| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. бажжаяасуд̇д̇аван̣н̣анаа
10. Paccayasuttavaṇṇanā
20. саб̣б̣амби сан̇кад̇ам̣ аббадижжа уббаннам̣ наама над̇т̇ийд̇и бажжаяад̇хаммоби ад̇д̇ано бажжаяад̇хаммам̣ убаад̣̇ааяа бажжаяуббанно, д̇ат̇аа бажжаяуббаннад̇хаммоби ад̇д̇ано бажжаяуббаннам̣ убаад̣̇ааяа бажжаяад̇хаммод̇и яат̇аарахам̣ д̇хаммаанам̣ бажжаяабажжаяуббаннад̇аа. язсам̣ винзяяаанам̣ бадижжасамуббаад̣̇ад̣̇зсанааязва суб̣од̇хад̇о убадтаад̇и, д̇зсам̣ васзна судту вибхааг̇ам̣ гад̇ваа бадижжасамуббаад̣̇о д̣̇зсид̇о. язсам̣ бана винзяяаанам̣ д̇ад̣̇убхаяасмим̣ вибхаж̇ж̇а суд̇з зва д̇хаммаабхисамаяо ход̇и, д̇з санд̇хааяа бхаг̇аваа д̇ад̣̇убхаяам̣ вибхаж̇ж̇а д̣̇ассзнд̇о ‘‘бадижжасамуббаад̣̇ан̃жа во, бхигкавз, д̣̇зсзссаами бадижжасамуббаннз жа д̇хаммз’’д̇и имам̣ д̣̇зсанам̣ аарабхийд̇и имамад̇т̇ам̣ вибхаавзнд̇о ‘‘сад̇т̇аа имасмим̣ суд̇д̇з’’д̇иаад̣̇имааха. бажжаяасса бхааво бажжаяад̇д̇ам̣, бажжаяаниб̣б̣ад̇д̇ад̇аа. асабхаавад̇хаммз на лаб̣бхад̇ийд̇и ‘‘сабхаавад̇хаммз’’д̇и вуд̇д̇ам̣. нану жа ж̇аад̇и ж̇араа маран̣ан̃жа сабхаавад̇хаммо на ход̇и, язсам̣ бана канд̇хаанам̣ ж̇аад̇и ж̇араа маран̣ан̃жа, д̇з зва сабхаавад̇хаммаа, ат̇а гасмаа д̣̇зсанааяа д̇з г̇ахид̇аад̇и? нааяам̣ д̣̇осо, ж̇аад̇и ж̇араа маран̣ан̃хи бажжаяаниб̣б̣ад̇д̇аанам̣ сабхаавад̇хаммаанам̣ вигаарамад̇д̇ам̣, нан̃н̃зсам̣, д̇асмаа д̇з г̇ахид̇аад̇и. уббаад̣̇аа ваа д̇ат̇ааг̇ад̇аананд̇и на винзяяабуг̇г̇алаанам̣ маг̇г̇апалуббад̇д̇и вияа ж̇аад̇ибажжаяаа ж̇араамаран̣уббад̇д̇и д̇ат̇ааг̇ад̇уббаад̣̇ааяад̇д̇аа, ат̇а ко саа д̇ат̇ааг̇ад̇аанам̣ уббаад̣̇зби ануббаад̣̇зби ход̇иязва. д̇асмаа саа гаамам̣ асан̇кад̇аа вияа д̇хаад̇у на нижжаа, д̇ат̇ааби ‘‘саб̣б̣агаалигаа’’д̇и зд̇зна ж̇аад̇ибажжаяад̇о ж̇араамаран̣уббад̇д̇ийд̇и д̣̇ассзд̇и. д̇знааха ‘‘ж̇аад̇иязва ж̇араамаран̣асса бажжаяо’’д̇и. ж̇аад̇ибажжаяаад̇и жа ж̇аад̇исан̇каад̇абажжаяаа. хзд̇умхи ниссаггаважанам̣. тид̇аава саа д̇хаад̇у, яааяам̣ ид̣̇аббажжаяад̇аа ж̇аад̇ияаа ж̇араамаран̣асса бажжаяад̇аа д̇асса б̣яабхижаараабхаавад̇о. ид̣̇аани на гад̣̇аажи ж̇аад̇и ж̇араамаран̣асса бажжаяо на ход̇и ход̇иязваад̇и ж̇араамаран̣асса бажжаяабхаавз нияамзд̇и. убхаязнаби яат̇аавуд̇д̇асса бажжаяабхааво яад̇т̇а ход̇и, д̇ад̇т̇а авассам̣бхаавид̇ам̣ д̣̇ассзд̇и. д̇знааха бхаг̇аваа ‘‘тид̇аава саа д̇хаад̇уу’’д̇и. д̣̇вийхи бад̣̇зхи. д̇идтанд̇ийд̇и яасса васзна д̇хаммаанам̣ тид̇и, саа ид̣̇аббажжаяад̇аа д̇хаммадтид̇ад̇аа. д̇хаммзд̇и бажжаяуббаннз д̇хаммз. нияамзд̇и висзсзд̇и. хзд̇уг̇ад̇ависзсасамааяог̇о хи хзд̇упаласса звам̣ д̇хаммад̇аанияаамо зваад̇и.
