| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. ปจฺจยสุตฺตวณฺณนา
7. Paccayasuttavaṇṇanā
๒๗-๒๘. สตฺตเม ปฎิปาฎิยา วุเตฺตสุ ปริโยสานปทํ คเหตฺวา กตมญฺจ, ภิกฺขเว, ชรามรณนฺติอาทิ วุตฺตํฯ เอวํ ปจฺจยํ ปชานาตีติ เอวํ ทุกฺขสจฺจวเสน ปจฺจยํ ชานาติฯ ปจฺจยสมุทยาทโยปิ สมุทยสจฺจาทีนํเยว วเสน เวทิตพฺพาฯ ทิฎฺฐิสมฺปโนฺนติ มคฺคทิฎฺฐิยา สมฺปโนฺนฯ ทสฺสนสมฺปโนฺนติ ตเสฺสว เววจนํฯ อาคโต อิมํ สทฺธมฺมนฺติ มคฺคสทฺธมฺมํ อาคโตฯ ปสฺสตีติ มคฺคสทฺธมฺมเมว ปสฺสติฯ เสเกฺขน ญาเณนาติ มคฺคญาเณเนวฯ เสกฺขาย วิชฺชายาติ มคฺควิชฺชาย เอวฯ ธมฺมโสตํ สมาปโนฺนติ มคฺคสงฺขาตเมว ธมฺมโสตํ สมาปโนฺนฯ อริโยติ ปุถุชฺชนภูมิํ อติกฺกโนฺตฯ นิเพฺพธิกปโญฺญติ นิเพฺพธิกปญฺญาย สมนฺนาคโตฯ อมตทฺวารํ อาหจฺจ ติฎฺฐตีติ อมตํ นาม นิพฺพานํ, ตสฺส ทฺวารํ อริยมคฺคํ อาหจฺจ ติฎฺฐตีติฯ อฎฺฐมํ อุตฺตานเมวฯ สตฺตมอฎฺฐมานิฯ
27-28. Sattame paṭipāṭiyā vuttesu pariyosānapadaṃ gahetvā katamañca, bhikkhave, jarāmaraṇantiādi vuttaṃ. Evaṃ paccayaṃ pajānātīti evaṃ dukkhasaccavasena paccayaṃ jānāti. Paccayasamudayādayopi samudayasaccādīnaṃyeva vasena veditabbā. Diṭṭhisampannoti maggadiṭṭhiyā sampanno. Dassanasampannoti tasseva vevacanaṃ. Āgato imaṃ saddhammanti maggasaddhammaṃ āgato. Passatīti maggasaddhammameva passati. Sekkhena ñāṇenāti maggañāṇeneva. Sekkhāya vijjāyāti maggavijjāya eva. Dhammasotaṃ samāpannoti maggasaṅkhātameva dhammasotaṃ samāpanno. Ariyoti puthujjanabhūmiṃ atikkanto. Nibbedhikapaññoti nibbedhikapaññāya samannāgato. Amatadvāraṃ āhaccatiṭṭhatīti amataṃ nāma nibbānaṃ, tassa dvāraṃ ariyamaggaṃ āhacca tiṭṭhatīti. Aṭṭhamaṃ uttānameva. Sattamaaṭṭhamāni.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๗. ปจฺจยสุตฺตํ • 7. Paccayasuttaṃ
๘. ภิกฺขุสุตฺตํ • 8. Bhikkhusuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā)
๗. ปจฺจยสุตฺตวณฺณนา • 7. Paccayasuttavaṇṇanā
๘. ภิกฺขุสุตฺตวณฺณนา • 8. Bhikkhusuttavaṇṇanā
