| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
бужчаавааро
Pucchāvāro
1. бажжаяаануломаван̣н̣анаа
1. Paccayānulomavaṇṇanā
звам̣ ануломабадтаанаад̣̇ийсу д̇игабадтаанаад̣̇ивасзна жад̇увийсад̇исаманд̇абадтаанасамод̇хаанз бадтаанамахаабагаран̣з яз д̇игаад̣̇аяо ниссааяа нид̣̇д̣̇идтад̇д̇аа зд̇ам̣ д̇игабадтаанам̣, д̣̇угабадтаанам̣…бз… д̣̇угад̣̇угабадтаананд̇и вуд̇д̇ам̣. д̇з анаамасид̇ваа язсам̣ бажжаяаанам̣ васзна д̇з д̇игаад̣̇аяо вибхад̇д̇аа, д̇з бажжаяз зва д̇аава иминаа маад̇игаанигкзбабажжаяавибхан̇г̇асан̇каад̇зна ваарзна уд̣̇д̣̇зсад̇о жа нид̣̇д̣̇зсад̇о жа д̣̇ассзд̇ваа, ид̣̇аани яз д̇игаад̣̇аяо ниссааяа нид̣̇д̣̇идтад̇д̇аа зд̇ам̣ д̇игабадтаанам̣, д̣̇угабадтаанам̣…бз… д̣̇угад̣̇угабадтаананд̇и вуд̇д̇ам̣. д̇з д̇игаад̣̇аяо имзсам̣ бажжаяаанам̣ васзна вид̇т̇аарзд̇ваа д̣̇ассзд̇ум̣ згзгам̣ д̇игад̣̇угам̣ ниссааяа сад̇д̇ахи махааваарзхи д̣̇зсанаа гад̇аа. д̇зсам̣ имаани наамаани – бадижжавааро, сахаж̇аад̇авааро, бажжаяавааро, ниссаяавааро, сам̣садтавааро, самбаяуд̇д̇авааро, бан̃хааваарод̇и.
Evaṃ anulomapaṭṭhānādīsu tikapaṭṭhānādivasena catuvīsatisamantapaṭṭhānasamodhāne paṭṭhānamahāpakaraṇe ye tikādayo nissāya niddiṭṭhattā etaṃ tikapaṭṭhānaṃ, dukapaṭṭhānaṃ…pe… dukadukapaṭṭhānanti vuttaṃ. Te anāmasitvā yesaṃ paccayānaṃ vasena te tikādayo vibhattā, te paccaye eva tāva iminā mātikānikkhepapaccayavibhaṅgasaṅkhātena vārena uddesato ca niddesato ca dassetvā, idāni ye tikādayo nissāya niddiṭṭhattā etaṃ tikapaṭṭhānaṃ, dukapaṭṭhānaṃ…pe… dukadukapaṭṭhānanti vuttaṃ. Te tikādayo imesaṃ paccayānaṃ vasena vitthāretvā dassetuṃ ekekaṃ tikadukaṃ nissāya sattahi mahāvārehi desanā katā. Tesaṃ imāni nāmāni – paṭiccavāro, sahajātavāro, paccayavāro, nissayavāro, saṃsaṭṭhavāro, sampayuttavāro, pañhāvāroti.
д̇ад̇т̇а ‘‘гусалам̣ д̇хаммам̣ бадижжа гусало д̇хаммо’’д̇и звам̣ бадижжаабхид̇хаанавасзна вуд̇д̇о бадижжавааро наама. гусалам̣ д̇хаммам̣ сахаж̇аад̇о гусало д̇хаммо’’д̇и звам̣ сахаж̇аад̇аабхид̇хаанавасзна вуд̇д̇о сахаж̇аад̇авааро наама. со буримзна бадижжаваарзна ад̇т̇ад̇о ниннаанаагаран̣о. бадижжаабхид̇хаанавасзна б̣уж̇жханагаанам̣ васзна бана батамо вуд̇д̇о, сахаж̇аад̇аабхид̇хаанавасзна б̣уж̇жханагаанам̣ васзна д̣̇уд̇ияо. д̣̇вийсуби жзд̇зсу руубааруубад̇хаммавасзна бажжаяаа жзва бажжаяуббаннад̇хаммаа жа взд̣̇ид̇аб̣б̣аа. д̇з жа ко сахаж̇аад̇аава, на бурзж̇аад̇абажчааж̇аад̇аа лаб̣бханд̇и. ‘‘гусалам̣ д̇хаммам̣ бажжаяаа гусало д̇хаммо’’д̇и звам̣ бажжаяаабхид̇хаанавасзна вуд̇д̇о бана бажжаяавааро наама. соби буримаваарад̣̇ваяам̣ вияа руубааруубад̇хаммавасзнзва взд̣̇ид̇аб̣б̣о. бажжаяо банзд̇т̇а бурзж̇аад̇оби лаб̣бхад̇и. аяамасса буримаваарад̣̇ваяад̇о висзсо. д̇ад̣̇ананд̇аро ‘‘гусалам̣ д̇хаммам̣ ниссааяа гусало д̇хаммо’’д̇и звам̣ ниссаяаабхид̇хаанавасзна вуд̇д̇о ниссаяавааро наама. со буримзна бажжаяаваарзна ад̇т̇ад̇о ниннаанаагаран̣о. бажжаяаабхид̇хаанавасзна б̣уж̇жханагаанам̣ васзна бана батамо вуд̇д̇о, ниссаяаабхид̇хаанавасзна б̣уж̇жханагаанам̣ васзна д̣̇уд̇ияо. д̇ад̇о барам̣ ‘‘гусалам̣ д̇хаммам̣ сам̣садто гусало д̇хаммо’’д̇и звам̣ сам̣садтаабхид̇хаанавасзна вуд̇д̇о сам̣садтавааро наама. ‘‘гусалам̣ д̇хаммам̣ самбаяуд̇д̇о гусало д̇хаммо’’д̇и звам̣ самбаяуд̇д̇аабхид̇хаанавасзна вуд̇д̇о самбаяуд̇д̇авааро наама. со буримзна сам̣садтаваарзна ад̇т̇ад̇о ниннаанаагаран̣о. сам̣садтаабхид̇хаанавасзна б̣уж̇жханагаанам̣ васзна бана батамо вуд̇д̇о, самбаяуд̇д̇аабхид̇хаанавасзна д̣̇уд̇ияо. д̣̇вийсуби жзд̇зсу аруубад̇хаммавасзнзва бажжаяаа бажжаяуббаннаа жа взд̣̇ид̇аб̣б̣аа. сад̇д̇амаваарз бана яасмаа ‘‘гусало д̇хаммо гусаласса д̇хаммасса хзд̇убажжаязна бажжаяо’’д̇иаад̣̇инаа наязна д̇з д̇з бан̃хз уд̣̇д̇харид̇ваа буна ‘‘гусалаа хзд̇уу самбаяуд̇д̇агаанам̣ канд̇хаана’’нд̇иаад̣̇инаа наязна саб̣б̣зби д̇з бан̃хаа ниж̇ж̇адаа ниг̇г̇умб̣аа жа гад̇ваа вибхад̇д̇аа, д̇асмаа со вааро бан̃хаанам̣ саад̇хугам̣ вибхад̇д̇ад̇д̇аа бан̃хааваарод̇взва сан̇кяам̣ г̇ад̇о. руубааруубад̇хаммавасзнзва банзд̇т̇а бажжаяааби бажжаяуббаннааби взд̣̇ид̇аб̣б̣аа.
Tattha ‘‘kusalaṃ dhammaṃ paṭicca kusalo dhammo’’ti evaṃ paṭiccābhidhānavasena vutto paṭiccavāro nāma. Kusalaṃ dhammaṃ sahajāto kusalo dhammo’’ti evaṃ sahajātābhidhānavasena vutto sahajātavāro nāma. So purimena paṭiccavārena atthato ninnānākaraṇo. Paṭiccābhidhānavasena bujjhanakānaṃ vasena pana paṭhamo vutto, sahajātābhidhānavasena bujjhanakānaṃ vasena dutiyo. Dvīsupi cetesu rūpārūpadhammavasena paccayā ceva paccayuppannadhammā ca veditabbā. Te ca kho sahajātāva, na purejātapacchājātā labbhanti. ‘‘Kusalaṃ dhammaṃ paccayā kusalo dhammo’’ti evaṃ paccayābhidhānavasena vutto pana paccayavāro nāma. Sopi purimavāradvayaṃ viya rūpārūpadhammavaseneva veditabbo. Paccayo panettha purejātopi labbhati. Ayamassa purimavāradvayato viseso. Tadanantaro ‘‘kusalaṃ dhammaṃ nissāya kusalo dhammo’’ti evaṃ nissayābhidhānavasena vutto nissayavāro nāma. So purimena paccayavārena atthato ninnānākaraṇo. Paccayābhidhānavasena bujjhanakānaṃ vasena pana paṭhamo vutto, nissayābhidhānavasena bujjhanakānaṃ vasena dutiyo. Tato paraṃ ‘‘kusalaṃ dhammaṃ saṃsaṭṭho kusalo dhammo’’ti evaṃ saṃsaṭṭhābhidhānavasena vutto saṃsaṭṭhavāro nāma. ‘‘Kusalaṃ dhammaṃ sampayutto kusalo dhammo’’ti evaṃ sampayuttābhidhānavasena vutto sampayuttavāro nāma. So purimena saṃsaṭṭhavārena atthato ninnānākaraṇo. Saṃsaṭṭhābhidhānavasena bujjhanakānaṃ vasena pana paṭhamo vutto, sampayuttābhidhānavasena dutiyo. Dvīsupi cetesu arūpadhammavaseneva paccayā paccayuppannā ca veditabbā. Sattamavāre pana yasmā ‘‘kusalo dhammo kusalassa dhammassa hetupaccayena paccayo’’tiādinā nayena te te pañhe uddharitvā puna ‘‘kusalā hetū sampayuttakānaṃ khandhāna’’ntiādinā nayena sabbepi te pañhā nijjaṭā niggumbā ca katvā vibhattā, tasmā so vāro pañhānaṃ sādhukaṃ vibhattattā pañhāvārotveva saṅkhyaṃ gato. Rūpārūpadhammavaseneva panettha paccayāpi paccayuppannāpi veditabbā.
д̇ад̇т̇а яо д̇аава зса саб̣б̣абатамо бадижжавааро наама, со уд̣̇д̣̇зсад̇о нид̣̇д̣̇зсад̇о жа д̣̇увид̇хо ход̇и. д̇ад̇т̇а уд̣̇д̣̇зсавааро батамо, бужчааваарод̇иби вужжад̇и. бан̣н̣ад̇д̇иваарод̇иби д̇ассзва наамам̣. со хи гусалаад̣̇аяо бадижжа гусалаад̣̇ийнам̣ хзд̇убажжаяаад̣̇ийнам̣ васзна уд̣̇д̣̇идтад̇д̇аа уд̣̇д̣̇зсавааро, гусалаад̣̇аяо бадижжа хзд̇убажжаяаад̣̇ивасзна гусалаад̣̇ийнам̣ уббад̇д̇ияаа бужчид̇ад̇д̇аа бужчаавааро, гусалаад̣̇аяо бадижжа хзд̇убажжаяаад̣̇ивасзна гусалаад̣̇ийнам̣ уббад̇д̇ияаа бан̃н̃аабид̇ад̇д̇аа бан̣н̣ад̇д̇иваарод̇иби вуд̇д̇о.