20. Sabbampi saṅkhataṃ appaṭicca uppannaṃ nāma natthīti paccayadhammopi attano paccayadhammaṃ upādāya paccayuppanno, tathā paccayuppannadhammopi attano paccayuppannaṃ upādāya paccayadhammoti yathārahaṃ dhammānaṃ paccayapaccayuppannatā. Yesaṃ vineyyānaṃ paṭiccasamuppādadesanāyeva subodhato upaṭṭhāti, tesaṃ vasena suṭṭhu vibhāgaṃ katvā paṭiccasamuppādo desito. Yesaṃ pana vineyyānaṃ tadubhayasmiṃ vibhajja sute eva dhammābhisamayo hoti, te sandhāya bhagavā tadubhayaṃ vibhajja dassento ‘‘paṭiccasamuppādañca vo, bhikkhave, desessāmi paṭiccasamuppanne ca dhamme’’ti imaṃ desanaṃ ārabhīti imamatthaṃ vibhāvento ‘‘satthā imasmiṃ sutte’’tiādimāha. Paccayassa bhāvo paccayattaṃ, paccayanibbattatā. Asabhāvadhamme na labbhatīti ‘‘sabhāvadhamme’’ti vuttaṃ. Nanu ca jāti jarā maraṇañca sabhāvadhammo na hoti, yesaṃ pana khandhānaṃ jāti jarā maraṇañca, te eva sabhāvadhammā, atha kasmā desanāya te gahitāti? Nāyaṃ doso, jāti jarā maraṇañhi paccayanibbattānaṃ sabhāvadhammānaṃ vikāramattaṃ, naññesaṃ, tasmā te gahitāti. Uppādā vā tathāgatānanti na vineyyapuggalānaṃ maggaphaluppatti viya jātipaccayā jarāmaraṇuppatti tathāgatuppādāyattā, atha kho sā tathāgatānaṃ uppādepi anuppādepi hotiyeva. Tasmā sā kāmaṃ asaṅkhatā viya dhātu na niccā, tathāpi ‘‘sabbakālikā’’ti etena jātipaccayato jarāmaraṇuppattīti dasseti. Tenāha ‘‘jātiyeva jarāmaraṇassa paccayo’’ti. Jātipaccayāti ca jātisaṅkhātapaccayā. Hetumhi nissakkavacanaṃ. Ṭhitāva sā dhātu, yāyaṃ idappaccayatā jātiyā jarāmaraṇassa paccayatā tassa byabhicārābhāvato. Idāni na kadāci jāti jarāmaraṇassa paccayo na hoti hotiyevāti jarāmaraṇassa paccayabhāve niyameti. Ubhayenapi yathāvuttassa paccayabhāvo yattha hoti, tattha avassaṃbhāvitaṃ dasseti. Tenāha bhagavā ‘‘ṭhitāva sā dhātū’’ti. Dvīhi padehi. Tiṭṭhantīti yassa vasena dhammānaṃ ṭhiti, sā idappaccayatā dhammaṭṭhitatā. Dhammeti paccayuppanne dhamme. Niyameti viseseti. Hetugatavisesasamāyogo hi hetuphalassa evaṃ dhammatāniyāmo evāti.
абаро наяо – тид̇аава саа д̇хаад̇ууд̇и яааяам̣ ж̇араамаран̣асса ид̣̇аббажжаяад̇аа ‘‘ж̇аад̇ибажжаяаа ж̇араамаран̣а’’нд̇и, зсаа д̇хаад̇у зса сабхааво. д̇ат̇ааг̇ад̇аанам̣ уббаад̣̇ад̇о буб̣б̣з уд̣̇д̇хан̃жа аббадивиж̇жхияамаано, маж̇жхз жа бадивиж̇жхияамаано на д̇ат̇ааг̇ад̇зхи уббаад̣̇ид̇о, ат̇а ко самбхаванд̇асса ж̇араамаран̣асса саб̣б̣агаалам̣ ж̇аад̇ибажжаяад̇о самбхавод̇и тид̇аава саа д̇хаад̇у, гзвалам̣ бана саяамбхун̃аан̣зна абхисамб̣уж̇жханад̇о ‘‘аяам̣ д̇хаммо д̇ат̇ааг̇ад̇зна абхисамб̣уд̣̇д̇хо’’д̇и бавзд̣̇анад̇о жа д̇ат̇ааг̇ад̇о ‘‘д̇хаммасаамий’’д̇и вужжад̇и, на абуб̣б̣асса уббаад̣̇анад̇о. д̇зна вуд̇д̇ам̣ ‘‘тид̇аава саа д̇хаад̇уу’’д̇и. саа зва ‘‘ж̇аад̇ибажжаяаа ж̇араамаран̣а’’нд̇и зд̇т̇а вибаллаасаабхаавад̇о звам̣ аваб̣уж̇жхамаанасса зд̇асса сабхаавасса, хзд̇уно ваа д̇ат̇зва бхаавад̇о тид̇ад̇аад̇и д̇хаммадтид̇ад̇аа, ж̇аад̇и ваа ж̇араамаран̣асса уббаад̣̇адтид̇и бавад̇д̇аааяуухана-сам̣яог̇а-балиб̣од̇ха-самуд̣̇аяа-хзд̇убажжаяадтид̇ийд̇и д̇ад̣̇уббаад̣̇аад̣̇ибхаавзнассаа тид̇ад̇аа ‘‘д̇хаммадтид̇ад̇аа’’д̇и палам̣ бад̇и саамад̇т̇ияад̇о хзд̇умзва вад̣̇ад̇и. д̇хаарийяад̇и бажжаязхийд̇и ваа д̇хаммо, д̇идтад̇и д̇ад̇т̇а д̇ад̣̇ааяад̇д̇авуд̇д̇ид̇ааяа паланд̇и тид̇и, д̇хаммасса тид̇и д̇хаммадтид̇и. д̇хаммод̇и ваа гааран̣ам̣ бажжаяабхаавзна паласса д̇хааран̣ад̇о, д̇асса тид̇и сабхааво, д̇хаммад̇о жа ан̃н̃о сабхааво над̇т̇ийд̇и д̇хаммадтид̇и, бажжаяо. д̇знааха ‘‘бажжаяабариг̇г̇ахз бан̃н̃аа д̇хаммадтид̇ин̃аан̣а’’нд̇и (бади. ма. маад̇игаа 4). д̇хаммадтид̇и