| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. পচ্চযসুত্তৰণ্ণনা
7. Paccayasuttavaṇṇanā
২৭. পটিপাটিযাতি পটিপাটিযা ঠপনেন। চতুসচ্চযোজনং দস্সেতুং পরিযোসান…পে॰… আদি ৰুত্তং। দুক্খসচ্চৰসেনাতি পরিঞ্ঞেয্যভাৰৰসেন। জরামরণাপদেসেন হি পঞ্চুপাদানক্খন্ধা ৰুত্তা, তে চস্স অত্তনো ফলস্স পচ্চযা ন হোন্তি। তং সন্ধায ৰুত্তং ‘‘পচ্চযং জানাতী’’তি। ৰিনেয্যজ্ঝাসযৰসেন হেত্থ দেসনা পৰত্তা। সম্পন্নোতি সমন্নাগতো। আগতোতি উপগতো, অধিগতোতি অত্থো। পস্সতীতি পচ্চৰেক্খণঞাণেন পচ্চক্খতো পস্সতি, মগ্গপঞ্ঞায এৰং অসম্মোহপটিৰেধৰসেন পস্সতি। মগ্গঞাণেনেৰ, ন ফলঞাণেন। ধম্মসোতং সমাপন্নোতি অরিযধম্মসোতং সম্মদেৰ আপন্নো পত্তো। অনযে নইরিযনতো, অযে চ ইরিযনতো, সদেৰকেন চ লোকেন ‘‘সরণ’’ন্তি অকরণীযতো অরিযপক্খং ভজন্তো পুথুজ্জনভূমিং অতিক্কন্তো। নিব্বেধিকপঞ্ঞাযাতি চতুন্নং অরিযসচ্চানং নিব্বিজ্ঝনকপঞ্ঞায। আহচ্চ তিট্ঠতি মগ্গক্খণে, ফলক্খণে পন আহচ্চ ঠিতো নাম।
27.Paṭipāṭiyāti paṭipāṭiyā ṭhapanena. Catusaccayojanaṃ dassetuṃ pariyosāna…pe… ādi vuttaṃ. Dukkhasaccavasenāti pariññeyyabhāvavasena. Jarāmaraṇāpadesena hi pañcupādānakkhandhā vuttā, te cassa attano phalassa paccayā na honti. Taṃ sandhāya vuttaṃ ‘‘paccayaṃ jānātī’’ti. Vineyyajjhāsayavasena hettha desanā pavattā. Sampannoti samannāgato. Āgatoti upagato, adhigatoti attho. Passatīti paccavekkhaṇañāṇena paccakkhato passati, maggapaññāya evaṃ asammohapaṭivedhavasena passati. Maggañāṇeneva, na phalañāṇena. Dhammasotaṃ samāpannoti ariyadhammasotaṃ sammadeva āpanno patto. Anaye nairiyanato, aye ca iriyanato, sadevakena ca lokena ‘‘saraṇa’’nti akaraṇīyato ariyapakkhaṃ bhajanto puthujjanabhūmiṃ atikkanto. Nibbedhikapaññāyāti catunnaṃ ariyasaccānaṃ nibbijjhanakapaññāya. Āhacca tiṭṭhati maggakkhaṇe, phalakkhaṇe pana āhacca ṭhito nāma.
পচ্চযসুত্তৰণ্ণনা নিট্ঠিতা।
Paccayasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. পচ্চযসুত্তং • 7. Paccayasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. পচ্চযসুত্তৰণ্ণনা • 7. Paccayasuttavaṇṇanā
