| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. бажжаяасуд̇д̇аван̣н̣анаа
10. Paccayasuttavaṇṇanā
20. д̣̇асамз бадижжасамуббаад̣̇ан̃жа во бхигкавз, д̣̇зсзссаами бадижжасамуббаннз жа д̇хаммзд̇и сад̇т̇аа имасмим̣ суд̇д̇з бажжаяз жа бажжаяаниб̣б̣ад̇д̇з жа сабхаавад̇хаммз д̣̇зсзссаамийд̇и убхаяам̣ аарабхи. уббаад̣̇аа ваа д̇ат̇ааг̇ад̇аананд̇и д̇ат̇ааг̇ад̇аанам̣ уббаад̣̇зби, б̣уд̣̇д̇хзсу уббаннзсу ануббаннзсуби ж̇аад̇ибажжаяаа ж̇араамаран̣ам̣, ж̇аад̇иязва ж̇араамаран̣асса бажжаяо. тид̇аава саа д̇хаад̇ууд̇и тид̇ова со бажжаяасабхааво, на гад̣̇аажи ж̇аад̇и ж̇араамаран̣асса бажжаяо на ход̇и. д̇хаммадтид̇ад̇аа д̇хамманияаамад̇аад̇и имзхиби д̣̇вийхи бажжаяамзва гат̇зд̇и. бажжаязна хи бажжаяуббаннаа д̇хаммаа д̇идтанд̇и, д̇асмаа бажжаяова ‘‘д̇хаммадтид̇ад̇аа’’д̇и вужжад̇и. бажжаяо д̇хаммз нияамзд̇и, д̇асмаа ‘‘д̇хамманияаамад̇аа’’д̇и вужжад̇и. ид̣̇аббажжаяад̇аад̇и имзсам̣ ж̇араамаран̣аад̣̇ийнам̣ бажжаяаа ид̣̇аббажжаяаа, ид̣̇аббажжаяаава ид̣̇аббажжаяад̇аа. д̇анд̇и д̇ам̣ бажжаяам̣. абхисамб̣уж̇жхад̇ийд̇и н̃аан̣зна абхисамб̣уж̇жхад̇и. абхисамзд̇ийд̇и н̃аан̣зна абхисамааг̇ажчад̇и. аажигкад̇ийд̇и гат̇зд̇и. д̣̇зсзд̇ийд̇и д̣̇ассзд̇и. бан̃н̃аабзд̇ийд̇и ж̇аанаабзд̇и. бадтабзд̇ийд̇и н̃аан̣амукз табзд̇и. виварад̇ийд̇и виварид̇ваа д̣̇ассзд̇и. вибхаж̇ад̇ийд̇и вибхааг̇ад̇о д̣̇ассзд̇и. уд̇д̇аанийгарод̇ийд̇и баагадам̣ гарод̇и. бассат̇аад̇и жаахаад̇и бассат̇а ид̇и жа вад̣̇ад̇и. гинд̇и? ж̇аад̇ибажжаяаа, бхигкавз, ж̇араамаран̣анд̇иаад̣̇и.
20. Dasame paṭiccasamuppādañca vo bhikkhave, desessāmi paṭiccasamuppanne ca dhammeti satthā imasmiṃ sutte paccaye ca paccayanibbatte ca sabhāvadhamme desessāmīti ubhayaṃ ārabhi. Uppādā vā tathāgatānanti tathāgatānaṃ uppādepi, buddhesu uppannesu anuppannesupi jātipaccayā jarāmaraṇaṃ, jātiyeva jarāmaraṇassa paccayo. Ṭhitāva sā dhātūti ṭhitova so paccayasabhāvo, na kadāci jāti jarāmaraṇassa paccayo na hoti. Dhammaṭṭhitatā dhammaniyāmatāti imehipi dvīhi paccayameva katheti. Paccayena hi paccayuppannā dhammā tiṭṭhanti, tasmā paccayova ‘‘dhammaṭṭhitatā’’ti vuccati. Paccayo dhamme niyameti, tasmā ‘‘dhammaniyāmatā’’ti vuccati. Idappaccayatāti imesaṃ jarāmaraṇādīnaṃ paccayā idappaccayā, idappaccayāva idappaccayatā. Tanti taṃ paccayaṃ. Abhisambujjhatīti ñāṇena abhisambujjhati. Abhisametīti ñāṇena abhisamāgacchati. Ācikkhatīti katheti. Desetīti dasseti. Paññāpetīti jānāpeti. Paṭṭhapetīti ñāṇamukhe ṭhapeti. Vivaratīti vivaritvā dasseti. Vibhajatīti vibhāgato dasseti. Uttānīkarotīti pākaṭaṃ karoti. Passathāti cāhāti passatha iti ca vadati. Kinti? Jātipaccayā, bhikkhave, jarāmaraṇantiādi.