зва д̇хаммадтид̇ад̇аа. саа зва д̇хаад̇у ‘‘ж̇аад̇ибажжаяаа ж̇араамаран̣а’’нд̇и имасса сабхаавасса, хзд̇уно ваа ан̃н̃ат̇ад̇д̇аабхаавад̇о, ‘‘на ж̇аад̇ибажжаяаа ж̇араамаран̣а’’нд̇и вин̃н̃ааяамаанасса жа д̇аб̣бхааваабхаавад̇о нияаамад̇аа вавад̇т̇ид̇абхаавод̇и д̇хамманияаамад̇аа. паласса ваа ж̇араамаран̣асса ж̇аад̇ияаа сад̇и самбхаво д̇хаммз хзд̇умхи тид̇ад̇аад̇и д̇хаммадтид̇ад̇аа, асад̇и асамбхаво д̇хамманияаамад̇аад̇и звам̣ палзна хзд̇ум̣ вибхаавзд̇и, д̇ам̣ ‘‘тид̇аава саа д̇хаад̇уу’’д̇иаад̣̇инаа вуд̇д̇ам̣. имзсам̣ ж̇араамаран̣аад̣̇ийнам̣ бажжаяад̇аасан̇каад̇ам̣ ид̣̇аббажжаяад̇ам̣ абхисамб̣уж̇жхад̇и бажжагкагаран̣зна абхимукам̣ б̣уж̇жхад̇и яаат̇аавад̇о бадивиж̇жхад̇и, д̇ад̇о зва абхисамзд̇и абхимукам̣ самааг̇ажчад̇и, аад̣̇ид̇о гат̇знд̇о аажигкад̇и, уд̣̇д̣̇исад̇ийд̇и ад̇т̇о. д̇амзва уд̣̇д̣̇зсам̣ барияосаабзнд̇о д̣̇зсзд̇и. яат̇аауд̣̇д̣̇идтамад̇д̇ам̣ нид̣̇д̣̇исанавасзна багаарзхи н̃аабзнд̇о бан̃н̃аабзд̇и. багаарзхи зва бад̇идтабзнд̇о бадтабзд̇и. яат̇аанид̣̇д̣̇идтам̣ бадинид̣̇д̣̇зсавасзна виварад̇и вибхаж̇ад̇и. вивадан̃хи вибхад̇д̇ан̃жа ад̇т̇ам̣ хзд̇ууд̣̇аахаран̣ад̣̇ассанзхи баагадам̣ гаронд̇о уд̇д̇аанийгарод̇и. уд̇д̇аанийгаронд̇о д̇ат̇аа бажжагкабхууд̇ам̣ гад̇ваа ниг̇аманавасзна бассат̇аад̇и жааха.
Aparo nayo – ṭhitāva sā dhātūti yāyaṃ jarāmaraṇassa idappaccayatā ‘‘jātipaccayā jarāmaraṇa’’nti, esā dhātu esa sabhāvo. Tathāgatānaṃ uppādato pubbe uddhañca appaṭivijjhiyamāno, majjhe ca paṭivijjhiyamāno na tathāgatehi uppādito, atha kho sambhavantassa jarāmaraṇassa sabbakālaṃ jātipaccayato sambhavoti ṭhitāva sā dhātu, kevalaṃ pana sayambhuñāṇena abhisambujjhanato ‘‘ayaṃ dhammo tathāgatena abhisambuddho’’ti pavedanato ca tathāgato ‘‘dhammasāmī’’ti vuccati, na apubbassa uppādanato. Tena vuttaṃ ‘‘ṭhitāva sā dhātū’’ti. Sā eva ‘‘jātipaccayā jarāmaraṇa’’nti ettha vipallāsābhāvato evaṃ avabujjhamānassa etassa sabhāvassa, hetuno vā tatheva bhāvato ṭhitatāti dhammaṭṭhitatā, jāti vā jarāmaraṇassa uppādaṭṭhiti pavattaāyūhana-saṃyoga-palibodha-samudaya-hetupaccayaṭṭhitīti taduppādādibhāvenassā ṭhitatā ‘‘dhammaṭṭhitatā’’ti phalaṃ pati sāmatthiyato hetumeva vadati. Dhārīyati paccayehīti vā dhammo, tiṭṭhati tattha tadāyattavuttitāya phalanti ṭhiti, dhammassa ṭhiti dhammaṭṭhiti. Dhammoti vā kāraṇaṃ paccayabhāvena phalassa dhāraṇato, tassa ṭhiti sabhāvo, dhammato ca añño sabhāvo natthīti dhammaṭṭhiti, paccayo. Tenāha ‘‘paccayapariggahe paññā dhammaṭṭhitiñāṇa’’nti (paṭi. ma. mātikā 4). Dhammaṭṭhiti eva dhammaṭṭhitatā. Sā eva dhātu ‘‘jātipaccayā jarāmaraṇa’’nti imassa sabhāvassa, hetuno vā aññathattābhāvato, ‘‘na jātipaccayā jarāmaraṇa’’nti viññāyamānassa ca tabbhāvābhāvato niyāmatā vavatthitabhāvoti dhammaniyāmatā. Phalassa vā jarāmaraṇassa jātiyā sati sambhavo dhamme hetumhi ṭhitatāti dhammaṭṭhitatā, asati asambhavo dhammaniyāmatāti evaṃ phalena hetuṃ vibhāveti, taṃ ‘‘ṭhitāva sā dhātū’’tiādinā vuttaṃ. Imesaṃ jarāmaraṇādīnaṃ paccayatāsaṅkhātaṃ idappaccayataṃ abhisambujjhati paccakkhakaraṇena abhimukhaṃ bujjhati yāthāvato paṭivijjhati, tato eva abhisameti abhimukhaṃ samāgacchati, ādito kathento ācikkhati, uddisatīti attho. Tameva uddesaṃ pariyosāpento deseti. Yathāuddiṭṭhamattaṃ niddisanavasena pakārehi ñāpento paññāpeti. Pakārehi eva patiṭṭhapento paṭṭhapeti. Yathāniddiṭṭhaṃ paṭiniddesavasena vivarati vibhajati. Vivaṭañhi vibhattañca atthaṃ hetūdāharaṇadassanehi pākaṭaṃ karonto uttānīkaroti. Uttānīkaronto tathā paccakkhabhūtaṃ katvā nigamanavasena passathāti cāha.
