| Library / Tipiṭaka / තිපිටක • Tipiṭaka / පට්‌ඨානපාළි • Paṭṭhānapāḷi |
(2) පච්‌චයනිද්‌දෙසො
(2) Paccayaniddeso
1. හෙතුපච්‌චයොති – හෙතූ හෙතුසම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං හෙතුපච්‌චයෙන පච්‌චයො 1.
1. Hetupaccayoti – hetū hetusampayuttakānaṃ dhammānaṃ taṃsamuṭṭhānānañca rūpānaṃ hetupaccayena paccayo 2.
2. ආරම්‌මණපච්‌චයොති – රූපායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ආරම්‌මණපච්‌චයෙන පච්‌චයො. සද්‌දායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ආරම්‌මණපච්‌චයෙන පච්‌චයො. ගන්‌ධායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ආරම්‌මණපච්‌චයෙන පච්‌චයො. රසායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ආරම්‌මණපච්‌චයෙන පච්‌චයො. ඵොට්‌ඨබ්‌බායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ආරම්‌මණපච්‌චයෙන පච්‌චයො. රූපායතනං සද්‌දායතනං ගන්‌ධායතනං රසායතනං ඵොට්‌ඨබ්‌බායතනං මනොධාතුයා තංසම්‌පයුත්‌තකානඤ්‌ච ධම්‌මානං ආරම්‌මණපච්‌චයෙන පච්‌චයො. සබ්‌බෙ ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ආරම්‌මණපච්‌චයෙන පච්‌චයො.
2. Ārammaṇapaccayoti – rūpāyatanaṃ cakkhuviññāṇadhātuyā taṃsampayuttakānañca dhammānaṃ ārammaṇapaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ ārammaṇapaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ ārammaṇapaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ ārammaṇapaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ ārammaṇapaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ ārammaṇapaccayena paccayo. Sabbe dhammā manoviññāṇadhātuyā taṃsampayuttakānañca dhammānaṃ ārammaṇapaccayena paccayo.
යං යං ධම්‌මං ආරබ්‌භ යෙ යෙ ධම්‌මා උප්‌පජ්‌ජන්‌ති චිත්‌තචෙතසිකා ධම්‌මා, තෙ තෙ ධම්‌මා තෙසං තෙසං ධම්‌මානං ආරම්‌මණපච්‌චයෙන පච්‌චයො.
Yaṃ yaṃ dhammaṃ ārabbha ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ ārammaṇapaccayena paccayo.
3. අධිපතිපච්‌චයොති – ඡන්‌දාධිපති ඡන්‌දසම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං අධිපතිපච්‌චයෙන පච්‌චයො. වීරියාධිපති වීරියසම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං අධිපතිපච්‌චයෙන පච්‌චයො. චිත්‌තාධිපති චිත්‌තසම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං අධිපතිපච්‌චයෙන පච්‌චයො. වීමංසාධිපති වීමංසසම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං අධිපතිපච්‌චයෙන පච්‌චයො.
3. Adhipatipaccayoti – chandādhipati chandasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo. Vīriyādhipati vīriyasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo. Cittādhipati cittasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo. Vīmaṃsādhipati vīmaṃsasampayuttakānaṃ dhammānaṃ taṃsamuṭṭhānānañca rūpānaṃ adhipatipaccayena paccayo.
යං යං ධම්‌මං ගරුං කත්‌වා යෙ යෙ ධම්‌මා උප්‌පජ්‌ජන්‌ති චිත්‌තචෙතසිකා ධම්‌මා, තෙ තෙ ධම්‌මා තෙසං තෙසං ධම්‌මානං අධිපතිපච්‌චයෙන පච්‌චයො.
Yaṃ yaṃ dhammaṃ garuṃ katvā ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ adhipatipaccayena paccayo.
4. අනන්‌තරපච්‌චයොති – චක්‌ඛුවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො.
4. Anantarapaccayoti – cakkhuviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
සොතවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො.
Sotaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
ඝානවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො.
Ghānaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
ජිව්‌හාවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො.
Jivhāviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
කායවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අනන්‌තරපච්‌චයෙන පච්‌චයො.
Kāyaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ anantarapaccayena paccayo.
පුරිමා පුරිමා කුසලා ධම්‌මා පච්‌ඡිමානං පච්‌ඡිමානං කුසලානං ධම්‌මානං අනන්‌තරපච්‌චයෙන පච්‌චයො. පුරිමා පුරිමා කුසලා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං අනන්‌තරපච්‌චයෙන පච්‌චයො.
Purimā purimā kusalā dhammā pacchimānaṃ pacchimānaṃ kusalānaṃ dhammānaṃ anantarapaccayena paccayo. Purimā purimā kusalā dhammā pacchimānaṃ pacchimānaṃ abyākatānaṃ dhammānaṃ anantarapaccayena paccayo.
පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං අකුසලානං ධම්‌මානං අනන්‌තරපච්‌චයෙන පච්‌චයො. පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං අනන්‌තරපච්‌චයෙන පච්‌චයො.
Purimā purimā akusalā dhammā pacchimānaṃ pacchimānaṃ akusalānaṃ dhammānaṃ anantarapaccayena paccayo. Purimā purimā akusalā dhammā pacchimānaṃ pacchimānaṃ abyākatānaṃ dhammānaṃ anantarapaccayena paccayo.
පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං අනන්‌තරපච්‌චයෙන පච්‌චයො. පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං කුසලානං ධම්‌මානං අනන්‌තරපච්‌චයෙන පච්‌චයො. පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං අකුසලානං ධම්‌මානං අනන්‌තරපච්‌චයෙන පච්‌චයො.
