| Library / Tipiṭaka / তিপিটক • Tipiṭaka / পট্ঠানপাল়ি • Paṭṭhānapāḷi |
(২) পচ্চযনিদ্দেসো
(2) Paccayaniddeso
১. হেতুপচ্চযোতি – হেতূ হেতুসম্পযুত্তকানং ধম্মানং তংসমুট্ঠানানঞ্চ রূপানং হেতুপচ্চযেন পচ্চযো 1।
1. Hetupaccayoti – hetū hetusampayuttakānaṃ dhammānaṃ taṃsamuṭṭhānānañca rūpānaṃ hetupaccayena paccayo 2.
২. আরম্মণপচ্চযোতি – রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো। সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো। গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো। রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো। ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো। রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো। সব্বে ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো।
2. Ārammaṇapaccayoti – rūpāyatanaṃ cakkhuviññāṇadhātuyā taṃsampayuttakānañca dhammānaṃ ārammaṇapaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ ārammaṇapaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ ārammaṇapaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ ārammaṇapaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ ārammaṇapaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ ārammaṇapaccayena paccayo. Sabbe dhammā manoviññāṇadhātuyā taṃsampayuttakānañca dhammānaṃ ārammaṇapaccayena paccayo.
যং যং ধম্মং আরব্ভ যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং আরম্মণপচ্চযেন পচ্চযো।
Yaṃ yaṃ dhammaṃ ārabbha ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ ārammaṇapaccayena paccayo.
৩. অধিপতিপচ্চযোতি – ছন্দাধিপতি ছন্দসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো। ৰীরিযাধিপতি ৰীরিযসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো। চিত্তাধিপতি চিত্তসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো। ৰীমংসাধিপতি ৰীমংসসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো।
3. Adhipatipaccayoti – chandādhipati chandasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo. Vīriyādhipati vīriyasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo. Cittādhipati cittasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo. Vīmaṃsādhipati vīmaṃsasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo.
যং যং ধম্মং গরুং কত্ৰা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং অধিপতিপচ্চযেন পচ্চযো।
Yaṃ yaṃ dhammaṃ garuṃ katvā ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ adhipatipaccayena paccayo.
৪. অনন্তরপচ্চযোতি – চক্খুৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো।
4. Anantarapaccayoti – cakkhuviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
সোতৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো।
Sotaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
ঘানৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো।
Ghānaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
জিৰ্হাৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো।
Jivhāviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
কাযৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো।
Kāyaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং অনন্তরপচ্চযেন পচ্চযো। পুরিমা পুরিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং অনন্তরপচ্চযেন পচ্চযো।
Purimā purimā kusalā dhammā pacchimānaṃ pacchimānaṃ kusalānaṃ dhammānaṃ anantarapaccayena paccayo. Purimā purimā kusalā dhammā pacchimānaṃ pacchimānaṃ abyākatānaṃ dhammānaṃ anantarapaccayena paccayo.
পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং অনন্তরপচ্চযেন পচ্চযো। পুরিমা পুরিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং অনন্তরপচ্চযেন পচ্চযো।
Purimā purimā akusalā dhammā pacchimānaṃ pacchimānaṃ akusalānaṃ dhammānaṃ anantarapaccayena paccayo. Purimā purimā akusalā dhammā pacchimānaṃ pacchimānaṃ abyākatānaṃ dhammānaṃ anantarapaccayena paccayo.
পুরিমা পুরিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং অনন্তরপচ্চযেন পচ্চযো। পুরিমা পুরিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং অনন্তরপচ্চযেন পচ্চযো। পুরিমা পুরিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং অনন্তরপচ্চযেন পচ্চযো।
Purimā purimā abyākatā dhammā pacchimānaṃ pacchimānaṃ abyākatānaṃ dhammānaṃ anantarapaccayena paccayo. Purimā purimā abyākatā dhammā pacchimānaṃ pacchimānaṃ kusalānaṃ dhammānaṃ anantarapaccayena paccayo. Purimā purimā abyākatā dhammā pacchimānaṃ pacchimānaṃ akusalānaṃ dhammānaṃ anantarapaccayena paccayo.
যেসং যেসং ধম্মানং অনন্তরা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং অনন্তরপচ্চযেন পচ্চযো।
Yesaṃ yesaṃ dhammānaṃ anantarā ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ anantarapaccayena paccayo.