ж̇аад̇ибажжаяаа ж̇араамаран̣анд̇иаад̣̇ийсууд̇и ж̇аад̇иаад̣̇ийнам̣ ж̇араамаран̣абажжаяабхаавзсу. д̇зхи д̇зхи бажжаязхийд̇и яаавад̇агзхи бажжаязхи яам̣ палам̣ уббаж̇ж̇амаанаарахам̣, авигалзхи д̇зхзва д̇асса уббад̇д̇и, на уунаад̇хигзхийд̇и. д̇знааха ‘‘ануунаад̇хигзхзваа’’д̇и. яат̇аа д̇ам̣ жагкуруубаалогаманасигаарзхи жагкувин̃н̃аан̣асса самбхавод̇и. д̇зна д̇ам̣д̇ам̣паланибпаад̣̇анз д̇ассаа бажжаяасаамаг̇г̇ияаа д̇аббагаарад̇аа д̇ат̇ад̇аад̇и вуд̇д̇аад̇и д̣̇ассзд̇и. саамаг̇г̇инд̇и самод̇хаанам̣, самавааяанд̇и ад̇т̇о. асамбхаваабхаавад̇од̇и ануббаж̇ж̇анасса абхаавад̇о. д̇ат̇аавид̇хабажжаяасаамаг̇г̇ияан̃хи сад̇иби паласса ануббаж̇ж̇анз д̇ассаавид̇ат̇ад̇аа сияаа. ан̃н̃ад̇хаммабажжаязхийд̇и ан̃н̃асса палад̇хаммасса бажжаязхи. ан̃н̃ад̇хаммаануббад̇д̇ид̇од̇и д̇ад̇о ан̃н̃асса палад̇хаммасса ануббаж̇ж̇анад̇о. на хи гад̣̇аажи жагкуруубаалогаманасигаарзхи сод̇авин̃н̃аан̣асса самбхаво ад̇т̇и. яад̣̇и сияаа, д̇ассаа саамаг̇г̇ияаа ан̃н̃ат̇ад̇аа наама сияаа, на жзд̇ам̣ ад̇т̇ийд̇и ‘‘анан̃н̃ат̇ад̇аа’’д̇и вуд̇д̇ам̣. бажжаяад̇од̇и бажжаяабхаавад̇о. бажжаяасамуухад̇од̇и зд̇т̇ааби зсзва наяо. ид̣̇аббажжаяаа зва ид̣̇аббажжаяад̇аад̇и д̇аа-сад̣̇д̣̇зна бад̣̇ам̣ вад̣дхид̇ам̣ яат̇аа ‘‘д̣̇звоязва д̣̇звад̇аа’’д̇и, ид̣̇аббажжаяаанам̣ самуухо ид̣̇аббажжаяад̇аад̇и самуухад̇т̇о д̇аасад̣̇д̣̇о яат̇аа ‘‘ж̇анаанам̣ самуухо ж̇анад̇аа’’д̇и имамад̇т̇ам̣ санд̇хааяааха ‘‘лагкан̣ам̣ банзд̇т̇а сад̣̇д̣̇асад̇т̇ад̇о взд̣̇ид̇аб̣б̣а’’нд̇и.
Jātipaccayā jarāmaraṇantiādīsūti jātiādīnaṃ jarāmaraṇapaccayabhāvesu. Tehi tehi paccayehīti yāvatakehi paccayehi yaṃ phalaṃ uppajjamānārahaṃ, avikalehi teheva tassa uppatti, na ūnādhikehīti. Tenāha ‘‘anūnādhikehevā’’ti. Yathā taṃ cakkhurūpālokamanasikārehi cakkhuviññāṇassa sambhavoti. Tena taṃtaṃphalanipphādane tassā paccayasāmaggiyā tappakāratā tathatāti vuttāti dasseti. Sāmagginti samodhānaṃ, samavāyanti attho. Asambhavābhāvatoti anuppajjanassa abhāvato. Tathāvidhapaccayasāmaggiyañhi satipi phalassa anuppajjane tassāvitathatā siyā. Aññadhammapaccayehīti aññassa phaladhammassa paccayehi. Aññadhammānuppattitoti tato aññassa phaladhammassa anuppajjanato. Na hi kadāci cakkhurūpālokamanasikārehi sotaviññāṇassa sambhavo atthi. Yadi siyā, tassā sāmaggiyā aññathatā nāma siyā, na cetaṃ atthīti ‘‘anaññathatā’’ti vuttaṃ. Paccayatoti paccayabhāvato. Paccayasamūhatoti etthāpi eseva nayo. Idappaccayā eva idappaccayatāti tā-saddena padaṃ vaḍḍhitaṃ yathā ‘‘devoyeva devatā’’ti, idappaccayānaṃ samūho idappaccayatāti samūhattho tāsaddo yathā ‘‘janānaṃ samūho janatā’’ti imamatthaṃ sandhāyāha ‘‘lakkhaṇaṃ panettha saddasatthato veditabba’’nti.