Tattha yo tāva esa sabbapaṭhamo paṭiccavāro nāma, so uddesato niddesato ca duvidho hoti. Tattha uddesavāro paṭhamo, pucchāvārotipi vuccati. Paṇṇattivārotipi tasseva nāmaṃ. So hi kusalādayo paṭicca kusalādīnaṃ hetupaccayādīnaṃ vasena uddiṭṭhattā uddesavāro, kusalādayo paṭicca hetupaccayādivasena kusalādīnaṃ uppattiyā pucchitattā pucchāvāro, kusalādayo paṭicca hetupaccayādivasena kusalādīnaṃ uppattiyā paññāpitattā paṇṇattivārotipi vutto.
25-34. д̇ад̇т̇а сияаа гусалам̣ д̇хаммам̣ бадижжа гусало д̇хаммо уббаж̇ж̇зяяа хзд̇убажжаяаад̇и баригаббабужчаа. аяан̃хзд̇т̇а ад̇т̇о – яо гусало д̇хаммо уббаж̇ж̇зяяа хзд̇убажжаяаа, гим̣ со гусалам̣ д̇хаммам̣ бадижжа сияаад̇и ат̇а ваа гусалам̣ д̇хаммам̣ бадижжа яо гусало д̇хаммо уббаж̇ж̇зяяа, со хзд̇убажжаяаа сияаад̇и аяамзд̇т̇а ад̇т̇о. д̇ад̇т̇а бадийд̇и сад̣̇исад̇т̇з вад̇д̇ад̇и. сад̣̇исабуг̇г̇ало хи бадибуг̇г̇ало, сад̣̇исабхааг̇о жа бадибхааг̇од̇и вужжад̇и. ижжаад̇и г̇амануссуггаважанамзд̇ам̣. убхаяам̣ згад̇о гад̇ваа бадижжаад̇и бадиг̇анд̇ваа сахуббад̇д̇исан̇каад̇зна сад̣̇исабхаавзна бад̇ваа, д̇зна сад̣̇д̇хим̣ згад̇о уббад̇д̇ибхаавам̣ убаг̇анд̇ваад̇и вуд̇д̇ам̣ ход̇и. гусало д̇хаммод̇и звам̣ сахуббад̇д̇ибхаавзна гусалам̣ д̇хаммам̣ бадижжа гусало д̇хаммо уббаж̇ж̇зяяа хзд̇убажжаяаад̇и бужчад̇и. ат̇а ваа бадижжаад̇и бажжаяам̣ гад̇ваа. д̇ам̣ бана бажжаяагаран̣ам̣ бурзж̇аад̇зби бажжаяз лаб̣бхад̇и сахаж̇аад̇зби. ид̇ха сахаж̇аад̇ам̣ ад̇хиббзд̇ам̣. сияаа гусалам̣ д̇хаммам̣ бадижжа агусалод̇иаад̣̇ийсуби зсзва наяо. д̇ад̇т̇а гин̃жааби сахаж̇аад̇авасзна гусалам̣ д̇хаммам̣ бадижжа агусало над̇т̇и, имасмим̣ бана бужчааваарз яамби виссаж̇ж̇ияамаанам̣ ад̇т̇ад̇о лаб̣бхад̇и, яамби на лаб̣бхад̇и, д̇ам̣ саб̣б̣ам̣ бужчаавасзна уд̣̇д̇хадам̣. барад̇о бана виссаж̇ж̇анз яам̣ на лаб̣бхад̇и, д̇ам̣ бахааяа яам̣ лаб̣бхад̇и, д̇ад̣̇зва виссаж̇ж̇ид̇ам̣.
25-34. Tattha siyā kusalaṃ dhammaṃ paṭicca kusalo dhammo uppajjeyya hetupaccayāti parikappapucchā. Ayañhettha attho – yo kusalo dhammo uppajjeyya hetupaccayā, kiṃ so kusalaṃ dhammaṃ paṭicca siyāti atha vā kusalaṃ dhammaṃ paṭicca yo kusalo dhammo uppajjeyya, so hetupaccayā siyāti ayamettha attho. Tattha paṭīti sadisatthe vattati. Sadisapuggalo hi paṭipuggalo, sadisabhāgo ca paṭibhāgoti vuccati. Iccāti gamanussukkavacanametaṃ. Ubhayaṃ ekato katvā paṭiccāti paṭigantvā sahuppattisaṅkhātena sadisabhāvena patvā, tena saddhiṃ ekato uppattibhāvaṃ upagantvāti vuttaṃ hoti. Kusalo dhammoti evaṃ sahuppattibhāvena kusalaṃ dhammaṃ paṭicca kusalo dhammo uppajjeyya hetupaccayāti pucchati. Atha vā paṭiccāti paccayaṃ katvā. Taṃ pana paccayakaraṇaṃ purejātepi paccaye labbhati sahajātepi. Idha sahajātaṃ adhippetaṃ. Siyā kusalaṃ dhammaṃ paṭicca akusalotiādīsupi eseva nayo. Tattha kiñcāpi sahajātavasena kusalaṃ dhammaṃ paṭicca akusalo natthi, imasmiṃ pana pucchāvāre yampi vissajjiyamānaṃ atthato labbhati, yampi na labbhati, taṃ sabbaṃ pucchāvasena uddhaṭaṃ. Parato pana vissajjane yaṃ na labbhati, taṃ pahāya yaṃ labbhati, tadeva vissajjitaṃ.
звамзд̇т̇а бужчаанам̣ ад̇т̇ан̃жзва бужчааг̇ад̇ин̃жа н̃ад̇ваа ид̣̇аани г̇ан̣анавасзна бужчаабарижчзд̣̇о взд̣̇ид̇аб̣б̣о . зд̇т̇а хи ‘‘гусалам̣ д̇хаммам̣ бадижжаа’’д̇и гусалабад̣̇ам̣ аад̣̇им̣ гад̇ваа гусалаагусалааб̣яаагад̇анд̇аа д̇иссо бужчаа, буна д̇ад̣̇зваад̣̇им̣ гад̇ваа гусалааб̣яаагад̇аад̣̇ивасзна д̣̇угаббабхзд̣̇анд̇аа д̇иссо, буна д̇ад̣̇зваад̣̇им̣ гад̇ваа д̇иганд̇аа жа згаа, звам̣ гусалам̣ д̇хаммам̣ бадижжаад̇и гусалаад̣̇игаа сад̇д̇а бужчаа, д̇ат̇аа агусалаад̣̇игаа, д̇ат̇аа аб̣яаагад̇аад̣̇игаа, д̇ат̇аа гусалааб̣яаагад̇аад̣̇игаа, агусалааб̣яаагад̇аад̣̇игаа, гусалаагусалаад̣̇игаа, гусалаагусалааб̣яаагад̇аад̣̇игаад̇и саб̣б̣ааби сад̇д̇аннам̣ сад̇д̇агаанам̣ васзна гусалад̇д̇игам̣ ниссааяа хзд̇убажжаяз згуунабан̃н̃аасам̣ бужчаа.
Evamettha pucchānaṃ atthañceva pucchāgatiñca ñatvā idāni gaṇanavasena pucchāparicchedo veditabbo . Ettha hi ‘‘kusalaṃ dhammaṃ paṭiccā’’ti kusalapadaṃ ādiṃ katvā kusalākusalābyākatantā tisso pucchā, puna tadevādiṃ katvā kusalābyākatādivasena dukappabhedantā tisso, puna tadevādiṃ katvā tikantā ca ekā, evaṃ kusalaṃ dhammaṃ paṭiccāti kusalādikā satta pucchā, tathā akusalādikā, tathā abyākatādikā, tathā kusalābyākatādikā, akusalābyākatādikā, kusalākusalādikā, kusalākusalābyākatādikāti sabbāpi sattannaṃ sattakānaṃ vasena kusalattikaṃ nissāya hetupaccaye ekūnapaññāsaṃ pucchā.
д̇ад̇т̇а згамуулагаавасаанаа нава, згамуулад̣̇угаавасаанаа нава, згамуулад̇игаавасаанаа д̇иссо, д̣̇угамуулазгаавасаанаа нава, д̣̇угамуулад̣̇угаавасаанаа нава, д̣̇угамуулад̇игаавасаанаа д̇иссо, д̇игамуулазгаавасаанаа д̇иссо, д̇игамуулад̣̇угаавасаанаа д̇иссо, д̇игамуулад̇игаавасаанаа згаад̇и звамзд̇аа муулавасзнааби взд̣̇ид̇аб̣б̣аа. яат̇аа жа хзд̇убажжаяз згуунабан̃н̃аасам̣, аарамман̣абажжаяаад̣̇ийсуби д̇ат̇зваад̇и саб̣б̣зсуби жад̇увийсад̇ияаа бажжаязсу –
Tattha ekamūlakāvasānā nava, ekamūladukāvasānā nava, ekamūlatikāvasānā tisso, dukamūlaekāvasānā nava, dukamūladukāvasānā nava, dukamūlatikāvasānā tisso, tikamūlaekāvasānā tisso, tikamūladukāvasānā tisso, tikamūlatikāvasānā ekāti evametā mūlavasenāpi veditabbā. Yathā ca hetupaccaye ekūnapaññāsaṃ, ārammaṇapaccayādīsupi tathevāti sabbesupi catuvīsatiyā paccayesu –
сахассамзган̃жа сад̇ам̣, часад̇д̇ад̇и бунаабараа;
Sahassamekañca sataṃ, chasattati punāparā;
бужчаа самбин̣д̣ид̇аа хонд̇и, наяамхи згамуулагз.
Pucchā sampiṇḍitā honti, nayamhi ekamūlake.
