayuttaatthiavigatānaṃ vasena aparehipi aṭṭhahākārehi anekapaccayabhāvaṃ gacchati. Vīriyaṃ tesañceva indriyamaggapaccayānañcāti imesaṃ vasena aparehipi dasahākārehi anekapaccayabhāvaṃ gacchati. Cittaṃ tato maggapaccayaṃ apanetvā āhārapaccayaṃ pakkhipitvā imesaṃ vasena adhipatipaccayato uttari dasahākārehi anekapaccayabhāvaṃ gacchati. Ārammaṇādhipatino pana heṭṭhā ārammaṇapaccaye vuttanayeneva anekapaccayabhāvo veditabbo.
ананд̇арасамананд̇арабажжаяаа ананд̇арасамананд̇арабажжаяад̇д̇ам̣ авиж̇аханд̇аава убаниссаяагаммааасзвананад̇т̇ивиг̇ад̇аанам̣ васзна абарзхиби бан̃жахаагаарзхи анзгабажжаяабхаавам̣ г̇ажчанд̇и. арияамаг̇г̇ажзд̇анааязва жзд̇т̇а гаммабажжаяад̇ам̣ лабхад̇и, на сзсад̇хаммаа. сахаж̇аад̇абажжаяо сахаж̇аад̇абажжаяад̇д̇ам̣ авиж̇аханд̇ова хзд̇уад̇хибад̇иан̃н̃аман̃н̃аниссаяагаммавибаагааахаараинд̣̇рияажхаанамаг̇г̇асамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхи жуд̣̇д̣̇асахаагаарзхи анзгабажжаяабхаавам̣ г̇ажчад̇и. аяамби уггадтабарижчзд̣̇о вад̇т̇усахаж̇аад̇аад̣̇ийнам̣ бана васзнзд̇т̇а хзд̇убажжаяаад̣̇ийнам̣ абхаавоби взд̣̇ид̇аб̣б̣о. ан̃н̃аман̃н̃абажжаязби зсзва наяо.
Anantarasamanantarapaccayā anantarasamanantarapaccayattaṃ avijahantāva upanissayakammaāsevananatthivigatānaṃ vasena aparehipi pañcahākārehi anekapaccayabhāvaṃ gacchanti. Ariyamaggacetanāyeva cettha kammapaccayataṃ labhati, na sesadhammā. Sahajātapaccayo sahajātapaccayattaṃ avijahantova hetuadhipatiaññamaññanissayakammavipākaāhāraindriyajhānamaggasampayuttavippayuttaatthiavigatānaṃ vasena aparehi cuddasahākārehi anekapaccayabhāvaṃ gacchati. Ayampi ukkaṭṭhaparicchedo vatthusahajātādīnaṃ pana vasenettha hetupaccayādīnaṃ abhāvopi veditabbo. Aññamaññapaccayepi eseva nayo.
ниссаяабажжаяо ниссаяабажжаяад̇д̇ам̣ авиж̇аханд̇ова жад̇увийсад̇ияаа бажжаязсу ад̇д̇ано ниссаяабажжаяад̇д̇ан̃жзва ананд̇арасамананд̇арабажчааж̇аад̇ааасзвананад̇т̇ивиг̇ад̇абажжаяз жа ча абанзд̇ваа сзсаанам̣ васзна абарзхиби сад̇д̇арасахаагаарзхи анзгабажжаяабхаавам̣ г̇ажчад̇и. аяамби уггадтабарижчзд̣̇ова вад̇т̇униссаяаад̣̇ийнам̣ бана васзнзд̇т̇а хзд̇убажжаяаад̣̇ийнам̣ аабхаавоби взд̣̇ид̇аб̣б̣о.
Nissayapaccayo nissayapaccayattaṃ avijahantova catuvīsatiyā paccayesu attano nissayapaccayattañceva anantarasamanantarapacchājātaāsevananatthivigatapaccaye ca cha apanetvā sesānaṃ vasena aparehipi sattarasahākārehi anekapaccayabhāvaṃ gacchati. Ayampi ukkaṭṭhaparicchedova vatthunissayādīnaṃ pana vasenettha hetupaccayādīnaṃ ābhāvopi veditabbo.