৫. সমনন্তরপচ্চযোতি – চক্খুৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো।
5. Samanantarapaccayoti – cakkhuviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
সোতৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো।
Sotaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
ঘাণৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো । মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো।
Ghāṇaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo . Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
জিৰ্হাৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো।
Jivhāviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
কাযৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো। মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো।
Kāyaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং সমনন্তরপচ্চযেন পচ্চযো। পুরিমা পুরিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং সমনন্তরপচ্চযেন পচ্চযো।
Purimā purimā kusalā dhammā pacchimānaṃ pacchimānaṃ kusalānaṃ dhammānaṃ samanantarapaccayena paccayo. Purimā purimā kusalā dhammā pacchimānaṃ pacchimānaṃ abyākatānaṃ dhammānaṃ samanantarapaccayena paccayo.
পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং সমনন্তরপচ্চযেন পচ্চযো। পুরিমা পুরিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং সমনন্তরপচ্চযেন পচ্চযো।
Purimā purimā akusalā dhammā pacchimānaṃ pacchimānaṃ akusalānaṃ dhammānaṃ samanantarapaccayena paccayo. Purimā purimā akusalā dhammā pacchimānaṃ pacchimānaṃ abyākatānaṃ dhammānaṃ samanantarapaccayena paccayo.
পুরিমা পুরিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং সমনন্তরপচ্চযেন পচ্চযো। পুরিমা পুরিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং সমনন্তরপচ্চযেন পচ্চযো। পুরিমা পুরিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং সমনন্তরপচ্চযেন পচ্চযো।
Purimā purimā abyākatā dhammā pacchimānaṃ pacchimānaṃ abyākatānaṃ dhammānaṃ samanantarapaccayena paccayo. Purimā purimā abyākatā dhammā pacchimānaṃ pacchimānaṃ kusalānaṃ dhammānaṃ samanantarapaccayena paccayo. Purimā purimā abyākatā dhammā pacchimānaṃ pacchimānaṃ akusalānaṃ dhammānaṃ samanantarapaccayena paccayo.
যেসং যেসং ধম্মানং সমনন্তরা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং সমনন্তরপচ্চযেন পচ্চযো।
Yesaṃ yesaṃ dhammānaṃ samanantarā ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ samanantarapaccayena paccayo.
৬. সহজাতপচ্চযোতি – চত্তারো খন্ধা অরূপিনো অঞ্ঞমঞ্ঞং সহজাতপচ্চযেন পচ্চযো। চত্তারো মহাভূতা অঞ্ঞমঞ্ঞং সহজাতপচ্চযেন পচ্চযো। ওক্কন্তিক্খণে নামরূপং অঞ্ঞমঞ্ঞং সহজাতপচ্চযেন পচ্চযো। চিত্তচেতসিকা ধম্মা চিত্তসমুট্ঠানানং রূপানং সহজাতপচ্চযেন পচ্চযো। মহাভূতা উপাদারূপানং সহজাতপচ্চযেন পচ্চযো। রূপিনো ধম্মা অরূপীনং ধম্মানং কিঞ্চি কালে 3 সহজাতপচ্চযেন পচ্চযো, কিঞ্চি কালে ন সহজাতপচ্চযেন পচ্চযো।
6. Sahajātapaccayoti – cattāro khandhā arūpino aññamaññaṃ sahajātapaccayena paccayo. Cattāro mahābhūtā aññamaññaṃ sahajātapaccayena paccayo. Okkantikkhaṇe nāmarūpaṃ aññamaññaṃ sahajātapaccayena paccayo. Cittacetasikā dhammā cittasamuṭṭhānānaṃ rūpānaṃ sahajātapaccayena paccayo. Mahābhūtā upādārūpānaṃ sahajātapaccayena paccayo. Rūpino dhammā arūpīnaṃ dhammānaṃ kiñci kāle 4 sahajātapaccayena paccayo, kiñci kāle na sahajātapaccayena paccayo.
৭. অঞ্ঞমঞ্ঞপচ্চযোতি – চত্তারো খন্ধা অরূপিনো অঞ্ঞমঞ্ঞপচ্চযেন পচ্চযো। চত্তারো মহাভূতা অঞ্ঞমঞ্ঞপচ্চযেন পচ্চযো। ওক্কন্তিক্খণে নামরূপং অঞ্ঞমঞ্ঞপচ্চযেন পচ্চযো।
7. Aññamaññapaccayoti – cattāro khandhā arūpino aññamaññapaccayena paccayo. Cattāro mahābhūtā aññamaññapaccayena paccayo. Okkantikkhaṇe nāmarūpaṃ aññamaññapaccayena paccayo.
