| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. པཙྪཱསམཎསུཏྟཾ
2. Pacchāsamaṇasuttaṃ
༡༡༢. ‘‘པཉྩཧི, བྷིཀྑཝེ, དྷམྨེཧི སམནྣཱགཏོ པཙྪཱསམཎོ ན ཨཱདཱཏབྦོ། ཀཏམེཧི པཉྩཧི? ཨཏིདཱུརེ ཝཱ གཙྪཏི ཨཙྩཱསནྣེ ཝཱ , ན པཏྟཔརིཡཱཔནྣཾ གཎྷཏི, ཨཱཔཏྟིསཱམནྟཱ བྷཎམཱནཾ ན ནིཝཱརེཏི, བྷཎམཱནསྶ ཨནྟརནྟརཱ ཀཐཾ ཨོཔཱཏེཏི, དུཔྤཉྙོ ཧོཏི ཛལོ༹ ཨེལ༹མཱུགོ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ པཙྪཱསམཎོ ན ཨཱདཱཏབྦོ།
112. ‘‘Pañcahi, bhikkhave, dhammehi samannāgato pacchāsamaṇo na ādātabbo. Katamehi pañcahi? Atidūre vā gacchati accāsanne vā , na pattapariyāpannaṃ gaṇhati, āpattisāmantā bhaṇamānaṃ na nivāreti, bhaṇamānassa antarantarā kathaṃ opāteti, duppañño hoti jaḷo eḷamūgo. Imehi kho, bhikkhave, pañcahi dhammehi samannāgato pacchāsamaṇo na ādātabbo.
‘‘པཉྩཧི, བྷིཀྑཝེ, དྷམྨེཧི སམནྣཱགཏོ པཙྪཱསམཎོ ཨཱདཱཏབྦོ། ཀཏམེཧི པཉྩཧི? ནཱཏིདཱུརེ གཙྪཏི ན ཨཙྩཱསནྣེ, པཏྟཔརིཡཱཔནྣཾ གཎྷཏི, ཨཱཔཏྟིསཱམནྟཱ བྷཎམཱནཾ ནིཝཱརེཏི , བྷཎམཱནསྶ ན ཨནྟརནྟརཱ ཀཐཾ ཨོཔཱཏེཏི, པཉྙཝཱ ཧོཏི ཨཛལོ༹ ཨནེལ༹མཱུགོ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ པཙྪཱསམཎོ ཨཱདཱཏབྦོ’’ཏི། དུཏིཡཾ།
‘‘Pañcahi, bhikkhave, dhammehi samannāgato pacchāsamaṇo ādātabbo. Katamehi pañcahi? Nātidūre gacchati na accāsanne, pattapariyāpannaṃ gaṇhati, āpattisāmantā bhaṇamānaṃ nivāreti , bhaṇamānassa na antarantarā kathaṃ opāteti, paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato pacchāsamaṇo ādātabbo’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. པཙྪཱསམཎསུཏྟཝཎྞནཱ • 2. Pacchāsamaṇasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༤. ཀུལཱུཔཀསུཏྟཱདིཝཎྞནཱ • 1-4. Kulūpakasuttādivaṇṇanā
