| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. бажжаяад̇т̇зраг̇аат̇ааван̣н̣анаа
2. Paccayattheragāthāvaṇṇanā
бан̃жаахаахам̣ баб̣б̣аж̇ид̇од̇и ааяасмад̇о бажжаяад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о зганавуд̇з габбз вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ винад̇ааяа наама над̣̇ияаа д̇ийрз г̇ажчанд̇ам̣ д̣̇исваа басаннамаанасо манун̃н̃ад̣̇ассанаани маханд̇аани уд̣̇умб̣арапалаани ожинид̇ваа убанаамзси. со д̇зна бун̃н̃агаммзна суг̇ад̇ийсуязва сам̣саранд̇о имасмим̣ бхад̣̇д̣̇агаббз гассабз бхаг̇авад̇и логз уббаж̇ж̇ид̇ваа бавад̇д̇аварад̇хаммажаггз взнзяяаж̇анаануг̇г̇ахам̣ гаронд̇з д̇асса саасанз баб̣б̣аж̇ид̇ваа вибассанам̣ бадтабзд̇ваа бхааванамануяун̃ж̇анд̇о згад̣̇ивасам̣ сам̣саарад̣̇угкам̣ жинд̇зд̇ваа
Pañcāhāhaṃpabbajitoti āyasmato paccayattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito ekanavute kappe vipassissa bhagavato kāle kulagehe nibbattitvā viññutaṃ patto ekadivasaṃ satthāraṃ vinatāya nāma nadiyā tīre gacchantaṃ disvā pasannamānaso manuññadassanāni mahantāni udumbaraphalāni ocinitvā upanāmesi. So tena puññakammena sugatīsuyeva saṃsaranto imasmiṃ bhaddakappe kassape bhagavati loke uppajjitvā pavattavaradhammacakke veneyyajanānuggahaṃ karonte tassa sāsane pabbajitvā vipassanaṃ paṭṭhapetvā bhāvanamanuyuñjanto ekadivasaṃ saṃsāradukkhaṃ cintetvā
ад̇ивияа сан̃ж̇аад̇асам̣взг̇о вихаарз нисинно ‘‘арахад̇д̇ам̣ аббад̇ваа ид̇о на нигкамиссаамий’’д̇и жид̇д̇ам̣ ад̇хидтааяа вааяаманд̇о н̃аан̣асса абарибаггад̇д̇аа вибассанам̣ уссуггаабзд̇ум̣ наасагки. со гаалан̇гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рохид̇анаг̇арз кад̇д̇ияагулз ниб̣б̣ад̇д̇ид̇ваа бажжаяод̇и лад̣̇д̇ханаамо ваяаббад̇д̇о бид̇у ажжаязна раж̇ж̇з бад̇идтид̇о згад̣̇ивасам̣ махаарааж̇аб̣алим̣ гаад̇ум̣ аарабхи. д̇ад̇т̇а махааж̇ано саннибад̇и. д̇асмим̣ самааг̇амз д̇асса басаад̣̇ан̃ж̇ананад̇т̇ам̣ сад̇т̇аа махааж̇анасса бзгканд̇ассзва аагаасз взссаван̣зна ниммид̇з рад̇анамаяагуудааг̇аарз рад̇анамаяасийхаасанз нисийд̣̇ид̇ваа д̇хаммам̣ д̣̇зсзси. махад̇о ж̇анагааяасса д̇хаммаабхисамаяо ахоси. д̇ам̣ д̇хаммам̣ суд̇ваа бажжаяарааж̇ааби раж̇ж̇ам̣ бахааяа буримахзд̇усан̃жод̣̇ид̇о баб̣б̣аж̇и. со яат̇аа гассабасса бхаг̇авад̇о гаалз бадин̃н̃ам̣ агааси, звам̣ бадин̃н̃ам̣ гад̇ваа вихаарам̣ бависид̇ваа вибассанам̣ вад̣дхзнд̇о н̃аан̣асса барибаагам̣ г̇ад̇ад̇д̇аа д̇аавад̣̇зва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.39.15-20) –
Ativiya sañjātasaṃvego vihāre nisinno ‘‘arahattaṃ appatvā ito na nikkhamissāmī’’ti cittaṃ adhiṭṭhāya vāyamanto ñāṇassa aparipakkattā vipassanaṃ ussukkāpetuṃ nāsakkhi. So kālaṅkatvā devamanussesu saṃsaranto imasmiṃ buddhuppāde rohitanagare khattiyakule nibbattitvā paccayoti laddhanāmo vayappatto pitu accayena rajje patiṭṭhito ekadivasaṃ mahārājabaliṃ kātuṃ ārabhi. Tattha mahājano sannipati. Tasmiṃ samāgame tassa pasādañjananatthaṃ satthā mahājanassa pekkhantasseva ākāse vessavaṇena nimmite ratanamayakūṭāgāre ratanamayasīhāsane nisīditvā dhammaṃ desesi. Mahato janakāyassa dhammābhisamayo ahosi. Taṃ dhammaṃ sutvā paccayarājāpi rajjaṃ pahāya purimahetusañcodito pabbaji. So yathā kassapassa bhagavato kāle paṭiññaṃ akāsi, evaṃ paṭiññaṃ katvā vihāraṃ pavisitvā vipassanaṃ vaḍḍhento ñāṇassa paripākaṃ gatattā tāvadeva arahattaṃ pāpuṇi. Tena vuttaṃ apadāne (apa. thera 1.39.15-20) –
‘‘винад̇аанад̣̇ияаа д̇ийрз, вихааси бурисуд̇д̇амо;
‘‘Vinatānadiyā tīre, vihāsi purisuttamo;
ад̣̇д̣̇асам̣ вираж̇ам̣ б̣уд̣̇д̇хам̣, згаг̇г̇ам̣ сусамаахид̇ам̣.
