| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. ปจฺจยสุตฺตวณฺณนา
7. Paccayasuttavaṇṇanā
๒๗. ปฎิปาฎิยาติ ปฎิปาฎิยา ฐปเนนฯ จตุสจฺจโยชนํ ทเสฺสตุํ ปริโยสาน…เป.… อาทิ วุตฺตํฯ ทุกฺขสจฺจวเสนาติ ปริเญฺญยฺยภาววเสนฯ ชรามรณาปเทเสน หิ ปญฺจุปาทานกฺขนฺธา วุตฺตา, เต จสฺส อตฺตโน ผลสฺส ปจฺจยา น โหนฺติฯ ตํ สนฺธาย วุตฺตํ ‘‘ปจฺจยํ ชานาตี’’ติฯ วิเนยฺยชฺฌาสยวเสน เหตฺถ เทสนา ปวตฺตาฯ สมฺปโนฺนติ สมนฺนาคโตฯ อาคโตติ อุปคโต, อธิคโตติ อโตฺถฯ ปสฺสตีติ ปจฺจเวกฺขณญาเณน ปจฺจกฺขโต ปสฺสติ, มคฺคปญฺญาย เอวํ อสโมฺมหปฎิเวธวเสน ปสฺสติฯ มคฺคญาเณเนว, น ผลญาเณนฯ ธมฺมโสตํ สมาปโนฺนติ อริยธมฺมโสตํ สมฺมเทว อาปโนฺน ปโตฺตฯ อนเย นอิริยนโต, อเย จ อิริยนโต, สเทวเกน จ โลเกน ‘‘สรณ’’นฺติ อกรณียโต อริยปกฺขํ ภชโนฺต ปุถุชฺชนภูมิํ อติกฺกโนฺตฯ นิเพฺพธิกปญฺญายาติ จตุนฺนํ อริยสจฺจานํ นิพฺพิชฺฌนกปญฺญายฯ อาหจฺจ ติฎฺฐติ มคฺคกฺขเณ, ผลกฺขเณ ปน อาหจฺจ ฐิโต นามฯ
27.Paṭipāṭiyāti paṭipāṭiyā ṭhapanena. Catusaccayojanaṃ dassetuṃ pariyosāna…pe… ādi vuttaṃ. Dukkhasaccavasenāti pariññeyyabhāvavasena. Jarāmaraṇāpadesena hi pañcupādānakkhandhā vuttā, te cassa attano phalassa paccayā na honti. Taṃ sandhāya vuttaṃ ‘‘paccayaṃ jānātī’’ti. Vineyyajjhāsayavasena hettha desanā pavattā. Sampannoti samannāgato. Āgatoti upagato, adhigatoti attho. Passatīti paccavekkhaṇañāṇena paccakkhato passati, maggapaññāya evaṃ asammohapaṭivedhavasena passati. Maggañāṇeneva, na phalañāṇena. Dhammasotaṃ samāpannoti ariyadhammasotaṃ sammadeva āpanno patto. Anaye nairiyanato, aye ca iriyanato, sadevakena ca lokena ‘‘saraṇa’’nti akaraṇīyato ariyapakkhaṃ bhajanto puthujjanabhūmiṃ atikkanto. Nibbedhikapaññāyāti catunnaṃ ariyasaccānaṃ nibbijjhanakapaññāya. Āhacca tiṭṭhati maggakkhaṇe, phalakkhaṇe pana āhacca ṭhito nāma.
ปจฺจยสุตฺตวณฺณนา นิฎฺฐิตาฯ
Paccayasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. ปจฺจยสุตฺตํ • 7. Paccayasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. ปจฺจยสุตฺตวณฺณนา • 7. Paccayasuttavaṇṇanā