৮. নিস্সযপচ্চযোতি – চত্তারো খন্ধা অরূপিনো অঞ্ঞমঞ্ঞং নিস্সযপচ্চযেন পচ্চযো। চত্তারো মহাভূতা অঞ্ঞমঞ্ঞং নিস্সযপচ্চযেন পচ্চযো। ওক্কন্তিক্খণে নামরূপং অঞ্ঞমঞ্ঞং নিস্সযপচ্চযেন পচ্চযো। চিত্তচেতসিকা ধম্মা চিত্তসমুট্ঠানানং রূপানং নিস্সযপচ্চযেন পচ্চযো। মহাভূতা উপাদারূপানং নিস্সযপচ্চযেন পচ্চযো।
8. Nissayapaccayoti – cattāro khandhā arūpino aññamaññaṃ nissayapaccayena paccayo. Cattāro mahābhūtā aññamaññaṃ nissayapaccayena paccayo. Okkantikkhaṇe nāmarūpaṃ aññamaññaṃ nissayapaccayena paccayo. Cittacetasikā dhammā cittasamuṭṭhānānaṃ rūpānaṃ nissayapaccayena paccayo. Mahābhūtā upādārūpānaṃ nissayapaccayena paccayo.
চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো। সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো। ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো। জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো। কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো। যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা চ মনোৰিঞ্ঞাণধাতুযা চ তংসম্পযুত্তকানঞ্চ ধম্মানং নিস্সযপচ্চযেন পচ্চযো।
Cakkhāyatanaṃ cakkhuviññāṇadhātuyā taṃsampayuttakānañca dhammānaṃ nissayapaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ nissayapaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ nissayapaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ nissayapaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ nissayapaccayena paccayo. Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā ca manoviññāṇadhātuyā ca taṃsampayuttakānañca dhammānaṃ nissayapaccayena paccayo.
৯. উপনিস্সযপচ্চযোতি – পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং উপনিস্সযপচ্চযেন পচ্চযো। পুরিমা পুরিমা কুসলা ধম্মা পচ্ছিমানং পচ্ছিমানং অকুসলানং ধম্মানং কেসঞ্চি উপনিস্সযপচ্চযেন পচ্চযো। পুরিমা পুরিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো।
9. Upanissayapaccayoti – purimā purimā kusalā dhammā pacchimānaṃ pacchimānaṃ kusalānaṃ dhammānaṃ upanissayapaccayena paccayo. Purimā purimā kusalā dhammā pacchimānaṃ pacchimānaṃ akusalānaṃ dhammānaṃ kesañci upanissayapaccayena paccayo. Purimā purimā kusalā dhammā pacchimānaṃ pacchimānaṃ abyākatānaṃ dhammānaṃ upanissayapaccayena paccayo.
পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং উপনিস্সযপচ্চযেন পচ্চযো। পুরিমা পুরিমা অকুসলা ধম্মা পচ্ছিমানং পচ্ছিমানং কুসলানং ধম্মানং কেসঞ্চি উপনিস্সযপচ্চযেন পচ্চযো। পুরিমা পুরিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো।
Purimā purimā akusalā dhammā pacchimānaṃ pacchimānaṃ akusalānaṃ dhammānaṃ upanissayapaccayena paccayo. Purimā purimā akusalā dhammā pacchimānaṃ pacchimānaṃ kusalānaṃ dhammānaṃ kesañci upanissayapaccayena paccayo. Purimā purimā akusalā dhammā pacchimānaṃ pacchimānaṃ abyākatānaṃ dhammānaṃ upanissayapaccayena paccayo.
পুরিমা পুরিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো । পুরিমা পুরিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং উপনিস্সযপচ্চযেন পচ্চযো। পুরিমা পুরিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং উপনিস্সযপচ্চযেন পচ্চযো।
Purimā purimā abyākatā dhammā pacchimānaṃ pacchimānaṃ abyākatānaṃ dhammānaṃ upanissayapaccayena paccayo . Purimā purimā abyākatā dhammā pacchimānaṃ pacchimānaṃ kusalānaṃ dhammānaṃ upanissayapaccayena paccayo. Purimā purimā abyākatā dhammā pacchimānaṃ pacchimānaṃ akusalānaṃ dhammānaṃ upanissayapaccayena paccayo.