35-36. д̇ад̇о барам̣ хзд̇убажжаяаа аарамман̣абажжаяаад̇и д̣̇умуулаганаяо аарад̣̇д̇хо. д̇ад̇т̇а хзд̇аарамман̣ад̣̇уго…бз… хзд̇уавиг̇ад̇ад̣̇угод̇и хзд̇убажжаязна сад̣̇д̇хим̣ д̇звийсад̇и д̣̇угаа хонд̇и. д̇зсу хзд̇убажжаяз вияа хзд̇аарамман̣ад̣̇угзби згуунабан̃н̃аасам̣ бужчаа, д̇аасу баал̣ияам̣ д̣̇взязва д̣̇ассид̇аа. яат̇аа жа хзд̇аарамман̣ад̣̇угз згуунабан̃н̃аасам̣ д̇ат̇аа хзд̇аад̇хибад̇ид̣̇угаад̣̇ийсуби. д̇ад̇т̇а батамабужчаавасзна хзд̇аад̇хибад̇ид̣̇уго, хзд̇аананд̇арад̣̇уго, хзд̇усамананд̇арад̣̇угод̇и бадибаадияаа д̇аяо д̣̇угз д̣̇ассзд̇ваа барияосаанз хзд̇уавиг̇ад̇ад̣̇уго д̣̇ассид̇о, сзсам̣ сан̇кид̇д̇ам̣. бужчаабарижчзд̣̇о банзд̇т̇а звам̣ взд̣̇ид̇аб̣б̣о.
35-36. Tato paraṃ hetupaccayā ārammaṇapaccayāti dumūlakanayo āraddho. Tattha hetārammaṇaduko…pe… hetuavigatadukoti hetupaccayena saddhiṃ tevīsati dukā honti. Tesu hetupaccaye viya hetārammaṇadukepi ekūnapaññāsaṃ pucchā, tāsu pāḷiyaṃ dveyeva dassitā. Yathā ca hetārammaṇaduke ekūnapaññāsaṃ tathā hetādhipatidukādīsupi. Tattha paṭhamapucchāvasena hetādhipatiduko, hetānantaraduko, hetusamanantaradukoti paṭipāṭiyā tayo duke dassetvā pariyosāne hetuavigataduko dassito, sesaṃ saṅkhittaṃ. Pucchāparicchedo panettha evaṃ veditabbo.
сахассамзган̃жа сад̇ам̣, сад̇д̇авийсад̇имзва жа;
Sahassamekañca sataṃ, sattavīsatimeva ca;
д̣̇угзсу д̇звийсад̇ияаа, бужчаа хонд̇и д̣̇умуулагз.
Dukesu tevīsatiyā, pucchā honti dumūlake.
37. д̇ад̇о барам̣ хзд̇убажжаяаа аарамман̣абажжаяаа ад̇хибад̇ибажжаяаад̇и д̇имуулаганаяо аарад̣̇д̇хо. д̇ад̇т̇а хзд̇аарамман̣ад̣̇угзна сад̣̇д̇хим̣ ад̇хибад̇ибажжаяаад̣̇ийсу б̣аавийсад̇ияаа бажжаязсу згамзгасса яож̇анаавасзна б̣аавийсад̇и д̇игаа хонд̇и. д̇зсу батамабужчаавасзна батамад̇д̇иган̃жа д̣̇уд̇ияад̇д̇иган̃жа д̣̇ассзд̇ваа барияосаанад̇иго д̣̇ассид̇о, сзсам̣ сан̇кид̇д̇ам̣. яат̇аа бана д̣̇угзсу, звам̣ д̇игзсуби згамзгасмим̣ д̇игз згуунабан̃н̃аасам̣ гад̇ваа саб̣б̣зсуби б̣аавийсад̇ияаа д̇игзсу –
37. Tato paraṃ hetupaccayā ārammaṇapaccayā adhipatipaccayāti timūlakanayo āraddho. Tattha hetārammaṇadukena saddhiṃ adhipatipaccayādīsu bāvīsatiyā paccayesu ekamekassa yojanāvasena bāvīsati tikā honti. Tesu paṭhamapucchāvasena paṭhamattikañca dutiyattikañca dassetvā pariyosānatiko dassito, sesaṃ saṅkhittaṃ. Yathā pana dukesu, evaṃ tikesupi ekamekasmiṃ tike ekūnapaññāsaṃ katvā sabbesupi bāvīsatiyā tikesu –
сахассамзгам̣ бужчаанам̣, адтасад̇д̇ад̇имзва жа;
Sahassamekaṃ pucchānaṃ, aṭṭhasattatimeva ca;
бужчаа г̇ан̣анад̇о хонд̇и, наяамхи д̇игамуулагз.
Pucchā gaṇanato honti, nayamhi tikamūlake.
38. д̇ад̇о барам̣ хзд̇убажжаяаа аарамман̣абажжаяаа ад̇хибад̇ибажжаяаа ананд̇арабажжаяаад̇и жад̇умуулаганаяо аарад̣̇д̇хо. д̇ад̇т̇а батамад̇д̇игзна сад̣̇д̇хим̣ ананд̇арабажжаяаад̣̇ийсу згавийсад̇ияаа бажжаязсу згамзгасса яож̇анаавасзна згавийсад̇и жад̇уггаа хонд̇и. д̇зсу д̣̇вз жад̇уггз д̣̇ассзд̇ваа сзсам̣ сан̇кид̇д̇ам̣. ид̇хааби згамзгасмим̣ жад̇уггз згуунабан̃н̃аасам̣ гад̇ваа саб̣б̣зсуби згавийсад̇ияаа жад̇уггзсу –
38. Tato paraṃ hetupaccayā ārammaṇapaccayā adhipatipaccayā anantarapaccayāti catumūlakanayo āraddho. Tattha paṭhamattikena saddhiṃ anantarapaccayādīsu ekavīsatiyā paccayesu ekamekassa yojanāvasena ekavīsati catukkā honti. Tesu dve catukke dassetvā sesaṃ saṅkhittaṃ. Idhāpi ekamekasmiṃ catukke ekūnapaññāsaṃ katvā sabbesupi ekavīsatiyā catukkesu –
сахассамзгам̣ бужчаанам̣, згуунад̇им̣са бунаабараа;
Sahassamekaṃ pucchānaṃ, ekūnatiṃsa punāparā;
бужчаа г̇ан̣анад̇о хонд̇и, наяамхи жад̇умуулагз.
Pucchā gaṇanato honti, nayamhi catumūlake.
д̇ад̇о барам̣ бан̃жамуулагам̣ аад̣̇им̣ гад̇ваа яаава саб̣б̣амуулагаа д̣̇зсанаа гад̇аа, д̇ам̣ саб̣б̣ам̣ сан̇кибид̇ваа хздтаа вуд̇д̇ан̃жа убари вад̇д̇аб̣б̣ан̃жа згад̇о гад̇ваа баал̣ияам̣ ‘‘згамуулагам̣, д̣̇умуулагам̣, д̇имуулагам̣, жад̇умуулагам̣, бан̃жамуулагам̣, саб̣б̣амуулагам̣ асаммуяханд̇зна вид̇т̇аарзд̇аб̣б̣а’’нд̇и наяо д̣̇ассид̇о. д̇ад̇т̇а згамуулагаад̣̇ийсу яам̣ вад̇д̇аб̣б̣ам̣, д̇ам̣ вуд̇д̇амзва. бан̃жамуулагз бана батамажад̇уггзна сад̣̇д̇хим̣ самананд̇арабажжаяаад̣̇ийсу самавийсад̇ияаа бажжаязсу згамзгасса яож̇анаавасзна самавийсад̇и бан̃жагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Tato paraṃ pañcamūlakaṃ ādiṃ katvā yāva sabbamūlakā desanā katā, taṃ sabbaṃ saṅkhipitvā heṭṭhā vuttañca upari vattabbañca ekato katvā pāḷiyaṃ ‘‘ekamūlakaṃ, dumūlakaṃ, timūlakaṃ, catumūlakaṃ, pañcamūlakaṃ, sabbamūlakaṃ asammuyhantena vitthāretabba’’nti nayo dassito. Tattha ekamūlakādīsu yaṃ vattabbaṃ, taṃ vuttameva. Pañcamūlake pana paṭhamacatukkena saddhiṃ samanantarapaccayādīsu samavīsatiyā paccayesu ekamekassa yojanāvasena samavīsati pañcakā honti. Tesu ekamekasmiṃ ekūnapaññāsaṃ katvā –
сад̇аани нава бужчаанам̣, асийд̇и жа бунаабараа;
Satāni nava pucchānaṃ, asīti ca punāparā;
бужчаа г̇ан̣анад̇о хонд̇и, наяамхи бан̃жамуулагз.
Pucchā gaṇanato honti, nayamhi pañcamūlake.
чамуулагз батамабан̃жагзна сад̣̇д̇хим̣ сахаж̇аад̇абажжаяаад̣̇ийсу згуунавийсад̇ияаа бажжаязсу згамзгасса яож̇анаавасзна згуунавийсад̇и чаггаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Chamūlake paṭhamapañcakena saddhiṃ sahajātapaccayādīsu ekūnavīsatiyā paccayesu ekamekassa yojanāvasena ekūnavīsati chakkā honti. Tesu ekamekasmiṃ ekūnapaññāsaṃ katvā –
сад̇аани нава бужчаанам̣, згад̇им̣са д̇ад̇обараа;
Satāni nava pucchānaṃ, ekatiṃsa tatoparā;
бужчаа г̇ан̣анад̇о хонд̇и, наяамхи чаггамуулагз.
Pucchā gaṇanato honti, nayamhi chakkamūlake.
сад̇д̇амуулагз батамачаггзна сад̣̇д̇хим̣ ан̃н̃аман̃н̃абажжаяаад̣̇ийсу адтаарасасу бажжаязсу згамзгасса яож̇анаавасзна адтаараса сад̇д̇агаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Sattamūlake paṭhamachakkena saddhiṃ aññamaññapaccayādīsu aṭṭhārasasu paccayesu ekamekassa yojanāvasena aṭṭhārasa sattakā honti. Tesu ekamekasmiṃ ekūnapaññāsaṃ katvā –
сад̇аани адта бужчаанам̣, д̣̇ваасийд̇и жа д̇ад̇обараа;
Satāni aṭṭha pucchānaṃ, dvāsīti ca tatoparā;
бужчаа г̇ан̣анад̇о хонд̇и, наяамхи сад̇д̇амуулагз.
Pucchā gaṇanato honti, nayamhi sattamūlake.
адтамуулагз батамасад̇д̇агзна сад̣̇д̇хим̣ ниссаяабажжаяаад̣̇ийсу сад̇д̇арасасу бажжаязсу згамзгасса яож̇анаавасзна сад̇д̇араса адтагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Aṭṭhamūlake paṭhamasattakena saddhiṃ nissayapaccayādīsu sattarasasu paccayesu ekamekassa yojanāvasena sattarasa aṭṭhakā honti. Tesu ekamekasmiṃ ekūnapaññāsaṃ katvā –
сад̇аани адта бужчаанам̣, д̇зд̇д̇им̣саа жа д̇ад̇обараа;
Satāni aṭṭha pucchānaṃ, tettiṃsā ca tatoparā;
бужчаа г̇ан̣анад̇о хонд̇и, наяамхи адтамуулагз.
Pucchā gaṇanato honti, nayamhi aṭṭhamūlake.