на нижжам̣ сассад̇анд̇и анижжам̣. ж̇араамаран̣ам̣ на анижжам̣ сан̇каараанам̣ вигаарабхаавад̇о анибпаннад̇д̇аа, д̇ат̇ааби ‘‘анижжа’’нд̇и барияааязна вуд̇д̇ам̣. зса наяо сан̇кад̇аад̣̇ийсуби. самааг̇анд̇ваа гад̇ам̣ сахид̇зхзва бажжаязхи ниб̣б̣ад̇д̇зд̇аб̣б̣ад̇о яат̇аасабхаавам̣ самзжжа самбхуяяа бажжаязхи гад̇анд̇и сан̇кад̇ам̣ . бажжаяаарахам̣ бажжаяам̣ бадижжа на винаа д̇зна сахид̇асамзд̇амзва уббаннанд̇и бадижжасамуббаннам̣. д̇знааха ‘‘бажжаяз ниссааяа уббанна’’нд̇и. каяасабхааванд̇и бхиж̇ж̇анасабхаавам̣. виг̇ажчанагасабхааванд̇и сагабхаавад̇о абаг̇ажчанагасабхаавам̣. вираж̇ж̇анагасабхааванд̇и балуж̇ж̇анагасабхаавам̣. нируж̇жханагасабхааванд̇и кан̣абхан̇г̇авасзна бабхан̇г̇усабхаавам̣. вуд̇д̇анаязнаад̇и ж̇арааяа вуд̇д̇анаязна. ж̇анагаббажжаяаанам̣ гаммаад̣̇ийнам̣. гижжаанубхаавагкан̣зд̇и зд̇т̇а гижжаанубхааво наама яат̇аа бавад̇д̇амаанз бажжаяз д̇асса палам̣ уббаж̇ж̇ад̇и, д̇ат̇аа бавад̇д̇и, звам̣ санд̇асса бавад̇д̇анагкан̣з. ид̣̇ам̣ вуд̇д̇ам̣ ход̇и – яасмим̣ кан̣з бажжаяо ад̇д̇ано палуббаад̣̇анам̣ бад̇и б̣яаавадо наама ход̇и, имасмим̣ кан̣з яз д̇хаммаа руубаад̣̇аяо убалаб̣бханд̇и д̇ад̇о буб̣б̣з, бажчаа жа анубалаб̣бхамаанаа, д̇зсам̣ д̇ад̇о уббад̇д̇и нид̣̇д̇хаарийяад̇и, звам̣ ж̇аад̇ияааби саа нид̣̇д̇хаарзд̇аб̣б̣аа д̇ам̣кан̣уубалад̣̇д̇хад̇од̇и. яад̣̇и звам̣ ниббарияааяад̇ова ж̇аад̇ияаа гуд̇ожи уббад̇д̇и сид̣̇д̇хи, ат̇а гасмаа ‘‘згзна барияааязнаа’’д̇и вуд̇д̇анд̇и? ж̇ааяамаанад̇хаммаанам̣ вигаарабхаавзна убалад̣̇д̇хаб̣б̣ад̇д̇аа. яад̣̇и нибпаннад̇хаммаа вияа ж̇аад̇и убалаб̣бхзяяа, ниббарияааяад̇ова д̇ассаа гуд̇ожи уббад̇д̇и сияаа, на жзвам̣ убалаб̣бхад̇и, ат̇а ко анибпаннад̇д̇аа вигаарабхаавзна убалаб̣бхад̇и. д̇асмаа ‘‘згзна барияааязнзд̇т̇а анижжаад̇иаад̣̇ийни яуж̇ж̇анд̇ий’’д̇и вуд̇д̇ам̣. на бана ж̇араамаран̣з, ж̇анагаббажжаяаанам̣ гижжаанубхаавагкан̣з д̇асса алаб̣бханад̇о. д̇знзва ‘‘зд̇т̇а жа анижжанд̇и…бз… анижжам̣ наама ж̇аад̇а’’нд̇и вуд̇д̇ам̣.
