| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
2. පච්‌ඡාසමණසුත්‌තං
2. Pacchāsamaṇasuttaṃ
112. ‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො පච්‌ඡාසමණො න ආදාතබ්‌බො. කතමෙහි පඤ්‌චහි? අතිදූරෙ වා ගච්‌ඡති අච්‌චාසන්‌නෙ වා , න පත්‌තපරියාපන්‌නං ගණ්‌හති, ආපත්‌තිසාමන්‌තා භණමානං න නිවාරෙති, භණමානස්‌ස අන්‌තරන්‌තරා කථං ඔපාතෙති, දුප්‌පඤ්‌ඤො හොති ජළො එළමූගො. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො පච්‌ඡාසමණො න ආදාතබ්‌බො.
112. ‘‘Pañcahi, bhikkhave, dhammehi samannāgato pacchāsamaṇo na ādātabbo. Katamehi pañcahi? Atidūre vā gacchati accāsanne vā , na pattapariyāpannaṃ gaṇhati, āpattisāmantā bhaṇamānaṃ na nivāreti, bhaṇamānassa antarantarā kathaṃ opāteti, duppañño hoti jaḷo eḷamūgo. Imehi kho, bhikkhave, pañcahi dhammehi samannāgato pacchāsamaṇo na ādātabbo.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො පච්‌ඡාසමණො ආදාතබ්‌බො. කතමෙහි පඤ්‌චහි? නාතිදූරෙ ගච්‌ඡති න අච්‌චාසන්‌නෙ, පත්‌තපරියාපන්‌නං ගණ්‌හති, ආපත්‌තිසාමන්‌තා භණමානං නිවාරෙති , භණමානස්‌ස න අන්‌තරන්‌තරා කථං ඔපාතෙති, පඤ්‌ඤවා හොති අජළො අනෙළමූගො. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො පච්‌ඡාසමණො ආදාතබ්‌බො’’ති. දුතියං.
‘‘Pañcahi, bhikkhave, dhammehi samannāgato pacchāsamaṇo ādātabbo. Katamehi pañcahi? Nātidūre gacchati na accāsanne, pattapariyāpannaṃ gaṇhati, āpattisāmantā bhaṇamānaṃ nivāreti , bhaṇamānassa na antarantarā kathaṃ opāteti, paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato pacchāsamaṇo ādātabbo’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 2. පච්‌ඡාසමණසුත්‌තවණ්‌ණනා • 2. Pacchāsamaṇasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-4. කුලූපකසුත්‌තාදිවණ්‌ණනා • 1-4. Kulūpakasuttādivaṇṇanā