навамуулагз батамаадтагзна сад̣̇д̇хим̣ убаниссаяабажжаяаад̣̇ийсу сол̣асасу бажжаязсу згамзгасса яож̇анаавасзна сол̣аса навагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Navamūlake paṭhamaaṭṭhakena saddhiṃ upanissayapaccayādīsu soḷasasu paccayesu ekamekassa yojanāvasena soḷasa navakā honti. Tesu ekamekasmiṃ ekūnapaññāsaṃ katvā –
сад̇аани сад̇д̇а бужчаанам̣, жад̇ураасийд̇и д̇ад̇обараа;
Satāni satta pucchānaṃ, caturāsīti tatoparā;
бужчаа г̇ан̣анад̇о хонд̇и, наяамхи навамуулагз.
Pucchā gaṇanato honti, nayamhi navamūlake.
д̣̇асамуулагз батаманавагзна сад̣̇д̇хим̣ бурзж̇аад̇абажжаяаад̣̇ийсу баннарасасу бажжаязсу згамзгасса яож̇анаавасзна баннараса д̣̇асагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Dasamūlake paṭhamanavakena saddhiṃ purejātapaccayādīsu pannarasasu paccayesu ekamekassa yojanāvasena pannarasa dasakā honti. Tesu ekamekasmiṃ ekūnapaññāsaṃ katvā –
сад̇аани сад̇д̇а бужчаанам̣, бан̃жад̇им̣са д̇ад̇обараа;
Satāni satta pucchānaṃ, pañcatiṃsa tatoparā;
бужчаа г̇ан̣анад̇о хонд̇и, наяамхи д̣̇асамуулагз.
Pucchā gaṇanato honti, nayamhi dasamūlake.
згаад̣̇асамуулагз батамад̣̇асагзна сад̣̇д̇хим̣ бажчааж̇аад̇абажжаяаад̣̇ийсу жуд̣̇д̣̇асасу бажжаязсу згамзгасса яож̇анаавасзна жуд̣̇д̣̇аса згаад̣̇асагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Ekādasamūlake paṭhamadasakena saddhiṃ pacchājātapaccayādīsu cuddasasu paccayesu ekamekassa yojanāvasena cuddasa ekādasakā honti. Tesu ekamekasmiṃ ekūnapaññāsaṃ katvā –
ча сад̇аани жа бужчаанам̣, чал̣аасийд̇и д̇ад̇обараа;
Cha satāni ca pucchānaṃ, chaḷāsīti tatoparā;
наяамхи бужчаа г̇ан̣ид̇аа, згаад̣̇асагамуулагз.
Nayamhi pucchā gaṇitā, ekādasakamūlake.
д̣̇ваад̣̇асамуулагз батамазгаад̣̇асагзна сад̣̇д̇хим̣ аасзванабажжаяаад̣̇ийсу д̇зрасасу бажжаязсу згамзгасса яож̇анаавасзна д̇зраса д̣̇ваад̣̇асагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Dvādasamūlake paṭhamaekādasakena saddhiṃ āsevanapaccayādīsu terasasu paccayesu ekamekassa yojanāvasena terasa dvādasakā honti. Tesu ekamekasmiṃ ekūnapaññāsaṃ katvā –
ча сад̇аани жа бужчаанам̣, сад̇д̇ад̇им̣са д̇ад̇обараа;
Cha satāni ca pucchānaṃ, sattatiṃsa tatoparā;
бужчаа г̇ан̣анад̇о хонд̇и, наяз д̣̇ваад̣̇асамуулагз.
Pucchā gaṇanato honti, naye dvādasamūlake.
д̇зрасамуулагз батамад̣̇ваад̣̇асагзна сад̣̇д̇хим̣ гаммабажжаяаад̣̇ийсу д̣̇ваад̣̇асасу бажжаязсу згамзгасса яож̇анаавасзна д̣̇ваад̣̇аса д̇зрасагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Terasamūlake paṭhamadvādasakena saddhiṃ kammapaccayādīsu dvādasasu paccayesu ekamekassa yojanāvasena dvādasa terasakā honti. Tesu ekamekasmiṃ ekūnapaññāsaṃ katvā –
сад̇аани бан̃жа бужчаанам̣, адтаасийд̇и бунаабараа;
Satāni pañca pucchānaṃ, aṭṭhāsīti punāparā;
бужчаа г̇ан̣анад̇о хонд̇и, наяз д̇зрасамуулагз.
Pucchā gaṇanato honti, naye terasamūlake.
жуд̣̇д̣̇асамуулагз батамад̇зрасагзна сад̣̇д̇хим̣ вибаагабажжаяаад̣̇ийсу згаад̣̇асасу бажжаязсу згамзгасса яож̇анаавасзна згаад̣̇аса жуд̣̇д̣̇асагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Cuddasamūlake paṭhamaterasakena saddhiṃ vipākapaccayādīsu ekādasasu paccayesu ekamekassa yojanāvasena ekādasa cuddasakā honti. Tesu ekamekasmiṃ ekūnapaññāsaṃ katvā –
сад̇аани бан̃жа бужчаанам̣, д̇им̣са жаат̇а наваабараа;
Satāni pañca pucchānaṃ, tiṃsa cātha navāparā;
бужчаа г̇ан̣анад̇о хонд̇и, наяз жуд̣̇д̣̇асамуулагз.
Pucchā gaṇanato honti, naye cuddasamūlake.
баннарасамуулагз батамажуд̣̇д̣̇асагзна сад̣̇д̇хим̣ аахаарабажжаяаад̣̇ийсу д̣̇асасу бажжаязсу згамзгасса яож̇анаавасзна д̣̇аса баннарасагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Pannarasamūlake paṭhamacuddasakena saddhiṃ āhārapaccayādīsu dasasu paccayesu ekamekassa yojanāvasena dasa pannarasakā honti. Tesu ekamekasmiṃ ekūnapaññāsaṃ katvā –
сад̇аани жад̇д̇аари бужчаанам̣, навуд̇и жа д̇ад̇обараа;
Satāni cattāri pucchānaṃ, navuti ca tatoparā;
бужчаа г̇ан̣анад̇о хонд̇и, наяз баннарасамуулагз.
Pucchā gaṇanato honti, naye pannarasamūlake.
сол̣асамуулагз батамабаннарасагзна сад̣̇д̇хим̣ инд̣̇рияабажжаяаад̣̇ийсу навасу бажжаязсу згамзгасса яож̇анаавасзна нава сол̣асагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Soḷasamūlake paṭhamapannarasakena saddhiṃ indriyapaccayādīsu navasu paccayesu ekamekassa yojanāvasena nava soḷasakā honti. Tesu ekamekasmiṃ ekūnapaññāsaṃ katvā –
сад̇аани жад̇д̇аари жад̇д̇аа-лийсзгаа жзва бунаабараа;
Satāni cattāri cattā-līsekā ceva punāparā;
бужчаа г̇ан̣анад̇о хонд̇и, наяз сол̣асамуулагз.
Pucchā gaṇanato honti, naye soḷasamūlake.
сад̇д̇арасамуулагз батамасол̣асагзна сад̣̇д̇хим̣ жхаанабажжаяаад̣̇ийсу адтасу бажжаязсу згамзгасса яож̇анаавасзна адта сад̇д̇арасагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Sattarasamūlake paṭhamasoḷasakena saddhiṃ jhānapaccayādīsu aṭṭhasu paccayesu ekamekassa yojanāvasena aṭṭha sattarasakā honti. Tesu ekamekasmiṃ ekūnapaññāsaṃ katvā –
сад̇аани д̇ийн̣и бужчаанам̣, навуд̇и д̣̇вз бунаабараа;
Satāni tīṇi pucchānaṃ, navuti dve punāparā;
бужчаа г̇ан̣анад̇о хонд̇и, наяз сад̇д̇арасамуулагз.
Pucchā gaṇanato honti, naye sattarasamūlake.
адтаарасамуулагз батамасад̇д̇арасагзна сад̣̇д̇хим̣ маг̇г̇абажжаяаад̣̇ийсу сад̇д̇асу бажжаязсу згамзгасса яож̇анаавасзна сад̇д̇а адтаарасагаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Aṭṭhārasamūlake paṭhamasattarasakena saddhiṃ maggapaccayādīsu sattasu paccayesu ekamekassa yojanāvasena satta aṭṭhārasakā honti. Tesu ekamekasmiṃ ekūnapaññāsaṃ katvā –
сад̇аани д̇ийн̣и бужчаанам̣, д̇зжад̇д̇аарийсамзва жа;
Satāni tīṇi pucchānaṃ, tecattārīsameva ca;
бужчаа г̇ан̣анад̇о хонд̇и, наяз адтаарасамуулагз.
Pucchā gaṇanato honti, naye aṭṭhārasamūlake.
згуунавийсад̇имуулагз батамаадтаарасагзна сад̣̇д̇хим̣ самбаяуд̇д̇абажжаяаад̣̇ийсу часу бажжаязсу згамзгасса яож̇анаавасзна ча згуунавийсад̇игаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Ekūnavīsatimūlake paṭhamaaṭṭhārasakena saddhiṃ sampayuttapaccayādīsu chasu paccayesu ekamekassa yojanāvasena cha ekūnavīsatikā honti. Tesu ekamekasmiṃ ekūnapaññāsaṃ katvā –
д̣̇вз сад̇аа навуд̇и жзва, жад̇ассо жа бунаабараа;
Dve satā navuti ceva, catasso ca punāparā;
бужчаа г̇ан̣анад̇о хонд̇и, наяз згуунавийсад̇игз.
Pucchā gaṇanato honti, naye ekūnavīsatike.
вийсад̇имуулагз батамазгуунавийсад̇игзна сад̣̇д̇хим̣ виббаяуд̇д̇абажжаяаад̣̇ийсу бан̃жасу бажжаязсу згамзгасса яож̇анаавасзна бан̃жавийсад̇игаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Vīsatimūlake paṭhamaekūnavīsatikena saddhiṃ vippayuttapaccayādīsu pañcasu paccayesu ekamekassa yojanāvasena pañcavīsatikā honti. Tesu ekamekasmiṃ ekūnapaññāsaṃ katvā –
д̣̇вз сад̇аа хонд̇и бужчаанам̣, жад̇д̇аалийсаа жа бан̃жа жа;
Dve satā honti pucchānaṃ, cattālīsā ca pañca ca;
бужчаа г̇ан̣анад̇о хонд̇и, наяз вийсад̇имуулагз.
Pucchā gaṇanato honti, naye vīsatimūlake.
згавийсад̇имуулагз батамавийсад̇игзна сад̣̇д̇хим̣ ад̇т̇ибажжаяаад̣̇ийсу жад̇уусу бажжаязсу згамзгасса яож̇анаавасзна жад̇д̇ааро згавийсад̇игаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Ekavīsatimūlake paṭhamavīsatikena saddhiṃ atthipaccayādīsu catūsu paccayesu ekamekassa yojanāvasena cattāro ekavīsatikā honti. Tesu ekamekasmiṃ ekūnapaññāsaṃ katvā –
сад̇ам̣ чанавуд̇и жзва, бужчаа хонд̇и самбин̣д̣ид̇аа;
Sataṃ chanavuti ceva, pucchā honti sampiṇḍitā;
г̇ан̣ид̇аа лагкан̣ан̃н̃уухи, згавийсад̇игз наяз.