Addasaṃ virajaṃ buddhaṃ, ekaggaṃ susamāhitaṃ.
‘‘д̇асмим̣ басаннамаанасо, гилзсамалад̇хованз;
‘‘Tasmiṃ pasannamānaso, kilesamaladhovane;
уд̣̇умб̣арапалам̣ г̇аяха, б̣уд̣̇д̇хасздтассад̣̇аасахам̣.
Udumbaraphalaṃ gayha, buddhaseṭṭhassadāsahaṃ.
‘‘зганавуд̇ид̇о габбз, яам̣ паламад̣̇ад̣̇им̣ д̇ад̣̇аа;
‘‘Ekanavutito kappe, yaṃ phalamadadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘имамхи бхад̣̇д̣̇агз габбз, сам̣виг̇г̇амаанамаанасо;
‘‘Imamhi bhaddake kappe, saṃviggamānamānaso;
гассабасса бхаг̇авад̇о, саасанз баб̣б̣аж̇им̣ ахам̣.
Kassapassa bhagavato, sāsane pabbajiṃ ahaṃ.
‘‘д̇ат̇аа баб̣б̣аж̇ид̇о санд̇о, бхааванам̣ ануяун̃ж̇исам̣;
‘‘Tathā pabbajito santo, bhāvanaṃ anuyuñjisaṃ;
на вихаараа нигкамиссам̣, ид̇и гад̇ваана маанасам̣.
Na vihārā nikkhamissaṃ, iti katvāna mānasaṃ.
‘‘уд̇д̇амад̇т̇ам̣ асамбад̇д̇о, на жа бад̇д̇омхи д̇аавад̣̇з;
‘‘Uttamatthaṃ asampatto, na ca pattomhi tāvade;
ид̣̇аани бана н̃аан̣асса, барибаагзна ниб̣б̣уд̇о;
Idāni pana ñāṇassa, paripākena nibbuto;
бад̇д̇омхи ажалам̣ таанам̣, пусид̇ваа ажжуд̇ам̣ бад̣̇ам̣.
Pattomhi acalaṃ ṭhānaṃ, phusitvā accutaṃ padaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇игид̇д̇анамукзна ан̃н̃ам̣ б̣яаагаронд̇о –
Arahattaṃ pana patvā attano paṭipattikittanamukhena aññaṃ byākaronto –
222.
222.
‘‘бан̃жаахаахам̣ баб̣б̣аж̇ид̇о, сзко аббад̇д̇амаанасо;
‘‘Pañcāhāhaṃ pabbajito, sekho appattamānaso;
вихаарам̣ мз бавидтасса, жзд̇асо бан̣ид̇хий аху.
Vihāraṃ me paviṭṭhassa, cetaso paṇidhī ahu.
223.
223.
‘‘наасиссам̣ на бивиссаами, вихаарад̇о на нигкамз;
‘‘Nāsissaṃ na pivissāmi, vihārato na nikkhame;
наби бассам̣ нибаад̇зссам̣, д̇ан̣хаасаллз ануухад̇з.
Napi passaṃ nipātessaṃ, taṇhāsalle anūhate.
224.
224.
‘‘д̇асса мзвам̣ вихарад̇о, басса вийрияабараггамам̣;
‘‘Tassa mevaṃ viharato, passa vīriyaparakkamaṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
имаа д̇иссо г̇аат̇аа абхааси.
Imā tisso gāthā abhāsi.
д̇ад̇т̇а бан̃жаахаахам̣ баб̣б̣аж̇ид̇од̇и бан̃жаахо ахам̣, баб̣б̣аж̇ид̇о худ̇ваа бан̃жаахо, баб̣б̣аж̇ид̇ад̣̇ивасад̇о бан̃жамо ахо нидтид̇од̇и ад̇т̇о. сзко аббад̇д̇амаанасод̇и ад̇хисийласигкаад̣̇ийнам̣ сигканад̇о сзко. анавасзсад̇о маанам̣ сияад̇и самужчинд̣̇ад̇ийд̇и маанасо, аг̇г̇амаг̇г̇о, д̇ам̣ниб̣б̣ад̇д̇ид̇о маанасад̇о ааг̇ад̇ам̣ маанасам̣, арахад̇д̇ам̣, д̇ам̣, со ваа аббад̇д̇о зд̇знаад̇и аббад̇д̇амаанасо. вихаарам̣ мз бавидтасса, жзд̇асо бан̣ид̇хий ахууд̇и звам̣ сзкасса мз васанагавихаарам̣ оварагам̣ бавидтасса сад̇о зваруубо ид̣̇аани вужжамаанаагааро жзд̇обан̣ид̇хи ахоси, звам̣ маяаа жид̇д̇ам̣ бан̣ихид̇анд̇и ад̇т̇о.