Purimā purimā abyākatā dhammā pacchimānaṃ pacchimānaṃ abyākatānaṃ dhammānaṃ anantarapaccayena paccayo. Purimā purimā abyākatā dhammā pacchimānaṃ pacchimānaṃ kusalānaṃ dhammānaṃ anantarapaccayena paccayo. Purimā purimā abyākatā dhammā pacchimānaṃ pacchimānaṃ akusalānaṃ dhammānaṃ anantarapaccayena paccayo.
යෙසං යෙසං ධම්‌මානං අනන්‌තරා යෙ යෙ ධම්‌මා උප්‌පජ්‌ජන්‌ති චිත්‌තචෙතසිකා ධම්‌මා, තෙ තෙ ධම්‌මා තෙසං තෙසං ධම්‌මානං අනන්‌තරපච්‌චයෙන පච්‌චයො.
Yesaṃ yesaṃ dhammānaṃ anantarā ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ anantarapaccayena paccayo.
5. සමනන්‌තරපච්‌චයොති – චක්‌ඛුවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො.
5. Samanantarapaccayoti – cakkhuviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
සොතවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො.
Sotaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
ඝාණවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො . මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො.
Ghāṇaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo . Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
ජිව්‌හාවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො.
Jivhāviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
කායවිඤ්‌ඤාණධාතු තංසම්‌පයුත්‌තකා ච ධම්‌මා මනොධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො. මනොධාතු තංසම්‌පයුත්‌තකා ච ධම්‌මා මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං සමනන්‌තරපච්‌චයෙන පච්‌චයො.
Kāyaviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ samanantarapaccayena paccayo. Manodhātu taṃsampayuttakā ca dhammā manoviññāṇadhātuyā taṃsampayuttakānañca dhammānaṃ samanantarapaccayena paccayo.
පුරිමා පුරිමා කුසලා ධම්‌මා පච්‌ඡිමානං පච්‌ඡිමානං කුසලානං ධම්‌මානං සමනන්‌තරපච්‌චයෙන පච්‌චයො. පුරිමා පුරිමා කුසලා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං සමනන්‌තරපච්‌චයෙන පච්‌චයො.
Purimā purimā kusalā dhammā pacchimānaṃ pacchimānaṃ kusalānaṃ dhammānaṃ samanantarapaccayena paccayo. Purimā purimā kusalā dhammā pacchimānaṃ pacchimānaṃ abyākatānaṃ dhammānaṃ samanantarapaccayena paccayo.
පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං අකුසලානං ධම්‌මානං සමනන්‌තරපච්‌චයෙන පච්‌චයො. පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං සමනන්‌තරපච්‌චයෙන පච්‌චයො.
Purimā purimā akusalā dhammā pacchimānaṃ pacchimānaṃ akusalānaṃ dhammānaṃ samanantarapaccayena paccayo. Purimā purimā akusalā dhammā pacchimānaṃ pacchimānaṃ abyākatānaṃ dhammānaṃ samanantarapaccayena paccayo.
පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං සමනන්‌තරපච්‌චයෙන පච්‌චයො. පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං කුසලානං ධම්‌මානං සමනන්‌තරපච්‌චයෙන පච්‌චයො. පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං අකුසලානං ධම්‌මානං සමනන්‌තරපච්‌චයෙන පච්‌චයො.
Purimā purimā abyākatā dhammā pacchimānaṃ pacchimānaṃ abyākatānaṃ dhammānaṃ samanantarapaccayena paccayo. Purimā purimā abyākatā dhammā pacchimānaṃ pacchimānaṃ kusalānaṃ dhammānaṃ samanantarapaccayena paccayo. Purimā purimā abyākatā dhammā pacchimānaṃ pacchimānaṃ akusalānaṃ dhammānaṃ samanantarapaccayena paccayo.
යෙසං යෙසං ධම්‌මානං සමනන්‌තරා යෙ යෙ ධම්‌මා උප්‌පජ්‌ජන්‌ති චිත්‌තචෙතසිකා ධම්‌මා, තෙ තෙ ධම්‌මා තෙසං තෙසං ධම්‌මානං සමනන්‌තරපච්‌චයෙන පච්‌චයො.
Yesaṃ yesaṃ dhammānaṃ samanantarā ye ye dhammā uppajjanti cittacetasikā dhammā, te te dhammā tesaṃ tesaṃ dhammānaṃ samanantarapaccayena paccayo.
6. සහජාතපච්‌චයොති – චත්‌තාරො ඛන්‌ධා අරූපිනො අඤ්‌ඤමඤ්‌ඤං සහජාතපච්‌චයෙන පච්‌චයො. චත්‌තාරො මහාභූතා අඤ්‌ඤමඤ්‌ඤං සහජාතපච්‌චයෙන පච්‌චයො. ඔක්‌කන්‌තික්‌ඛණෙ නාමරූපං අඤ්‌ඤමඤ්‌ඤං සහජාතපච්‌චයෙන පච්‌චයො. චිත්‌තචෙතසිකා ධම්‌මා චිත්‌තසමුට්‌ඨානානං රූපානං සහජාතපච්‌චයෙන පච්‌චයො. මහාභූතා උපාදාරූපානං සහජාතපච්‌චයෙන පච්‌චයො. රූපිනො ධම්‌මා අරූපීනං ධම්‌මානං කිඤ්‌චි කාලෙ 3 සහජාතපච්‌චයෙන පච්‌චයො, කිඤ්‌චි කාලෙ න සහජාතපච්‌චයෙන පච්‌චයො.
