| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. бажжаяабажжанийяаван̣н̣анаа
2. Paccayapaccanīyavaṇṇanā
42-44. ид̣̇аани бажжанийяам̣ ход̇и. д̇ам̣ д̣̇ассзд̇ум̣ сияаа гусалам̣ д̇хаммам̣ бадижжа гусало д̇хаммо уббаж̇ж̇зяяа на хзд̇убажжаяаад̇иаад̣̇и аарад̣̇д̇хам̣. д̇ад̇т̇а ануломабужчаахи самаббамаан̣ова бужчаабарижчзд̣̇о. д̇знзвзд̇т̇а ‘‘яат̇аа ануломз хзд̇убажжаяо вид̇т̇аарид̇о, звам̣ бажжанийязби нахзд̇убажжаяо вид̇т̇аарзд̇аб̣б̣о’’д̇и вад̇ваа буна барияосаанз ‘‘яат̇аа ануломз згзгасса бад̣̇асса згамуулагам̣, д̣̇умуулагам̣, д̇имуулагам̣, жад̇умуулагам̣ яаава д̇звийсад̇имуулагам̣, звам̣ бажжанийязби вид̇т̇аарзд̇аб̣б̣а’’нд̇и вуд̇д̇ам̣. д̇звийсад̇имуулаганд̇и ид̣̇ан̃жзд̇т̇а д̣̇умуулагам̣язва санд̇хааяа вуд̇д̇ам̣. барияосаанз бана саб̣б̣амуулагам̣ жад̇увийсад̇имуулагамби ход̇иязва. д̇ам̣ саб̣б̣ам̣ сан̇кид̇д̇амзваад̇и.
42-44. Idāni paccanīyaṃ hoti. Taṃ dassetuṃ siyā kusalaṃ dhammaṃ paṭicca kusalo dhammo uppajjeyya na hetupaccayātiādi āraddhaṃ. Tattha anulomapucchāhi samappamāṇova pucchāparicchedo. Tenevettha ‘‘yathā anulome hetupaccayo vitthārito, evaṃ paccanīyepi nahetupaccayo vitthāretabbo’’ti vatvā puna pariyosāne ‘‘yathā anulome ekekassa padassa ekamūlakaṃ, dumūlakaṃ, timūlakaṃ, catumūlakaṃ yāva tevīsatimūlakaṃ, evaṃ paccanīyepi vitthāretabba’’nti vuttaṃ. Tevīsatimūlakanti idañcettha dumūlakaṃyeva sandhāya vuttaṃ. Pariyosāne pana sabbamūlakaṃ catuvīsatimūlakampi hotiyeva. Taṃ sabbaṃ saṅkhittamevāti.
д̇иган̃жа бадтаанаварам̣…бз… ча бажжанийяамхи наяаа суг̇амбхийраад̇и зд̇т̇ааби д̣̇вз бажжанийяаани – д̇хаммабажжанийяан̃жа бажжаяабажжанийяан̃жа. д̇ад̇т̇а ‘‘гусалаа д̇хаммаа’’д̇и звам̣ абхид̇хаммамаад̇игаабад̣̇зхи сан̇г̇ахид̇аанам̣ д̇хаммаанам̣ ‘‘на гусалам̣ д̇хаммам̣ бадижжа на гусало д̇хаммо’’д̇и бажжанийяад̣̇зсанаавасзна бавад̇д̇ам̣ д̇хаммабажжанийяам̣ наама. ‘‘нахзд̇убажжаяаа наарамман̣абажжаяаа’’д̇и звам̣ жад̇увийсад̇ияаа бажжаяаанам̣ бажжанийяад̣̇зсанаавасзна бавад̇д̇ам̣ бажжаяабажжанийяам̣ наама. д̇ад̇т̇а хздтаа адтагат̇ааяам̣ ‘‘д̇иган̃жа бадтаанаварам̣…бз… ча бажжанийяамхи наяаа суг̇амбхийраа’’д̇и аяам̣ г̇аат̇аа д̇хаммабажжанийяам̣ санд̇хааяа вуд̇д̇аа. ид̇ха бана аяам̣ г̇аат̇аа д̇хаммаануломзязва бажжаяабажжанийяам̣ санд̇хааяа вуд̇д̇аа. д̇асмаа ‘‘ча бажжанийяамхи наяаа суг̇амбхийраа’’д̇и адтагат̇ааг̇аат̇ааяа д̇хаммабажжанийяз д̇игабадтаанаад̣̇аяо ча наяаа суг̇амбхийраад̇и звамад̇т̇о взд̣̇ид̇аб̣б̣о. имасмим̣ баногаасз на хзд̇убажжаяаа наарамман̣абажжаяаад̇и звам̣ бавад̇д̇з бажжаяабажжанийяз зд̇з д̇хаммаануломзязва д̇игабадтаанаад̣̇аяо ча наяаа суг̇амбхийраад̇и звамад̇т̇о взд̣̇ид̇аб̣б̣о.