উতুভোজনম্পি উপনিস্সযপচ্চযেন পচ্চযো। পুগ্গলোপি উপনিস্সযপচ্চযেন পচ্চযো। সেনাসনম্পি উপনিস্সযপচ্চযেন পচ্চযো।
Utubhojanampi upanissayapaccayena paccayo. Puggalopi upanissayapaccayena paccayo. Senāsanampi upanissayapaccayena paccayo.
১০. পুরেজাতপচ্চযোতি – চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো।
10. Purejātapaccayoti – cakkhāyatanaṃ cakkhuviññāṇadhātuyā taṃsampayuttakānañca dhammānaṃ purejātapaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ purejātapaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ purejātapaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ purejātapaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ purejātapaccayena paccayo.
রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো।
Rūpāyatanaṃ cakkhuviññāṇadhātuyā taṃsampayuttakānañca dhammānaṃ purejātapaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ purejātapaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ purejātapaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ purejātapaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ purejātapaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ purejātapaccayena paccayo.
যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো। মনোৰিঞ্ঞাণধাতুযা তংসম্পযুত্তকানঞ্চ ধম্মানং কিঞ্চি কালে পুরেজাতপচ্চযেন পচ্চযো, কিঞ্চি কালে ন পুরেজাতপচ্চযেন পচ্চযো।
Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā taṃsampayuttakānañca dhammānaṃ purejātapaccayena paccayo. Manoviññāṇadhātuyā taṃsampayuttakānañca dhammānaṃ kiñci kāle purejātapaccayena paccayo, kiñci kāle na purejātapaccayena paccayo.
১১. পচ্ছাজাতপচ্চযোতি – পচ্ছাজাতা চিত্তচেতসিকা ধম্মা পুরেজাতস্স ইমস্স কাযস্স পচ্ছাজাতপচ্চযেন পচ্চযো।
11. Pacchājātapaccayoti – pacchājātā cittacetasikā dhammā purejātassa imassa kāyassa pacchājātapaccayena paccayo.
১২. আসেৰনপচ্চযোতি – পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং আসেৰনপচ্চযেন পচ্চযো। পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং আসেৰনপচ্চযেন পচ্চযো। পুরিমা পুরিমা কিরিযাব্যাকতা ধম্মা পচ্ছিমানং পচ্ছিমানং কিরিযাব্যাকতানং ধম্মানং আসেৰনপচ্চযেন পচ্চযো।
12. Āsevanapaccayoti – purimā purimā kusalā dhammā pacchimānaṃ pacchimānaṃ kusalānaṃ dhammānaṃ āsevanapaccayena paccayo. Purimā purimā akusalā dhammā pacchimānaṃ pacchimānaṃ akusalānaṃ dhammānaṃ āsevanapaccayena paccayo. Purimā purimā kiriyābyākatā dhammā pacchimānaṃ pacchimānaṃ kiriyābyākatānaṃ dhammānaṃ āsevanapaccayena paccayo.
১৩. কম্মপচ্চযোতি – কুসলাকুসলং কম্মং ৰিপাকানং খন্ধানং কটত্তা চ রূপানং কম্মপচ্চযেন পচ্চযো। চেতনা সম্পযুত্তকানং ধম্মানং তংসমুট্ঠানানঞ্চ রূপানং কম্মপচ্চযেন পচ্চযো।
13. Kammapaccayoti – kusalākusalaṃ kammaṃ vipākānaṃ khandhānaṃ kaṭattā ca rūpānaṃ kammapaccayena paccayo. Cetanā sampayuttakānaṃ dhammānaṃ taṃsamuṭṭhānānañca rūpānaṃ kammapaccayena paccayo.
১৪. ৰিপাকপচ্চযোতি – ৰিপাকা চত্তারো খন্ধা অরূপিনো অঞ্ঞমঞ্ঞং ৰিপাকপচ্চযেন পচ্চযো।
14. Vipākapaccayoti – vipākā cattāro khandhā arūpino aññamaññaṃ vipākapaccayena paccayo.
১৫. আহারপচ্চযোতি – কবল়ীকারো 5 আহারো ইমস্স কাযস্স আহারপচ্চযেন পচ্চযো। অরূপিনো আহারা সম্পযুত্তকানং ধম্মানং তংসমুট্ঠানানঞ্চ রূপানং আহারপচ্চযেন পচ্চযো।
15. Āhārapaccayoti – kabaḷīkāro 6 āhāro imassa kāyassa āhārapaccayena paccayo. Arūpino āhārā sampayuttakānaṃ dhammānaṃ taṃsamuṭṭhānānañca rūpānaṃ āhārapaccayena paccayo.