ид̇и ко, бхигкавзд̇и звам̣ ко, бхигкавз. яаа д̇ад̇раад̇и яаа д̇зсу ‘‘ж̇аад̇ибажжаяаа ж̇араамаран̣а’’нд̇иаад̣̇ийсу. д̇ат̇ад̇аад̇иаад̣̇ийни бажжаяаагаарассзва взважанаани. со д̇зхи д̇зхи бажжаязхи ануунаад̇хигзхзва д̇асса д̇асса д̇хаммасса самбхавад̇о д̇ат̇ад̇аад̇и, саамаг̇г̇им̣ убаг̇ад̇зсу бажжаязсу мухуд̇д̇амби д̇ад̇о ниб̣б̣ад̇д̇аанам̣ д̇хаммаанам̣ асамбхаваабхаавад̇о авид̇ат̇ад̇аад̇и, ан̃н̃ад̇хаммабажжаязхи ан̃н̃ад̇хаммаануббад̇д̇ид̇о анан̃н̃ат̇ад̇аад̇и, ж̇араамаран̣аад̣̇ийнам̣ бажжаяад̇о ваа бажжаяасамуухад̇о ваа ид̣̇аббажжаяад̇аад̇и вуд̇д̇о. д̇ад̇рааяам̣ важанад̇т̇о – имзсам̣ бажжаяаа ид̣̇аббажжаяаа, ид̣̇аббажжаяаа зва ид̣̇аббажжаяад̇аа, ид̣̇аббажжаяаанам̣ ваа самуухо ид̣̇аббажжаяад̇аа. лагкан̣ам̣ банзд̇т̇а сад̣̇д̣̇асад̇т̇ад̇о взд̣̇ид̇аб̣б̣ам̣.
Itikho, bhikkhaveti evaṃ kho, bhikkhave. Yā tatrāti yā tesu ‘‘jātipaccayā jarāmaraṇa’’ntiādīsu. Tathatātiādīni paccayākārasseva vevacanāni. So tehi tehi paccayehi anūnādhikeheva tassa tassa dhammassa sambhavato tathatāti, sāmaggiṃ upagatesu paccayesu muhuttampi tato nibbattānaṃ dhammānaṃ asambhavābhāvato avitathatāti, aññadhammapaccayehi aññadhammānuppattito anaññathatāti, jarāmaraṇādīnaṃ paccayato vā paccayasamūhato vā idappaccayatāti vutto. Tatrāyaṃ vacanattho – imesaṃ paccayā idappaccayā, idappaccayā eva idappaccayatā, idappaccayānaṃ vā samūho idappaccayatā. Lakkhaṇaṃ panettha saddasatthato veditabbaṃ.
анижжанд̇и худ̇ваа абхаавадтзна анижжам̣. зд̇т̇а жа анижжанд̇и на ж̇араамаран̣ам̣ анижжам̣, анижжасабхааваанам̣ бана канд̇хаанам̣ ж̇араамаран̣ад̇д̇аа анижжам̣ наама ж̇аад̇ам̣. сан̇кад̇аад̣̇ийсуби зсзва наяо. зд̇т̇а жа сан̇кад̇анд̇и бажжаязхи самааг̇анд̇ваа гад̇ам̣. бадижжасамуббаннанд̇и бажжаяз ниссааяа уббаннам̣. каяад̇хамманд̇и каяасабхаавам̣. ваяад̇хамманд̇и виг̇ажчанагасабхаавам̣. вирааг̇ад̇хамманд̇и вираж̇ж̇анагасабхаавам̣. нирод̇хад̇хамманд̇и нируж̇жханагасабхаавам̣. ж̇аад̇ияааби вуд̇д̇анаязнзва анижжад̇аа взд̣̇ид̇аб̣б̣аа. ж̇анагабажжаяаанам̣ ваа гижжаанубхаавагкан̣з д̣̇идтад̇д̇аа згзна барияааязнзд̇т̇а анижжаад̇иаад̣̇ийни яуж̇ж̇анд̇иязва. бхаваад̣̇аяо анижжаад̣̇исабхаавааязва.
