| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. ပစ္စယသုတ္တဝဏ္ဏနာ
7. Paccayasuttavaṇṇanā
၂၇-၂၈. သတ္တမေ ပဋိပာဋိယာ ဝုတ္တေသု ပရိယောသာနပဒံ ဂဟေတ္ဝာ ကတမဉ္စ, ဘိက္ခဝေ, ဇရာမရဏန္တိအာဒိ ဝုတ္တံ။ ဧဝံ ပစ္စယံ ပဇာနာတီတိ ဧဝံ ဒုက္ခသစ္စဝသေန ပစ္စယံ ဇာနာတိ။ ပစ္စယသမုဒယာဒယောပိ သမုဒယသစ္စာဒီနံယေဝ ဝသေန ဝေဒိတဗ္ဗာ။ ဒိဋ္ဌိသမ္ပန္နောတိ မဂ္ဂဒိဋ္ဌိယာ သမ္ပန္နော။ ဒသ္သနသမ္ပန္နောတိ တသ္သေဝ ဝေဝစနံ။ အာဂတော ဣမံ သဒ္ဓမ္မန္တိ မဂ္ဂသဒ္ဓမ္မံ အာဂတော။ ပသ္သတီတိ မဂ္ဂသဒ္ဓမ္မမေဝ ပသ္သတိ။ သေက္ခေန ဉာဏေနာတိ မဂ္ဂဉာဏေနေဝ။ သေက္ခာယ ဝိဇ္ဇာယာတိ မဂ္ဂဝိဇ္ဇာယ ဧဝ။ ဓမ္မသောတံ သမာပန္နောတိ မဂ္ဂသင္ခာတမေဝ ဓမ္မသောတံ သမာပန္နော။ အရိယောတိ ပုထုဇ္ဇနဘူမိံ အတိက္ကန္တော။ နိဗ္ဗေဓိကပညောတိ နိဗ္ဗေဓိကပညာယ သမန္နာဂတော။ အမတဒ္ဝာရံ အာဟစ္စ တိဋ္ဌတီတိ အမတံ နာမ နိဗ္ဗာနံ, တသ္သ ဒ္ဝာရံ အရိယမဂ္ဂံ အာဟစ္စ တိဋ္ဌတီတိ။ အဋ္ဌမံ ဥတ္တာနမေဝ။ သတ္တမအဋ္ဌမာနိ။
27-28. Sattame paṭipāṭiyā vuttesu pariyosānapadaṃ gahetvā katamañca, bhikkhave, jarāmaraṇantiādi vuttaṃ. Evaṃ paccayaṃ pajānātīti evaṃ dukkhasaccavasena paccayaṃ jānāti. Paccayasamudayādayopi samudayasaccādīnaṃyeva vasena veditabbā. Diṭṭhisampannoti maggadiṭṭhiyā sampanno. Dassanasampannoti tasseva vevacanaṃ. Āgato imaṃ saddhammanti maggasaddhammaṃ āgato. Passatīti maggasaddhammameva passati. Sekkhena ñāṇenāti maggañāṇeneva. Sekkhāya vijjāyāti maggavijjāya eva. Dhammasotaṃ samāpannoti maggasaṅkhātameva dhammasotaṃ samāpanno. Ariyoti puthujjanabhūmiṃ atikkanto. Nibbedhikapaññoti nibbedhikapaññāya samannāgato. Amatadvāraṃ āhaccatiṭṭhatīti amataṃ nāma nibbānaṃ, tassa dvāraṃ ariyamaggaṃ āhacca tiṭṭhatīti. Aṭṭhamaṃ uttānameva. Sattamaaṭṭhamāni.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၇. ပစ္စယသုတ္တံ • 7. Paccayasuttaṃ
၈. ဘိက္ခုသုတ္တံ • 8. Bhikkhusuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā)
၇. ပစ္စယသုတ္တဝဏ္ဏနာ • 7. Paccayasuttavaṇṇanā
၈. ဘိက္ခုသုတ္တဝဏ္ဏနာ • 8. Bhikkhusuttavaṇṇanā