убаниссаяабажжаяз аарамман̣уубаниссаяо аарамман̣аад̇хибад̇исад̣̇исо. ананд̇аруубаниссаяо ананд̇аруубаниссаяабажжаяад̇д̇ам̣ авиж̇аханд̇ова ананд̇арасамананд̇арагаммааасзвананад̇т̇ивиг̇ад̇аанам̣ васзна абарзхиби чахаагаарзхи анзгабажжаяабхаавам̣ г̇ажчад̇и. арияамаг̇г̇ажзд̇анааязва жзд̇т̇а гаммабажжаяад̇ам̣ лабхад̇и, на сзсад̇хаммаа. багад̇уубаниссаяо багад̇уубаниссаяова. бурзж̇аад̇абажжаяо ад̇д̇ано бурзж̇аад̇абажжаяад̇д̇ам̣ авиж̇аханд̇ова аарамман̣ааарамман̣аад̇хибад̇иниссаяаубаниссаяаинд̣̇рияавиббаяуд̇д̇аад̇т̇иавиг̇ад̇аанам̣ васзна абарзхиби адтахаагаарзхи анзгабажжаяабхаавам̣ г̇ажчад̇и. аяамби уггадтанид̣̇д̣̇зсова аарамман̣абурзж̇аад̇з банзд̇т̇а ниссаяаинд̣̇рияавиббаяуд̇д̇абажжаяад̇аа на лаб̣бхад̇и. ид̇о уд̇д̇ариби лаб̣бхамаанаалаб̣бхамаанам̣ взд̣̇ид̇аб̣б̣ам̣. бажчааж̇аад̇абажжаяо ад̇д̇ано бажчааж̇аад̇абажжаяабхаавам̣ авиж̇аханд̇ова виббаяуд̇д̇аад̇т̇иавиг̇ад̇аанам̣ васзна абарзхиби д̇ийхаагаарзхи анзгабажжаяабхаавам̣ г̇ажчад̇и. аасзванабажжаяо аасзванабажжаяад̇д̇ам̣ авиж̇аханд̇ова ананд̇арасамананд̇араубаниссаяанад̇т̇ивиг̇ад̇аанам̣ васзна абарзхиби бан̃жахаагаарзхи анзгабажжаяабхаавам̣ г̇ажчад̇и.
Upanissayapaccaye ārammaṇūpanissayo ārammaṇādhipatisadiso. Anantarūpanissayo anantarūpanissayapaccayattaṃ avijahantova anantarasamanantarakammaāsevananatthivigatānaṃ vasena aparehipi chahākārehi anekapaccayabhāvaṃ gacchati. Ariyamaggacetanāyeva cettha kammapaccayataṃ labhati, na sesadhammā. Pakatūpanissayo pakatūpanissayova. Purejātapaccayo attano purejātapaccayattaṃ avijahantova ārammaṇaārammaṇādhipatinissayaupanissayaindriyavippayuttaatthiavigatānaṃ vasena aparehipi aṭṭhahākārehi anekapaccayabhāvaṃ gacchati. Ayampi ukkaṭṭhaniddesova ārammaṇapurejāte panettha nissayaindriyavippayuttapaccayatā na labbhati. Ito uttaripi labbhamānālabbhamānaṃ veditabbaṃ. Pacchājātapaccayo attano pacchājātapaccayabhāvaṃ avijahantova vippayuttaatthiavigatānaṃ vasena aparehipi tīhākārehi anekapaccayabhāvaṃ gacchati. Āsevanapaccayo āsevanapaccayattaṃ avijahantova anantarasamanantaraupanissayanatthivigatānaṃ vasena aparehipi pañcahākārehi anekapaccayabhāvaṃ gacchati.