Aniccanti hutvā abhāvaṭṭhena aniccaṃ. Ettha ca aniccanti na jarāmaraṇaṃ aniccaṃ, aniccasabhāvānaṃ pana khandhānaṃ jarāmaraṇattā aniccaṃ nāma jātaṃ. Saṅkhatādīsupi eseva nayo. Ettha ca saṅkhatanti paccayehi samāgantvā kataṃ. Paṭiccasamuppannanti paccaye nissāya uppannaṃ. Khayadhammanti khayasabhāvaṃ. Vayadhammanti vigacchanakasabhāvaṃ. Virāgadhammanti virajjanakasabhāvaṃ. Nirodhadhammanti nirujjhanakasabhāvaṃ. Jātiyāpi vuttanayeneva aniccatā veditabbā. Janakapaccayānaṃ vā kiccānubhāvakkhaṇe diṭṭhattā ekena pariyāyenettha aniccātiādīni yujjantiyeva. Bhavādayo aniccādisabhāvāyeva.
саммаббан̃н̃ааяаад̇и савибассанааяа маг̇г̇абан̃н̃ааяа. буб̣б̣анд̇анд̇и буримам̣ ад̇ийд̇анд̇и ад̇т̇о. ахосим̣ ну код̇иаад̣̇ийсу ‘‘ахосим̣ ну ко нану ко’’д̇и сассад̇аагааран̃жа ад̇хижжасамуббад̇д̇иаагааран̃жа ниссааяа ад̇ийд̇з ад̇д̇ано виж̇ж̇амаанад̇ан̃жа авиж̇ж̇амаанад̇ан̃жа ган̇кад̇и. гим̣ гааран̣анд̇и на вад̇д̇аб̣б̣ам̣, уммад̇д̇аго вияа б̣аалабут̇уж̇ж̇ано яат̇аа ваа д̇ат̇аа ваа бавад̇д̇ад̇и. гим̣ ну ко ахосинд̇и ж̇аад̇илин̇г̇убабад̇д̇ияо ниссааяа ‘‘кад̇д̇ияо ну ко ахосим̣, б̣раахман̣авзссасуд̣̇д̣̇аг̇ахадтабаб̣б̣аж̇ид̇ад̣̇звамануссаанам̣ ан̃н̃ад̇аро’’д̇и ган̇кад̇и. гат̇ам̣ ну код̇и сан̣таанаагаарам̣ ниссааяа ‘‘д̣̇ийгхо ну ко ахосим̣ рассаод̣̇аад̇аган̣хабамаан̣игааббамаан̣игаад̣̇ийнам̣ ан̃н̃ад̇аро’’д̇и ган̇кад̇и. гзжи бана ‘‘иссараниммаанаад̣̇ийни ниссааяа ‘гзна ну ко гааран̣зна ахоси’нд̇и хзд̇уд̇о ган̇кад̇ий’’д̇и вад̣̇анд̇и. гим̣ худ̇ваа гим̣ ахосинд̇и ж̇аад̇иаад̣̇ийни ниссааяа ‘‘кад̇д̇ияо худ̇ваа ну ко б̣раахман̣о ахосим̣…бз… д̣̇зво худ̇ваа мануссо’’д̇и ад̇д̇ано барамбарам̣ ган̇кад̇и. саб̣б̣ад̇т̇зва бана ад̣̇д̇хаананд̇и гаалаад̇хиважанамзд̇ам̣. абаранд̇анд̇и анааг̇ад̇ам̣ анд̇ам̣. бхависсаами ну ко нану код̇и сассад̇аагааран̃жа ужчзд̣̇аагааран̃жа ниссааяа анааг̇ад̇з ад̇д̇ано виж̇ж̇амаанад̇ан̃жа авиж̇ж̇амаанад̇ан̃жа ган̇кад̇и. сзсамзд̇т̇а вуд̇д̇анаяамзва.