১৬. ইন্দ্রিযপচ্চযোতি – চক্খুন্দ্রিযং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো। সোতিন্দ্রিযং সোতৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো। ঘানিন্দ্রিযং ঘানৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো। জিৰ্হিন্দ্রিযং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো। কাযিন্দ্রিযং কাযৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো। রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো।
16. Indriyapaccayoti – cakkhundriyaṃ cakkhuviññāṇadhātuyā taṃsampayuttakānañca dhammānaṃ indriyapaccayena paccayo. Sotindriyaṃ sotaviññāṇadhātuyā taṃsampayuttakānañca dhammānaṃ indriyapaccayena paccayo. Ghānindriyaṃ ghānaviññāṇadhātuyā taṃsampayuttakānañca dhammānaṃ indriyapaccayena paccayo. Jivhindriyaṃ jivhāviññāṇadhātuyā taṃsampayuttakānañca dhammānaṃ indriyapaccayena paccayo. Kāyindriyaṃ kāyaviññāṇadhātuyā taṃsampayuttakānañca dhammānaṃ indriyapaccayena paccayo. Rūpajīvitindriyaṃ kaṭattārūpānaṃ indriyapaccayena paccayo.
অরূপিনো ইন্দ্রিযা সম্পযুত্তকানং ধম্মানং তংসমুট্ঠানানঞ্চ রূপানং ইন্দ্রিযপচ্চযেন পচ্চযো।
Arūpino indriyā sampayuttakānaṃ dhammānaṃ taṃsamuṭṭhānānañca rūpānaṃ indriyapaccayena paccayo.
১৭. ঝানপচ্চযোতি – ঝানঙ্গানি ঝানসম্পযুত্তকানং ধম্মানং তংসমুট্ঠানানঞ্চ রূপানং ঝানপচ্চযেন পচ্চযো।
17. Jhānapaccayoti – jhānaṅgāni jhānasampayuttakānaṃ dhammānaṃ taṃsamuṭṭhānānañca rūpānaṃ jhānapaccayena paccayo.
১৮. মগ্গপচ্চযোতি – মগ্গঙ্গানি মগ্গসম্পযুত্তকানং ধম্মানং তংসমুট্ঠানানঞ্চ রূপানং মগ্গপচ্চযেন পচ্চযো।
18. Maggapaccayoti – maggaṅgāni maggasampayuttakānaṃ dhammānaṃ taṃsamuṭṭhānānañca rūpānaṃ maggapaccayena paccayo.
১৯. সম্পযুত্তপচ্চযোতি – চত্তারো খন্ধা অরূপিনো অঞ্ঞমঞ্ঞং সম্পযুত্তপচ্চযেন পচ্চযো।
19. Sampayuttapaccayoti – cattāro khandhā arūpino aññamaññaṃ sampayuttapaccayena paccayo.
২০. ৰিপ্পযুত্তপচ্চযোতি – রূপিনো ধম্মা অরূপীনং ধম্মানং ৰিপ্পযুত্তপচ্চযেন পচ্চযো। অরূপিনো ধম্মা রূপীনং ধম্মানং ৰিপ্পযুত্তপচ্চযেন পচ্চযো।
20. Vippayuttapaccayoti – rūpino dhammā arūpīnaṃ dhammānaṃ vippayuttapaccayena paccayo. Arūpino dhammā rūpīnaṃ dhammānaṃ vippayuttapaccayena paccayo.
২১. অত্থিপচ্চযোতি – চত্তারো খন্ধা অরূপিনো অঞ্ঞমঞ্ঞং অত্থিপচ্চযেন পচ্চযো। চত্তারো মহাভূতা অঞ্ঞমঞ্ঞং অত্থিপচ্চযেন পচ্চযো। ওক্কন্তিক্খণে নামরূপং অঞ্ঞমঞ্ঞং অত্থিপচ্চযেন পচ্চযো। চিত্তচেতসিকা ধম্মা চিত্তসমুট্ঠানানং রূপানং অত্থিপচ্চযেন পচ্চযো। মহাভূতা উপাদারূপানং অত্থিপচ্চযেন পচ্চযো।
21. Atthipaccayoti – cattāro khandhā arūpino aññamaññaṃ atthipaccayena paccayo. Cattāro mahābhūtā aññamaññaṃ atthipaccayena paccayo. Okkantikkhaṇe nāmarūpaṃ aññamaññaṃ atthipaccayena paccayo. Cittacetasikā dhammā cittasamuṭṭhānānaṃ rūpānaṃ atthipaccayena paccayo. Mahābhūtā upādārūpānaṃ atthipaccayena paccayo.
চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো।
Cakkhāyatanaṃ cakkhuviññāṇadhātuyā taṃsampayuttakānañca dhammānaṃ atthipaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ atthipaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ atthipaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ atthipaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ atthipaccayena paccayo.
রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো। রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো।
Rūpāyatanaṃ cakkhuviññāṇadhātuyā taṃsampayuttakānañca dhammānaṃ atthipaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ atthipaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ atthipaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ atthipaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ atthipaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ atthipaccayena paccayo.
যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা চ মনোৰিঞ্ঞাণধাতুযা চ তংসম্পযুত্তকানঞ্চ ধম্মানং অত্থিপচ্চযেন পচ্চযো।
Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā ca manoviññāṇadhātuyā ca taṃsampayuttakānañca dhammānaṃ atthipaccayena paccayo.
২২. নত্থিপচ্চযোতি – সমনন্তরনিরুদ্ধা চিত্তচেতসিকা ধম্মা পটুপ্পন্নানং চিত্তচেতসিকানং ধম্মানং নত্থিপচ্চযেন পচ্চযো।
22. Natthipaccayoti – samanantaraniruddhā cittacetasikā dhammā paṭuppannānaṃ cittacetasikānaṃ dhammānaṃ natthipaccayena paccayo.
২৩. ৰিগতপচ্চযোতি – সমনন্তরৰিগতা চিত্তচেতসিকা ধম্মা পটুপ্পন্নানং চিত্তচেতসিকানং ধম্মানং ৰিগতপচ্চযেন পচ্চযো।
23. Vigatapaccayoti – samanantaravigatā cittacetasikā dhammā paṭuppannānaṃ cittacetasikānaṃ dhammānaṃ vigatapaccayena paccayo.
২৪. অৰিগতপচ্চযোতি – চত্তারো খন্ধা অরূপিনো অঞ্ঞমঞ্ঞং অৰিগতপচ্চযেন পচ্চযো। চত্তারো মহাভূতা অঞ্ঞমঞ্ঞং অৰিগতপচ্চযেন পচ্চযো । ওক্কন্তিক্খণে নামরূপং অঞ্ঞমঞ্ঞং অৰিগতপচ্চযেন পচ্চযো। চিত্তচেতসিকা ধম্মা চিত্তসমুট্ঠানানং রূপানং অৰিগতপচ্চযেন পচ্চযো। মহাভূতা উপাদারূপানং অৰিগতপচ্চযেন পচ্চযো।
24. Avigatapaccayoti – cattāro khandhā arūpino aññamaññaṃ avigatapaccayena paccayo. Cattāro mahābhūtā aññamaññaṃ avigatapaccayena paccayo . Okkantikkhaṇe nāmarūpaṃ aññamaññaṃ avigatapaccayena paccayo. Cittacetasikā dhammā cittasamuṭṭhānānaṃ rūpānaṃ avigatapaccayena paccayo. Mahābhūtā upādārūpānaṃ avigatapaccayena paccayo.
চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো।
Cakkhāyatanaṃ cakkhuviññāṇadhātuyā taṃsampayuttakānañca dhammānaṃ avigatapaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ avigatapaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ avigatapaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ avigatapaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ avigatapaccayena paccayo.
রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো। রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো।
Rūpāyatanaṃ cakkhuviññāṇadhātuyā taṃsampayuttakānañca dhammānaṃ avigatapaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ avigatapaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ avigatapaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ avigatapaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ avigatapaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ avigatapaccayena paccayo.
যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা চ মনোৰিঞ্ঞাণধাতুযা চ তংসম্পযুত্তকানঞ্চ ধম্মানং অৰিগতপচ্চযেন পচ্চযো।
Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā ca manoviññāṇadhātuyā ca taṃsampayuttakānañca dhammānaṃ avigatapaccayena paccayo.