гаммабажжаяо гаммабажжаяад̇д̇ам̣ авиж̇аханд̇ова згагкан̣иго д̇аава сахаж̇аад̇аан̃н̃аман̃н̃аниссаяавибаагааахаарасамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхиби навахаагаарзхи анзгабажжаяабхаавам̣ г̇ажчад̇и. наанаагкан̣иго убаниссаяаананд̇арасамананд̇аранад̇т̇ивиг̇ад̇аанам̣ васзна абарзхиби бан̃жахаагаарзхи анзгабажжаяабхаавам̣ г̇ажчад̇и. вибаагабажжаяо вибаагабажжаяад̇д̇ам̣ авиж̇аханд̇ова хзд̇уад̇хибад̇исахаж̇аад̇аан̃н̃аман̃н̃аниссаяагаммааахаараинд̣̇рияажхаанамаг̇г̇асамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхиби жуд̣̇д̣̇асахаагаарзхи анзгабажжаяабхаавам̣ г̇ажчад̇и. аахаарабажжаяз габ̣ал̣ийгааро аахааро аахаарабажжаяад̇д̇ам̣ авиж̇аханд̇ова ад̇т̇иавиг̇ад̇аанам̣ васзна абарзхиби д̣̇вийхаагаарзхи анзгабажжаяабхаавам̣ г̇ажчад̇и. сзсаа д̇аяо аахаарабажжаяад̇д̇ам̣ авиж̇аханд̇аава яат̇аануруубам̣ ад̇хибад̇исахаж̇аад̇аан̃н̃аман̃н̃аниссаяагаммавибаагаинд̣̇рияасамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхиби згаад̣̇асахаагаарзхи анзгабажжаяабхаавам̣ г̇ажчанд̇и.
Kammapaccayo kammapaccayattaṃ avijahantova ekakkhaṇiko tāva sahajātaaññamaññanissayavipākaāhārasampayuttavippayuttaatthiavigatānaṃ vasena aparehipi navahākārehi anekapaccayabhāvaṃ gacchati. Nānākkhaṇiko upanissayaanantarasamanantaranatthivigatānaṃ vasena aparehipi pañcahākārehi anekapaccayabhāvaṃ gacchati. Vipākapaccayo vipākapaccayattaṃ avijahantova hetuadhipatisahajātaaññamaññanissayakammaāhāraindriyajhānamaggasampayuttavippayuttaatthiavigatānaṃ vasena aparehipi cuddasahākārehi anekapaccayabhāvaṃ gacchati. Āhārapaccaye kabaḷīkāro āhāro āhārapaccayattaṃ avijahantova atthiavigatānaṃ vasena aparehipi dvīhākārehi anekapaccayabhāvaṃ gacchati. Sesā tayo āhārapaccayattaṃ avijahantāva yathānurūpaṃ adhipatisahajātaaññamaññanissayakammavipākaindriyasampayuttavippayuttaatthiavigatānaṃ vasena aparehipi ekādasahākārehi anekapaccayabhāvaṃ gacchanti.
инд̣̇рияабажжаяз руубино бан̃жинд̣̇рияаа инд̣̇рияабажжаяад̇д̇ам̣ авиж̇аханд̇аава ниссаяабурзж̇аад̇авиббаяуд̇д̇аад̇т̇иавиг̇ад̇аанам̣ васзна абарзхиби бан̃жахаагаарзхи анзгабажжаяабхаавам̣ г̇ажчанд̇и. руубаж̇ийвид̇инд̣̇рияамби инд̣̇рияабажжаяад̇д̇ам̣ авиж̇аханд̇ан̃н̃зва ад̇т̇иавиг̇ад̇аанам̣ васзна абарзхиби д̣̇вийхаагаарзхи анзгабажжаяабхаавам̣ г̇ажчад̇и. аруубино инд̣̇рияааниби яат̇аануруубам̣ инд̣̇рияабажжаяад̇д̇ам̣ авиж̇аханд̇аанзва хзд̇уад̇хибад̇исахаж̇аад̇аан̃н̃аман̃н̃аниссаяавибаагааахааражхаанамаг̇г̇асамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхиби д̇зрасахаагаарзхи анзгабажжаяабхаавам̣ г̇ажчанд̇и. жхаанабажжаяо жхаанабажжаяад̇д̇ам̣ авиж̇аханд̇ова яат̇аануруубам̣ сахаж̇аад̇аан̃н̃аман̃н̃аниссаяавибаагаинд̣̇рияамаг̇г̇асамбаяуд̇д̇авиббаяуд̇д̇аад̇т̇иавиг̇ад̇аанам̣ васзна абарзхиби д̣̇асахаагаарзхи анзгабажжаяабхаавам̣ г̇ажчад̇и. маг̇г̇абажжаяо маг̇г̇абажжаяад̇д̇ам̣ авиж̇аханд̇ова яат̇аануруубам̣ жхаанабажжаяз вуд̇д̇аанам̣ д̣̇асаннам̣ хзд̇уад̇хибад̇ийнан̃жаад̇и имзсам̣ васзна абарзхиби д̣̇ваад̣̇асахаагаарзхи анзгабажжаяабхаавам̣ г̇ажчад̇и.