6. Sahajātapaccayoti – cattāro khandhā arūpino aññamaññaṃ sahajātapaccayena paccayo. Cattāro mahābhūtā aññamaññaṃ sahajātapaccayena paccayo. Okkantikkhaṇe nāmarūpaṃ aññamaññaṃ sahajātapaccayena paccayo. Cittacetasikā dhammā cittasamuṭṭhānānaṃ rūpānaṃ sahajātapaccayena paccayo. Mahābhūtā upādārūpānaṃ sahajātapaccayena paccayo. Rūpino dhammā arūpīnaṃ dhammānaṃ kiñci kāle 4 sahajātapaccayena paccayo, kiñci kāle na sahajātapaccayena paccayo.
7. අඤ්‌ඤමඤ්‌ඤපච්‌චයොති – චත්‌තාරො ඛන්‌ධා අරූපිනො අඤ්‌ඤමඤ්‌ඤපච්‌චයෙන පච්‌චයො. චත්‌තාරො මහාභූතා අඤ්‌ඤමඤ්‌ඤපච්‌චයෙන පච්‌චයො. ඔක්‌කන්‌තික්‌ඛණෙ නාමරූපං අඤ්‌ඤමඤ්‌ඤපච්‌චයෙන පච්‌චයො.
7. Aññamaññapaccayoti – cattāro khandhā arūpino aññamaññapaccayena paccayo. Cattāro mahābhūtā aññamaññapaccayena paccayo. Okkantikkhaṇe nāmarūpaṃ aññamaññapaccayena paccayo.
8. නිස්‌සයපච්‌චයොති – චත්‌තාරො ඛන්‌ධා අරූපිනො අඤ්‌ඤමඤ්‌ඤං නිස්‌සයපච්‌චයෙන පච්‌චයො. චත්‌තාරො මහාභූතා අඤ්‌ඤමඤ්‌ඤං නිස්‌සයපච්‌චයෙන පච්‌චයො. ඔක්‌කන්‌තික්‌ඛණෙ නාමරූපං අඤ්‌ඤමඤ්‌ඤං නිස්‌සයපච්‌චයෙන පච්‌චයො. චිත්‌තචෙතසිකා ධම්‌මා චිත්‌තසමුට්‌ඨානානං රූපානං නිස්‌සයපච්‌චයෙන පච්‌චයො. මහාභූතා උපාදාරූපානං නිස්‌සයපච්‌චයෙන පච්‌චයො.
8. Nissayapaccayoti – cattāro khandhā arūpino aññamaññaṃ nissayapaccayena paccayo. Cattāro mahābhūtā aññamaññaṃ nissayapaccayena paccayo. Okkantikkhaṇe nāmarūpaṃ aññamaññaṃ nissayapaccayena paccayo. Cittacetasikā dhammā cittasamuṭṭhānānaṃ rūpānaṃ nissayapaccayena paccayo. Mahābhūtā upādārūpānaṃ nissayapaccayena paccayo.
චක්‌ඛායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං නිස්‌සයපච්‌චයෙන පච්‌චයො. සොතායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං නිස්‌සයපච්‌චයෙන පච්‌චයො. ඝානායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං නිස්‌සයපච්‌චයෙන පච්‌චයො. ජිව්‌හායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං නිස්‌සයපච්‌චයෙන පච්‌චයො. කායායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං නිස්‌සයපච්‌චයෙන පච්‌චයො. යං රූපං නිස්‌සාය මනොධාතු ච මනොවිඤ්‌ඤාණධාතු ච වත්‌තන්‌ති, තං රූපං මනොධාතුයා ච මනොවිඤ්‌ඤාණධාතුයා ච තංසම්‌පයුත්‌තකානඤ්‌ච ධම්‌මානං නිස්‌සයපච්‌චයෙන පච්‌චයො.
Cakkhāyatanaṃ cakkhuviññāṇadhātuyā taṃsampayuttakānañca dhammānaṃ nissayapaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ nissayapaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ nissayapaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ nissayapaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ nissayapaccayena paccayo. Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā ca manoviññāṇadhātuyā ca taṃsampayuttakānañca dhammānaṃ nissayapaccayena paccayo.
9. උපනිස්‌සයපච්‌චයොති – පුරිමා පුරිමා කුසලා ධම්‌මා පච්‌ඡිමානං පච්‌ඡිමානං කුසලානං ධම්‌මානං උපනිස්‌සයපච්‌චයෙන පච්‌චයො. පුරිමා පුරිමා කුසලා ධම්‌මා පච්‌ඡිමානං පච්‌ඡිමානං අකුසලානං ධම්‌මානං කෙසඤ්‌චි උපනිස්‌සයපච්‌චයෙන පච්‌චයො. පුරිමා පුරිමා කුසලා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං උපනිස්‌සයපච්‌චයෙන පච්‌චයො.
9. Upanissayapaccayoti – purimā purimā kusalā dhammā pacchimānaṃ pacchimānaṃ kusalānaṃ dhammānaṃ upanissayapaccayena paccayo. Purimā purimā kusalā dhammā pacchimānaṃ pacchimānaṃ akusalānaṃ dhammānaṃ kesañci upanissayapaccayena paccayo. Purimā purimā kusalā dhammā pacchimānaṃ pacchimānaṃ abyākatānaṃ dhammānaṃ upanissayapaccayena paccayo.
පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං අකුසලානං ධම්‌මානං උපනිස්‌සයපච්‌චයෙන පච්‌චයො. පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං කුසලානං ධම්‌මානං කෙසඤ්‌චි උපනිස්‌සයපච්‌චයෙන පච්‌චයො. පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං උපනිස්‌සයපච්‌චයෙන පච්‌චයො.
Purimā purimā akusalā dhammā pacchimānaṃ pacchimānaṃ akusalānaṃ dhammānaṃ upanissayapaccayena paccayo. Purimā purimā akusalā dhammā pacchimānaṃ pacchimānaṃ kusalānaṃ dhammānaṃ kesañci upanissayapaccayena paccayo. Purimā purimā akusalā dhammā pacchimānaṃ pacchimānaṃ abyākatānaṃ dhammānaṃ upanissayapaccayena paccayo.
පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං අබ්‍යාකතානං ධම්‌මානං උපනිස්‌සයපච්‌චයෙන පච්‌චයො . පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං කුසලානං ධම්‌මානං උපනිස්‌සයපච්‌චයෙන පච්‌චයො. පුරිමා පුරිමා අබ්‍යාකතා ධම්‌මා පච්‌ඡිමානං පච්‌ඡිමානං අකුසලානං ධම්‌මානං උපනිස්‌සයපච්‌චයෙන පච්‌චයො.
Purimā purimā abyākatā dhammā pacchimānaṃ pacchimānaṃ abyākatānaṃ dhammānaṃ upanissayapaccayena paccayo . Purimā purimā abyākatā dhammā pacchimānaṃ pacchimānaṃ kusalānaṃ dhammānaṃ upanissayapaccayena paccayo. Purimā purimā abyākatā dhammā pacchimānaṃ pacchimānaṃ akusalānaṃ dhammānaṃ upanissayapaccayena paccayo.
උතුභොජනම්‌පි උපනිස්‌සයපච්‌චයෙන පච්‌චයො. පුග්‌ගලොපි උපනිස්‌සයපච්‌චයෙන පච්‌චයො. සෙනාසනම්‌පි උපනිස්‌සයපච්‌චයෙන පච්‌චයො.
Utubhojanampi upanissayapaccayena paccayo. Puggalopi upanissayapaccayena paccayo. Senāsanampi upanissayapaccayena paccayo.
10. පුරෙජාතපච්‌චයොති – චක්‌ඛායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. සොතායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. ඝානායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. ජිව්‌හායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. කායායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො.
10. Purejātapaccayoti – cakkhāyatanaṃ cakkhuviññāṇadhātuyā taṃsampayuttakānañca dhammānaṃ purejātapaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ purejātapaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ purejātapaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ purejātapaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ purejātapaccayena paccayo.
රූපායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. සද්‌දායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. ගන්‌ධායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. රසායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. ඵොට්‌ඨබ්‌බායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. රූපායතනං සද්‌දායතනං ගන්‌ධායතනං රසායතනං ඵොට්‌ඨබ්‌බායතනං මනොධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො.
Rūpāyatanaṃ cakkhuviññāṇadhātuyā taṃsampayuttakānañca dhammānaṃ purejātapaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ purejātapaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ purejātapaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ purejātapaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ purejātapaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ purejātapaccayena paccayo.
යං රූපං නිස්‌සාය මනොධාතු ච මනොවිඤ්‌ඤාණධාතු ච වත්‌තන්‌ති, තං රූපං මනොධාතුයා තංසම්‌පයුත්‌තකානඤ්‌ච ධම්‌මානං පුරෙජාතපච්‌චයෙන පච්‌චයො. මනොවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං කිඤ්‌චි කාලෙ පුරෙජාතපච්‌චයෙන පච්‌චයො, කිඤ්‌චි කාලෙ න පුරෙජාතපච්‌චයෙන පච්‌චයො.
Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā taṃsampayuttakānañca dhammānaṃ purejātapaccayena paccayo. Manoviññāṇadhātuyā taṃsampayuttakānañca dhammānaṃ kiñci kāle purejātapaccayena paccayo, kiñci kāle na purejātapaccayena paccayo.
11. පච්‌ඡාජාතපච්‌චයොති – පච්‌ඡාජාතා චිත්‌තචෙතසිකා ධම්‌මා පුරෙජාතස්‌ස ඉමස්‌ස කායස්‌ස පච්‌ඡාජාතපච්‌චයෙන පච්‌චයො.
11. Pacchājātapaccayoti – pacchājātā cittacetasikā dhammā purejātassa imassa kāyassa pacchājātapaccayena paccayo.
12. ආසෙවනපච්‌චයොති – පුරිමා පුරිමා කුසලා ධම්‌මා පච්‌ඡිමානං පච්‌ඡිමානං කුසලානං ධම්‌මානං ආසෙවනපච්‌චයෙන පච්‌චයො. පුරිමා පුරිමා අකුසලා ධම්‌මා පච්‌ඡිමානං පච්‌ඡිමානං අකුසලානං ධම්‌මානං ආසෙවනපච්‌චයෙන පච්‌චයො. පුරිමා පුරිමා කිරියාබ්‍යාකතා ධම්‌මා පච්‌ඡිමානං පච්‌ඡිමානං කිරියාබ්‍යාකතානං ධම්‌මානං ආසෙවනපච්‌චයෙන පච්‌චයො.
12. Āsevanapaccayoti – purimā purimā kusalā dhammā pacchimānaṃ pacchimānaṃ kusalānaṃ dhammānaṃ āsevanapaccayena paccayo. Purimā purimā akusalā dhammā pacchimānaṃ pacchimānaṃ akusalānaṃ dhammānaṃ āsevanapaccayena paccayo. Purimā purimā kiriyābyākatā dhammā pacchimānaṃ pacchimānaṃ kiriyābyākatānaṃ dhammānaṃ āsevanapaccayena paccayo.
13. කම්‌මපච්‌චයොති – කුසලාකුසලං කම්‌මං විපාකානං ඛන්‌ධානං කටත්‌තා ච රූපානං කම්‌මපච්‌චයෙන පච්‌චයො. චෙතනා සම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං කම්‌මපච්‌චයෙන පච්‌චයො.
13. Kammapaccayoti – kusalākusalaṃ kammaṃ vipākānaṃ khandhānaṃ kaṭattā ca rūpānaṃ kammapaccayena paccayo. Cetanā sampayuttakānaṃ dhammānaṃ taṃsamuṭṭhānānañca rūpānaṃ kammapaccayena paccayo.