Na niccaṃ sassatanti aniccaṃ. Jarāmaraṇaṃ na aniccaṃ saṅkhārānaṃ vikārabhāvato anipphannattā, tathāpi ‘‘anicca’’nti pariyāyena vuttaṃ. Esa nayo saṅkhatādīsupi. Samāgantvā kataṃ sahiteheva paccayehi nibbattetabbato yathāsabhāvaṃ samecca sambhuyya paccayehi katanti saṅkhataṃ. Paccayārahaṃ paccayaṃ paṭicca na vinā tena sahitasametameva uppannanti paṭiccasamuppannaṃ. Tenāha ‘‘paccaye nissāya uppanna’’nti. Khayasabhāvanti bhijjanasabhāvaṃ. Vigacchanakasabhāvanti sakabhāvato apagacchanakasabhāvaṃ. Virajjanakasabhāvanti palujjanakasabhāvaṃ. Nirujjhanakasabhāvanti khaṇabhaṅgavasena pabhaṅgusabhāvaṃ. Vuttanayenāti jarāya vuttanayena. Janakappaccayānaṃ kammādīnaṃ. Kiccānubhāvakkhaṇeti ettha kiccānubhāvo nāma yathā pavattamāne paccaye tassa phalaṃ uppajjati, tathā pavatti, evaṃ santassa pavattanakkhaṇe. Idaṃ vuttaṃ hoti – yasmiṃ khaṇe paccayo attano phaluppādanaṃ pati byāvaṭo nāma hoti, imasmiṃ khaṇe ye dhammā rūpādayo upalabbhanti tato pubbe, pacchā ca anupalabbhamānā, tesaṃ tato uppatti niddhārīyati, evaṃ jātiyāpi sā niddhāretabbā taṃkhaṇūpaladdhatoti. Yadi evaṃ nippariyāyatova jātiyā kutoci uppatti siddhi, atha kasmā ‘‘ekena pariyāyenā’’ti vuttanti? Jāyamānadhammānaṃ vikārabhāvena upaladdhabbattā. Yadi nipphannadhammā viya jāti upalabbheyya, nippariyāyatova tassā kutoci uppatti siyā, na cevaṃ upalabbhati, atha kho anipphannattā vikārabhāvena upalabbhati. Tasmā ‘‘ekena pariyāyenettha aniccātiādīni yujjantī’’ti vuttaṃ. Na pana jarāmaraṇe, janakappaccayānaṃ kiccānubhāvakkhaṇe tassa alabbhanato. Teneva ‘‘ettha ca aniccanti…pe… aniccaṃ nāma jāta’’nti vuttaṃ.
савибассанааяаад̇и зд̇т̇а саха-сад̣̇д̣̇о аббад̇хаанабхаавад̣̇ийбано ‘‘самагкигам̣, самагаса’’нд̇иаад̣̇ийсу вияа. аббад̇хаанабхууд̇аа хи вибассанаа, яат̇аабхууд̇ад̣̇ассанамаг̇г̇абан̃н̃аа баж̇аанаад̇и. ‘‘буримам̣ анд̇а’’нд̇и вужжамаанз бажжуббаннабхаавассаби г̇ахан̣ам̣ сияаад̇и ‘‘буримам̣ анд̇ам̣ ад̇ийд̇а’’нд̇и вуд̇д̇ам̣. виж̇ж̇амаанад̇ан̃жа авиж̇ж̇амаанад̇ан̃жаад̇и сассад̇аасан̇гам̣ ниссааяа ‘‘ахосим̣ ну ко ахамад̇ийд̇амад̣̇д̇хаана’’нд̇и ад̇ийд̇з ад̇д̇ано виж̇ж̇амаанад̇ам̣, ад̇хижжасамуббад̇д̇иаасан̇гам̣ ниссааяа ‘‘яад̇о бабхуд̇и ахам̣, д̇ад̇о буб̣б̣з на ну ко ахоси’’нд̇и ад̇ийд̇з ад̇д̇ано авиж̇ж̇амаанад̇ан̃жа ган̇кад̇и. гасмаа? вижигижчааяа аагаарад̣̇ваяааваламб̣анад̇о. д̇ассаа бана ад̇ийд̇авад̇т̇уд̇ааяа г̇ахид̇ад̇д̇аа сассад̇аад̇хижжасамуббад̇д̇иаагаараниссид̇ад̇аа д̣̇ассид̇аа зва. аасаббанабарисаббанабавад̇д̇игам̣ гад̇т̇ажиби аббадивад̇д̇ихзд̇убхууд̇ам̣ вижигижчам̣ гасмаа уббаад̣̇зд̇ийд̇и на вижаарзд̇аб̣б̣амзд̇анд̇и д̣̇ассзнд̇о ааха ‘‘гим̣гааран̣анд̇и на вад̇д̇аб̣б̣а’’нд̇и . гааран̣ам̣ ваа вижигижчааяа аяонисоманасигааро, д̇асса анд̇хаб̣аалабут̇уж̇ж̇анабхааво, арияаанам̣ ад̣̇ассаавид̇аа жаад̇и д̣̇адтаб̣б̣ам̣. ж̇аад̇илин̇г̇убабад̇д̇ияод̇и кад̇д̇ияаб̣раахман̣аад̣̇иж̇аад̇им̣, г̇ахадтабаб̣б̣аж̇ид̇аад̣̇илин̇г̇ам̣, д̣̇звамануссаад̣̇иубабад̇д̇ин̃жа. ниссааяаад̇и убаад̣̇ааяа. д̇асмим̣ гаалз яам̣ санд̇аанам̣ маж̇жхимам̣ бамаан̣ам̣, д̇зна яуд̇д̇о бамаан̣иго, д̇ад̣̇абхаавад̇о ад̇хигабхаавад̇о ваа ‘‘аббамаан̣иго’’д̇и взд̣̇ид̇аб̣б̣о. гзжийд̇и саарасамаасаажарияаа. д̇з хи ‘‘гат̇ам̣ ну ко’’д̇и иссарзна ваа б̣рахмунаа ваа буб̣б̣агад̇зна ваа ахзд̇уд̇о ваа ниб̣б̣ад̇д̇од̇и жинд̇зд̇ийд̇и вад̣̇анд̇и. ахзд̇уд̇о ниб̣б̣ад̇д̇иган̇кааби хи хзд̇убараамасанамзваад̇и. барамбаранд̇и буб̣б̣аабараббавад̇д̇им̣. ад̣̇д̇хаананд̇и гаалаад̇хиважанам̣, д̇ан̃жа бхуммад̇т̇з убаяог̇аважанам̣ д̣̇адтаб̣б̣ам̣. виж̇ж̇амаанад̇ан̃жа авиж̇ж̇амаанад̇ан̃жаад̇и сассад̇аасан̇гам̣ ниссааяа ‘‘бхависсаами ну ко ахам̣ анааг̇ад̇амад̣̇д̇хаана’’нд̇и анааг̇ад̇з ад̇д̇ано виж̇ж̇амаанад̇ам̣, ужчзд̣̇аасан̇гам̣ ниссааяа ‘‘яасмин̃жа ад̇д̇абхаавз ужчзд̣̇анаган̇каа, д̇ад̇о барам̣ ну ко бхависсаамий’’д̇и анааг̇ад̇з ад̇д̇ано авиж̇ж̇амаанад̇ан̃жа ган̇кад̇ийд̇и хздтаа вуд̇д̇анаязна яож̇зд̇аб̣б̣ам̣.