Indriyapaccaye rūpino pañcindriyā indriyapaccayattaṃ avijahantāva nissayapurejātavippayuttaatthiavigatānaṃ vasena aparehipi pañcahākārehi anekapaccayabhāvaṃ gacchanti. Rūpajīvitindriyampi indriyapaccayattaṃ avijahantaññeva atthiavigatānaṃ vasena aparehipi dvīhākārehi anekapaccayabhāvaṃ gacchati. Arūpino indriyānipi yathānurūpaṃ indriyapaccayattaṃ avijahantāneva hetuadhipatisahajātaaññamaññanissayavipākaāhārajhānamaggasampayuttavippayuttaatthiavigatānaṃ vasena aparehipi terasahākārehi anekapaccayabhāvaṃ gacchanti. Jhānapaccayo jhānapaccayattaṃ avijahantova yathānurūpaṃ sahajātaaññamaññanissayavipākaindriyamaggasampayuttavippayuttaatthiavigatānaṃ vasena aparehipi dasahākārehi anekapaccayabhāvaṃ gacchati. Maggapaccayo maggapaccayattaṃ avijahantova yathānurūpaṃ jhānapaccaye vuttānaṃ dasannaṃ hetuadhipatīnañcāti imesaṃ vasena aparehipi dvādasahākārehi anekapaccayabhāvaṃ gacchati.
самбаяуд̇д̇абажжаяо самбаяуд̇д̇абажжаяад̇д̇ам̣ авиж̇аханд̇ова яат̇аануруубам̣ хзд̇уад̇хибад̇исахаж̇аад̇аан̃н̃аман̃н̃аниссаяагаммавибаагааахаараинд̣̇рияажхаанамаг̇г̇аад̇т̇иавиг̇ад̇аанам̣ васзна абарзхиби д̇зрасахаагаарзхи анзгабажжаяабхаавам̣ г̇ажчад̇и. виббаяуд̇д̇абажжаяо виббаяуд̇д̇абажжаяад̇д̇ам̣ авиж̇аханд̇ова ананд̇арасамананд̇арааасзванасамбаяуд̇д̇анад̇т̇ивиг̇ад̇асан̇каад̇з ча бажжаяз абанзд̇ваа сзсаанам̣ васзна яат̇аануруубам̣ абарзхиби сад̇д̇арасахаагаарзхи анзгабажжаяабхаавам̣ г̇ажчад̇и. д̇ад̇т̇а руубасса жа аруубасса жа бажжаяавибхааг̇о взд̣̇ид̇аб̣б̣о. ад̇т̇ибажжаяо ад̇т̇ибажжаяад̇д̇ам̣ авиж̇аханд̇ова ананд̇арасамананд̇арааасзвананад̇т̇ивиг̇ад̇асан̇каад̇з бан̃жа бажжаяз абанзд̇ваа сзсаанам̣ васзна яат̇аануруубам̣ абарзхи адтаарасахаагаарзхи анзгабажжаяабхаавам̣ г̇ажчад̇и. над̇т̇ибажжаяавиг̇ад̇абажжаяаа ананд̇арабажжаяасад̣̇исаа . авиг̇ад̇абажжаяо ад̇т̇ибажжаяасад̣̇исоязваад̇и звамзд̇т̇а згабажжаяасса анзгабажжаяабхаавад̇оби вин̃н̃аад̇аб̣б̣о винижчаяо.