14. විපාකපච්‌චයොති – විපාකා චත්‌තාරො ඛන්‌ධා අරූපිනො අඤ්‌ඤමඤ්‌ඤං විපාකපච්‌චයෙන පච්‌චයො.
14. Vipākapaccayoti – vipākā cattāro khandhā arūpino aññamaññaṃ vipākapaccayena paccayo.
15. ආහාරපච්‌චයොති – කබළීකාරො 5 ආහාරො ඉමස්‌ස කායස්‌ස ආහාරපච්‌චයෙන පච්‌චයො. අරූපිනො ආහාරා සම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං ආහාරපච්‌චයෙන පච්‌චයො.
15. Āhārapaccayoti – kabaḷīkāro 6 āhāro imassa kāyassa āhārapaccayena paccayo. Arūpino āhārā sampayuttakānaṃ dhammānaṃ taṃsamuṭṭhānānañca rūpānaṃ āhārapaccayena paccayo.
16. ඉන්‌ද්‍රියපච්‌චයොති – චක්‌ඛුන්‌ද්‍රියං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ඉන්‌ද්‍රියපච්‌චයෙන පච්‌චයො. සොතින්‌ද්‍රියං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ඉන්‌ද්‍රියපච්‌චයෙන පච්‌චයො. ඝානින්‌ද්‍රියං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ඉන්‌ද්‍රියපච්‌චයෙන පච්‌චයො. ජිව්‌හින්‌ද්‍රියං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ඉන්‌ද්‍රියපච්‌චයෙන පච්‌චයො. කායින්‌ද්‍රියං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං ඉන්‌ද්‍රියපච්‌චයෙන පච්‌චයො. රූපජීවිතින්‌ද්‍රියං කටත්‌තාරූපානං ඉන්‌ද්‍රියපච්‌චයෙන පච්‌චයො.
16. Indriyapaccayoti – cakkhundriyaṃ cakkhuviññāṇadhātuyā taṃsampayuttakānañca dhammānaṃ indriyapaccayena paccayo. Sotindriyaṃ sotaviññāṇadhātuyā taṃsampayuttakānañca dhammānaṃ indriyapaccayena paccayo. Ghānindriyaṃ ghānaviññāṇadhātuyā taṃsampayuttakānañca dhammānaṃ indriyapaccayena paccayo. Jivhindriyaṃ jivhāviññāṇadhātuyā taṃsampayuttakānañca dhammānaṃ indriyapaccayena paccayo. Kāyindriyaṃ kāyaviññāṇadhātuyā taṃsampayuttakānañca dhammānaṃ indriyapaccayena paccayo. Rūpajīvitindriyaṃ kaṭattārūpānaṃ indriyapaccayena paccayo.
අරූපිනො ඉන්‌ද්‍රියා සම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං ඉන්‌ද්‍රියපච්‌චයෙන පච්‌චයො.
Arūpino indriyā sampayuttakānaṃ dhammānaṃ taṃsamuṭṭhānānañca rūpānaṃ indriyapaccayena paccayo.
17. ඣානපච්‌චයොති – ඣානඞ්‌ගානි ඣානසම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං ඣානපච්‌චයෙන පච්‌චයො.
17. Jhānapaccayoti – jhānaṅgāni jhānasampayuttakānaṃ dhammānaṃ taṃsamuṭṭhānānañca rūpānaṃ jhānapaccayena paccayo.
18. මග්‌ගපච්‌චයොති – මග්‌ගඞ්‌ගානි මග්‌ගසම්‌පයුත්‌තකානං ධම්‌මානං තංසමුට්‌ඨානානඤ්‌ච රූපානං මග්‌ගපච්‌චයෙන පච්‌චයො.
18. Maggapaccayoti – maggaṅgāni maggasampayuttakānaṃ dhammānaṃ taṃsamuṭṭhānānañca rūpānaṃ maggapaccayena paccayo.
19. සම්‌පයුත්‌තපච්‌චයොති – චත්‌තාරො ඛන්‌ධා අරූපිනො අඤ්‌ඤමඤ්‌ඤං සම්‌පයුත්‌තපච්‌චයෙන පච්‌චයො.
19. Sampayuttapaccayoti – cattāro khandhā arūpino aññamaññaṃ sampayuttapaccayena paccayo.
20. විප්‌පයුත්‌තපච්‌චයොති – රූපිනො ධම්‌මා අරූපීනං ධම්‌මානං විප්‌පයුත්‌තපච්‌චයෙන පච්‌චයො. අරූපිනො ධම්‌මා රූපීනං ධම්‌මානං විප්‌පයුත්‌තපච්‌චයෙන පච්‌චයො.
20. Vippayuttapaccayoti – rūpino dhammā arūpīnaṃ dhammānaṃ vippayuttapaccayena paccayo. Arūpino dhammā rūpīnaṃ dhammānaṃ vippayuttapaccayena paccayo.
21. අත්‌ථිපච්‌චයොති – චත්‌තාරො ඛන්‌ධා අරූපිනො අඤ්‌ඤමඤ්‌ඤං අත්‌ථිපච්‌චයෙන පච්‌චයො. චත්‌තාරො මහාභූතා අඤ්‌ඤමඤ්‌ඤං අත්‌ථිපච්‌චයෙන පච්‌චයො. ඔක්‌කන්‌තික්‌ඛණෙ නාමරූපං අඤ්‌ඤමඤ්‌ඤං අත්‌ථිපච්‌චයෙන පච්‌චයො. චිත්‌තචෙතසිකා ධම්‌මා චිත්‌තසමුට්‌ඨානානං රූපානං අත්‌ථිපච්‌චයෙන පච්‌චයො. මහාභූතා උපාදාරූපානං අත්‌ථිපච්‌චයෙන පච්‌චයො.