Gaṇitā lakkhaṇaññūhi, ekavīsatike naye.
д̣̇ваавийсад̇имуулагз батамазгавийсад̇игзна сад̣̇д̇хим̣ над̇т̇ибажжаяаад̣̇ийсу д̇ийсу бажжаязсу згамзгасса яож̇анаавасзна д̇аяо д̣̇ваавийсад̇игаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Dvāvīsatimūlake paṭhamaekavīsatikena saddhiṃ natthipaccayādīsu tīsu paccayesu ekamekassa yojanāvasena tayo dvāvīsatikā honti. Tesu ekamekasmiṃ ekūnapaññāsaṃ katvā –
жад̇д̇аалийсаад̇хигам̣ сад̇ам̣, сад̇д̇а жзва бунаабараа;
Cattālīsādhikaṃ sataṃ, satta ceva punāparā;
бужчаа г̇ан̣анад̇о хонд̇и, наяз д̣̇ваавийсад̇имуулагз.
Pucchā gaṇanato honti, naye dvāvīsatimūlake.
д̇звийсад̇имуулагз батамад̣̇ваавийсад̇игзна сад̣̇д̇хим̣ д̣̇вийсу виг̇ад̇аавиг̇ад̇абажжаязсу згамзгасса яож̇анаавасзна д̣̇вз д̇звийсад̇игаа хонд̇и. д̇зсу згамзгасмим̣ згуунабан̃н̃аасам̣ гад̇ваа –
Tevīsatimūlake paṭhamadvāvīsatikena saddhiṃ dvīsu vigatāvigatapaccayesu ekamekassa yojanāvasena dve tevīsatikā honti. Tesu ekamekasmiṃ ekūnapaññāsaṃ katvā –
адтанавуд̇имзвид̇ха, бужчаа г̇ан̣анад̇о мад̇аа;
Aṭṭhanavutimevidha, pucchā gaṇanato matā;
наяамхи д̇звийсад̇имз, д̇звийсад̇игамуулагз.
Nayamhi tevīsatime, tevīsatikamūlake.
жад̇увийсад̇имуулаго бана саб̣б̣абажжаяаанам̣ самод̇хаанавасзна взд̣̇ид̇аб̣б̣о, д̇знзва саб̣б̣амуулагод̇и вуд̇д̇о. д̇ад̇т̇а згуунабан̃н̃аасамзва бужчаа хонд̇ийд̇и саб̣б̣аабзд̇аа хзд̇убажжаяабад̣̇амзва г̇ахзд̇ваа згамуулагаад̣̇ийнам̣ саб̣б̣амуулагабарияосаанаанам̣ васзна сад̇т̇аараа д̣̇звабарисад̇и вид̇т̇аарад̇о вибхад̇д̇аа бужчаа ид̇ха сан̇кзбзна д̣̇ассид̇аа.
Catuvīsatimūlako pana sabbapaccayānaṃ samodhānavasena veditabbo, teneva sabbamūlakoti vutto. Tattha ekūnapaññāsameva pucchā hontīti sabbāpetā hetupaccayapadameva gahetvā ekamūlakādīnaṃ sabbamūlakapariyosānānaṃ vasena satthārā devaparisati vitthārato vibhattā pucchā idha saṅkhepena dassitā.
д̇аасам̣ бана саб̣б̣аасамби аяам̣ г̇ан̣анабин̣д̣о – згамуулаганаяасмин̃хи згаад̣̇аса сад̇аани часад̇д̇ад̇и жа бужчаа ааг̇ад̇аа. хзд̇убажжаяанаяз д̇знзва муулагзна згуунабан̃н̃аасам̣ гад̇ваа имасмим̣ хзд̇убажжаяамуулагз г̇ахзд̇аб̣б̣аа, сзсаа сзсабажжаяамуулагзсу багкибид̇аб̣б̣аа. д̣̇умуулагз сад̇д̇авийсаани згаад̣̇аса сад̇аани, д̇имуулагз сахассам̣ адтасад̇д̇ад̇и жа, жад̇умуулагз сахассам̣ згуунад̇им̣сан̃жа, бан̃жамуулагз асийд̇аад̇хигаани нава сад̇аани, чамуулагз згад̇им̣саани нава сад̇аани, сад̇д̇амуулагз д̣̇ваасийд̇аани адта сад̇аани, адтамуулагз д̇зд̇д̇им̣саани адта сад̇аани, навамуулагз жад̇ураасийд̇аани сад̇д̇а сад̇аани, д̣̇асамуулагз бан̃жад̇им̣саани сад̇д̇а сад̇аани, згаад̣̇асамуулагз чаасийд̇аани ча сад̇аани, д̣̇ваад̣̇асамуулагз сад̇д̇ад̇им̣саани ча сад̇аани, д̇зрасамуулагз адтаасийд̇аани бан̃жа сад̇аани, жуд̣̇д̣̇асамуулагз згуунажад̇д̇аалийсаани бан̃жа сад̇аани, баннарасамуулагз навуд̇аани жад̇д̇аари сад̇аани, сол̣асамуулагз згажад̇д̇аалийсаани жад̇д̇аари сад̇д̇аани, сад̇д̇арасамуулагз д̣̇ваанавуд̇аани д̇ийн̣и сад̇аани, адтаарасамуулагз д̇зжад̇д̇аалийсаани д̇ийн̣и сад̇аани, згуунавийсад̇имуулагз жад̇унавуд̇аани д̣̇вз сад̇аани, вийсад̇имуулагз бан̃жажад̇д̇аалийсаани д̣̇вз сад̇аани, згавийсад̇имуулагз чанавуд̇исад̇ам̣, д̣̇ваавийсад̇имуулагз сад̇д̇ажад̇д̇аалийсасад̇ам̣, д̇звийсад̇имуулагз адтанавуд̇и, саб̣б̣амуулагз згуунабан̃н̃аасаад̇и звам̣ хзд̇убад̣̇ам̣ аад̣̇им̣ гад̇ваа вибхад̇д̇зсу згамуулагаад̣̇ийсу –
Tāsaṃ pana sabbāsampi ayaṃ gaṇanapiṇḍo – ekamūlakanayasmiñhi ekādasa satāni chasattati ca pucchā āgatā. Hetupaccayanaye teneva mūlakena ekūnapaññāsaṃ katvā imasmiṃ hetupaccayamūlake gahetabbā, sesā sesapaccayamūlakesu pakkhipitabbā. Dumūlake sattavīsāni ekādasa satāni, timūlake sahassaṃ aṭṭhasattati ca, catumūlake sahassaṃ ekūnatiṃsañca, pañcamūlake asītādhikāni nava satāni, chamūlake ekatiṃsāni nava satāni, sattamūlake dvāsītāni aṭṭha satāni, aṭṭhamūlake tettiṃsāni aṭṭha satāni, navamūlake caturāsītāni satta satāni, dasamūlake pañcatiṃsāni satta satāni, ekādasamūlake chāsītāni cha satāni, dvādasamūlake sattatiṃsāni cha satāni, terasamūlake aṭṭhāsītāni pañca satāni, cuddasamūlake ekūnacattālīsāni pañca satāni, pannarasamūlake navutāni cattāri satāni, soḷasamūlake ekacattālīsāni cattāri sattāni, sattarasamūlake dvānavutāni tīṇi satāni, aṭṭhārasamūlake tecattālīsāni tīṇi satāni, ekūnavīsatimūlake catunavutāni dve satāni, vīsatimūlake pañcacattālīsāni dve satāni, ekavīsatimūlake chanavutisataṃ, dvāvīsatimūlake sattacattālīsasataṃ, tevīsatimūlake aṭṭhanavuti, sabbamūlake ekūnapaññāsāti evaṃ hetupadaṃ ādiṃ katvā vibhattesu ekamūlakādīsu –
жуд̣̇д̣̇асзва сахассаани, буна сад̇д̇а сад̇аани жа;
Cuddaseva sahassāni, puna satta satāni ca;
бужчаа хзд̇убад̣̇ассзва, згамуулаад̣̇ибхзд̣̇ад̇од̇и.
Pucchā hetupadasseva, ekamūlādibhedatoti.
39-40. звам̣ хзд̇убажжаяам̣ аад̣̇им̣ гад̇ваа згамуулагад̇о бадтааяа яаава саб̣б̣амуулаганаяаа бужчаабхзд̣̇ам̣ д̣̇ассзд̇ваа ид̣̇аани аарамман̣абажжаяам̣ аад̣̇им̣ гад̇ваа д̣̇ассзд̇ум̣ сияаа гусалам̣ д̇хаммам̣ бадижжа гусало д̇хаммо уббаж̇ж̇зяяа аарамман̣абажжаяаа хзд̇убажжаяаад̇иаад̣̇имааха. д̇ад̇т̇а аарамман̣абажжаяаа хзд̇убажжаяаад̇и зд̇д̇аавад̇аа аарамман̣абажжаяам̣ аад̣̇им̣ гад̇ваа хзд̇убажжаяабарияосаано згамуулаганаяо д̣̇ассид̇о. д̇ад̇о барам̣ аарамман̣абажжаяаа ад̇хибад̇ибажжаяаад̇и д̣̇угамуулагам̣ аарад̣̇д̇хам̣. д̇ад̇т̇а имам̣ батамад̣̇уган̃жзва аарамман̣аавиг̇ад̇ад̣̇уган̃жа д̣̇ассзд̇ваа сзсам̣ сан̇кид̇д̇ам̣. аарамман̣абажжаяаа хзд̇убажжаяаад̇и аяам̣ осаанад̣̇угоби на д̣̇ассид̇о. сажз бана гад̇т̇ажи ваажанаамаг̇г̇з санд̣̇иссад̇и, свзва ваажанаамаг̇г̇о г̇ахзд̇аб̣б̣о. д̇ад̇о барам̣ аарамман̣абажжаяавасзна д̇игамуулагаад̣̇аяо ад̣̇ассзд̇ваава ад̇хибад̇ибажжаяам̣ аад̣̇им̣ гад̇ваа згагаад̣̇аяо д̣̇ассзд̇ум̣ ад̇хибад̇ибажжаяаа, ананд̇арабажжаяаа, самананд̇арабажжаяаа, сахаж̇аад̇абажжаяаа, ан̃н̃аман̃н̃абажжаяаад̇и зд̇д̇агамзва вуд̇д̇ам̣, д̇ам̣ згамуулагавасзна ваа саб̣б̣амуулагавасзна ваа взд̣̇ид̇аб̣б̣ам̣.