Tattha pañcāhāhaṃ pabbajitoti pañcāho ahaṃ, pabbajito hutvā pañcāho, pabbajitadivasato pañcamo aho niṭṭhitoti attho. Sekho appattamānasoti adhisīlasikkhādīnaṃ sikkhanato sekho. Anavasesato mānaṃ siyati samucchindatīti mānaso, aggamaggo, taṃnibbattito mānasato āgataṃ mānasaṃ, arahattaṃ, taṃ, so vā appatto etenāti appattamānaso. Vihāraṃ me paviṭṭhassa, cetaso paṇidhī ahūti evaṃ sekhassa me vasanakavihāraṃ ovarakaṃ paviṭṭhassa sato evarūpo idāni vuccamānākāro cetopaṇidhi ahosi, evaṃ mayā cittaṃ paṇihitanti attho.
наасиссанд̇иаад̣̇инаа жид̇д̇абан̣ид̇хим̣ д̣̇ассзд̇и. д̇ад̇т̇а наасиссанд̇и яам̣гин̃жи бхож̇анам̣ на бхун̃ж̇иссам̣ на бхун̃ж̇иссаами д̇ан̣хаасаллз мама хад̣̇аяаг̇ад̇з ануухад̇з ануд̣̇д̇хад̇зд̇и звам̣ саб̣б̣абад̣̇зсу яож̇зд̇аб̣б̣ам̣. на бивиссаамийд̇и яам̣гин̃жи баад̇аб̣б̣ам̣ на бивиссаами. вихаарад̇о на нигкамзд̇и имасмаа ид̣̇аани маяаа нисиннаг̇аб̣бхад̇о на нигкамзяяам̣. наби бассам̣ нибаад̇зссанд̇и мама сарийрасса д̣̇вийсу бассзсу згамби бассам̣ гааяагиламат̇авинод̣̇анад̇т̇ам̣ на нибаад̇зссам̣, згабассзнаби на нибаж̇ж̇иссаамийд̇и ад̇т̇о.
Nāsissantiādinā cittapaṇidhiṃ dasseti. Tattha nāsissanti yaṃkiñci bhojanaṃ na bhuñjissaṃ na bhuñjissāmi taṇhāsalle mama hadayagate anūhate anuddhateti evaṃ sabbapadesu yojetabbaṃ. Na pivissāmīti yaṃkiñci pātabbaṃ na pivissāmi. Vihārato na nikkhameti imasmā idāni mayā nisinnagabbhato na nikkhameyyaṃ. Napi passaṃ nipātessanti mama sarīrassa dvīsu passesu ekampi passaṃ kāyakilamathavinodanatthaṃ na nipātessaṃ, ekapassenapi na nipajjissāmīti attho.
д̇асса мзвам̣ вихарад̇од̇и д̇асса мз звам̣ жид̇д̇ам̣ бан̣ид̇хааяа д̣̇ал̣хавийрияаад̇хидтаанам̣ гад̇ваа вибассанаануяог̇авасзна вихарад̇о. басса вийрияабараггаманд̇и вид̇хинаа ийраяид̇аб̣б̣ад̇о ‘‘вийрияам̣’’ барам̣ таанам̣ аггаманад̇о ‘‘бараггамо’’д̇и жа лад̣̇д̇ханаамам̣ уссол̣хийбхууд̇ам̣ вааяаамам̣ басса ж̇аанаахи. яасса банаанубхаавзна маяаа д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасананд̇и вуд̇д̇ад̇т̇амзва.
Tassa mevaṃ viharatoti tassa me evaṃ cittaṃ paṇidhāya daḷhavīriyādhiṭṭhānaṃ katvā vipassanānuyogavasena viharato. Passa vīriyaparakkamanti vidhinā īrayitabbato ‘‘vīriyaṃ’’ paraṃ ṭhānaṃ akkamanato ‘‘parakkamo’’ti ca laddhanāmaṃ ussoḷhībhūtaṃ vāyāmaṃ passa jānāhi. Yassa panānubhāvena mayā tisso vijjā anuppattā, kataṃ buddhassa sāsananti vuttatthameva.
бажжаяад̇т̇зраг̇аат̇ааван̣н̣анаа нидтид̇аа.
Paccayattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. бажжаяад̇т̇зраг̇аат̇аа • 2. Paccayattheragāthā