21. Atthipaccayoti – cattāro khandhā arūpino aññamaññaṃ atthipaccayena paccayo. Cattāro mahābhūtā aññamaññaṃ atthipaccayena paccayo. Okkantikkhaṇe nāmarūpaṃ aññamaññaṃ atthipaccayena paccayo. Cittacetasikā dhammā cittasamuṭṭhānānaṃ rūpānaṃ atthipaccayena paccayo. Mahābhūtā upādārūpānaṃ atthipaccayena paccayo.
චක්‌ඛායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. සොතායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. ඝානායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. ජිව්‌හායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. කායායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො.
Cakkhāyatanaṃ cakkhuviññāṇadhātuyā taṃsampayuttakānañca dhammānaṃ atthipaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ atthipaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ atthipaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ atthipaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ atthipaccayena paccayo.
රූපායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. සද්‌දායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. ගන්‌ධායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. රසායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. ඵොට්‌ඨබ්‌බායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො. රූපායතනං සද්‌දායතනං ගන්‌ධායතනං රසායතනං ඵොට්‌ඨබ්‌බායතනං මනොධාතුයා තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො.
Rūpāyatanaṃ cakkhuviññāṇadhātuyā taṃsampayuttakānañca dhammānaṃ atthipaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ atthipaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ atthipaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ atthipaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ atthipaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ atthipaccayena paccayo.
යං රූපං නිස්‌සාය මනොධාතු ච මනොවිඤ්‌ඤාණධාතු ච වත්‌තන්‌ති, තං රූපං මනොධාතුයා ච මනොවිඤ්‌ඤාණධාතුයා ච තංසම්‌පයුත්‌තකානඤ්‌ච ධම්‌මානං අත්‌ථිපච්‌චයෙන පච්‌චයො.
Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā ca manoviññāṇadhātuyā ca taṃsampayuttakānañca dhammānaṃ atthipaccayena paccayo.
22. නත්‌ථිපච්‌චයොති – සමනන්‌තරනිරුද්‌ධා චිත්‌තචෙතසිකා ධම්‌මා පටුප්‌පන්‌නානං චිත්‌තචෙතසිකානං ධම්‌මානං නත්‌ථිපච්‌චයෙන පච්‌චයො.
22. Natthipaccayoti – samanantaraniruddhā cittacetasikā dhammā paṭuppannānaṃ cittacetasikānaṃ dhammānaṃ natthipaccayena paccayo.
23. විගතපච්‌චයොති – සමනන්‌තරවිගතා චිත්‌තචෙතසිකා ධම්‌මා පටුප්‌පන්‌නානං චිත්‌තචෙතසිකානං ධම්‌මානං විගතපච්‌චයෙන පච්‌චයො.
23. Vigatapaccayoti – samanantaravigatā cittacetasikā dhammā paṭuppannānaṃ cittacetasikānaṃ dhammānaṃ vigatapaccayena paccayo.
24. අවිගතපච්‌චයොති – චත්‌තාරො ඛන්‌ධා අරූපිනො අඤ්‌ඤමඤ්‌ඤං අවිගතපච්‌චයෙන පච්‌චයො. චත්‌තාරො මහාභූතා අඤ්‌ඤමඤ්‌ඤං අවිගතපච්‌චයෙන පච්‌චයො . ඔක්‌කන්‌තික්‌ඛණෙ නාමරූපං අඤ්‌ඤමඤ්‌ඤං අවිගතපච්‌චයෙන පච්‌චයො. චිත්‌තචෙතසිකා ධම්‌මා චිත්‌තසමුට්‌ඨානානං රූපානං අවිගතපච්‌චයෙන පච්‌චයො. මහාභූතා උපාදාරූපානං අවිගතපච්‌චයෙන පච්‌චයො.
24. Avigatapaccayoti – cattāro khandhā arūpino aññamaññaṃ avigatapaccayena paccayo. Cattāro mahābhūtā aññamaññaṃ avigatapaccayena paccayo . Okkantikkhaṇe nāmarūpaṃ aññamaññaṃ avigatapaccayena paccayo. Cittacetasikā dhammā cittasamuṭṭhānānaṃ rūpānaṃ avigatapaccayena paccayo. Mahābhūtā upādārūpānaṃ avigatapaccayena paccayo.
චක්‌ඛායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. සොතායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. ඝානායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. ජිව්‌හායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. කායායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො.
Cakkhāyatanaṃ cakkhuviññāṇadhātuyā taṃsampayuttakānañca dhammānaṃ avigatapaccayena paccayo. Sotāyatanaṃ sotaviññāṇadhātuyā taṃsampayuttakānañca dhammānaṃ avigatapaccayena paccayo. Ghānāyatanaṃ ghānaviññāṇadhātuyā taṃsampayuttakānañca dhammānaṃ avigatapaccayena paccayo. Jivhāyatanaṃ jivhāviññāṇadhātuyā taṃsampayuttakānañca dhammānaṃ avigatapaccayena paccayo. Kāyāyatanaṃ kāyaviññāṇadhātuyā taṃsampayuttakānañca dhammānaṃ avigatapaccayena paccayo.
රූපායතනං චක්‌ඛුවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. සද්‌දායතනං සොතවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. ගන්‌ධායතනං ඝානවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. රසායතනං ජිව්‌හාවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. ඵොට්‌ඨබ්‌බායතනං කායවිඤ්‌ඤාණධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො. රූපායතනං සද්‌දායතනං ගන්‌ධායතනං රසායතනං ඵොට්‌ඨබ්‌බායතනං මනොධාතුයා තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො.