39-40. Evaṃ hetupaccayaṃ ādiṃ katvā ekamūlakato paṭṭhāya yāva sabbamūlakanayā pucchābhedaṃ dassetvā idāni ārammaṇapaccayaṃ ādiṃ katvā dassetuṃ siyā kusalaṃ dhammaṃ paṭicca kusalo dhammo uppajjeyya ārammaṇapaccayā hetupaccayātiādimāha. Tattha ārammaṇapaccayā hetupaccayāti ettāvatā ārammaṇapaccayaṃ ādiṃ katvā hetupaccayapariyosāno ekamūlakanayo dassito. Tato paraṃ ārammaṇapaccayā adhipatipaccayāti dukamūlakaṃ āraddhaṃ. Tattha imaṃ paṭhamadukañceva ārammaṇāvigatadukañca dassetvā sesaṃ saṅkhittaṃ. Ārammaṇapaccayā hetupaccayāti ayaṃ osānadukopi na dassito. Sace pana katthaci vācanāmagge sandissati, sveva vācanāmaggo gahetabbo. Tato paraṃ ārammaṇapaccayavasena tikamūlakādayo adassetvāva adhipatipaccayaṃ ādiṃ katvā ekakādayo dassetuṃ adhipatipaccayā, anantarapaccayā, samanantarapaccayā, sahajātapaccayā, aññamaññapaccayāti ettakameva vuttaṃ, taṃ ekamūlakavasena vā sabbamūlakavasena vā veditabbaṃ.
41. д̇ад̇о барам̣ авиг̇ад̇абажжаяам̣ аад̣̇им̣ гад̇ваа д̣̇умуулагамзва д̣̇ассзд̇ум̣ – авиг̇ад̇абажжаяаа хзд̇убажжаяаад̇иаад̣̇и аарад̣̇д̇хам̣. д̇ад̇т̇а авиг̇ад̇ахзд̇уд̣̇уго, авиг̇ад̇аарамман̣ад̣̇уго, авиг̇ад̇аад̇хибад̇ид̣̇угод̇и бадибаадияаа д̇аяо д̣̇угз вад̇ваа барияосаанз жа авиг̇ад̇авиг̇ад̇ад̣̇уго зго д̣̇уго д̣̇ассид̇о. д̇ад̇о авиг̇ад̇абажжаяавасзнзва д̇имуулагам̣ д̣̇ассзд̇ум̣ – ‘‘авиг̇ад̇абажжаяаа хзд̇убажжаяаа аарамман̣абажжаяаа, авиг̇ад̇абажжаяаа хзд̇убажжаяаа ад̇хибад̇ибажжаяаа, авиг̇ад̇абажжаяаа хзд̇убажжаяаа ананд̇арабажжаяаа’’д̇и звам̣ бадибаадияаа д̇аяо д̇игз вад̇ваа ‘‘авиг̇ад̇абажжаяаа хзд̇убажжаяаа виг̇ад̇абажжаяаа’’д̇и барияосаанад̇д̇иго вуд̇д̇о. д̇ад̇о авиг̇ад̇абажжаяавасзнзва жад̇умуулагам̣ д̣̇ассзд̇ум̣ ‘‘авиг̇ад̇абажжаяаа хзд̇убажжаяаа аарамман̣абажжаяаа ад̇хибад̇ибажжаяаа, авиг̇ад̇абажжаяаа хзд̇убажжаяаа аарамман̣абажжаяаа ананд̇арабажжаяаа’’д̇и д̣̇вз жад̇уггз вад̇ваа ‘‘виг̇ад̇абажжаяаа’’д̇и бад̣̇ам̣ уд̣̇д̇харид̇ваа табид̇ам̣, сзсам̣ саб̣б̣ам̣ сан̇кид̇д̇ам̣. д̇асса сан̇кид̇д̇абхаавам̣ д̣̇ассзд̇ум̣ ‘‘згзгасса бад̣̇асса згамуулагам̣, д̣̇умуулагам̣, д̇имуулагам̣, саб̣б̣амуулагам̣ асаммуяханд̇зна вид̇т̇аарзд̇аб̣б̣а’’нд̇и вуд̇д̇ам̣. д̇асмаа яат̇аа хзд̇убажжаяам̣ аад̣̇им̣ гад̇ваа хзд̇уаад̣̇ибад̣̇авасзна згамуулагз згаад̣̇аса бужчаасад̇аани часад̇д̇ад̇и жа бужчаа…бз… саб̣б̣амуулагз згуунабан̃н̃аасам̣, звам̣ аарамман̣абажжаяаад̣̇ийсуби згамзгам̣ аад̣̇им̣ гад̇ваа аарамман̣аад̣̇ибад̣̇авасзна згамзгасса бад̣̇асса згамуулагз згаад̣̇аса бужчаасад̇аани часад̇д̇ад̇и жа бужчаа…бз… саб̣б̣амуулагз згуунабан̃н̃аасаад̇и згзгасса бад̣̇асса згамуулагаад̣̇ибхзд̣̇з сад̇д̇асад̇аад̇хигаани жуд̣̇д̣̇аса бужчаа сахассаани хонд̇и. д̇аасам̣ саб̣б̣зсуби жад̇увийсад̇ияаа бажжаязсу аяам̣ г̇ан̣анабарижчзд̣̇о –
41. Tato paraṃ avigatapaccayaṃ ādiṃ katvā dumūlakameva dassetuṃ – avigatapaccayā hetupaccayātiādi āraddhaṃ. Tattha avigatahetuduko, avigatārammaṇaduko, avigatādhipatidukoti paṭipāṭiyā tayo duke vatvā pariyosāne ca avigatavigataduko eko duko dassito. Tato avigatapaccayavaseneva timūlakaṃ dassetuṃ – ‘‘avigatapaccayā hetupaccayā ārammaṇapaccayā, avigatapaccayā hetupaccayā adhipatipaccayā, avigatapaccayā hetupaccayā anantarapaccayā’’ti evaṃ paṭipāṭiyā tayo tike vatvā ‘‘avigatapaccayā hetupaccayā vigatapaccayā’’ti pariyosānattiko vutto. Tato avigatapaccayavaseneva catumūlakaṃ dassetuṃ ‘‘avigatapaccayā hetupaccayā ārammaṇapaccayā adhipatipaccayā, avigatapaccayā hetupaccayā ārammaṇapaccayā anantarapaccayā’’ti dve catukke vatvā ‘‘vigatapaccayā’’ti padaṃ uddharitvā ṭhapitaṃ, sesaṃ sabbaṃ saṅkhittaṃ. Tassa saṅkhittabhāvaṃ dassetuṃ ‘‘ekekassa padassa ekamūlakaṃ, dumūlakaṃ, timūlakaṃ, sabbamūlakaṃ asammuyhantena vitthāretabba’’nti vuttaṃ. Tasmā yathā hetupaccayaṃ ādiṃ katvā hetuādipadavasena ekamūlake ekādasa pucchāsatāni chasattati ca pucchā…pe… sabbamūlake ekūnapaññāsaṃ, evaṃ ārammaṇapaccayādīsupi ekamekaṃ ādiṃ katvā ārammaṇādipadavasena ekamekassa padassa ekamūlake ekādasa pucchāsatāni chasattati ca pucchā…pe… sabbamūlake ekūnapaññāsāti ekekassa padassa ekamūlakādibhede sattasatādhikāni cuddasa pucchā sahassāni honti. Tāsaṃ sabbesupi catuvīsatiyā paccayesu ayaṃ gaṇanaparicchedo –
д̣̇ваабан̃н̃аасасахассаана-дтасад̇аани д̇ийн̣и сад̇асахассаани;
Dvāpaññāsasahassāna-ṭṭhasatāni tīṇi satasahassāni;
гусалад̇д̇игасса бужчаа, ануломанаяамхи сувибхад̇д̇аа.
Kusalattikassa pucchā, anulomanayamhi suvibhattā.
яат̇аа жа гусалад̇д̇игасса, звам̣ взд̣̇анаад̇д̇игаад̣̇ийнамбийд̇и саб̣б̣зсуби д̣̇ваавийсад̇ияаа д̇игзсу –
Yathā ca kusalattikassa, evaṃ vedanāttikādīnampīti sabbesupi dvāvīsatiyā tikesu –
згасадтисахассаани, ча сад̇аани сад̇д̇асад̇д̇ад̇и;
Ekasaṭṭhisahassāni, cha satāni sattasattati;
сад̇асахассаани бужчаанам̣, д̇игабхзд̣̇з бабхзд̣̇ад̇о.
Satasahassāni pucchānaṃ, tikabhede pabhedato.
сан̇кид̇д̇аа ваажанаамаг̇г̇з.
Saṅkhittā vācanāmagge.
д̣̇угзсу бана ‘‘сияаа хзд̇ум̣ д̇хаммам̣ бадижжа хзд̇уд̇хаммо уббаж̇ж̇зяяа хзд̇убажжаяаа’’д̇и звам̣ хзд̇ум̣ бадижжа хзд̇у, хзд̇ум̣ бадижжа нахзд̇у, хзд̇ум̣ бадижжа хзд̇у жа нахзд̇у жа, нахзд̇ум̣ бадижжа нахзд̇у, нахзд̇ум̣ бадижжа хзд̇у, нахзд̇ум̣ бадижжа хзд̇у жа нахзд̇у жа, хзд̇ун̃жа нахзд̇ун̃жа бадижжа хзд̇у, хзд̇ун̃жа нахзд̇ун̃жа бадижжа нахзд̇у, хзд̇ун̃жа нахзд̇ун̃жа бадижжа хзд̇у жа нахзд̇у жаад̇и згамзгасмим̣ д̣̇угз хзд̇убажжаяаад̣̇ийсу згамзгасмим̣ бажжаяз нава бужчаа хонд̇и. д̇аасу хзд̇убажжаяам̣ аад̣̇им̣ гад̇ваа згамуулагз д̣̇взсад̇аани сол̣аса жа бужчаа хонд̇и. д̇аасу хзд̇убажжаяассзва ан̃н̃зна асаммиссаа нава бужчаа г̇ахзд̇аб̣б̣аа, сзсаа адта ваарзна г̇ахид̇аа.
Dukesu pana ‘‘siyā hetuṃ dhammaṃ paṭicca hetudhammo uppajjeyya hetupaccayā’’ti evaṃ hetuṃ paṭicca hetu, hetuṃ paṭicca nahetu, hetuṃ paṭicca hetu ca nahetu ca, nahetuṃ paṭicca nahetu, nahetuṃ paṭicca hetu, nahetuṃ paṭicca hetu ca nahetu ca, hetuñca nahetuñca paṭicca hetu, hetuñca nahetuñca paṭicca nahetu, hetuñca nahetuñca paṭicca hetu ca nahetu cāti ekamekasmiṃ duke hetupaccayādīsu ekamekasmiṃ paccaye nava pucchā honti. Tāsu hetupaccayaṃ ādiṃ katvā ekamūlake dvesatāni soḷasa ca pucchā honti. Tāsu hetupaccayasseva aññena asammissā nava pucchā gahetabbā, sesā aṭṭha vārena gahitā.