পচ্চযনিদ্দেসো।
Paccayaniddeso.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā
১. হেতুপচ্চযনিদ্দেসৰণ্ণনা • 1. Hetupaccayaniddesavaṇṇanā
২. আরম্মণপচ্চযনিদ্দেসৰণ্ণনা • 2. Ārammaṇapaccayaniddesavaṇṇanā
৩. অধিপতিপচ্চযনিদ্দেসৰণ্ণনা • 3. Adhipatipaccayaniddesavaṇṇanā
৪. অনন্তরপচ্চযনিদ্দেসৰণ্ণনা • 4. Anantarapaccayaniddesavaṇṇanā
৫. সমনন্তরপচ্চযনিদ্দেসৰণ্ণনা • 5. Samanantarapaccayaniddesavaṇṇanā
৬. সহজাতপচ্চযনিদ্দেসৰণ্ণনা • 6. Sahajātapaccayaniddesavaṇṇanā
৭. অঞ্ঞমঞ্ঞপচ্চযনিদ্দেসৰণ্ণনা • 7. Aññamaññapaccayaniddesavaṇṇanā
৮. নিস্সযপচ্চযনিদ্দেসৰণ্ণনা • 8. Nissayapaccayaniddesavaṇṇanā
৯. উপনিস্সযপচ্চযনিদ্দেসৰণ্ণনা • 9. Upanissayapaccayaniddesavaṇṇanā
১০. পুরেজাতপচ্চযনিদ্দেসৰণ্ণনা • 10. Purejātapaccayaniddesavaṇṇanā
১১. পচ্ছাজাতপচ্চযনিদ্দেসৰণ্ণনা • 11. Pacchājātapaccayaniddesavaṇṇanā
১২. আসেৰনপচ্চযনিদ্দেসৰণ্ণনা • 12. Āsevanapaccayaniddesavaṇṇanā
১৩. কম্মপচ্চযনিদ্দেসৰণ্ণনা • 13. Kammapaccayaniddesavaṇṇanā
১৪. ৰিপাকপচ্চযনিদ্দেসৰণ্ণনা • 14. Vipākapaccayaniddesavaṇṇanā
১৫. আহারপচ্চযনিদ্দেসৰণ্ণনা • 15. Āhārapaccayaniddesavaṇṇanā
১৬. ইন্দ্রিযপচ্চযনিদ্দেসৰণ্ণনা • 16. Indriyapaccayaniddesavaṇṇanā
১৭. ঝানপচ্চযনিদ্দেসৰণ্ণনা • 17. Jhānapaccayaniddesavaṇṇanā
১৮. মগ্গপচ্চযনিদ্দেসৰণ্ণনা • 18. Maggapaccayaniddesavaṇṇanā
১৯. সম্পযুত্তপচ্চযনিদ্দেসৰণ্ণনা • 19. Sampayuttapaccayaniddesavaṇṇanā
২০. ৰিপ্পযুত্তপচ্চযনিদ্দেসৰণ্ণনা • 20. Vippayuttapaccayaniddesavaṇṇanā
২১. অত্থিপচ্চযনিদ্দেসৰণ্ণনা • 21. Atthipaccayaniddesavaṇṇanā
২২. নত্থিপচ্চযনিদ্দেসৰণ্ণনা • 22. Natthipaccayaniddesavaṇṇanā
২৩. ৰিগতপচ্চযনিদ্দেসৰণ্ণনা • 23. Vigatapaccayaniddesavaṇṇanā
২৪. অৰিগতপচ্চযনিদ্দেসৰণ্ণনা • 24. Avigatapaccayaniddesavaṇṇanā
পচ্চযনিদ্দেসপকিণ্ণকৰিনিচ্ছযকথা • Paccayaniddesapakiṇṇakavinicchayakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā
১. হেতুপচ্চযনিদ্দেসৰণ্ণনা • 1. Hetupaccayaniddesavaṇṇanā
২. আরম্মণপচ্চযনিদ্দেসৰণ্ণনা • 2. Ārammaṇapaccayaniddesavaṇṇanā
৩. অধিপতিপচ্চযনিদ্দেসৰণ্ণনা • 3. Adhipatipaccayaniddesavaṇṇanā
৪. অনন্তরপচ্চযনিদ্দেসৰণ্ণনা • 4. Anantarapaccayaniddesavaṇṇanā
৬. সহজাতপচ্চযনিদ্দেসৰণ্ণনা • 6. Sahajātapaccayaniddesavaṇṇanā
৮. নিস্সযপচ্চযনিদ্দেসৰণ্ণনা • 8. Nissayapaccayaniddesavaṇṇanā