Sammappaññāyāti savipassanāya maggapaññāya. Pubbantanti purimaṃ atītanti attho. Ahosiṃ nu khotiādīsu ‘‘ahosiṃ nu kho nanu kho’’ti sassatākārañca adhiccasamuppattiākārañca nissāya atīte attano vijjamānatañca avijjamānatañca kaṅkhati. Kiṃ kāraṇanti na vattabbaṃ, ummattako viya bālaputhujjano yathā vā tathā vā pavattati. Kiṃ nu kho ahosinti jātiliṅgupapattiyo nissāya ‘‘khattiyo nu kho ahosiṃ, brāhmaṇavessasuddagahaṭṭhapabbajitadevamanussānaṃ aññataro’’ti kaṅkhati. Kathaṃ nu khoti saṇṭhānākāraṃ nissāya ‘‘dīgho nu kho ahosiṃ rassaodātakaṇhapamāṇikaappamāṇikādīnaṃ aññataro’’ti kaṅkhati. Keci pana ‘‘issaranimmānādīni nissāya ‘kena nu kho kāraṇena ahosi’nti hetuto kaṅkhatī’’ti vadanti. Kiṃ hutvā kiṃ ahosinti jātiādīni nissāya ‘‘khattiyo hutvā nu kho brāhmaṇo ahosiṃ…pe… devo hutvā manusso’’ti attano paramparaṃ kaṅkhati. Sabbattheva pana addhānanti kālādhivacanametaṃ. Aparantanti anāgataṃ antaṃ. Bhavissāmi nu kho nanu khoti sassatākārañca ucchedākārañca nissāya anāgate attano vijjamānatañca avijjamānatañca kaṅkhati. Sesamettha vuttanayameva.
зд̇арахи ваа бажжуббаннам̣ ад̣̇д̇хаананд̇и ид̣̇аани ваа бадисанд̇химаад̣̇им̣ гад̇ваа жуд̇ибарияанд̇ам̣ саб̣б̣амби вад̇д̇амаанагаалам̣ г̇ахзд̇ваа. аж̇жхад̇д̇ам̣ гат̇ам̣гат̇ий бхависсад̇ийд̇и ад̇д̇ано канд̇хзсу вижигижчий бхависсад̇и. ахам̣ ну космийд̇и ад̇д̇ано ад̇т̇ибхаавам̣ ган̇кад̇и. яуд̇д̇ам̣ банзд̇анд̇и? яуд̇д̇ам̣ аяуд̇д̇анд̇и гаа зд̇т̇а жинд̇аа. абижзд̇т̇а ид̣̇ам̣ вад̇т̇умби уд̣̇аахаранд̇и – жуул̣амаад̇ааяа гира буд̇д̇о мун̣д̣о, махаамаад̇ааяа буд̇д̇о амун̣д̣о, д̇ам̣ буд̇д̇ам̣ мун̣д̣зсум̣, со удтааяа ‘‘ахам̣ ну ко жуул̣амаад̇ааяа буд̇д̇о’’д̇и жинд̇зси. звам̣ ахам̣ ну космийд̇и ган̇каа ход̇и. но ну космийд̇и ад̇д̇ано над̇т̇ибхаавам̣ ган̇кад̇и. д̇ад̇рааби ид̣̇ам̣ вад̇т̇у – зго гира мажчз г̇ан̣ханд̇о уд̣̇агз жирадтаанзна сийд̇ибхууд̇ам̣ ад̇д̇ано уурум̣ мажчод̇и жинд̇зд̇ваа бахари. абаро сусаанабассз кзд̇д̇ам̣ рагканд̇о бхийд̇о сан̇гудид̇о саяи, со бадиб̣уж̇жхид̇ваа ад̇д̇ано ж̇ан̣н̣угаани д̣̇вз яагкаад̇и жинд̇зд̇ваа бахари. звам̣ но ну космийд̇и ган̇кад̇и.
Etarahivā paccuppannaṃ addhānanti idāni vā paṭisandhimādiṃ katvā cutipariyantaṃ sabbampi vattamānakālaṃ gahetvā. Ajjhattaṃ kathaṃkathī bhavissatīti attano khandhesu vicikicchī bhavissati. Ahaṃ nu khosmīti attano atthibhāvaṃ kaṅkhati. Yuttaṃ panetanti? Yuttaṃ ayuttanti kā ettha cintā. Apicettha idaṃ vatthumpi udāharanti – cūḷamātāya kira putto muṇḍo, mahāmātāya putto amuṇḍo, taṃ puttaṃ muṇḍesuṃ, so uṭṭhāya ‘‘ahaṃ nu kho cūḷamātāya putto’’ti cintesi. Evaṃ ahaṃ nu khosmīti kaṅkhā hoti. No nu khosmīti attano natthibhāvaṃ kaṅkhati. Tatrāpi idaṃ vatthu – eko kira macche gaṇhanto udake ciraṭṭhānena sītibhūtaṃ attano ūruṃ macchoti cintetvā pahari. Aparo susānapasse khettaṃ rakkhanto bhīto saṅkuṭito sayi, so paṭibujjhitvā attano jaṇṇukāni dve yakkhāti cintetvā pahari. Evaṃ no nu khosmīti kaṅkhati.