Tikañcapaṭṭhānavaraṃ…pe… cha paccanīyamhi nayā sugambhīrāti etthāpi dve paccanīyāni – dhammapaccanīyañca paccayapaccanīyañca. Tattha ‘‘kusalā dhammā’’ti evaṃ abhidhammamātikāpadehi saṅgahitānaṃ dhammānaṃ ‘‘na kusalaṃ dhammaṃ paṭicca na kusalo dhammo’’ti paccanīyadesanāvasena pavattaṃ dhammapaccanīyaṃ nāma. ‘‘Nahetupaccayā nārammaṇapaccayā’’ti evaṃ catuvīsatiyā paccayānaṃ paccanīyadesanāvasena pavattaṃ paccayapaccanīyaṃ nāma. Tattha heṭṭhā aṭṭhakathāyaṃ ‘‘tikañca paṭṭhānavaraṃ…pe… cha paccanīyamhi nayā sugambhīrā’’ti ayaṃ gāthā dhammapaccanīyaṃ sandhāya vuttā. Idha pana ayaṃ gāthā dhammānulomeyeva paccayapaccanīyaṃ sandhāya vuttā. Tasmā ‘‘cha paccanīyamhi nayā sugambhīrā’’ti aṭṭhakathāgāthāya dhammapaccanīye tikapaṭṭhānādayo cha nayā sugambhīrāti evamattho veditabbo. Imasmiṃ panokāse na hetupaccayā nārammaṇapaccayāti evaṃ pavatte paccayapaccanīye ete dhammānulomeyeva tikapaṭṭhānādayo cha nayā sugambhīrāti evamattho veditabbo.
д̇зсу ануломад̇игабадтаанзязва гусалад̇д̇игамад̇д̇асса васзна аяам̣ имасмим̣ бадижжаваарасса бан̣н̣ад̇д̇иваарз сан̇кибид̇ваа бужчаабабхзд̣̇о д̣̇ассид̇о. сзсзсу бана д̇игзсу сзсабадтаанзсу жа згааби бужчаа на д̣̇ассид̇аа. д̇ад̇о барзсу бана сахаж̇аад̇аваараад̣̇ийсу гусалад̇д̇игассааби васзна бужчам̣ ануд̣̇д̇харид̇ваа лаб̣бхамаанагавасзна виссаж̇ж̇анамзва д̣̇ассид̇ам̣. ‘‘ча бажжанийяамхи наяаа суг̇амбхийраа’’д̇и важанад̇о бана имасмим̣ бажжаяабажжанийяз чаби зд̇з бадтаананаяаа бужчаавасзна уд̣̇д̇харид̇ваа д̣̇ассзд̇аб̣б̣аа. бадтаанам̣ ван̣н̣аяанд̇аанан̃хи аажарияаанам̣ бхааро зсод̇и.
Tesu anulomatikapaṭṭhāneyeva kusalattikamattassa vasena ayaṃ imasmiṃ paṭiccavārassa paṇṇattivāre saṅkhipitvā pucchāpabhedo dassito. Sesesu pana tikesu sesapaṭṭhānesu ca ekāpi pucchā na dassitā. Tato paresu pana sahajātavārādīsu kusalattikassāpi vasena pucchaṃ anuddharitvā labbhamānakavasena vissajjanameva dassitaṃ. ‘‘Cha paccanīyamhi nayā sugambhīrā’’ti vacanato pana imasmiṃ paccayapaccanīye chapi ete paṭṭhānanayā pucchāvasena uddharitvā dassetabbā. Paṭṭhānaṃ vaṇṇayantānañhi ācariyānaṃ bhāro esoti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 3. бужчаавааро • 3. Pucchāvāro