৯. উপনিস্সযপচ্চযনিদ্দেসৰণ্ণনা • 9. Upanissayapaccayaniddesavaṇṇanā
১০. পুরেজাতপচ্চযনিদ্দেসৰণ্ণনা • 10. Purejātapaccayaniddesavaṇṇanā
১১. পচ্ছাজাতপচ্চযনিদ্দেসৰণ্ণনা • 11. Pacchājātapaccayaniddesavaṇṇanā
১২. আসেৰনপচ্চযনিদ্দেসৰণ্ণনা • 12. Āsevanapaccayaniddesavaṇṇanā
১৩. কম্মপচ্চযনিদ্দেসৰণ্ণনা • 13. Kammapaccayaniddesavaṇṇanā
১৪. ৰিপাকপচ্চযনিদ্দেসৰণ্ণনা • 14. Vipākapaccayaniddesavaṇṇanā
১৫. আহারপচ্চযনিদ্দেসৰণ্ণনা • 15. Āhārapaccayaniddesavaṇṇanā
১৬. ইন্দ্রিযপচ্চযনিদ্দেসৰণ্ণনা • 16. Indriyapaccayaniddesavaṇṇanā
১৭. ঝানপচ্চযনিদ্দেসৰণ্ণনা • 17. Jhānapaccayaniddesavaṇṇanā
১৮. মগ্গপচ্চযনিদ্দেসৰণ্ণনা • 18. Maggapaccayaniddesavaṇṇanā
২০. ৰিপ্পযুত্তপচ্চযনিদ্দেসৰণ্ণনা • 20. Vippayuttapaccayaniddesavaṇṇanā
২১. অত্থিপচ্চযনিদ্দেসৰণ্ণনা • 21. Atthipaccayaniddesavaṇṇanā
২২-২৩-২৪. নত্থিৰিগতঅৰিগতপচ্চযনিদ্দেসৰণ্ণনা • 22-23-24. Natthivigataavigatapaccayaniddesavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā
১. হেতুপচ্চযনিদ্দেসৰণ্ণনা • 1. Hetupaccayaniddesavaṇṇanā
২. আরম্মণপচ্চযনিদ্দেসৰণ্ণনা • 2. Ārammaṇapaccayaniddesavaṇṇanā
৩. অধিপতিপচ্চযনিদ্দেসৰণ্ণনা • 3. Adhipatipaccayaniddesavaṇṇanā
৪. অনন্তরপচ্চযনিদ্দেসৰণ্ণনা • 4. Anantarapaccayaniddesavaṇṇanā
৬. সহজাতপচ্চযনিদ্দেসৰণ্ণনা • 6. Sahajātapaccayaniddesavaṇṇanā
৮. নিস্সযপচ্চযনিদ্দেসৰণ্ণনা • 8. Nissayapaccayaniddesavaṇṇanā
৯. উপনিস্সযপচ্চযনিদ্দেসৰণ্ণনা • 9. Upanissayapaccayaniddesavaṇṇanā
১০. পুরেজাতপচ্চযনিদ্দেসৰণ্ণনা • 10. Purejātapaccayaniddesavaṇṇanā
১১. পচ্ছাজাতপচ্চযনিদ্দেসৰণ্ণনা • 11. Pacchājātapaccayaniddesavaṇṇanā
১২. আসেৰনপচ্চযনিদ্দেসৰণ্ণনা • 12. Āsevanapaccayaniddesavaṇṇanā
১৩. কম্মপচ্চযনিদ্দেসৰণ্ণনা • 13. Kammapaccayaniddesavaṇṇanā
১৪. ৰিপাকপচ্চযনিদ্দেসৰণ্ণনা • 14. Vipākapaccayaniddesavaṇṇanā
১৫. আহারপচ্চযনিদ্দেসৰণ্ণনা • 15. Āhārapaccayaniddesavaṇṇanā
১৬. ইন্দ্রিযপচ্চযনিদ্দেসৰণ্ণনা • 16. Indriyapaccayaniddesavaṇṇanā
১৭. ঝানপচ্চযনিদ্দেসৰণ্ণনা • 17. Jhānapaccayaniddesavaṇṇanā
১৮. মগ্গপচ্চযনিদ্দেসৰণ্ণনা • 18. Maggapaccayaniddesavaṇṇanā
২০. ৰিপ্পযুত্তপচ্চযনিদ্দেসৰণ্ণনা • 20. Vippayuttapaccayaniddesavaṇṇanā
২১. অত্থিপচ্চযনিদ্দেসৰণ্ণনা • 21. Atthipaccayaniddesavaṇṇanā
২২-২৩-২৪. নত্থিৰিগতঅৰিগতপচ্চযনিদ্দেসৰণ্ণনা • 22-23-24. Natthivigataavigatapaccayaniddesavaṇṇanā
