| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
11. бажчааж̇аад̇абажжаяанид̣̇д̣̇зсаван̣н̣анаа
11. Pacchājātapaccayaniddesavaṇṇanā
11. бажчааж̇аад̇абажжаяанид̣̇д̣̇зсз бажчааж̇аад̇аад̇и яасса гааяасса бажжаяаа хонд̇и, д̇асмим̣ уббаж̇ж̇ид̇ваа тид̇з ж̇аад̇аа. бурзж̇аад̇ассаад̇и д̇зсам̣ уббаад̣̇ад̇о батамад̇арам̣ ж̇аад̇асса ж̇аад̇игкан̣ам̣ ад̇иггамид̇ваа тид̇иббад̇д̇асса. имасса гааяассаад̇и имасса жад̇усамудтаанигад̇исамудтаанигабхууд̇аубаад̣̇ааруубасан̇каад̇асса гааяасса. зд̇т̇а жа д̇исамудтаанигагааяод̇и аахаарасамудтаанасса абхаавад̇о б̣рахмабаарисаж̇ж̇аад̣̇ийнам̣ гааяо взд̣̇ид̇аб̣б̣о. аяамзд̇т̇а баал̣иван̣н̣анаа. аяам̣ бана бажчааж̇аад̇абажжаяо наама сан̇кзбад̇о табзд̇ваа ааруббавибаагз авасзсаа жад̇убхуумагаа аруубагканд̇хаа. со ж̇аад̇ивасзна гусалаагусалавибаагагирияабхзд̣̇зна жад̇уд̇хаа бхиж̇ж̇ад̇ийд̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
11. Pacchājātapaccayaniddese pacchājātāti yassa kāyassa paccayā honti, tasmiṃ uppajjitvā ṭhite jātā. Purejātassāti tesaṃ uppādato paṭhamataraṃ jātassa jātikkhaṇaṃ atikkamitvā ṭhitippattassa. Imassa kāyassāti imassa catusamuṭṭhānikatisamuṭṭhānikabhūtaupādārūpasaṅkhātassa kāyassa. Ettha ca tisamuṭṭhānikakāyoti āhārasamuṭṭhānassa abhāvato brahmapārisajjādīnaṃ kāyo veditabbo. Ayamettha pāḷivaṇṇanā. Ayaṃ pana pacchājātapaccayo nāma saṅkhepato ṭhapetvā āruppavipāke avasesā catubhūmakā arūpakkhandhā. So jātivasena kusalākusalavipākakiriyabhedena catudhā bhijjatīti evamettha nānappakārabhedato viññātabbo vinicchayo.
звам̣ бхиннз банзд̇т̇а бан̃жавогаарабхавз уббаннам̣ жад̇убхуумагагусалан̃жа агусалан̃жа уббаад̣̇агкан̣ам̣ ад̇иггамид̇ваа тид̇иббад̇д̇асса жад̇усамудтаанигад̇исамудтаанигаруубагааяасса бажчааж̇аад̇абажжаяо ход̇и. вибаагзби табзд̇ваа бадисанд̇хивибаагам̣ авасзсо гаамааважараруубааважаравибааго д̇ассзва зганд̇зна бажчааж̇аад̇абажжаяо ход̇и. логуд̇д̇ароби бан̃жавогаарз уббаннавибааго д̇ассзва бажчааж̇аад̇абажжаяо ход̇и. д̇збхуумагагирияааби бан̃жавогаарз уббаннаава вуд̇д̇аббагаарасса гааяасса бажчааж̇аад̇абажжаяо ход̇ийд̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Evaṃ bhinne panettha pañcavokārabhave uppannaṃ catubhūmakakusalañca akusalañca uppādakkhaṇaṃ atikkamitvā ṭhitippattassa catusamuṭṭhānikatisamuṭṭhānikarūpakāyassa pacchājātapaccayo hoti. Vipākepi ṭhapetvā paṭisandhivipākaṃ avaseso kāmāvacararūpāvacaravipāko tasseva ekantena pacchājātapaccayo hoti. Lokuttaropi pañcavokāre uppannavipāko tasseva pacchājātapaccayo hoti. Tebhūmakakiriyāpi pañcavokāre uppannāva vuttappakārassa kāyassa pacchājātapaccayo hotīti evamettha paccayuppannatopi viññātabbo vinicchayoti.
бажчааж̇аад̇абажжаяанид̣̇д̣̇зсаван̣н̣анаа.
Pacchājātapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