Rūpāyatanaṃ cakkhuviññāṇadhātuyā taṃsampayuttakānañca dhammānaṃ avigatapaccayena paccayo. Saddāyatanaṃ sotaviññāṇadhātuyā taṃsampayuttakānañca dhammānaṃ avigatapaccayena paccayo. Gandhāyatanaṃ ghānaviññāṇadhātuyā taṃsampayuttakānañca dhammānaṃ avigatapaccayena paccayo. Rasāyatanaṃ jivhāviññāṇadhātuyā taṃsampayuttakānañca dhammānaṃ avigatapaccayena paccayo. Phoṭṭhabbāyatanaṃ kāyaviññāṇadhātuyā taṃsampayuttakānañca dhammānaṃ avigatapaccayena paccayo. Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuyā taṃsampayuttakānañca dhammānaṃ avigatapaccayena paccayo.
යං රූපං නිස්‌සාය මනොධාතු ච මනොවිඤ්‌ඤාණධාතු ච වත්‌තන්‌ති, තං රූපං මනොධාතුයා ච මනොවිඤ්‌ඤාණධාතුයා ච තංසම්‌පයුත්‌තකානඤ්‌ච ධම්‌මානං අවිගතපච්‌චයෙන පච්‌චයො.
Yaṃ rūpaṃ nissāya manodhātu ca manoviññāṇadhātu ca vattanti, taṃ rūpaṃ manodhātuyā ca manoviññāṇadhātuyā ca taṃsampayuttakānañca dhammānaṃ avigatapaccayena paccayo.
පච්‌චයනිද්‌දෙසො.
Paccayaniddeso.
Footnotes:
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā
1. හෙතුපච්‌චයනිද්‌දෙසවණ්‌ණනා • 1. Hetupaccayaniddesavaṇṇanā
2. ආරම්‌මණපච්‌චයනිද්‌දෙසවණ්‌ණනා • 2. Ārammaṇapaccayaniddesavaṇṇanā
3. අධිපතිපච්‌චයනිද්‌දෙසවණ්‌ණනා • 3. Adhipatipaccayaniddesavaṇṇanā
4. අනන්‌තරපච්‌චයනිද්‌දෙසවණ්‌ණනා • 4. Anantarapaccayaniddesavaṇṇanā
5. සමනන්‌තරපච්‌චයනිද්‌දෙසවණ්‌ණනා • 5. Samanantarapaccayaniddesavaṇṇanā
6. සහජාතපච්‌චයනිද්‌දෙසවණ්‌ණනා • 6. Sahajātapaccayaniddesavaṇṇanā
7. අඤ්‌ඤමඤ්‌ඤපච්‌චයනිද්‌දෙසවණ්‌ණනා • 7. Aññamaññapaccayaniddesavaṇṇanā
8. නිස්‌සයපච්‌චයනිද්‌දෙසවණ්‌ණනා • 8. Nissayapaccayaniddesavaṇṇanā
9. උපනිස්‌සයපච්‌චයනිද්‌දෙසවණ්‌ණනා • 9. Upanissayapaccayaniddesavaṇṇanā
10. පුරෙජාතපච්‌චයනිද්‌දෙසවණ්‌ණනා • 10. Purejātapaccayaniddesavaṇṇanā
11. පච්‌ඡාජාතපච්‌චයනිද්‌දෙසවණ්‌ණනා • 11. Pacchājātapaccayaniddesavaṇṇanā
12. ආසෙවනපච්‌චයනිද්‌දෙසවණ්‌ණනා • 12. Āsevanapaccayaniddesavaṇṇanā
13. කම්‌මපච්‌චයනිද්‌දෙසවණ්‌ණනා • 13. Kammapaccayaniddesavaṇṇanā
14. විපාකපච්‌චයනිද්‌දෙසවණ්‌ණනා • 14. Vipākapaccayaniddesavaṇṇanā
15. ආහාරපච්‌චයනිද්‌දෙසවණ්‌ණනා • 15. Āhārapaccayaniddesavaṇṇanā
16. ඉන්‌ද්‍රියපච්‌චයනිද්‌දෙසවණ්‌ණනා • 16. Indriyapaccayaniddesavaṇṇanā
17. ඣානපච්‌චයනිද්‌දෙසවණ්‌ණනා • 17. Jhānapaccayaniddesavaṇṇanā
18. මග්‌ගපච්‌චයනිද්‌දෙසවණ්‌ණනා • 18. Maggapaccayaniddesavaṇṇanā
19. සම්‌පයුත්‌තපච්‌චයනිද්‌දෙසවණ්‌ණනා • 19. Sampayuttapaccayaniddesavaṇṇanā
20. විප්‌පයුත්‌තපච්‌චයනිද්‌දෙසවණ්‌ණනා • 20. Vippayuttapaccayaniddesavaṇṇanā
21. අත්‌ථිපච්‌චයනිද්‌දෙසවණ්‌ණනා • 21. Atthipaccayaniddesavaṇṇanā
22. නත්‌ථිපච්‌චයනිද්‌දෙසවණ්‌ණනා • 22. Natthipaccayaniddesavaṇṇanā
23. විගතපච්‌චයනිද්‌දෙසවණ්‌ණනා • 23. Vigatapaccayaniddesavaṇṇanā
24. අවිගතපච්‌චයනිද්‌දෙසවණ්‌ණනා • 24. Avigatapaccayaniddesavaṇṇanā
පච්‌චයනිද්‌දෙසපකිණ්‌ණකවිනිච්‌ඡයකථා • Paccayaniddesapakiṇṇakavinicchayakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā
1. හෙතුපච්‌චයනිද්‌දෙසවණ්‌ණනා • 1. Hetupaccayaniddesavaṇṇanā
2. ආරම්‌මණපච්‌චයනිද්‌දෙසවණ්‌ණනා • 2. Ārammaṇapaccayaniddesavaṇṇanā
3. අධිපතිපච්‌චයනිද්‌දෙසවණ්‌ණනා • 3. Adhipatipaccayaniddesavaṇṇanā
4. අනන්‌තරපච්‌චයනිද්‌දෙසවණ්‌ණනා • 4. Anantarapaccayaniddesavaṇṇanā
6. සහජාතපච්‌චයනිද්‌දෙසවණ්‌ණනා • 6. Sahajātapaccayaniddesavaṇṇanā
8. නිස්‌සයපච්‌චයනිද්‌දෙසවණ්‌ණනා • 8. Nissayapaccayaniddesavaṇṇanā
9. උපනිස්‌සයපච්‌චයනිද්‌දෙසවණ්‌ණනා • 9. Upanissayapaccayaniddesavaṇṇanā
10. පුරෙජාතපච්‌චයනිද්‌දෙසවණ්‌ණනා • 10. Purejātapaccayaniddesavaṇṇanā
11. පච්‌ඡාජාතපච්‌චයනිද්‌දෙසවණ්‌ණනා • 11. Pacchājātapaccayaniddesavaṇṇanā
12. ආසෙවනපච්‌චයනිද්‌දෙසවණ්‌ණනා • 12. Āsevanapaccayaniddesavaṇṇanā
13. කම්‌මපච්‌චයනිද්‌දෙසවණ්‌ණනා • 13. Kammapaccayaniddesavaṇṇanā
14. විපාකපච්‌චයනිද්‌දෙසවණ්‌ණනා • 14. Vipākapaccayaniddesavaṇṇanā
15. ආහාරපච්‌චයනිද්‌දෙසවණ්‌ණනා • 15. Āhārapaccayaniddesavaṇṇanā
16. ඉන්‌ද්‍රියපච්‌චයනිද්‌දෙසවණ්‌ණනා • 16. Indriyapaccayaniddesavaṇṇanā
17. ඣානපච්‌චයනිද්‌දෙසවණ්‌ණනා • 17. Jhānapaccayaniddesavaṇṇanā
18. මග්‌ගපච්‌චයනිද්‌දෙසවණ්‌ණනා • 18. Maggapaccayaniddesavaṇṇanā
20. විප්‌පයුත්‌තපච්‌චයනිද්‌දෙසවණ්‌ණනා • 20. Vippayuttapaccayaniddesavaṇṇanā
21. අත්‌ථිපච්‌චයනිද්‌දෙසවණ්‌ණනා • 21. Atthipaccayaniddesavaṇṇanā
22-23-24. නත්‌ථිවිගතඅවිගතපච්‌චයනිද්‌දෙසවණ්‌ණනා • 22-23-24. Natthivigataavigatapaccayaniddesavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā
1. හෙතුපච්‌චයනිද්‌දෙසවණ්‌ණනා • 1. Hetupaccayaniddesavaṇṇanā
2. ආරම්‌මණපච්‌චයනිද්‌දෙසවණ්‌ණනා • 2. Ārammaṇapaccayaniddesavaṇṇanā
3. අධිපතිපච්‌චයනිද්‌දෙසවණ්‌ණනා • 3. Adhipatipaccayaniddesavaṇṇanā
4. අනන්‌තරපච්‌චයනිද්‌දෙසවණ්‌ණනා • 4. Anantarapaccayaniddesavaṇṇanā
6. සහජාතපච්‌චයනිද්‌දෙසවණ්‌ණනා • 6. Sahajātapaccayaniddesavaṇṇanā
8. නිස්‌සයපච්‌චයනිද්‌දෙසවණ්‌ණනා • 8. Nissayapaccayaniddesavaṇṇanā
9. උපනිස්‌සයපච්‌චයනිද්‌දෙසවණ්‌ණනා • 9. Upanissayapaccayaniddesavaṇṇanā
10. පුරෙජාතපච්‌චයනිද්‌දෙසවණ්‌ණනා • 10. Purejātapaccayaniddesavaṇṇanā
11. පච්‌ඡාජාතපච්‌චයනිද්‌දෙසවණ්‌ණනා • 11. Pacchājātapaccayaniddesavaṇṇanā
12. ආසෙවනපච්‌චයනිද්‌දෙසවණ්‌ණනා • 12. Āsevanapaccayaniddesavaṇṇanā
13. කම්‌මපච්‌චයනිද්‌දෙසවණ්‌ණනා • 13. Kammapaccayaniddesavaṇṇanā
14. විපාකපච්‌චයනිද්‌දෙසවණ්‌ණනා • 14. Vipākapaccayaniddesavaṇṇanā
15. ආහාරපච්‌චයනිද්‌දෙසවණ්‌ණනා • 15. Āhārapaccayaniddesavaṇṇanā
16. ඉන්‌ද්‍රියපච්‌චයනිද්‌දෙසවණ්‌ණනා • 16. Indriyapaccayaniddesavaṇṇanā
17. ඣානපච්‌චයනිද්‌දෙසවණ්‌ණනා • 17. Jhānapaccayaniddesavaṇṇanā
18. මග්‌ගපච්‌චයනිද්‌දෙසවණ්‌ණනා • 18. Maggapaccayaniddesavaṇṇanā
20. විප්‌පයුත්‌තපච්‌චයනිද්‌දෙසවණ්‌ණනා • 20. Vippayuttapaccayaniddesavaṇṇanā
21. අත්‌ථිපච්‌චයනිද්‌දෙසවණ්‌ණනා • 21. Atthipaccayaniddesavaṇṇanā
22-23-24. නත්‌ථිවිගතඅවිගතපච්‌චයනිද්‌දෙසවණ්‌ණනා • 22-23-24. Natthivigataavigatapaccayaniddesavaṇṇanā