Savipassanāyāti ettha saha-saddo appadhānabhāvadīpano ‘‘samakkhikaṃ, samakasa’’ntiādīsu viya. Appadhānabhūtā hi vipassanā, yathābhūtadassanamaggapaññā pajānāti. ‘‘Purimaṃ anta’’nti vuccamāne paccuppannabhāvassapi gahaṇaṃ siyāti ‘‘purimaṃ antaṃ atīta’’nti vuttaṃ. Vijjamānatañca avijjamānatañcāti sassatāsaṅkaṃ nissāya ‘‘ahosiṃ nu kho ahamatītamaddhāna’’nti atīte attano vijjamānataṃ, adhiccasamuppattiāsaṅkaṃ nissāya ‘‘yato pabhuti ahaṃ, tato pubbe na nu kho ahosi’’nti atīte attano avijjamānatañca kaṅkhati. Kasmā? Vicikicchāya ākāradvayāvalambanato. Tassā pana atītavatthutāya gahitattā sassatādhiccasamuppattiākāranissitatā dassitā eva. Āsappanaparisappanapavattikaṃ katthacipi appaṭivattihetubhūtaṃ vicikicchaṃ kasmā uppādetīti na vicāretabbametanti dassento āha ‘‘kiṃkāraṇanti na vattabba’’nti . Kāraṇaṃ vā vicikicchāya ayonisomanasikāro, tassa andhabālaputhujjanabhāvo, ariyānaṃ adassāvitā cāti daṭṭhabbaṃ. Jātiliṅgupapattiyoti khattiyabrāhmaṇādijātiṃ, gahaṭṭhapabbajitādiliṅgaṃ, devamanussādiupapattiñca. Nissāyāti upādāya. Tasmiṃ kāle yaṃ santānaṃ majjhimaṃ pamāṇaṃ, tena yutto pamāṇiko, tadabhāvato adhikabhāvato vā ‘‘appamāṇiko’’ti veditabbo. Kecīti sārasamāsācariyā. Te hi ‘‘kathaṃ nu kho’’ti issarena vā brahmunā vā pubbakatena vā ahetuto vā nibbattoti cintetīti vadanti. Ahetuto nibbattikaṅkhāpi hi hetuparāmasanamevāti. Paramparanti pubbāparappavattiṃ. Addhānanti kālādhivacanaṃ, tañca bhummatthe upayogavacanaṃ daṭṭhabbaṃ. Vijjamānatañca avijjamānatañcāti sassatāsaṅkaṃ nissāya ‘‘bhavissāmi nu kho ahaṃ anāgatamaddhāna’’nti anāgate attano vijjamānataṃ, ucchedāsaṅkaṃ nissāya ‘‘yasmiñca attabhāve ucchedanakaṅkhā, tato paraṃ nu kho bhavissāmī’’ti anāgate attano avijjamānatañca kaṅkhatīti heṭṭhā vuttanayena yojetabbaṃ.
бажжуббаннам̣ ад̣̇д̇хаананд̇и ад̣̇д̇хаабажжуббаннасса ид̇хаад̇хиббзд̇ад̇д̇аа ‘‘бадисанд̇химаад̣̇им̣ гад̇ваа’’д̇иаад̣̇и вуд̇д̇ам̣. ‘‘ид̣̇ам̣ гат̇ам̣, ид̣̇ам̣ гат̇а’’нд̇и бавад̇д̇анад̇о гат̇ам̣гат̇аа, вижигижчаа, саа асса ад̇т̇ийд̇и гат̇ам̣гат̇ий. д̇знааха ‘‘вижигижчий’’д̇и. гаа зд̇т̇а жинд̇аа? уммад̇д̇аго вияа б̣аалабут̇уж̇ж̇анод̇и бадигажжзва вуд̇д̇анд̇и ад̇хиббааяо. д̇ам̣ махаамаад̇ааяа буд̇д̇ам̣. мун̣д̣зсунд̇и мун̣д̣зна анижчанд̇ам̣ ж̇ааг̇аран̣агаалз на саггаад̇и суд̇д̇ам̣ мун̣д̣зсум̣ гулад̇хаммавасзна яат̇аа згажжз гулад̇аабасаа. рааж̇абхаязнаад̇и жа вад̣̇анд̇и. сийд̇ибхууд̇анд̇и ид̣̇ам̣ мад̇хурагабхааваббад̇д̇ияаа гааран̣аважанам̣. ‘‘сзд̇абхууд̇а’’нд̇иби баато, уд̣̇агз жирадтаанзна сзд̇абхаавам̣ бад̇д̇анд̇и ад̇т̇о.