Sampayuttapaccayo sampayuttapaccayattaṃ avijahantova yathānurūpaṃ hetuadhipatisahajātaaññamaññanissayakammavipākaāhāraindriyajhānamaggaatthiavigatānaṃ vasena aparehipi terasahākārehi anekapaccayabhāvaṃ gacchati. Vippayuttapaccayo vippayuttapaccayattaṃ avijahantova anantarasamanantaraāsevanasampayuttanatthivigatasaṅkhāte cha paccaye apanetvā sesānaṃ vasena yathānurūpaṃ aparehipi sattarasahākārehi anekapaccayabhāvaṃ gacchati. Tattha rūpassa ca arūpassa ca paccayavibhāgo veditabbo. Atthipaccayo atthipaccayattaṃ avijahantova anantarasamanantaraāsevananatthivigatasaṅkhāte pañca paccaye apanetvā sesānaṃ vasena yathānurūpaṃ aparehi aṭṭhārasahākārehi anekapaccayabhāvaṃ gacchati. Natthipaccayavigatapaccayā anantarapaccayasadisā . Avigatapaccayo atthipaccayasadisoyevāti evamettha ekapaccayassa anekapaccayabhāvatopi viññātabbo vinicchayo.
бажжаяасабхааг̇ад̇од̇и зд̇зсу хи жад̇увийсад̇ияаа бажжаязсу ананд̇арасамананд̇араананд̇аруубаниссаяааасзвананад̇т̇ивиг̇ад̇аа сабхааг̇аа, д̇ат̇аа аарамман̣ааарамман̣аад̇хибад̇иаарамман̣уубаниссаяаад̇и иминаа убааязнзд̇т̇а бажжаяасабхааг̇ад̇оби вин̃н̃аад̇аб̣б̣о винижчаяо.
Paccayasabhāgatoti etesu hi catuvīsatiyā paccayesu anantarasamanantaraanantarūpanissayaāsevananatthivigatā sabhāgā, tathā ārammaṇaārammaṇādhipatiārammaṇūpanissayāti iminā upāyenettha paccayasabhāgatopi viññātabbo vinicchayo.
бажжаяависабхааг̇ад̇од̇и бурзж̇аад̇абажжаяо банзд̇т̇а бажчааж̇аад̇абажжаязна висабхааг̇о, д̇ат̇аа самбаяуд̇д̇абажжаяо виббаяуд̇д̇абажжаязна, ад̇т̇ибажжаяо над̇т̇ибажжаязна, виг̇ад̇абажжаяо авиг̇ад̇абажжаязнаад̇и иминаа убааязнзд̇т̇а бажжаяависабхааг̇ад̇оби вин̃н̃аад̇аб̣б̣о винижчаяо.
Paccayavisabhāgatoti purejātapaccayo panettha pacchājātapaccayena visabhāgo, tathā sampayuttapaccayo vippayuttapaccayena, atthipaccayo natthipaccayena, vigatapaccayo avigatapaccayenāti iminā upāyenettha paccayavisabhāgatopi viññātabbo vinicchayo.
яуг̇ал̣агад̇од̇и зд̇зсу жа ад̇т̇асаригкад̇ааяа, сад̣̇д̣̇асаригкад̇ааяа, гаалабадибагкад̇ааяа, хзд̇упалад̇ааяа, ан̃н̃аман̃н̃абадибагкад̇ааяаад̇и имзхи гааран̣зхи яуг̇ал̣агад̇о вин̃н̃аад̇аб̣б̣о винижчаяо. ананд̇арасамананд̇араа хи ад̇т̇асаригкад̇ааяа згам̣ яуг̇ал̣агам̣ наама; ниссаяуубаниссаяаа сад̣̇д̣̇асаригкад̇ааяа, бурзж̇аад̇абажчааж̇аад̇аа гаалабадибагкад̇ааяа, гаммабажжаяавибаагабажжаяаа хзд̇упалад̇ааяа, самбаяуд̇д̇авиббаяуд̇д̇абажжаяаа ан̃н̃аман̃н̃абадибагкад̇ааяа згам̣ яуг̇ал̣агам̣ наама, д̇ат̇аа ад̇т̇инад̇т̇ибажжаяаа, виг̇ад̇аавиг̇ад̇абажжаяаа жаад̇и звамзд̇т̇а яуг̇ал̣агад̇оби вин̃н̃аад̇аб̣б̣о винижчаяо. ж̇анагааж̇анагад̇од̇и зд̇зсу жа ананд̇арасамананд̇араананд̇аруубаниссаяабагад̇уубаниссаяаасзванабажжаяаа наанаагкан̣иго, гаммабажжаяо, над̇т̇ивиг̇ад̇абажжаяаад̇и имз бажжаяаа ж̇анагааязва, на аж̇анагаа. бажчааж̇аад̇абажжаяо гзвалам̣ убад̇т̇амбхагоязва, на ж̇анаго. сзсаа ж̇анагаа жа аж̇анагаа жа убад̇т̇амбхагаа жаад̇и ад̇т̇о. звамзд̇т̇а ж̇анагааж̇анагад̇оби вин̃н̃аад̇аб̣б̣о винижчаяо.
