| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. бажжаяасуд̇д̇аван̣н̣анаа
7. Paccayasuttavaṇṇanā
27. бадибаадияаад̇и бадибаадияаа табанзна. жад̇усажжаяож̇анам̣ д̣̇ассзд̇ум̣ барияосаана…бз… аад̣̇и вуд̇д̇ам̣. д̣̇угкасажжавасзнаад̇и барин̃н̃зяяабхаававасзна. ж̇араамаран̣аабад̣̇зсзна хи бан̃жубаад̣̇аанагканд̇хаа вуд̇д̇аа, д̇з жасса ад̇д̇ано паласса бажжаяаа на хонд̇и. д̇ам̣ санд̇хааяа вуд̇д̇ам̣ ‘‘бажжаяам̣ ж̇аанаад̇ий’’д̇и. винзяяаж̇жхаасаяавасзна хзд̇т̇а д̣̇зсанаа бавад̇д̇аа. самбаннод̇и саманнааг̇ад̇о. ааг̇ад̇од̇и убаг̇ад̇о, ад̇хиг̇ад̇од̇и ад̇т̇о. бассад̇ийд̇и бажжавзгкан̣ан̃аан̣зна бажжагкад̇о бассад̇и, маг̇г̇абан̃н̃ааяа звам̣ асаммохабадивзд̇хавасзна бассад̇и. маг̇г̇ан̃аан̣знзва, на палан̃аан̣зна. д̇хаммасод̇ам̣ самаабаннод̇и арияад̇хаммасод̇ам̣ саммад̣̇зва аабанно бад̇д̇о. анаяз наирияанад̇о, аяз жа ирияанад̇о, сад̣̇звагзна жа логзна ‘‘саран̣а’’нд̇и агаран̣ийяад̇о арияабагкам̣ бхаж̇анд̇о бут̇уж̇ж̇анабхуумим̣ ад̇игганд̇о. ниб̣б̣зд̇хигабан̃н̃ааяаад̇и жад̇уннам̣ арияасажжаанам̣ ниб̣б̣иж̇жханагабан̃н̃ааяа. аахажжа д̇идтад̇и маг̇г̇агкан̣з, палагкан̣з бана аахажжа тид̇о наама.
27.Paṭipāṭiyāti paṭipāṭiyā ṭhapanena. Catusaccayojanaṃ dassetuṃ pariyosāna…pe… ādi vuttaṃ. Dukkhasaccavasenāti pariññeyyabhāvavasena. Jarāmaraṇāpadesena hi pañcupādānakkhandhā vuttā, te cassa attano phalassa paccayā na honti. Taṃ sandhāya vuttaṃ ‘‘paccayaṃ jānātī’’ti. Vineyyajjhāsayavasena hettha desanā pavattā. Sampannoti samannāgato. Āgatoti upagato, adhigatoti attho. Passatīti paccavekkhaṇañāṇena paccakkhato passati, maggapaññāya evaṃ asammohapaṭivedhavasena passati. Maggañāṇeneva, na phalañāṇena. Dhammasotaṃ samāpannoti ariyadhammasotaṃ sammadeva āpanno patto. Anaye nairiyanato, aye ca iriyanato, sadevakena ca lokena ‘‘saraṇa’’nti akaraṇīyato ariyapakkhaṃ bhajanto puthujjanabhūmiṃ atikkanto. Nibbedhikapaññāyāti catunnaṃ ariyasaccānaṃ nibbijjhanakapaññāya. Āhacca tiṭṭhati maggakkhaṇe, phalakkhaṇe pana āhacca ṭhito nāma.
бажжаяасуд̇д̇аван̣н̣анаа нидтид̇аа.
Paccayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. бажжаяасуд̇д̇ам̣ • 7. Paccayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. бажжаяасуд̇д̇аван̣н̣анаа • 7. Paccayasuttavaṇṇanā