Paccuppannaṃ addhānanti addhāpaccuppannassa idhādhippetattā ‘‘paṭisandhimādiṃ katvā’’tiādi vuttaṃ. ‘‘Idaṃ kathaṃ, idaṃ katha’’nti pavattanato kathaṃkathā, vicikicchā, sā assa atthīti kathaṃkathī. Tenāha ‘‘vicikicchī’’ti. Kā ettha cintā? Ummattako viya bālaputhujjanoti paṭikacceva vuttanti adhippāyo. Taṃ mahāmātāya puttaṃ. Muṇḍesunti muṇḍena anicchantaṃ jāgaraṇakāle na sakkāti suttaṃ muṇḍesuṃ kuladhammavasena yathā ekacce kulatāpasā. Rājabhayenāti ca vadanti. Sītibhūtanti idaṃ madhurakabhāvappattiyā kāraṇavacanaṃ. ‘‘Setabhūta’’ntipi pāṭho, udake ciraṭṭhānena setabhāvaṃ pattanti attho.
ад̇д̇ано кад̇д̇ияабхаавам̣ ган̇кад̇и ган̣н̣о вияа сууд̇абуд̇д̇асан̃н̃ий, сууд̇абуд̇д̇асан̃н̃ийд̇и суурияад̣̇звабуд̇д̇асса буд̇д̇асан̃н̃ий. ж̇аад̇ияаа вибхаавияамаанааяа ‘‘аха’’нд̇и д̇асса ад̇д̇ано бараамасанам̣ санд̇хааяааха ‘‘звамби сияаа ган̇каа’’д̇и. мануссааби жа рааж̇аано вияаад̇и мануссааби жа гзжи згажжз рааж̇аано вияаад̇и ад̇хиббааяо. вуд̇д̇анаяамзва ‘‘сан̣таанаагаарам̣ ниссааяаа’’д̇иаад̣̇инаа. зд̇т̇аад̇и ‘‘гат̇ам̣ ну космий’’д̇и бад̣̇з. аб̣бханд̇арз ж̇ийвод̇и барабаригаббид̇ам̣ анд̇арад̇д̇аанам̣ вад̣̇ад̇и. сол̣асам̣саад̣̇ийнанд̇и аад̣̇и-сад̣̇д̣̇зна сарийрабаримаан̣аан̇г̇удта-яавабарамаан̣убаримаан̣ад̇аад̣̇игз сан̇г̇ан̣хаад̇и. сад̇д̇абан̃н̃ад̇д̇и ж̇ийвависаяаад̇и д̣̇идтиг̇ад̇игаанам̣ мад̇имад̇д̇ам̣, барамад̇т̇ад̇о бана саа ад̇д̇абхаавависаяааваад̇и ааха ‘‘ад̇д̇абхаавасса ааг̇ад̇иг̇ад̇идтаана’’нд̇и. яад̇ааяам̣ ааг̇ад̇о, яад̇т̇а жа г̇амиссад̇и, д̇ам̣ таананд̇и ад̇т̇о. сод̇аабанно ад̇хиббзд̇о вижигижчаабахаанасса д̣̇идтад̇д̇аа. ид̇арзби д̇аяод̇и сагад̣̇ааг̇аамийаад̣̇аяо аваарид̇аа зва. ‘‘аяан̃жа…бз… суд̣̇идтаа’’д̇и ниббад̣̇зсад̇о сажжасам̣бадивзд̇хасса ж̇од̇ид̇ад̇д̇аа.
Attano khattiyabhāvaṃ kaṅkhati kaṇṇo viya sūtaputtasaññī, sūtaputtasaññīti sūriyadevaputtassa puttasaññī. Jātiyā vibhāviyamānāya ‘‘aha’’nti tassa attano parāmasanaṃ sandhāyāha ‘‘evampi siyā kaṅkhā’’ti. Manussāpi ca rājāno viyāti manussāpi ca keci ekacce rājāno viyāti adhippāyo. Vuttanayameva ‘‘saṇṭhānākāraṃ nissāyā’’tiādinā. Etthāti ‘‘kathaṃ nu khosmī’’ti pade. Abbhantare jīvoti paraparikappitaṃ antarattānaṃ vadati. Soḷasaṃsādīnanti ādi-saddena sarīraparimāṇaaṅguṭṭha-yavaparamāṇuparimāṇatādike saṅgaṇhāti. Sattapaññatti jīvavisayāti diṭṭhigatikānaṃ matimattaṃ, paramatthato pana sā attabhāvavisayāvāti āha ‘‘attabhāvassa āgatigatiṭṭhāna’’nti. Yatāyaṃ āgato, yattha ca gamissati, taṃ ṭhānanti attho. Sotāpanno adhippeto vicikicchāpahānassa diṭṭhattā. Itarepi tayoti sakadāgāmīādayo avāritā eva. ‘‘Ayañca…pe… sudiṭṭhā’’ti nippadesato saccasaṃpaṭivedhassa jotitattā.
бажжаяасуд̇д̇аван̣н̣анаа нидтид̇аа.
Paccayasuttavaṇṇanā niṭṭhitā.
аахаараваг̇г̇аван̣н̣анаа нидтид̇аа.
Āhāravaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. бажжаяасуд̇д̇ам̣ • 10. Paccayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. бажжаяасуд̇д̇аван̣н̣анаа • 10. Paccayasuttavaṇṇanā