д̇аасам̣ д̣̇угамуулагаад̣̇ийсу д̇звийсад̇ияаа ваарзсу згзгам̣ навагам̣ абанзд̇ваа яаава саб̣б̣амуулагаа аяам̣ г̇ан̣анабарижчзд̣̇о – д̣̇угамуулагз д̇аава згамуулагз д̣̇ассид̇зсу д̣̇вийсу сол̣асаад̇хигзсу бужчаасад̇зсу нава абанзд̇ваа д̣̇взсад̇аани сад̇д̇а жа бужчаа хонд̇и, д̇ад̇о нава абанзд̇ваа д̇имуулагз адтанавуд̇исад̇ам̣. звам̣ буримабуримад̇о нава нава абанзд̇ваа жад̇умуулагз згуунанавуд̇исад̇ам̣, бан̃жамуулагз асийд̇исад̇ам̣, чамуулагз згасад̇д̇ад̇исад̇ам̣, сад̇д̇амуулагз д̣̇ваасадтисад̇ам̣, адтамуулагз д̇збан̣н̣аасасад̇ам̣, навамуулагз жад̇ужад̇д̇аалийсасад̇ам̣, д̣̇асамуулагз бан̃жад̇им̣сасад̇ам̣, згаад̣̇асамуулагз чаб̣б̣ийсасад̇ам̣, д̣̇ваад̣̇асамуулагз сад̇д̇арасаад̇хигасад̇ам̣, д̇зрасамуулагз адтаад̇хигасад̇ам̣, жуд̣̇д̣̇асамуулагз наванавуд̇и, баннарасамуулагз навуд̇и, сол̣асамуулагз згаасийд̇и, сад̇д̇арасамуулагз д̣̇ваасад̇д̇ад̇и, адтаарасамуулагз д̇зсадти, згуунавийсад̇имуулагз жад̇убан̃н̃аасам̣, вийсад̇имуулагз бан̃жажад̇д̇аалийсам̣, згавийсад̇имуулагз чад̇д̇им̣сам̣, д̣̇ваавийсад̇имуулагз сад̇д̇авийса, д̇звийсад̇имуулагз адтаараса, саб̣б̣амуулагз наваад̇и. яат̇аа банзд̇аани хзд̇убажжаяавасзна згамуулагз сол̣асаад̇хигаани д̣̇вз бужчаасад̇аани…бз… саб̣б̣амуулагз нава, звам̣ аарамман̣абажжаяаад̣̇ийсуби згамзгам̣ аад̣̇им̣ гад̇ваа аарамман̣аад̣̇ибад̣̇авасзна згзгасса бад̣̇асса згамуулагз сол̣асаад̇хигаани д̣̇вз бужчаасад̇аани…бз… саб̣б̣амуулагз наваад̇и згзгасса бад̣̇асса згамуулагаад̣̇ибхзд̣̇з д̣̇вз бужчаа сахассаани сад̇д̇асад̇аани жа бужчаа хонд̇и. д̇аасам̣ саб̣б̣зсуби жад̇увийсад̇ияаа бажжаязсу аяам̣ г̇ан̣анабарижчзд̣̇о –
Tāsaṃ dukamūlakādīsu tevīsatiyā vāresu ekekaṃ navakaṃ apanetvā yāva sabbamūlakā ayaṃ gaṇanaparicchedo – dukamūlake tāva ekamūlake dassitesu dvīsu soḷasādhikesu pucchāsatesu nava apanetvā dvesatāni satta ca pucchā honti, tato nava apanetvā timūlake aṭṭhanavutisataṃ. Evaṃ purimapurimato nava nava apanetvā catumūlake ekūnanavutisataṃ, pañcamūlake asītisataṃ, chamūlake ekasattatisataṃ, sattamūlake dvāsaṭṭhisataṃ, aṭṭhamūlake tepaṇṇāsasataṃ, navamūlake catucattālīsasataṃ, dasamūlake pañcatiṃsasataṃ, ekādasamūlake chabbīsasataṃ, dvādasamūlake sattarasādhikasataṃ, terasamūlake aṭṭhādhikasataṃ, cuddasamūlake navanavuti, pannarasamūlake navuti, soḷasamūlake ekāsīti, sattarasamūlake dvāsattati, aṭṭhārasamūlake tesaṭṭhi, ekūnavīsatimūlake catupaññāsaṃ, vīsatimūlake pañcacattālīsaṃ, ekavīsatimūlake chattiṃsaṃ, dvāvīsatimūlake sattavīsa, tevīsatimūlake aṭṭhārasa, sabbamūlake navāti. Yathā panetāni hetupaccayavasena ekamūlake soḷasādhikāni dve pucchāsatāni…pe… sabbamūlake nava, evaṃ ārammaṇapaccayādīsupi ekamekaṃ ādiṃ katvā ārammaṇādipadavasena ekekassa padassa ekamūlake soḷasādhikāni dve pucchāsatāni…pe… sabbamūlake navāti ekekassa padassa ekamūlakādibhede dve pucchā sahassāni sattasatāni ca pucchā honti. Tāsaṃ sabbesupi catuvīsatiyā paccayesu ayaṃ gaṇanaparicchedo –
жад̇усадтисахассаани, буна адтасад̇аани жа;
Catusaṭṭhisahassāni, puna aṭṭhasatāni ca;
бужчаа хзд̇уд̣̇угассзва, ануломанаяз мад̇аа.
Pucchā hetudukasseva, anulomanaye matā.
яат̇аа жа хзд̇уд̣̇угасса, звам̣ сахзд̇угад̣̇угаад̣̇ийнамбийд̇и саб̣б̣асмимби д̣̇угасад̇з –
Yathā ca hetudukassa, evaṃ sahetukadukādīnampīti sabbasmimpi dukasate –
садти сад̇асахассаани, жад̇д̇аари жа д̇ад̇обарам̣;
Saṭṭhi satasahassāni, cattāri ca tatoparaṃ;
асийд̇и жа сахассаани, бужчаа д̣̇угасад̇з вид̣̇уу.
Asīti ca sahassāni, pucchā dukasate vidū.
аяам̣ д̇аава суд̣̇д̇хигз д̇игабадтаанз жзва д̣̇угабадтаанз жа бужчаанам̣ г̇ан̣анабарижчзд̣̇о.
Ayaṃ tāva suddhike tikapaṭṭhāne ceva dukapaṭṭhāne ca pucchānaṃ gaṇanaparicchedo.
яам̣ бана д̇ад̇о барам̣ д̣̇ваавийсад̇и д̇игз г̇ахзд̇ваа д̣̇угасад̇з багкибид̇ваа д̣̇угад̇игабадтаанам̣ наама д̣̇зсид̇ам̣, д̇ад̇т̇а ‘‘сияаа хзд̇ум̣ гусалам̣ д̇хаммам̣ бадижжа хзд̇у гусало д̇хаммо уббаж̇ж̇зяяа хзд̇убажжаяаа’’д̇и звам̣ д̣̇ваавийсад̇ияаа д̇игзсу згзгам̣ д̇игам̣ д̣̇угаанам̣ сад̇зна сад̇зна сад̣̇д̇хим̣ яож̇зд̇ваа д̣̇ассзд̇аб̣б̣аанам̣ бужчаанам̣ хздтаа вуд̇д̇анаязна саб̣б̣зсам̣ згамуулагаад̣̇ийнам̣ васзна г̇ахзд̇ваа барижчзд̣̇о взд̣̇ид̇аб̣б̣о.
Yaṃ pana tato paraṃ dvāvīsati tike gahetvā dukasate pakkhipitvā dukatikapaṭṭhānaṃ nāma desitaṃ, tattha ‘‘siyā hetuṃ kusalaṃ dhammaṃ paṭicca hetu kusalo dhammo uppajjeyya hetupaccayā’’ti evaṃ dvāvīsatiyā tikesu ekekaṃ tikaṃ dukānaṃ satena satena saddhiṃ yojetvā dassetabbānaṃ pucchānaṃ heṭṭhā vuttanayena sabbesaṃ ekamūlakādīnaṃ vasena gahetvā paricchedo veditabbo.
яамби д̇ад̇о барам̣ д̣̇угасад̇ам̣ г̇ахзд̇ваа д̣̇ваавийсад̇ияаа д̇игзсу багкибид̇ваа д̇игад̣̇угабадтаанам̣ наама д̣̇зсид̇ам̣, д̇ад̇т̇ааби ‘‘сияаа гусалам̣ хзд̇ум̣ д̇хаммам̣ бадижжа гусало хзд̇уд̇хаммо уббаж̇ж̇зяяа хзд̇убажжаяаа’’д̇и звам̣ д̣̇угасад̇з згзгам̣ д̣̇угам̣ д̣̇ваавийсад̇ияаа д̇игзхи сад̣̇д̇хим̣ яож̇зд̇ваа д̣̇ассзд̇аб̣б̣аанам̣ бужчаанам̣ хздтаа вуд̇д̇анаязна саб̣б̣зсам̣ згамуулагаад̣̇ийнам̣ васзна г̇ахзд̇ваа барижчзд̣̇о взд̣̇ид̇аб̣б̣о.
Yampi tato paraṃ dukasataṃ gahetvā dvāvīsatiyā tikesu pakkhipitvā tikadukapaṭṭhānaṃ nāma desitaṃ, tatthāpi ‘‘siyā kusalaṃ hetuṃ dhammaṃ paṭicca kusalo hetudhammo uppajjeyya hetupaccayā’’ti evaṃ dukasate ekekaṃ dukaṃ dvāvīsatiyā tikehi saddhiṃ yojetvā dassetabbānaṃ pucchānaṃ heṭṭhā vuttanayena sabbesaṃ ekamūlakādīnaṃ vasena gahetvā paricchedo veditabbo.
яамби д̇ад̇о барам̣ д̇игз д̇игзсуязва багкибид̇ваа д̇игад̇игабадтаанам̣ наама д̣̇зсид̇ам̣, д̇ад̇т̇ааби ‘‘сияаа гусалам̣ сукааяа взд̣̇анааяа самбаяуд̇д̇ам̣ д̇хаммам̣ бадижжа гусало сукааяа взд̣̇анааяа самбаяуд̇д̇о д̇хаммо уббаж̇ж̇зяяа хзд̇убажжаяаа’’д̇и звам̣ д̣̇ваавийсад̇ияаа д̇игзсу згзгам̣ д̇игам̣ сзсзхи згавийсад̇ияаа д̇игзхи сад̣̇д̇хим̣ яож̇зд̇ваа д̣̇ассзд̇аб̣б̣аанам̣ бужчаанам̣ хздтаа вуд̇д̇анаязна саб̣б̣зсам̣ згамуулагаад̣̇ийнам̣ васзна г̇ахзд̇ваа барижчзд̣̇о взд̣̇ид̇аб̣б̣о.
