| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. பச்சயஸுத்தவண்ணனா
7. Paccayasuttavaṇṇanā
27-28. ஸத்தமே படிபாடியா வுத்தேஸு பரியோஸானபத³ங் க³ஹெத்வா கதமஞ்ச, பி⁴க்க²வே, ஜராமரணந்திஆதி³ வுத்தங். ஏவங் பச்சயங் பஜானாதீதி ஏவங் து³க்க²ஸச்சவஸேன பச்சயங் ஜானாதி. பச்சயஸமுத³யாத³யோபி ஸமுத³யஸச்சாதீ³னங்யேவ வஸேன வேதி³தப்³பா³. தி³ட்டி²ஸம்பன்னோதி மக்³க³தி³ட்டி²யா ஸம்பன்னோ. த³ஸ்ஸனஸம்பன்னோதி தஸ்ஸேவ வேவசனங். ஆக³தோ இமங் ஸத்³த⁴ம்மந்தி மக்³க³ஸத்³த⁴ம்மங் ஆக³தோ. பஸ்ஸதீதி மக்³க³ஸத்³த⁴ம்மமேவ பஸ்ஸதி. ஸெக்கே²ன ஞாணேனாதி மக்³க³ஞாணேனேவ. ஸெக்கா²ய விஜ்ஜாயாதி மக்³க³விஜ்ஜாய ஏவ. த⁴ம்மஸோதங் ஸமாபன்னோதி மக்³க³ஸங்கா²தமேவ த⁴ம்மஸோதங் ஸமாபன்னோ. அரியோதி புது²ஜ்ஜனபூ⁴மிங் அதிக்கந்தோ. நிப்³பே³தி⁴கபஞ்ஞோதி நிப்³பே³தி⁴கபஞ்ஞாய ஸமன்னாக³தோ. அமதத்³வாரங் ஆஹச்ச திட்ட²தீதி அமதங் நாம நிப்³பா³னங், தஸ்ஸ த்³வாரங் அரியமக்³க³ங் ஆஹச்ச திட்ட²தீதி. அட்ட²மங் உத்தானமேவ. ஸத்தமஅட்ட²மானி.
27-28. Sattame paṭipāṭiyā vuttesu pariyosānapadaṃ gahetvā katamañca, bhikkhave, jarāmaraṇantiādi vuttaṃ. Evaṃ paccayaṃ pajānātīti evaṃ dukkhasaccavasena paccayaṃ jānāti. Paccayasamudayādayopi samudayasaccādīnaṃyeva vasena veditabbā. Diṭṭhisampannoti maggadiṭṭhiyā sampanno. Dassanasampannoti tasseva vevacanaṃ. Āgato imaṃ saddhammanti maggasaddhammaṃ āgato. Passatīti maggasaddhammameva passati. Sekkhena ñāṇenāti maggañāṇeneva. Sekkhāya vijjāyāti maggavijjāya eva. Dhammasotaṃ samāpannoti maggasaṅkhātameva dhammasotaṃ samāpanno. Ariyoti puthujjanabhūmiṃ atikkanto. Nibbedhikapaññoti nibbedhikapaññāya samannāgato. Amatadvāraṃ āhaccatiṭṭhatīti amataṃ nāma nibbānaṃ, tassa dvāraṃ ariyamaggaṃ āhacca tiṭṭhatīti. Aṭṭhamaṃ uttānameva. Sattamaaṭṭhamāni.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
7. பச்சயஸுத்தங் • 7. Paccayasuttaṃ
8. பி⁴க்கு²ஸுத்தங் • 8. Bhikkhusuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā)
7. பச்சயஸுத்தவண்ணனா • 7. Paccayasuttavaṇṇanā
8. பி⁴க்கு²ஸுத்தவண்ணனா • 8. Bhikkhusuttavaṇṇanā