гим̣ ну космийд̇и кад̇д̇ияова самаано ад̇д̇ано кад̇д̇ияабхаавам̣ ган̇кад̇и. зсзва наяо сзсзсуби. д̣̇зво бана самаано д̣̇звабхаавам̣ аж̇аананд̇о наама над̇т̇и, соби бана ‘‘ахам̣ руубий ну ко аруубий ну ко’’д̇иаад̣̇инаа наязна ган̇кад̇и. кад̇д̇ияаад̣̇аяо гасмаа на ж̇аананд̇ийд̇и жз? абажжагкаа д̇зсам̣ д̇ад̇т̇а д̇ад̇т̇а гулз уббад̇д̇и. г̇ахадтааби жа бод̇т̇алигаад̣̇аяо баб̣б̣аж̇ид̇асан̃н̃ино, баб̣б̣аж̇ид̇ааби ‘‘губбам̣ ну ко мз гамма’’нд̇иаад̣̇инаа наязна г̇ахадтасан̃н̃ино. мануссааби жа рааж̇аано вияа ад̇д̇ани д̣̇звасан̃н̃ино хонд̇и. гат̇ам̣ ну космийд̇и вуд̇д̇анаяамзва. гзвалан̃хзд̇т̇а аб̣бханд̇арз ж̇ийво наама ад̇т̇ийд̇и г̇ахзд̇ваа д̇асса сан̣таанаагаарам̣ ниссааяа ‘‘д̣̇ийгхо ну косми рассажад̇урассачал̣ам̣саадтам̣сасол̣асам̣саад̣̇ийнам̣ ан̃н̃ад̇араббагааро’’д̇и ган̇канд̇о гат̇ам̣ ну космийд̇и? ган̇кад̇ийд̇и взд̣̇ид̇аб̣б̣о. сарийрасан̣таанам̣ бана бажжуббаннам̣ аж̇аананд̇о наама над̇т̇и. гуд̇о ааг̇ад̇о со гухим̣ г̇аамий бхависсад̇ийд̇и ад̇д̇абхаавасса ааг̇ад̇иг̇ад̇идтаанам̣ ган̇канд̇о звам̣ ган̇кад̇и. арияасаавагассаад̇и ид̇ха сод̇аабанно ад̇хиббзд̇о, ид̇арзби бана д̇аяо аваарид̇ааязваад̇и. д̣̇асамам̣.
Kiṃ nu khosmīti khattiyova samāno attano khattiyabhāvaṃ kaṅkhati. Eseva nayo sesesupi. Devo pana samāno devabhāvaṃ ajānanto nāma natthi, sopi pana ‘‘ahaṃ rūpī nu kho arūpī nu kho’’tiādinā nayena kaṅkhati. Khattiyādayo kasmā na jānantīti ce? Apaccakkhā tesaṃ tattha tattha kule uppatti. Gahaṭṭhāpi ca potthalikādayo pabbajitasaññino, pabbajitāpi ‘‘kuppaṃ nu kho me kamma’’ntiādinā nayena gahaṭṭhasaññino. Manussāpi ca rājāno viya attani devasaññino honti. Kathaṃ nu khosmīti vuttanayameva. Kevalañhettha abbhantare jīvo nāma atthīti gahetvā tassa saṇṭhānākāraṃ nissāya ‘‘dīgho nu khosmi rassacaturassachaḷaṃsaaṭṭhaṃsasoḷasaṃsādīnaṃ aññatarappakāro’’ti kaṅkhanto kathaṃ nu khosmīti? Kaṅkhatīti veditabbo. Sarīrasaṇṭhānaṃ pana paccuppannaṃ ajānanto nāma natthi. Kuto āgato so kuhiṃ gāmī bhavissatīti attabhāvassa āgatigatiṭṭhānaṃ kaṅkhanto evaṃ kaṅkhati. Ariyasāvakassāti idha sotāpanno adhippeto, itarepi pana tayo avāritāyevāti. Dasamaṃ.
аахаараваг̇г̇о д̣̇уд̇ияо.
Āhāravaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. бажжаяасуд̇д̇ам̣ • 10. Paccayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. бажжаяасуд̇д̇аван̣н̣анаа • 10. Paccayasuttavaṇṇanā