Yugaḷakatoti etesu ca atthasarikkhatāya, saddasarikkhatāya, kālapaṭipakkhatāya, hetuphalatāya, aññamaññapaṭipakkhatāyāti imehi kāraṇehi yugaḷakato viññātabbo vinicchayo. Anantarasamanantarā hi atthasarikkhatāya ekaṃ yugaḷakaṃ nāma; nissayūpanissayā saddasarikkhatāya, purejātapacchājātā kālapaṭipakkhatāya, kammapaccayavipākapaccayā hetuphalatāya, sampayuttavippayuttapaccayā aññamaññapaṭipakkhatāya ekaṃ yugaḷakaṃ nāma, tathā atthinatthipaccayā, vigatāvigatapaccayā cāti evamettha yugaḷakatopi viññātabbo vinicchayo. Janakājanakatoti etesu ca anantarasamanantarānantarūpanissayapakatūpanissayāsevanapaccayā nānākkhaṇiko, kammapaccayo, natthivigatapaccayāti ime paccayā janakāyeva, na ajanakā. Pacchājātapaccayo kevalaṃ upatthambhakoyeva, na janako. Sesā janakā ca ajanakā ca upatthambhakā cāti attho. Evamettha janakājanakatopi viññātabbo vinicchayo.
саб̣б̣адтаанигаасаб̣б̣адтаанигад̇од̇и зд̇зсу жа сахаж̇аад̇аниссаяаад̇т̇иавиг̇ад̇абажжаяаа саб̣б̣адтаанигаа наама, саб̣б̣зсам̣ сан̇кад̇аанам̣ руубааруубад̇хаммаанам̣ таанабхууд̇аа гааран̣абхууд̇аад̇и ад̇т̇о. зд̇зхи винаа уббаж̇ж̇амаано згад̇хаммоби над̇т̇ийд̇и. аарамман̣ааарамман̣аад̇хибад̇иананд̇арасамананд̇араананд̇аруубаниссаяабагад̇уубаниссаяаасзванасамбаяуд̇д̇анад̇т̇ивиг̇ад̇абажжаяаа асаб̣б̣адтаанигаа наама. на саб̣б̣зсам̣ руубааруубад̇хаммаанам̣ таанабхууд̇аа, аруубагканд̇хаанан̃н̃зва бана таанабхууд̇аа гааран̣абхууд̇аад̇и ад̇т̇о. аруубад̇хаммааязва хи зд̇зхи уббаж̇ж̇анд̇и, на руубад̇хаммаа. бурзж̇аад̇абажчааж̇аад̇ааби асаб̣б̣адтаанигаа аруубаруубаанан̃н̃зва яат̇ааггамзна бажжаяабхаавад̇о. вуд̇д̇аавасзсааби згажжаанам̣ руубааруубад̇хаммаанам̣ уббад̇д̇ихзд̇уд̇о на саб̣б̣адтаанигаад̇и звамзд̇т̇а саб̣б̣адтаанигаа саб̣б̣адтаанигад̇оби вин̃н̃аад̇аб̣б̣о винижчаяо.