Yampi tato paraṃ tike tikesuyeva pakkhipitvā tikatikapaṭṭhānaṃ nāma desitaṃ, tatthāpi ‘‘siyā kusalaṃ sukhāya vedanāya sampayuttaṃ dhammaṃ paṭicca kusalo sukhāya vedanāya sampayutto dhammo uppajjeyya hetupaccayā’’ti evaṃ dvāvīsatiyā tikesu ekekaṃ tikaṃ sesehi ekavīsatiyā tikehi saddhiṃ yojetvā dassetabbānaṃ pucchānaṃ heṭṭhā vuttanayena sabbesaṃ ekamūlakādīnaṃ vasena gahetvā paricchedo veditabbo.
яамби д̇ад̇о барам̣ д̣̇угз д̣̇угзсуязва багкибид̇ваа д̣̇угад̣̇угабадтаанам̣ наама д̣̇зсид̇ам̣, д̇ад̇т̇ааби ‘‘сияаа хзд̇ум̣ сахзд̇угам̣ д̇хаммам̣ бадижжа хзд̇у сахзд̇уго д̇хаммо уббаж̇ж̇зяяа хзд̇убажжаяаа’’д̇и звам̣ д̣̇угасад̇з згзгам̣ д̣̇угам̣ сзсзхи наванавуд̇ияаа д̣̇угзхи сад̣̇д̇хим̣ яож̇зд̇ваа д̣̇ассзд̇аб̣б̣аанам̣ бужчаанам̣ хздтаа вуд̇д̇анаязна саб̣б̣зсам̣ згамуулагаад̣̇ийнам̣ васзна г̇ахзд̇ваа барижчзд̣̇о взд̣̇ид̇аб̣б̣о. д̇ат̇ааг̇ад̇зна хи саб̣б̣амбзд̇ам̣ бабхзд̣̇ам̣ д̣̇ассзд̇ваава д̣̇звабарисааяа д̇хаммо д̣̇зсид̇о, д̇хаммасзнаабад̇исса бана д̇зна ‘‘аж̇ж̇а ид̣̇ан̃жид̣̇ан̃жа д̣̇зсид̇а’’нд̇и сан̇кибид̇ваа наяад̣̇ассанамад̇д̇знзва д̣̇зсанаа агкаад̇аа. т̇зрзнааби сан̇кибид̇ваава ваажанаамаг̇г̇о бавад̇д̇ид̇о, со т̇зрзна бавад̇д̇ид̇анаязнзва сан̇г̇ийд̇игаалз сан̇г̇ахам̣ ааробид̇о.
Yampi tato paraṃ duke dukesuyeva pakkhipitvā dukadukapaṭṭhānaṃ nāma desitaṃ, tatthāpi ‘‘siyā hetuṃ sahetukaṃ dhammaṃ paṭicca hetu sahetuko dhammo uppajjeyya hetupaccayā’’ti evaṃ dukasate ekekaṃ dukaṃ sesehi navanavutiyā dukehi saddhiṃ yojetvā dassetabbānaṃ pucchānaṃ heṭṭhā vuttanayena sabbesaṃ ekamūlakādīnaṃ vasena gahetvā paricchedo veditabbo. Tathāgatena hi sabbampetaṃ pabhedaṃ dassetvāva devaparisāya dhammo desito, dhammasenāpatissa pana tena ‘‘ajja idañcidañca desita’’nti saṅkhipitvā nayadassanamatteneva desanā akkhātā. Therenāpi saṅkhipitvāva vācanāmaggo pavattito, so therena pavattitanayeneva saṅgītikāle saṅgahaṃ āropito.
д̇ам̣ банасса сан̇кзбанаяам̣ д̣̇ассзд̇ум̣ д̇иган̃жа бадтаанаваранд̇и аяам̣ г̇аат̇аа табид̇аа. д̇ассад̇т̇о – д̇иган̃жа бадтаанаваранд̇и баварам̣ д̇игабадтаанан̃жа. д̣̇угуд̇д̇аманд̇и уд̇д̇амам̣ сздтам̣ д̣̇угабадтаанан̃жа. д̣̇угад̇иган̃жзваад̇и д̣̇угад̇игабадтаанан̃жа. д̇игад̣̇уган̃жаад̇и д̇игад̣̇угабадтаанан̃жа. д̇игад̇иган̃жзваад̇и д̇игад̇игабадтаанан̃жа. д̣̇угад̣̇уган̃жаад̇и д̣̇угад̣̇угабадтаанан̃жа. ча ануломамхи наяаа суг̇амбхийраад̇и зд̇з д̇игабадтаанаад̣̇аяо судту г̇амбхийраа ча наяаа ануломамхи взд̣̇ид̇аб̣б̣аад̇и. д̇ад̇т̇а д̣̇вз ануломаани – д̇хаммаануломан̃жа бажжаяаануломан̃жа. д̇ад̇т̇а ‘‘гусалам̣ д̇хаммам̣ бадижжа гусало д̇хаммо’’д̇и звам̣ абхид̇хаммамаад̇игаабад̣̇зхи сан̇г̇ахид̇аанам̣ д̇хаммаанам̣ ануломад̣̇зсанаавасзна бавад̇д̇ам̣ д̇хаммаануломам̣ наама. ‘‘хзд̇убажжаяаа аарамман̣абажжаяаа’’д̇и звам̣ жад̇увийсад̇ияаа бажжаяаанам̣ ануломад̣̇зсанаавасзна бавад̇д̇ам̣ бажжаяаануломам̣ наама.
Taṃ panassa saṅkhepanayaṃ dassetuṃ tikañca paṭṭhānavaranti ayaṃ gāthā ṭhapitā. Tassattho – tikañca paṭṭhānavaranti pavaraṃ tikapaṭṭhānañca. Dukuttamanti uttamaṃ seṭṭhaṃ dukapaṭṭhānañca. Dukatikañcevāti dukatikapaṭṭhānañca. Tikadukañcāti tikadukapaṭṭhānañca. Tikatikañcevāti tikatikapaṭṭhānañca. Dukadukañcāti dukadukapaṭṭhānañca. Cha anulomamhi nayā sugambhīrāti ete tikapaṭṭhānādayo suṭṭhu gambhīrā cha nayā anulomamhi veditabbāti. Tattha dve anulomāni – dhammānulomañca paccayānulomañca. Tattha ‘‘kusalaṃ dhammaṃ paṭicca kusalo dhammo’’ti evaṃ abhidhammamātikāpadehi saṅgahitānaṃ dhammānaṃ anulomadesanāvasena pavattaṃ dhammānulomaṃ nāma. ‘‘Hetupaccayā ārammaṇapaccayā’’ti evaṃ catuvīsatiyā paccayānaṃ anulomadesanāvasena pavattaṃ paccayānulomaṃ nāma.
д̇ад̇т̇а хздтаа адтагат̇ааяам̣ ‘‘д̇иган̃жа бадтаанаварам̣…бз… ча ануломамхи наяаа суг̇амбхийраа’’д̇и аяам̣ г̇аат̇аа д̇хаммаануломам̣ санд̇хааяа вуд̇д̇аа. ид̇ха бана аяам̣ г̇аат̇аа д̇асмим̣ д̇хаммаануломз бажжаяаануломам̣ санд̇хааяа вуд̇д̇аа. д̇асмаа ‘‘ча ануломамхи наяаа суг̇амбхийраа’’д̇и адтагат̇ааг̇аат̇ааяа д̇хаммаануломз д̇игабадтаанаад̣̇аяо ча наяаа суг̇амбхийраад̇и звамад̇т̇о взд̣̇ид̇аб̣б̣о. имасмим̣ баногаасз ‘‘хзд̇убажжаяаа аарамман̣абажжаяаа’’д̇и звам̣ бавад̇д̇з бажжаяаануломз зд̇з д̇хаммаануломз д̇игабадтаанаад̣̇аяо ‘‘ча наяаа суг̇амбхийраа’’д̇и звамад̇т̇о взд̣̇ид̇аб̣б̣о. д̇зсу ануломз д̇игабадтаанз гусалад̇д̇игамад̇д̇ассзва васзна аяам̣ имасмим̣ бадижжаваарасса бан̣н̣ад̇д̇иваарз сан̇кибид̇ваа бужчаабабхзд̣̇о д̣̇ассид̇о. сзсзсу бана д̇игзсу сзсабадтаанзсу жа згааби бужчаа на д̣̇ассид̇аа. д̇ад̇о барзсу бана сахаж̇аад̇аваараад̣̇ийсу гусалад̇д̇игассааби васзна бужчам̣ ануд̣̇д̇харид̇ваа лаб̣бхамаанагавасзна виссаж̇ж̇анамзва д̣̇ассид̇ам̣. ‘‘ча ануломамхи наяаа суг̇амбхийраа’’д̇и важанад̇о бана имасмим̣ бажжаяаануломз чаби зд̇з бадтаананаяаа бужчаавасзна уд̣̇д̇харид̇ваа д̣̇ассзд̇аб̣б̣аа. бадтаанам̣ ван̣н̣аяанд̇аанан̃хи аажарияаанам̣ бхааро зсод̇и.
Tattha heṭṭhā aṭṭhakathāyaṃ ‘‘tikañca paṭṭhānavaraṃ…pe… cha anulomamhi nayā sugambhīrā’’ti ayaṃ gāthā dhammānulomaṃ sandhāya vuttā. Idha pana ayaṃ gāthā tasmiṃ dhammānulome paccayānulomaṃ sandhāya vuttā. Tasmā ‘‘cha anulomamhi nayā sugambhīrā’’ti aṭṭhakathāgāthāya dhammānulome tikapaṭṭhānādayo cha nayā sugambhīrāti evamattho veditabbo. Imasmiṃ panokāse ‘‘hetupaccayā ārammaṇapaccayā’’ti evaṃ pavatte paccayānulome ete dhammānulome tikapaṭṭhānādayo ‘‘cha nayā sugambhīrā’’ti evamattho veditabbo. Tesu anulome tikapaṭṭhāne kusalattikamattasseva vasena ayaṃ imasmiṃ paṭiccavārassa paṇṇattivāre saṅkhipitvā pucchāpabhedo dassito. Sesesu pana tikesu sesapaṭṭhānesu ca ekāpi pucchā na dassitā. Tato paresu pana sahajātavārādīsu kusalattikassāpi vasena pucchaṃ anuddharitvā labbhamānakavasena vissajjanameva dassitaṃ. ‘‘Cha anulomamhi nayā sugambhīrā’’ti vacanato pana imasmiṃ paccayānulome chapi ete paṭṭhānanayā pucchāvasena uddharitvā dassetabbā. Paṭṭhānaṃ vaṇṇayantānañhi ācariyānaṃ bhāro esoti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 3. бужчаавааро • 3. Pucchāvāro