Sabbaṭṭhānikāsabbaṭṭhānikatoti etesu ca sahajātanissayaatthiavigatapaccayā sabbaṭṭhānikā nāma, sabbesaṃ saṅkhatānaṃ rūpārūpadhammānaṃ ṭhānabhūtā kāraṇabhūtāti attho. Etehi vinā uppajjamāno ekadhammopi natthīti. Ārammaṇaārammaṇādhipatianantarasamanantarānantarūpanissayapakatūpanissayāsevanasampayuttanatthivigatapaccayā asabbaṭṭhānikā nāma. Na sabbesaṃ rūpārūpadhammānaṃ ṭhānabhūtā, arūpakkhandhānaññeva pana ṭhānabhūtā kāraṇabhūtāti attho. Arūpadhammāyeva hi etehi uppajjanti, na rūpadhammā. Purejātapacchājātāpi asabbaṭṭhānikā arūparūpānaññeva yathākkamena paccayabhāvato. Vuttāvasesāpi ekaccānaṃ rūpārūpadhammānaṃ uppattihetuto na sabbaṭṭhānikāti evamettha sabbaṭṭhānikā sabbaṭṭhānikatopi viññātabbo vinicchayo.
руубам̣ руубассаад̇иаад̣̇ивигаббад̇од̇и зд̇зсу жа жад̇увийсад̇ияаа бажжаязсу згабажжаяоби зганд̇зна руубамзва худ̇ваа руубассзва бажжаяо наама над̇т̇и, зганд̇зна бана руубам̣ худ̇ваа аруубассзва бажжаяо наама ад̇т̇и. гад̇аро банзсод̇и? бурзж̇аад̇абажжаяо. бурзж̇аад̇абажжаяо хи зганд̇зна руубамзва худ̇ваа аруубассзва бажжаяо ход̇и. зганд̇зна руубамзва худ̇ваа руубааруубассзва бажжаяо наамаад̇иби над̇т̇и, зганд̇зна бана аруубам̣ худ̇ваа аруубассзва бажжаяо наама ад̇т̇и. гад̇аро банзсод̇и? ананд̇арасамананд̇арааасзванасамбаяуд̇д̇анад̇т̇ивиг̇ад̇авасзна чаб̣б̣ид̇хо. со хи саб̣б̣оби зганд̇зна аруубамзва худ̇ваа аруубассзва бажжаяо ход̇и. зганд̇зна аруубамзва худ̇вааби зганд̇зна руубассзва бажжаяо наамаад̇иби ад̇т̇и. гад̇аро банзсод̇и? бажчааж̇аад̇абажжаяо. со хи зганд̇зна аруубам̣ худ̇ваа руубассзва бажжаяо ход̇и; зганд̇зна бана аруубад̇хаммова худ̇ваа руубааруубаанам̣ бажжаяоби ад̇т̇и. гад̇аро банзсод̇и? хзд̇угаммавибаагажхаанамаг̇г̇авасзна бан̃жавид̇хо. со хи саб̣б̣оби зганд̇зна аруубамзва худ̇ваа руубад̇хаммаанам̣ аруубад̇хаммаанамби бажжаяо ход̇и. зганд̇зна бана руубааруубамзва худ̇ваа руубассзва бажжаяо наамаад̇иби над̇т̇и, аруубассзва бана ход̇и. гад̇аро банзсод̇и? аарамман̣абажжаяо жзва убаниссаяабажжаяо жа. ид̣̇ан̃хи д̣̇ваяам̣ зганд̇зна руубааруубамзва худ̇ваа аруубассзва бажжаяо ход̇и. зганд̇зна руубааруубамзва худ̇ваа бана руубааруубассзва бажжаяо наамаад̇иби ад̇т̇и. гад̇аро банзсод̇и? ад̇хибад̇исахаж̇аад̇аан̃н̃аман̃н̃аниссаяааахаараинд̣̇рияавиббаяуд̇д̇аад̇т̇иавиг̇ад̇авасзна нававид̇хо. со хи саб̣б̣оби зганд̇зна руубааруубамзва худ̇ваа руубааруубассзва бажжаяо ход̇ийд̇и звамзд̇т̇а руубам̣ руубассаад̇иаад̣̇ивигаббад̇оби вин̃н̃аад̇аб̣б̣о винижчаяо.
Rūpaṃ rūpassātiādivikappatoti etesu ca catuvīsatiyā paccayesu ekapaccayopi ekantena rūpameva hutvā rūpasseva paccayo nāma natthi, ekantena pana rūpaṃ hutvā arūpasseva paccayo nāma atthi. Kataro panesoti? Purejātapaccayo. Purejātapaccayo hi ekantena rūpameva hutvā arūpasseva paccayo hoti. Ekantena rūpameva hutvā rūpārūpasseva paccayo nāmātipi natthi, ekantena pana arūpaṃ hutvā arūpasseva paccayo nāma atthi. Kataro panesoti? Anantarasamanantaraāsevanasampayuttanatthivigatavasena chabbidho. So hi sabbopi ekantena arūpameva hutvā arūpasseva paccayo hoti. Ekantena arūpameva hutvāpi ekantena rūpasseva paccayo nāmātipi atthi. Kataro panesoti? Pacchājātapaccayo. So hi ekantena arūpaṃ hutvā rūpasseva paccayo hoti; ekantena pana arūpadhammova hutvā rūpārūpānaṃ paccayopi atthi. Kataro panesoti? Hetukammavipākajhānamaggavasena pañcavidho. So hi sabbopi ekantena arūpameva hutvā rūpadhammānaṃ arūpadhammānampi paccayo hoti. Ekantena pana rūpārūpameva hutvā rūpasseva paccayo nāmātipi natthi, arūpasseva pana hoti. Kataro panesoti? Ārammaṇapaccayo ceva upanissayapaccayo ca. Idañhi dvayaṃ ekantena rūpārūpameva hutvā arūpasseva paccayo hoti. Ekantena rūpārūpameva hutvā pana rūpārūpasseva paccayo nāmātipi atthi. Kataro panesoti? Adhipatisahajātaaññamaññanissayaāhāraindriyavippayuttaatthiavigatavasena navavidho. So hi sabbopi ekantena rūpārūpameva hutvā rūpārūpasseva paccayo hotīti evamettha rūpaṃ rūpassātiādivikappatopi viññātabbo vinicchayo.
бхавабхзд̣̇ад̇од̇и имзсу бана жад̇увийсад̇ияаа бажжаязсу бан̃жавогаарабхавз д̇аава на гожи бажжаяо на лаб̣бхад̇и наама. жад̇увогаарабхавз бана д̇аяо бурзж̇аад̇абажчааж̇аад̇авиббаяуд̇д̇абажжаяз абанзд̇ваа сзсаа згавийсад̇имзва лаб̣бханд̇и. згавогаарабхавз сахаж̇аад̇аан̃н̃аман̃н̃аниссаяагаммаинд̣̇рияаад̇т̇иавиг̇ад̇авасзна сад̇д̇зва лаб̣бханд̇и. б̣аахирз бана анинд̣̇рияаб̣ад̣̇д̇харуубз сахаж̇аад̇аан̃н̃аман̃н̃аниссаяаад̇т̇иавиг̇ад̇авасзна бан̃жзва лаб̣бханд̇ийд̇и звамзд̇т̇а бхавабхзд̣̇ад̇оби вин̃н̃аад̇аб̣б̣о винижчаяод̇и.
Bhavabhedatoti imesu pana catuvīsatiyā paccayesu pañcavokārabhave tāva na koci paccayo na labbhati nāma. Catuvokārabhave pana tayo purejātapacchājātavippayuttapaccaye apanetvā sesā ekavīsatimeva labbhanti. Ekavokārabhave sahajātaaññamaññanissayakammaindriyaatthiavigatavasena satteva labbhanti. Bāhire pana anindriyabaddharūpe sahajātaaññamaññanissayaatthiavigatavasena pañceva labbhantīti evamettha bhavabhedatopi viññātabbo vinicchayoti.
бажжаяанид̣̇д̣̇зсаваараван̣н̣анаа нидтид̇аа.
Paccayaniddesavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
